أحببتك خطأً

الفصل العشرون

#الفصل_العشرون
#بقلمي_شهد_سامح

(20)

♡♡♡♡♡♡♡♡♡♡♡♡♡♡♡♡♡♡

ضغط على مكابح سيارته بقوة مما نتج عنه احتكاكها بالأرض بقوة، ثم قام بالهبوط ليطمئن  على تلك الفتاة التي كاد الاصطدام بها من شدة سرعته

جثى أمامها على الأرض ثم قال: أنت كويسة

زادت دقات قلبها حين  سمعت صوته فرفعت رأسها قائلة بارتباك: آه، آه

طالعها بصدمة قائلا: جوري

نهضت من على الأرض ثم قالت: دكتور عمر

ابتسم لها ثم قال: هو أنا اسمي حلو اوي كده، بس الحمد لله إنك لسه فاكراني

صعدت الحمرة لوجنتيها فتحدثت بخجل:  أنا لازم أمشي

وقف أمامها ليمنعها من السير وهو يقول : لا، يعني أقصد لازم اطمن عليك، أنت كويسة

أومأت له  بخفة ثم قالت: بعد إذنك بقى عايزة أمشي

نظر بساعته ثم قال: طيب ممكن نتكلم شوية

قالت بنفاد صبر: هنتكلم في ايه

فتح باب سيارته ثم طلب منها بهدوء: طيب ممكن تركبي، مش هأخرك، هنتكلم في العربية بس هركن صح

كانت هي في حيرة من أمرها لكنها قررت الصعود لسيارته

صعد هو بجانبها ثم قام بإدارة السيارة لكي يقم بصفها بشكل صحيح

توقف بسيارته بجانب النيل ثم قال: ممكن افهم بقى ليه بتهربي مني

أمسكت بمقبض باب السيارة  وهي تقول: سبق وقولت لحضرتك أنا أصلا مش فاكراك، فلو سمحت سيبني أمشي

قام هو بإغلاق الباب  إلكترونيا وهو يقول: طيب ايه رأيك إنك مش خارجة من هنا غير لما أفهم كل حاجة

ترقرقت الدموع بمقلتيها فتحدثت قائلة: لو سمحت بلاش كده متجبرنيش على حاجة مش عايزة أقولها

نظر لها بهدوء ثم قال: ماشي مش هجبرك، بس توعيديني وحالا إنك جاية العيادة وأنسي خالص إني قابلت وقوليلي على الي جواكي  وهنحله مع بعض

صمتت برهة ثم قالت: ماشي موافقة، بس تبطل تقولي أنت فاكراني وليه بتهربي  والكلام ده

تحدث بمكر: طب أقسم بالله أنت فاكراني من أول مرة، أصل أنا كنت غتت أوي وخدت منك العصايا، وبعدين أنت ظهرتي في وقت غلط، يعني كمان خمس دقايق مش بعيد كنت أفكر أنتحر

تحدثت مسرعة: بعد الشر عليك

هنا صمت كل شيء حولهما إلا من صوت المياه التي على بها الموج وكإنه يشهد على ذلك العشق الناشئ  وأوراق الشجر التي كانت  ترفرف بفعل الهواء  كأنها  ترسل لهما تحية، أما هو كان وسط  هذا ينظر بعيناها الزرقوتان مثل لون السماء تماما، أما عنها فنظرت لأسفل بإحراج وأخذت تفرك يديها بارتباك ظاهر