نسختي الرمادية

حلقة 13

#نسختي_الرمادية 🖤✍ حلقة 13

جالسة عالكرسي ،، موجوعة 💔😭 ،، أوقات نقول خيره الكابوس طوّل ،، نبي نطلع من المشهد ونرجع وين ما كنت قبل ،، و أوقات بنتقطع لما نعرف إن بوي خلاص معش بنشبحه 😭 معش بنصبح عليه ،،
معش بيدافع عليا 😭
معش بنتعارك معاه ،،
معش بيرقالي منه لما يقعد يغيظ فيا 💔
يا بابا نبي فلوس
- هاكي يا بنتي ،،
يا بابا معتصم كشخ عليا وضربني🥺
- معش تكلمها اختك فاااااهم ،،!! مداما بوها حي ميجي فطريقها حد 👌🏻💔
يا بابا متضايقة طلعني معاك 😥
- حاضر يا بنتي ،، خشي بدلي تلقيني فالسيارة 🥺
يا بابا جي خاطري ف مالفيه 🤤
- غدوة واني مروح تو نجيبلك ..

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

جتني المراء الليبية وقتلي هيا بنروحو امك فالسيارة ..
طلعت وأني رجليا مش قايميني نتطايح على طولي و نرجف مع بعضي 😔💔 ،، كيف حنخلي بوي هنايا بروحه !! كيف حنباتو من غيره 😭
ركبت فالسيارة واني حاسة بألف شعور وشعوووور

•• و ربي .. موعر فقاد ،، إلا فقاد الوالدين 👌🏻💔

حسيت بالوقت يجري فيسسسع ،،
فيسع ما وصلنا
وفيسع ما ركبنا ،، خشينا للحجرة و جت معانا المراء قالت بلكي تبو حاجة ؟ قلنالها صحيتي الله يرحم والديك انتي وراجلك 😔💔 بري ارتاحي ،،
طلعت وسكرنا الباب ،،
المكان يحكي ألف مشهد ومشهد ،، من ساعات بابا معانا 😔💔 وتوا إحني من غيره
اهني الصالون وين يقعمز ويتفرج عالأخبار ،، واهني وين يتكى فالقايلة ،، واهني عالمنظر وين يقرا ف كتاب ولا مجلة ... 🥺😭
كيف حنقدر نعيش من غير ما تكون معاي يا وبيي ،، كيف حندافع على نفسي وانت مش موجود 😭
خشيت للبار بنصب لماما كوب مية ،، نشبح عالرخامة بوكس حلو ،، ومعاه ايصال التوصيل
خست امي وراي لقتني ماسكة الايصال ونقرا فيه ونبكي 😭😭
قلتلها المالفيه اللي وصيته عليه امبكري .. اهو جايبه الديليفيري 😭😭
مسكت البوكس وحضنته ،، نعيط أني وماما 😭😭
اااااه يا وبيي حتى قبل متموت ،، قاعد تلبيلي ف طلباتي 😭😭 اااااه يا وبيي اااه معمرك خليت فخاطري حاجة 😭😭
فتحته نشبح فيه وعيوني يضببو خلاص 😭😭
حطيته فالفريز وخشيت رقدت مع ماما ف غرفتهم هي وبوي.. خاشة فحضنها نبكي ..
ولا عُرفت امي تواسيني ولا عُرفت تواسي جرحها
قعدت تمسحلي على راسي وتقولي ادعيله يا بنيتي ادعيله 😭💔
،،
،،
،،
،،
،،
،،
،،
،،
نزلنا من الطيارة ،، نشبح ف ولاد عمي الصديق جايين وزيد ومعتصم 💔
قامو تابوت وبيي وأني وامي ماسكين يدنا ف يد بعض ..
ااااااه 💔💔 مشى للمطار على رجليه ،، و روحلنا فتابوت .. 👌🏻
ركبنا فالسيارة ،، و روحنا لحوشنا ..
خشينا للشارع قلبي اتطبق ،، فكل زاوية صورة بوي 💔
عفسات بوي ،، خيال بوي ..
خشينا لجنانا وجردينتنا لقيت الخيمة منصوبة .. 💔😔 والناس زحمة والسيارات ..
تي مسرررع درتوها مسسررررع 😭😭
جوني صحباتي رحمة ورويدة و أقاربي وعماتي وجداي تجري وتقولي يا بنيتي ياريحة اوليدي 😭😭 نقوللهم حولو بوي ما ماتش حووولو 😭😭 ااااااااه اااااااااااه ااااااااااااااه .. نوضو روحو احني معندناش عزااااااء هنايا ،، روحو بوي ما ماتش .. خلووووني برووووحي 😭😡💔 مش عارفة شن صارلي لقيت روحي انقز ونعيط ...
خشلي معتصم ضربني كف لين طحت عالمرشبيدي وفقدت الوعي .. 💔💔
،،
،،
،،
،،
نفيق مرات على أصوات و تبشبيش المية فوجهي ونرجع نفقد الوعي ..