نسختي الرمادية

حلقة 32

#نسختي_الرمادية 🖤✍ حلقة 32

جي تاني يوم ..
و لأنه عطلة قعدت ف سريري مكسدة ،، فعّلت الفايبر بجهازي ودرت رقم معاوية بش نشوفه امتى آخر ظهور 😁 ... طلعلي منذ شهر 😳 ..
شوره معش يدور فيه الفايبر 🤔 .. اااح يلا 💔

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

نضت صليت ونزلت لقيت امي مهناش ،، اكيد مشت عند جداي 🤷‍♀️ ..
درت فطوري وقعمزت فالجردينة ،، اتصلت رحمة قلتلها غريبة نايضة بكري ..
قتلي ماهو فراس بيجي اليوم خيرك 😑
قلتلها اششيه الفالحة نايضة بكري و توتي من الصبح🤪
قتلي تو تنخطبي ونشوفك شن حتديري بعدين 😑 اسمعي نبيك ترفعيني للساحل بناخد كيكات .. قلتلها باهي .. امالا البسي عبايتك واطلعي ..
قتلي كلمت رويدة متردش واتصلت بامها متردش ..
قلتلها فالشك يخلوها تطلع مشوار فالصبح ومفيش دوام قرايا .. غر هيا خفي لأن بنمشي لجداي ..
قتلي تمام ..
اتصلت بامي عطيتها علم وخطمت على رحمة ومشينا للعالم خدت حاجات الحلو ورجعنا ..
درست قدام باب حوشهم وقلتلها اسمعي ،،!!!
قتلي نعم
قلتلها قسما عظما مزال تعاركيه وتقعدي تأجلي فالعرس الا ما ندفنك 😡👌🏻 يقولك غدوة تقولي حاضر حبيبي وانتي ساكتة 😤
طول نطت فيا و قتلي .. منقدرش نقرا ونركز ،، و اني فاتحة حوش وراجل ومسؤوليات .. 😤
قلتلها عالاساس توا وانتي فحوش اماليك مضميش ومتطيبيش ومتغسليش ومتقريش .. يا بقرة توا بنبدا نخرط اني 😤 ع الاقل تجيك ف نفر واحد ساهل .. مش عيلتك ستة نفار .. و بعتالي هو يناري مشاء الله عليه وقالك نخليك تمشي مع شيراز ولا اني نرفعك مرة مرة.. يعني خلااااص هو مساعدك ومش ضاغط عليك .. تي شن مزال سمستر هوا قرايا والجاي مشروع .. علاش تعقدي فيها ..
قتلي زعما هكي كلامك ؟ 🥺💔
قلتلها .. ايييه .. توكلي على ربي وياسرك من التعرقيل مداما الراجل شاريك ..
قتلي .. حسني اقتنعت .. وحضنتني وقتلي الفال ليك يا ربي .. ❤ قلتلها ان شاء الله 😊 ...
--
----
-------
روحت للحوش .. لقيت امي تراجي فيا ..
قتلي هديل توفت .. قلتلها شن بنديرلها 😒 .. كلنا ليها الموت ..
قتلي خليل مشى بيعزي لزوه خوتها ..
قلتلها شوره سهام كنسلت عليه يمشي يطلقها وخلاص..
قتلي امي يطلقها شنو .. و فلوسه متع الورث واخدتهم منه كلهم..
قلتلها يستاهل هذا اللي يرخي ذقنه 🤨 .. ان شاء الله ما يربح اللي كلالنا أرضنا وخدو نصيبنا ورزقنا ..
قتلي امي نتصل بمعتصم يطلعلي مقفل .. مشغولة عليه..
قلتلها تراه شحنه طافي ولا شدوه منه .. ما عنده شن بيصيرله محبوس وجوه مليح ..
قتلي هييييه 💔 .. تو اديري كبد وتو تحسي
قلتلها زي جداي دارت كبد و ياريت حتى اثمر فيهم😒
قتلي كبدك كبدك .. على قد ما يديرولك ما تقدريش تغضبي عليهم .. ادعيله ربي يهديه ويطلع بصحته ..
قلتلها الله لا تربحه على قد ما وجعني وما دارش فيا خير 😡😏 ..
قتلي هذا خوك !! 😤
قلتلها خوي زيد وبس .. وحتى هو بيغلط فيا حنفوته ..
كان الخوت ينفعو .. راهو عمامي لقو الخير ف بعضهم
و كان الكبد تثمر .. راهو جداي مش ملوحينها ولادها 👌🏻 ..
صحتي و ربي و رضاك انتي .. اما الباقي اللي يغلط يخلّص 🔥🔥
قتلي متعودتش على قسوة قلبك هكي !!
قلتلها .. اللي ريته،، خلاني نقتنع ابهكي 😔