تمنيتها كثيرا ♡ ازمه فرح♡

الفصل العشرون

الفصل العشرون من روايه #تمنيتها_كثيرا بقلمى #جنه_الامل
امل عبد القادر
************
بدأت الحياة تعود تدريجيا ال طبيعتها باستثناء مكالمة هاتفية من مراد للاطمئنان على الجميع وحثهم على الأسراع ف إعدادات الزفاف لحماية فرح بشكل أكبر وداخل شركه الاسيوطى لم يعلم احد بشأن الخطوبة غير نهى .
اما عن كريم يحاول جاهدا نيل ثقه فرح .. وتكررت بعض
الزيارات العائلية واصرت هيام على اصطحاب نرمين لزيارة فرح واهلها فى احدى المرات وكانت زيارة فاتره من ناحية نرمين لان فرح ليست بالعروس المناسبة لاخيها
اما عن علاقه فرح بكريم فكان بها بعض من التوتر تاره والهدوء تاره
ورفض فرح الخروج مع كريم للاماكن عامه.كثيرا مما أثار غضب كريم ف أوقات كثيرة
وفى أشد لحظات غضبه هو جالس مع حامد
كريم : اسمع عاوزك بكرا ترخم جامد على فرح عاوزها قدام الكل  تقول انى خطيبها فاهم
حامد :مفيش مشكله بس انا مش هعمل ده لانها عارفه انى اكيد عارف موضوع خطوبتكم هخلى حد تبعى يقوم بالمهه دى الصبح
يا كبير  تلاقى ال انت عاوزه تم
*****
فى اليوم التالى وفى ميعاد استراحه الموظفين  للغداء وفى كافيتريا الشركه توجه أحدهم ناحية فرح الجالسه مع  نهى
وقال: انسه فرح  ممكن نتغدى سوا  وتسمحيلى اوصلك بعد الشغل
قالت نهى :ايه يا عم المجنون انت
فرح: ايه ده مين انت وازاى اصلا تعرض عليا كدا مجنون انت
قال الشاب بلهجه اقرب للسخريه :
مجنون ليه بقولك اوصلك ونتغدى سوا ولا هو حرام عليا وحلال لغيرى
تصاعد غضب فرح لاقصاه :غيرك ايه يا حيوان انت بتقول ايه
الشاب :بقول انك عادى بتخرجى مع كريم بيه و ساعات بيوصلك فين المشكله
قامت فرح بصفعه صفعه مدويه وقد اجتمع الكل على اثرها حولهم
فرح : القلم ده عشان تحترم نفسك وتتكلم معايا باحترام وف نفس اللحظة اتى كريم مسرعا متصنعا عدم الفهم
كريم: فى ايه وايه اللمه دى
فرح :كويس انك جيت والتفتت ال الشاب
قائله :الأستاذ كريم  يبقى خطبيى يا محترم ونظرت ال كريم ومره أخرى تصنع عدم الفهم
وقال ف زهول متصنع أيضا ها ..
فرح: ها ايه
تدارك نفسه وقال: ايوه فعلا صح يلا اتفضلو كل واحد ع شغله
والتفت الى فرح قائلا : اظن انى نبهتك لده ومسمعتيش كلامى اتفضلى ياهانم ع البيت وانا وبابا هنكون  عندكم باليل رحلت فرح غاضبة منه  ومن نفسها
********
اسفل إحدى العمارات ركنت أمنيه سيارتها واستقلت المصعد وامام إحدى الشقق دقت الجرس وفتحت لها سيده ف اواخر العقد الخامس من عمرها وما ان راتها حتى قالت أمنيه : حمدالله السلامه يا فوفو كل ده عند ابنك ايه مخلفتيش غيره
قالت  (وفاء) بكاشه اوى انتى وليا مين غيره بعد اخته رحاب الله يرحمها
أمنيه: امممم لا ليكى انا طبعا والملاك ال مش عايزه تعرفينى بيه لحد.دلوقتى
وفاء :هيجى يوم واعرفك بيه المهم قولى عامله ايه دراستك وماما وبابا
امنيه :كله تمام ياقلبى متقلقيش ابيه عصام عامل ايه ورحاب الصغيرة
وفاء: حلوه وزى القمر شبه عمتها الله يرحمها
دمعت عينى أمنية وقررت الا تخبرها عن علاء حاليا حتى لا تحزنها أكثر فبتسمت وغيرت مجرى الحديث
ها هتغدينى ايه ولا اتغدى ف بيتنا
وفاء: لا ازاى هغديكى تعالى يلا كله جاهز
********
فى المساء وداخل منزل احمد
يتحدث كمال :
يا فرح الموقف ال حصل النهاردة كان بسبب طلبك الغريب ومحدش فينا عارضك واديكى شوفتى النتيجة بنفسك
فرح: انا معترفه بغلطى ،بس دا مش مبرر للأستاذ ده انه يتكلم كدا مع اى موظفة
كريم: ف دى معاكى حق وعلى فكرة انا حولته للتحقيق
أحمد: خلاص ياكريم الخطوبة واتعرفت للكل مفيش داعى لقطع العيش
كمال: مش هنقطع عيشه يا احمد هيتادب وبس
كريم :عمى بعد اذنك انا جاى وانا وبابا نحدد معاد الفرح بعد ال حصل النهاردة مش هسمح لحد يتكلم عن فرح.كلمه واحده
فرح غاضبة: مين اصلا يقدر يتكلم عنى
أحمد :اهدى يافرح كريم ميقصدش المعنى ده
كريم: انا اسف لو زعلتى بس باقلنا شهور مخطوبين وبعدين عندى كل حاجه جاهزة ليه التأخير مش فاهم
احمد :بس احنا كمان محتاجين وقت تجهز نفسنا
كمال :احمد بقولك اية تجهز ايه الجناح بتاعهم جاهز من كله وال فرح هتختاره وعاوزه تغيره يتغير
احمد: مفيش مشكلة يا كمال بس باردو فيه حاجات لازم نجبها دا جهاز العروسه ولا ايه المهم نشوف رأيها
ها يا فرح
فرح : ال تشفوه
جلس كريم بجانبها وقال: انتى مضايقة لية دلوقتى مش عايزه نحدد معاد الفرح لسه مش مطمنه قولى
كمال: تعال يا احمد نقعد برا مع عائشة وهيام وهما يتفهموا
وما ان  خرجوا حتى صاحت فرح:
انت قولت جاهز انا مش جاهزه ولا حتى نفسيا
كريم: هو انا قولت هتجوز بكرا وانا هنا النهاردة عشان تحدد مع بعض وال يناسيك نعمله ولا انتى لسه مترددة يا فرح
فرح :افهمنى يا كريم لو سمحت موقف النهاردة دا موترنى
كريم :وانا مش بضعط عليكى وهسبلك الوقت  تحدديه انتى
يلا تعال نبلغهم
خرجو الى الجالسين
كريم خلاص يا عمى انا هسيب الوقت لفرح تحدده
هيام :متتاخريش  علينا يا فرحتنا عايزه افرح بيكم بقا
******
بعد أيام حسمت فرح امرها وابلغتهم بتحديد موعد العرس وتم التحديد بعد شهر واحد وبدأت التجهيزات على قدم وساق
ومن جهة  أخرى تتم تجهيزات الزفاف من ناحية كمال فقام بطبع كروت الدعوى  و حجز القاعه المعدة والاطمئنان على تجهيزات  المنزل فالعروسين سوف يقطنو معهم فى جناح خاص بيهم مقابل لشقه.كمال
******
وفى منزل كمال
أثناء تفقده.كل شي اتت هيام باكيه
كمال: مالك بتعيطى ليه
هيام :ابنك بيقولى مش هقدر أجى الا قبل الفرح بيوم واحد
كمال :الحمد لله كدا أفضل
نظرت له فى غضب قائله :
أفضل فى ايه دا هيجى يحضره ويرجع بعدها بيوم يعني مش هلحق أشبع منه
كمال :وعشان كدا بقولك احسن مش عايزين قلق ف الفرح عشان يعدى بسلام انا اصلا شايل هم لو لسه فاكر احمد وال حصل زمان
تنهدت هيام ف حزن امتى: هنرتاح من كل ده صدقنى مفيش بديل عن الحقيقه يا كمال
كمال : عارف بس الحقيقة على حساب حياتها ولو قولنا نص الحقيقة الاول ياترى هتصدقنا ف النص التانى
هيام : كمال لو للحظه محستش ان كلام حنان صح
كمال بغضب شديد : لا كدابه وطول عمرها كده انا متاكد من ال بقوله واحمد كمان متأكد وكل الشواهد قالت كدا مش عايز كلمة تانية ف الموضوع ده
********
وداخل منزل احمد تنهى فرح باقى استعداداها مقنعه.نفسها بان خوفها  ليس الا خوف من بدايه جديدة لحياتها كما قالت نيره ونهى
بالفعل تمت التجهيزات على أكمل وجه وأنهت العائلتين كافه استعدادهم للزفاف
وفى اليوم السابق ليوم الزفاف
فرح د تحاول الاتصال بكريم
فرح: يووو مترد  بقا
عائشة :مالك يا فرح عصبيه ليه
فرح: كريم قالى هعدى عليكى عشان يودى الفستان لمركز التجميل هما طلبو كدا وخلاص مش فاضل غير ساعات مش عاوزه أنسى حاجه 
عاشه: متخفيش كل حاجه هتخلص ف معادها
اعلن هاتف فرح عن اتصال من كريم
فرح: أخيرا رديت انت فين لحد دلوقتي
كريم: معلش يا روحى مسمعتش الفون من صوت الطياره
فرح:.طياره ايه ياكريم هو انت فين
كريم : بقولك.طياره ابقى فين مسافر ياقلبى
فرح: مسافر انت بتهزر صح
كريم: لا يا عروسه ههههه قال عروسة قال مش بهزر انا سافرت برا مصر مبروك عليكى بقا الفرح احضريه لوحدك
اظلمت الدنيا امامها ولم تقدر قدميها على حملها فسقطت أرضا وجرت إليها
عائشة فزعه قائله :فرح مالك واحتضناتها قومى مالك وبتكلمى مين مسكت فرح الهاتف
  وقالت بصوت يخلو من الحياه:
بتقول ايه انت ازاى و ليه عملت كدا
مسكت عائشة الهاتف وفتحت مكبر الصوت وصرخت باعلى صوتها 
= مين بيتكلم
اتاها صوت كريم: اهلا حماتى كويس انك هتسمعى شوفو بقا بنتك عندك ومش لازمانى
اسمعى يا انسه متخلقتش ال تخلى كريم الاسيوطى مضحكة  وسط أصحابه انتى غلطتى وكام مره اول مره ف المول تانى مرة لما رفضتى طلب الجواز  وثالت مره لما رفضتى تعلنى الخطوبة فاكره ايه انى دايب فيكى لا فوقى انا مش بسيب حقى وحقى اخدته اهو احضرى الفرح لوحدك يا عروسه انا حلفت اخليكى ماتعرفيش ترفعى راسك وكسرت عندك ده وغررورك الشبكة هدية منى اهو حاجه تفضلى فكرانى بيها سلام
اغلق الهاتف
وتركهم فى حاله صدمة ولم يشعروا باحمد الواقف بجوار الباب  مستمع للحديث كله حتى هبت فرح من مكانها وجرت إليه قائله :بابا انت هنا من امتى
أحمد وقد زاغت عيناه سامحينى معرفتش  اختارلك الصح ولا احميكى
وقولى له ياسمحنى معرفتش أحافظ ع الامانه
فرح :بتقول ايه يا بابا اقول ايه ولمين
لم تسمع منه إجابه فسقط مغشيا عليه بين زراعها
****
الفصل طويل اهو زى ما حبايب قلبى المتابعين طلبو😍
يارب يكون عجبكم
#تمنيتها_كثيرا
بقلمى
جنه الأمل
أمل عبد القادر