Reaching her Climax

Climax 6

Climax 6

FLASHBACK

Ginabi sa pag-uwi si Regine dahil sa walang humpay na paglalakad sa kalye. 

             "Hindi totoo ang mga nababasa kong love story. Lahat kathang isip lang ng writer," bulong niya at hinubad ang sapatos. Pagpasok niya, nagulat siya dahil nakatayo si Ric at seryoso ang mukha. 

             "Kaninong bahay 'yon?" 

             "Kay Gracia," pag-iwas niya at diretsong naglakad. Hinablot ni Ric ang braso niya at idinikit sa katawan nito.         

             "Ric, magpapalit na ako," walang ganang sagot nito. 

             "Hindi mo ako maloloko Regine. Kaninong bahay 'yon? Bakit doon ka nagpababa?" 

       Naramdaman ni Regine ang mainit na palad nitong hinawakan ang magkabila niyang balakang. 

             "Ric, inanatok na ako," sagot niya at nag-iwas tingin. 

             "Bakit ka nagsisinungaling? Sinong nakatira doon at bakit ka nagpababa. Answer me," seryosong pagtatanong ni Ric sa kanya. 

             "Ikaw Ric, sa propesyon mo bilang Attorney. D'yan ka lang ba nagsisinungaling, o pati sa pribado mong buhay?" 

     Binitiwan siya ni Ric at umatras. "Trabaho ko na ipaglaban ang client ko. Kung magsisinungaling man, kailangan kong ipanalo ang kaso," aniya ni Ric. 

              "Okay, sige matutulog na ako," pagpapaalam niya rito, ngunit hindi siya satisfied sa sagot ni Ric.     

            Hinatak siya nito at hinagkan. "Mas mahirap pa sa mga kaso na hawak ko, na alamin ang problema natin. Bakit ba ang lamig mo? Hindi ka naman ganyan." 

             "Sino ba kasi 'yung kasama mo kanina! Bakit hindi mo sinagot ang tawag ko! Iba ang sagot mo sa nakita ko!" mga salitang nasa isip lamang ni Regine. 

              

              "Ric, na-stress lang ako. Alam mo naman kakamatay lang ni Dad. Hindi ko kayang magsaya," pagdadahilan ni Regine. 

             "Gagawin ko ang lahat upang mahanap ang malinis na ebidensya para sa Daddy mo. Good night Regine my soon to be wife, " maamo pa sa tupa na sinabi ni Ric at hinalikan siya nito. 

        Nagmadaling umakyat si Regine at sinara ang pintuan. "Hindi na ito biro. Lagi na kaming naghahalikan!" 

            Halos sumabog na ang kanyang puso dahil sa nararamdaman kay Ric. Dumagdag pa ang  palaging paghalik nito sa kanyang mga labi.

          "Huwag kang tanga Regine, kailangan ko na munang malaman kung bakit at sino ang kasama niya kanina!" Umiling-iling si Regine.

     

            Ilang oras ang nakalipas, sinigurado ni Regine na natulog na si Ric pagkatapos ay  lumabas siya ng kwarto. Gustong- gusto niyang kumain. Ni hindi pa siya nag-hapunan. Agad binuksan ng dalaga ang fridge at kinuha lamang niya ang kapirasong tinapay at gatas.

           "Ric!" Bulalas niya at nabuhos sa katawan niya ang fresh milk. "Ano ba? Ugali mo bang manggulat ha?!" pag sigaw niya at hinampas ang binata na tumatawa. 

            "Akala ko kasi daga," pagbibiro nito. 

            "Ewan ko sa'yo! Kainis ang lagkit!" reklamo niya.