نسختي الرمادية

حلقة 24

#نسختي_الرمادية 🖤✍ حلقة 24
قلبي بيطيح ،، ويديا يرعشو ،، ووجهي أسود 😰
نفكر كيف بنتلفت وبنواجه موتي 💔

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قعد زيد يكلكس فالسيارة وأني فثواني حتى من قبري تخايلته 💔😭
واقفة مش قادرة نتحرك وزيد طلع راسه من روشن السيارة وقالي تي هيااااا اركبي 😡 ..
قعدت نمشي ونخض مع بعضي .. نرجف 😣
فتحت باب السيارة بيدي اللي ترعش وفشلت😥 ورجع تسكر مني .. مشى فتحهولي من داخل ..
قالي تي خيررررك افتحي الباب زين .. جتني اني زي الدوخة وقعدت متكية عالسيارة .. مشى طلعلي وجي ناحيتي وركبني فالسيارة..
قالي هذا هو قرايا ليل ونهار .. لا ماكلة لا دينمي تحطي فاها ف فمك 😑.. شوفي وجهك كيف رايح

أني ف خاطري اااااه حسيت بهواء طلع من فمي 😌 الحمد لله اللي سترتني🤲🏻
لكن شن حندير قدام ولد جيراننا وكان يفرمط فيا ويشهدر بسمعتي 😭😭
من كتر ما متوترة زاد ما راسي لف بيا .. لين حسيت روحي بنستفرغ وقعدت نمسك فيها بش منرجعش على حوايجي 🤢
قالي والله ما وقته يا شيراز ... تحملي لين نطلع من الطريق ..
قبل ما بنخش من فتحة الكياس طلعت عليا سيارة قريب ودرتني 😤
اني نسمع ف صوته وبالي ف همي .. وبطني واعصاب معدة وكبدي تلعب ..
درس على السيمافرو واني خلاص معش قدرت نتحمل فتحت الباب واستفرغت 🤢 ..
لين وجهي بدا احمر وعرقت مع بعضي ...
قعدت نكابر طول الطريق ،، وزيد يلقي عليا ف محاضرات ع الماكلة وان نقلل من حرق اعصابي فالقرايا ..
تي ياريت همي جي فالقرايا وبسس .. ياريت 😭💔

••▪ سبحان من خلى حد يسكر عليه الطريق ويعطل ثواني بش ننزل من سيارة بشير وننستر 💜
سبحانك ربي🤲🏻 حتى فالمعاصي سترتني🥺
نوعدك نغير من نفسي .. المهم طلعني من الدوامة اللي اني فيها 😣
خشينا لشارعنا ودرسنا قدام بوابة الفيلا ..
نشبح ف معين واقف عليه ولد جيرانا حاتم وسيارة اللي كنت راكبة فيها 💔😰
قعد زيد يكلم ف حاتم ومعين ويضحكو .. وجت عيني ف عينه ..
ااااخخخخي 💔💔
تمنيت نموت 😭😭 كرهتك يا بشير كرهتك 😭😭 ..
قالي زيد انزلي مزال عندي مشوار .. واني نقوله لا دخلني الداخل..
بس مكانش كله زي ما كنت نبي ..
نزلت من الباب .. حاتم مرة مرة يخطف مني ف شبحات ..
واني عيوني مقدرتش نقيمهم 💔 .. نزلت واني نكر ف رجليا بالسيف لين خشيت من البوابة .. وناضت عليا كبدي ولعبت بيا .. طحت واني نرجع ف مرار .. روحي بتطلع خلااااااص ..

----
--------
-------------
خشت امي لداري حطتلي نعناع مغلي وفسطه عسل ،، نحس بتقلصات وبطني تحرق 😣 ..
قتلي امي ياسرك من القرايا ومعش تحرقي اعصابك ..
قلتلها ان شاء الله ..
حطتلي مقة النعناع وطلعت .. ورجعت لدموعي ..😭😭
ساعة قريب المغرب توا ..
روحي متضاربة ،، و حاسة بثقل شديد للغاية ..
شي يخنق فيااااا .. مش راضية على نفسي ولا راضية على عيشتي 💔 جتني زي النوبة حسيت قلبي بيتفجر من كثر دقاته .. قعدت انادي على امي وصوتي هارب.. لين طحت من عالسرير 💔 ...