تمنيتها كثيرا ♡ ازمه فرح♡

الفصل السادس والعشرون

السادس والعشرون من رواية #تمنيتها_كثيرا  بقلمى #جنه_الامل
امل عبد القادر
********
ارتدت فرح ملابسها  بالفعل
دقائق وطرق كمال باب منزلهم فتح لهم ادهم  قائلا بابتسامة هادئه
صباح الخير يابابا اتفضلو
دخل كمال ومعه هيام وأمنية
هيام: مبروك يا حبيبى اومال فين مراتك
أدهم :مراتى !!!   ااه جايه حالا
اتت فرح و القت السلام على الجميع
هيام: اهلا ياعروسه مبروووك يا حبيبتى
فرح: اهلا بحضرتك يا طنط الله بيارك فيكى .. تحبو تشربوا ايه
أمنية : لا انا ال همعل كل حاجه انتى عروسه ولازم ادلعك بقا
فرح: ميصحش يا أمنية خليكى مرتاحة
أمنية :لا والله يصح ونص انتى زى نرمين ولا انا مش اختك
فرح : لا طبعا انتى اغلى من اخت يا مونى  عموما اكيد عارفة مكان المطبخ
أمنية :طبعا دا انا ال فرشت الشقة دى وهاخد أدهم معايا كمان يلا يا ادهمى
ادهم: يلا يا رغايه كل.دا رغى يا ساتر
أمنية : هو لسه شوفت حاجه دا انا هصدعك جوا
أدهم : امرى لله يلا
***
اشارت هيام  الى كمال بالخروج قليلا فقال
بعد اذنكم اعمل كام تليفون تبع الشغل فى البلكونة
فرح: اتفصل يا حاج البيت تحت أمرك
كمال : رجعنا تاانى لكلمة حاج دى عارف صعب تقولى يا بابا بس عمى مش صعبة عليكى صح ؟
فرح : معاك حق  انا اسفه يا عمى
كمال :اهو كدا طالعه منك زى العسل
تركها ودخل شرفه المنزل
اما فى المطبخ فتعد آمنيه بعض المشروبات وادهم بجوارها شارد قليلا
أمنية: ايه يا عمنا فييينك
ادهم :ها معاكى اهو
أمنية: معايا ايه بقا دماغك مشغول بالعروسه  اكيد
ضحك ادهم بشده  وقال
هو انا لحقت اتشغل  يا مجنونه انتى دا لسه عارفها امبارح
أمنية :مكمن اقولك حاجه ومتزعلش
ادهم :قولى  بس من غير رغى كتير
تركت فرح ما فى يديها والتفت إليه قائله:
ادهم فرح طيبة اوى هتقولى تعرفى من فين هقولك فيه كذا موقف حصل خلانى افهمها، ، فرح وقت ما اخوك الغبى ده هرب كان ممكن تقل عقلها وتعمله فضيحة ومتنساش اننا معروفين والكلام كان هياثر علينا أكيد فهى اختارت أنسب حل وجت على نفسها متجيش عليها انت كمان كفاية ال هى فيه واهلها كمان ناس طيببن اوى
قطب حاجبيه كانه تذكر شيء
ادهم: اه صحيح بخصوص اهلها امبارح اخوها كان واقف معاكى ليه كتير
أمنية :ايه ده عريس وواخد باله من ال حواليك
ادهم :والله ما تنطقى أبت
أمنية :والله يا أدهم  انا فعلا محتاجه اتكلم معاك و يمكن أرسى على بر
أدهم: اااه كمان بحر وبر حكايته آيه الواد الملزق ده
أمنية:  وعرفت بقا من فين انه ملزق
ادهم:  عارفه هو من صغره كدا
باستغراب شديد قالت أمنيه :
انت تعرفه يا ادهم؟
ادهم: اه لا أقصد يعنى زمانه مولود كدا رخم فى نفسه
امنيه :ماشى هبقى احكيلك بعدين دلوقتي يلا نخرج لمراتك تغير ولا حاجة
انفجروا ضاحكين وقال ادهم:
كنت بقول ماتيجى نحطلهم منوم ونقعد نرغى انا وانتى شوية
أمنية :ههههه والله فكرة
******
اما ف الخارج هيام وفرح
هيام :قوليلى  يا فرح انتى كويسة
فرح: أيوه ياطنط بخير الحمد لله
هيام: هطلب منك نفس طلب عمك كمال بلاش طنط قولى يا خا..... قولى ياماما ومتخافيش عائشة مش هتزعل
فرح :  هتزعل  ليه بس انتى مقامك غالى اوى عندى يا ماما هيام حلو كدا
هيام:  ربنا حببيتى يفرح قلبك ،فرح عاوزة أسألك يمكن مش من حقى السؤال ده بس عاوزة اطمن عليكى انتى امانه عندنا
فرح :اتفضلى اسألى
هيام :ادهم مأجبركيش على حاجه صح؟
نظرت فرح الى الأرض وهزت رأسها بالنفى دون النطق باى كلمة
هيام: ولا حتى ضايقك بكلمة
فرح: انا عايزه حضرتك  تطمنى انا  وادهم  بخير واكيد هنلاقى طريقه نتعامل بيها سوا
نظرت لها هيام وقد فهمت  مدى حرص فرح الحفاظ على أسرار بيتها
فقالت ف إعجاب :
ماشاء الله عائشة عرفت تربى صح بس لازم تعرفى انا هنا مكان ماما لو احتجتى اى حاجه انا موجودة
فرح: ربنا يخليكى ليا يا ماما
اتى أدهم وأمنية
ادهم :
هو بابا فين بابا
هيام :فى البلكونة بيعمل كام تليفون
أدهم : اوك انا هدخله