تمنيتها كثيرا ♡ ازمه فرح♡

الفصل الاربعين

#تمنيتها_كثيرا بقلمى جنه الامل.. امل عبد القادر
♡♡♡♡♡♡
الفصل الاربعين
__________
حفله عيد ميلاد امنيه التى كانت اقرب للزياره العائليه اقرب منها الى الحفلات
الكل متواجد  وليس متواجد فكل منهم تتشابك داخله الافكار
لاحظ احمد مقابله علاء لاخته فتاكد من ظنونه انه قد سمعهم فى تلك اليوم
لم يكن ماذا يفعل معه وبماذا يخبره وقد راه كمال على تلك الحاله فتسلل الشك ال قلبه وساله مباشره:
=مالك يااحمد من ساعه ماجيتو وانت شكلك تعبان كدا ومتغير

احمد: اعمل ايه بس ياكمال مشكلة كبيره ظهرت اهى وبفكر فيها

كمال: خير يارب حصل ايه. فرح انا شايفها اهى هى وادهم شكلهم عادى والدنيا ماشيه تمام بينهم

احمد: واخد بالى ياكمال وحاسس انهم هيبتدو يحلو ال بينهم فى هدوء بس مبكلمش عن فرح عن علاء

كمال: طب احكيلى حصل ايه

احمد: فاكر يوم زياره حنان ليا فى المكتب بعدها اتجمعنا فى بيتى من اليوم ده وعلاء متغير وحاله مقلوب
والنهارده مقابلته لاخته اكدتلى حتى فرح نفسها لاحظت بس انا طمنتها وفهمتها عنده مشاكل فى شغله ومش عارف هتصرف معاه ازاى

كمال: الصراحه يااحمد مفيش غيرها قوله كل حاجه وبعدين دى اخته مهما حصل هيخاف عليها زينا بالظبط توكل على الله وقوله الحقيقه
هز احمد راسه ايجابا يعلم داخل نفسه انه لايوحد حل سواه

*******
دخل علاء الى الشرفه يتنفس الهواء يملأ رئتيه به كانه يتنفس للمره الاولى
اتاه صوتها من خلفه
=انت قاعد لوحدك ليه
ابتسم فى مراره يعلم صوتها جيدااا التفت اليها قائلا:
امنيه كل سنه وانتى طيبه وسامحينى حضرت الحفله عارف ان ضيف غير مرغوب فيه بس اصرار امى السبب

امنيه: ومين قالك انك ضيف غير مرغوب فيه اولا واخيرا احنا نعتبر عيله واحده

تنهد فى يأس:  معاكى حق تسمحيلى امشى حاسس دمى تقيل اوى

امنيه: ليه تمشى اهلك كمان لسه برا وبعدين مالك كدا حالتك صعبه انت تعبان؟

علاء: ايوه من يوم وفاه رحاب الله يرحمها متعبتش كدا

انقبض قلبها لتذكرها تلك الايام اذرقت ريقها فى صعوبه:
الله يرحمها طب قولى مالك يمكن اقدر اساعدك

ضحك علاء بقهقهه عاليه:
اقولك انتى....  انتى الوحيده ال مينفعش اقولها

امنيه: ياسلام ليه بقا؟

اقترب منها وبكل جمود قال:
عشان الماساه ال انا فيها نوعا ما تخصنا كلنا بما ان احنا عيله واحده زى ماقولتى والماساه التانيه تخصك انتى لوحدك

امنيه بعدم فهم: انا مش فاهمه منك حاجه بتقول ايه انت

علاء: انا نفسى مش فاهم ولا مصدق بس غصب عنى حصل وعارف انه مستحيل