#أحببتك_خطأً
#الفصل_الأول
#بقلمي_شهد_سامح
حكمت المحكمة حضورياً على المتهم زياد إبراهيم السيوفي بالاعدام شنقاً
لااااااااااااااا
فتحت باب الغرفة بخوف فهو كل يوم على تلك الحالة ثم قامت بتهدأته وهي تقول :
ششششش أهدى حبيبي ده كبوس مفيش حاجة حصلت أهدى
نهض من على الفراش وهو يتصبب عرقاً ثم هتف وهو يحاول تنظيم أنفاسه
اه تعبت يا أمي
هتفت بحنو :أنا عارفة والله يا حبيبي إنك تعبت بس هانت إن شاء الله المحامية هتجيب البراءة
هي لازم تجيب عشان لو مجابتش هي عارفة مصيرها معايا
لا يا عمار أنا مش بحب طريقتك دي من أمتى وأحنا بنتعامل مع الناس كده هي بعد الشر لو مجابتش براءة مش ذنبها هي من أشطر المحامين وأنت عارف كده فملهوش لازمة الي بتعمله ده بقى أنا مربتكش أنت وأخواتك على كده يا عمار عشان خاطري يا ابني متحسسنيش إني فشلت في تربيتكوا
هتف مسرعاً وهو يقبل يدها: لا يا أمي متقوليش كده أنت مربيانا أحسن تربية بس أنت عارفة زياد بالنسبالي ايه
هتفت بحنو: وأنت كمان عارف زياد يبقى ايه بالنسبالي ده ابني يا عبيط
بقولك ايه يلا قوم كده صلي ركعتين وروح للمحامية دي شوفها عملت ايه
هي صحيح الجلسة أمتى
حاضر يا أمي هقوم اصلي
الجلسة الإسبوع الجاي ادعيله يا أمي
بدعيله من غير ما تقول يا حبيبي
يلا روح صلي وأنا هعملك أحلى فطار
..................................................
يا صباح الرعب الساعة 6 وعلى المقيمين خارج مدينة الرعب المحافظة على فروق التوقيت درجة الحرار في الظل 25 وده كويس للزواحف واحتمال يكون جو هايل للكسل والنوم في السرير أو أقولك عمل تمرينات للمحامية اصحي يا حووووووور
تململت تلك الفتاة في الفراش بديق بدا على وجهها ثم نهضت بعنف قائلة:
عايزة ايه يا بلوة حياتي هو كل يوم على الموال ده خير بتصحيني ليه عايزة ايه
هتفت الأخرى بتذمر طفولي قائلة: بقى كده يا حور ده أول يوم ليا في الكلية مش عايزة تودعيني
هتفت بغيظ: يا بت هو أنت مهاجرة الكلية بينها وبين البيت ربع ساعة
هتفت الآخرى بحزن: حور أنا قلقانة بجد مش هزار حاسة إني كبرت فاجأة حاسة إني متلخبطة كده وصغيرة على إني اروح كلية واتعرف على ناس جداد حور أنت عارفة إني مش سهل عليا اعمل صحاب أو حتى اتعرف على حد حاسة برهبة جوايا أنا دلوقت مش فرح الطفلة الي كانت بتروح المدرسة بالضفاير ولا الي كانت مشاغبة في المدرسة وبتجنن المدرسين حاسة إني واحدة تانية أنا معرفهاش واحدة اكبر مني مش عارفة ايه الي جاي ولا ايه الي ممكن يحصل حور أنا خايفة من الناس أوووووي
أنت تقرأ
أحببتك خطأً
Romanceلقاءها به كان صدفة ، خطأ لم تقصد ارتكابه ،يتعلق مصيرها معه ب جملة ، جملة سينطقها قاضي. وتلك الجملة التي سينطق بها القاضي ستعني لها الكثير، فترى ستكون بداية حبه لها أم بداية دمارها بسبب حظها السيئ الذي أوقعها معه ولكنها أحبته بصدق فلو فعل أي شيء ستن...
