تمنيتها كثيرا ♡ ازمه فرح♡

الفصل التاسع

الفصل التاسع  من روايه  #تمنيتها_كثيرا بقلمى #جنه_الامل
(امل عبد القادر )
الفصل ده اهداء الى روح ابى الغالى 💔
******
اتى يوم زيارة الوفد الاجنبى لشركة الاسيوطى وفرح تعمل بجد خاصا بعد تشجيع أبيها لها عقب معرفته با ختيار كمال لها
داخل مكتب كمال نجد كمال وفرح وكريم يتحدثون فى تفاصيل الزيارة
كمال: انا عاوزكم تركزو كويس الزيارة دى هتفرق معنا اوى
كريم: طبعا  كل حاجه هتتم على خير بس ياريت الآنسة فرح تبدأ فى شرح الترتيبات الى عملتها
فرح بدأت بشرح التفاصيل مع سعادة على وجه كمال فقال
جميل يا فرح شغلك جميل وحاجة ممتازه فعلا
فرح :طب ممكن اقترح حاجه
كمال: اتفضلى
فرح : الزيارة دى مش بتكرر الا كل سنه وطبعا بيشوفو اكتمال المشروع بعد سنه كاملة بس سنه من تعب العمال ال بيشتغلو الناس دى كمان لازم تفرح اقتراحى ان احنا نفرح الناس دى باى حاجه
كريم: العمال دول شغالين وبياخدو اجر واجور معقولة جدا
فرح :انا عارفة ده بس مفيش مانع ف اليوم ده يكون مميز ليهم
كمال بإعجاب شديد: فرح معاها حق يا كريم، فرح انتى عندك اقتراحات معينه
فرح :يعنى مثلا  مثلا يكون ليهم مكافآت ماليه ،نخصص ليهم وجبات من نفس المطاعم ال هتجهز الضيافة للوفد او  او نسلمهم لبس مخصص للشغل بس دا طبعا محتاج وقت احنا ممكن نكتفى حاليا بالمكافأت
كمال :وانا موافق وهعمل كل ده مش حاجه واحده
وتتطلع  اليها بحنان واضح  فيكى كتير من طيبه ابوكى
فرح: الحمد لله  ان الاقتراحات عجبتكم
كمال:كريم كلم مدير الحسابات ونسق معاه المكافآت 
كريم :حاضر اروح مكتبى وانفذ
كمال: تمام روحى معاه يافرح انتى عندك كشف بأسماء الناس الى فى المواقع كلها
فرح: ايوه يافندم وكمان اتأكدت من أستاذ أحمد وعرفت العدد كامل حتى الناس ال مش متواجدة النهارده
كمال : كويس اتفضلو دلوقتى وبعد ساعتين تكونوا جاهزين على معاد وصولهم
خرج كل من كريم وفرح قاصدين مكتب كريم حتى تحدث  كريم
فرح هى الفكرة دى جتلك ازاى ولا ليه حتى
فرح :شوف حضرتك وأنا  بجهز ترتيبات الزياره دى صممت اروح اشوف  المواقع دى
كريم :ليه
فرح :عشان افهم الوفد ده جاى ليه اصلا وأقدر حجم الحدث ده، المهم روحت لقيت الناس ال هناك بسيطه اوى، لا وايه لقيت منهم عارف ميعاد الزيارة وفرحان بيها كأنه هو صاحب المشاريع دى مش شركتكم تخيل بعد إحساسهم الجميل ده فرحتهم هتبقى ازاى لما يحسو انهم جزء من النجاح ده وحقهم يفرحو اكيد ده هيرفع حالتهم المعنوية جدا وساعتها هيدو الشغل كتير وبحب كمان بس هى دى كانت فكرتى
كريم  :تمام هى فكره كويسه  تقدرى تروحى مكتبك وانا هخلص المكافآت دى مع مدير الحسابات ولو سمحتى ابعتيلى حامد لو لقتيه ف المكتب
*******
فرح بداخل مكتبها جلست خلف المكتب بانهاك شديد
حامد استاذ كريم طالبك حالا فى مكتبه
حامد: اوكى بعد اذنكم
نهى: ايه يا بت ارحمى نفسك هتموتى يا منيله
فرح: ااه معلش هانت خلاص نخلص بس من الزياره دى وبعدها هرتاح
نهى  ماشى يا ستى هانت و.....
قاطعها صوت هاتف فرح فتحت الخط اتاها صوت صديقتها المقربة نيره انتى فين يا فرح من يوم ما اشتغلتى ونسيتى صاحبتك خالص
فرح: ايوه يا نونو ازيك يا قلبى
...... متزعليش منى والله غضب عنى
نيره: ماشى مش هزعل بس عدى عليا وانتى راجعة من شغلك 
فرح: حاضر ياعسوله سلام
نهى: مين دى ال صوتها واصل للسما دى
فرح: دى نيره صاحبتى الوحيدة تقريبا واحنا جيران كمان
نهى : ربنا يديمها عليكم نعمه حبيبتى
فرح: انتى هتروحى ولا ايه
نهى: لا مرواح ايه دا أستاذ صلاح مكهرب الجو ع الاخر
وحضرتك نفدتى بجلدك
فرح :ههههنه تعالى كملى مكانى يا ختى
نهى لا ميرسى
انا حلوه كدا تمام اوى
********
الزياره تمت على أكمل وجهه وتم تفيد اقتراحات فرح واثنى على عمل فرح الجميع واجتمع كريم وأبيه وفرح ووالدها فى مكتب كمال
كمال : بجد يا فرح برافوا عليكى عملت مجهود واضح ونظمتى كل حاجه كويس اوى
فرح :متشكره كمال بيه دا بفضل توجيهات حضرتك والأستاذ كريم مكنش التنظيم طلع بالشكل ده
كريم :الحقيقة انتى عملتى كل المطلوب منك بإتقان وفكره المكافآت كانت فكرة جميلة والعمال اكيد دلوقتى مبسوطين وعندهم دفعه معنوية
احمد :اكيد يااستاذ  كريم العمال دول ناس بسيطه اوى وقل حاجه تفرحهم
كريم :فعلا صحيح ودا ظهر جدا النهارده ودا بفضل افكار فرح ثم نظر الى ساعته  أنا مضطر امشى
بعد اذنكم عندى ميعاد مهم 
احمد: وانا كمان همشى يلا فرح ولا لسه عندك شغل
فرح :لا انا خلصت بعد اذن كمال بيه اقدر امشى
كمال: اتفضلى طبعا وعلى فكرة لو عاوزه تاخدى إجازة مفيش مانع
فرح: لا إجازة ايه انا مش محتاج اى اجازات
كمال: طيب  زى ما تحبى بس قبل ما تمشى تعدى على الحسابات ليكى هناك مكافأة
فرح: مكافأة ليه انا معملتش حاجه دا شغلى
كمال :اسمعى كلام وانتى ساكته ولا ايه يا احمد
أحمد :ههههه ماله احمد  موظفة ومديرها مليش دعوه
فرح :ايه يا بابا بتبعنى ولا ايه
احمد :ايوه ويلا عشان الست الوالده هتاخدنا مخالفة على التأخير ده
فرح :ماشى بعد اذنك كمال بيه
*****
التقطت فرح هاتفها واتصلت على صديقتها نيره
فرح: نيرو وحشتينى شوفتى اهو كلمتك متاخرتش عليكى
نيره: لا كتر خيرك يا ختى المهم انتى فين دلوقتى
فرح :فى بيتنا ها كنتى عاوزانى ضرورى إيه بقا الحوار
نيره: ولا حاجة كنتى عاوزاكى تنزلى معايا اشترى فستان فرح البت بنت خالتي قرب
فرح ::مبرووك يا نيرو عقبالك
نيره: هيييح وعقبالى ازاى بس وال عليه العين ولا هو هنا
فرح: هههههههه معلش يا روحى بكرا هياخد باله
نيره: ولا ان شاله عنه ماخد باله يا ختى بلا نيله😂
فرح: يخرب عقلك هتموتينى ضحك يلا بت روحى البسى وانا هعدى عليكى ونروح نشترى ال عاوزاه وانا كمان هشترى شوية حاجات
نيره: تمام يلا هروح البس هواا
*******
ارتدت فرح ملابسها وأستاذنت أبيها ف الخروج
فرح: بابا بعد اذنك هروح مع نيره المول هتشترى شويه حاجات
احمد :ماشى حبييتى بس من غير تاخير
اتاه صوت علاء استنى يا فرح أنا هوصلكم واروح لحازم وبعد ما تخلصو ارجع اخدكم تانى
فرح: ماشى ياعلول هما دول الاخوات ولا بلاش
علاء:  بكاشه اوووى يلا  بدل ما اغير رأى
فرح: اممممم  عنيا حاضر
خرج علاء وفرح قاصدين منزل نيره

****
فرح: يلا يا بنتى احنا تحت اهو

نيره: نازله اهو ايه مفيش صبر

نزلت نيره واستقلت السياره بجانب فرح

نيره :ازيك يا علاء معلش تعابينك معنا كدا على طول
علاء : ولا يهمكم يا ستى بس تخلصو بسرعة وتبطلو لف هنا وهنا
نيره بهمس :فرح ماله أخوكى ده
علاء بصوت عالى افزغها: نيررررررره بتقولى حاجه
نيره: لا يا خويا بقول انشالله تسلم
فتعالت ضحكات الجميع
وصلو الى المول ودعهم علاء على أن يرجع لهم بعد شراء احتياجاتهم
داخل المول وبعد اكثر من ساعه
فرح: اااه يارجلى يلا يابت ارحمينى ايه مفيش حاجة عجباكى خالص
نيره: لا لازم انقى حاجه تستاهيل انتى متعرفيش أهل امى عاملين ازاى دول هوانم ياختى
فرح: هههههه وانتى مطلعنيش هانم زيهم ياختى
نيره : لا انا جعفر فى نفسى  كدا هههههه
فرح هههههه : طب هوانم جاردن ستى قرايبك دول هيطلعو عنينا كدا كتير خلاص بقا مش حاسه برجلى
نيره :طب هقولك تعالى نشرب حاجه فى الكافيه ونرتاح شوية
فرح: فكره تعالى يلا
بمجرد جلوسها رات فرح كريم بالطاوله المقابله ليها
يجلس مع بعض الأشخاص ولاحظت نيره نظرات كريم لهم فقالت
نيره: بت ماله الكابتن  ال هناك ده بيبصلك ليه
فرح :اه ده كريم الآسيوطى مدير الشركه
نيره : اه وماله مدير مدير واحنا لاقين متعرفيش مرتبط دا ولا ايه
فرح :وانا اش عرفنى انتى كمان
نيره: الحقى دا جاى ناحيتنا
فرح نظرت فراءته قد غادر طاولته بالفعل متقدم اليها
كريم : ازيك يا فرح بتعملى اية هنا
نظرت فرح.حولها قائلةببرود
هكون بعمل ايه دا مول اكيد بشترى حاجات وهنا كافيه اكيد بشرب اى حاجه
ضحك أصدقاء كريم فا هذه هى المرة الاولى التى تتحدث فيها  فتاه مع كريم بهذه الطريقه
كريم: أنتى ازاى تتكلمى معايا بالأسلوب ده نسيتى نفسك ولا اية
فرح وقد ارتفع صوتها قليلا
لا مش ناسيه حضرتك  واحد قاعد على تربيزه هناك ملكش الحق تسألني بعمل ايه هنا
كريم بغضب واضح :نعم ايه واحد دى انتى ناسيه انا مديرك يا انسه
فرح :مديرى هناك فى شركتك هنا لا واضح.طبعا
نيره محاولة تلطيف التوتر: خير يا جماعة اهدو كدا
كريم بغصب :وانتى مين كمان
نيره: لا بقولك ايه اهدى يا خويا انت بتقول ياشر اشتر
وصل غضب كريم من فرح مبلغه وزاده نظرات أصدقاءه فهو لم يتوقع ان يوضع في موقف كهذا خاصا امام أصدقائه
كريم: انتى مش عارفة عملتى ايه بس هتدفعى تمنه غالى اوى اوى
فرح بتحدى :ال تقدر تعمله اعمله انا مبخفش
كريم :هنشوف
غادر هو وأصدقائه ولكنه فى نفس يسعى لتلقينها درس لا تنساه
******
اتمنى الفصل يعجبكم 
دمتم بخير
#جنه