الفصل الرابع 💛 روايه #تمنيتها_كثيرا بقلمى جنه الأمل
*******
دخل علاء الى غرفة والده
نعم يا بابا
احمد :تعال يا علاء ممكن افهم مالك متعصب ليه فرح كبرت ولازم تتعتمد على نفسها وتواجه الدنيا دى يشويه ثقه
علاء: فاهم يا بابا معلش غصب عنى
أحمد :وبعدين يا علاء مش هتنسى خلاص دى حكاية عدا علبها سنين
علاء :مش قادر انسى ازاى انسى انى كنت السبب ف...
قاطعة أحمد يابنى هون على نفسك دا قدر ومحدش يهرب من قدرة
علاء :ونعم بالله انا هروح لحازم صاحبى عشان نشوف ورق المشروع الجديد
احمد: ربنا معاك بس قبل ما تمشى ادخل لاختك طيب خاطرها بكلمتين
علاء :حاضر كنت هعمل كدا والله من نفسى فرح دى غالية اوى يا بابا وميهنش عليا زعلها
أحمد : ربنا يخليكم لبعض ودايما كدا يا علاء خليك جنب اختك سند ليها يلا روح عشان متتاخرش على شغلك
أحمد محدثا لنفسه :خايف عليها من مجرد موقف صغير طب لو عرف ال مستخبى هيعمل آبه
رحمتك يارب
***
فى غرفة فرح
طرق علاء الباب وبعد ان سمحت له بالدخول وجدها تنظر الى العدم شاردة الفكر
فرح فرح
نعم يا علاء
علاء :حقك عليا متزعليش انا خايف والله عليكى
فرح انا فاهمه بس لازم انت كمان تفهم انا كبرت ليه محدش مصدق من صغرى وبابا وماما كان عندهم نفس الخوف ده ومش عارفه خايفين من ايه حتى انت يا علاء فجأة اتغيرت طول الوقت مهموم وخايف من ايه انا نفسى اعرف
علاء :مفيش حاجة يا قلب اخوكى وبطلى فلسفتك دى ده انا كويس
فرح :ماشى يا علاء لما تحب تتكلم هسمعك وعلى فكرة انا بسمع كويس
علاء.:لا فيه حاجة بتعمليها احسن من السمع وبجد محتاجها اووى منك
فرح :حبيبى انت تؤمر
علاء: فنجان قهوة من ايديك الحلوة دى
فرح اهو انت كدا متعرفنيش الا عشان تأكل تشرب حاجه فى الرينج ده
علاء: ضاحكا يلا بت من هنا انجزى اعمليها عندى مشوار مهم
فرح :فيين بقا مشوار غرامى ده صح
علاء ............
فرح: ايييييه كل ده سرحان
فاق علاء من شروده وبدون تفكير احتضن أخته بشدة هامسا لها متخافيش من حاجة طول ما انا عايش وخلى بالك من نفسك أووى اوعى تثقى فى حد مهما كان فاهمة
فرح : مالك يا علاء فيك آبه ليه الخوف ده كله
علاء :مفيش حاجة يافرح بس اسمعى كلامى
فرح :حاضر. روح غير هدومك وانا هعملك القهوة
اخوات عسليات اوى 😍😂
كانت عائشة بجوار الباب واستمعت للحوار
أحمد :بتعملى آيه عندك
عائشة: كنت خايفة يتخانقو
احمد :ههههه طول عمرك قلبك خفيف كدا متخافيش علاء روحه فى اخته
عائشة :علاء صعبان عليا اوى يا احمد
أحمد بأسى :بكرا ينسى ويعرف انه مش بايده
عائشة: هيفضل كدا يحاسب نفسه ويغلطها ويلومها لحد امتى بس
أحمد: ادعيله ربنا يهونها عليه
عائشة :آمين يارب العالمين
*****************
فى مكان اخر وفى دولة أخرى
جلس رجل اشيب الرأس ينفث دخان سجارته يتتطاير الشر من عينه يتحدث بعصبية ف الهاتف
بقولك عاوز كل المعلومات فى اقل من24 ساعه فاهم وحياتك قصاد المعلومات دى هبعتلك الاسم والصور حالا
أغلق الهاتف وبعث الرساله للطرف الآخر
وكانت عبارة عن سطرين
هدفك المرة دى فرح أحمد عبد الرحمن
تمنيتها كثيراً
بقلمى جنه الأمل
أنت تقرأ
تمنيتها كثيرا ♡ ازمه فرح♡
Chick-Litهنكمل القصه على الايميل ده لان الايميل ال باسم مليكه مليكه للأسف خسرناه أتمنى تتابعونى هنا
