آسر ابتسم: مش هي بتحب قصي وجدا كمان فأنا هجيبلها هدية اللي هي شوفته البتاع اللي بيبقا جواها دبدوبين ومغطيها بلور من الزجاج وبتشتغل بموسيقى ويبقى فيه ورد احمر ديه انا هجيبلها واحدة يا إما عليها حرفها هي وقصي او صورتهم وهخلي المزيكا تبقى مزيكا اغنية التايتنك
جاسر: يا ابن الإيه نفدت بس حلوة الفكرة
ادم: عقبالنا ما ننفد زيه
آسر بتفكير: طب ما انا عندي فكرة ممكن تجيبلها تيشيرت عليه صورة قصي وممكن تجيبهولها بلونها المفضل وان يكن احمر مثلا او نبيتي وممكن يبقى مكتوب تحت الصورة كلمة مثلا تعبر عن حبها لقصي
ادم بإعجاب: تصدق حلوة هنفذها
آسر: ممكن اريان او جاسر يجيبولها مخدة عليها صورة قصي
الجميع ضحك
فهد: هو مفيش غير قصي
قصي بغيظ: لا يكون عند سيادتك مانع
اريان: حلوة الفكرة
جاسر: وانا بقى ان شاء الله اجيبلها ايه جيبة او دريس عليه صورة قصي علشان تبقى تطقم مع البلوزة
آسر ضحك وبمرح: ممكن تجيبلها لحاف عليه صورة قصي او ملاية
الكل ضحك
ادم: هموووووت مش قاااادر ده بالناقص نجيبلها صور لقصي وتلزقها على الحيطة
فارس: مش دفترها ضااع انا هجيبلها دفتر غيره بس عليه حرف قصي
فهد: حلوة الفكرة ديه.....انا ممكن اجيبلها جراب للتليفون مثلا عليه حرف قصي وحمايا وعمي احمد ما انا بصراحة مش عارف اجيبلها ايه اللي خطر في بالي لحد دلوقتي
جاسر: اه يا حسرتي عليا ياني ياما ايه يا سمير منور هتجيبلها ايه
سمير: والله زيي زيك مش عارف اجيبلها ايه
لوئي: شكلكوا نسيتوني انا كمان
جاسر: انا هجيبلها حية علشان تلدغها علشان ميرضيش حد الحيرة اللي انا فيها ديه...........في الداخل حلا كانت تجلس مع البنات
سلمى: عملتي ايه يا مايا مع فهد وانتي يا روما
روما: اتصالحت انا ولوئي وكله تمام
مايا بحزن: مش راضي حتى يتكلم معايا نهائي وبيعاملني كإني هوا قدامه
حلا: ما طبيعي انتي مش عليتي صوتك في وشه وقولتيله انت مش راجل واهانتي كرامته عايزاه يديكي وش ازاي لازم يعاقبك الاول
مايا بإنزعاج والدموع تجمعت في عينيها: يا حلا حطي نفسك مكاني انا داخلة المكتب لاقيت واحدة في حضنه وحضناه عايزاني اعمل ايه ابتسم كإن مفيش حاجة حصلت تمام انا غلطت بس ليا الحق اني اخد فرصة تاني ويسمعني وبعدين يبقى يقرر يقاطعني او لا
حلا: مايا انا مأجيش مكانك لسبب انا واثقة في جوزي وواثقة انه عمره ما هيخوني وواثقة في حبه ليا ده غير اني عارفاه كويس وعارفة ان لا اخلاقه ولا ضميره ولا دينه هيسمحوله يعمل حاجة زي كدة ومش هيجرحني جرح زي كدة لو انا دخلت المكتب ولاقيت واحدة حضناه اه هغير اه هدايق اه هتعصب بس مش هجرحه حتى لو اضطريت اني امشي ومسمعش منه حرف واحد ولا انطق بكلمة واخرج اختفي كام يوم اهدى هااا اهدى واول ما احس اني عندي استعداد اسمع واني مش هجرحه ولا هحكم عليه إلا اما اسمعه ساعتها هرجع واقعد معاه انا شوفت واحد اتنين تلاتة اربعة ممكن تفهمني ايه اللي حصل ومين ديه بس بهدوء ومن غير غلط ولا عصبية ولا اعلي صوتي في وشه وهو مجبر انه يجاوبني ويفسرلي علشان ميديش فرصة للشيطان انه يتدخل بينا وعلشان دماغي متروحش بعيد وافكر في حاجة غلط انما مش هقف قدامه واقوله انت وانت وانت وبعدددد كللللل ده لما اكتشف اني غلطانة اروح واحاول اكلمه واعتذر منه وهو بقى من واجبه يديني وش لا طبعا فهد معاه حق وجدا كمان
مايا بدموع: طب اعمل ايه
حلا: سيبيه لحد ما يهدى وابقوا اتكلموا
مايا: يا حلا انا مش قادرة استحمل بعده عني ومش طايقة حياتي وبعدين تجاهله ليا ده بيقتلني
مها: احسن علشان تتعلمي انك متتهوريش وتتسرعي في الحكم عليه خليه يربيكي شوية
مايا: حلا ما تتكلمي معاه انتي
حلا: لو انا اتكلمت معاه هقوله يفضل يعاملك بالاسلوب ده لمدة اسبوع علشان تتأدبي
مايا بترجي: لا ونبي انا مش مستحملة يومين هستحمل الاسبوع ازاي ونبي يا حلا كلميه وقوليله حتى نقعد نتكلم مع بعض ونتفاهم لو عاوز يضربني انا موافقة ولو يزعق ويتعصب ويفش غليله انا برضه موافقة علشان خاطري وحياة قصي عندك يا شيخة لا تقومي تتكلمي معاه
حلا ضحكت: طببب خلاااص ايه اسلوب الشحاتين ده هقوم خلاص
الجميع ضحك على حلا ومايا وحلا قامت اتجهت للحديقة وسمعت جاسر وهو يقول كلامه الاخير
حلا من خلفه: مين اللي مدايقك وهتجيبله حية علشان تلدغه لو عاوز تنتقم منه ومش عارف قولي وانا اخليك تنتقم منه شر انتقام
جاسر انتفض بفزع: ايه يا حلا خضتيني فيه حد يجي كدة طب قولي احم ولا دستور حتى
حلا بغيظ: احم ولا دستور انت تخرس خالص بألفاظك ومصطلحاتك اللي تجلط ديه وبعدين اظن مفيش باب علشان اخبط وبعدين اعملك ايه انت قلبك رهيف وبتخاف من عفريت العلبة
جاسر بغرور: مين ده ده انا اخوف بلد بحالها انما مفيش حاجة تخوفني او تهز شعرة من راس الرائد جاسر يحي الدالي
حلا بخبث: اه صح نسيت اقولك يا ادم امبارح كنت قاعدة هنا على قرب الفجر وكان فيه حية هنا في نفس المكان اللي جاسر قاعد فيه بالظبط بس معرفش اختفت فين ممكن تكون حفرت تحت الارض وهتطلع دلوقتي
قام جاسر بفزع وخوف ووقف خلف حلا والجميع ضحك عليه
حلا ابتسمت: طب بذمتك مش مكسوف من نفسك وانت بتتحامى فيا انا قولت الرجالة ماتوا في حرب اكتوبر محدش صدقني
جاسر بخوف وقلق: بصي انا اعمل راجل في اي حاجة إلا ديه ديه حية وبتلدغ ياما
الجميع ضحك
حلا: انت محسسني انك جربت لدغتها قبل كدة الله يكون في عون اصحاب البلاوي
جاسر بغيظ: ده على اساس إنتي جربتي لدغتها قبل كدة انا مجربتهاش بس برضه يعني فيها سم وتموت وانا لسة شباب وصغير ولسة قدامي الحياة وعاوز اتجوز واتجنن مع البنت اللي هتجوزها ونجيب عيال مجانين وبعدين مش هموت على اخر الزمن من لدغة حية
حلا ضحكت بسخرية: بصراحة يعني اه جربت لدغتها بتاع مرتين تلاتة بعيد الشر عنك يا حبيبي وبعدين انت مجنون لوحدك ناقص جنان على جنانك
الجميع صمت ونظروا لحلا
ادم: انتي بجد اتلدغتي قبل كدة
حلا ابتسمت: اه والله مش مصدقني اسأل شاهر وبصراحة لدغتها بتوجع اوي تنضرب بالرصاص او السكاكين على انك تجرب لدغة حية
جاسر ابتسم: خلاص بقى حلا تضحي علشان جاسورتها حبيبها وتتلدغ بدالي لو طلعت الحية
حلا نظرت له بغيظ: لحظة بس كدة مين قالك انك حبيبي وانك جاسورتي والكلام اللي ملوش طعم ولا معنى ده ابدا يا حبيبي ده انا هخليها تلدغك علشان تحرم تشوف نفسك عليا بعد كدة وتعملي فيها سبع رجالة ده انت خوفت ولا كإنك شوفت جن او شبح
جاسر: لا لو شبح او جن عادي
حلا ضحكت بشدة: اتكلم على ادك يا حبيبي متقولش حاجة اعلى من مقامك ومستواك. وقلدت صوته ثم اكملت: قال لو جن او شبح عادي......انا اهو وانت اهو لو طلع قدامك واحد لابس وش عفريت بس انت مش بعيد تقع من طولك
الجميع ضحك
لوئي: جبهتك طارت يا جاسر
جاسر: على فكرة انا اخوكي المفروض تحترميني عن كدة ويعني جامليني مرة واحدة قدامهم مش دايما فضحاني كدة
حلا: بذمتك يا اخي ديه اشكال وش مجاملة
جاسر: مش عارف بس اظن لا
حلا: يبقى تخرس ومسمعش صوتك.
التفت ونظرت لفهد
حلا: فهد عايزاك ممكن
قصي: على فين
حلا: عايزاه في موضوع خاص هخده شوية بس واجيبهولكوا تاني تعالى يا فهد
قام فهد وذهب مع حلا وحلا اخذته وبعدت قليلا عن الشباب
حلا تنهدت: بصراحة مش عارفة ابدأ منين
فهد ابتسم: ليه حاسك جاية تتكلمي معايا بخصوص مايا
اومأت حلا بنعم: اه بُص مش هقولك سامحها او صالحها بس على الاقل اقعد معاها واتكلموا لان هي جوا عمالة تعيط ويعني البت فضلها شوية وتقوم تقطع وريدها انت عملت لمايا ايه يا فهد انطق
فهد ضحك: ابدا والله معملتش حاجة.....عموما كدة كدة كنت ناوي اتكلم معاها انهاردة بس مش هصالحها برضه
حلا: ديه حاجة تخصكوا انتوا الاتنين احرار مع بعض........اجي بقى للي يخصني
فهد بعدم فهم: ايه اللي يخصك
حلا بغيظ: لو ايدك اتمدت تاني على مايا فساعتها هتشوف مني وشي التاني فهد
كان سيتحدث ولكن حلا قاطعته
حلا: عارفة انها غلطت وانك اتنرفزت بس برضه ده مش سبب ولا مبرر انك تضربها لا وكمان قدام اللي بتحاول توقع ما بينكوا ده لو مكنش اللي حصل جرحها فالكف لوحده يجرح يا فهد واظن انت عارف بيتقال ايه على الراجل اللي بيضرب بنت انا طول عمري كنت بقف في وش بابا لما كان يجي يعاقبهم وكنت باخد عنهم العقاب مكونتش بستحمل ان ابويا يعاقبهم فأكيد مش هستحمل ان جوزها يضربها انا عديتها المرادي بس المرة الجاية حاول تسيطر على انفعالاتك يا فهد
فهد بإحراج: حاضر يا حلا انا مكونتش اقصد والله بس جت كدة
حلا: فيه حاجة كمان.....لو الموقف اتعاد تاني بدل ما تضربها حاول تهديها وتتفاهموا او تخرسها واظن انتوا بارعيين جدا في الموضوع ده يعني احضنها او اعمل اي حاجة تخرسها وتخليها تهدى وتسمعك مايا مبتجيش بالقوة والعند مايا بتيجي بالحب يا فهد وهي كمان حساسة جدا ممكن اقل حاجة تجرحها واكبر عقاب ممكن تعاقبهولها انك تتجاهلها ده يئدبها واوي كمان
فهد ابتسم: حاضر...شكرا يا حلا معذبينك معانا والله مش عارفين من غيرك هنعمل ايه
حلا ضحكت بخفة: هتعملوا ايه يعني كنتوا خربتوا بيوتكوا بإيديكوا...وبعدين مفيش بينا الكلام ده يا فهد انت اخويا ومعزتك عندي من معزت ادم واريان وجاسر وبعدين ان الاخت موقفتش جنب اخواتها تقف جنب مين
فهد بسعادة: حقيقي ربنا يخليكي ليا يا احلى اخت في الدنيا بصراحة بحسك اختي اكتر من اخت مراتي
حلا ضحكت: وماله يلا خلينا نروحلهم بدل ما حد يعمل من الحبة قبة
فهد ضحك لانه فهم انها تقصد قصي عادوا للشباب
لوئي: حلا
حلا التفت له: نعم يا لوئي
لوئي: ايه اكتر حاجة بتحبيها في الحياة
حلا ابتسمت بخفة: مش فاهمة قصدك يعني ايه اكتر حاجة بحبها في الحياة في حاجات كتير حدد
لوئي: يعني قولي كل حاجة واي حاجة مش حاجة معينة كنوع من انواع الدردشة
حلا بتفكير: امممم بحب البحر والهدوء وبحب الشوكولاتة وبحب الورود وخصوصي الورد الاسود والنبيتي والبنفسجي الغامق والفاتح امممم وبحب الرسم والعزف في حاجة تاني عايزها
آسر: لو فيه تاني قولي
حلا: هو فيه بس انا مش فاكرة الصراحة
جاسر: لا حاولي تفتكري يلا
حلا فكرت قليلا: بحب اقعد لوحدي واكتب في دفتري اللي اختفى ومعرفش راح فين وبحب السباحة و.....وبحب الطبخ وخصوصي عمل الحلويات وبصراحة بقى مش فاكرة حاجة غير دول
ادم: طب حلا عاوزين صور ليكي يعني الصور بتاعت زمان وانتي صغيرة وكدة لان الصور اتمسحت
حلا بتفكير: اممم طيب بُص اديني يومين كدة على ما اجيب اللاب توب والتليفون الشخصي وهديك كل اللي انت عايزه اشطا
ادم: اشطا
حلا بإستغراب: بس انت عايزهم ليه
ادم بتفكير: ها.....عادي يعني عايزهم يكونوا معايا يعني افترضي عوزت اعمل حاجة مثلا لمايا فهحتاج صورها وهي صغيرة فعايزهم يفضلوا معايا عادي يعني وبعدين لما سافرت مكنش معايا ليكوا ولا صورة
حلا ابتسمت: حاضر هجيب اللاب وابعتلك كل اللي انت عايزه
ادم: ماشي يا حبيبتي
جائت جميلة من خلفهم: ايه انتوا استقريتوا مع بعض خلاص ونسيتونا
ادم التف لها وبحب: وهو انا اقدر انسى القمر برضه
جميلة ابتسمت: ايه كنتوا بتعملوا ايه كل ده
حلا: طب انا هدخل بقى عايزين حاجة
آسر: لا يا حلول ادخلي واحنا عشراية وكدة وهنيجي نقعد معاكوا
حلا دلفت
ادم: كنا بنخطط لعيد ميلاد روما وحلا وبنشوف هنعمل ايه والهدايا
جاسر: انا عرفت هجيبلها ايه هجيبلها جرافت عليه صور لينا كلنا وليها بس الاكتر ليها وصور تجمعنا بيها واحد ليها وواحد لروما
آسر: حلوة
لوئي: وانا هجيبلها بوكس مليان شوكولاتة لاني بصراحة مش عارف اجيبلها ايه
آسر: كدة متبقاش غير سمير
سمير: لا خلاص عرفت هجيب ايه بس قصي هحتاج صورة ليك وصورة من صور زفافكوا
قصي: حاضر
جميلة: بسم الله ماشاء الله شكلكوا كلكوا عرفتوا هتجيبولها ايه واحنا مش عارفين هنعمل ايه
جاسر: هقولك ممكن تجيبلها جرافت بس فيه صور ليكوا مع بعض ومع زمايلكوا اكيد فيه
جميلة: عجبتني الفكرة خلاص متحطش في الجرافت اللي هتجيبهولها صور لمايا او روما او لينا خلي الجرافت بتاع صوركوا انتوا وهي وقصي وبابا يحي وعمي احمد واحنا بتاعنا يبقى فيه صور لماما مها وطنط سلمى وتيتا فاطمة وانجلي وباقي البنات
جاسر: حلو كدة يا فارس هحتاج منك صور ليك بس تكون حلا معاك وكمان لو معاك صور تجمع حلا بعمي محمد ياريت
اريان: لو حطينا صور لتيتا سامية وجدي سعد الله يرحمه حلا هتفرح اوي لانها كانت متعلقة بيهم وبتحبهم اوي ويمكن كانت احن عليهم من بابا
جميلة: حلوة اوي الفكرة ديه ابقوا ادوني صورة ليها
جاسر: الصور كلها مع حلا
ادم: كدة كدة هاخدها منها وابقى اديكوا اللي انتوا عايزينه
قصي: تمام وابقى اديني صور ليها وهي صغيرة
اومأ ادم....جميلة: كدة باقي البنات هيحتاروا ومش هيعرفوا يجيبولها ايه
آسر: نبقى نقعد معاهم ونفكر سوى
فارس: طب مش كنا دورنا على تيتا ولاقيناها وجيبناها يمكن كدة نشيل عن حلا شوية
جاسر: انا كلمت معارفي برا البلد وبيدوروا عليها واول ما اعرف مكانها هقول لحلا واروح اجيبها
آسر بإستغراب وعدم فهم: هو انتوا عرفتوا منين ان تيتا سامية لسة عايشة ومختفية
قصي: سمعنا حديثكوا كله بس مش هنظهر لحلا اننا عارفين
آسر بدهشة وعدم استيعاب: ازاي سمعتوا وسمعتوا ايه
ادم: كان عمي احمد بيتصل بحلا بس هي تقريبا فتحت ومأخدتش بالها وسمعنا حديثكوا من اول ما قولتلها كفاية كدة وارجعي لقصي وهي هبت وانفجرت فيك وقالتلك كل حاجة مرت بيها في السنين اللي فاتت
آسر بقلق: وعمي يحي سمع
اريان: كلنا سمعنا بس اتفقنا اننا مش هنظهرلها حاجة وانت متقولهاش اما نشوف اخرتها ايه
جاسر: لا بُصوا عيد ميلادها اخر الاسبوع ده بعد اربع تيام مش عايزين حزن ونكد عايزين نعوضها عن كل وجع وحزن وتعب مرت بيه وانت يا قصي لو زعلتها تاني انا اللي هزعلك
ادم: وانا كمان
فهد وسمير: واحنا كمان
آسر: وانا كمان هي جت عليا انا يعني
الجميع ضحك
فارس: طبعا يا قصي انا بقى اللي هطلع عينك لو جرحتها تاني
قصي: ايه يا اريان انت ولوئي مش عايزين تقولوا حاجة انتوا كمان
اريان: والله انا المرادي عدتها المرة الجاية انا اللي هخلي حلا تختفي ومتوركش وشها تاني
جميلة ضحكت: خلاص يا جماعة ده كان ماضي خلينا ننساه ونفتح صفحة جديدة
دلفوا الشباب وسمعوا البنات وهم يتحدثون
انجلي: انا هموت واعرف لو واحدة منكوا هتدلع على جوزها هتعمل ايه خلينا نبدأ بروما
روما: هحب فيه طبعا
الجميع ضحك
انجلي: ايوة ازاي
حلا: احم بلاش روما علشان المرارة هتتفقع
رقية: لالالا استني بس قولي يا روما
روما: يعني بصراحة فيه جملة امينة خليل قالتها للشخص اللي كان طالع معاها في مسلسل مش فاكرة اسمه ايه المهم قالتله...احبك اعبدك اموت في هواك
حلا كانت تحتسي القليل من الماء شرقت وظلت تكح حتى وجهها احمر والجميع يضحك حلا تركت الكوباية
حلا: حراااااام عليكي مرارتي ومرارة ابويا وامي واللي خلفوا اهلي......الله يكون في عون لوئي
انجلي ضحكت بشدة: انتي مالك يا حلا غيرانة ليه
حلا رفعت احد حاجبيها وبغيظ: وانا هغير ليه ده على اساس اني ميتة في دباديب جوزها.
رقية: اومال مالك
حلا بغيظ: اصل ده مش دلع
ندى بإبتسامة: اومال ايه
حلا: فقع مرارة ومُحن تقيل وسهوكة كفاية كدة ولا اكمل
البنات دخلوا في غيبوبة ضحك
آسيا: بس الراجل يحب مراته تدلع عليه
حلا ضحكت بخفة: اديكي قولتي تدلع عليه مش تفقع مرارته وتجيبله الضغط والسكر والقلب ومش بعيد تجلطه انا ذات نفسه هاين عليا افتح دماغها بالكوباية ديه
روما ابتسمت: اومال لو هتدلعي على قصي هتعملي ايه
حلا: هاااا مين ديه اللي تدلع مبعرفش ادلع انا يا اقول اللي في قلبي يا اسكت حد قالك اني ليا في المُحن اللي عملتيه ده انا مرارتي ممكن تتفقع وتجيلي سكتة قلبية لو حاولت اعمل اللي عملتيه ده.....اه البنت لازم تكون رقيقة وانا رقيقة معاكوا انتوا بس انما مش لدرجة اني اعمل الخرا اللي عملتيه دلوقتي
انجلي: اومال هتعملي ايه يا حلا
حلا: والله ما اعرف لما اعرف هبقى اقولك انا من كتر ما عيشت لوحدي نسيت ازاي البنت تدلع على حد ونسيت الرقة اساسا لو افتكرت هبقى اقولك
رقية: بس كنتي حرا يا حلا يعني محدش يتحكم فيكي تدخلي او تخرجي صح
حلا ضحكت بشدة: وحياتك لو عليا وبإيدي كنت حفرت قبر لنفسي جنب قبر ابويا ودفنت نفسي فيه او كنت اختفيت من على كوكب الارض روحت كوكب تاني
ساندي: ليه يا حلا اكيد لما تكوني لوحدك غير لما يكون معاكي حد يعني تاخدي راحتك ترجعي وقت ما انتي عايزة تخرجي وقت ما انتي عايزة
حلا: انا يوم ما كنت انوي ارجع البيت مكونتش برجع
انجلي بعدم فهم: ازاي
حلا ابتسمت: كنت ببقى في المستشفى حبيبتي انا تقريبا مكونتش اعرف شكل بيتي كنت دايما في المستشفى وكانت هي بيتي عادي يعني
ندى بمرح: وانا عمالة اقول برضه حلا مش حلا ليه اتاريكي كنتي في مستشفى المجانين ومخك طاقق منك خالص
الكل ضحك
ساندي: سمعت عنك يا حلا انك بترقصي هندي ورقص استعراض وبتألفي رقص على اغاني وبتغني تركي واجنبي وهندي وعربي ايه بقى. وغمزتلها
حلا غمزت لساندي وابتسمت: ايه بقى
ساندي: مش هنشوف حاجة كدة ولا كدة
حلا: والله يا بنتي انا كنت مخططة لحاجات كتير يوم فرحي بس الاستاذ قصي زوجي العزيز دمرلي مخططاتي كلها عمرك شوفتي عروسة تروح فرحها وهي مش عارفة ان الفرح ده فرحها وعارفة انه فرح اختها مش هي
ساندي ضحكت: اه شوفت مع قصي بن خالتي تتوقعي اي حاجة عادي جدا
انجلي: لا بس انا عاوزة اشوف
حلا: هنهزر بقى ما انتي شوفتي قبل كدة ساعة فرح زميلتي
انجلي: ده كان رقص استعراض على اغنية مصرية عايزة اشوف الهندي والتركي ولو ينفع الاجنبي كمان معنديش مانع
حلا: خلاص ساعة حنة رقية هعملكوا اللي انتوا عايزينه
البنات فرحوا: هييييييه
حلا بسرعة: بشششرررطط واااااحد
البنات نظروا لها
حلا ابتسمت: مش هرقص شرقي ولا هرقص رقص مُغري ها علشان انا عارفة اللي بيدور في دماغ بعض الناس
مايا: ده بعينك لازم توريهم موهبتك يا حلا في الإغراء
البنات ضحكوا بشدة
حلا: اقسم بالله ما هخليكوا تلمحوا خيال اهلي في الحنة بلاش انا في النقطة ديه
رقية بحزن: ليه يا حلول اومال هنعمل ايه في الحنة بقى
حلا: يا ماماااا انا مبرقصش لجوزي مغري علشان اغريكوا انتوا وبعدين ساعة الحنة بتاعتنا قصي كان هناك واكييييد اكيد ادم واريان دخلوا البيت يوميها واكيد كمان دخل فهد ولوئي ما هو مادام قصي دخل اكيد باقي الشباب دخلوا
سلمى ضحك: اه دخلوا وقفشناهم وطردناهم بس مقفشناش قصي
حلا: لا ويوميها شافني برقص فأنا متوقعة ومتنبئة ان الشباب هيجوا يرزلوا علينا في الحنة فأنا هقعد بإحترامي ليكوا عندي اغنية تركي واغنية هندي برقصتها وهقعد عايزني اغنيلكوا تمام اي حاجة تانية لا
رقية: انا عايزاكي تغنيلي اغنية التايتنك يا حلا
حلا: حاضر
سلمى: ارقصي بقى انتي وانجلي هندي
حلا: ايه ده هي نونو بتعرف
انجلي: اه
حلا: لا ده انتي هترقصي معايا مليش فيه
انجلي: فيه اغنية كان نفسي ارقصها مع مرات قصي اوي وخصوصي لو انتي يا حلا يعني من كلام بابا وماما وقصي عنك حبيتك من قبل ما اشوفك وارتحتلك
حلا ابتسمت: اغنية ايه
انجلي: هي اغنية من فيلم ديفداس بتاعت ايشواريا راي ومادهوري ديكسيت اسم الاغنية Dola Re Dola
حلا: اه انا بحب الفيلم اوي والاغنية ديه مع ان نهايته محبتهاش علشان شاروخان مات في الاخر
انجلي: انتي هتاخدي دور مين
حلا: مادهوري علشان بحبها
انجلي: خلاص وانا دور ايشواريا
حلا: اشطا نبقى نتدرب عليها
روما: اوبا هتبقوا جامدين واكيد الاغنية لقصي
انجلي: اكيد طبعا
ندى: ما تيجوا نلعب او نعمل تحدي او اي حاجة بدل الملل اللي احنا فيه ده
اعلن هاتف حلا عن مسدج فتحته وقرأته
حلا: طب انا بقى مضطرة انزل الشغل هشوف حاجة واجي عايزين حاجة
مها: عايزين سلامتك بس قولي الاول لقصي
حلا: اكيد يا ماما هقوله علشان ميقلقش
جائت تلتف رأته بوجهها واصطدمت به
حلا: انتوا هنا من امتى
ادم: من بدري من ساعة احبك واعبدك
الكل ضحك
حلا لقصي: انا مضطرة انزل المركز فيه شوية شغل
قصي: هتتأخري
حلا: لا مأظنش
قصي: طيب
حلا للجميع: سلام
وخرجت من البيت واتجهت للمركز
جميلة: بصوا بقى قبل ما حلا تيجي قررتوا هتعملوا ايه في عيد ميلادها
روما: انا معرفش اجيبلها ايه وشكلها هترسى على إكسسوار
مايا: والله بفكر اجيبلها دبدوب بس هي مبتحبهمش فمش عارفة
روما: ماما انتي هتجيبي لحلا ايه
مها: معرفش لسة
سلمى: انا بقول نجيبلها هدوم بيبي علشان لما تحمل
آسر: والله قولت الكلام ده للشباب محدش سمعني
الكل ضحك
مايا: انا ممكن اجيبلها تيشيرت عليه صورة بابا هيعجبها اوي
روما: تصدقي فكرة حلوة
إيلين: بسم الله ما شاء الله اتنين بس اللي عرفوا هيجيبوا ايه مننا
جميلة: وانا عرفت هجيبلها ايه
آسيا: هتجيبلها ايه
جميلة: جرافت عليه صورها وصورنا واحنا معاها
آسيا: يا ولااااد الإيه نفدتوا والباقي منورين والله يا جماعة
وجلسوا يتناقشون مع بعضهم ماذا سيجلبون لحلا..........حلا ذهبت للمركز وجلست تعمل قليلا ثم عادت في المساء وعندما دلفت روما ركضت عليها
روما: حلوووول حلول حلول حلول
حلا: ايه في ايه
روما امسكتها من يدها وسحبتها خلفها: تعالي دقيقة
واخذتها لغرفة السفرة وكان الجميع متجمع على السفرة ولكن الشباب يرتدون مريلة المطبخ وطاقية الطبخ وكل واحد لابس لونه المفضل
حلا نظرت لهم بإستغراب وابتسمت: ايه في ايه مالكوا عاملين كدة ليه
جميلة: كنا قاعدين زهقانين فعرفنا ان الشباب بيعرفوا يطبخوا فإتحدناهم وخليناهم يطبخولنا انهاردة
مايا: وانتي بقى هتدوقي كل اللي هما طبخوه وتدينا رأيك
احمد بإستغراب: اشمعنا حلا
حلا: علشان لو الاكل مش حلو ابقى انا اللي دوقت مش هما ولو فيه سم انا اللي اروح المستشفى مش هما.....عموما مين اللي طبخ بالظبط
جاسر: كلنا طبخنا
حلا بخبث وغمزتله: لا اطلع بقى بالحق مين اللي ساعد التاني لانه مبيعرفش يطبخ
ادم ضحك: محدش
حلا: ربنا يستر انا لو مُت انهاردة ارفع عليهم قضية يا بابا
الكل ضحك حلا خلعت چاكيتها ورفعت اكمام قميصها وبدأت في تذوق الاكل والجميع ينظر لحلا فعندما انتهت الجميع نظر لها وملامحها لا تدل عن شئ
حلا: كل واحد يقول هو عمل ايه
ادم: انا عملت الكفتة المشوية
فهد: وانا عملت الفراخ المشوية
جاسر: وانا عملت الرز البسمتي والسلطة
قصي: وانا عملت المكرونة البشاميل
حلا: عاملها بالجمبري صح
قصي: اه
حلا: اممم والباقي
سمير: انا عملت التومية والطحينة
اريان: وانا وآسر ولوئي عاملنا الحلو
حلا: عاملتوا ايه
اريان: انا عملت تشيز كيك بالاوريو
آسر: وانا عملت عصير هوت شوكليت بالاوريو والشوكولاتة والقشطة
لوئي: وانا عملت براونيز بالشوكولاتة والكراميل.....وقصي عمل مولتن كيك
حلا نظرت لقصي فهي تعلم انه عمله من اجلها فهي تحبه كثيرا المولتن كيك
روما: حلا انا خلاص على اخري وهموت واكول الاكل اخباره ايه
يحي: ها يا حلا ناكول ولا هنتسمم
حلا ابتسمت: لا كولوا الاكل حلو
وجائت لتخرج
سلمى بإستغراب: على فين يا حلا مش هتاكلي
حلا: هغسل وشي وايدي الاول وهاجي ابدأوا انتوا
خرجت حلا غسلت يدها ووجهها والجميع جلس بأماكنهم وحلا دلفت وجلست مكانها بجانب قصي
مها: ايه اكتر اكلة عجبتك بقى يا حلا
حلا: والله كله حلو يعني كلهم احلى من بعض........روما ناوليني المكرونة
اعطتها روما المكرونة وحلا اخذت قطعة واحدة منها
انجلي كانت تجلس بجانبها: اشمعنا هتاكلي من اكلة حبيب القلب علشان هو اللي عاملها
جاسر: اه ماهو قصي هو اللي معشش جوا واحنا ولاد البطة السودا
حلا: فييي اييييه منك ليها اهدوا بس كدة على اعصابكوا لحسن يجرالكوا حاجة اظن انتوا ملاحظيين اني مأخدتش غير خرطة واحدة اساسا ولا هو انتوا ركزتوا على اني هاكل من اكلة قصي وانتوا لا.....معدتي تعباني ومش عايزة اكول لحوم ولا فراخ فاللي حسيته خفيف هي المكرونة فعلشان كدة هاكلها وهاكول حاجة بسيطة وهكمل سلطة
يحي بقلق: تعباكي من ايه
حلا: متقلقش يا بابا اوي كدة انا كويسة بس مع تقلبات المزاج في اوقات بتتعبني ومبكونش طايقة الاكل وممكن مأكولش بس انا هاكول لاني مفطرتش واخدت العلاج والعلاج عاملي هبوط بس انا كويسة متقلقش
وشرعوا في الاكل وعندما انتهوا جلسوا في الصالون كانت ستقوم حلا
جميلة: على فين يا حلول
حلا: هعمل قهوة علشان دماغي هتنفجر وانا انهاردة مشربتش قهوة اساسا
مها: خلي حد من الشباب يعملك ونختبرهم في ديه كمان
حلا: لا ونبي ديه بالذات بحب اعملها انا لان اكيد مش هيعرفوا يعملوها زي ما انا بحبها
قصي قام: خليكي انتي يا حلا ارتاحي انا هعملك كدة كدة هعمل لنفسي
حلا: بس.......
قصي: عادي مفيهاش حاجة كدة كدة هعمل لنفسي خليكي قاعدة
جميلة ضربت حلا في كتفها: ياختي خليه يعملك حد يجيله الدلع لحد عنده وميدلعش وبعدين ده قصي بيدلعك بلاش يعني وهو اللي عايز يعملهالك في ايه بقى مالك
حلا: انا مش عاوزة اتعبه كفاية انه عمل الاكل ولا انتي شكلك بتحبي تتعبي جوزك
انجلي ابتسمت: لا هو بيحبك تتعبيه وتعبك ليه راحة بالنسباله متقلقيش
حلا نظرت لقصي وكان سيخرج
حلا: قصي ا........
قاطعها قصي: عارف معلقتين سكر وقهوة فرنساوي حاجة تاني
حلا ابتسمت: لا شكرا
بادلها الابتسامة وذهب للمطبخ ليعمل القهوة
روما غمزت لحلا: ايوة بقى يا سيدي يا اللي لاقي اللي يدلعك
حلا بغيظ: ده على اساس جوزك مبيدلعكيش ده عمل البراونيز مخصوص علشانك
انجلي: انا هروح اجيب المولتن كيك عايزة ادوقه اجيبلك معايا يا حلا
حلا: ماشي
ذهبت انجلي للمطبخ واخبرت قصي انها تريد مولتن كيك لها ولحلا وساعدت قصي بوضعهم في اطباق وخرجوا
انجلي: انا جيبت من كل حاجة جوا بس حد يروح يجيب باقي الصواني اللي جوا والعصير
آسيا: انا هقوم اجيبهم
رقية وجميلة: واحنا هنيجي نساعدك
قصي: اومال حلا فين
سلمى: طلعت تاخد شاور وعلاجها علشان حاست بوجع في قلبها وهتيجي
حلا اخذت شاور سريع وابدلت ملابسها وارتدت سولبت باللون الاسود كب بيتي بها بعض الكلام باللون الابيض وارتدت فوقه بلورو احمر غامق طويل يصل لبعد الخصر قليلا بكوم رفعت اكمامه قليلا وارتدت إسكرف باللون الابيض على رقبتها ورفعت قليلا من شعرها كحكة وتركت الباقي مفرود وهبطت للاسفل وجلست مع الجميع
انجلي بهمس لحلا: ايه الجمال ده
حلا ابتسمت لانجلي والجميع تذوق العصير الذي عمله آسر والحلو وعجبهم جدا وحلا عجبها جدا المولتن كيك
روما: حلول ما تدوقيني المولتن كيك
حلا: تؤ تؤ عايزة قومي هاتيلك من المطبخ يعني انتي في ايدك البراونيز وبصالي في المولتن بتاعي يخربيت طمعك وكرشك يا شيخة
روما: ما هو بصراحة الشيكولاتة عجباني
حلا: لا
بعد ثواني شرقت حلا وظلت تكح ووجهها احمر بشدة ولم تستطع اخذ انفاسها قصي قلق كثيرا عندما رأى وجهها هكذا قام إليها بسرعة واخذها للحديقة لتحاول استنشاق بعض الهواء هدأت قليلا وبدأت تستعيد انفاسها من جديد
قصي بقلق: بقيتي احسن حاسة بوجع او تعبانة
حلا بصوت مبحوح: احسن الحمد لله
قصي: حلا اكيد صوتك مش عاجبني
حلا اومأت بنعم ودلفوا للداخل مرة اخرى
روما بمرح: شوفتي علشان مرضتيش تديني حتة
حلا: عينك كنت هموت
روما: لا مش للدرجادي يعني يا حلا
حلا بتعب: لا والله كنت هقطع النفس وقلبي وجعني كان فاضله شوية ويقف خالص عينك وحشة اوي يا روما خدي المولتن مبقيتش عايزاه حسبي الله ونعم الوكيل فيكي بس انا بقى عيني في المولتن
الكل ضحك وجلسوا يتحدثون حتى انقضت الليلة وذهب كل واحد لغرفته مع زوجته..في غرفة فهد كان يجلس يعمل قليلا على اللاب اقتربت منه مايا وجلست بجانبه
مايا بتردد: ممكن نتكلم شوية بليز فهد مترفضش
فهد: ماشي بس ممكن دقيقتين بس هخلص حاجة ونقعد نتكلم براحتنا
اومأت مايا بتفهم بعد خمس دقائق قفل فهد اللاب وتركه والتفت لمايا
فهد: ها عايزانا نتكلم في ايه
مايا: عن اللي حصل في الشركة انا اسفة على اللي قولته بس برضه انت غلطان مجيتش وقولتلي ليه عن البنت ديه
فهد: لاني كنت عارف انك هتفهميني غلط وكنتي ممكن تقوليلي ان انا اللي اديتها فرصة تتكلم وتقرب مني مع اني معملتلهاش حاجة وبعدين يعني بعد كلللل اللي قولتيه جاية وتقوليلي انا اللي غلطان اه ممكن اكون غلطت اني رفعت ايدي عليكي بس انتي نرفزتيني واستفزتيني بكلامك وجرحتيني يا مايا انا مكونتش متوقع منك الكلام ده ومدتنيش فرصة ابررلك او اقولك وافهمك ايه اللي حصل وطلبتي الطلاق واعتبرتيني خاين عايزاني اعمل ايه يا مايا اخدك بالحضن واسامحك كدة عادي كإن محصلش حاجة مينفعش
مايا بدموع وصوت مختنق: يا فهد حط نفسك مكاني لو دخلت عليا المكتب ولاقيت واحد حاضني هتعمل ايه
فهد وجهه تحول وغضب كثيرا: افندم
مايا بخوف وقلق وعادت قليلا للخلف: اهو شوفت لمجرد قولت ان ده لو حصل انت اتعصبت اومال لو حصل بقى حط نفسك مكاني دخلت لاقيت اللي في حضنك وانت كل اللي طلع معاك انتي بتعملي ايه هنا
فهد بغضب: بس ده مش معناه اني بخونك شوفتيني حاضنها هي اللي حضنتني وقبل ما ابعدها انتي دخلتي في اللحظة ديه واتهمتيني وجرحتيني يا مايا
اغمض عينيه قليلا ليسيطر على اعصابه
فهد: نامي ويكون احسن منتكلمش في الموضوع
مايا: مش هنام
فهد وهو يفرد جسده ويأخذ عليه الغطاء ويعطيها ظهره: براحتك
مايا نظرت له ودموعها هبطت على وجنتيها اغلقت النور وفردت جسدها بجانبه ولكن لم تنام...........في غرفة حلا خلعت الإسكرف والبلورو وفردت شعرها الذي كانت ترفعه كحكة واتجهت للفراش لتنام واعطت قصي ظهرها
قصي: والله يعني تضحكي وتبتسميلي تحت وقدام الكل ولما نبقى لوحدنا تديني ضهرك وتضربيلي بوز الخشب
حلا التفت له ورفعت جزئها العلوي: والله بتصرف معاك قدام الكل طبيعي علشان محدش يحس بحاجة وهو ده الوش اللي عندي ده اذا كان عاجب ولو مش عاجب متفرقش كتير كدة كدة انت مبيعجبكش حاجة اصلا
والتفت واعطته ظهرها مرة اخرى
قصي: طب انا كدة مش هعرف انام
حلا صمتت ولم ترد عليه قصي اتنرفز قليلا فمد يده وحاوط خصرها وسحبها بقوة لحضنه ودفن وجهه بعنقها قبل ان تتحدث حلا
قصي: انا هنام كدة سواء كان عجبك او لا ولو مش عجبك ممكن اعمل حاجة تانية احلى
حلا صمتت ففهمت مقصده وغطوا في نوم عميق
__________________________________
مر يومين وحلا جلبت الصور واعطتها لادم في المساء كانت تجلس حلا بغرفتها دلف قصي واخذ شاور وابدل ملابسه واتجه وجلس بجانبها
قصي: هنفضل كدة كتير
حلا لم تجيبه وظلت تعبث بهاتفها فقصي نظر لها ونظر للهاتف مد يده وسحبه بسرعة من يدها
حلا ببعض النرفزة: قصي انت عارف كويس ان الحركة ديه بتستفزني وتنرفزني هات التليفون
قصي وضعه بجيبه وببرود: لا مفيش تليفونات وهنتكلم
حلا: بس انا مش عايزة اتكلم معاك في حاجة هات التليفون
قصي: لا عايزاه خديه
حلا نظرت له بغيظ واقتربت منه ومدت يدها لتأخذ هاتفها من جيبه قصي امسك يدها قبل ان تصل لجيبه وجذبها لحضنه وحاوط خصرها وانقض على شفتيها يقبلها بحب وشوق وعمق وخلخل اصابعه بين أصابع يدها التي امسكها توقف عقل حلا عن التفكير او التصرف ورأت استكانة من جسدها بين يديه غير مرغوب بها ابدا كاانت ترغب في ابعاده عنها ولكن يدها وجسدها لم يخضعوا لها وقرروا الاستسلام اغمضت عينيها واستسلمت لنبضات قلبها التي اصبحت مضطربة وبشدة دقائق وابتعد والصق جبينه بجبينها
قصي وهو يأخذ انفاسه بسرعة وصدره يعلو ويهبط من لهيب عشقه لها: وحشتيني
حلا صمتت ولم تتحدث اقترب مرة اخرى ليقبلها ولكن حلا ابتعدت قليلا
حلا: لو فاكر ان كدة هنتصالح وكل حاجة هتبقى تمام تبقى غلطان قصي
قصي نظر لها: طب قوليلي انتي عايزة ايه وانا اعملهولك بس ترجعي لحضني تاني يا حلا
حلا: مش عايزة حاجة هات التليفون علشان عايزة اعمل مكالمة مهمة
قصي: لا نتصالح الاول واديهولك
حلا: قصي هات التليفون لاني لازم اعمل التليفون ده
جاء ليتحدث قاطعه رنين هاتف حلا اخرجه وهو منزعج رأى انه رقم امريكي
قصي بإستغراب وغيظ: مين الرخم اللي هيتصل بيكي من امريكا دلوقتي
حلا سحبت من يده الهاتف: ده زميل شغل
خرجت للبلكون واجابت عليه وكان چون تحدث معها قليلا بخصوص بعض الامور في الشغل واخبرها انه لم يعثر على جدتها بأمريكا فأخبرته ان يبحث عنها في جميع الدول الاخرى واغلقت معه الخط ودلفت لتنام متجاهلة قصي
__________________________________
مر يومين ولم يحدث شئ جديد بين حلا وقصي او فهد ومايا في صباح يوم جديد بغرفة فهد ومايا خرج فهد من الحمام وهو يلف خصره بمنشفة ويجفف شعره بمنشفة اخرى واتجه لغرفة الملابس دلفت مايا ورأته وهو يدلف لغرفة الملابس اغلقت الباب ودلفت خلفه لغرفة الملابس كان يرتدي بنطلونه واخذ المنشفة ليجفف المياه التي على صدره اقتربت مايا منه وعانقته من الخلف فهد شعر ببعض التوتر
فهد: مايا اوعي خليني اكمل لبس ابعدي
مايا بحب وشوق: وحشتني يا فهد
واخذت تطبع قبلات على كتفه وظهره
فهد وحصونه تنهار: مايا
ابتعدت قليلا عنه وجعلته يلتفت لها وحاوطت خصره بذراعها واقتربت منه واخذت تطبع قبلاتها على صدره وعنقه فهد اغلق عينيه ليسيطر على مشاعره وقلبه وحاول ان يبعدها عنه ولكنه لم يستطع هناك شئ يمنعه لحظات وابتعدت عنه قليلا
مايا بحب: وحشتني اوي يا فهد موحشتكش
فهد فتح عينيه وعندما رأى نظراتها المليئة بالحب والشوق لم يستطع ان يسيطر على نفسه فجذبها من خصرها لحضنه وانقض على شفتيها يقبلها بكل مشاعره وجوارحه وبعمق مايا تعلقت بعنقه وغرست اصابعها بخصلات شعره واخذت تعبث بشعره بشكل مُغري جذبها فهد لحضنه اكثر ثم حملها ووضعها على الفراش واخذها لحضنه متناسي زعله منها معبرا عن حبه وشوقه لها
__________________________________
اليوم الذي قبل عيد ميلاد حلا خرجت وذهبت لشغلها وعندما عادت وهي تدلف للصالون كان مسكوب شئ على الارض فإنزلقت ووقعت
حلا بوجع: اااه
حاولت ان تقوم ولكنها انزلقت مرة اخرى رأها قصي وهو يهبط على الدرج فإبتسم واتجه لها ومد يده لها حلا نظرت له ولم تمد يدها له خرج آسر من الصالون فرأها
حلا: آسر تعالى ساعدني علشان مش عارفة اقوم
آسر اتجه لها: اومال قصي بيعمل ايه جنبك ايه لا يكون هو اللي وقعك
دلف ادم من الخارج وسمع آسر
حلا: لا موقعنيش بس فيه حاجة مدلوقة فوقعت هات ايدك وقومني
ومدت يدها له
آسر بغيظ: لا ما جوزك مادد ايده ليكي وهو اولى
حلا رفعت احد حاجبيها وانزلت يدها: شكلك تأقلمت معاه
آسر: شئ ميخصكيش
حلا بغيظ: اممم وشئ ميخصكش اقبل مساعدته او لا
دلف ادم عليهم: السلام عليكم....في ايه مالكوا بتتخانقوا ليه
حلا: هتساعدني علشان اقوم ولا هتستندل زي الاخ ده
ادم نظر لقصي ولحلا ثم حسم امره ومد يده لها فأمسكت حلا يده وساعدها لتقف ولكن كانت تشعر ببعض الالم في قدمها ولكنها لم تظهر هذا قصي انزعج من تصرفها هذا ودلفوا للصالون وسهروا قليلا مع بعضهم ثم صعدوا لغرفتهم
كانت حلا تقف تأخذ ادويتها وعندما انتهت كانت ستنام
قصي: على فين حضرتك
حلا بغيظ: نعم عايزة انام
قصي: لا قومي البسي يلا
حلا نظرت له بصدمة: افندم
قصي: قومي البسي
حلا: قصي الساعة داخلة على ١١ هنروح فين دلوقتي وبعدين تعبانة وعايزة انام وعندي شغل بكرة
قصي: لا ما انا اخدتلك بكرة وبعده اجازة قومي بقى يلا غيري هدومك
حلا بعدم استيعاب: قصي انت شارب حاجة ولا حد منرفزك وجاي تطلع عين اهلي انا وتطلع جنانك عليا
قصي ابتسم ابتسامة صفراء: حبيبتي انا لحد دلوقتي متجننتش لو حابة تشوفي جنان معنديش مانع قومي وبطلي تضيع وقت اكتر من كدة يلا
حلا: مش هقوم يا قصي عندي شغل بكرة
هنا اعلن هاتف حلا عن رنينه وكان العميد فوزي فأجابت
حلا: السلام عليكم
فوزي: وعليكم السلام يا حلول اخبارك ايه
حلا: الحمد لله اخبار حضرتك ايه
فوزي: الحمد لله بخير
حلا بقلق: خير حضرتك متصل بيا دلوقتي ليه اوعى تقولي فيه مصيبة وعايزني انزل المركز انا تعبانة ولسة كنت هنام
فوزي ضحك: لالالا متقلقيش انا بس اتصلت بيكي علشان اقولك متجيش لا بكرة ولا بعده على المركز يعني خدي يومين راحة
حلا نظرت لقصي بصدمة: وده ليه بقى ان شاء الله انا مطلبتش اجازة
فوزي: اسألي جوزك....انا لازم اقفل علشان عندي شغل يلا سلام.
واغلق الخط معها قبل ان تتحدث وابتسم ليحي
يحي: كدة تمام خلونا بقى نجهز الزينة والتورتة
ادم: لا ما لسة شوية لان قصي هياخدها ساعة ويجيبهالنا الساعة ١ وكذلك روما ولوئي
احمد: ايه العيال الرخمة ديه
اريان ضحك: عايزين يفاجؤهم هما الاول عادي مش هتفرق اهو كدة نكسب وقت وعلى مهلنا يلا.........عند حلا وقصي
نظرت للهاتف بصدمة ولقصي
قصي ابتسم: قومي بقى واسمعي الكلام وغيري هدومك يلا
حلا بغيظ: تاني مرة تخطط من ورا ضهري وعندا فيك انا مش هقوم اغير ومش رايحة لمكان واهو اخدت اجازة ارتاح وانام تصبح على خير ده لو كان فيه اساسا خير
وفردت جسدها واخذت الغطاء عليها قصي اتجه وسحب الغطاء من عليها بقوة وحملها بين يديه واتجه لغرفة الملابس
قصي: فيه مثل بيقول اللي ميجيش بالذوق يجي بالعافية
حلا بغيظ وغضب: قصي نزلني....نزلني بقولك
انزلها قصي: الدولاب اهو غيري هدومك وهستناكي برا عشر دقايق والاقيكي قدامي
حلا بغيظ وغضب: مش هغير هدومي ولا هلبس ولا هروح معاك على مكان
قصي: يا بنتي انتي ليه محسساني اني عدوك البسي وبطلي عِند وإلا....
حلا وضعت يدها على خصرها وبغيظ: ولا يهميني تهديدك ولا بخاف واعلى ما في خيلك اركبه
قصي ابتسم بخبث: اوي اوي وماله نركب اعلى ما في خيلنا
واقترب منها وحلا لم تفهم ما الذي ينوي فعله جذبها من خصرها بقوة لتصطدم بصدره ويده الاخرى تسللت لقميص البيچامة وبدأ في فك الازرار
حلا: انت بتعمل ايه اوعى ابعد عني
ودفعته بعيد عنها وهي تمسك بلوزتها
قصي ضحك بخفة: هتلبسي لوحدك ولا البسك انا
حلا بقلق منه: لا خلاص هلبس انا اطلع برا
قصي وقف وعقد ذراعيه: لا غيري قدامي احسن
حلا بغيظ: لو مخرجتش مش هغير وانت حُر
قصي: عادي اغيرلك انا. واقترب منها
حلا: والله العظيم لو قربت لا اصوت والم عليك البيت كله
قصي ضحك: بجد وهتقوليلهم ايه
حلا: هقولهم انك بتتحرش بيا
قصي بخبث: على فكرة لولا تحرشي بيكي مكونتيش بقيتي مدام او ممكن نقول لولا اغتصابي ليكي
حلا فتحت عينيها على وسعهما: حد قالك انك واخد كورس في قلة الادب وجايب درجة امتياز كمان
قصي ضحك: اه غيري يلا وانا مستنيكي خمس دقايق والاقيكي قدامي
حلا: هما مش كانوا عشرة من شوية
قصي: مش انتي ضيعتي وقت وعاندتي استحملي بقى لو في خلال خمس دقايق ملقيتكيش برا هدخل عليكي انتي حرا
وخرج وانتظرها برا حلا اخرجت چيب باللون الاسود بها بعض فصوص اللؤلؤ السُكري وبلوزة من الضنتيل سُكري بكوم وتركت شعرها مفرود وارتدت حلق طويل سكري وحذاء بكعب عالي سكري وخرجت عندما رأها قصي انسحر بجمالها فكانت تشبه الملائكة كانت حلا تعدل بلوزتها
حلا: انا جاهزة
قصي بحب وهو متيم بها: سبحان الله
حلا نظرت له ورأت نظرته لها فوجهها احمر خجلا قصي: امشي قدامي بدل ما اتهور ومفيش خروج من الاوضة امشي
اتجهت حلا امامه وخرجوا من البيت وفتح لها الباب وصعدت بالسيارة وهو صعد وانطلق وهم في الطريق
حلا: هنروح فين بقى كدة الساعة ١١ بليل
قصي ابتسم: هتعرفي كل حاجة في وقتها
حلا بإنزعاج: اهو انا مبحبش اخرج معاك بسبب كدة مبحبش اخرج من البيت وانزل وانا مش عارفة رايحة فين
قصي: هو انا عايز افهم حاجة انا مين بالظبط
حلا بعدم فهم: انت مين ايه يعني
قصي: انا مين بالنسبالك يا حلا
حلا: جوزي وحبيبي يعني ايه لازمة السؤال السخيف ده
قصي ابتسم: يعني انتي مش مع حد غريب ولا خطيبك فممكن بقى تسيبيلي نفسك انهاردة من غير ما تسألي احنا هنروح على فين ممكن
حلا تنهدت: ماشي يا قصي اما نشوف اخرتها معاك
قصي ابتسم: لا اخرتها حاجة حلوة متقلقيش
دقائق ووقف امام احدى البيوت
قصي: انزلي
حلا هبطت وهي تستغرب ما الذي يفعله امسكها من يدها وسحبها خلفه ودلف للبيت كانت اسماء تنتظرهم
قصي: عارفة هتعملي ايه صح
اسماء ابتسمت: اه
قصي مد يده لحلا: هاتي تليفونك
جائت لتتحدث قاطعها: من غير سؤال احنا اتفقنا على ايه هاتيه
حلا اعطته هاتفها: شكلك ناوي تخطفني ومش عايز تقولي
قصي ابتسم: حاجة زي كدة قدامك نص ساعة وتكوني جاهزة
حلا: ممكن افهم في ايه واجهز ليه وايه ما انا جاهزة اهو
قصي: اسماء هتفهمك تجهزي ازاي انا لازم امشي سلام
وخرج وحلا تقف ولا تفهم شئ اخرجت اسماء اعطتها شئ في كيس اسود كبير متعلق بشماعة ويظهر انه فستان
اسماء: خدي ده وادخلي البسيه لو احتاجتي مساعدة ناديني يلا
حلا اخذته منها: طب ممكن افهم في ايه
اسماء: ديه اوامر قصي بيه وانا وظفتي هنا انفذ وبس
حلا اومأت بتفهم وهمست: انا عارفة اني متجوزة واحد مجنون ربنا يستر
ودلفت ابدلت ثيابها وارتدت الفستان كان فستان بحمالة مثل فستان سندريلا نازلة عن الكتف قليلا ضيق من الصدر حتى فوق الخصر ثم نازل على واسع لونه نبيتي داكن به القليل جدا من القلوب باللون الاسود ومنسدل من الخلف على الارض وصففت شعرها عملته سمبولة ثم رفعته لاعلى وثبتته ببعض الدبابيس وارتدت حلق على شكل قلب باللون الاسود وحذاء بكعب عالي باللون النبيتي ووضعت القليل من برفيومها الهادئ ثم ندهت على اسماء لتساعدها بغلق سحاب الفستان ودلفت اسماء وساعدتها ثم اعطتها هاتف
اسماء: انا كدة وظيفتي خلصت الاستاذ قصي هيتواصل معاكي من على التليفون ده عايزة مني حاجة تاني
حلا ابتسمت: شكرا حبيبتي تعبتك معايا
اسماء ابتسمت: حبيبتي لا تعب ولا حاجة يلا سلام
خرجت اسماء واعلن هاتف حلا عن رنينه فأجابت
حلا: الو
قصي: خلصتي ولا لسة
حلا: اه بس انا مش هخرج بالمنظر ده انت عارف اني مبلبسش برا البيت حاجة تبين دراعاتي
قصي ابتسم: افتحي الدولاب هتلاقي فيه شال اسود من الفرو لاقيتيه
حلا: لحظة
اتجهت حلا للدولاب وفتحته: اه لاقيته
قصي: البسيه وانزلي هتلاقي فيه عربية مستنياكي هتجيبك لعندي
حلا: قصي انت ناوي على ايه المرة اللي فاتت كنت هتوقفلي قلبي لما عملت كل ده وظهرتلي ابويا وانه عايش المرادي ناوي على ايه
قصي ضحك بخفة: كل اللي عايزه منك تسيبيلي نفسك وتثقي فيا مش اكتر
حلا: حبيبي انا بثق فيك واكتر من نفسي بس راعي اني مش فاهمة حاجة وشبه الاطرش في الزفى
قصي ضحك: لما تجيلي هتعرفي
حلا تنهدت وبغيظ: ماشي يا قصي انا مكونتش اعرف اني متجوزة واحد مجنون ومجنون جدا كمان
قصي: طالعة منك زي العسل متتأخريش عليا علشان عاوز اكول برقوق وخوخ
حلا بغيظ: حد قالك اني سامحتك ونسيت اللي عملته
قصي بغيظ: يلعن ابو فصلانك يا شيخة عمري ما شوفت زوجة فصيلة زيك كل ما احاول اكون رومانسي معاكي تفصليني غوري يا حلا انزلي واخلصي سلام
واغلق بوجهها الخط حلا ضحكت: احسن علشان مخليني زي الهبلة كدة مش فاهمة ايه اللي بيحصل....بس لازم اعترف ان بجد عجبني اللي بيحصل مادام هو اللي عامله بس مجنون ومعرفش جنانه ده هيوصلنا لفين. وابتسمت بحب وسعادة وضعت الشال على ذراعها واخذت الهاتف وهبطت رأت عربية طويلة منتظراها باللون الاسود
حلا بهمس: كان معايا حق لما قولت انه مجنون كللل ديه عربية اركبها ليه فاكرني واحدة من ايام الفراعنة ولا اكونشي طويلة ورجلي طويلة فهفردها في العربية كلها
فتح السائق لها باب السيارة ودلفت حلا وانطلقت السيارة لبيت مزرعة قصي هبط السائق وفتح الباب لحلا فهبطت ووقفت امام البيت تنظر له ولا تفهم شئ ذهب السائق وظلت حلا لوحدها
حلا: امممم وبعدين بقى
لفت انتباهها اسهم موضوعة تشير لإتجاه فإتجهت مع الاسهم رأت الارض مفروشة من الورد الاحمر فعقدت حاجبيها بإستغراب ثم رأت احد الاسهم مكتوب عليه من هنا اميرتي والاخر من هنا سندريلا حياتي فضحكت بخفة ورأت انها دخلت مكان به مسبح كبير وكان مليئ بالبلالين والورود واخر سهم كان مكتوب عليه حلالي وصلتي اخيرا نظرت لما يشير السهم كان يشير لباب من الزجاج فتحته حلا ودلفت ثم اغلقته كانت الغرفة مفروشة بالورد والبلالين وركنة لونها ابيض موضوعة بمنتصف الغرفة وعندما اشتعل الضوء لفت انتباهها صور لها على الحائط من صغرها وكانت متوزعة بالغرفة بأكملها صورة لكل عمر لها من وقت ما اتولدت وعندما تمت السنة والسنتين والثلاث سنوات حتىىىىى الآن بكل فئاتها العمرية وصور من شهر العسل وكتب الكتاب والزفاف حلا انصدمت حلا حدثت نفسها بحيرة واستغراب: مأظنش انهاردة عيد جوازنا ولا عيد الحب ولا رأس السنة اومال في ايه وليه كل ده.
حلا بصوت عالي: قصي انت فين ممكن افهم بقى في ايه....قصصصيييي
فجأة ضرب نور بوجهها فوضعت يدها امام وجهها لتحجب الضوء عنها وعندما اعتادت نظرت وكانت تعتليها الدهشة فكانت شاشة عرض كبيرة جدا وكان مكتوب بها هل تحبين ابدأ من اول مقابلة لينا ام من اول مرة اتعرفنا على بعض اتجهت وجلست على الاريكة وبعدها اشتغل فيديو كان عبارة عن صور لها وهي صغيرة ولكن كان صوت قصي بهذا الفيديو
قصي: مش عارف اقول اذا كان في اليوم ده انا كمان انولدت لانك بوقتها نورتي حياة الكل ماعدا انا ولا اقول اني زعلان لاني مكونتش معاكي من اول يوم انولدتي فيه ولا اقول ان ده اسعد يوم في حياتي لان انخلقت فيه اميرة لا تشبه الاميرات ملكة بأخلاقها وحبها وقلبها الحنين والطيب ملاك بتدينها وادبها وحبها لوالدها ولاخواتها ده اسعد يوم في حياتي ومش عارف اذا كان المفروض اشكر حمايا وحماتي على ده لانهم هما السبب في انك على كوكب الارض وفي حياتي دلوقتي طبعا وده من بعد امر ربنا سبحانه وتعالى بس السؤال اللي بسأله لنفسي ومش لاقيله جواب انتي ازاي كدة انتي عارفة ان اهلي كانوا دايما يقولولي اني عنيد جدا وان اللي هتتجوزني هتتعب معايا بس مبعرفش عنادي معاكي بيروح فين كل ما بحاول اعند مبعرفش بحس ان مشاعري هي اللي بتسيطر على غروري وعِنادي فاكرة اول يوم اتقابلنا فيه ايوة هو ده.....واشتعل فيديو وعندما انقذته عندما كان يمشي بالشارع وكانت سيارة ستصدمه ولكن اصطدمت بقدم حلا قليلا
قصي: يوميها كان ممكن تخسري حياتك وانتي بتنقذيني لحد دلوقتي معرفش ايه السبب اللي خلاكي تنقذيني يا حلا....كنت دايما اسمع عن حب من اول نظرة حتى عن قصة حب اهلي بس عمري ما اقتنعت بيه اليوم ده انتي شقلبتي حياتي وشقلبتيني حسيت ان انا مش انا اه مكونتش اعرفك وكانت ديه اول مرة اشوفك فيها كنتي دايما على بالي وكانت ديه اول مرة بحياتي اتمنى اني اقابلك تاني وكنت حاسس بشعور غريب تجاهك مكونتش اعرف مصدره ايه بس لمجرد تفكيري وشعوري اني مستحيل اقابلك تاني لاني معرفكيش كان مدايقني جدا وكنت دايما مخنوق وماشي بتخانق مع دبان وشي هههههه......بس حقيقي حبيتك من يوميها ومكونتش حاسس بنفسي لما بابا جيه وقالي انه هياخدني اتعرف على صديق عمره يحي وان عنده بنوتة زي القمر لدرجة اتفاجئت بيه بيقولي اني هحبك قولتله مش اي واحدة تقدر تخليني احبها ومأظنش انك هتقدري ساعتها جت صورتك على بالي وحسيت اني عايز اشوفك او اني هشوفك قريب معرفش ليه تملكني الاحساس ده وكنت رافض اني اجي مع بابا وهو اجبرني وبصراحة لولا اجباره مكونتش قابلتك تاني وكنت هندم على ده لما دخلت عندكوا البيت وشوفتك انا فرحت اكتر ما اتصدمت حتى استغربت نفسي انا ليه فرحان اوي كدة لاني شوفتك بس لما عرفت ان رجليكي وجعاكي عرفت ان انا السبب وزعلت وقلبي وجعني عليكي وكنت مدايق من نفسي جدا بس وقتها قولت لولا اني كنت هموت مكونتش شوفتك وقتها كنتي بتتعاملي معايا برخامة وتقل بقى ودايما بتستفزيني ولسانك بسم الله ما شاء الله اطول من طولك بمراااحل بس مع ذلك كنت بحب خناقي معاكي.....حلا انا عمري ما اقبل اي بنت تعمل معايا او تكلمني بالطريقة اللي كنتي بتكلميني بيها بس معاكي مكونتش بحب اسكتك بل بالعكس لما كنا منتخانقش كنت بحس بحاجة غريبة كإني مقابلتكيش حبيتك من اول نظرة بس اتعلقت بيكي اكتر بسبب خناقتنا اللي كانت على اتفه الاسباب والحاجات وكنا شبه التوم وچيري انا عمري ما كنت اتخيل ان ممكن واحدة بنت تغيرني او تخليني احبها بس انتي قدرتي تعملي ده وفي وقت قليل جدا......فاكرة اليوم اللي كنا فيه في الغردقة......وهنا ظهرت صور اتصوروها هناك على البحر وفي اماكن كثيرة
قصي: فاكرة اليوم اللي كنت هغرق فيه او بالمعنى الاصح كنت بمثل اني هغرق فيه فاكرة....يوميها طقت في دماغي فكرة اني اعمل مقلب في بابا او ماما وبصراحة مكونتش اتخيل تصرفك بالرغم انك كان ممكن تقولي لبابا او لعمي يحي بس انتي من غير تفكير نزلتي وحاولتي تنقذيني ووقتها كنتي هتغرقي لانك مبتعرفيش تعومي يوميها قلبي كان هيقف لمجرد بس شعوري ان ممكن يحصلك حاجة بس في نفس الوقت كنت مبسوط لانك نسيتي كل حاجة ونزلتي علشان تنقذيني وحبيت عصبيتك عليا لما عرفتي ان ده مقلب ولما زعلتي مني بس معرفتيش تفضلي بعيدة عني وتخاصميني وجيتي كلمتيني واخدتي رأيي برسمة انتي رسمتيها لغروب الشمس مع البحر اليوم ده كان احلى يوم في عمري....وكمان اليوم اللي كنتي تعبانة فيه وقت عمي يحي خرج يجيبلك علاج وكنتي تعبانة وحرارتك عالية وكنتي بردانة والغطى مكنش مدفيكي وقت اخدتك في حضني علشان ادفيكي ونمتي وانا حاضنك حسيت بشعور حلو وكان نفسي عمي يحي ميرجعش ابدا وتفضلي كدة في حضني من يوميها اتأكدت اني بحبك ومن يوميها وانا بحلم باليوم اللي هتبقي فيه مراتي وملكي وفي حضني ومتبعديش عني لحظة واحدة ويتقفل علينا باب واحد قبل ما اقابلك كنت رافض الجواز ومش عايز اتجوز بعد ما قابلتك انتي حببتيني في الحياة وخلتيني اتمنى اتجوز انهاردة قبل بكرة واكون بيت وعيلة معاكي بعديها جت فترة انتي بعدتي عني فيها وتجاهلتيني ده كان مدايقني ولما كنتي تشوفيني كنتي تتنرفزي وتمشي وتسيبيني وقتها كان تصرفك بيجرحني وكنت مدايق ومش طايق حياتي ولا طايق اعمل حاجة وكنت ليل نهار افكر بيكي وان نمت احلم بيكي مكونتيش سيباني لا نايم مرتاح ولا صاحي مرتاح خطفتي قلبي وقبل قلبي خطفتي عقلي وتفكيري وبعدين اخدتي روحي مني وبقيتي انتي الحياة بالنسبة ليا لما بكون بعيد عنك مبحسش بالحياة ولا بحس اني عايش لما بكون معاكي بحس ان روحي رجعتلي تاني واحس بالحياة واشوفها بعنيكي انتي حببتيني في حاجات كتير يا حلا اتغيرت على ايدك ٣٦٠ لالا ٣٦٠٠ درجة حببتيني في الحياة وخلتيني اشوفها بلون تاني هو لون الحب خلتيني احب الحب وارغب في اني احب واعشق بس مأحبش غيرك ولا اعشق غيرك معرفش انتي عملتي كل ده ازاي وامتى ازاي قدرتي تسيطري عليا كدة........بعد حادثة عمي يحي وقت بعدتي عني اوي انا كنت هتجنن عليكي هموت واعرف اخبارك وانا كنت متأكد انك هتبقي محتاجاني اكتر من اي وقت مضى وان نفسيتك هتبقى تعبانة جدا بعد ما مر سنين وحاولت اتواصل معاكي كتير بس انتي رفضتي قلبي كان واجعني عليكي كنت عايز اشوفك علشان اطمن عليكي واسمع صوتك اللي وحشني جدا لدرجة وصلت لمرحلة اليأس اني ممكن اقابلك تاني او انك ممكن تبادليني نفس شعوري تجاهك وفكرت انك نستيني وانك مبتحبنيش وحاولت انساكي واشوف حياتي واكملها حتى حاولت احب بنت غيرك بس معرفتش كل ما كنت اقعد مع زمايلي واصدقائهم البنات كنت بفتكرك مفيش مرة قعدت مع بنت وغيبتي عن بالي زي ما يكون قلبي وعقلي رافضيين غيرك حلا سيطرتي عليهم وخلتيهم يخضعوا ليكي ويعصوني سيطرتي عليهم لدرجة اني لما كنت بصلي كنت تلقائي بلاقي نفسي بدعيلك معرفش ايه السبب بس اهو كدة لما كنت بكون نفسي وبكون شركتي كنت بتمنى تكوني معايا كنتي بتوحشيني جدا لما حاولت انساكي واحب غيرك انجلي قالتلي ان اكيد فيه سبب ورا تصرفك معايا بالطريقة ديه وانك بتحبيني وانك قولتي ده لبابا واعترفتيله انك بتحبيني كنت مدايق جدا لما حاولت انساكي كرهت حياتي وكرهت نفسي اكتر واتعلقت بيكي اكتر وكنت دايما اسأل عمي محمد عليكي.....لما شوفتك تاني مرة في المركز حسيت بشعور غريب تجاهك وكإني اعرفك من زمان بس تجاهلت الشعور ده وحسيتك وقتها مغرورة او فاكراني هحبك بسهولة معرفش ليه الاحساس ده حسيته تجاهك وانك فكراني من الشباب اللي يوقعوا في الحب بسهولة عمتا وقتها قررت اني اثبتلك عكس ده واني شخص صعب التعامل معاه وقررت اكرهك في اليوم اللي اتعرفتي عليا فيه بس الشهادة لله ارفعلك القبعة جذبتيني ليكي للمرة التانية وحبيتك تاني من اول وجديد حقيقي انتي ازاي بتقدري تسيطري عليا كدة وتغيريني يا حلا ازاي بتقدري من اقل تصرف منك تنسيني نفسي واسمي وتسيطري عليا وتخليني مسحور بيكي اشك في انك عملالي سحر.....لما حبيتك تاني مرة اترددت في اني اتقدملك عارفة ايه السبب كنت خايف انك لما تعرفي اني حبيت غيرك واتجوزت تدايقي وده يجرحك مع انك نفس البنت اللي حبيتها واللي انا عايزها بس مكونتش اعرف ده لما عرفت الحقيقة متتخيليش فرحتي يمكن لو عيل صغير وكان تايه عن مامته ورجعتله مش هيبقى فرحان فرحتي بوقتها كنت مدايق جدا من نفسي لاني وقتها زعلتك وطبعا كان معاكي حق وقتها اني غبي ومتهور ومبفهمش وهفضل طول عمري غبي ومتهور ومتسرع بس وقت اعترفتيلي بكل حاجة انا يوميها كان هاين عليا اشيلك واطلع على المأذون ونكتب كتابنا واخدك على البيت بس كنت مقدر الظروف اللي احنا فيها والمهمة وانتي كان يفرق معاكي حمايتي اكتر من اي حاجة بس حقيقي كانت ديه احلى ايام عيشتها في عمري كله حلا انا عرفت ان سعادتي في قربي منك مش في بعدي عنك لو حد عايز يوجع قلبي ويخليني تعيس في حياتي يحاول يبعدك عني انا مبقيتش قادر استحمل بعدك عني لحظة واحدة يوم كتب الكتاب كنت عايز اخطفك من الكل واخدك ونروح على مكان بعيد نقعد فيه لوحدنا وتفضلي في حضني واشبع منك ومن شوق سنين حضنك هو بيتي حلا عطرك هو الاكسچين لقلبي ولروحي سعادتك وضحكتك وابتسامتك هما الحياة بالنسبة ليا حزنك ودمعتك ووجعك هما الموت بالنسبالي اه زعلتك بأخر فترة ويمكن لو فضلت اعتذر من هنا لحد ما اموت مش هيكفي بس اوعدك اني هعوضك عن كل يوم وكل ثانية ولحظة كنتي بعيدة عني فيها وعن كل دمعة ووجع انا سببتهولك كل ثانية بتمر وانتي ملكي ومراتي كل يوم وانتي منورة حياتي وقلبي بعشقي ليكي وشوقي ليكي متحرمنيش من ضحكتك ابدا ولا حضنك يا حلا لان حقيقي مقدرش اعيش من غيرهم بعشقك يا ست البنات وبموت فيكي يا ملكة الملكات وبحبك يا اميرتي يا حلالي.
انتهى الفيديو وعاد النور مرة اخرى وكانت حلا تسمع وتنظر للصور ودموعها تغرق وجنتيها اتاها صوته من خلفها
قصي بحب: سندريلتي......اميرتي
حلا التفت له وهو ركع على ركبتيه وامسك يدها وطبع قبلة عليهم
قصي بحب: ممكن افهم حلالي ليه بتعيط يعني هو انا اعمل ده كله علشان سيادتك تقلبيها نكد ودراما ودموع وحزن انا كدة هرجع في كلامي واقول عليكي انك بومة ونكدية
حلا ضربته على كتفه بدموع: وهو انت جاي علشان تقولي اني بومة
قصي ضحك: لا بس يعني فيه حد يعيط في يوم حلو ومميز زي ده
حلا بعدم فهم واستغراب وهي تمسح دموعها: ليه ايه المميز فيه يعني مأظنش انه عيد حب او رأس سنة ولا حتى عيد ميلادك ولا عيد جوازنا ولا هو تاريخ اول يوم اتقابلنا فيه سواء اول مرة او تاني مرة ايه بقى المميز في اليوم ده
قصي بصدمة: حلا انتي محصلكيش فقدان ذاكرة صح انتي فاكراني صح
حلا ضحكت: اه انت جوزي وحبيبي وحياتي ودنيتي كمان بس ايه علاقة فقدان الذاكرة بإنهاردة
قصي بصدمة: بجد انتي مش فاكرة انهاردة ايه وليه مميز
حلا هزت رأسها بالنفي: اكيد مش هبقى عاملة عبده العبيط من ساعة ما خرجتني من البيت لحد ما خلتني البس الفستان والعربية والورد والبلالين والفيديو والصور ووحياة ربنا انا ما عارفة لحد دلوقتي ليه كل ده
قصي ضحك: طب هو انتي فاكرة عيد ميلادك امتى
حلا بتذكر: ا.......احم مش فاكرة لا
قصي بصدمة: اومال بتحسبي انك كبرتي امتى
حلا: عادي لما ندخل في سنة جديدة
قصي: والبطاقة معاكي بتعمل ايه
حلا ضحكت: مببصش فيها ممكن بقى تبطل رخامة وتقولي ايه المميز في انهاردة
قصي ابتسم بخبث ثم اقترب منها وطبع قبلة على شفتيها بحب ثواني وابتعد
قصي بحب: كل عام وانتي طيبة
حلا غباء وعدم فهم: بمناسبة
قصي ابتسم: Happy Birthday Hlaly
حلا بعدم استيعاب وصدمة: بتهزر.......لا والله ب....بجد
قصي ضحك: لا هزار اومال هعمل كل ده ليه اكيد مش علشان اصالحك او علشان مأكونش كداب هو علشان اصالحك برضه بس السبب الرئيسي هو عيد ميلادك يعني كان ممكن اصالحك بطرق تانية بس انا حبيت اكون اول شخص يعيد عليكي ويفرحك كمان ولو ضربتي بوز الخشب ابن الكلب ده تاني هزعلك
حلا ضحكت: ليه مبكونش حلوة فيه
قصي: لا بتبقي حلوة في كل حالاتك بس بيخليكي بعيدة عني وكمان مش بيرضى يخليني اشوف ابتسامة مراتي حبيبتي الحلوة اللي بعشقها وكمان مبيدنيش فرصة اتكلم او اخلق جو رومانسي
حلا ضحكت: اومال اللي انت عامله ده ايه جو اكتئاب ولا نكد
قصي: لسة الجو الرومانسي مإتخلقش....هاتي ايدك الشمال
حلا بإستغراب: اشمعنا فيه اليمين احسن من الشمال لو عايزها يعني ربنا يجعلنا من اهل اليمين
قصي: امين......هاتي بس ايدك الشمال وبطلي كلام كتير علشان اتأخرنا يلا
حلا مدت يدها له وهو وضع بيدها محبس الزواج وطبع قبلة عليه وضغط على يدها
قصي بصرامة وغيظ: لو اتخلع من صباعك لأي سبب هكسرلك صباعك وايدك ودراعك مفهوم
حلا بحب: واهون عليك تكسرني
قصي بهيام: لا طبعا بس لازم الاكشن يبقى واقعي شوية
ضحكت حلا وقصي اقترب منها وامسك شفتيها في قبلة طويلة مليئة بالحب والشوق حلا حاوطت عنقه وغرست اصابعها في خصلات شعره لم يبتعد إلا عندما اعلن هاتفه عن رنينه فإبتعد ليجيب
قصي: الو......لا جايين في الطريق...تمام....لا....طيب سلام
حلا: مين
قصي: الملامين قومي معايا يلا
حلا: على فين عاجبني المكان وعايزة افضل هنا
قصي ابتسم: هجيبك تاني هنا بس بكرة بليل قومي يلا
حلا: اشمعنا بقى شكلك ناوي متخلنيش انام
قصي: اه يلا قومي بدل ما يولعوا فيا ده انا مستلفك ساعة بالإيجار بالعافية مع انك مراتي بس معرفش ايه الإفترى ده ملحقتش اعمل حاجة قومي يلا
سحبها من يدها وحلا لا تفهم شئ وصعدوا بسيارته وانطلق لبيت المزرعة الخاص بوالدها
__________________________________
في بيت العيلة دلف لوئي للمنزل على الحادية عشر وصعد لغرفته وضع البوكس الذي بيده على الفراش ودلف لغرفة الملابس رأى روما ترتدي البشكير وتصفف شعرها اقترب منها وطبع قبلة على رأسها
روما التفت له وبحزن: لوئي انا زهقانة وعاوزة اخرج
لوئي ابتسم: بس كدة انا تحت امر حبيبتي فيه فستان برا في بوكس بمستلزماته البسيه وجهزي نفسك علشان نخرج
روما بإستغراب: انا بقول نخرج مش نروح فرح
لوئي: البسيه بس ولما تخلصي انزليلي انا هستناكي تحت متتأخريش ها
خرج لوئي وانتظر روما بالاسفل روما قامت وفتحت البوكس واخرجت الفستان كان يشبه فستان حلا ولكن يختلف عنه في لونه فكان باللون الازرق وبه بعض الفراشات ومعه حذاء بكعب عالي ابيض وشال من الفرو ابيض وطقم كوليه على شكل فراشة حلق وعقد وصففت شعرها سمبولة ووضعت فيه القليل من إكسسوار الشعر وكان على شكل فراشة ايضا وعندما انتهت هبطت للاسفل وعندما رأها لوئي انسحر بها
روما ابتسمت: انا خلصت يلا
لوئي ابتسم: انا كدة شكلي هتهور كتير انهاردة
روما ضحكت ولوئي مد لها ذراعه فتعلقت به واخذها وذهبوا لبيت المزرعة الخاص به
لوئي: انزلي وادخلي على ما اركن العربية واجي
هبطت روما ودلفت للبيت واول ما فتحت الباب انسدل عليها الورد الاحمر فإبتسمت بإستغراب ودلفت واتبعت الورد المفروش على الارض ودلفت لغرفة مليئة بالبلالين والورود وثلاث بوكسات موضوعين بجانب بعض على طرابيزة روما تقدمت وفتحت اول بوكس وكان على حرف ال R وكان مليئ بالشوكولاتة وعندما فتحت البوكس التاني الكبير كان به دبدوب باندا كبير ومعه علبة قطيفة باللون الازرق الغامق فتحتها كان طقم كوليه كامل حلق وعقد وإسورة ومحبس وكان رقيق جدا فتحت البوكس التالت كان به بوكيه ورد احمر وجرافت به صورها فقط من وهي صغيرة حتى الآن روما فرحت كثيرا بهذه الهدايا شعرت بلوئي وهو يعانقها ويحاوط خصرها من الخلف
لوئي وهو يهمس بجانب اذنها: كل عام وحبيبتي ومراتي وروح قلبي طيبة
روما بدهشة: هو انهاردة عيد ميلادي
لوئي نظر بساعته: اها وتميتي ال ٢١....Happy Birthday Romysaa....واحلى روميس على وجه الارض......بحبك
روما ابتسمت بحب وسعادة: وانا بموت فيك ربنا يخليك ليا يا اميري الحلو
لوئي ابتسم: حاف كدة من غير حاجة حلوة
روما بإستغراب وعدم فهم: حاجة حلوة زي ايه
جعلها تلتف له واقترب وامسك شفتيها في قبلة عميقة ثواني وابتعد
لوئي: زي كدة مثلا
روما ابتسمت بخفة ودفنت وجهها بعنقه وتعلقت به لوئي بادلها العناق
روما: تعرف ان حضنك حلو اوي
لوئي بحب: علشان انتي فيه فهو لازم يكون حلو اومال هيودي الحلاوة ديه كلها فين
ابتعدت عنه قليلا روما: لا هو دايما بيبقى حلو
لوئي ضحك: يعني بتحبي حضني اوي
روما: جدااااااااا
لوئي جذبها من خصرها لتصطدم بصدره
لوئي بخبث: مادام بتحبيه وجداااااااا كمان بتبعدي ليه
روما بتوتر: ها......لا انت فهمت غلط......فيه فرق بين حضنك......واللي في دماغك
لوئي ضحك بخفة: وايه اللي في دماغي بقى
روما بطفولة: حاجات قليلة الادب ومش حلوة خاااالص
ضغط لوئي على خصرها وبخبث: والله اومال مين اللي عمل الحاجات قليلة الادب واللي مش حلوة ديه من كام يوم علشان يصالحني هاااا واغراني وبعدين لولا الحاجات اللي مش حلوة هااا مكنش زمانك دلوقتي مدام لوئي احمد الشناوي ولا انتي ايه رأيك يا مدامتي
توردت وجنتيها من الخجل ووجهها احمر
لوئي ضحك: طب خلاص بلاش فراولتك تطلع دلوقتي وإلا هخطفك انا بقولك اهو
دفنت روما وجهها بصدره العريض وحاوطت خصره لوئي ضحك بخفة على خجلها وعانقها وظلوا هكذا دقائق عديدة
لوئي: وبعدين هنفضل كدة كتير
روما وهي مازالت بحضنه: ليه وراك حاجة
لوئي: مواريش حاجة غيرك اصلا بس لسة فيه حاجات تانية
روما ابتعدت عنه قليلا: ليه في ايه تاني غير كللللل ده
اخرج لوئي من چاكيته علبة قطيفة باللون الازرق الفاتح فتحها واخرج منها توينز ومد يده لروما
روما بإستغراب: طب ما انا لابسة محبس الزواج
لوئي: عارف هاتي ايدك اليمين
مدت يدها ولبسها التوينز بإصبعها وطبع قبلة عليها
لوئي بحب: انتي مش بس مراتي لا انتي خطيبتي وحبيبتي وبنتي وكل دنيتي فالتوينز ميتقلعش من ايدك ولا المحبس مفهوم
روما ابتسمت بحب واومأت بالموافقة
لوئي: طب يلا بينا علشان هنتأخر
روما: على فين
لوئي: مفاجأة
روما بإنزعاج: طب انا كنت ناسية عيد ميلادي ومجيبتش حاجة لحلا
لوئي: انا عملت حسابي بس معرفش اذا كانت الهدية هتعجبها وهتعجبك ولا لا
روما: ايه هي
لوئي: عملت جرافت بس صورها انتي وهي ومايا وبس
روما: طب ما جميلة هتعملها جرافت فيه صورنا كلها
لوئي: ما انا قولتلها متحطش صور ليكي ولا لمايا إلا اذا كانت صورة بتجمعهم بيكوا بس انما صورك اللي انتي متصوراها مع حلا ومايا وانتوا صغيرين لحد ما كبرتوا والاغلبية صور جنان. وضحك
روما ابتسمت: تصدق بقى ان الصور الجنان ديه احلى صور احنا بنتصورها
لوئي: فعلا
روما: اومال انت جيبتلها ايه
لوئي: جيبتلها بوكس مليان شوكولاتة لاني معرفتش اجيبلها ايه هي مبتحبش الدباديب وعندها كل حاجة ومبتلبسش إكسسوار بس انا لاحظت انها لما بتكون خارجة معانا ممكن تلبس حلق فأنا جيبتلها حلق يعني هو مش واحد كذا واحد ويارب يعجبها بصراحة اختك حيرتنا كلنا في هديتها
روما ضحكت: من صغرها كانت بتحيرنا لان حلا مش اي حاجة تعجبها يعني ذوقها قريب ما بين ذوق ماما في حاجات وذوق بابا في حاجات بس بتحب الحاجة الرقيقة والهادية يلا خلينا نروح
اخذها لوئي وصعدوا بالسيارة وانطلق لبيت مزرعة يحي وبعث برسالة لقصي لكي يتقابلوا ويذهبون معا
روما: هو البيت ده بيت مين
لوئي ابتسم: بيت المزرعة بتاعي ليه
روما: هو انتوا كل واحد منكوا ليه بيت مزرعة خاص بيه وبيت تاني في المجمع
لوئي: اه ليه بتسألي
روما: غريبة اوي ما كان كفاية بيت واحد
لوئي ابتسم: لا ماهو بيت المزرعة ده لما نحب نستفرد بمراتتنا كام يوم ونجدد ليلة زفاف او شهر عسل فهنيجي هنا ومش عايز اقولك انه بيت مزرعة واحد لانهم بصراحة اكتر من واحد
روما بصدمة: انتوا مجانين صح
لوئي ضحك: مش بالظبط يعني فيه لكل واحد غير بيت العيلة شاليه في الغردقة وشاليه في شرم وشاليه في العين السخنة كفاية كدة ولا اكمل
روما ضحكت: هو لسة فيه غير دول
لوئي: مش فاكر بس على ما اعتقد اه
روما ضحكت: كان معايا حق لما قولت انكوا مجانين
لوئي: طب اتقلي علشان انتي لسة مشوفتيش جنان
اتقابل هو وقصي وذهبوا لبيت المزرعة الخاص بيحي انزلوا البنات امام البيت وذهبوا ليركنوا سيارتهم
حلا بحب عانقت روما: كل سنة وانتي طيبة يا روحي وعقبال سنين كتييييير وان شاء الله السنة الجاية متبقيش لوحدك ويبقى معاكي بيبي صغنن كدة شبهك انتي ولوئي
روما ضحكت: لما اشيل نفسي ابقى اشيل بيبي صغنن يا حلا كل سنة وانتي طيبة يا حبيبتي وبإذن الله السنة الجاية ابقى خالتو بقى ها
حلا: حاضر هقول لمايا انك عايزة تبقي خالتو
روما: لا انا بقولك انتي مش لمايا.....هو احنا هنعمل ايه هنا
حلا: والله علمي علمك انا اساسا مش مصدقة ان انهاردة عيد ميلادي محتاجة اجيب البطاقة او عقد الجواز او شهادة الميلاد واتأكد
روما ضحكت: زي حالتي يعني ونسيتي
حلا: لا انا اساسا كنت ناسية عيد ميلادي امتى كنت بحسبه لما السنة تعدي يبقى انا كدة كبرت سنة
جاء قصي من خلف حلا ولوئي من خلف روما وربطوا اعينهم بقماشة من الستان
حلا: ا....قصي قصي ايه ده انت ناوي تعمل ايه تاني....قصي انا مش حمل صدمات تاني زي المرة اللي فاتت قصي رد عليا انت ساكت ليه
روما بخوف: بقولكوا ايه لو ناويين تعملوا فينا مقلب بلاش علشان انا ركبي بتخبط في بعض وممكن اروح فيها فما بالك حلا
قصي ولوئي ضحكوا
لوئي: بطلوا اوڤر انتوا الاتنين
حلا بغيظ وهي لا ترى شئ: والله ده على اساس ان اخر مرة مكونتش هروح فيها بُصوا والله لو ناويين تعملوا مقلب فيا لا هتشوفوا مني وش تاني انتوا الاتنين ولو حد متعاون معاكوا هزعلكوا انتوا حُريين
قصي ضحك: طب ممكن تخرسوا شوية صدعتونا هاتي ايدك وامشي معايا
حلا وهي تتعلق بذراعه: عارف لو وقعتني
قصي ابتسم: هتعملي ايه يعني
حلا: لا عادي يا حبيبي مش هعمل حاجة بس هاخدك معايا وانا بقع ماهو انا مش هقع لوحدي وانت السبب مخليني ماشية زي العمية والغبية لا فاهمة ايه اللي بيحصل ولا في ايه ولا عارفة انا فين ورايحة فين
قصي ضحك: ماهو لو صبر القاتل على المقتول كان اتقتل
حلا: ماشي يا بتاع القاتل والمقتول اما نشوف اخرتها معاك
دلفوا للبيت وقصي اوقف حلا امام التورتة المكتوب عليها اسمها وعليها صورتها وكذلك لوئي فعل مع روما والجميع تجمع
قصي ولوئي معا: جاهزين.....3.....2......1
فك قصي ولوئي الربطة من على عين حلا واخذ الجميع يغنون اغنية عيد الميلاد المعتادة وحلا تنظر لهم وللزينة بصدمة عندما انتهوا
حلا بصدمة: انتوا لحقتوا تعملوا كلل ده امتى
يحي: اهو عملناه كل سنة وانتي طيبة يا حبيبت بابا
وعانقها وطبع قبلة على جبينها وخدها وعانق روما ايضا وفعل المثل معها
مها: يلا بقى طفوا الشمع
جميلة: لا لحظة فيه اغنية لازم تتغنى جاهزين يا بنات
البنات: جاهزين
جميلة: 1......2.....3
جميلة والبنات: كان يوم اسود يوم ما جيتوا بابا وماما سابوا البيت والشغالة جالها حالة والطباخ ولع في البيت
الجميع ضحك بشدة عليهم
جميلة: تقدري تطفوا الشمع بس اتمنوا الاول
حلا انخفضت واغمضت عينيها لتتمنى واتمنت ان تعثر على جدتها وان تحقق الامن والاستقرار لعائلتها وتلمهم من جديد وتنفذ وصية جدها وان تحقق لهم السعادة واطفأت شمعتها روما تمنت ان ربنا يعوض اختها حلا عن كل آلامها ويخفف عنها الحمل قليلا ويساعدها في تحقيق ما تتمناه واطفأت شمعتها
آسيا: بُصي انتي دوختينا وجننتينا علشان نجيبلك هدية
الكل ضحك
ادم: اه والله بُصي عيد ميلادك الجاي ان شاء الله ابقي قوليلنا عايزة ايه ونجيبهولك
حلا ابتسمت بحب: مش عايزة حاجة غيركوا طول ما انتوا معايا مفيش حاجة في الدنيا تتقارن بوجودكوا جنبي انتوا اكبر هدية ونعمة من عند ربنا وبعدين فيه حد يكون عنده اخوات واهل بيحبوه وبيخافوا عليه ويكون نفسه في حاجة تانية انتوا هديتي وحياتي ومش عايزة حاجة تانية
ادم عانقها وطبع قبلة على جبينها: حبيبتي ربنا يخليكي لينا بس برضه يعني كان لازم تجيبي كل حاجة خليلنا حاجة نجيبهالك طيب
حلا ضحكت بخفة: خلاص اعتبر معنديش وهات عادي
اريان عانقها: كل سنة وانتي طيبة وحلوة كدة وبتحلوي زيادة ومش عارفين نودي حلاوتك فين
جاسر عانق روما ومايا: احلى حاجة في حياتي كلها اخواتي البنات ربنا بيحبني علشان رزقني بثلاثة اخوات بنات عساسيل ويتاكلوا اكل كدة ويتعشقوا ويتشالوا من على الارض شيل
روما: بس احنا محظوظين اكتر منك علشان عندنا احلى جسورة في الدنيا كلها
حلا: اتفق مع روما
مايا: وانا كمان اتفق
ادم بغيظ: والله واحنا ايه قفانا بيأمر عيش
الكل ضحك
حلا: اللي انت شايفه انت شايف ايه
ادم: انا شايف تروحوا تفتحوا الهدايا بدل ما انا اللي افتح دماغك امشي يلا
ذهبوا لطرابيزة الهدايا وبدأوا في فتح الهدايا حلا عجبتها الهدايا كثيرا
حلا بمرح: انتوا قسمتوا نفسكوا فرقتين فرقة شباب واختارتوا ان الهدايا كلها تبقى بصورة قصي وفرقة البنات واختارتوا الهدايا كلها صورة بابا طب ما كنتوا جمعتوا بقى الصورتين وخليتوهم في حاجة واحدة
الكل ضحك
آسر: بصي انتي دوختي اهالينا علشان هدية فإحنا قولنا انك بتعشقي قصي فجيبنا كل الهدايا عليها صورة قصي والبنات عجبتهم الفكرة فبما انك بتموتي في عمي يحي برضه فعملوا زينا وبعدين ديه حاجة حلوة علشان لو قصي وحشك ولا حاجة وهو مسافر ممكن تنامي على المخدة او تلبسي التيشيرت او تعملي الاتنين عادي وسمير جابلك مج سحري عليه صورتك وصورتك معاه بتاعت الزفاف علشان تبقى صورته قدامك طول ما انتي بتشربي حاجة اظن ان بالطريقة ديه مفيش داعي لوجود قصي اصلا لانه مش هيوحشك نهائي
الكل ضحك بشدة وخصوصي بعد ان امسكه قصي من ياقة قميصه من الخلف
قصي بغيظ: وانت مالك يا ابرد خلق الله حد طلب منك رأيك
آسر: لا يا باشا بس كنت بقولها يعني ايه اللي خلانا نختارك انت بالذات يعني ونعمل الهدايا على صورك وكدة بس مش حاجة اقولك حاجة احلى انسى اللي انا قولته ممكن تسيب بقى الياقة بعد اذن معاليك يعني
قصي تركه: ايوة كدة اتعدل
آسر: احم تمام يا باشا اي اوامر تانية
قصي نظر له بطرف عينيه: لا تخرس ومسمعش صوتك
حلا ضحكت بشدة على منظر آسر: هموووووتت.....مش قادرة....منظرك تحفة يا آسر وانت خايف
روما: لا هو يظهر قصي علم عليك مرة واحدة بس شكل التعليمة للابد
الكل ضحك
يحي عانقهم هما الاثنين: حبايب بابا كل سنة وانتوا طيبين ودايما كدة مبسوطين ومتتخانقوش ابدا مع ازواجكم ها وتفضلوا كدة مع بعض ومبسوطين
حلا ابتسمت وفهمت قصده عليها هي وقصي
مها: ويارب السنة الجاية ان شاء الله يكون على ايديكوا احفادي وتخلوني جدة بقى
روما: انتي عايزة تكبري نفسك ليه بس يا موهجة
حلا: اه وبعدين انتي كدة ليدي وصغيرة وبعدين كدة ممكن يحي يبُص برا هتخليه يبُص برا كدة عادي
يحي ضحك وكذلك الجميع
مها: هاتي انتي بس عيال وملكيش دعوة انا ويحي بنعرف نتصرف مع بعض اتصرفي انتي بس مع قصي
حلا برد غير متوقع: لا ما انا عارفة قصي كويس متقلقيش مش هيبُص برا وان حصل هو عارف ايه اللي هيحصله كويس
فاطمة: طب انا عندي فكرة حلوة....قصي يغني لحلا اغنية بمناسبة عيد ميلادها ويرقصوا عليها سوى وكذلك لوئي وروما
انجلي: فكرة حلوة اوي يلا يا قصي
قصي نظر لحلا حلا فهمت نظرته: عادي براحتك.....يعني معنديش مانع
قصي همس لانجلي وانجلي ذهبت لتفعل ما طلبه قصي مد يده لحلا وبحب: تسمحلي سندريلا بالرقصة ديه
حلا ابتسمت بود ومدت يدها قصي امسك يدها وحاوط خصرها بيده الاخرى مقربها إليه وصدعت موسيقى الاغنية
