تمنيتها كثيرا ♡ ازمه فرح♡

الفصل الخامس عشر

الفصل  الخامس عشر من الروايه #تمنيتها_كثيرا بقلمى #جنه_الامل
*********
احمد :طلبه مرفوض ليه يافرح انتى حتى مفكرتيش
فرح :ومش هفكر اذا كان المبدأ نفسه مرفوض
أحس أحمد بتوترها البالغ فاخذها بين يديه قائلا: فرح انا عمرى غصبتك على حاجه
فرح: لا يا بابا محصلش
احمد :بيقى تهدى وتفهمينى رفضه مبدأ الجواز نفسه ولا رفضه كريم تحديدا
فرح :وهى دى تفرق فى ايه
احمد :لا تفرق وكتير لو رفضك للجواز نفسه بيقى شيء عادى وتكونى مش حابه فكره الارتباط  دلوقتى لكن لو رفضه كريم تحديدا بيقى لازم يكون عندك سبب للرفض وأنا شايف ان معندكيش سبب
فرح :لا عندى أسباب كتير أولها انه مغرور وشايف نفسه ع الكل وكله ف الشركه بيتكلم لولا ان أبوه مسيطر عليه كانت الشركه دى ولا وصلت لكل ده
احمد :طيب ال بتقوليه ده بتقوليه عن سمع وبس ولو كانت دى طريقه فى الحكم على حد فدى طريقه غلط
فرح :لا يابا مش سمع وبس نا تعاملت معاه ف كذا موقف واهمها كان ال حصل فى المو........ قطعت فرح كلامها
فتكلم علاء :ايه سكتى ليه كملى حصل ايه وفين
احمد مشيراً لعلاء بالصمت :كملى حبيبتى هزت فرح رأسها وقصت عليهم ما حدث فى المول الى اعتزار كريم منها
علاء :انتى مقولتيش ال حصل ده ليه يومها
فرح :انت جيت بعد ما حصل ال حصل محبتش تضايق ومقولتش لبابا عشان ميقلقش عليا
احمد :يعنى انتى بنيتى رفضك على موقف زى ده وهو سوء تفاهم.مش اكتر يا بنتى كريم ميعرفكيش كويس ف أتعامل معاكى بطريقته ال من وجهه نظره هو عاديه
فرح :يابابا انا اصلا مش مرتاحه للموضوع كله
احمد :خلاص يا فرح زى ما تحبى
فرح: بعد اذنكم خرجت فرح
قالت عائشه :وانت يا علاء ايه رايك
علاء :الحقيقه يا ماما فرح كونت راى غلط عن كريم لكن فى العموم هى فرصه كويسه ليها
احمد :فرصه كويسه من ناحيه ايه يابشمهندس
علاء: يا بابا كريم ابن ناس شركاتهم من انجح الشركات فى البلد يعنى مستوى جميل ويليق بفرح
احمد: انا عمرى حسستكم انكم اقل من اى حد يا علاء
علاء :العفو يا بابا حضرتك طول الوقت مخلينا رافعين راسنا انا قصدت اقول ان فرح دى ملاك وفعلا لازم تعيش فى المستوى ده لانها تستاهل
أحمد :عموما انا هستنى عليها شويه تراجع نفسها وقرارها الأخير هو ال هيمشى
دخلت فرح غرفتها تدور بداخلها عشرات الاسئله بل مئات تصارع افكارها تتذكر كل موقف لها معه تتسال فى داخلها عن سبب قاطع لرفضها التقطت هاتفها عازمه الاتصال على صديقتها نيره اتها صوت نيره أيوه يافرحتى
فرح :ازيك يا نيره
نيره بتعجب :ازيك يا نيره !!!!ومن غير نيروو يبقى فيه حكايات وحوارات ارغى يا قلب اختك
فرح:كريم يانيره
نيره :كريم مين
فرح :كريم الاسيوطى يا بت
نيره :اه مديرك الواد الحلو شبه الأتراك دول ماله.
فرح :طلب أيدي من بابا.
نيره بفرحه: بجد والنبى لوووولى مبروك يا عروسه
فرح :مبروك على ايه يا اختى انا رفضت اصلا
نيره نعم يا ختى وترفضى ليه هو ده عريس يترفض
فرح :اه عادى فى ايه يعنى عشان ميترفضش
نيره: فيه كتير يا ختى واد زى القمر ابن ناس اهله زى ماحكيتى واصلين أبوه وابوكى اصحاب
فرح: وأخلاقه يا نيره ولا دى مش مهمه
.نيره :مالها أخلاقه يا بنتى كل ده عشان موقف المول معقول يا فرح يعنى انتى من ساعه ما قابلتيه أول مره وعماله تشوطى فيه لحد ال حصل ومع ذلك اعتذر ليكى واهو جاى يخطبك يعنى اتشدلك وكل ده من مواقفك معاه وانتى ترفضى د انا ناقص اعمل مسرح.مصر عشان أحدهم ابن .... ولا بلاش ولا هو هنا  ؛؛؛وانتى الراجل هزقتيه وسط أصحابه ومع ذلك معجب بيكى واتقدم كمان  تصدقى معندكيش دم والله
فرح: يا نيره افهمينى واحد زى كريم ده شاف كتير وتعاملاته اكتر اشمعنا انا
نيره: أولا لانه نصيب ثانيا اكيد شاف فيكى الحاجه ال كلنا بنحبها فيكى  طيبتك ووضوحك وقلبك الأبيض ده بطلى تقلقى ع كل كبيره وصغيرة وادى لنفسك مساحه تعيش وبلاش كل حاجه تقعى ف صراع كدا اولا واخيرا كله بامر الله
فرح :ونعمه بالله انا عارفه دوشتك يا نيرو
نيره: يا ستى اى خدمه ادوشينى كمان
سمعت فرح طرقات على باب غرفتها فقالت:
نيرو هقفل معاكى دلوقتى سلام أغلقت الهاتف قائله لمن يطرق الباب اتفضل
أحمد :ايه يافرح مش هتتعشى
فرح :لا حبييى مش عاوزه أكل
احمد :لا كدا غلط الأكل ماله ومال ده  يا بنتى ال انتى عاوزه هعمله ليكى وعلى  انا حاسس بيكى أنت بتسالى نفسك ليه واشمعنا وانتى  حساسه اوى وبتخافى على نفسك وتخافى تنجرحى صح ؟؟
!هزت فرح رأسها بالإيجاب
احمد :طب انا عندى الحل انتى قبل ما تقولى قرارك الأخير تتكلمى معاه وتساليه عن كل ال جواكى وبعدين تاخدى قرار ماشى
فرح: ربنا يخليك ليا يا بابا
أحمد: ها ارتحتى دلوقتى نتعشى بقا
******
كمال بداخل غرفته يتطلع لبعض الصور قائلا هحافظ عليها من اى حد مش هخلى حد يزعلها ودا وعد الاميره خلاص هترجع لمكانها الاصلى بعد سنين فراق اطمن اغلق ألبوم صوره وسرح ف زكريات ماضى اليم ******
اتمنى الفصل يعجبكم
#تمنيتها_كثيرا
بقلمى
#جنه_الامل