نسختي الرمادية

حلقة 29

#نسختي_الرمادية 🖤✍ حلقة 29

جت العشية ..
امي مشت للعزاء واني قعدت مقعمزة بحدا جداي نتفرجو ع تلفزيون ،، ف يدي التيليفون نتصفح ف الأخبار ونشوف ف خبر حاتم وصورته اللي منزلينها فالصفحات كيف الكلاب تهنتش فيه ..
الناس كلها تترحم عليه واللي يشكر واللي يذم .. واللي نازل فالبلاد ويشكي من الأمن والأمان اللي فاقدينه ..

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قعدت نتأمل ف صورته 🥺 محسيتش بالشفقة ناحيته نهائي ..
لا شيراز قلبك أكبر من هكي .. خلاص هو مات .. مستحيل تحقدي على حد ميت 💔..
بس لو كنت مكانه وخطفني واعتدى عليا ولوحني ف مكب القمامة زعما الناس حتبررلي زيه ويقولو مخطوفة ؟؟!!
ولا حينزلو فيا ويبدو يشوهو ف سمعتي ويقولو ماشية برجليها !! 🤷‍♀️ ..
سكرت تيليفوني وقعدت نتعوذ من الشيطان الرجيم ..
مسامحاتك يا حاتم قدام ربي ... 👌🏻
و عند الله تجتمع الخصوم ، وأني منبيش نشوف وجهك غادي لأنك متعنيلي شيء 🔥✌🏻
ربي نصفلي حقي ،؟ والحمد لله 😌💜
دقايق حتى ربي نزل على قلبي السكينة والراحة .. حسيت ب طاقة التسامح تسري ف جسدي .. بعكس لما كنت مغلولة عليه ..
قداشني طيبة وقداش ما كبيرة ف عيني 🙈❤
نحبك على معدنك النادر .. و على نيتك الصافية ..
،،
،،،
مفيش احسن من لما تحب ذاتك وتتشكرها ،، ومتراجيش حد يقيمك لأنك عارف روحك شنو ✌🏻💜

روحت امي وقعدت تحكيلنا عالتفاصيل واني استقبلت كلامها بكل رحابة صدر ..
قالتلنا مقدروش يجيبو جثمانه للحوش .. طول رفعوه للمقبرة من كتر ما متشوه وريحته طالعة ..

اللهم نسألك حسن الخاتمة 🤲🏻❤ .. 😌

لو كان يرجع بيه الوقت .. زعما حيتوب ويستر عليا ؟؟!!
زعما حيمسح مقاطع ال18+ اللي ف جهازه .. ويحط ربي بين عيونه ؟!!
زعما عرف قيمة الدنيا بعد ما خسرها ؟!!!

عاهدت نفسي نكون قريبة من ربي ومنموتش الا و نكون جاهزة من غير ما نندم على ذنب ،، أو خطأ ،، أو سلوك ..
يا رب اهديني سبيل الرشاد 🤲🏻❤ وتوفني مع الأبرار 🤲🏻❤

فات الأسبوع الأول ..
ما حد جي شاف جداي حتى بالكذب ..
مرت عمي الصديق اتصلت مرة وحدة بيها وقالت بنت خوي عندها لمة جايبة بنمشي نساعدهم .. وخايفة من عمتي عُلا تلوم عليها لان ولد اختها مريض ..
امي قعدت تساير فيها وخلاص 🤷‍♀️ .. عارفتهم يفكرو ف رواحهم وميحسو بمصيبة حد ..

نتصلو بعمتي تقول تاعب وان شاء الله خير ..💔

و معتصم منطوي على روحه .. لا ياكل لا يشرب .. وخدمته يمشيلها بالسيف 💔 ..

قعدنا مكسدين بحدا جداي فالجنان ..
اتصلت بيا رحمة .. قتلي تمنيتك جيتي مع رويدة وعولتي معاي فالفضانية 💔
قلتلها سامحيني يا وخيتي 😭 والله قلبي معاك لكن الله غالب 💔
قتلي صحيتي عالترافل وعالعصير .. والله ما كنت نبي نتعبك ..
قلتلها ولو ❤🙈 .. الترافل خدمتهولك بروحي ..
قتلي دقت منه بنته مش عادية .. ان شاء الله نردهولك ف فرحك ..
قلتلها مزااااال .. مزاااال
قتلي سكري فمك .. معش تقولي هكي 😤 تو يجيك اللي يستاهلك 😍👌🏻
قلتلها اللي عند ربي مش بعيد .. 😌💜 ..
وكيف بنسكر من رحمة مش معاوية عالانتظار 📲