تمنيتها كثيرا ♡ ازمه فرح♡

الفصل الثامن عشر

الفصل الثامن عشر من روايه #تمنيتها_كثيرا بقلمى #جنه_الامل .. امل عبد القادر
********
وما ان رفعت امنيه رأسها وراته من يكون حتى اتصدمت وعقدت المفاجأة لسانها وقالت بصوت خاوى من الحياة معقوله: انت
علاء :بدهشه وصدمه أكبر أمنيه !!!!
عائشه: انتو تعرفو بعض يا ولاد
علاء :أيوه يا ماما الانسه أمنية كانت عضوه اتحاد الطلبة ايام ماكنت ف الكلية
هيام :صدفة جميلة والله أهلا بيك يابنى
علاء: أهلا بحضرتك
وأخرج من جيبه سلسة واعطاها لفرح قالت عائشة: يلا  يا فرح
اومات فرح برأسها وارتدت سلسلتها المفضلة وخرج الجميع من غرفتها
رمق علاء أمنية بنظرات جانبية اما عنها فكانت ف وادى تانى تائهه فى  ابشع صور وذكريات مؤلمه اجبرتها على الصمت التام
استقبل كريم فرح والقت هى السلام على الجميع
كمال: أولا  هنقراء الفاتحه عشان ربنا يبارك
قرأوا  الفاتحه وما انت انتهو حتى أطلقت نيره زعاريد معبره عن فرحتها
وقام كمال من مكانه وقبل جبينها قائلا: مبروك يا بنت الغالى
ابتسمت فرح: الله يبارك في حضرتك
كمال: آيه حضرتك دى ناقص تقولى ياحاج لا انا من  النهاردة زى بابا فاهمة
هيام:اوعى بقا يا كمال ابارك لعروستنا تعالى يافرح واخرجت من حقيبتها علبه واعطتها لكريم لبس عروستك شبكتها يا كريم
فتح كريم العلبة كان بداخلها طقم زهبى مرصع بفصوص من الالماس
قالت فرح: معلش ممكن اقول حاجه انا بس هكتفى ب دبلتين وهقبل الشبكة بس مش هلبسها
قطب كمال حاجبيه :
ليه يا بنتى
وقال كريم :الشبكه مش عجباكى نغيرها
احمد: فرح متقصدش كدا يا كريم ومش عشان بنتى هقول كدا بس فرح الحقيقة تعتبر الدهب والحاجات دى كماليات مش اكتر هى اكيد تقصد حاجه تانية صح يا فرح؟
هزت فرح رأسها :انا بعد أذنكم اكتفى بالدبلتين ومقدرش البس شبكة غالية كدا قدام زمايلى هناك و مش عايزه خبر الخطوبة ينتشر ف الشركة
كمال وقد زادت حيرته :ليه دا انا كنت ناوى اعلن الخبر الصبح
فرح: لو تعرف هناك انى خطيبه نائب رئيس مجلس الإدارة  هيبتدى التكلف والتصنع وانا معرفش أتعامل في جو كدا
كريم: يا فرح دا خبر مش هنعرف ندرايه افرضى حد شافنا وانا بوصلك مثلا او بنتكلم او حتى شاف الدبله فى ايديك
فرح: كريم دا مكان شغل وعلاقتى بيك هناك هتقتصر على كدا اما عن الدبله فلو حد سال هقول اتخطبت وخلاص
هيام: وجهة نظر نظر بس غربية يابنتى
فرح: انا عارفه انها غريبه بس مش عاوزه حد هناك يتعامل معايا بحظر عاوزه زمايلى يفضلو على طبيعتهم معايا
هيام :لا يا فرح دا هيحطك ويحط كريم فى موضع تسأول افرضى فعلا حد شافكم برا الشركة ويلاقيكى  بتتعاملى مع كريم جو الشركة عادى يقول ايه
كمال :طب انا عندى الحل انتى متقوليش الا اذا حد سالك وبعدين الخطوبة مش هطول بإذن الله ويبقو يعرفوا وقت الفرح
كريم هامسا لفرح: انا مش فاهمك يا فرح ولا فاهم ليه طلبك ده بس مش وقته نبقى نتكلم بعدين ممكن نلبس الدبل بقا ولا عندك اى اعتراض تانى
احست فرح بالحنق والغضب الشديد البادى على صوته
فرح: مفيش اعتراضات يا كريم وال طلبته طلب عادى وبسيط
كريم : تمام يافرح ال يريحك
لبسو الدبل وسط مباركة الاهل وفرحتهم
وقال علاء: خلى بالك من فرح يا كريم فرح دى الغالية
هنا نطقت أمنية: اكيد يا بشمهندس علاء لازم يخلى باله.منها ويحميها ويقدرها واوعى يا كريم تاذيها بأى شكل نطقت بهذه الكلمات بنبرات شبه غاضبه يشوبها التحدى
وتحت نظرات استغرب من الجميع نظر أحمد الى ابنه وجدة مرتبك امام نظرات أمنية الحادة
فقال لتغير مجرى للحديث: ماشاء الله يا كمال أمنية عاقله اوى ربنا يحفظها متجوزهالى يا كمال
ضحك كمال فهو الاخر يشعر بتغير حال ابنته فجار احمد فى تغير الحديث فقال:
لما تجوزنى فرح الأول ضحكوا الجميع حتى هبت
أمنية واقفه وقالت :
بابا معلش لازم امشى
عائشة على فين يا بنتى لسه بدرى
امنيه:  أسفه يا طنط بس قلقاته على نرمين وابنها
كمال :مفيش مشكلة خلى السواق يوصلك ويرجعلنا
احمد :  وصلها يا علاء لتحت
أمنية رافضة: لا ياعمى خليه مرتاح
أحمد :ازاى يا بنتى معقوله تمشى لوحدك وعلاء موجود
قال عمر :وانا يا حاج هوا بالنسبه ليك ولا ايه ما انزل انا اوصل القمر ده
علاء: اتلهى وقوم شوف مذكرتك.انا هوصل الآنسة لتحت اتفصلى
أمنية :بعد اذنكم مبروك يا عروسه تسمحيلى بكرا اخدك ونخرج شوية
فرح :طبعا ياامنيه هستناكى
أمنية: ماشى يلا سلام عليكم
خرجت وخلفها علاء
قال كمال :ما تيجو بقا نقعد ف البلكونة الحلوة دى ونسيب العرسان يتكلمو شوية
احمد: يلا بينا
*********************
هرولت على درجات السلم مسرعه وهو خلفها ينادى عليها (امنية )تصلبت مكانها والتفتت نصف التفاته واشاحت بنظرها عنه قائلة: خير فى ايه
علاء :لوسمحتى لازم نتكلم
آمنيه :نتكلم فى ايه لسه عندك كلام تقوله انت عايش ازاى يا اخى
علاء :انتى حكمتى عليا من غير حتى ما تسمعى منى
أمنية :اسمع ايه وحتى لو سمعت دا مش يغير الحقيقه ال بتقول انك قاتل قاتل يا علاء فاهم قتلتها وهتفضل طول عمرك عايش بذنبها
ثم ركبت سياره والدها منطلقة وتركته هو عائم ف بحر ذكريات وندم وغضب منها ومن نفسه
******************
عوده الى فرح وكريم
كريم : مبرووك انا بجد سعيد بارتباطنا ده جدا
فرح :الله يبارك فيك يا كريم اتمنى ال قولت عن إعلان خطوبة ف الشركة ميزعلكش
كريم :الحقيقة زعلنى ليه مش عايزة تعلنى ده يا فرح للدرجة دى انا ف نظرك مستاهلش ان الناس تعرف انى خطيبك
فرح :لا ياكريم متخدش الموضوع بالحساسيه دى انا فعلا قصدت ان ارفع عنى وعنك الحرج ونخرج او انا اخرج من دائرة التكلف والتصنع زى ما قولت
كريم: مش عارف ليه مش مقتنع بس نأجل الكلام لحد ما نفهم بعض اكتر
فرح :اوك بس عندى طلب
كريم :انتى تؤمرى
فرح انا عاوزه بعد الجواز اشتغل
كريم :مفيش مشكله بس هتبقى مرات نائب  رئيس مجلس الإدارة وتشتغلى ف العلاقات العامة طب ساعتها مش هتخافى من التصنع والتكلف ده
صمتت فرح تفكر فى كلامه الذى بدا لها منطقى
كريم :شوفتى بقا اديكى انتى نفسك مش عارفة تردى ومع ذلك هستنى نتاقش ف النقطة دى تانى
بقولك آيه علاء قال مره انك بتعملى قهوه خطيرة مفيش فنجان ليا بقا انا عارف غريبه عريس يطلب فنجان قهوه بس بجد محتاجه اوى
ضحكت فرح:  طبعا هروح اعملك واحد والقهوة ملهاش ميعاد بعد اذنك
خرجت وهو ظل جالسا مكانه يتتم مع نفسه قائلا بسخرية :
هحط كل ده فوق الكوم الكبير يا انسه بقا مش عاوزة تعلنى انى خطيبك طب والله لخليكى تترجى الناس انهم يصدقو اصلا انى خطبتك وهتشوفى وطلبك كدا وفر عليا كتير بس الصبر اصلا لعبتى
****************
فى الخارج ذهبت كلا من عائشة وهيام للتحدث سويا وظل احمد وكمال تحدث أحمد
أحمد : مش واخد بالك فجأه امنيه بنتك بقت حاده ف الكلام مع انها شكلها طيب وردت على علاء بشكل غريب
كمال :معاك حق حتى علاء معرفش يقول ايه انا شايف فى حاجه غيرتها عموما انا هتكلم معها وانت ياريت تتكلم مع علاء اكيد فى حاجه خلتهم ف الحالة دى
أحمد : تمام قولى بلغت مراد بالخطوبه ومتعرفش عنده جديد ولا لاء
كمال : انا بلفته وهو قالى اى جديد هيقولنا ع طول المهم يا أحمد مش عاوز الخطوبة دى تتطول
احمد : فرح طول عمرها بتاخد كل الأمور بتأنى او استعجلناها هتتوتر وتتعب انا عارفها
كمال : ايوه ما انت مش خسران حاجه طول الوقت هى معاك
احمد ضاحكا : ههههههه وخلاص ياسيدى هتسبنى وتبقى عندكم حافظ عليها ياكمال
كمال:يا أحمد  بتوصينى عليها معقوله اطمن
******
فى داخل غرفه عائشة تجلس هى وهيام
هيام : يااااااه يا عائشة مين كان يصدق اننا هنرجع تانى نبقى سوا بعد كل ال حصل
عائشة : اللقا نصيب ياهيام وانتى عارفه معزتك عندى
وليا عندك طلب فرح هتيجى تعيش معاكى خلى بالك منها.فرح.حساسه اوى
هيام : لو قولتلك انها هتبقى زى نرمين وأمنية مش هتصدقى ياعائشه دى فرح دى حته من قلبى ولا نسيتى
تنهدت عائشة : لا يا هيام ولا يوم عدى عليا نسيت بس دى بنتى حتى لو مش...... ......
قطعتها هيام : متكمليش دى بنتك وهتبقى امانه عندى وربنا يقدرنى واحافظ عليها

#تمنيتها_كثيرا
بقلمى
#جنه_الامل