تمنيتها كثيرا ♡ ازمه فرح♡

الفصل الخامس والثلاثون

الخامس والثلاثون
#تمنيتها_كثيرا بقلمى جنه الأمل
امل عبد القادر
***************************

طرق  ادهم الباب ولم ينتظر الرد فدخل
اتسعت عيناه بشده فما راه داخل المكتب لم يكن فى  الحسبان بركان الغضب قد اشتعل من جديد بداخله فقال فى صوت بادى عليه الكره الشديدة :

اهلاااااا خالتى العزيزه

تفاجأ احمد بدخول ادهم وكانت صدمه حنان ليست ببعيده عن حال أحمد فتحدث الأخير
ادهم !!!!

حنان : اخر حاجه اتوقعها انك تبقى لسه فاكرنى

ادهم: انساكى تخيلى مقدرتش رغم انى كنت صغير بس لسه فاكرك وفاكر نظرة الكره والوجع ال شفتهم فى عين عمى بسببكم

احمد: فهمت غلط يا أدهم ولسه فاهم غلط

ادهم بسخريه : ايه بقا فاهمه غلط مجى الهانم  لحد هنا بيقول ان كل فهمى صح وصح جدا طبعا متقدرش تبعد عن حبيب القلب

حنان : ادهم لو سمحت ملوش لازمه الكلام ده الموضوع ده يخصنى انا واحمد وبس ولو بتكلم عن عمك الله يرحمه فهو طلقنى من زمان يعنى محدش له حاجه عندى فاهم

احمد فى غضب : حنان اسكتى خالص ايه ال بتقوليه ده انتى اكيد اتجننتى اتفضلى من هنا

رحلت حنان سريعا  فهى تعلم غضب أحمد من شانه ان يقتلها

ادهم : ليه يا باشا  تخليها تمشى سيبها تقول كمان انا من ساعة رجعت من السفر وكلكم بتقولو فاهم غلط انا عاوز افهم الصح بقا ودلوقتى

احمد: مش وقته يا ادهم بس اوعى تسمع من الست دى اى حرف لو عاوز تعرف بجد الحقيقة

ادهم : مش عارف اقولك أيه بجد كانت هنا بنفسها وبعد كل السنين دى وتقول فاهم غلط واكيد بقالكم كتير على اتصال مش كدا

احمد: مفيش مفر يا أدهم لازم تعرف اقعد وانا اشرحلك
ادهم : ال شوفته كفاية كفاية اوى

احمد: عارف بتفكر فى ايه بس غصب عنى هقولك ابعد فرح عن خلافتنا

ادهم: ال انت فيه ده افضل عقاب هتعيش باقى عمرك قلقان عليها ياترى سعيده  ؟
ياترى حتى لو هى بنفسها قالتلك انها بخير هتصدقها ولا لاء هخليك كدا مستنى اليوم ال هتشوف دموعها وكسرتها ومتعرفش امتى هيجى اليوم ده
دا فى حد ذاته اكبر انتقام منك  يا احمد وهنفذه
************
رحل ادهم تاركا مكتب احمد والشركه كلها
تركا أيضا احمد عارف فى أفكاره حتى وصل لنقطه ما قبل دخوله عليهم
فلاش باك
سمع احمد طرقات ع باب مكتبه
أدخل
دخلت هى فى توتر وخطوات بطيئة

مساء الخير يا احمد

حجظت عيناه ما ان سمع صوتها
احمد: مش معقول انتى وجايه هنا كمان انتى ايه الجبروت ده

حنان:اسمعنى يا أحمد من فضلك مره واحده فى عمرك كله تسمعنى

احمد: عاوزة ايه جايه تهددينى زى ما روحتى لهيام وحاولتى تخوفيها انسى ياحنان انا مش بخاف وخصوصا منك ولا حتى من رفعت