Unicode
ရိပေါ် ကျောနောက်ဘက်မှ တစ်စုံတစ်ရာ၏ လှုပ်ရှားသံကြားမိတာကြောင့် Lightsaber ကို မြဲမြဲဆုပ်ကိုင်ထားလိုက်သည်။ ခပ်ကြီးကြီးသတ္တဝါတစ်ကောင်၏ အသက်ရှူသံပြင်းပြင်းကို ကြားနေရပေမဲ့ ပုံသဏ္ဍာန်ကို မမြင်ရ။ အနီးအနားမှာ ရှိနေမှန်းသိပေမဲ့ 360° လှည့်ပတ်ရှာတာတောင် အရိပ်အရောင်ပင် မတွေ့။
"ကိုယ်ပျောက်နိုင်တဲ့ သတ္တဝါလား"
ရိပေါ် ထိုကိုယ်ပျောက်သတ္တဝါရှိလောက်မည့် နေရာကို မှန်းပြီး Lightsaber ကို လွဲရမ်းလိုက်သည်။ အနီရောင်အလင်းတန်းက သစ်ပင်ငယ်တစ်ပင်ကို သွားထိပြီး ထက်ပိုင်းပြတ်သွားပေမဲ့ ထိုမမြင်ရသည့် သတ္တဝါကိုတော့ ထိဟန်မတူ။
"ရှဲ.....ရှဲ"(သစ်ပင်များ ပွတ်တိုက်သံ)
အသံကြားသည့် နေရာတိုင်း ရိပေါ်၏ ဓားချက်ကြောင့် အပိုင်းပိုင်းပြတ်သွားသော်လည်း အနှီသတ္တဝါမှာ အရှောင်အတိမ်းကောင်းလှသည်။
"ဒီသတ္တဝါက လျင်မြန်တယ်။ ပြီးတော့ အသက်ရှူလိုက်တဲ့ လေက အပေါ်ကနေ လာတာပဲ။ အတောင်ပံပါတဲ့ သတ္တဝါတစ်မျိုးဖြစ်ရမယ်။ မဟုတ်မှ.............Griffin"
Oops! This image does not follow our content guidelines. To continue publishing, please remove it or upload a different image.
မမြင်ရသည့် သတ္တဝါ၏ လှုပ်ရှားမှုများက ပိုမိုလျင်မြန်လာသည်နှင့် အမျှ ရိပေါ် တစ်ကိုယ်လုံးအနှံ့ဒဏ်ရာတွေရလာသည်။ သတ္တဝါ၏ ချွန်ထက်သည့် လက်သည်းများနှင့် ကုတ်ခြစ်ခံရမှုကြောင့် ရိပေါ် လက်မောင်းနှင့် မျက်နှာထက်မှာ ကုတ်ခြစ်ရာများ အထင်းသား။
"အား"
ကြီးမားသည့် အတောင်ပံနှင့် အရိုက်ခံလိုက်ရတာကြောင့် ရိပေါ်လွင့်ထွက်သွားပြီး သစ်ပင်ကြီးတစ်ပင်နှင့် ဝင်ဆောင့်မိသည်။
YOU ARE READING
Saviors of the Omegaverse
RandomOmegaverse (Alternative universe) အတွင်းက Earth no.5 ရဲ့ စွမ်းအားအကြီးဆုံး omega Xiao Zhan နဲ့ တစ်ချိန်ချိန်မှာ savior ဖြစ်လာမဲ့ Alpha Wang Yi Bo တို့ဆုံတွေ့ကြရာဝယ်.......... Omegaverse (Alternative universe) အတြင္းက Earth no.5 ရဲ႕ စြမ္းအားအႀကီးဆုံး...
