أحببتك خطأً

الفصل الثامن والثلاثون

#الفصل_الثامن_والثلاثون
#بقلمي_شهد_سامح
(38)
♡♡♡♡♡♡♡♡♡♡♡♡♡♡♡♡♡♡

أمسكت بفستان باللون الفيروزي بين يديها وظلت تنظر له بحيرة ثم قامت بوضعه على الفراش وجلبت غيره، وظلت هاكذا تأتي بفستان ثم تلقي به على الفراش وبعدها تأتي بآخر، حتى أصبح الفراش مليئ بالفساتين

دخلت فرح الغرفة ثم قالت بصراخ: أيه داااااااه

نظرت لها حور باستغراب وقالت: في أيه يا فرح

وضعت يدها بخصرها ونطقت  متذمرة: أنت الي فيه أيه، أيه الكركبة دي  إن شاء الله

جلست حور على الفراش وهتفت بشرود: مش عارفة هلبس أيه، والوقت عمال بيجري بسرعة معرفش ليه

جلست فرح بجانبها ثم قالت مطمئنة: طيب اهدي بس وبراحة كده وهنلاقي حاجة تلبسيها، الدولاب مليان اهو يا حور مالك

نهضت من مكانها وقالت بارتباك: بصي أنا معرفش بقى، أصلا أنا مش موافقة هو جاي ليه  بقى

نطقت فرح بحذر: مش موافقة إزاي يعني، هي مش ماما قالت إنك موافقة وإنكوا بتحبوا  بعض كمان، أنا آه معرفش أمتى ده حصل وحبيتوا بعض بس تمام يعني، أيه بقى مش موافقة دي، ولا أنت من التوتر بترزعي أي هبل وخلاص

وضعت يدها على جبينها بتعب قبل أن تهتف بخفوت: أنا مليش دعوة عايزة حاجة البسها ومش لاقية، أنا زهقت أصلا

جلست أرضا وانسدلت عبراتها ببطء وقالت: يا فرح ساعديني، أقولك اتصلي بعمار قوليله حور مش موافقة

رفعت فرح حاجباها بذهول من حالتها تلك ثم جلست بجانبها وقالت برفق: ششش ليه متوترة كده، ده مجرد تعارف مش قراية فاتحة يعني، بصي أنا هقوم اختارلك فستان على ذوقي كده ماشي

أومأت حور ببطء وقالت من بين شهقاتها: عايزة فستان أسود، وطارحة سودة ولينسز سودة كمان وهحط روج أسود

قلبت كف على كف بدهشة ثم قالت بضحك: لا حول ولا قوة إلا بالله، ربنا يهديك يا بنت أم حور، وبعدين ميكب أيه الي هتحطيه وأنت من أمتى بتحطي ميكب، ومن أمتى أصلا أحنا عندنا ميكب، قومي كده واستهدي بالله ماشي

نهضت حور من مكانها ثم نظرت بالمرآة وصاحت قائلة: بصي شكلي بقى وحش، وعيني اتنفخت هي ومنخيري وبصي بقوا لونهم أحمر،  هعمل أيه أنا دلوقتي

هزت فرح رأسها بمعنى لا فائدة  ثم قالت بضجر:  يا قلبي والله كل ده هيتصلح، بس تعالي البسي عشان هما زمانهم جايين

ولم تكد تكمل جملتها حتى سمعوا طرق الباب فقالت حور بصدمة: يا لهوي جم جم، هعمل أيه هعمل أيييييه

قهقهت فرح على  حالتها وقالت: طيب اهدي هنلحق هنلحق

اقتربت حور من الباب تحاول أن تستمع لأي شيء لكنها لم تسمع أي شيء