أحببتك خطأً

الفصل الثاني عشر

متنسوش فوت💙

#أحببتك_خطأً
#الفصل_الثاني_عشر
#بقلمي_شهد_سامح

نطق القاضي أخيرا: بعد سماع الشهود والتحقق من الأدلة المقدمة حكمت المحكمة حضوريا على المتهم زياد إبراهيم السيوفي بالبراءة من كل التهم المنسوبة إليه، محكمة

رفع عمار رأسه إلى أعلى براحة ثم تقدم منه قائلاً: مبروك يا زياد

ابتسم زياد قائلاً: ياه يا عمار مش مصدق، كإني كنت في كابوس وخرجت

هتف عمار بابتسامة: الحمد لله يا صاحبي

                            ******

بعد خروجهم من هذا المكان تقدمت إليهم ثم قالت: زياد عايزة اتكلم معاك لوحدنا

نظر لها عمار بغضب قائلا: بقولك ايه يا قطة، ما تنسي حد اسمه زياد وتغوري من هنا، وإذا كان على الخدمة الي عملتيها فحقك هيوصلك

قهقهت عاليا ثم هتفت: تصدق، عجبتني، ثم تقدمت منه خطوتين وهتفت وهي تنظر إلى عينيه بتحدي: أنا وزياد عمرنا ما هنبعد عن بعض، أصل أنا وزياد الي بينا مش بس واحدة بتشتغل وزبون في كباريه توء، أنا وزياد بينا مواضيع كبيرة أحسنلك ملكش دعوة بيها يا، عمار، والله اسمك حلو يا اسمك ايه

صرخة، صرخة خرجت منها فجأة حين قيد ذراعيها خلف ظهرها بحركة مفاجأة ثم هتف بنبرة تحذيرية ونظرات أرعبتها: بصي الكلام الي هيتقال ده مش عايزك تنسيه ومش عايز أعيده تاني، عشان عمار السيوفي مبيعدش كلامه مرتين، ولو حصل وعاده ده بس بيبقى تذكير ما قبل القتل، سامعة

أومأت له بخوف ظهر بمقلتيها فاستكمل حديثه قائلاً: اي كان الي بينك وبين زياد تنسيه، والأفضل إنك تنسي حد اسمه زياد ده لمصلحتك مش اكتر

أبعدته عنها ثم قالت: بس الي بيني وبين زياد مينفعش يتنسي

تدخل هو في الحديث عندما شعر بازدياد الأمر سوء فهتف: عمار خلاص سيبها أنا هعرف أتعامل معاها

نظر له عمار بسخرية قائلاً: لا والله، زياد أبعد أنت عن الموضوع أحسنلك

لم يستمع له زياد بل أمسك بذراعها وقام بسحبها خلفه إلى مكان بعيد بعض الشيء

ترك ذراعها ثم هتف: عايزة ايه

هتفت بحذر: تتجوزني

قهقه عاليا ثم هتف: عايزة ايه تاني كده معلش

نظرت له بغضب ثم هتفت: تتجوزني يا زياد، أيه صعبة

ضغط على فكها بعنف ثم هتف: بصي يا زوزو، أنا وأنت عارفين كويس إن أنا معملتش حاجة فالحوارات الزبالة بتعتك ترميها على حد تاني غيري، ولو شوفتك قدامي في مكان مش هيطلع عليكي صبح وعندي استعداد جدا ادخل السجن في جريمة عملتها