تمنيتها كثيرا ♡ ازمه فرح♡

الفصل الاول

أشرقت شمس يوم جديد على مدينتنا الجميلة
. . استيقظت( فرح) على صوت والدتها (عائشة ) .
عائشة :. قومى بقا بقينا الظهر وانتى لسه نايمه بابا صحا من بدرى وراح شغله وقالى تكلميه اول ما اتصحى
فرح: صحيت اهو يا مامتى صباحك فل هروح اتوضى واصلى وبعدها هكلم بابا حبييى ع طول
ذهبت فرح توضأت وصلت صلاه الضحى وامسكت هاتفها عازمه الاتصال على والدها
فرح :صباح الخير يا حاج  ( احمد)
اتاها صوت والدها سعيدا صباح النور يانن عين أحمد اما يا بت يافرح عندى ليكى خبر بس ايه محصلش
فرح: خير ياحبييى فرحنى والنبى 😂
احمد: خلاص الحاج( كمال الاسيوطى)  كلمته و وافق انك تشتغلى عنده ف الشركة قسم علاقات عامه
هتفت فرح بسعاده بجد يا بابا يعنى أخيرا هشتغل بعد التخرج
ايوه يا ستى اخيرا هتشتغلى مع انى مش موافق
فرح :هههههه معلش بقا يا قلبى عشان خاطرى
احمد: طيب سبينى دلوقتى عندى شغل كتير
فرح : حاضر يا كبير مقاولين شركة ال الاسيوطى
. أغلقت فرح الهاتف غير مصدقه وهتفت مااااااامااااااا أسرعت عائشة مااااالك يابنت
فرح: خلاص هشتغل هشتغل بابا كلمنى وقالى
عائشة : عشان كدا قالبه دماغى طيب ياختى تعالى بقا المطبخ واشتغلى بجد
دخل  الى البيت أخيها( علاء) وقد سمع اخته قاطبا  حاجبيه
مش عارف لازمته ايه الشغل ده هو احنا يابنتى مقصرين معاكى ف حاجه تتبهدلى ليه مش فاهم وبابا كمان مش قادر يقولك لا طبعا ما انتى فرحته
فرح :بغضب مصتنع ايه يا علول ياحبييى ماتقول كلمه حلوه مفيش مبرووك
  علاء:يافرح أنا خايف عليكى  من البهدله وقرف الشغل  ابقى غلطان
عائشة : لا مش غلطان يا حبيبى  دا اخوكى الكبير باردو
فرح: عارفة يا علاء بس نفسى اشتغل وحقق حلمى وييقى ليا كيان
علاء: طب حققى حلمى انا الاول
اندهشت فرح بتسال وايه حلمك ده
علاء :انك تقومى تعملى اى لقمه لاخوكى هموت م الجوع
انفجروا ضاحكين جميعا
علاء : هوا الواد عمر فين
عائشة لسه مجاش بيقول عنده دروس كتير مكنتش ثانوية عامه دى يا خويا الى عامه فينا كدا ده
علاء :معلش يا ماما عمر متفوق ف دراسته ربنا معاه
فى المساء اجتمعوا جميعا على طاولة العشاء والحديث عن عمل فرح كان الموضوع الرئيسى
علاء : باردو يا بابا وافقت على شغلها مع انى قولت لحضرتك بلاش ملوش لازمه شغلها ده
احمد: هو انت يا علاء عشان كبرت وبقيت مهندس هتراجعنى ف كلامى
علاء باحترام شديد العفو يا بابا انا اقصد انها لسه صغيره وانا خايف عليها
احمد: عارف بس اختك انا مربيها كويس وبعدين عاوزها تعمل الى نفسها فيه ومحرمهاش من حاجه قبل ما اموت
فرح: بعد الشر عنك يا حبببى
عائشة: آيه ياحج لازمتها ايه السيره دى
عمر ببكاء مصتنع احناااا مش هناكل ولا ايه ارحمووونى بقا جعاااااان
تناولو العشاء فى جو مبهج مع دعاء عائشة لهم ( طبعا زى اى ام مصريه تعيط وتدعى 💛😂)

#استوووووب    دا ☝ الفصل الأول
عشان محدش يتلخبط
فرح البطلة
احمد  ابوها
عائشة واضحه اهى امها
علاء أخوها هو مهندس
عمر ثانوية عامة اخوها
هحاول السرد يكون فصحى والحوار يكون بالعاميه 
اسم الرواية  #تمنيتها_كثيرا
أتمنى يكون الفصل عجبكم  ويشرفنى تفاعلكم وحضوركم
ان شاء الله معادنا يوم الثلاثاء
دمتم بخير
#جنه