تمنيتها كثيرا ♡ ازمه فرح♡

الفصل السابع عشر

الفصل السابع عشر  من روايه #تمنيتها_كثيرا بقلمى #جنه_الامل
امل عبد القادر
**********
مر اسبوع واتفقت العائلتين على إتمام الخطبة  وداخل منزل كمال تختلف الآراء بين بناته  فنجد نرمين فى حاله غضب شديد غير مبرر تقول
نرمين :ازاى يا بابا توافق على ده وكلكم مالكم فرحانين ليه كدا طب اقول اي لجوزى اخويا هيتجوز حته موظفة أقوله كدا ازاى وهو ابن عائله كبيرة كدا هيتقبل ازاى ده صاحت فيها امنية قائلة :
  اية يا بنتى النفخه الكدابه دى مالك، ومال جوزك اصلا ومال جواز كريم ولعلمك بقا جوزك راجل محترم ومثقف دكتور واعى ان الانسان مش كونه إبن مين افهمى بقا نرمين: وانتى ايه فهمك انتى ف الكلام ده   واصلا محدش طلب رايك
أمنيه: ولا حد طلب رأيك انتى كمان ويا تقولى كلمة خير يا تسكتى
كمال :ما شاء الله صوتكم عالى قدامى ومفيش اعتبار لوجودى لو خلصتو  خناق  ينفع اتكلم بقا
أمنية : انا اسفه يا بابا مقصدتش بس بجد كلامها عصبنى وعموما انا داخله اوضتى معنديش استعداد اسمع كلامها الغريب ده بعد اذنكم
نرمين : سامع يابابا بتتكلم ازاى كانى مش من حقى اقول راي
  كمال:اسمعى يا نرمين وجهه نظرك غلط واختك عندها حق الإنسان مش ابن مين لا هو مين  وفرح بنت كويسة جدا انتى لس عشان ماتعرفهاش بتقولى كدا وغلط تحكمى على حد من غير ما تعرفيه وطريقتك كلها ف حياتك مش عجبانى بس بقول دى حياتك ولازم تتحملى مسؤوليه نفسك
نرمين :يا بابا انا بقول رأى مش اكتر ف جواز اخويا والشكل الاجتماعى بتاعنا
كمال : يابنتى الدنيا مش شكل ومنظره كدابه يمكن لو كنتى شوفتى الأيام ال انا وامك شوفناها واحنا بنبى مسنقبلنا مكنش ده بقا رأيك ودلوقتى تروحى
تصالحى اختك ال دخلت أوضتها زعلانه دى
قالت هيام: ابوكى معاه حق قومى صالحى اختك، وتانى مره صوتكم ميعلاش على بعض لا قدام بابا ولا حتى لوحدكم دى اختك يا نرمين يعنى سندك
نرمين :حاضر يا ماما هدخلها بس ده ميمنعش ان فعلا شايفة فرح دى مش مناسبة لكريم بعد اذنكم
هيام : ربنا يهديكى
كمال :انتى  كنتى فين طبعا مع حبيبك
هيام : هههههه طبعا مش بعرفة خبر حلو زى ده تعرف يا كمال انا اتمنيت فرح تبقى معايا هنا وكان حلمى تبقى مرات أدهم  مش كريم بس النصيب بقا حكم
كمال: بتقولى ايه يا هيام  دانا شايل هم لما يعرف ان أحمد رجع للشغل معنا انتى عارفه هو فاكر ايه وفاهم ايه من وقتها ومحدش فينا قدر ولا عرف يغير تفكيره ده
هيام: لا يا كمال كان هيتغير بمجرد مايعرف الحقيقة كمال:وانتى مفكرتيش الحقيقة تضر فرح ازاى وبعد ال قاله مراد الخوف زاد لا خلينا كدا فى الأمان أفضل ليها و قفلى ع الكلام دلوقتى كريم وصل
كريم :مساء الخير يا جماعة
كمال: مساء النور كنت فين لحد دلوقتي
وأشار لهيام ففهمت انه يريد التحدث مع كريم بمفردهم
هيام: طب انا هقوم اشوف البنات
كمال : يعنى مردتش على سؤالى
كريم: اول مرة يا بابا تسالنى كنت فين دى
كمال: فعلا طول عمرى بعتبركم انت واخوك رجاله وقد تصرفاتكم وكلامكم وانت دلوقتى داخل ع مرحلة جديدة ف حياتك ولازم تكون قد اختيارك انت داخل على جواز ومسؤولية ودى خطوه مهمه
كريم :احنا فين بس وجواز فين يا بابا دى خطوبة ولسه المشوار فى أوله حضرتك بس متقلقش
كمال :اسمع يا كريم فرح دى مش بنت واحد صاحبى دا اخويا يعني مش هسمحلك ولا هسمح لحد انه ياذيها باى شكل فاهمنى 
كريم :فاهم يابابا اطمن بعد اذنك هقوم ارتاح شويه
********
فى صباح اليوم التالى ف منزل فرح واستعدادت لموعد  الخطبة
لووللى مبروك يا عروسة نطقت بيها نيره معبرا عن فرحتها بصديقه العمر
فرح :يابنت اهمدى من ساعة ماجيتى مبطلتبش زغاريد صدعتينى
نيره: اعمل يارورو فرحانة اوى بيكى وعقبااااااالى ( بصووت زينات صدقى)😂 بس انتى ليه مش.فرحانه
فرح :مين قالك كدا أنا بس متخاده شوية حتى نهى قالت ليا عادى متقلقيش دا بيحصل لينا كلنا مع اى بداية جديدة لحياتنا
نيره: باين على نهى دى عاقله كدا هى مش هتيجى اشوفها بقا
فرح :كان نفسى تحضر بس قالت دى اول مقابلة عائلية وحاجة على الضيق كدا
نيره: طب يلا اجهزى أهل العريس على وصول
فرح :انا خلصت اهو مستنيه علاء بس راح يصلح السلسلة بتاعتى انكسرت الصبح ربنا يستر
نيره : خير ياروحى أن شاء الله
وصلت عائلة كمال ماعدا نرمين التى اعتذرت عن الحضور
وما ان تقابلت هيام وعائشة حتى تفجرت الدموع من عينيهم وقالت هيام:
.كدا باردو يا عائشة يعنى لولا خطوبة الولاد متفكريش تشوفينى بس انا عزراكى معاكى حق تبقى مش عايزه تشوفى اى حد مننا ولا من ريحة······
قاطعتها  عائشة:
متقوليش كدا يا هيام طول عمرك غالية عندى بس ال حصل كان أكبر منى ومنك وكنا هنتوجع اكتر وهنفتكر ال يزعلنا
هيام :معاكى حق
كمال : مش وقته ياهيام  ازيك يا عائشة عاش من شافك
عائشة :ازيك انت يا كمال الدنيا خدتنا معلش بس انتو دايما ع البال وال بينا ميتنسيش بسهولة كدا
هيام: واهو النصيب جمعنا تانى اهو وان شاء الله مش هنفترق تانى
احمد:  مبسوط شفناكى بخير   يا هيام ودا المهم
هيام : طول عمرك أصيل يا أحمد
مال عمر الواقف بجوار أمنية يتابعون فى صمت قائلا
بقولك ايه متعرفيش  اية الدراما دى هتخلص أمتى وسببها اصلا اية
نظرت له أمنيه ف استغراب قائله الحقيقة معرفش ثم  انت مين بقا
عمر فى زهو : هو انا مقولتش انا مين،  انا ابقى اخو العروسه وابن الحاج والحاجة ال هناك دول
أمنية بصوت ضاحك : وانا ابقى اخت العريس ال هناك ده
عمر : بما اننا مش فاهمين حاجه متيجى نقعد مع كريم بدل ماهو واقف لوحده زى ازازه الخل كدا ههههه
كريم بعيظ مصتنع : بتقول حاجه يا عمر
عمر : لا يا كبير انا برحب بيكو وبس ههههه
لاحظت عائشة وجود أمنية فسألت هيام: الامورة دى بنتك
هزت هيام رأسها بالإيجاب
ونادت على أمنيه :
تعالى يا أمنية سلمى على طنط عائشة
عائشة 'بسم الله ماشاء الله زى القمر يا هيام مشفتهاش دى بس فاكره الكبيرة
هيام :الكبيرة  نرمين  معلش معرفتش تيجى ابنها تعبان شوية اومال فين عروستنا القمر
عائشة :بتجهز جوا تعالو معايا طرقت عائشة غرفه فرح ودخلت ومعها هيام وأمنية وما ان راتها هيام حتى تفاجات بجمالها فكانت فرح ترتدى فستان بسيط من الشيوفون باللونين الأسود والبنفسج وحجابها من اللون الملف فاحتضنتها قائله ماشاء الله عروسه زى القمر زى ما توقعتك يا فرح 
فرح :ميرسى ياطنط من ذوقك
هيام : طنط اية لا انا من هنا ورايح ماما ولا ايه يا عائشة
عائشة : طبعا يا هيام ما انتى فى مقام امها
تحدثت أمنية :ايه يا ماما خلينى أسلم ع السكر ده ازيك يا فرح انا أمنيه 3 هندسة واخت العريس وقلبى طيب زى العسل وابيض زى المج  ضحكو الجميع
وقالت فرح: اهلا بيكى يا أمنية واشارت لنيره دى نيره صاحبتى
أمنية : اهلا بيكى يا قمر
همست نيره لفرح : بت انتى متأكدة ان دى ام العريس دااصغر منى هههههه
فرح : اسكتى هو.ده.وقت هزارك
نيره : ماشى هسكت بس شبهك اوى الست دى
فرح : تعرفى حتى نهى قالت كدا عندكم ضعف نظر باين قطعت همسهم أمنية وقالت 
يلا بقا العريس قاعد برا على نااار
عائشة :هنطلع كلنا بس يجى علاء أخوها أصله اتاخر شوية كان بيصلح سلسة فرح وهى بتحب السلسة دى اوى تلاقت نظرتها المرتبكه مع هيام التى قالت: يجى براحته مش مستعجلين
طرق الباب عمر قائلا : ماما علاء برا وبيستأذن يدخل عائشة :تعال يا علاء
دخل علاء وألقى السلام على الجميع
عائشة :دى طنط هيام والده كريم  ودى أمنية اخته
وما ان رفعت امنيه رأسها وراته من يكون حتى اتصدمت وعقدت المفاجأة لسانها وقالت بصوت خاوى من الحياة معقوله: انت
علاء :بدهشه وصدمه أكبر أمنيه !!!!
قالت عائشة: انتو تعرفوا بعض ياولاد دقيقه صمت يتطلع كل منهم الى الاخر
*****
وفى بلد اخر يجلس رفعت الشناوى ينفت دخان سيجارته فى هدووء ثم نادى عليها
حنان جهزى نفسك هننزل مصر قريب
التفت اليه نصف التفاته قائله بصوت يظهر فيه الغضب قليلا قولتلك مليون مره بلاش الاسم ده اسمى حاليا هند فاهم
رفعت : هههههه مش هتفرق كتير عندى
هند : ومش عارفه لزومه أيه نزولنا مصر أساسا ولا حتى عايزه
رفعت : مش بمزاجك قولت هننزل يعنى هننزل والمفروض تكون اول واحده فرحانه ايه ال الناس هناك مش وحشينك ثم غمز لها بعينه وعلى ثغره ابتسامة ساخره
هند فى خوف شديد : قصدك مين يا رفعت
رفعت : ولا حد ال بقوله يتنفذ وهتيجى معايا بارادتك يا اما هاخدك جثه فاهمه ولا افهمك
نظرت إليه فهى تعلم انه قادر على تنفيذ تهديده لها
تمتمت فى سرها :
وقت الحساب قرب يا حنان استعدى بقا للى جاى
****
من هى حنان او هند وكيف يعرف علاء وأمنية بعضهم 
دا ال هنعرفه الجزء القادم ✋

اتمنى يكون الفصل عجبكم
وكل عام وانتم بخير 💙
#تمنيتها_كثيرا بقلم #جنه_الامل