أحببتك خطأً

الفصل الثالث والعشرون

#الفصل_الثالث_والعشرون
#بقلمي_شهد_سامح

(23)

حاولت أن تظهر متماسكة أمامه لكي لا يشك بأمرها فقالت بصوت حاولت جعله ثابت لكنه خرج مهزوز بعض الشيء: أنت عايز أيه

دفعها هو من أمام الباب ثم دخل المنزل، ظل يجوب بعينيه المكان لكنه لم يرى سوى زجاجات الخمر الفارغة وبعض المأكولات فتحدث بسخرية: عايشة حياتك أنت هنا مع حسام مش كده

قامت من على الأرض ثم قالت بغضب: أنت إزاي تدخل بيتي كده يا بتاع أنت، وبعدين حسام مين الي هنا، بقولك أيه أنا مش ناقصة

وقعت عيناه على تلك الساعة الموضوعة على الطاولة فالتقطها ثم قال ساخرا: ويا ترى بقى بتلبسي ساعات رجالي

هنا ظهر ارتباكها الشديد، حاولت أخفاءه وهي تقول: دي بتاعت أخويا، وبعدين أنت مالك أنت، اخرج برى بيتي يلا

صاح بأعلى صوته قائلا: اخرج يا حسام، متحاولش الهروب أنا شوفت عربيتك تحت، اخرج عشان لو جيت أنا خرجتك بنفسي تصرفي مش هيعجبك

انفتح باب أحدى الغرف  وخرج حسام قائلا بغضب: عايز أيه يا ابن محمد

تحدث بكبرياء أمام وجهه: ياه يا حسام لسه برضو محمد السيوفي عاملك مشكلة، لسه متغاظ منه عشان أحسن منك، ولا يمكن غايظك عشان الاتنين حبوه ومحدش عبرك، أمي حبته واتجوزها ولما جيت أنت يا عيني تشوف حياتك، لقيت المدام الله يرحمها  بتحب محمد الي عاملك عقدة

أوصله هو لأعلى دراجات الغضب فأمسكه من تلابيب ملابسه قائلا بغضب: يا زبالة يا**** والله لأقتلك يا عمار، معرفتش أخلص من أبوك زمان بس هخلص منك أنت

دفعه عمار دفعة أسقطته أرضا ثم قال ساخرا: أنت قد جدي، يعني لو أديتك قلم مش هتقوم فخليك بعيد أحسنلك، وخليك عارف إني سايبك عايش لحد دلوقتي عشان خاطر إياد وآدم وفريدة الي لو عرفوا بلاويك الله أعلم هيعملوا أيه

ثم نظر  لزينب وهو يقول بتوعد: أما أنت بقى يا زبالة فحسابك كتر أوي معايا، ودلوقتي لعبتك اتكشفت، ولا أيه يا  عمو حسام، ولا أقولك uncle  حسام أحلى وشيك كده، ولا بلاش يا راجل التكاليف دي أبو إياد أحلى برضو، عشان تفتكر إنك راجل كبير فعيب على سنك تمشي مع واحدة قد بنتك

توجه صوب الباب وهو يقول بسخرية: هقول لإياد بقى إنه جايله أخ  في السكة، وأنت متفكريش تهربي عشان لو جيبتك أقسملك بالله  لمش هتشوفي شمس تاني

قال آخر كلماته وغادر   تارك حسام يتوعد له بالهلاك

♡♡♡♡♡♡♡♡♡♡♡♡♡♡♡♡♡♡♡♡♡♡♡

ظلت تجوب غرفة مكتبه ذهابا وإيابا بضجر، توقفت في منتصف الغرفة ثم تحدثت بغيظ:  هو فاكرني عيلة صغيرة، والله لما يجي