OUT FOR BLOOD III & IV: Vengeful Hearts

CHAPTER 185 " HER MOTHER'S WISH "

Makalipas ang ilang oras ay nagpunta sina Henrik at Resha sa malaking bahay ng dalagang bampira. Kasalukuyan nilang pinag-uusapan ang tungkol sa nangyaring pagtawag kay Eliziah d' Ultima ng isang misteryosong caller ngayong gabi. " Hindi porke hinatid mo si Resha ngayon dito ay mag-istay ka pa ng matagal. Baka may makakita pa sa 'yo kaya you may leave... "

" Ms. Lucy, iyan pa rin ba ang iniisip mo eh buhay mo na ang nakataya rito... " halata ang inis sa boses ng binata habang nakatingin sa kanyang amo.

" Henrik, this is our plan hindi ba... "

" Excuse me, ikaw lang ang may plano nito. "

Nagbutung-hininga naman si Lucy bago ito sumagot. " Alam mo kapag may nakakita sa 'yo na narito ka sa mansyon. Masisira lahat ng mga plano ko. Mahirap ba'ng intindihin 'yung words na just stick to the plan? "

" Not this time because I know I am right! "

" Anong sabi mo? Baka nakakalimutan mong ako ang amo mo... "

" Enough guys! Huwag na kayong magtalong dalawa. Isipin na lang natin ang kaligtasan ng lahat. Okay? " sabat ni Resha upang sawayin sa pagtatalo ang dalawa nitong kaibigan.

Napairap naman ang bampira sa binata habang napapailing ito. " I'm sorry. Anyway, ano ba'ng maaari nating gawin para malaman kung sino 'yung caller? May spell ka ba'ng makakatulong sa atin? "

Nagkatinginan sina Resha at Henrik matapos nilang marinig ang sinabing iyon ni Lucy. " Ah... a-ang to-totoo niyan... "

" I know nakakaistorbo na ako sa 'yo. But please you have to help me, " hinawakan nito ang kamay ng kaibigang mangkukulam.

" A-ano... "

" Hmm? "

" Ah... Lucy... "

" What's wrong? "

" Ka-kasi... " napakamot si Resha sa kanyang ulo habang nakatingin sa kausap nito.

" Bakit? Wala ka bang spell na makakatulong... "

" Wala na siyang kapangyarihan... " itinuloy na ni Henrik ang nais sanang isasagot ng mangkukulam sa matalik nitong kaibigan.

" Ha, what did you say? " napakunot noo si Lucy nang mapadako ang tingin nito sa kanyang body guard.