نسختي الرمادية

حلقة 22

#نسختي_الرمادية 🖤✍ حلقة 22

روحت لحوشنا ،،،

الوقت ميسدنيش ان نقيل،، دوبك وتيت لبستي وخشيت للدوش ولبست ،،
تسنيم كل شوي تتصل على رقم ماما وتقولي راهو بشير كلمني بيجيك غادي بش تتلاقي معاه ..
واني نرد عليها بخوف ونشبح لأمي اللي لاهية فالضمان

-----
------
----------

اتصلت تسنيم وقتلي اطلعي ،، نزلت من الدرج لقيت امي مقعمزة تتفرج ومعتصم يشبح للبستي ووجهي 🤨
قالي هاتيه تيليفون أمك..
مديتهوله ..
قلتله امي : خليه عندها بش نتطمن عليها
قاللها بتمشي تقرا وتروح هيا .. كان فيه حاجة اتصلي بيها من رقم البنت 😒..
مبيتش نكتر معاه الكلام ،، طلعت لقيت تسنيم وامها خديجة .. سلمت عليها وقعدت تسنيم تشكر فيا وفقرايتي..
طول الطريق وخديجة توصي فيا على بنتها ،، ردي بالك عليها وساعديها فقرايتها ومتخليهاش بروحها .. ومتطلعوش لين تجاوبو مع بعض..
من كتر ما حسستني ان بنتها واااو وحريصة عليها هلبا لين خلتني نشمئز .. 😷🤢
شن هذا ؟ حتى امي اللي ربة بيت ومش ابلة زيها ما دارتلي هالدير !!
تسنيم: واااك خيط سبيدروي انفتح 😡
خديجة: وسعي بالك نسوق توا ..
تسنيم: من الاول قتلك الخيوط ميمشوش معاه.. دبريلي نبي سبيدرو جديد.. 😤
خديجة: تي تحشمي صاحبتك اول مرة تركب معانا 🤨 اونا عندك شوق سبيدروات يا بهيمة ..
تسنيم: وينهم اااه وينهم .. اشريلي نبي واحد جديد😤
خديجة: نسوق اني توا لما نوصل تو نربطهولك.. محد قالك خوديه بلا خيوط .. والله يا شيراز ع قد ما قلتلها خودي سبيدرو تاني عشقتلي ف هذا قتلي هو والموت .. وخدتله خيوط ملونة بش كل مرة تركبله لون .. واهو توا طلع مش عاجبها .. شريتهولها ب 50 جنيه غلى مغلي 😡
اني لما قتلي بخمسين غلى مغلي ضحكت 😂
وقفنا قدام حوش اميرة وكانت معاها نور .. طول الطريق وهما يضحكو ويتكلمو بالالغاز ..
حطتنا امها قدام المركز وخشينا ..
قعدنا نستنو ف صالة الرسبشن .. قلتلهم امتى بنخشو
قتلي نور مزاااال 😂😂
قلتلها شن مزاااال🤔
قتلي تسنيم .. الحصة تبدا ساعة 3 ونص ..
قتلها قصدك بنراجو ساعة وربع احني 😱 ماهو خليتوني نرقد..
قتلي اميرة تي بنطلعو نتدهورو فالبلاد 😍 بيجيني واحد قالي حنغديك..
قلتلهم وكان ابلة خديجة تشوفنا ..
تسنيم : تي لالا اكيد مشت .. اهو نقعدو شوية ونطلعو
قلتلهم لا لا اعفوني 😭
قتلي تسنيم اهو بشير يتصل خن نشوفه
ردت عليه وقتله ايه وصلنا .. وانت؟؟ اه باهي باه .. ايه بحداي 😊 خلاص توصل كلمنا تو نطلعو
اني حسيت روحي برانية كيف ينسقو مع بعض من غيري .. وقعادي قعد اخخي بلا تيليفون .. الغيرة ركبتني و منحبش حد يقرب من حاجتي
اني قعدت ساكتة نغلي مبيتش نسألها ولا على اي حاجة..
اما البنات كل وحدة تفكر ف اما مطعم او كافي تمشيله..
شوية واتصل بشير ردت عليه تسنيم وقتله اهو طالعين..
اميرة : واحني منو بينا بيرفعنا😤 والله معندي جهد نكعّب
تسنيم : تي كلنا بنطلعو جميع🙃
قلتلهم تي وين بنطلعو 😳
طلعنا من البوابة لقيت سيارة بشير ..
تسنيم قالتلنا اركبو فيسع .. وهي ركبت من الخلف ..
خشت نور وخشت اميرة وخلولي المقعد الامامي ..
اني انجلطت 😳😱 وقعدت نلكلك .. نشبح لبشير وبشير يقولي هيا اركبي ..😊
طلعو ولاد وقعدو يشبحولنا .. بشير فنصلي قالي اركبي
اني خفت لا يحسو الولاد بحاجة .. قربت جيهة الباب فتحلي بشير وركبت وقلبي عاصرني😣 ..
قعدنا نشبحو لبعض ومتحشمين ❤
قعدت متنطرة لنهاية الصالون .. ساوى بشير المرايا وقالي ارخي روحك..
شبحت ع يساري وسرحت بيه ،، اللي قدامي حلم؟؟ ولا حقيقة ؟؟ ❤❤
غمزلي وطلع لسانه😉 وطلعنا بالسيارة ..
قتله تسنيم حطنا احني هنايا ..
نزلو وخلونا برواحنا ..
قالي وين نقعمزو ..؟
قتله أ أ أ منعرفش ☺ أ أ أ .. خلينا حتى هنايا بالسيارة
قالي لالا متجيش .. تو نشوفو مكان نقعمزو فيه
كمل طريقه وساق لين وصلنا لكافي .. قالي انزلي ..
قلبي يدق بقوة من كتر متحشمة ❤ بس #راجلي بحداي
نزلنا وكنا قرااااب من بعض ،، نمشو عالرصيف مع بعض ركبنا للدرج وخشينا ..
قعد واقف وجبدلي الكرسي قعمزت ،، وقعمز مقابلني ❤
نشبحو لبعض ومش مصدقين ..
قالي خيرك من بكري ساكتة 😍😊 احكي
قتله نحس فروحي نحلم 😣❤
قالي حتى ني مش مصدق ☺❤ وأخيرااااا ....
جانا القرسون وحطلنا المنيو ..
قعد يشبحلي وقالي شن تبي .. قتله اللي تبيه انت
قالي ناخدو كابتشينو ؟!! قتله عادي ☺
طلبنا .. وقعدنا نحكو ونهدرزو
ومررة مرررررة نلقى يده ماسكة يدي .. غمضت عيوني ولوهلة تمنيت الوقت يوقف ونقعدو اني ووياه وبس 🔥❤😍
كل طاولة فيها اتنين اتنين ..
هداكا جايب باقة ورد لحبيبته وهذاكا ماسك يد حبيبته من تحت الطاولة .. وهديكا ذايبة ف حبيبها وفرحانة بشوفته .. واني نحس بفرحة مش سايعتني
قالي قاعدة زعلانة ؟
قتله اييييه .. 🥺
قالي .. نوعدك معش نزعلك
قتله وعد؟؟؟ وعد حبيبي ؟؟
قالي خلاص ❤ ومسك يدي بقوة وصوابعه تتخلل ف صوابع يدي .. بضغطة يده حسيت بالأمان اللي فاقداته .. بالتعويض ..
جاب القرسون القهوة ☕ مسك يدي وحط صبعي فيها
قتله شن ادير 🙈❤
قاللي بش تطلع القهوة حلوة زيك 😉
اني نزلت عيوني وابتسمت..
طلع جهازه ودرنا سلفي مع بعض.. وصور يدي ويده..
قتله وريني .. كان جهازه مشقق ومكسر ..
قعد متلبك وقالي طايح مني .. 😅 حسيته متشحم من جهازه القديم .. قتله ديما وانت طايح منك جهازك ماك متحافظش 🙃 .. لكن تصويرك حلو يجننننن ❤
قالي بجديات ؟ 😥
قتله اييييه حبيبي 😘 ...
شبح لساعتي قالي محلاها .. لقيته لابس ساعة جديدة قتله حتى انت ساعتك حلوة .. 😘
سكتت شوية .. وقتله تعرف نحس ف روحي عطلت ..
قالي خلاص هاكي كلمي صاحباتك خن نحطكم فالكورس..
قتله تمام.. اتصلت ب تسنيم قتلي هاه حبي ..
قلتلها نعم 🤨.. حسيت بنبرة صوتها تغير 😥
قتلي هاه حبي كملتو .. هياااا وقت ..
قلتلها اهو احني جايين .. 😒
طلعنا .. ونزلنا من الدرج وركبنا فالسيارة ..
مسك يدي وباسها حطيت يدي التانية ع راسه نمسحله ف شعره.. قالي نحبك ❤
قتله مش اكتر مني ☺ ..
حط يدي ع خده وقعد يبوس فيها قالي لا اني اكتر منك 😘 وقعد يعض فيها..
قتله أي 😣
قالي بنديرلك ساعة .. 😜
قعد يسوق ويطبس يعض ف يدي واني نضحك عليه.. وصلنا فالبنات كلمتهم جو بيركبو فالسيارة ..
ضغط ع يدي وفلتها .. وهما خشو ركبو
حطيت راسي التالي ومشيت فيها ،، مشى قالي ساوي تقعميزتك ..
استغربت .. و وعدلت جلستي لين وصلنا للمركز ..
نزلو البنات وقعدت تسنيم تقوله جبتلها تيليفون ..
بشير: أ أ أ والله واتي غر الشفرة نسيت مخديتهاش نراجي فيها من المحل😅..
تسنيم: ايه بش تقعدو تكلمو ف بعض،، سادني حاصلة فيكم 😁
اني نشبحلها كيف واقفة عالروشن تهدرز وقلتلها شوية ونلحقكم ..😑
خشت مع البنات واني واقفة عالروشن طلعلي يده مسكتها وقتله دير بالك على روحك بشورتي 😘😘
قالي حتى انتي يا عسل 😋😘 ضغطت ع يده بقوة قعد يشبحلي ومتشحم من جرأتي .. وخشيت مع البنات ..
لقينا المحاضر جاي ليه ربع ساعة يشرح..
خشينا واني نحاول نركز فالدرس وهما شادينها تهدريز لين روحنا ..
جتنا ابلة خديجة ركبنا كلنا ..
قالت شنو حفظتو كويس..
تسنيم: يا سلام 😁
ابلة خديجة: ركزو ف قرايتكم .. امتحاناتكم قريب ..
قلنالها ان شاء الله ..وصلنا اميرة ونور وكملنا طريقنا لين وصلنا لشارعنا حطوني وخشت ابلة خديجة معاي بش تتعرف على امي ..
خليناهم فالصالة واني ووياها ركبنا لداري واتصلت ببشير طول ..
قلتله كيف روحت 🙈❤
قالي اييييه شفت سيارة ام صاحبتك مدرسة...
قتله بنستاحشك 🥺💔
قالي تو نديرلك جهاز .. ونتكالمو بيه
قتله تمام ☺
سكرت منه ومشينا لبحدا امي وابلة خديجة درنالهم قهوة ..
خديجة: اقرو بااااهي 😑 مش تقعدو تهدرزو وتضربوها لقني وخلاص
قلتلها ان شاء الله ☺..
ابلة خديجة : هي نستادن منكم توا ومعرفة طيبة ابلة عواطف ..
قالتلها امي تشرفنا بيك 😊