أحببتك خطأً

الفصل الرابع عشر

#أحببتك_خطأ
#الفصل_الرابع_عشر
#بقلمي_شهد_سامح

جلست على مقعد يصنع من الحجارة ثم وضعت رأسها بين كفيها وهي تقول: يعني لازم يختي تتفلسفي أوي وتعملي فيها مش عارفة مين ولا مش هتوديني،  ولا أنا عارفة البيت، أتنيل يا شهد شوفي بقى هتروحي إزاي يا حلوة

هتروحي معايا

نطق بها يامن الذي  كان يجلس فوق جواده بكبرياء

شهقت بصدمة قائلة: في ايه الناس بتقول احم، أهلا، مش تدخل كده

قفز من على الحصان ثم قال: دي الناس مش أنا، يلا قومي

رفعت حاجبيها بسخرية قائلة:
اقوم فين معلش

رفع نظارته بهدوء وهو يقول: ايه مش ناوية تروحي

عدلت من وشاحها الذي ارتدته مأخراً ثم قالت: قولتلك مش هروح معاك على فكرة

جلس بجانبها ثم هتف: يا بنتي أنت مش عارفة تروحي، ولو سيبتك هتعيشي هنا بقيت عمرك، فبطلي عناد وقولي أنت من عيلة مين وأنا هحاول أروحك

وضعت يدها على وجنتها ثم صمتت لحظة تعيد حديثه برأسها، إنه على حق لو تركها لن تستطيع العودة إلى المنزل مرة أخرى، لذا رفعت رأسها إليه ثم أومأت موافقة وهي تقول: ماشي موافقة، أنا من عيلة سالم السيوفي تعرفه

نظر لها بصدمة قائلاً: سالم السيوفي

هتفت بعدم فهم: أنت عارفه

أشاح نظره عنها ثم نهض فجأة وهو يقول:اه اعرفه، كان صاحب أبويا

أومأت بتفهم ثم قالت: تمام، يعني عارف البيت

هتف بهدوء: اه عارفه

نظرت له بشك فهو منذ عرف اسم جدها وتعبيرته تغيرت كثيرا لذلك قالت: أنت كويس

أومأ لها بخفة ثم قال: أنا تمام، يلا هاتي إيدك عشان اركبك الحصان

وزعت نظراتها بينه وبين حصانه، ثم قالت: ماشي

قام هو بإمساك يدها حتى صعدت على ظهر الجواد

                             *******

دخل زياد مكتب عمار ولكنه دخل بالوقت الخاطئ تماما

تحولت نظرات إياد الغاضبة له ثم تقدم منه وقال: اخرج برة ياض

رفع زياد حاجبيه بسخرية ثم هتف: تاني كده

كرر إياد حديثه بنبرة أقوى قائلا: بقول برة

تعالت ضحكات زياد وهو يوزع نظراته بينه وبين عمار الصامت ثم تقدم من إياد وقام بوضع يده على جبينه قائلا: طب ما أنت تمام اهو، مش سخن ولا حاجة، يبقى أتجننت صح

ضغط إياد على يده لتهدأة نفسه ثم وجه حديثه لعمار قائلا: اتكلم بدل ما اقتله

نظر زياد لعمار قائلا: هو الواد ده أتجنن صح