تمنيتها كثيرا ♡ ازمه فرح♡

الفصل السابع والاربعين

السابع والاربعين #تمنيتها_كثيرا
بقلمى جنه الامل   امل عبد القادر
---------------------------_________________------------------
كمال: ماتت بنت احمد وطبعا معظم الجثث كانت متفحمه وهى كانت طفله ومحدش قدر يحدد جثث حتى ولاد رفعت كان صعب التعرف عليهم
والصدمه ال عبدها كانت موت عمر

وبعدها بيوم جالنا جواب من حنان وال قالته فى الجواب ده فاق كل توقعتنا
كانت كاتبه فى الجواب انها لما راحت لعمر وفى عز غضبها وحقدها لانه مصدقهاش ولامره فى ال قالته عن احمد فحبت تنتقم. منه فقالت له  ان فرح متبقاش بنته وانها كانت على علاقه برفعت وكانت حامل منه هو
ودا طبعا ال مصدقوش عمر وخلاه يجرى على عائشه ويسيب بنته هناك والاصعب من كدا بعد. حادثه. ولاد رفعت ومراته خافت حنان على نفسها فكدبت عليه نفس الكدبه وفهمته ان فرح بنته ونه هيرجع عشانها
وقدرت تعرف منه ان فيه ناس عاوزين يصفو عيله عمر

مراد: ودا ال اتاكدنا منه بعد ماحولو يقتلونى انا ومعايا كام ظابط من ال اشتغلو معنا فى القضيه
وحاول كمان يقتلو هيام واولادها جو بيتهم
القضيه كانت كبيره جدا والفساد فيها واصل لناس كبيره
والداخليه مقلوبه

احمد بحزن:بعد موت عمر وموت بنتى الدنيا اسودت وعائشه مرت بظروف قاسيه اوى رغم كل ده الا انها فضلت متمسكه بيكى يافرح

ادهم:يعنى مكنش فى حل فرح تعيش معنا احنا وباسمها الحقيقى

احمد: فى وسط كل الخوف  ال كنا فيه خوف كبير بس  مش على نفسنا
خوف على ولادنا من غدر رفعت وال معاه وخوف على فرح من كدبه مكنش فى غير حل واحد

كمال:اننا نعلن موت عمر وبنته فرح الاسبوطى
ومن يومها وفرح بقت بنت احمد
وخدهم احمد وسافر وانا اخدت ولادى وسافرنا
ورفض احمد ياخد قرش واحد من فلوس الشركه القديمه بعد ما صفيت كل الشغل وشايلنى امانه فلوسه وفلوس عمر
اتجه بحديثه نحو ادهم
فاكر ياادهم الحساب ال سالتنى عليه وقولتلك دا حساب خاص
انا كل سنه بحط لاحمد وفرح نصيبهم
ولما رجع احمد واستقر هنا عرضت عليه يرجع تانى الشركه رفض بشده وبعد محاولات كتيروافق يشتغل فيها كموظف عادى
وكنت بطمن على فرح منه واشوف صورها بتكبر قدام عينى

عائشه: عمرى ما فكرت انك مش  بنتى.،،. انتى بنتى وهتفضلى كدا  واخت علاء وعمر حتى لو فى الرضاعه

احمد: انتى دلوقتى عرفتى كل حاجه عملناها كانت لحمايتك  يمكن كان غلط ولو كنا دورنا على حل كنا لقينا بس خوف عمر عليكى قبل ما يموت ولانه كان كاتم كلام حنان جواه  اتنقل خوفه ده ليا انا كمان وبعد التهديدات ال جتلنا كان لازم حل سريع
ومكنش غير دا ادامنا  غير نسافر كلنا وبسرعه
وفعلا خلصت الاوراق على انك بنتى

كمال: واحنا كمان سافرنا
ومن بشاعه ال حنان عملته بعدت هيام عن عائشه  عشان متفكرهاش بالى حصل
او ان وجودها يخليها فكره طول الوقت ان فرح مش بنتها