نسختي الرمادية

حلقة 33

#نسختي_الرمادية 🖤✍ حلقة 33

وأني راقدة على سريري 💔 صدري يحرق فيا من غبرة الحوش المهجور
دورة و خشت عليا امي 😰..
شبحتلها وقلتلها خيرك ... ؟؟
..
..
..

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قتلي سلسبيل مريضة نوضي ارفعيها انتي وعمتك..
قلتلها مش كانت طالعة للمحلات امتى مرضت 😑 ..
قتلي التبست ..🥺
قلتلها التبست؟؟ كيف ؟؟ 🤨 ..
قتلي غر نوضي ارفعيها للشيخ انتي وعمتك ..
قلتلها شيخ شنو اللي بنمشيله فهالليل .. تمشي تكلم صغار خوها الصديق ..
قتلي عمتك شدت فيا متبيش تحكي لحد .. و شورها سلسبيل مريضة من مدة طويلة .. غر ساكتين .. لأن الشيخ مقايللهم مديورلها كتيبة قوية من نفس العيلة💔🔥
قلتلها لا حول ولا قوة الا بالله .. هي اني طالعة

لبست عبايتي .. ونقسملكم ب ربي نسيت اللي داراته فيا كله .. نجري من الدرج برجلي المضروبة .. ونبطم ف العباية .. والوشاح ساويته غر فالسيارة حتى من تيليفوني خليته ..
طلعت وحطيت امي قدام حوش جدي ... ونزلت درست فالجنان بش محد يشوف من العيلة .. وخشيت
لقيت سلسبيل ف وضع ..❌..!! 👌🏻
..
..
ربي يكون ف عونها و خلاص 😔

تتحرك وتتشقلب وتقول ف دوة مش مفهومة والرغوة تطلع من فمها ..
شبحتلي وفنصت فيا تفنيصة لين ركبتني القشعريرة ..
قعدت نقرا فالمعوذات بداخلي .. ومسكتها اني وعمتي اللي تبكي وتتحسب فاللي كان السبب .. وعمتي عُلا تهدي فيها ..
وجداي تشبح فينا وتبكي وتئن بصوتها 💔💔 ..
قلتلها خيرها شن جاها يا عمتي ؟؟
قتلي الله لا تربحهم اللي دارو فبنتي هكي 😭😭 الله لا تربحهم ..

قعدنا نقيمو فيها وهي بعالم تاني .. قعمزناها فالكرسي التالاني وبحداها امها ..
واني ركبت نسوق ..
عمتي عُلا راجلها قريب يجيها مش قادرة ادير موقف ..
وامي قعدت بحدا جداي ...

قلتلها نكلم معين ولا بدر يجي معانا .. قتلي متكلمي حد .. بنتي تلات سنين مريضة وميندري ولا مخلوق .. ومنبي حد يعرف ..
قلتلها تمام ..
عطتني النعتة ووصلنا لحوش الراجل .. نزلت طقطقت عليه فتحتلي بنته .. قلتلها السلام .. وسألت عالوالد
قتلي من هي الحالة .. قلتلها سلسبيل بنت فلان
قتلي استني نكلمه ..
خشت كلمت بوها .. وطلعلنا ب هركة وشعره شيب .. قاللنا تفضلو ..
خشينا واحني نشاملو فيها وقعمزنا فالصالة ..
قعد يقرا عليها وهي تعيط .. وتتصارع هي وياه ..
وقعد يتكلم بلسانها .. يقوللها الا منبهدلها .. الا ما نقتلها..
عمتي تبكي واني مسكت يدها نقوللها وحدي الله ..
{(و لا يفلح الساحر حيث أتى )}
قعد يشرب فيها ف امية مقرية بالسيف وهي ترجع ف مخاط وحاجات غريبة .. خشت بنته وف يدها البخور .. قعدت تعيط تعيييط لين هدت ..
سكت الشيخ شوية .. وقاللها هادي مجددينهالها و احتمال ملوحينهولها فقبر منسي ..
عمتي تبكي وتخبط..
قاللها عيب عليك .. متخليش روحك هكي 🤨 ..
خليك قوية ..
قالتله .. اني قعد عندي هالرويص يا شيخ 😭 .. شن اندير باااه 😭
مستعدة نعطيك اللي تبيه غر اشفيلي بنتي .. قاللها منبي الا دعوة خير .. هادي زي بنتي .. خليها تقاوم ومتسيبش الورد
قالتله ان شاء الله .. هي حتى صلاة مانعها تصلي 😣..
قاللها تو نديرلك بخور ومية ونزيدك فازو عسل واستمري عالعلاج ..
مشى شبحلي وقعد يفنص فيا .. وقالي حتى انتو حوشكم فيه حاجة .. عندكم حد مريض ..
قعدت نشبحله ومدرتش اعتبار لكلامه 😶 ..
،،
،،
،،
خدينا الدواء .. عمتي شاداته .. وأني شادة سلسبيل نقوللها اتكي عليا وهي منهارة بالكامل ..
قعدت تشبحلي وحسيت بعيونها الحسرة ،، الندم ،،، الضياع،، 🥺 ليا قريب تلاتة سنين ونص مندويش معاها بككل ..
حطيتها فالكرسي التالاني قتلي بالله سامحيني يا بنت خالي .. والله غلطت فيك .. 😭
قلتلها مدوري شيء عاد الله مصارت حاجة 😊 ..
خشت عمتي قعمزت بحداها .. وطلعنا بالسيارة ..
اتصلت بينا امي من عمتي ..
ردت علاها عمتي وقالتلها راهو رقية جت هي والصديق والبنات مكسدين هنايا .. كان هذا خلي شيراز وسلسبيل يقعدو فحوشنا ..
قالتلها عمتي ايه احسن حل ..