تمنيتها كثيرا ♡ ازمه فرح♡

الفصل السادس

برغم ان مفيش اى تفاعل على الفصول ولكنى هلتزم بمواعيد النشر وربنا يوفقكم جميعا 💜

الفصل السادس #تمنيتها_كثيرا💛💙💙 بقلمى جنه الأمل

دخلت فرح مكتب كمال وما ان دخلت حتى اتسعت عينها وكانت المفاجأة من نصيبها وقالت بدهشه
بابا !!!
احمد :تعالى يا فرح آيه مالك
فرح :لا ماليش بس اتفاجأت
أحمد :انا كنت عاوز كمال بيه فى شوية شغل وطلب يشوفك
هب كمال واقفا يتاملها باهتمام وحنان كادت دموعه ان تفر من عينيه ولكنه بعد جهد عظيم استطاع السيطرة عليها
كمال فاتحا زراعيه لها قائلا: تعالى يا حبيبتى واقفه بعيد ليه
فرح مكتفيه بمد يديها له :احم اهلا بحضرتك بابا دايما بيتكلم عنك بكل خير
تفهم كمال موقفها فهو ليس الا غريب بالنسبة لها فتحدث بلهجة ضاحكه لتخفيف التوتر البادى على الجميع
كمال :. ابوكى ده عاوز ينضرب مخبى عننا عروسه زى القمر كدا ما تجوزهالى يا احمد
تعالت ضحكات الجميع
تمضى لحظات وكمال يتفرس فى ملامحها بشرود وزهول قد أثار فى نفسها التساؤل واخدت الافكار ترتع داخل عقلها حتى اخرجها صوته من تفكيرها
كمال :مبسوطة ف الشغل يا فرح
فرح: والله حضرتك لحد دلوقتي تمام انا بقالى يومين بالعدد
كمال: عموما مكتبى مفتوحلك فى اى وقت اى حاجه تحتاجيها متترديش تيجى فورا
فرح: أن شاء الله ممكن امشى انا عندى شغل لازم اخلصه
كمال :اتفضلى
احمد: يلا على شغلك وانا شويه وهمشى
فرح: اوك يعد اذنكم
خرجت فرح تتنفس الصعداء وبداخلها العديد من الأسئلة فحسمت امرها بسؤال والدها بعد عودتهم الى المنزل
وأثناء سيرها اتصدمت باشاب كان بصحبة الأستاذ صلاح
فرح: اية مش تفتح
الشاب انا الى افتح ولا انتى ال ماشية واخده ف وشك زى القطر ثم انتى مين وبتعملى آيه فى دور مجلس الإدارة
فرح: حيلك حيلك ايه هو وانت وكيل نيابة
تحدث صلاح: خلاص يا فرح دا كريم بيه نائب رئيس مجلس إدارة الشركة وابن كمال بيه
فرح: ااه اهلا وسهلا سورى مكنتش اعرف حضرتك بعد اذنكم
كريم :من دى ياصلاح وكانت بتعمل إيه هنا
صلاح: دى موظفه جديدة وكانت عند كمال بيه
كريم بدهشه :كانت بتعمل إيه دى عند بابا
صلاح :الحقيقة معرفش يا فندم هو طلبها بنفسه من نص ساعه
كريم .: اوك خلصت الأوراق الى طلبتها منك
صلاح: أيوه يافندم كله تمام
كريم: اوك هاته بقا عشان نراجعه
*******
فى مكتب فرح
نهى: ايه خير كان عاوزك فى إيه
فرح: دى حاجه عائلية كدا ههههههه
نهى: نعم يا ختى عائلية ايه
فرح: يابنتى انا روحت لقيت بابا هناك
نهى :اااه كان بيوصى عليكى يعنى
فرح ساخرة: ايه بيوصى عليا دى هو انا كنت بمتحن
حامد مستمعا للحوار: ايوه ياعم يا بخت من كان النائب خاله
فرح :ولا نائب ولا غيره كل الحوار ان وهو وبابا معارف قدام
دخل صلاح المكتب
ايه يافرح الى عملتيه ده
فرح: عملت آيه انا هو الى ماشى كأنه على وش الدنيا لوحده
صلاح: خلاص خلصنا بس تاخدى بالك بعد كدا مهما كان دول أصحاب الشركه الى كلنا بشتغل فيها
نهى: عملتى ايه يا بت ملقتيش غير كريم الاسيوطى وتهبى فيه
فرح :وايه يعنى كلنا ولاد تسعة يا نونو متشغليش بالك ويلا نكمل الشغل ده بدل الأستاذ صلاح ما يهب هو فينا
*****
مازال أحمد متواجد مع كمال فى مكتبه وبعد خروج فرح
التفت كمال الى أحمد قائلا
فرح كبرت ماشاء الله كانه العمر ال فات دا كله كان امبارح أحمد معاك حق يا كمال الزمن جرا بينا فجأة
كمال بيأس :وحضرتك بقا لسه منشف دماغك ومش عاوز تاخد الأمانة طول السنين دى كلها
أحمد غاضبا :بقولك آيه يا كمال احنا اتكلمنا ف الموضوع ده كام مرة انا مش عاوز حاجه واى حاجه كانت سبب فى كل ال حصل زمان تبقى حد الله بينى وبينها ولوغالى عليك بطل تتكلم ف الموضوع ده
كاد كمال ان يتحدث فقاطعه صوت هاتفه نظر الى شاشته
ثم نظر لاحمد
دى هيام المرة الخامسه الى بتكلمنى
أحمد :رد عليها وطمنها انا همشى
كمال: ماشى يا أحمد بس اوعى تزعل منى الامانه بقالها كتير ف رقبتى
أحمد: كلنا ف مركب واحده يا كمال وربنا يستر
كمال :طب بقولك مش لو فرح اشتغلت هنا معايا احسن
احمد:لا يا كمال خليها زى ما اتفقنا كدا احسن والأهم فرح زكية ولماحه لو حست انك بتعاملها معامله مميزه غير اى موظفة هنا مش هتهدى الا لما تعرف ليه او انها هتمشى
دى بنتى وانا عارف ربيتها ازاى
كمال :خلاص يا أحمد زى ما تشوف سلملى على عائشة كتير وانا هطمن هيام
احمد ماشى يلا سلام عليكم
*****
ف مكان اخر ارتفع نغمه هاتف
فلتقطه صاحبه
ها عملت الى قولت عليه
الطرف الآخر ايوه يا رفعت بيه كل المعلومات معايا هبعتها لحضرتك حالا
اغلف الهاتف والتفت الى سيده ف اواخر العقد الرابع قائلا هانت جه يوم ال هعرف اخد حقى من الكل
وياويلك لو كنتى كدبتى عليا ف حرف واحد
حدقت به بداخلها رعب سيطر عليها شل أطرافها اغمضت عينها خائفة من مجهول وشر ومدفون من سنين شر تجسد فى هيئة رجل
يدعى رفعت الشناوى
*****
#تمنيتها_كثيرا بقلمى جنه الامل