الفصل #الخامس من رواية #تمنيتها_كتيرا💛
فى صباح اليوم التالى توجه علاء الى عمله وكذلك فرح وأبيها
دخلت عائشة غرفة ابنها عمر لايقاظه
عمر انت يا بنى قوم بقا مش قولت اصحيك بدرى
عمر بصوت يغالبه: النعاس حاضر يا ماما قومت اهو
عائشة :صباح الفل يا قلب ماما يلا جهز نفسك وانا هحضرلك الفطار
عمر: بقولك هو الجو ماله مشحون ليه بين علاء وفرح
عائشة :لا خلاص علاء صالحها امبارح
عمر: طب الحمد لله هاتى بقا 100 جنيه حلاوه الصلح
عائشة: ياسلام عليك بكاااش اوى يلا ياواد افطر الاول وبعدين نشوف
عمر: الله عليكى يا نبع الحنان انتى💙
*****
داخل بيت كمال
نادت هيام ابنتها الصغرى امنيه
يلا حبيبتى الفطار جهز
أمنية :حاضر جايه اهو
كمال :هو كريم فين
هيام :نزل من بدرى
نزلت أمنية القت الصباح على والدها والدتها
كمال: صباحك فل يا مونى عامله آيه فى الكليه
أمنيه: الحمد لله يا بابا ماشى الحال
هيام: قوليلى هتروحى عيد ميلاد ساره صاحبه نرمين
امنيه: بصراحة لا يا ماما ساره دى دمها تقيل وطالعه فيها كدا والكارثه بقا بنتك نرمين شبهاا وشايف الناس كلها شغالين عندها
كمال : بنت اتكلمى عن أختك عدل
أمنية: والله يا عم الحاج زى ما بقولك كدهو انا عارفة مطلعتش عسوله وكيوت كدا للحاجة هيام ليه يلا بعد اذنكم هروح أكمل لبس عشان متاخرش
كمال :. امنيه بتضحك اه بس حاسس انها وحيده اوى يا هيام
هيام :واخده بالى بعد موت رحاب صاحبتها وهى ع الحال ده ياما اتكلمت مع نرمين تهتم باختها شويه بس ولا هى هنا
كمال : ربنا يهديهم كلهم يلا انا هروح الشركة
هيام: ربنا معاك ابقى طمني
*******
داخل الشركة فرح تعمل باجتهاد سعيدة لبداية جديدة في حياتها وجود نهى يمثل اهميه لها فهى ذو خبره أكبر وخير معين وصديق
توجه اليها حامد معتزرا عن ما بدر منه قابلت فرح اعتذاره بسماحه نفس وأثناء عملها سمعت صوت صلاح يصدح فى الغرفة
صلاح بصوت جهورى
فررررررحه
فرح: خير يا استاذ صلاح
صلاح :عملتى آيه رئيس مجلس الإدارة طالبك بالاسم
فرح: هو انا لحقت اعمل حاجه دول هما يومين
صلاح :طيب اتفضلى روحى مكتب كمال بيه ف الدور الرابع تانى مكتب ع الشمال
فرح: اوكى
ذهبت فرح وبداخالها تدور أسئلة لماذا يطلبها هذا الكمال وصلت فرح وطرقت الباب وسمعت الأذن بالدخول
وما ان دخلت فاتسعت عينيها وكانت المفاجأة من نصيبها
****
#تمنيتها_كثيرا
بقلمى
#جنه_الامل
أنت تقرأ
تمنيتها كثيرا ♡ ازمه فرح♡
ChickLitهنكمل القصه على الايميل ده لان الايميل ال باسم مليكه مليكه للأسف خسرناه أتمنى تتابعونى هنا
