Unicode
"စီနီယာရှောင်း....စီနီယာရှောင်း"
သတိပြန်ရလာပြီဖြစ်တဲ့ ရှောင်းကျန့်က ကုတင်ပေါ်မှာထိုင်နေတုန်း ဝှီးချဲကြီးနှင့် ဝင်လာသည့် ရိပေါ်ကိုမြင်တော့ အလိုမကျသလို မျက်မှောက်ကျုံ့ရင်း ကြည့်နေသည်။ ရိပေါ်က ရှောင်းကျန့် ကုတင်အနားအထိ တိုးသွားလိုက်ကာ
"စီနီယာ ဘယ်လိုနေသေးလဲဟင်....ဒဏ်ရာတွေက စိုးရိမ်ရလား"
"ငါ့ပုံစံက စိုးရိမ်ရတဲ့ ပုံပေါက်နေလို့လား"
ထုံးစံအတိုင်း အသံမာနေပုံထောက်တော့ စိုးရိမ်စရာမလိုဘူး ထင်ပါတယ်။
"စီနီယာ ကျွန်တော်လေ စီနီယာ့ကို ပြောစရာရှိတယ်....."
"ပြော"
"ဟိုလေ နှစ်ယောက်ထဲပြောချင်တာ"
အနားမှ ကျိရန်နဲ့ စန့်ကျင်တို့က ပြုံးစိစိရုပ်တွေနှင့် အလိုက်တသိအပြင်ထွက်သွားပေးကြသည်။
"အရင်ဆုံး ကျွန်တော်တောင်းပန်ပါတယ်။ စီနီယာ့ကို မကာကွယ်ပေးနိုင်တဲ့အပြင် ဒဏ်ရာပါရစေခဲ့လို့။"
"အဲ့တာမင်းတောင်းပန်စရာမလိုဘူးလို့ ငါပြောပြီးပြီ"
"စီနီယာကျွန်တော့်အပေါ် ဂရုစိုက်ပေးခဲ့တာတွေကို မမြင်နိုင်ခဲ့ပဲ စီနီယာ့ကို အမြဲရန်စနေခဲ့မိလို့ တောင်းပန်ပါတယ်......ကျွန်တော်စီနီယာ့ကို ဒီတစ်ခါ ပြန်စောင့်ရှောက်ပေးပါမယ်...."
"မင်းကိုယ့်ကိုကိုယ်တောင် မစောင့်ရှောက်နိုင်ဘဲနဲ့ ငါ့ကို ဘာတွေလာပြောနေတာလဲ"
"ကျွန်တော်....သေချာပေါက်စောင့်ရှောက်နိုင်ပါတယ်.....ကျွန်တော် စီနီယာ့ကို ချစ်တယ်"
ဖြုန်းစားကြီး ချစ်တယ်ဆိုလိုက်တာကြောင့် ရှောင်းကျန့် ရိပေါ်ကို အလန့်တကြားကြည့်လိုက်သည်။ ရိပေါ်က ဆရာထံမှ အဖြေကိုစောင့်ဆိုင်းနေသည့် ကလေးငယ်လို ရှောင်းကျန့်အား မျက်လုံးဝိုင်းလေးနှင့် ကြည့်နေသည်။
"ဝမ်ရိပေါ် မင်းခေါင်းထိသွားတာလား"
"စီနီယာကလဲ ကျွန်တော်တကယ်ပြောနေတာပါဗျ....ကျွန်တော်ကိုယ်တိုင်သာ သတိမထားမိခဲ့ပေမဲ့....ကျွန်တော်စီနီယာ့ကို ပထမဆုံးအကြိမ်စတွေ့ကထဲက ချစ်မိသွားခဲ့တာပါ....စီနီယာ....ကျွန်တော့်ကို မုန်းလားဟင်"
YOU ARE READING
Saviors of the Omegaverse
RandomOmegaverse (Alternative universe) အတွင်းက Earth no.5 ရဲ့ စွမ်းအားအကြီးဆုံး omega Xiao Zhan နဲ့ တစ်ချိန်ချိန်မှာ savior ဖြစ်လာမဲ့ Alpha Wang Yi Bo တို့ဆုံတွေ့ကြရာဝယ်.......... Omegaverse (Alternative universe) အတြင္းက Earth no.5 ရဲ႕ စြမ္းအားအႀကီးဆုံး...
