نسختي الرمادية

حلقة 9

#نسختي_الرمادية 🖤✍ حلقة 9
أعزائي قبل متقرو حطو لايك👍 وكومنتات💬 للدعم .. 🔥👌🏻

السرد 👇🏻

المكان ياخدك لعالم تاني ،، حسيت ب طاقة جديدة تسري في روحي ،،
الفندق موقعه عالبحر وتحتك ميناء صغير فيه موقف للمراكب البحرية ،، والأحياء والأزقة الضيقة اللي تعيشك شعور و كأنك ف مدينة سانتوريني المشهورة ،، كل الجدران مطلية باللون الأبيض اما الرواشن والابواب فمطليات بالأزرق ،، تهبل منطقة بوسعيدي ❤🔥

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قعدت نتمشى على أقل من مهلي ،، لابسة قفطان صيفي الوانه زاهية أبيض مزخرش بالورد وصندلي كعب مريح لونه خشبي وطاقية من فوق الوشاح الشيفون ،، ونظارات ..
وقفت على كشك خديت جيلاطي ،، قعدت ناكل فيه وبيدي التانية نكلم ف تقوى فيديو عالنت.. قعدت تقوللي سعدودك مكانكم يهببل 😁 سكرت منها وقعدت نتفرج
السياح الاجانب من كل مكان ،، وانت تخطم تسمع كل مرة كلمة من لهجة شكل ،،
قعدت نستكشف كل مرة ف تركينة لين دروخني التعب وقررت نرجع للفندق بش نرقد ونرجع العشية نكمل مشاويري ..
خشيت فتحت باب الحجرة بدلت حوايجي و صليت الضهر ،، وطلبت من الفندق أكل خفيف،، جابتلي القرسونة تغديت و للنوم طول 😴
فقت على صوت ماما تقوللي هيا وتي روحك بنطلعو قلتلها باهي ..
امممم شن بنلبس شن بنلبس 🤔!!؟؟
لبست نفس القفطان 😁 قلت حرام لبسته نص ساعة و ف الاخير نلوحه ،، هادي طرحة اليوم ،، 😌❤
صليت العصر وقلت لبوي نبي قهوة بش راسي يتعدل قالي تو ناخدلك ..
طلعنا وقعدنا نتمشو لين خشينا للأزقة الضيقة صوت البياعين ينادو عالزباين يطرب المسامع ،، و طاولات البيع واقفين عليهم الناس اللي يشري فالتحف واللب يشري فالاكسسوارات ماغير الهدايا والفضة والصناعات اليدوية .. بجددددددد منظر يخطف الأنظار 🔥👌🏻
خشينا لكافي وقعمزنا ،، طلبلنا بوي قهوة ومعاه حاجات حلوة ... قعدنا ناكلو ونهدرزو ...
فتحت نت لقيت مالك باعتلي مسجات .. قعدنا نكلمو فيه فيديو ،، قتله خيرك مطول لحيتك ،، قاللي مداير شيانة 😁 قاله بوي فيه واحد صاحب بنبعتلك معاه فلوس اليومين الجايات ،، قاله مالك باهي ان شاء الله

قلت خنخلي أمي وبوي يهدرزو براحتهم ونطلع نتمشى بروحي 🙃،، استأذنت منهم وقلتلهم بنمشي جيهة التلة وبدون تردد قالولي باهي لما نتصلو بيك معناته بنروحو قلتلهم تمام ☺
قمت شنطتي وطلعت ..
قعدو زوز توانسة يشبحولي ،، واحد منهم قعد يضايق فيا وقعد يقوللي انتي ليبية !!؟ مبيتش نرد عليه وخليتهم
قعدت نمشي وهما وراي ،، خفت😣😥 بس محبيتش نوضحلهم اني خايفة بحكم ديما نتعرض للمواقف هادي وقلت نقوي قلبي اكيد يعاكس يبيني نتعرف عليه 🤷‍♀️
وصلت للكيّاس وخشيت جيهة البركيدجو قعدت نركب عالدرج لين وصلت للقمة ،، كانو كافيهات ومتاجر صغيرة على سفوح التلة وتحتها البحر ،،، المنظر رووووووعة 😍😍 نزلت جيهة الميناء الخشبي لقيت رحلات بحرية على يخوت وياخدو ف حجوزات .. قلت كان بنركب مرات بوي يتصل بيا ويقوللي هيا 🙄 لكن مزال الوقت احني كيف جينا 😑بس كان نتصل بيه ونقوله امتى بنروحو حيقوللي علاش ولما بنقوله بنركب حيقوللي لا متركبيش بروحك 🤔 والحق ضربت النية فيه و جي ف خاطري🙃 قعدت كل مرة نسال فحد يقولي بعد ساعة ولا نص ساعة الرحلة لين شدت ف واحد لقيته اليخت متعه قريب يتعبى حجزت فيه ،، قعدت مقعمزة وكانو فيه ليبيين واجانب ،، مقابليني زوز ليبيين واحد اسمر شبوب يضحك 😂 قعدت منسجمة فيه ونشوفله من تحت لتحت بدون ميحس عليا وعرفت ان اسمه عبدو من تهديرزهم ميسكتوش بكككل ،، قعد عبدو يكلم ف صاحبه هشام ويقوله معاد مشى معش جي ،، رد عليه هشام شكله القهوة يدير فيها بروحه 😂😂 ومررة مررة يشبحولي بحكم "قنينة احممممم" 🤪
مشى ضربت ف دماغي وقلت مداما اليخت مزال مطلعش خلنطلع نجيب حاجة ونرجع نقعمز .. مشيت لصاحب اليخت قتله امتى بتطلع قاللي بعد ربع ساعة ،، قتله باهي نمشي ناخد حاجة ونجي قالي باه متعطليش ،،
قعدت نركب للدرج نشوف فالناس مقعمزة وفيديهم أكواب للشاهي ،، بحكم هادي المنطقة معروفة بيه❤ ضربت ف راسي وقلت خن ناخد شاهي ونقعمز نصوّر المكان
خشيت لكافي وطلبت الشاهي ،، قالي تبيه باللوز ولا عادي .. قتله نبيه عادي لكن عبيهولي نعناع ونبيه سخون كويس .. ولنظامهم ❤فيسع ما جهزهولي 😍 مسكت الكوب و زدت رقيت عالدرج..
لقيت الجيهة معبية بالناس زحممممة ورفس ،، مشيت توجهت للناحية التانية لقيت شاب عاطيني بضهره مقعمز عالحافة ،، قلت ف خاطري مكان عام خلنقعمز وخلاص 🙃
قعمزت وقعدت سارحة بالمكان ،، نشرب فالشاهي وندير ف لقطات .. ونبعت لتقوى وسوسن ووسن نغيظ فيهم 😂😂
لفتني الشبوب اللي عاطي بضهره ،، شاد المذكرة ويرسم ،، نشبح فيه يحرّك في يديه ومرة مرة يشرب ف طاسة الشاهي ،، متلفتليش بكككل ،، رزين ،، مع ان حس بدوشتي وبصوتي لما نتكلم بالتيليفون مع بنات عمامي ❤
قعد تيليفونه يرن ورد عليهم قاللهم مش قلتلكم تعالو انتو هنايا و اشربو ،، متع القهوة خايف على طواسيه وقاللي ممنوع🙃
جو التوانسة وقفو من بعيد ،، قعدت نقول هادو خيرهم معاي شن يبو مني النفخ 😤
الولد : معندهمش طواسي كاغط ،، بتجو باهي متبوش تو نبزعهم 😏
مشى اتصل بيا بوي قالي انتي وين ؟؟ خفت قلت زعما بنروحو 💔😭 قتله فالقرية علاش بنروحو ؟؟ قاللي لالا بنقعدو لليل مدايرين حفلة  ،، قتله باهي ودرت ضحكة الخبث على جنب 😏 قاللي متبعديش قتله يا سلام حاضر 😁😂 وحطيته عالحاشية
شبحت لساعة يدي لقيته وقت قلت خن نمشي ،، مشى زلق من يدي الكوب وكان سخون انحرقت يدي شوية وقعدت انقز 🥺 لين طاحت شنطتي وبضاعتي اللي فيها قعدت نقيم فالحاجات ورديتهم للشنطة .. ،، اما اني طلعت لقيت الدرج عليه زحمة مشى شفت طريق تانية قلت نلف لفان وخلاص 🤷‍♀️ ..
خشيت لمكان فاضي ،، وكيف بنزيد نركب للدرج يجي واحد منهم يوقف قدامي والتاني يجي من وراي ويفتحلي موس .. ويقولي مديلي الشنطة ،،
أني خفت 😭 تيليفوني مش دايرتله رمز وفيه صوري ،، قلتلهم تبو فلوس نعطيكم وخلوني 😭 قالي هاتي الشنطة واسكتي ،،
قعدت نشوف يمين يساااار ندور على اي حاجة نحمي بيها نفسي .. بس هما كانو قراب مني 😣 قعدت ندعي فخاطري ونقول يارب الستر 💔 وكيف بنمدله الشنطة قتله خليني ناخد تيليفوني نمسح صوري وخودها ،، زاد ما لصق الموس فيا ويقولي قتلك هاتي الشنطة هيا هاتيها 😭😭 .. قعدت ندعي ونقول استودعتك نفسي يارب .. 🤲🏻💔
مديتهالهم وبعدت عليه شدني الولد التاني وقالي تعالي حتى انتي نبيك يا طفلة 😈 قعدت نعيّط بصوت عالي مشى كشخ عليا وقالي نسمع حسك الا ما نقتلك .. قتله اقتلني ولا كلب زيك يطولني بلكي تحسابني خايفة منك عقاب كلب شارع متسواش ذرة قدر لعمرك .. (لساني طويل فجميع المواقف 🤷‍♀️) 😑 لصّق فيا الموس على ضهري واللي قدامي قعد يجبد فيا ،، اني حسيت انها النهاية خلاص 💔.. قعدت نقاوم ونقوله اقتلني اقتتتتلني ونبكي 😭😭 يقولي تحركي نقوله مش حنتحرك اقتلني 😭😭
حسو باصراري وبأني مش خايفة من الموت قعد يجبد فيا بالقوة ،، نشبح في هشام جاي من وراء الصخرة الكبيرة اللي كانت قدامنا ويضربه على راسه ببلكة اني قعدت نجري واللي وراي شاد الموس خلى صاحبه وهرب بشنطتي مشى جي عبدو قدامه وعلقو عليهم الزوز و عطوهم طريحة نباش القبور ،، 👍🏻😈
مدلي عبدو شنطتي وقاللي ردي بالك يا بنت بلادي .. قتله صحيتو يا ولاد بلادي جميلكم ما ننساه طول عمري 🥺 فتحت شنطتي بش نشوف تيليفوني ملقيتاش 💔 قعدت نقول وين تيليفوني ووووين !!؟ قعدو الولاد يكلمو فالتوانسة يقولولهم وين تيليفون البنت وييين ؟ و هما يقولو مخديناشي ،، بدو يضربو فيهم وفتشوهم ملقوشي ..
رن تيليفون عبدو رد عليه وقاله: تلقانا بحدا الصخرة الكبيرة .. اييه ايييه اهووو نشوف فيك
اني نشبح لعبدو اللي يشبح للقدام كأن يكلم فحد وسكر الخط ..
جي صاحبهم من ورانا مش تلفتت
و انصدمت 😳
------
-----------
--------------------
قعد يمشي بتمختر والنظارات ف عيونه ،، قرب مني و بعد نظارته شوي لين بانو حواجبه ،، قالي من بكري واني ندور عليك .. اني نشبحله وساكتة 😥 مش مصدقة ،، مصدوووومة  ،، طلع تيليفوني من جيبه وقاللي طاح منك .. كان مشرينش راهو مشفتاش ..
عبدو: باهي مليح بككل 😂 نبو الزردة توا .. 😁