نسختي الرمادية

حلقة 16

#نسختي_الرمادية 🖤✍ حلقة 16

نضت الصبح وعيوني ماليهم بريق الأحلام ،، شريط ذكرياتي مع معاذ يمر بين عيوني ،،
نضت نتكسل وفرحانة ،، يعني طلع احساسي صح 🤞🏻 تحبني زي ما أني نحبك 😍🙈 و لااااااا !!!! زيادة كنت ناوي تتقدملي 😌❤
صح كنت منزعجة لأن سهام خربت عليا ،، بس شفت للناحية الإيجابية انه مبادلني نفس الشعور 💔

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

نضت ناشطة ،، نظم ونلمع ومدايرة سماعات ف وذاني
امي تقوللي شن جاك 😒
قلتلها ضميت وووه ،، مضميتش ووووه 😅 غر شن هو اللي يعجبك يا ست الجبايب بسس 😉
قتلي اششيه 😊 خلاص كملي جميلك وطيبي الغداء
قلتلها حااااااضر .. تو ندير بكبوكي قداش لينا عليها
قتلي امي لالا ديريلنا كسكسي بالخضرة مداما عندنا بصل اخضر .. قلتلها ساهل مداما مفيش طنجرة بصلة بروحها 😅 قتلي ردي بالك راهو كسكسي متع البصل الاخضر فيسع ما ينزح ويشد فالطنجرة ..
قلتلها تم تم كوني هانية 🤞🏻😌
خشيت نجري للمطبخ طفيت عالغداء وحطيت الكسكي و اتصلت ب رحمة .. قعدت امي تعسلي واني نهدرز معاها بش ميشوفنيش معتصم نكلم فيها 💔
خلاني نبعد عن أقرب الناس ليا ،، لا قدرت نواجههم ونحكيلهم ولا عرفت كيف نتصرف ،، كل ما يقولولي بنجوك ولا تعالي هدرزي ولا نطلعو نقعد نوزع فيهم نقوللهم معتصم مدرهلي كبدي عالطلوع ..
بس محرجوش مني ،، بالعكس قدروني وزادو ما وقفو معاي ❤
مرة اتصلت بيا رويدة ناض معتصم يشوف لقاه رقم رويدة .. هزبني وقالي بنغيرلك شفرتك ومتعطيهالهمش
قتله شفرتي بابا شاريهالي مستحيل نغيرها ،، قالي تو نرد عليها نهزبها امالا .. قتله لاااااا لاااااا😭😭 متحشمنيش مع صحباتي .. شن دخلها رويدة اصلا
قالي الزوز زي بعض ،، معش اتبعيهم 🤬
و كالعادة خشت امي تحز علينا ..
بديت ندير ف ارقامهم ف لائحة الرفض .. بش لما يتصلو ميطلعوليش لا رسايلهم ولا مكالماتهم الا لما نفتح عليهم ،، 😈😈
•• علاش لما نكونو حقانيين ونديرو ف كل شيء قدامكم ميعجبكمش ،، وتخلو فينا نديرو فالخبث من وراكم .. 🤷‍♀️

قتلي رحمة بنطلع العشية بنخطم جيهة الملاحت بيشوفني فراس ..
قلتلها ردي بالك بس وان شاء الله ربي يعقد عسلكم 😍
قتلي بجديااااات يا شيراز ،، ولد تبارك الرحمان
عرفني على خواته وعلى امه
قلتلها هذا وين 😂 هذا مكبد فيك ..
قتلي يسس 😎 حتى هيا ني..
رجعتلي امي وقتلي هيا سادك قريب يخش معتصم
واني ماسكة التليفون نهدرز قتلي رحمة خيره لما نتصل بيك يعطي فيا مشغول
اني تلبكت وخشيت بعضي 😥 قلتلها بلكي نكلم ف حد خشيتي عليا ..
قتلي ديما تتكلمي يعني 😏 حتى من رويدة قتلي هكي 😑
حسيتها شكت بشيء 😰
قلتلها تو غدوة نتلاقو فالمدرسة ،، ونحكو .. وسكرنا

قتلي أمي لأمتى حتقعدي هكي تكذبي
قوليلهم وخلاص ،، فالنهاية صحباتك ،، واكيد حيقدروك
قلتلها هاكي قلتاها يما صحباتي🥺 ،، لاقيتهم اكثر حتى من أقاربي 💔
أصلا ولدك مش على قصة ان قرا المحادثة ،، هو هكي اساسا يبيني نقعد من غير تواصل مع حد 💔😣 غر يدير فالسبل ..
قتلي ادعيله ربي يهديه ولا يتزوج ..
قلتلها من هيا المطقوقة اللي بترضا تاخد واحد زي هذا
قتلي احتمال بيحصل مكان فبريطانيا ويرجع يخدم غادي من جديد ..
قلتلها يااااريت..
قتلي ان شاء الله تهدا البلاد الواحد خايف من الوقت هوا .. حتى من النت قطعوه علينا لا قدرنا نكلمو خوك بالسكايب ولا نوصلو فيه .. ونشوفو اخباره
قلتلها يلا حتى مكالمات الدولية تمشي حالها 💔 رغم مغليين الاسعار فيسع ما يتم الرصيد 😑
قتلي امي نشم ف ريحة الطبيخة مشيطة .. بري شوفاها 😰