نسختي الرمادية

حلقة 40

#نسختي_الرمادية 🖤✍ حلقة 40

فتحت الروشن ..
لقيته عالي شوي ،، الثلج يصب والدنيا صقع 🥶🥶
بس قررت نهرب ..

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑
قروبي الفيس اسمه 👈 روايات دمعتي تروي مأساتي

_______♡■☆Kd°•Sha▪La'Bi☆■♡_______

واني واقفة عالروشن .. نرعش مع بعضي 😰
و الدنيا بدت اتظلّم 😭
نسمع فالباب بينفتح .. مشيت نجري وسكرته بالسحابة 🚪🔗 ..

قعدو يحاولو يفقعوه عليا .. مشى خديت شنطة كتاف حطيت فاها الوراقي والمجسم .. و اندهبت شيرتي .. لا لحقت ناخد كبوط ولا نلبس سبيدرو خديت جاكة عالسريع ..
و طلعت للبلكونة...
قعدت نشبح للمسافة اللي لوطة .. لقيت مفيش كيف بنقز 🤦‍♀️😭
شبحت على يسار البلكونة طوبو متع مية موصول عالحيط .. مشى وقفت عالحاشية وتمسكت بيه و قلت نموت واني طايحة ولا نموت على ايديهم 💔 ..

الطوبو يزلحق 🤦‍♀️ .. نحيت جاكتي ولفيتها من تحت الطوبو وتمسكت بالكمام ..

نسمع فالباب تقلّع ..
مشى قلت يااااارب 👌🏻😭
و قعدت ننزل من مسافة تلات طوابق 💔 ..
و اني ننزل والجاكة تتزلحق علقت بين حاشية ضادو كبير ..
معرفتش كيف بنسرحها الجاكة .. و قعدو رجليا متلوحين فالهواء 😰..
قعدت نشحط ف رجليا ونلف بيهم عالطوبو لكنهم يتزلحقو والشخشير مش مساعدني 💔
و فوق من هذا كله زوز منهم يضربو فالرصاص بكاتم الصوت و نسمع فالتالث يقوللهم اني نازللها .. 😰

لقيت الوقت مش مساعدني فلتت الجاكة وقعدت ننزل بيديا ويديا كل ما يتزلحقو ينضربو فالضادوات ..
تعبيت خدوش و كدمات 😭 لين وصلت لمسافة سبعة ميترو معش قدرت نتحمل .. طحت على ضهري و جت الضربة خفيفة لان تحتي الثلج ❄❄
و كيف بنوض ناضو يرمو عليا ..قعدت نتكركب لين درقت عليا وحدة من البلكونات اللي من تحت .. و نشدها جري ..
طلعت جيهة البركيدجو .. حفيانة .. ب سروال و بادي قلنصوة وشعري مفتوح .. والدنيا صققققععععع و قريب يليّل الليل 🥶🥶

بس الروح يا محرها ..

مش عارفة حتى كيف قدرت انّقّز من عالصور ..
يمكن لان كان فيه حاشية سهلتلي و وتد عالجدار تمسكت بيه ..

تلوحت عالشارع .. و نضت نعكز و نجري .. 💔

نشبح ف واحد يجري وراي من بعيد .. لابس كبوط أسود و بدلة سوداء و معطف ..
من منظره زبطته تبع مافيات ..
قعدت نخش بين الشوارع .. و تجي سيارة بلاك قدامي بتقص عليا فتحو الروشن و بيبدو يرمو عليا .. خشيت لزنقة ضيقة و نجري والرصاص يتلاوح .. و هذاكا وراي .. لقيتها الزنقة مسكرة ب باب مشبك و على اليسار سطل كناسة كبير .. سكرتله مغطته و ركبت عليه و نقزت ..
قعد هذاكا اللي وراي يضرب فالرصاص واني خشيت لزاوية سطل كناسة من الجيهة التانية واحتميت بيها ..