أحببتك خطأً

الفصل التاسع عشر

#الفصل_التاسع_عشر
#بقلمي_شهد_سامح

(19)

♡♡♡♡

سمعت رسائله بصدمة، وبين كل جملة والأخرى يزداد نحيبها أكثر

تركت الهاتف حين سمعت طرق على الباب، سارت لترى من الطارق، وقبل أن تفتح أزاحت دموعها بيديها ثم فتحت الباب

دلفت هنا الغرفة باستغراب قائلة: مالك يا همس

أزاحت دمعة عالقة بأهدابها ثم قالت: مفيش

أمسكت بوجهها قائلة: مفيش ازاي، إنت عينيك محمرة خالص

جلست على الفراش ثم قالت: لو سمحتي يا هنا، أنا مش قادرة اتكلم، لما أبقى كويسة هحكيلك

جلست بجانبها قائلة: أنا بس قلقانة عليك

ربطت على يدها قائلة: لا أنا تمام، كان في حاجة ولا جاية عادي

أرجعت ظهرها للخلف وهي تقول: مش جايلي نوم فقولت أجي أنام معاكي

أومأت لها همس قائلة: ماشي يا حبيبتي، نامي أنت، أنا مش جايلي نوم

وضعت رأسها على الوسادة قائلة: ماشي

بينما الأخرى توجهت إلى الشرفة وبداخلها تدور كثير من الأسئلة التي تريد لها إجابة

                          *******

أما بالأسفل.

نظر لها بصدمة من  فعلتها ثم قام بفتح باب القصر الخارجي وإدخالها منه وسط اعتراضها، ثم قام بإدخالها تلك الغرفة الموجودة بالحديقة

أمسك بعنقها قائلا بغضب: الجنان عندي أنا مش عندك إنت، الي عملتيه ده هيزود عقابك عندي

شحب وجهها بشدة وخرج منها كلمة واحدة قالتها بضعف: سيبني

تعالت ضحكاته قائلا: أسيبك، معلش، تقدري تقوليلي مين هيلحقك، على فكرة أنا ممكن أقتلك ولا حد هيعرفلك مكان

قام بضرب رأسها بالحائط خلفها وهو يقول: بتلعبي معايا ليه

حاولت هي إبعاد يده من حول عنقها لكنها لم تستطع

ترك عنقها مما جعلها تسقط على الأرض بقوة

أمسك بذراعها بغضب ثم قال: قومي

أخذت أنفاسها بقوة ثم قالت بضعف: بكرهك

تحدث بسخرية: لسه هتكرهيني أكتر بس قومي

صرخ بوججها قائلا: قومي

قامت من على الأرض بضعف، كادت تسقط مرة أخرى لكنه قام بإسنادها وهو يقول: تفتكري اعمل ايه معاكي

قالت بضعف: أنا معنديش حاجة أخسرها، يعني أنا مش خايفة

ضغط على فكها بقوة قائلا: قولتلك متلعبيش معايا عشان مزعلكيش