نسختي الرمادية

حلقة 8

#نسختي_الرمادية 🖤✍ حلقة 8
أعزائي قبل متقرو حطو لايك👍 وكومنتات💬 للدعم .. 🔥👌🏻

السرد 👇🏻

قتله بترفعنا لجربة مع جداي وعمي مفتاح؟ 🤔😤
قالي بوي لالا بنمشو للعاصمة بالطائرة .. قتله أها
وقتها كأن حد صب على قلبي مية باردة .. نحسابه بيلحقنا معاهم لان مفتاح دراه كبد فالزرادي والمشيات يقعد غر يسب ويكشخ ويقيد فالاحوال ،، واني مسافرة بش نغير جوي مش بش نكدر رويحتي 😒👌🏻
قعدت تسأل فيا امي على بنات عمي قتلي شنو مكلمتيش بنات عمك عالنت ؟
قلتلها امبكري كلمت جداي فيديو وقتلي عيوني يوجعو فيا هلبا 😣💔
امي: كان فيه حاجة تو تطلع فالتحاليل ،، من مادارت عمليتها اللي اهني وهي عيونها التالي
بوي: مع ان العيادة كويسة ويشكرو فيها
قتله امي كلهم اهني العيادات يشكرو فيهم وتمشيلهم بفلوسك وف الاخير يغلطولك ف حاجة 😑

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

اتصلت بيا تقوى عالنت رديت علاها
ومني منك قتلي بوك بحداك ؟؟
قلتلها ايه ،، قتلي قوليله يبيك عمي مفتاح
" طبعا تقوى ماشية معاهم "
عطيت تيليفوني لبوي وقعد يكلم فعمي بيه
سأله على حالهم واحوالهم ،، قاله جداي لازمها عملية مستعجلة وناقصينا فلوس .. لحقهملنا انت ولا مع حد ثقة ..
قاله بوي اني مقرر على اساس بعد غدوة بنمشي للعاصمة ..

"اني طول انغم قلبي وقلت شكله مش حيصير منها المشية 😣💔 "

لكن تو نجيكم غادي ونجيبهملكم مداما امي تاعبة ..

قاله عمي لالا امورها كويسة ،، غر البونطوات ناسينهملها فالعين وماطاحوش هذا علاش يوجعو فيها
قاله خلاص خودلها موعد للعملية .. قاله اخديت موعد وعطيت عربون ف نص الشهر ،،
قاله اها .. معناته مطولة العملية !! 😅
قاله ايه لان زحمة عنده ،، اهو شادينها دهواري امبكري خليناها تعوم فالبحر
قاله بوي امالا خلاص .. اني بنمشي للعاصمة ومن العاصمة تو نجيكم غادي ..

"اني فرحت وقلت الحمد لله " 😍😍

خشيت لفراشي فرحانة ☺
قعدت مغمضة عيوني و نتخايل فالمشية ،، لكن بنلقى سوسن غادي وبوها مفتاح الدراه اللي يقيد ف الاحوال 😑😤
لكن تقوى قتلي الجو عندهم مليح وشادينها هياجة وسهام قالبتها فوق راسها غادي ،، هذا غر بتمشي بش تعاني جداي .. هو هذا ،، يتلصقو عليها غر على خاطر فلوسها

قعد راقيلي ونفكر كيف بنصبر معاهم غاديكاي .. 😤
بس تعوذت من الشيطان وشفتلها من ناحية ايجابية ان هذا كله على خاطر جداي ،، وجداي تستاهل 😌😇
بالأخص ان بوي حيرفعنا لمدينتين وطيارتين ومطارين 😍 .. لكن الخراء سهام معاهم وبوي ميطيقهاش😑 زعما بنقعدو فنفس الهوتيل ولا بنأجرو ف مكان تاني ..؟ حقا هما مأجرين حوش 🤔 تي بعتالي ساهل معش تسبقي الأحداث يا شيراز ..