تمنيتها كثيرا ♡ ازمه فرح♡

الفصل الرابع والعشرين

الرابع والعشرون من رواية # تمنيتها.كثيرا بقلمى جنه الأمل
امل عبد القادر

*******
(ازمه فرح)
♡♡♡
يوم الزفاف في مركز التجميل تستعد فرح لوضع اللمسات النهائية
معها عائشة التى بدت فى حالة غريبه  مابين الهدوء والقلق والراحة الغير مفهومه  منذ ان أخبرها احمد بتفاصيل مقابلته مع أدهم وتذكر الأخير بعض مما حدث فى الماضى
****
تجمعت عائلة كمال فى انتظار أدهم الخروح من  غرفته فهو  يعد نفسه لهذه الليله وفى نفسه عواصف قد تجتاح الكل
وما ان  راته هيام فى هيئته تلك حتى أطلقت زغروده معبرة عن فرحتها
هيام: مبروك ياحبيبى عريس زى القمر  والله فرح طيبة وبنت حلال بس انت شيل الاوهام دى من دماغك ربنا يسعدك
ادهم بهدوء شديد :
أن شاء الله
آثار هدوءه قلق كمال ... وقال:
يلا بينا لازم تجيب عروستك وعلى القاعة فورا المأذون  هيوصل بعد وصولنا
ادهم :حاضر اتفضلو عشان متتاخروش وهانى معايا هيوصلنى
**********
دخل أدهم مركز التجميل فهى  المرة الاولى التى سوف يرى فيها فرح
كانت فرح ف ابهى صورها فكانت جميلة للغايه وحجابها الأبيض قد زادها نورا فوقف مأخوذاا بجمالها  وطالت النظرات بينهم فهى أيضا لاول مره تراه
تحدثت أمنيه فا خرجتهم من تلك الحاله:
ايه يا عم أدهم مالك سرحان فى أيه العروسه خدت عقلك من دلوقتى ههههه
انتبه ادهم  ثم نظر حوله فوجد الكل يتطلع  إليهم بغرابه
تنحنح ادهم: مبروك يا عروسة
فرح :الله يبارك فيك
هيام :يلا ياجماعه عشان نوصل  القاعه بدرى
مد ادهم يديه ال فرح فى دعوه شبه صامتة وبالفعل غادر الجميع قاصدين مكان اقامه الفرح
******
تتلاءت الأضواء وتداخلت الألوان مع بعضها داخل قاعة الفرح والكل مجتمع حول الطاولة وما ان  قال المأذون بارك الله لكم وجمع بينكم فى خير
اطلقت الزغاريد من الجميع
وأصبحت فرح زوجه أدهم
وتررقرت الدموع فى أعين الجميع ،وأخذ أدهم عروسته وجلسو يستقبلو التهانى من الحاضرين
وقف حامد  بعيدا فهو يتابع جيدا ما يحدث لنقل صورة كامله لكريم وبجانبه  موظفى الشركة و قال أحدهم
=حامد انا مش فاهم حاجة هى مش مره قالت انها مخطوبه لكريم بيه ودلوقتى اتجوزت ادهم هو فى ايه ..
وقبل ان ينطق حامد اتى هانى
مساء الخير يا جماعة طبعا انتو متعرفوش انا مين
انا أسمى هانى السعيد  مدير مكتب أدهم باشا هنا وبرا لفت نظرى انكم جبتو سيره مدام فرح حالا
الكارت ال معاكم يا حضرات مكتوب فى ايه اى اسم للعريس
نظر الجميع  لدعوات الفرح
=لا مفيش  اى اسم
هانى :يبقى خلاص مش عاوز اسمع اى كلمه ف الموضوع ده ولعلمكم لو أدهم بيه سمع اسم مراته على لسان حد فيكم مش هيحصلكم طيب ولا ايه يا حامد
هز حامد رأسه قائلا بخوف :
عندك حق يا هانى بيه اطمن محدش هيجبب سيرتها بعد كدا بعد اذنك
هانى : اتفضلو انتو وانت يا حامد عاوزك ف كلمتين
حامد: خير يا هانى بيه
هانى: طبعا عرفت انى همسك مكتب أدهم بيه الفترة ال هيقاضيها هنا وطبعا بعد جوازه الفترة دى هتمتد اكيد
حامد: اكيد هيحل محل كريم فى الشركة
هانى: كويس انك فاهم ده ولعلمك انا عينى هتبقى عليك وعليك انت بالذات اتفضل مع أصحابك
*******
اتت نهى تبارك لفرح مع تساؤلات كثيرة
الف مبروووك ياروحى ولو انى انا مش فاهمة حاجه خالص
فرح :بعدين هفهمك يانهى
نهى:انا بس عاوزة  اطمن عليكى حبيبتى
فرح: اطمنى انا بخير والله و عروسه قدامك اهو
نهى : ماشى ياروحى انا هروح اقعد هناك بقا مع زمايلى
مالت نيره على فرح تهمس لها
نيره :انتى متاكده ان ده اخو كريم
فرح: مالك مش مصدقة ليه اومال يعنى هيطلع مين
نيره: اصله قمر اووى وعسووول ايه الجمال والهيبه دى
ضحكت فرح : هههههه يابت اهمدى هما كلهم عندك قمر
نيره :مش قصدى يا حاجه يا فرحتى والله ربنا يهنيكى
فرح: مش باين هعرف اتفاهم معاه شكله مش طايقنى اهو نيره :متقوليش كدا ربنا يكتبلك ال فيه الخير ويسعدك يااارب
*******
احمد وعائشة وهيام وكمال مجتمعين خارج القاعه لاستقبال المهنئين
تحدث الأخير: مبروك يا جماعه الحمد لله الأمور هديت اهى والولاد اتجوزو
احمد :خلى بالك منها ياكمال ادهم لو حاول يضايقها معرفش هعمل فيه ايه
هيام :اطمن يا أحمد فرح ف عنيا وان كان ادهم متعصب دلوقتى بكرا يهدى ويفهم كل حاجه بس انا مش  فاهمه ليه مش عايزين لا انت ولا كمال  تقولو الحقيقة حتى ولو لادهم بس
تحبى أقوله انا الحقيقة دى
التفتو جميعا ناحية الصوت فوجدو حنان تنظر إليهم تاره والى فرح تارة أخرى
جرت حنان الى هيام لاحتضانها
ازيك يا هيام وحشتيتى اوى
اشاحت هيام بوجهها وابتعدت عنها قائلة :
انتى أيه ال جابك هنا مش كفاية ال عمليته زمان جتلك عين ازاى تقفى قدامنا كدا
حنان :كل ده ولسه مش مسمحانى يا هيام دانا اختك الوحيدة
هيام :طالبه منى انا السماح، اطلبيه من الناس ال اذتيهم الناس ال ماتت وال لسه عايشه يا حنان ولا تحبى اقول يا هند
نظرت حنان ال عائشة وأحمد وبالأخص عائشة التى منذ ان راتها وفى عينها نظرت الرعب
عائشة: عاوزة ايه تانى مننا يا حنان كفاية بقا ايه ال رجعك من تانى حرام عليكى انتى آيه مش كفايه ال عملتيه
حنان :انا مهما قولت ولا عملت يا عائشة عارفه ان مش من حقى حتى اطلب السماح ده لامنك ولا من احمد
نظر اليها أحمد فى اشمئزاز قائلا:
خليكى بعيد عننا ربنا يكفينا شرك لو عندك لسه ذره رحمه فى قلبك ابعدى عننا
كمال: انتى ايه معندكيش دم راجعة لية دلوقتى لسه فاضلك ايه هنا رجعاله
حنان :اشوفها بس ياكمال وامشى ع.طول
احمد :مش هيحصل ولوعلى جثتى انتى اخدتى بنتى مره زمان مش هسمحلك تاخديها تانى فاهمه ولا لاء
والاحسن تمشى من هنا
صدح صوته  فى المكان
عاش من شافك يا ابو حميد
نظر احمد فوجد رفعت الشناوى
أحمد :اااااه وانت كمان هنا وقت الحساب قرب اوى يا رفعت
ضحك رفعت :هههههههه المفروض انا ال اقول كدا يا أحمد كمال: اسمع يارفعت انت تاخد الهانم دى وتمشو من هنا حالا ودا لمصلحتكم
رفعت: مش انت ال تقولى اعمل ايه ومعملش إيه يا كمال وبعدين مش ابارك الاول للعروسين ولا ايه
أحمد غاضبا :اقسم بالله لو عينك بس وقعت عليها لادفنك مكانك اوعى تكون فكر انى كبرت و عجزت تبقى غلطان ازاح رفعت يدى احمد عنه وقال فى هدوء :
شوفو بقا حقى هاخدو منكم كلكم بس اخد ال ليا عندكم وبعدين نصفى الحساب القديم
كمال :ملكش حاجه عندنا وان كنت صدقت كدبها وأشار ال حنان فانت تبقى اهبل ولا ايه يا حنان