نسختي الرمادية

حلقة 15

#نسختي_الرمادية 🖤✍ حلقة 15

فاتت السنة

ولما فاتت ،،!! فاتت بحلوها و امرارها ،، رغم إني كرهتها كره المؤمن للجحيم👌🏻 لكن ارتسخت ف دماغي

قداش ما عانيت ،، وقداش ما تعذبت 🥺💔
كنت نقول كيف حننسى وكيف حنعيش ،،
لكن بقدرة ربي قدرت نوقف ،، رغم ان وقفتي مهزوزة 😔
بس كنت عايشة على أمل ان ربي حيعوضني كل خير رغم الظلام اللي غرقت فيه ،،
و رغم ان مافيش حاجة تثبتلي ان حتشد معاي🤷‍♀️ لكن مستسلمتش ،، كانت رغبتي فالبقاء اقوى من أي شيء 👌🏻💜

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قسمو عمامي الورثة ،، ومفتاح وصلت بيه الحقارة ان خدى ارضنا اللي عالبحر ،،
قداش ما صار عراك ،، وقداش ما كان مكتب البحث الجنائي تقول مسجلينهم فالكتيب معانا ،،🤦‍♀️
حتى لما رفعنا قضية خسرناها لأن الاوراق قعدات باسم جدي.. وجدي مات من غير ما يتنازل على حق بوي ..
قررو باقي عمامي انهم يعوضونا قدام الناس بحجة انهم مكلوش رزق يتامى وعطونا ارض اللي وراء جدي واللي فيها الحوش المهجور ..
قداش ما رقالهم خوتي ،، قداااااش
هازيين عليه الحوش القديم المتصدع ،، بالاخص ان عمامي من يومهم كانو ناويين يهدموه بس جدي كان مانعهم لانه متعلق بذكرياته الطفولية مع جداه (شيراز)

بس أني فرحت شوي وشفت للناحية الايجابية 😌❤ ،، لو خدوها عمامي ارض الحوش المهجور لكانو هدموه ،، بس اني نشبح ف جدي غاديكا كل ما مشيت ..
عطتني جداي المفتاح واحتفظت بيه ..
معتصم قال بنهدمه ،، بس اني منبيش 💔
اما امي ف تعفلقت وقالت منبو منهم شيء بعد ما كلونا .. اما زيد قال غر ينحز وضع البلاد بعتالي ساهل ..

الظروف كل مرة ب أسباب ،، ب تحديات 🔥
يا تخلي ظروفك تغلبك ،، يا تخليك كاسح 😔👌🏻
ورغم هذا كله الواحد ميندريش على خفايا ربي وشن حيصير بعدين .. 🤷‍♀️❤
جت الثورة 🇱🇾 والبلاد فاتت ببعضها والشركة متع الاستثمار الليبية وقفت المشروع .. ومبدتش فالبني ف ارضنا ..
قالوله الناس هادي نية صغار خوك ،، حتى المشروع معش صار منه والبلاد فحالة اشتباكات
قاللهم الفلوس وخديتهم ،، يبنو ميبنوش هاديكا حاجة تخصهم 😒

قرب عرس سراج وسوسن ،،
رغم حتى عمي الصديق دارلنا عفسات بس لانه عمنا الكبير قعدنا نجاملو فيه ،، بس باقي العيلة كلها ❌
جداي لما نمشو نشوفوها بالتيليفون ،، لما منلقو عندها حد نمشولها ولا نجيبوها .. كانت عايشة معانا ومرتاحة اكتر حتى من حوشها اللي سكنت فيه عمتي فطوم المطلقة ..
،، راجلها بعد ما سمع بورثتها قعد يدحنسلها ودروحه استاحشها و ان ناس كانو مدايرينله خطين ،، لكن عمتي دارت قلب ومعطاتاش وجه ..
ومن حقها متعطيشي وجه من ثروتها اللي بدت راقدة عليها ..🤷‍♀️🙂
عاد بدت تخدّم فيهم ودارت سيارة وجداي مسد جدي كانت هاملاته و توا جي دور جداي اللي بدت صحتها كل يوم للخلف 💔😔،،