သို့....(completed)

Part-43

သို့.....

အပိုင်း၄၃

Blueတစ်ယောက် လေလေးတချွန်ချွန်နဲ့ အောက်ထပ်ကို ဆင်းလာခဲ့သည်။ အလုပ်သွားရတော့မှာဖြစ်တာကြောင့် Blueပြင်ဆင်ပြီး မနက်စာစားဖို့ အောက်ထပ်ကိုဆင်းလာခဲ့လိုက်သည်။ စံအိမ်ထဲက ဝန်ထမ်းတွေအကုန်လုံး မျက်နာတွေ ပျက်ယွင်းနေတာကြောင့် Blue ထမင်းစားစာပွဲရဲ့ ထိပ်ကခုံမှာ ထိုင်ကာ တစ်ယောက်ချင်းစီကို အကဲခတ်နေမိသည်။ ဘေးနားမှာလာရပ်တဲ့ အီ့တီရဲ့မျက်နာဟာလည်း မျောက်တစ်ကောင် မှိုင်သလို မှိုင်ထွေနေသည်။

"ဘာတွေဖြစ်နေကျတာလဲ...."

"မနက်စာစားပြီးရင် ပြောပြပေါ့မယ်...."

Blueအမေးကို အီ့တီက မယနောက်မှပြောပြဖို့ ဖြေလာတာကြောင့် Blueသိပ်တော့ ဘဝင်မကျချင် ဖြစ်သွားရသည်။ စားဖို့ပြင်နေတဲ့ ဇွန်းခရင်းကို စာပွဲမှာ ပြန်ချလိုက်ကာ အီ့တီကို မျက်မှောင်ကျုံကာ ကြည့်လိုက်မိသည်။ဒေါသသံအရမ်းမပါပေမယ့် ခပ်မာမာလေသံဖြင့်

"အခုပြော ငါအခုကြားချင်တယ် ....."

"အဲ့ဒါက ဒီမှာပါ...."

အီ့တီခေါင်းလေးကို ကုတ်ရင်း သူ့ကိုင်နေကျ Tapplusကို ထုတ်ပြရင်း တစ်ခုခုကို ရှာနေသည်။ ပြီးနောက်တွေ့သွားမှ ဆရာဖြစ်သူလက်ထဲ ထိုးထည့်ပေးလိုက်ရသည်။ သူလည်းထိုသတင်းကို စတွေ့တုံးက သိပ်ကိုထိပ်လန့်သွားရသည်။

ဆရာဖြစ်သူနဲ့ လွန်းသာရဲ့အကြောင်းက Gayသတင်းအဖြစ်ပါလာတာကြောင့် ဖြစ်သည်။Tapplusကို ကိုင်ထားတဲ့ Blueရဲ့လက်တို့ဟာ တုံရင်နေသည်ကို အီ့တီသတိထားမိနေသည်။ ဆရာကို ကြည့်ရင်း သိပ်မကြာခင် ချိန်ကိုက်ဗုံးတစ်လုံးလို ပေါက်ကွဲတော့မှာကိုလည်း အီ့တီသတိထားမိသည်။

"တောက်ခ်....."

"ဒုန်းးးး....ခွမ်းးးး...."

တောက်ခ်သံ အကျယ်ကြီးကြားလိုက်ရပြီးနောက် Tapplusကို အီ့တီအား ပေးလိုက်သည်။ ပြီးနောက် အမြန်ပင် အခန်းထဲ ကြေကျသံများဖြင့် ခနတာ ဆူညံသွားတော့သည်။

ထမင်းစားစာပွဲပေါ်မှ ထမင်းပန်းကန်တွေနဲ့ ဟင်းခွက်တွေ ကြမ်းပြင်ပေါ် ကွဲကြေပျက်ဆီးကုန်တော့သည်။ Blueနေတဲ့ခုံကလည်း ကြမ်းပြင်ပေါ်မှာ လဲကျသွားတော့သည်။