#نسختي_الرمادية 🖤✍ حلقة 17
وهوا قدامي واني نرجف نشبح ف حوش عمي بينفتح نشده من خصره وندخله للجنان ونقربع الباب🤦♀️
للحظات وأني حاضناته وخايفة 😰 ملصقاته وجاي ضهره عالباب
زاد ما قرب مني وقامني والتف ولصقني اني عالحيط وباسني بالقوة ..
الكاتبة|:- 💜 خ ـــلـــود شــــــــــلابـــــي 💜
👑🎶Kd Sha La Bi🎶👑
اني غمضت عيوني وتخدرت منه ،، بس قلبي كان رافض💔 قعدت نبعد فيه بس هو كان متمكن مني ،، رغم قوته بس كان حنون ،، شعور ملخبط 💔 بعد فمه وقعد يشم ف ريحة رقبتي واني بلعت ريقي وقعدت نكشخ قتله خيرك انت متتحشمش على وجهك 😭 كان راقيلي ومشاعري ملخبطة ويمكن لأن كنت مدايرة ف بالي اني حنحتفظ بقبلتي الاولى لشريكي اللي حيجيني من الباب 💎💍
قاللي متلومينيش مقدرتش نمنع نفسي ،، اني نشبحله ونبكي 🥺 قتله كيف كككيف 😭
قاللي وراسك الا نيتي صافية يا بنت الناس والله الا عاجبتيني ونبيك
قعدت نشبحله ونبكي ،، قرب مني وشدني من يديا مشى نفضته ولزيته ..
نشبح ف باب حوش جدي يطق ،،
خشيت بعضي وشديته وقتله برا للأرض اللي ورانا .. لين نجيك و نقولك بش تمشي 😰
قاللي باهي لكن لين ناخد رقمك
الباب يطق 🚪🚪 قتله بتفضحني انت 😭😭
قالي .. والله ما صارت لكن مش حنمشي لين ناخده رقمك
طلعت تيليفوني من جيبي وقتله سميلي رقمك نخزنه هي. وف بالي ان حناخده منه و نفوته
مشى قالي لالا .. ومن قال بعتالي تتصلي بيا اااه 🤨🤔
اني ضحكت بدون وعي مني ،، و كأن قرأ افكاري
مشى قالي : تضحكي ،،!! 😉 حتى ني زبطتك حتديريها..
قتله لالا غر سميلي هيااا
فك مني موبايلي .. ورص الشاشة ..
قال : أوووه مليح بكل مفيشي رمز
قتله .. هاته 😤
قعد يكتب ف رقمه واتصل بتليفونه ،، واني نشبح فيه كيف متملكني ومدايرني بهواه ويقررلي منه ليه 😡😤
قالي .. مش نتصل بيك بعتالي مترديش😎
قتله باااااه غر امشي .
قعد يجري فتح الباب الخلفي من الجنان وطلع للأرض التانية ..
واني قعدت ننفض ف ملابسي وشفايفي متخدرات وروحي متناقضة .. ريحته مميزة ،، وقفته وحضوره وكاريزما متعه ،، اصراره علياااااا ،، بوسته 🔥 شيء مش مفهوم ..
تنهدت ااااااح 😔 وفتحت الباب ..
تفاجئت 😳 قتله سراج ..
قالي .. أهلين
شبحته وقعدت نلكلك أ أ أ ششش شني ..
قالي جاي بنشوف جداي وغمزلي .. مسكني من مرافقي وبعدني من ع طريق وهو يدعدع ..
اني خفت لا يشبح بشير ولا حاجة 😭 ياااربييييييه😭😭
خشيت لحقته لقيته يهدرز على جداي وهي تضحك
وجهه تعيس ،، ملامحه حزينة ،، جسمه هزيل ،، يديه خبوش .. مش نفسه الراجل اللي كنت نعرفه قبل ..
قعد يقول لجداي بصوت مرخي .. هاتي البشارة ..
قتله شنو امالا جايكم عيل فالطريق ..
قاللها ايه وشبحلي .. وكأن يبي يغيظني
بس اني قتله مبروك بدون لا مبالاة 😒
قالي شنو متبيش اضيفينا ؟
قتله فيه شاهي تبي؟ قاللي لا نبي قهوة ديريلي ..
قتله مخاطريش 😑 تبي شاهي اهو سخون فالترمس
قعد يقول يا حسرة هييي
القهوة والشاهي كانو يجوني من غير منطلب ..
قتله متغير شيء من يومنا صحاب واجب ،، غر توا معنديش نية نحس ف روحي فاشلة .. كان اديرلنا انت منقولوش لا ..
ناض وقال لالا مستعجل غر جيت بنشوف جداي وطلع .. قالي تعالي سكري وراي الباب ..
لحقته ووصلته لبرا الجنان
قالي تعاليلي فالارض نبيك فكلمتين ..
قتله اما ارض 😰
قالي متع الحوش القديم
واني ف خاطري حي على امك يا شيراز رحتي فيها 😭😭
كيف بيمشي مسكته من يده وقتله مفيش لزوم الكلمتين اهما قولهم اهنايا ..
قالي خيرك مكبرة الموضوع ،، نبي ندير دورة على غرس جدي وبنتفكر ايام زمان ..
حسيته سراج مش على طبيعته ،، كان يهتري هلبااا ،،
قتله اني مش حنلحقك ،، حط يده على فمي وقرب مني قالي قتلك نبيك يعني نبيك
حسيت بريحة فمه اخخي و كأنّ شارب ويده كلها خباش..
قتله خيرها يدك مجروحة
قالي غر الحقيني ..
اني خفت كانو عيونه حمررر ،، ومش ع بعضه ..قتله لا
وكيف بنرجع لحوش جدي مسكني من مرفقي وطيحني ..
قالي كله منك ... انتي خليتيني نتجوزها ،، انتي اللي استحقرتيني وخليتيني ناخد واحدة ...#$%^ "طوط طوط"
قتله لا خليتك ولا ليا علاقة بيك .. هذا طيشك اللي خلاك هكي .. شوف حالتك كيف وليت مدمن .. 😭 خليني .. 😭😭 قعدت متلوحة عالارض وهو حاط يديه ع راسه من الندم ..
قالي نوضي نبيك خيرررك ..
اني خفت يديرلي حاجة 😭 قامني وشدني من يديا واني نبكي 😭😭 يقولي اسكتي خيرك
نقوله كان تحبني سيبني فحالي😭
قالي نحبك ومش مسيبك
قعدت خايفة يشبحنا بشير ويفهمني غلط ،، تي بشير اصلا من هوا اللي حنكون خايفة منه و مدايرتله حساب 💔 خايفة وقلبي غامني ..
سراج ماسك ايدي ومرة مررة يعثر ومرة يترنح واني قايماته
قالي تعالي نقعمزو تحت الشجرة هاديكا ..
قتله باه 🥺
قعمزنا تحت الشجرة وجي ساوالي رجليا و حط راسه علي فخادي و غمض عيونه .. قالي تاااااعب يا بنت عمي تااااااعب
جتني رسالة شبحت رقم غريب مكتوب فيه نقزت من الصور متنشغليش عليا .. نح..
سكرته وقعدت نمسد ف شعر سراج
قداش ما وجعني حاله ،، دفع حياته ثمن لطياشته
و كل يوم اتزيد قناعتي ان ربي مينسى حد ،، ومهما يطول العمر حياخدلك حقك من كل حد ظلمك 👌🏻❤
{ولا يظلم ربك احداا} {والعين بالعين والسن بالسن}
قعد سراج مرخي لين غلبه النوم ،، واني نفكر ف جداي اللي مخليتها الداخل بروحه ..
نحيتله راسه من عليا وخليته لين يفيق من سكيره بروحه ورجعت لجداي ..
قتلي وينك .. قلتلها خداني الوقت قعدت بحدا غرس جدي ..
قتلي جداي بنبرة حزن .. الله يرحمه الغالي 😔💔
