تمنيتها كثيرا ♡ ازمه فرح♡

الفصل الثامن

#الفصل_الثامن من رواية #تمنيتها_كثيرا بقلمى #جنه_الامل
**********
تتوالى الأيام والشهور تمر والكل فى فلك حياته وافكاره يدور
فى صباح أحد الأيام تعمل فرح ونهى سويا باجتهاد فالشركه على قدم وساق لانهاء المشاريع قبيل وصول الوفد الاجنبى فاذا بصلاح ينادى فرح
فرح كمال بيه طالبك تروحى له المكتب
فرح :حاضر يا استاذ صلاح
نهى تكتم ضحكاتها  وفرح تنظر لها بغيظ
فرح :بتضحكى على اية يا بنتى
نهى: ولا حاجه ياختى روحى اكيد دى توصية جديده
فرح :اهمدى شويه اما اروح اشوف عاوز ايه
ذهبت فرح وطرقت الباب واتاها صوته يسمح لها بالدخول
فرح: صباح الخير كمال بيه
كمال :تعالى يا فرح وايه كمال بيه دى انا وابوكى زى الإخوات وأكتر يعنى تقولى يا عمى
فرح: اكيد طبعا بس انا كدا هبقى مرتاحه اكتر
كمال بجديه :زى ما تحبى ها قوليلى مبسوطه ف شغلك
فرح :الحمد لله وبحاول أتقن كل شغلى على أكمل وجه
كمال: تمام انا اختارتك  لمهمه واما اشوف هتقدرى ولا ايه
فرح بسعاده: ان شاء الله هقدر وهثبت لحضرتك ان اختيارك فى محله
كمال وقد اسعده حماسها :انتى اكيد  عارفه ان  الوفد الاجنبى  جاى بعد يومين وناوين ان شاء الله نعملهم برنامج مميز من اول وصولهم لحد ما يروحو بلدهم بالسلامة ؛وكريم ابنى هو المسؤول عن تنظيم  الزيارة وبتساعده مديرة مكتبه بس للاسف هى فى إجازة ،فانا  رشحتك تحلى محلها  وتنظمى معاه الزيارة دى ها هتقدرى ولا اختار حد تانى
فرح :لا  هقدر أن شاء الله هعمل كل جهدى ومتشكره على الثقة دى
كمال.:  هههههه اما اشوف يا انسه فرح دلوقتى تروحى مكتب كريم وتناقشى معاه كل التفاصيل
فرح: اوك بعد اذنك
******
  سمع كريم طرقات على باب مكتبة
ادخل
دخلت فرح وجدته يطالع بعض الأوراق
فرح: احم استاذ كريم
رفع كريم وجهه فاندهش ما ان راءها وقال
إيه ده هو انتى خيير
فرح: خير حضرتك انا كمال بيه بعتنى عشان زيارة الوفد
كريم : ااه انتى هتعملى شغل سعاد
فرح :ايوه تحب حضرتك نبتدى من فين
نهض كريم من خلف مكتبه ينظر لها بطريقه اربكتها قائلا
انتى مندفعه فى كل حاجه كدا اهدى شوية
فرح :والله حضرتك على حد علمى خلاص الزيارة معادها قرب ولازم نجهز كل حاجه
كريم: خلاص ياستى اتفضلى دى قائمة  بأماكن الزيارة وفنادق الاقامه وياريت تتواصلى مع حد ف الموقع تشوفى وصلو لحد فين
فرح :مفيش مشكلة هكلم بابا ع طول
رفع كريم حاجيه قائلا : بابا!!!
فرح وقد خجلت من سهوها فتنحنحت :سورى اقصد الأستاذ أحمد عبد الرحمن يبقى والدى
كريم :امممم اعرفه طبعا راجل محترم بس مكنتش اعرف ان عنده بنات حلوه كدا
تحكمت فرح فى غضبها قائلة: حضرتك تؤمر بحاجة تانية
كريم : ايوه  ايه رايك تتغدى معايا النهاردة
فرح بغضب واضح هذه المرة:  أستاذ كريم  انا بتغدى فى بيتنا
كريم : مالك زعلتى ليه دا غداء عمل
فرح: حضرتك أنا شغلى محصور جو المكتب وتنظيم الزياره مش محتاج غداء عمل ولا حاجه بعد اذنك
تابعها كريم بنظره حتى خرجت وعلى شفتيه ضحكة سخرية
*******
رجعت فرح مكتبها
نهى: ايه خير
فرح :مفيش كمال بيه رشحنى  انظم زيارة الوفد مع الأستاذ  كريم لان مديره مكتبه فى إجازة
نهى: مهمة مش سهله هتقدرى عليها؟
فرح: ان شاء الله  هقدر، مش مضايقنى غير كريم ده ياباى بارد وعليه غرور يكفيه مليون سنه
نهى: بما ان حامد صاحبه  لازم يبقى كدا ماجمع الا ماوفق
فرح :هههههه كويس انه مش هنا كان سمعك
نهى :ما يسمع هو  انا بخاف  المهم تاخدى بالك فى تعاملك مع كريم ده طول شغلى ف الشركه دى وانا اسمع عنه انه مبيهموش حد ولولا أبوه حازم وقادر يلجمه كانت الشركة دى مبقتش زى ما انتى شايفة كدا
فرح: بس الغربية لما هو كدا ازاى كمال بيه عطيله منصب مهم بالشكل ده
نهى : بصى مهما كان الراجل كبر باردو ولازم حد يشيل عنه بس هو  المتحكم الأول والأخير وكريم شغله كله تحت إشراف أبوه وأخوه
فرح: انا كنت فاكره عنده  كريم بس
نهى:لا عنده كمان ولد مهندس  بس عايش برا بيدير فرع للشركة هناك وعنده بنتين كمان ثم قطبت حاجبيها قائله:
انتى يا بت مش قولتى ان ابوكى والحاج كمال أصحاب من زمان ازاى متعرفيش
فرح :انا قولت معارف مش اصحاب وبعدين بابا كلامه قليل ف العادى يمكن هما أصحاب بس مش لدرجة الزيارات والمعرفة الشخصيه
نهى: يمكن بس عارفة بقا  الحاج كمال متجوز من ست بسم الله ماشاء جميلة اوى لما تشوفيها متصدقيش انها ام لأربع ولاد
فرح: هههه انتى شفتيها قبل كدا
نهى: أيوه مره كدا جت الشركة ست شيك كدا وهاديه و....... صمتت لحظة تتمعن فى ملامح فرح ثم قالت
عارفه يافرح  لما بشوفك بفتكرها على طول فيكى ملامح منها
فرح: هههه أهلا خيال نهى المريض هيطلع عليا باين
نهى بضحك  :انتى تطولى تبقى بطله خيالى ولا حتى احلامى ههههه
*****
عوده الى مكتب كريم نجد الجالسين داخله كريم وحامد
كريم :خلاص يا حامد ظبت ال طلبته منك وحاول تتعدل فى شغلك انا مش هطوسطلك عند الحاج كمال اكتر من كدا
حامد : تسلم يا كبير ومتخافش الشغل زى الفل كل ال قولت عليه تم يا باشا
كريم بقولك: تعرف الموظفه دى ال معاك ف المكتب اسمها فرح موظفة جديدة هى
حامد :عارفها  طبعا ياساتر دى قفل مسوجر  ومعقدة
كريم : اااه شكلك نيلت الدنيا مع انى محظرك مليون مره اى عك يبقى برا المكان ده
حامد : اهدى يا كريم مش ال ف دماغك كل ال حصل ان عرضت عليها اوصلها بس وعينيك ما تشوف إلا النور ادتنى محاضرة فى قواعد وأصول التربية السليمه
كريم :ههههه يعنى غسلتك ونشرتك
حامد : تقريبا ههههه
كريم : يبقى تستاهل ال يجرالك طالما كلامى مش بيتسمع
حامد : يا سبحان الله يا اخى ال يشوفك هنا ميشفكش برا
وانت مقطع السمكة وديلها
كريم : انا شرحتلك الموضوع ده كام مره دى شركه ابويا ال تعب فيها شقا عمره يعنى مستقبلنا كلنا ولازم نحافظ عليها ،اما بقا حياتى الشخصية بتاعتى انا لوحدى فهمت
حامد : تمام فهمت بس تقدر تقولى بتسال لية عن فرح
كريم بغموض :عادى موظفة عندى وهتنظم زيارة مهمه لازم ابقى فاهم بتعامل مع مين
حامد بسخرية : هعمل نفسى مصدق وكانى معرفش صاحبى على ايه
كريم:  اتلهى وتروح تشوف شغلك
**************
فى احدى الدول
يجلس شاب ممسكا بصورة قديمه تجمعه بطفله صغيرة  جميلة الملامح يتطلع اليها فى حزن قائلا
كان نفسى تكبرى و تفضلى ف حضنى لحد دلوقتى بس انا عند وعدى هنتقم من ال كان السبب فى موتك وهنزل مصر قريب واحقق وعدى ده بأى شكل

أحمد عبد الرحمن استعد انا جاى قريب *

#تمنيتها_كثيرا
بقلمى #جنه_الامل ( امل عبد القادر )
دمتم بخير 💙💙