نسختي الرمادية

حلقة 6

#نسختي_الرمادية 🖤✍ حلقة 6
أعزائي قبل متقرو حطو لايك👍 وكومنتات💬 للدعم .. تشجيعكم هوا اللي يعطي فيا ف باور بش نكمل🔥👌🏻

السرد 👇🏻

فقت تاني يوم ،، قعدت ف مكاني نتأمل فالسقف وامي ناضت مش بحداي ،، قعدت نقول لو بابا يموت كيف حيكون مصيري؟!! هوا توا ومعش يقدر يدافع عليا يا بال يخليني 🥺 قعدت نستغفر ونطلّع فهالأفكار من راسي

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

خشلي زيد قالي صباح الخير شني حالك باهي اليوم؟؟ قتله الحمد لله
قالي انزلي افطري قتله مخاطريش ،، وبعد جهد جهيد نوضني بالغصب 😅
نزلت قعمزت عالطاولة وصبحت على أمي و حطتلي فطور ،، خديت حليب وتمرة وخلاص .. نسمع ف امي عالموبايل تكلم ف بوي وتقوله ايه فطرت ..
فات نص اليوم و كان عادي منغير ما نشبح معتصم اللي راقيله وحرجان 😑 ،، امي تكلم فيه تقوله تعالى تغدا وهوا يقوللها منبيش ومعش بنقعدلكم بنمشي نرجع نسافر ،، قلت فخاطري يا ريت تسافر وتعتقني
قعمزت أمي مقابلي وقعدت تلوم على رحمة ،، كيف تكتبلك حبي ومتصلة بيك من رقم غريب ،، حتى هيا مشاركة 😤 قلتلها يما خيرني نتصل بيها من رقم زيد لما معنديش رصيد وعادي ترد عليا وخوتها مدارولهاش مشكلة ؟!! خيرهم ؟!! مش رجالة ولا مش خايفين على اختهم؟!!
تعرفي علاش !!
لأن معندهاش خو خراء زي اللي عندي راكبه الخنس والوسواس من كل حاجة ،، امي قعدت تكشخ وقتلي عيب خوك اكبر منك
قلتلها معنديش خو زي هوا 😭 أني خوتي مالك و زيد وبس 👌🏻رقم ام رحمة نعرفه تكلم فيا بيه مرات غر اني مش مخزناته ،، كان خلاني شفته راهو قتله ان رقم ام رحمة لكن هوا طاح فيا طول ضرب 😤
امي قعدت ساكتة .. 😞
قلتلها ديما ادافغي عليه و على حسابي 😭 ركبت راقيلي
وكالعادة الأخ الكبير لما يزعل يقعد يتغلى والمطلوب منك انتي انك تتنازليله مهما غلط فيك ،، وكأنك انتي متسوي شيء ومشاعرك وكرامتك مش مهمات ،،
قعدت نتفرج من الروشن نشبح ف ضياء جايب باكوات بيتزا وخاش بيهم للملحق قعدت نقول هوا هذا دروحه ميبيش ياكل وامي تتجدا فيه عالغداء وهو ضاربها ماكلة من برا 😒
،،،،،،
نزلت مع المغرب لقيته مقعمز بحدا بوي وأمي يتناقشو على قصة الورث والتطورات الجديدة،، قعد يقول بوي ان اجلو موضوع القسمة بالاوراق القانونية لبعد عرس بنت عمي منى لكن كل واحد ثبت مكانه ،،
مشى قالي معتصم جيبيلي ورقة وبيرو ،، شبحتله من فوق ولوطة وقتله متدويش معاي 🤨 قاللي قليلة رباية
بوي قالي اسمعي كلام خوك وبري جيبي ورقة وبيرو ،،😡 قتله اللي يمد يديه عليا مش خوي .. خوتي مالك و زيد وبس 😤 ورجعت لداري نبكي
هكي طول نسو شن دار فيا ؟؟
ليش متعاقبش ؟؟
ليش تخلو فيه يزيد يتمادى 😭؟
نسمع فيه يعيط من لوطة ويقول لبوي ،، ماهو كله منكم دلعتوها لين فسدت وتبي تركب علينا 😡😡
قتله فخاطري انبح 😤 بوي يقوله خليها حتى انت مش هويّن
--
----
-------
------------
•• عندي عزة نفس تخليني منتحملش مثقال ذرة اهانة 🍂 كلمتي لما نعرفها الصح حنقولها ولو على قطع رقبتي 👌🏻 فالحق منعرف حد 😒 لا أب لا أم لا حد كبير لا حد مسؤول ،، نجيك بأسلوب ،، لكن بتغلط معاي حتخلّص ✋🏻