قصي بحب: على فكرة...... بعشقك
حلا اتفاجئت من اللي قصي قاله ونظرت له بدهشة وحب وهو سرح فيها وبدأ يقرب منها ببطء وكان هيقبلها وفي اخر لحظة حلا بعدت عنه خطوتين
حلا ضحكت: انا من رأيي توقع معاهدة سلام مع شوشو ساعتها هترتاح
قصي ضحك: اشك انه يسيبني في حالي حتى لو وقعت معاهدة سلام
فارس جاء من خلف حلا
فارس بهجوم: قفشتكوا.... بتعملوا ايه
حلا انتفضت بفزع: يالهوييي..... يخرب ولاد العم على اللي طلعوا حاجة اسمها ولاد عم
فارس ضحك: اتخضيتي يا بطة لا اكون قطعت لحظة رومانسية وانا معرفش
قصي ضحك: لا احنا مش محتاجين حد يفصلنا من الرومانسية لاننا معانا معلمتهم وهي الانسة حلا
فارس ضحك: انا كدة اطمنت عليك يا قصي
حلا: اومال رقية فين
فارس: هناك مع البنات المهم كنت عايزك في موضوع
حلا: اشجيني
قصي: ينفع اعرف انا كمان
فارس ضحك: اه تعالى واهو يمكن تفيدني شوية
حلا: انا ليه حاسة انك ناوي تعمل مصيبة
فارس ضحك: مش للدرجادي.... بس مش عارف اعمل ايه لرقية يوم عيد الحب
قصي: اوووه معاك حق تبقى متوتر وقلقان
فارس: فوق ما تتخيل......فانا قولت اقولك يا حلول لانها صديقتك ويمكن تفيديني وانتي عارفاها اكتر مني
حلا بتفكير: هو لو انت مثلا مكنتش معترف بحبك كنت هقولك اعترف بحبك
فارس: طب هنعمل ايه
حلا بتفكير: ممكن مثلا تاخدها رحلة باليخت بس ده هيبقى على الظهر وانا وقصي هنظبطلك مكان يعني ممكن نضيف عليه لمسات رومانسية زي الورد والشموع والبالونات وديه شغلتي انا وتعترف بحبك بس بطريقة مختلفة وممكن تخطبها كمان يعني اذا حابب تخطبوا دلوقتي
فارس بتفكير: هي فكرة ممتازة بس هنعمل ايه في اليخت
حلا ابتسمت: هتصدقني لو قولتلك معرفش
قصي: طب تفتكر اساسا هي هتوافق تطلع معاك اليخت يعني اكمن مفيش حاجة رسمي
حلا: على الاغلب مش هتوافق والقصة مش قصة ثقة علشان عارفة اللي هيدور في راسك
فارس: معاكوا حق طب ايه
حلا: هي هتوافق بس بطريقة واحدة بس
فارس وقصي: اللي هي
حلا: لو كلنا روحنا مع بعض او مثلا اخدت روما ومايا والشباب يعني بحيث متكونوش لوحدكوا وممكن تعملها مفاجأة في وسط البحر او تستمتعوا مثلا تنزلوا سباحة اي حاجة وممكن تاخدها على السنيما بس اظن الفكرة ديه قديمة شوية
قصي: ممكن مثلا لو على بليل ممكن تكتبلها رسايل وتوزع الرسايل ديه على ممر مفروش بالورد والشمع والبلالين وتخليها تقرأهم واما تخلصهم ساعتها انت بقى اظهر واتكلم معاها
حلا: واما بخصوص اليخت ممكن تشوف مكان معين بالبحر وتفرشه ورد وبلالين بس مقولتليش هتجبلها هدية ايه
فارس: هو انا لسة مفكرتش بس في فدماغي دبدوب لونه احمر وكبير شوفته وعجبني بفكر اجبهولها
حلا: يعني هتجيب لرقية دبدوب كبير وفي عيد الحب وانا يا معفن يا مقشف مجبتليش حتى ورداية ولا اي حاجة مع اني كنت بجبلك هدايا يا حيوان انا عشرة عشرين سنة بنت عمك اه يا ندل
فارس ضحك: ده على اساس طلبتي مني حاجة ومنفذتهاش
حلا: ده على اساس انا طلبت منك اساسا علشان تنفذ
فارس: احم اتفضلي قولي عايزة ايه
حلا: هتنفذ لو قولتلك
فارس ابتسم: طبعا لانك اختي ولو إيلين مكانك هنفذلها اللي تطلبه من غير ما افكر
حلا بتفكير: اممم متأكد
فارس: اه متأكد اؤمري
حلا: اذا كان كدة فعايزاك تنط في البحر
فارس نظر لها بصدمة وللبحر بصدمة وكررها اكتر من مرة وقصي ضحك جامد على منظره
فارس بصدمة: لحظة واحدة الكلام ده ليا يعني ممكن يكون لقصي مش ليا
حلا بإبتسامة: تؤ ليك يلا انت قولت انك هتنفذ من غير تفكير يلا يا عروستي نط
فارس بلع ريقه بصعوبة: حلا احنا بليل والجو برد واكيد الماية تلج وبعدين البحر شكله عميق
حلا: مليش فيه اعتبر مثلا رقية فيه وبتغرق مش هتنط وتنقذها
فارس تنهد: امري لله
فارس قلع جاكيته وساعته وترك موبايله وكان هيطلع على الكورنيش حلا مسكته من دراعه
حلا وهي بتضحك: بتعمل ايه يا مجنون
فارس بإستغراب: هنط يعني هعمل ايه مش انتي طلبتي ده
حلا ضحكت: يعني لو انا قولتلك ارمي نفسك في النار او ارمي نفسك في بيت بيولع هترمي نفسك..... انا كنت بهزر مش اكتر خد البس الجاكيت علشان متبردش
فارس لبس وبتفكير: حلا انتي جربتي قبل كدة تنزلي تسبحي بليل في البحر والماية متلجة
حلا: اه ساعة اما انقذتك انت ولوئي من المافيا الروسية ولما فجروا اليخت اللي كنا بنبحر بيه علشان اخرجكوا من البلد وبعيد عنهم بس هما فجروه واضطريت انط بيكوا في البحر واسبح بيكوا لحد ما وصلت للمينة بالرغم اني كنت متصابة زيكوا بس حاولت اقاوم مش انتوا اللي اول ما نطيتوا فقدتوا الوعي
فارس: يعني مين ينط من الدور العاشر ويبقى سليم
حلا: بس كان فيه تلج يعني مش منك للارض
فارس: بس كان فيه ازاز قبل التلج
حلا: إشمعنا انا اللي نطيت واتجرحت من الازاز ومع ذلك فضلت في وعيي
قصي: لحظة واحدة انتوا بتتكلموا عن احدى مغامراتكم وعلى حسب ما فهمت ان فارس ولوئي اخويا كانوا مخطوفين من قبل المافيا الروسية وانتي اللي انقذتيهم
حلا نظرت له: اه انا لانهم مبيعرفوش يعملوا حاجة لوحديهم
قصي بإستغراب: ونطيتوا من الدور العاشر من غير وسائل امان
حلا بإستغراب: اه مكنش قدامنا حل تاني لان رجالة المافيا حاصرونا ومكنش قدامنا مفر غير اننا ننط من الشباك
فارس: بس بجد انتي اللي تعبتي جامد فينا
حلا: طبيعي لاني واخدة رصاصة في كتفي اليسار ودراعي كمان كان مكسور ورجلي الازاز رشق فيها تفتكر يعني بما اني انا اللي انقذته نزفت تقريبا نص دمي المرة اللي جاية دوروا على حد غيري
قصي: ده انتي كان ممكن تموتي فيها ومع ذلك روحتي وانقذتيهم
حلا: اه بالرغم اني لو مكانهم وربنا ما هلاقي اللي يعبرني ويجي ينقذني من يوم يومي بساعدهم وانقذهم بس هما من يوم يومهم بيسلموا رقبتي لاعدائي وللعصابات
فارس: تخيل يا قصي علشان حلا تنقذ بن عمها وصديقها اللي هو اخوك مع انها مكنتش تعرف انه اخوك وانا مقولتلهاش لان مجتش فرصة اقولها فيها ومع ذلك ضحيت بحياتها علشان تنقذني وتنقذ اخوك تفتكر عشانك انت هي ممكن تعمل ايه
حلا ضحكت: لا اطمن لان الناس كلها والعالم كله في كفة وقصي في كفة تانيةةةة خالص فاظن هيبقى عشر اضعاف اللي هعمله معاك او مع لوئي ما علينا روح دلوقتي لرقية بدل ما تشك في حاجة وتيجي لهنا
فارس ضحك: معاكي حق يلا انا هروحلهم هو انتوا مش ناويين تنضموا لينا
قصي: شوية كدة وهنيجي
فارس: طيب سلام مؤقتا
فارس ذهب للبنات ووقف معاهم
قصي: حلا ممكن اسألك سؤال
حلا ابتسمت بحب: انت تسأل من غير ما تستأذن يا روحي قول عايز تستفسر عن ايه
قصي ابتسم بحب: ممكن اعرف اذا كانت المهمة خطيرة ولا لا
حلا اختفت من على وجهها الابتسامة وحل محلها ملامح القلق والخوف ولكن حاولت متبينش فرجعت ابتسمت
حلا: ايه اللي خلاك تسأل السؤال ده
قصي: ابدا بس طريقة رفضك ان فارس يشاركك المهمة وانك مش عايزاه يجي معاكي يوم التنفيذ يعني بيدل ان فيه حاجة انتي عارفاها ومخبياها عن الكل او يمكن الكل عارف بس انا اللي معرفش
حلا بتوتر: ابدا مفيش حاجة يعني انا هخبي ايه وليه يعني بس كل الحكاية ان انا العبئ هيبقى تقيل عليا يعني هحميك ولا هحمي فارس ولو نفترض ان هو قد حاله لو حد منكم اتصاب مثلا او جراله حاجة مش هبقى عارفة اركز مع مين ولا مين بس هي ديه كل القصة مفيش حاجة
قصي نظر لها لثواني وبقلق: بس ليه قلبي حاسسني ان فيه سبب تاني والسبب خطير وانتي مش عايزاني اعرفه وبتخبيه عني
حلا: قصي قولتلك مفيش حاجة مخبياها يعني حتى لنفترض اني مخبية هكون مخبية ايه والاهم من ده ليه يعني ايه السبب اللي يخليني اخبي
قصي: معرفش بس ممكن مثلا لو انا عرفت هرفض انك تنفذي المهمة ديه يمكن ده مثلا احد الاسباب اللي يخليكي متقوليليش او يمكن لاني هبقى خايف عليكي وقلقان وممكن.......لا قدر الله......يحصلك حاجة في المهمة وللسبب ده انتي مش عايزة تقوليلي
حلا: وهو لو انا كان هيحصلي حاجة كنت هاجي واعترفلك بحقيقتي وبعدين كدة كدة الواحد مش ضامن عمره يعني احنا عايشين بس منعرفش الساعة اللي جاية هنكون عايشين ولا لا وبعدين مفيش حاجة اسمها ده مات في مهمة بسبب ان كان فيه عيب او خطأ في المهمة لا فيه حاجة اسمها قضاء وقدر وده اللي بيحدد هنبقى عايشين بعد المهمة ولا لا يعني لو انا مكتوبلي اني اعيش بعد مهمتك هعيش ومحدش هيقدر يعترض بس لو مكتوبلي انها تكون اخر مهمة ليا واني افارق الحياة بعديها وقته..........
وضع قصي يده على فم حلا
قصي بخوف وقلق ووجع: متكمليش ومتقوليش كدة حلا انا مقدرش اعيش من غيرك يعني صدقيني اموت لو حصلك حاجة
حلا مسكت وجه قصي بين يديها: حبيبي اهدى انا بقول لو لو يعني احتمال ممكن ميحصلش وبعدين انا مش هسيبك ابدا لاني دايما حواليك وجنبك حتى لو انا وانت مش في مكان واحد بس انا دايما قلبي وروحي وعقلي وتفكيري بيبقوا معاك وببقى دايما حواليك وبعدين مش انا وعدتك اني هبقى جنبك ومش هسيبك ابدا فاكر ولا ناسي ديه كمان
قصي ابتسم: فاكر لما عانقتك وطلبت منك انك توعديني انك متبعديش عني ولا تسيبيني
حلا ابتسمت: اها وانا وعدتك ومادام انا وعدت مبخلفش بوعدي ابدا حتى لو ايه اللي هيحصل فممكن بقى تطمن وتهدى
قصي بإبتسامة: حاضر
حلا: خلينا ننضم للشباب يلا
حلا وقصي ذهبوا وانضموا للشباب
مايا: حلا انتي مش بردانة
حلا: شوية مش اوي....وب. حلا مقدرتش تكمل لانها عطست وفضلت تعطس
روما: حلا انتي كويسة شكلك بترشحي
حلا بتعب: اه من إمبارح برشح واخدت علاج بس شكله مش جايب نتيجة عموما متقلقيش هبقى احسن
قصي: بسبب انك نزلتي في الماية وفضلتي بهدومك علشان كدة بترشحي
حلا: يعني الست ابنها كان هيموت وانا من واجبي انقذ الناس وبعدين انا اتربيت واتعودت ان لما حد يحتاج مساعدة اساعده مادام اقدر احققله المساعدة ديه وانفذها فهنفذها من غير تفكير واللي يحصل يحصل
ادم: بس لحظة انتوا بتتكلموا عن ايه
قصي: ابدا مش احنا خرجنا امبارح فيه ست ابنها كان بيغرق في البحر والموجة حدفته بعيد فحلا نزلت وانقذت الولد
مايا وقفت جنب حلا: حلول الموقف يتحكي بالتفصيل
حلا تنهدت وحكيت كل حاجة بالتفصيل
روما بسعادة ودموع: وربنا انا هعيط ايه الدعوات الحلوة ديه
مايا: وربنا شكلها ست عسل والله
رقية: انتي متأثرتيش يا حلا
حلا: لا والله اتأثرت وكنت هعيط بسبب الدعوة اللي ذكرت فيها اهلي بس كنت هعيط اكتر من انها افتكرتني انا وقصي متجوزين عن كمية الدعوات انا مكنتش عارفة اتكلم مع قصي او ابُص في عينه من الخجل
قصي بإبتسامة واسعة ومرح: لا انتوا مشوفتوش وشها كان عامل ازاي لما الست خلصت دعوات ومشيت فورا قلب احمر وكان ميختلفش عن البرقوق والخوخ
حلا ضربته على كتفه وبخجل: اتلم
قصي: كنت بفضل اسمع من مايا وفارس انك جريئة جدا بس انا مش شايف ده
الكل ضحك
حلا وضعت يدها في وسطها وبغيظ: ليه يعني عايزني اعملك ايه اخدك بالاحضان وابوسك من خدك عادي.....ومن ثم عقدت ذراعيها امام صدرها واكملت
حلا بثقة: وبعدين ميفرقش معايا اذا كنت شايفني جريئة ولا لا بكرة الايام تثبتلك
الكل ضحك من كلام حلا
قصي ابتسم: اما نشوف يا اميرتي هتعملي فيا ايه اكتر من اللي انتي عاملتيه وبتعمليه
مايا بمرح: اميرتي لا انا بقول تاخد اميرتك على مملكتك يا امير قصي بأسرع وقت
حلا ضربت مايا على دراعها: ما تتلمي بقى انتي اما بتصدقي تظيطي في حاجة
روما وهي تشعر بالبرد: الهوا شديد جدا شكل فيه عاصفة وعلى الاغلب هتمطر
حلا بإبتسامة واسعة: والله يبقى الجو رومانسي وحلو
مايا: اااه وبعديها ناخد لطشة برد محترم ونقعد في السرير وانتي اساسا لما بتعيي مبتقوميش غير بعد اسبوع او اسبوعين على الاقل
حلا: شكرا على الاطراء الجميل ده
حلا لاحظت ان رقية مش لابسة الجاكيت بتاعها
حلا: رقية الجاكيت بتاعك فين
رقية: من غبائي نسيته على الطرابيزة وانا خارجة
حلا: طب تعالي
رقية ذهبت لحلا وحلا عانقتها بقوة ورقية حاوطت بذراعها خصر حلا
رقية بإبتسامة: انتي عارفة ان حضنك بيدفي اوي
حلا ابتسمت: اه عارفة حتى مبتبقيش محتاجة لجاكيت او دفاية
رقية ضحكت: عرفتي منين ان حضنك بيدفي واوي يا حلول
حلا بوجع وحزن: عرفت من اهلي يعني فيه مرة بابا تعب وأخذ دور برد شديد بسبب انه نفذ مهمة وكان يوميها المطر مهديش وكان سيول فرجع على بليل بعد اما شرب المطرة كلها واخذ دور برد شديد وكانت حرارته مرتفعة جدا ماما غطته بلحافين وبطانيتين ومع ذلك كان بردان جدا وبيرتعش ساعتها انا قعدت جنبه ونزلت تحت اللحاف والبطانية واخذته في حضني وخليته ينام على كتفي بعد كام دقيقة لاقيته بيشيل الفرش من عليه ساعتها زعقتله وقولتله انت تعبان وحرارتك عالية ولازم تتغطى علشان انت بردان ساعتها قالي بس انا ادفيت لما انتي حضنتيني فانا مبقيتش محتاج لا بطانية ولا دفاية بس انتي خليكي جنبي وخليني في حضنك ومرة ماما تعبت بسبب انها شالت البيت كله في يوم واحد فأخذت برد في عضمها وحرارتها كانت مرتفعة ومكنش فيه في البيت غير انا والبنات وماما الشباب كانوا بيدرسوا برا وبابا كان مسافر في مهمة فانا اللي اعتنيت فيها وساعتها فضلت طول الليل جنبها وواخداها في حضني علشان متبردش وبعملها كمادات علشان الحرارة تنزل بس ومن يوميها بقيت الدفاية بتاعتهم حتى لو بردوا من الجو يقولولي تعالي نامي معانا وخدينا في حضنك.....ااااه كانت احلى ايام عيشتها ياريت الزمن يرجع تاني
رقية بدموع: حبيبتي اكيد هما في مكان احسن
حلا تنهدت بقوة: عارفة وعلشان كدة مستحملة ما علينا مش ناوية تخليني افرح واشوفك بالفستان الابيض
رقية ضحكت وبعدت عن حلا: افضل واحدة في تغيير المواضيع انتي ازاي بتقلبي بسرعة
حلا: عادي يعني مش عايزة انكد عليكوا
رقية وهي تشعر بالبرد: يييححح لالا خديني في حضنك
حلا ضحكت واخذتها في حضنها: اهو ده جزاء اللي يبعد عن حضني
رقية بمرح: وحياتك ابدا ووحياة فارس ما هبعد عنك تاني احنا اسفين يا مدام حلا ق...قصدي يا انسة حلا
حلا: مدااام مرة واحدة هتوديني في داهية يخرب معرفتكوا الهباب
رقية رفعت رأسها لحلا: من كتر ما انا بحلم اشوفك عروسة وملك لراجل واحد وتبقي مدامته فلساني طلعت معاه مدام انا مال امي هو لسان قليل الادب مشفش نص ساعة تربية
الكل ضحك وحلا كمان
حلا: طيب يا حياتي سيطري على لسانك وربيه بدل ما انا اعيدلك تربيته من اول وجديد واقصهولك
رقية ضحكت: واهون عليكي يا حلول
حلا بمرح: هو انتي متهونيش يا قلب حلول بس انا ذنب ابويا ايه يتقال عني كلام مش حلو البلد بأكملها عارفة اني مش متجوزة تخيلي لو واحد بقى وبيكرهني وكان معدي بالصدفة من جنبنا وسمعك بتقولي مدام ومسمعش انسة اللي بعديها بُصي هيطلع عليا إشاعات ما يعلم بيها إلا ربنا وطبعا هتشهر بسرعة في البلد إكمني محبوبة جدا
مايا ضحكت: هو انتي من ناحية محبوبة جدا فمحدش هيسمي عليكي
حلا: بالظبط كدة
فارس بقلق: رقية حبيبتي تحبي اقلعلك الجاكيت وتلبسيه احسن بدل ما انتي بردانة كدة
حلا: ومين قالك ان هي بردانة ولا انت متغاظ انها في حضني ومش في حضنك
رقية: حلا ملكيش دعوة بفروستي
حلا بغيظ: طيب بما اني مليش دعوة بفروستك وعروستك اوعي كدة بقى وابعدي علشان كتمتي على نفسي وانا محتاجة اكسجين
رقية بسرعة: لالالا خلاص احنا اسفينلك يا استاذة حلا يا اميرة الاميرات خلاص بقى قلبك ابيض
حلا ضحكت: احبك وانت بتجيب لورا كدة على طول
الكل ضحك
حلا: خليك لابس الجاكيت علشان متاخدش برد وكدة كدة لو هي تعبت هبقى اديها الجاكيت بتاعي
ادم: طب وانتي ده على اساس هي هتاخد برد وانتي لا
حلا: انا كدة كدة عندي برد فمش هتفرق
اريان: ممكن نتصرف ونشوف اي محل فاتح ونجيب منه جاكيت لرقية
حلا: والله وسيادتك هتلاقي محل هدوم فاتح الساعة 11 ونص بليل واساسا انت مش شايف الجو عامل ازاي وشكلها هتمطر اكيد قفلوا وروحوا
قصي: خلاص ابقي ساعتها خدي الجاكيت بتاعي
حلا ضحكت: طب ما انت كدة هتتعب وهتاخد برد وكأننا معملناش حاجة
قصي: خلاص هبقى اخدك في حضني ومفيش اعتراض
ادم: احم قصي احنا لسة موجودين يعني لسة مروحناش ولسة عايشين كمان
اريان ابتسم: يعني لو حلا بردت فإحنا اللي هنعانقها مش انت لما تبقى جوزها ان شاء الله ابقى اعمل اللي يريحك معاها
حلا: انت مش ملاحظ انك بتبيعني علني كدة
اريان ضحك: ليه بس بقول لما يبقى جوزك
ادم بخبث: وبعدين ماهو طبيعي لما يكون جوزك يعمل معاكي اي حاجة ماهو من حقه ومباح له وانتي ذات نفسك متقدريش تفتحي بوقك بحرف
جميلة: عفوا بس المرأة ليها صوت ويعني مش معنى اني اتجوزت معناها هسكت يعني اكيد ليا حريتي
ادم ضحك: افهم بقى الحرية بتتصنف انهي نوع بالظبط
جميلة: يعني زي العادي يعني زي ما كنت بنت
ادم: هو انتي فاكرة دخول الحمام زي خروجه يعني ازاي زي ما كنتي بنت افهم بس
آسيا: جميلة قصدها يعني الخروجات والزمايل وكدة يعني....انا مليش فيه هي اللي بتتكلم بس انا شرحت عنها لانها مبتعرفش توصل فكرتها اوي
جميلة: بالظبط كدة
ادم ابتسم: لا طبعا مينفعش لانك لما بتتجوزي الوضع بيختلف تماما وخصوصي العلاقات بالزمايل وبالذات الزمايل الرجالة
جميلة: ليه بقى
ادم بإبتسامة: لنفترض ان انا وانتي متجوزين هل تقبلي مثلا اخرج مع صديقتي من ايام الجامعة او مثلا مع بنت زبونة عندنا في الشركة وانتي تقعدي في البيت
جميلة بغيظ ونرفزة: لا طبعا والله اروح فيك في داهية قبل ما تعتب عتبة باب الاوضة مش هقولك البيت
ادم ضحك: لا والله طب ممكن تفهميني يا هانم ازاي حضرتك عايزاني اسكت ومتكلمش وسيادتك تقضيها خروجات ومع مين ما كان لا طبعا احنا الرجالة عندنا حتة التملك يعني لما بنتجوز واحدة بتبقى ملكنا تقدري تقولي ملكية خاصة ومش من حق حد غيري يخرج معاكي او يلمسك لانك مراتي حتى لو الشخص ده اخويا وسيادتك جاية تقوليلي فين صوت المرأة وزي ما كنت بنت خروجات وزمايل لا طبعا
جميلة: بس يعني ده تحكم وانا مبحبش حد يتحكم فيا
ادم اتنرفز وكان هيتكلم حلا قاطعته
حلا: ادم سيبني انا اقنعها وبلاش تتكلم وانت متنرفز علشان اظن انت عارف نفسك بتبقى عامل ازاي
ادم سكت وحلا نظرت لجميلة
حلا بإبتسامة وبهدوء: جميلة حبيبتي ادم معاه حق انا مش بقول كدة علشان هو اخويا لا لان ده الصح يعني مينفعش اكون متجوزة واكون في نفس الوقت بتكلم مع واحد على التليفون ونقضيها خروجات وحتى لو مش هتخرجي مع شباب وهتخرجي مع بنات لازم تستأذنيه الاول ولو هو وافق ساعتها اخرجي ولو هو قال لا فلازم تسمعي كلامه
جميلة: ليه بقى ان شاء الله يعني لو هو عايز يخرج مع زمايله هياخد رأيي
حلا تنهدت: هو المفروض مياخدش رأيك لانه في الاول والاخر راجل وصاحب الكلمة الاولى والاخيرة ويعني مينفعش الست تتحكم في الراجل اوي وتكتم على نفسه ده انتي بعملتك ديه بتقوليله روح اتجوز عليا او بُص برا انا مش عايزاك
مايا بغيظ: افهم من كلامك ان الراجل يتحكم في الست بس الست لا ده اسمه تسلط مينفعش وده مش عدل حلاااا انا معرفش عنك كدة انتي من يوم يومك مبتحبيش صنف الرجالة كله على بعضه ايه اللي خلاكي تحنيله وتمدحيه لا يكون علشان حبيب القلب
حلا بنرفزة: مايااااا ممكن تاخدي بالك من الكلام اللي بتقوليه ايه بتحنيله ديه اللي يسمعك يقول ان انا مدوراها وكل يوم بحب في واحد شكل وبعدين انا بقول الحق ومن يوم يومي مبقفش غير في صف الحق والعدل ووالله ديني اللي قال كدة ان مينفعش الزوجة تعارض زوجها او تلغيه كأنه مش موجود
روما: بُصي انا مش قصدي حاجة بس اللي انتي بتقوليه ده اسمه تحكم وبالقوة يعني هو مسمحوله انه يخرج ويقضيها واحنا لا ده مش عدل
حلا بنفاذ صبر: رقية ممكن لحظة
رقية بعدت عن حلا وحلا لفت للبنات
حلا: ممكن اتكلم ومحدش يقاطعني ولما اخلص قولوا اللي عندكوا
الكل سكت
حلا: تقدري يا روما تقوليلي لو جوزك مثلا خانك مع واحدة هتروحي ترديله العملة هي هي وتخونيه مع واحد
روما: لا طبعا مستحيل
حلا: ممكن تقوليلي ليه
روما: لان مينفعش يعني هو راجل والشرع محلل اربعة يعني ممكن ينام مع عشرين واحدة عادي في الاول والاخر هو راجل بس البنت سمعة مينفعش وبعدين انا كدة بديله فرصة ان هو اللي يكون على حق مش انا
حلا: بالظبط طيب ممكن تقوليلي يا جميلة هل انتي كنتي تقدري تيجي عندي تباتي في البيت بتاعي انا مش اللي فيه اخواتي يعني انا وانتي والبنات بس من غير ما تقولي لابوكي
جميلة: ده يدبحني دبح لا طبعا مستحيل
حلا: يعني بتاخدي رأيه وموافقته قبل اما تتنفسي حتى صح
جميلة: اه
حلا: ليه موصفتيش ده وقولتي انه تحكم وتسلط وانه مش من حقه يتحكم فيكي وانك من حقك تروحي وتيجي على راحتك
جميلة: لان هو ابويا ومن حقه ده يعني انا بنته وهو اللي مربيني يعني ده شئ طبيعي ومينفعش ومفيش بنت اساسا تستجرء تخرج من عتبة باب البيت من غير ما تقول لابوها هنهزر
حلا ابتسمت: طب ما نفس الموضوع مع جوزك
روما: ازاي بقى ان شاء الله
رقية: طب حلا انا فهماكي بس انا هموت من البرد خديني في حضنك
حلا صعبت عليها رقية فقلعت الجاكيت بتاعها وحطته على كتف رقية واخذتها في حضنها
ادم: حلا انتي.....
قاطعته حلا: انا كويسة بس استنى علشان ضغطي هيعلى من تحت راسهم دلوقتي ومش هحس بالبرد استنى بقى كدة
حلا التفت للبنات
حلا: هجاوبك ازاي يعني انتوا متفقين ان الاب ليه الحق فإنه يحقق معاكي ويقولك رايحة فين وجاية منين صح
البنات: صح
حلا: طب انتوا عارفين ان الاب في حالة واحدة بس ملهوش الحق يحقق معاكي
جميلة: بتهزري من حقه يحقق في كل الحالات
حلا: لا يا حيلتها في حالة انتي اتجوزتي بيسلمك لجوزك بإيده ومن اللحظة ديه كل الحقوق اللي كانت ليه بتتنقل لجوزك يا روحي ليه يا هبلة منك ليها لان الزوج يعتبر بالنسبة للست كل حاجة يعني هو الاب والاخ والسند وهو الحنية اللي لما تتعبي بترتاحي في حضنه هو الحضن والدفا لما تتوجعي تعيطي على كتفه وتشتكيله همك ووجعك هو اللي لو حد فكر يتعرضلك هيحميكي منه حتى لو هيخسر حياته وهو الحبيب والصديق والزوج يعني يا حبيبتي منك ليها هو ليه حقوق وواجبات كل العلاقات اللي في العالم يعني هتقوليلي مثلا علاقتي بابن عمي هو ليه حقوقه ولو اني اللي اعرفه ان ابن العم ملهوش حقوق غير انه يسأل عليكي ويحميكي في غياب اخوكي او ابوكي ده اللي اعرفه هتقوليلي والله اللي اعرفه اني صديقي مثلا بخرج معاه ومثلا بناخد رأي بعض في الهدايا مثلا للناس اللي بنحبهم هقولك جوزك عنده الحق ده اكتر من صديقك انتي ابوكي ليه الحق يحقق معاكي انتي رايحة فين وجاية منين وليه الحق انه يوافق او يرفض على انك تخرجي جوزك بقى ليه الحق الاكبر انه يقولك اه ويقولك لا وده مأسموش تحكم على فكرة واقولكوا حاجة انتوا بتقولوا كدة لانكوا مجربتوش ان راجل يحبكوا ويخاف عليكوا بس لما تحبوا وتقابلوا شخص زي كدة ويعمل معاكوا اللي انتوا بتقولوا عليه تحكم وتسلط ساعتها انتوا هتكونوا في قمة السعادة انه بيعمل معاكوا كدة ومش هتحسوا انكوا مخنوقين او مدايقين بالعكس هتحبوا الموضوع جدا ان شخص يحتويكي ويقولك اه ولا ده مش تحكم ده حب وخوف
روما: ماشي انا اقتنعت بس لنفترض انا قولتله عايزة اخرج مع زمايلي وهو رفض بس في نفس اليوم اكتشفت ها اكتشفت انه خارج بس هو مقاليش وخارج مع زمايله وانا هقعد في البيت ساعتها ايه يعني لو انا قولتله لا هيقعد برضه ولا هينزل
حلا ابتسمت: والله ديه حرية شخصية هو ومزاجه يكون عايز يفضل او مش عايز يشوف خِلقتك ويخرج ويفُك عن نفسه شوية هو في الاول والاخر راجل بس انتي وشطارتك بقى يا حلوة
مايا بإستغراب وعدم فهم: المعنى
حلا بإبتسامة واسعة: يعني انا بحب الشكولاتة جدا وقدامي تورتة بالشكولاتة والتورتة ديه على اسمي وشكلها يشهي جدا ومن حقي انا وبس ساعتها مش هاخد حتة وبس لا ده انا هلهفها لهف وهاكلها كلها بس الحلواني الذكي هو اللي يخلي التورتة تجذبني وانا ارغب فيها واكون عايزة اكلها
جميلة بعدم فهم: انا مش فاهمة اي حاجة
مايا: ولا انا
روما: ممكن توضحي كلامك اكتر
حلا بتعب: يا مصيبتي والله اتحداكوا زمان الشباب فهموا انا اقصد ايه
آسيا: فيه حد منكوا فهم
اغلبية الشباب: لا
رقية بإبتسامة وهي في حضن حلا: انا فهمت
فارس بإبتسامة خبيثة: واظن انا كمان فهمت
قصي: انا ما بين فهمت وما بين مفهمتش فمش عارف اللي بفكر فيه صح ولا
حلا ضحكت: هو اللي انت بتفكر فيه هو اللي صح وهو اللي اقصده
قصي ابتسم بخبث: ده على كدة ربنا يستر عليا
حلا ضحكت
روما: طيب ممكن توضحي اكتر يا حلا
حلا: هو مش هينفع اوضح اوي لان فيه رجالة معانا يعني عايزاهم يقولوا عني ايه
فهد: بسسس انا فهمت حلا قصدها ايه
حلا بإبتسامة خجل ومرح: يا فضحتييي
الشباب ضحكوا ورقية كمان
انجلي: عفوا بس ايه الفضيحة في كدة
حلا: هو انتي كمان يا نونو مفهمتنيش
انجلي: تؤ مفهمتكيش
حلا: طب هحاول اوضح بمثال تاني لو انا قدامي تفاحة والتفاحة حمرة جدا ومسكرة وطعمها حلو بس فيه حد اداني التفاحة ديه وقالي انها من حقك انتي وبس وشكل التفاحة يجذب ساعتها هاكلها ومش هسمح بأي حد يضيعها مني فهمتوا ولا
آسيا بتعب: تورتة وتفاح حلا انا دماغي لفت ممكن تشرحي بوضوح اكتر
اريان بإبتسامة: انا فهمت حلا قصدها ايه
ادم بإبتسامة: انا فاهم من بدري
جاسر: وانا فهمت
لوئي: وانا كمان
حلا: ايه يا شاهر انت وسمير مفضلش غيركوا فهمتوا ولا
شاهر وسمير ضحكوا: فهمنا ومن بدري
حلا: بما ان الشباب كلهم فهموا فمش هتفرق وضوح بغموض حسبي الله ونعم الوكيل فيكوا
الكل ضحك
روما: احنا مالنا انتي اللي فتحتيه
حلا: ورحمة ابويا ابدا الزفتة اللي ما تتسمى اللي اسمها جميلة هي اللي فتحته
جميلة ضحكت: خلاص اشرحي بقى
حلا تنهدت: اللي كنت اقصده يا غباء منك ليها يا بشر براس كلب وحمار اجبريه يقعد في البيت غصب عن عين اللي خلفوه
مايا: وده ازاي بقى ان شاء الله
حلا: ااه يا قلبي مش انا قولت ضغطي هيعلى......يعني العبي على الوتر الحساس بمعنى اوضح واصح جنني امه حلو كدة
انجلي: ازاي برضه
حلا بنفاذ صبر: اسحريه يا انجلي...... يا مصيبتي انا اللي بقولك وانتي اكبر مني
انجلي: والله مجربتش الجواز قبل كدة علشان افهم في الامور ديه
الشباب ضحكوا وحلا ضحكت بخجل والبنات كمان ضحكوا
حلا بخجل وغيظ: قصدك ان انا جربته قبل كدة يعني لو انا جربته ممكن حضرتك تقوليلي انا بهبب مع اخوكي ايه
انجلي ابتسمت بخجل: لا والله مش القصد يا حلول انا اسفة متزعليش
حلا: لا وهزعل ليه ده انا بفضلكوا سمعتي بقيت تحت سابع ارض
آسيا: طب بس المهم برضه ازاي هنجنن اللي خلفوه
حلا ضحكت: حبيبتي لو انتي متجوزة الشخص اللي بتحبيه او حتى لو صالونات بيبقى فيه حاجة كدة اسمها مشاعر يعني......افهمكوا ازاي....خليهم يشتاقوا ليكم
مايا: برضه ازاي
حلا: لا معلش وصف اكتر من كدة مش هقدر لما نرجع البيت بقى لان حاسة اني هيجيلي ساكتة قلبية وانا مش معايا علاجي
روما: لا معلش دلوقتي علشان مننساش
حلا: شباب ما تروحوا تجيبولنا درة ولا اي حاجة سخنة نشربها او ناكلها علشان ندفى
ادم: طيب هنروح انا وقصي وفارس ونجيبلكوا حاجة تشربوها
حلا بسرعة: لا كلكوا روحوا لان العدد كبير وتلاتة بس مش هيقدرو يشيلوا كل العدد ده فروحوا كلكوا منه بتتسلوا ومنه بتساعدوا بعض يلا
ادم ضحك: ماشي يا حلا
الشباب مشيوا
انجلي بفضول: اهم مشيوا قصدك ايه بقى
حلا: مع اننا في الشارع....... يخرب معرفتكوا هتودوني في داهية
روما بفضول: مش مهم قولي بقى
حلا: بمعنى شيكي نفسك واسحريه بجمالك وخلي عقله مش معاه في حتة تانية اجبريه انه لو زمايله اتصلوا بيه هو اللي ينهي السهرة معاهم وبمزاجه يعني انتي متروحيش تقوليله متخرجش لااا سبيه بس انتي خليه يتغدى ومتقعديش معاه اطلعي شيكي نفسك وفشار واقعدي قدام التليفزيون ومتعطيلوش اي اهتمام وفي نفس الوقت قربي منه اوي وابعدي بسرعة يعني متخليهوش يفهم انتي عايزة ايه او انك مش عايزاه يروح وخليه يرغب فيكي وهو اللي يقرب منك مش انتي ولما هو يقرب افضلي شوية وبعدين ابعدي اخترعي اي حجة مثلا هتعملي نسكافيه قهوة عصير كيكة اي حاجة فهمتي ولا وبلاش مثل ست ست ست ستي بتاع زمان الطريق لقلب الراجل هو معدته لانه فاشل جدا يعني خليه في حيرة بس اتمنى نكون فهمنا
انجلي ابتسمت: ده انتي مش سهلة يا حلا
حلا ضحكت: كل الحكاية شوية حب وسحر
انجلي: ده على كدة اخاف على قصي بقى
الكل ضحك
روما: لا بالعكس ده انتي تطمني على اخوكي واوي كمان
مايا بمرح: صدقيني يا انجلي حلا اما بتحب بتحب بكل ما فيها وبتعطي من دون مقابل يعني هتخلي قصي عايش في الجنة وهتغمره بحبها هو ذات نفسه مش هيبقى عنده وقت للشغل
حلا خجلت وضربت مايا على كتفها: اما نشوف لما تحبي وتتجوزي هتعملي ايه
مايا ضحكت: لما بقى مأظنش هيحصل
الشباب رجعوا
ادم بمرح: ده شكل فاتنا كتير
انجلي: تؤ مش كتير بس ده فاتك عمرك كله
مايا بإبتسامة واسعة وسعادة: ايه ده جيبته حمص الشام ده انا كان نفسي فيه اوي بقالي كتير مأكلتوش
فهد مد ايده بالكيس لمايا ومايا اخذته
قصي: ايه يا حلا مش عايزة ولا ايه
حلا بإستغراب: ليه بتقول كدة
اريان: لانك مسألتيش يعني ولا صدرتي رد فعل يعني انا عارف انك بتحبي الحمص جدا
مايا: ديه بتموت فيه
قصي مد ايده بالكيس لحلا: فيه شطة زيادة زي ما بتحبي
حلا ابتسمت واخذته وسرحت شوية
آسيا بمرح: على فكرة مش حلوة في حق قصي تكوني واقفة معاه وتسرحي كدة ولا ايه يا قصي
قصي ابتسم: عجبك كدة جيبتلنا الكلام
حلا ابتسمت بس كان باين في عنيها الحزن والوجع
سمير بقلق: حلا مالك.....انتي كويسة
حلا: اه متقلقش انا كويسة
رقية: اومال مبتشربيش ليه حلا انا لو خلصت بتاعي هاخد بتاعك لان بجد الجو برد
مايا كانت تقف بجوار حلا فهمست: حلا مالك فيه حاجة يعني قلبك تعبك من البرد ولا ايه
حلا نظرت لمايا وبحزن: بابا واحشني اوي يا مايا انتي عارفة اخر مرة شربت الحمص ده كان معاه من عشر سنين بجد الحياة وحشة اوي من غيره
مايا اخذت حلا في حضنها وبحزن: عارفة ان الحياة وحشة بس ده قدر هنعمل ايه وبعدين اكيد ربنا عوضك بقصي بدل بابا وخلاص بقى متفكريش في الموضوع علشان متتعبيش ونفسيتك تتعب ها اهدي بقى
حلا هزت رأسها بالموافقة وهي مازالت في حضن مايا وبعد بضع ثواني ابتعدت عنها قصي لاحظ ان حلا مخنوقة وتعبانة فحس وعرف انها افتكرت اهلها البنات خلصوا
ادم: انا بقول كفاية كدة ونروح
مايا بحزن: كان نفسي احضر المطرة
اريان ضحك: علشان تعيي بعديها صح امشي يلا انتي وهي انجروا قدامي على البيت
البنات مشيوا وهما يدوب لسة متحركين صدر رعد والسما بدأت تمطر
حلا ضحكت: شكل ربنا حققلك امنيتك يا مايا
مايا بخوف: انا قولت مطرة بس مقولتش رعد
فهد بإستغراب: انتي بتخافي من الرعد
حلا: مين ديه اللي بتخاف ديه بتترعب منه
هنا صدر رعد بس الصوت كان قوي جدا فمايا صرخت من الفزع واستخبت في حضن فهد لانه الاقرب ليها فهد وقف مصدوم مش عارف يعمل ايه فحاوطها بذراعه بتردد واخذ يملس على شعرها
فهد: اهدي يعني ده مش وحش وهياكلك يا مايا وبعدين اهدي انا معاكي مش هيحصلك حاجة
مايا حاوطت خصر فهد وعانقته بقوة وشوية ومايا هدأت بعض الشئ وصوت الرعد خف شوية فبعدت عنه شوية بس رجع صوت الرعد وعِلي تاني وكان اشد من المرة الاولى
فهد: مايا اهدي بُصي خليكي ماسكة في دراعي وامشي لحد ما نوصل للعربية واهدي وخليكي واثقة فيا واطمني
مايا بخوف: فهد ابوس ايديك متسبنيش انا مرعوبة
فهد بحب: مش هسيبك بس ممكن تطمني وهدي
مايا هزت رأسها بالموافقة ومسكت في دراع فهد بقوة
قصي كان هيقلع الجاكيت بتاعه حلا مسكت الجاكيت بتاع قصي ولبستهوله تاني قبل ما يقلعه خالص
حلا: متفكرش انك تقلعه وتدهولي لاني مش هلبسه وخليك لابسه علشان متتعبش
قصي: ده على اساس انك بطلة ومش هتتعبي
حلا: لا انا مش مهم انت اهم
قصي مسك وجهها بين يديه: ازاي يعني مش مهمة لا مهمة واوي
حلا: طيب علشان خاطري متقلعش الجاكيت وخليك لابسه وامشي خلينا نروح على العربية بدل ما تفضل واقف تحت المطرة وتتعب يلا
حلا مسكت قصي من دراعه ومشيوا سوى علشان المطر وركبوا سيارتهم بسرعة
في سيارة قصي
قصي بنرفزة: عجبك كدة اديكي اتبليتي كلك ماية نفسي افهم مبتسمعيش الكلام ليه
حلا وهي تشعر ببعض البرد ولكن تحاول ان لا تبين لقصي: انا كويسة ومفينيش حاجة وزي القردة يلا بقى خلينا نروح
قصي دور السيارة وانطلق
في سيارة ادم جميلة كانت تركب معه
جميلة كانت تشعر بالبرد وكانت هدومها والجاكيت كلهم ماية فادم قلع جاكيته الجلد وحطه عليها
ادم: دلوقتي هتدفي
جميلة وهي ترتعش: بس...انت.....كدة هتبرد
ادم: لا متقلقيش هبقى كويس بس البسيه واقفليه علشان تدفي
جميلة لبست الجاكيت وقفلته وادم دور السيارة وانطلق للبيت
الشباب وصلوا ودخلوا عفاف استقبلتهم واعطت لحلا فوطة وللكل بس مفضلش معاها لقصي فحلا مدت يدها بالفوطة لقصي
قصي بإستغراب: ايه
حلا: جفف شعرك علشان مبلول علشان متاخدش برد
قصي: لا جففي شعرك الاول لانه مبلول اكتر مني
حلا: امسك انا كدة كدة هطلع على اوضتي هستحمي بماية دافية علشان مبردش امسك لاني مش قادرة اقف على رجلي من كتر ما انا حاسة بالبرد
قصي اخذ منها الفوطة بتردد وحلا طلعت جري على غرفتها ودخلت الحمام بسرعة وفتحت الماية الدافية علشان تدفى لان قلبها تعبها من البرد خلصت وخرجت ارتدت ترنج مكون من ثلاثة قطع ارتدت البضي والبنطلون وتركت الجاكيت على السرير واخذت دواء قلبها ونامت واتغطت باللحاف والبطانية وكانت حرارتها مرتفعة بعض الشئ وكانت بتعطس كتير وترشح الكل طلع على غرفته واستحموا وناموا
__________________________________
على الساعة 3 الفجر عفاف قلقت من نومها وقامت اعتدلت فمحمد قلق وصحي
محمد: في ايه يا عفاف انتي كويسة فيكي حاجة يا حبيبتي
عفاف بقلق: خايفة على حلا كانت بتترعش من البرد لما جت ومكنيتش متقلة على نفسها هروح اطمن عليها واجي نام انت وارتاح
محمد ابتسم: والله في اوقات بحسك انتي امها
عفاف ابتسمت: اه صح انا مخلفتهاش بس هي بنتي واكتر وهي عارفة ده كويس
محمد: طيب ماشي وحتى لو كويسة خليكي جنبها لحسن حرارتها ترتفع ولا حاجة
عفاف: حاضر
عفاف خرجت وقابلت قصي وكان واقف قلقان وحيران ومتردد
عفاف بإستغراب: قصي بتعمل ايه قصاد باب غرفة حلا
قصي: بصراحة كنت نايم بس حسيت بغصة في قلبي وقلبي وجعني فخايف لحسن تكون حلا تعبانة وقولت اطمن عليها بس مش قادر ادخل على غرفتها
عفاف ابتسمت: طب استنى هنا انا هدخل اطمن عليها وهناديلك علشان تشوفها وتطمن ماشي
قصي ابتسم: ماشي
عفاف دخلت الاول وقصي انتظر بالخارج عفاف رأت وجه حلا اصفر ومحمر بشدة فوضعت يدها على جبهتها لتقيس حرارتها وشعرت بسخونة شديدة
عفاف: قصييي تعالى
قصي دخل ونظر على حلا ورأها بترتجف من شدة البرد وبسبب حرارتها المرتفعة
عفاف: انا هنزل اجيب ماية ساقعة علشان اعملها كمادات انت خليك جنبها وادخل هات اللحاف التاني اللي في الدولاب وغطيها بيه لحد ما اجي
قصي هز رأسه بالموافقة ولكن بقلق وخوف على حلا عفاف نزلت وجلبت ماية مثلجة وحطيت فيها قطع ثلج قصي بحث عن اللحاف الى ان عثر عليه وغطى حلا بيه وجلس بجوارها واخذ يملس على شعرها
قصي بحب وقلق: قولتلك البسي الجاكيت بس مسمعتيش مني
حلا كانت شبه صاحية بس مكنتش قادرة تفتح عنيها من شدة الحرارة عفاف طلعت وبدأت تعمل لحلا كمادات فضلت لمدة نص ساعة بتعملها كمادات والحرارة مبتنزلش
عفاف بقلق: قصي حرارتها مبتنزلش خالص هنعمل ايه
قصي بتفكير: طب انا هروح اصحي شاهر وهو يجي يفحصها
عفاف: طيب ماشي
قصي ذهب وعفاف ساعدت حلا ولبستها الجاكيت علشان تدفى وغطتها قصي دخل غرفة شاهر وهزه بقوة وخوف وقلق
قصي: شاهر.......شاهر فوووق
شاهر قام مفزوع: ايه في ايه
قصي بقلق: حلا حرارتها مرتفعة ومبتنزلش بالكمادات ممكن تيجي تفحصها
شاهر قام بسرعة من سريره: امشي قدامي
قصي خرج ووراه شاهر بس قصي دخل الاول غرفة حلا وشاهر انتظر برا
قصي: اخلي شاهر يدخل خلاص
عفاف: اه
قصي: شاهر تقدر تدخل
شاهر دخل وفحص نبضها وقاس حرارتها واعطاها إبرة
شاهر: هي هتبقى كويسة بس بعد شوية على ما الحقنة تاخد مفعولها بس حلا مينفعش تفضل بترتجف كدة لان اكيد قلبها بيوجعها وممكن تتعب جدا فلازم تدفى فورا
عفاف بقلق: طب هنعمل ايه ديه متغطية ببطانية ولحافين
شاهر: ومع ذلك مدفيتش فلازم حد يعانقها ويدفيها ده الحل الوحيد علشان قلبها
عفاف: بس حلا من صغرها مبتدفاش غير في حضن ابوها يعني هنجيب يحي ازاي ومنين
شاهر بتفكير: بس اظن انها هتدفى اذا قصي عانقها يعني حلا مقالتلكش اي حاجة بخصوص الموضوع ده
قصي: لا ابدا..قصي سكت وتذكر حاجة
قصي: لحظة واحدة فيه مرة كنا في مصيف واخذت نفس الدور ده وقتها عمو يحي اضطر يروح يجيب ادوية من الصيدلية ساعتها امي وطنط مها والدتها وابويا حاولوا يدفوها منجحوش بس لما انا عانقتها ادفِت
شاهر: يبقى مفيش حل غير انك تعانقها دلوقتي
قصي: بس يا شاهر ميصحش يعني ساعتها احنا كنا صغيرين بس دلوقتي مينفعش وحرام ومش من حقي المسها
شاهر بعصبية: هو انا بقولك نام معاها وبعدين احنا مضطرين واظن ده علشان ننقذ حياتها لان قلبها ممكن يقف من شدة البرد ولو موقفش هتتعب جامد وهتلاقي صعوبة في التنفس وهنضطر ننقلها على المستشفى ويا عالم هتعيش ولا لا قصي هتعانقها بس لحد ما تدفى وبعدين هتبعد عنها اظن يعني انت مش بتحضنها علشان انت عايز ده انت مجبر
قصي خضع لكلام شاهر وجلس بجوار حلا على السرير ورفع رأسها من على المخدة ووضعها على كتفه وعانقها بحب وبقوة وقلق وخوف عليها وبعد بضع دقائق شعر انها دفيت فابتعد عنها ووضع رأسها على المخدة ولكن عادت ترتجف من البرد مرة اخرى فقصي نظر لشاهر وعفاف
عفاف: انا بقول خليك حاضنها لحد ما السخونية تنزل
قصي: بس........
شاهر قاطعه: قصي والله احنا مجبرين وبعدين يعني انت عجبك منظرها كدة هتموت من شدة البرد
قصي تنهد بقوة والمرة ديه فرد جسمه واتغطى مع حلا وحمل رأسها ووضعها على كتفه وحاوطها بذراعيه واحدة على كتفها والاخرى على ظهرها وخصرها ووضع عليهم البطانية واللحاف علشان ميجيش لحلا هواء بارد ويتعبها
شاهر: طب انا اظن وجودي ملهوش لازمة هروح على غرفتي وانام بس لو حصل اي حاجة يبقى حد فيكوا يصحيني
عفاف: ماشي
شاهر خرج وعفاف ظلت معهم وجلبت كرسي وجلست عليه بجوار السرير وظلت صاحية بس من التعب غفيت على الكرسي وقصي ظل لبضع دقائق صاحي بس غِفي غصب عنه ونام وحلا في حضنه
__________________________________
تغلغلت اشعة الشمس لتداعب وجه بطلنا قصي واخذت تزعجه الى ان استيقظ من نومه واتفاجئ من ان حلا تنام على صدره ومن ثم تذكر ماذا حدث فنظر لحلا حلا كان شعرها يغطي وجهها بأكمله وكانت يدها على قلب قصي قصي مد يده بتردد ولم شعرها من على وجهها واعاده للخلف ووضع يده على جبهتها يقيس حرارتها ولكن لم تكن هناك حرارة فنزل يده ووضعها على يد حلا اللي على صدره ومسكها وقبلها وظل ينظر لملامح حلا البريئة وهي نائمة وسرح فيها
قصي بهمس وحب: امتى يجي اليوم اللي تشيلي فيه اسمي يا حلا وميكنش فيه بينا اي حواجز وتكوني من حقي ده هيكون اسعد يوم في حياتي
اخذ يمشي يده على وجنتها بحب وشوق حلا تململت من اثر لمسة قصي وعقدت حاجبيها بإنزعاج ومن ثم فتحت عينيها ببطئ الى ان اعتادت على الضوء واتفاجئت بوجه قصي المقابل لوجهها والقريب منها جدا حلا نظرت لقصي وللغرفة ولنفسها وبعدت عنه بسرعة وقعدت وهي تمسك بالبطانية وتضعها عليها
حلا بإستغراب: انت بتعمل ايه في غرفتي
قصي ضحك: صباح النور يا حبيبتي بس اولا انتي لابسة الجاكيت فمفيش داعي انك تحضني البطانية بالطريقة ديه
حلا نظرت لنفسها من تحت البطانية وبعدين تركتها ونظرت لقصي بصدمة
حلا بإستغراب وشك: وسيادتك عرفت منين اني لابسة الجاكيت
قصي ابتسم: لان انا وطنط عفاف كنا هنا امبارح جنبك طول الليل علشان حرارتك كانت مرتفعة وهي اللي لبستك الجاكيت علشان شاهر يدخل يفحصك وعلشان تدفي
حلا لمت شعرها من على وجهها ورجعته خلف اذنها: تمام وسيادتك بتعمل ايه على سريري ممكن افهم
قصي بإستفزاز: كنت بحب فيكي او يمكن كنتي وحشاني فقولت اجي انام جنبك واخدك في حضني
حلا بنرفزة: قصيييي والله العظيم اصرخ والم عليك البيت كله
قصي ضحك: طب اهدي بس انا كنت مضطر اني اعانقك لانك كنتي بتموتي من البرد وجسمك كان بيرتجف مع انك لابسة الجاكيت ومتغطية بلحافين وبطانية بس مدفيتيش فشاهر قال لازم حد يعانقك ويدفيكي علشان قلبك ومكنش فيه غيري بس عانقتك ودفيتي وبعدت عنك بس رجعتي ارتجفتي تاني من شدة البرد فطنط عفاف قالتلي افضل معانقك لحد اما الحرارة تنزل وهي كانت معانا بس غفيت غصب عني وانتي في حضني بس ده كل اللي حصل بالتفصيل وانا لسة صاحي دلوقتي
حلا: يعني طنط عفاف كانت موجودة طول الليل معانا وهي اللي اقترحت عليك الاقتراح ده
قصي: اه
حلا تنفست بإرتياح قصي نظر لحلا
قصي بحب: على فكرة انتي وحشاني جدا بس انا مستحيل المسك غير لما يكون ده من حقي يا حلا وانتي عارفة ده كويس
حلا: عارفة يا حبيبي وانا واثقة فيك بس مبوثقش في شوشو الصراحة
قصي ضحك: طيب ياختي
حلا: ودلوقتي بقى روح غرفتك قبل ما حد من الشباب يجي يشوفوك معايا هنا والله يعملوا مننا احنا الاتنين شاورما فراخ ولحمة وجميع انواع الشاورما
قصي بقلق: تصدقي معاكي حق
قصي قام بسرعة من على السرير وفي الوقت ده اريان وادم وجاسر دخلوا الغرفة وقصي كان لسة هيتحرك بإتجاه الباب لقاهم في وشه
اريان بإستغراب: انت بتعمل ايه في غرفة حلا
قصي بتوتر: ولا حاجة اساسا انا كنت خارج
ادم: ايوة ماشي ما احنا شايفين انك خارج بس انت ايه اللي جابك على اوضة حلا...حلا قصي بيعمل ايه هنا
حلا بتوتر: هو......يعني.......ب
قاطعتها عفاف وهي تدلف للغرفة بصينية بها اكل لحلا وخلفها انجلي
عفاف: قصي انا قولتله ان حلا تعبانة فقلق عليها فقولتله يدخل يطمن ويصبح عليها ويخرج
عفاف اقتربت من حلا وجلست بجوارها حلا تنفست بإرتياح وهمست: انقذتينا
عفاف غمضت عنيها لحلا بإطمئنان وابتسمت
انجلي بإبتسامة: صباح الخير يا حلول عاملة ايه دلوقتي
حلا ابتسمت: صباح النور انا بقيت احسن الحمد لله
عفاف: لازم تخلصي الشوربة كلها وتاخدي الدوا ده علشان البرد يلا
حلا اخذت تكح كحة وحشة
عفاف: اهو ده اخرة اللي ميسمعش كلامي هيجرى ايه لو متقلتيش تحت الهدوم
حلا بتعب: ما انتي عارفة اني بتخنق ومبحبش البس هدوم كتير وبعدين انا كنت لابسة جاكيت تقيل بس قلعته لرقية علشان كانت بردانة وبعدين محصلش حاجة اهو انا زي القردة
ورجعت تكح تاني
عفاف: لا ماهو واضح انك زي القردة فعلا
انجلي بإستغراب: هو انتي مبتحبيش تتقلي يا حلا
عفاف: ابدا يا بنتي في عز التلج تلاقيها لابسة شميز خفيف ولو في البيت بلوزة بنص كوم حتى امبارح وهي تعبانة نايمة بالبضي اللي بحمالة بس ومش لابسة الجاكيت
انجلي بإبتسامة: حاسة بيكي يا طنط لان قصي كدة برضه بيغلبني في اللبس ومبيعملش غير اللي في راسه واللي على مزاجه........بس هو انتوا مش ملاحظين ان فيه شبه كبير بينكوا يا حلا يعني انتي وقصي فيه حاجات كتير مشتركة يعني الاكلة المفضلة والالوان وكمان حتى في اللبس ده انتوا على كدة هتبقوا ثنائي حلو اوي واه نسيت حاجة الطبع الغرور والعند والاهم العصبية
حلا وقصي نظروا لبعض وابتسموا
حلا: بس انا فيا حاجة يعني فيه اوقات لما الاقي الشخص اللي قدامي متنرفز اوي بتصرف بهدوء وبرود وده مش عند اخوكي نهائي بس ممكن نقول انه ممكن يتصرف بالطريقة ديه علشان يستفزني مش اكتر
قصي ضحك: معاكي حق في كل حرف قولتيه
حلا بثقة وغرور: اساسا انا دايما على حق
جاسر: يخرب التواضع اللي بينقط منك
حلا: ميرسي يا روحي
جاسر: العفو ياختي
حلا اخذت من عفاف الصينية ووضعتها على رجليها وبدأت تاكل
عفاف: هتخلصيها كلها
حلا: مأوعدكيش لاني حاسة بإني عايزة استفرغ ومليش نفس للاكل
ادم بمرح: المدام حامل الف مبروك
الكل ضحك ماعدا حلا
حلا بغيظ: لا ده بسبب البرد يا فالح وبعدين انت ايش فهمك في امور الحب علشان تفهم في امور الجواز والحمل يا شيخ روح كدة
ادم: عفوا ايه علاقة الحب بالحمل والجواز
حلا نظرت له بإستغراب ودهشة: مرتبطين ببعض والله يعني الجواز كدة كدة هيتم والحب كمان يعني يا اما هتحب وتتجوز يعني هتحب قبل الجواز او هتتجوز الاول وبعدين تحب مراتك اللي بيسمى جواز صالونات واما الحمل فعمره ما هيحصل من غير جواز عرفت ايه العلاقة ولا لسة ممكن بقى تخليني اكل
ادم بغيظ: بس مين الغبي اللي قالك اني مبفهمش في امور الحب....بالعكس انا رومانسي جدا
حلا ابتسمت ابتسامة صفراء: الشخص الغبي اللي اثبتلي مش قالي ده هو انت يا ادومتي يعني انت واحد مستحيل تحب بنت في حياتك ولو فيه بنت حبيتك فانت متستهلهاش لانك عمرك ما هتحس بيها عارف ليه......لانك زي الصنم لا بيتحرك ولا بيتهز ولا هيتكلم ولا هيحس عرفت ليه
ادم بعصبية: رجعنا لنفس الموضوع يا حلا وقولتلك مليون مرة ان مفيش حاجة تجاهها
حلا بإستسلام: اوكي يا ادم بس خلي في بالك لو انت خسرتها مستحيل تلاقيها تاني او حتى تلمح وشها
ادم بعدم فهم وإستغراب وقلق: قصدك ايه
حلا: قصدي انها لو اتجوزت وبقيت ملك لشخص تاني بمعنى اصح مدامته ساعتها انت هتخسرها وللابد ولو اكتشفت انك بتحبها هتتعذب ومش هتستحمل وجع الحب بس هيبقى كله بسببك مش بسبب حد تاني انت اللي جيبته لنفسك وليها العذاب ده وانت اللي اخترت طريق الشوك بدل الورد عموما ديه حياتك وانا مش هتكلم تاني بس عايزاك تفهم حاجة كويس اوي انا لما بكلمك وبنصحك وبقولك بالشعور اللي انت بتحسه بس مش لاقيله تفسير فده لاني شايفة اللي انت مش شايفه ولما بنصحك وبجرحك وبقسى عليك فده لاني بحبك وخايفة عليك من وجع الحب لانه مش سهل وانت مش هتستحمله يا ادم عموما انت حر وديه حياتك بس انا دلوقتي في ايدي اقدملك المساعدة واحارب علشانك بس لو هي اتجوزت فانا اسفة مش هقدر افيدك ولا اساعدك بحاجة
ادم سرح في كلام حلا
حلا: اه صح نفس الكلام اللي قولته لادم هو ليك انت كمان يا اريان يعني الكلام ليكوا انتوا الاتنين ودلوقتي تقدروا تروحوا تفطروا وزي ما قولتلكوا ديه حياتكوا وانا اللي عليا عملته واجبي ونفذته نصيحة ونصحت مرة واتنين وعشرة وانا مش هدخل تاني واللي يحصل يحصل حتى لو هتموته انا مليش دعوة تقدروا تخرجوا
ادم واريان خرجوا من الغرفة وكانوا مجروحين من كلام حلا وتفكيرهم مشوش
جاسر بإنزعاج: ليه يا حلا جرحتيهم كدة
عفاف بزعل: حلا انتي عارفة انتي عملتي ايه في اخواتك
حلا رزعت المعلقة في الطبق وبنرفزة
حلا بعصبية: لاني في حياتي كلها مشوفتش اغبى منهم هما الاتنين قدامهم النعمة بس مش حاسيين بيها...... حلا هدأت شوية
حلا بهدوء: يا ماما يا حبيبتي انا عارفة انا عملت ايه بس انتوا مش فاهمين حاجة ادم واريان بيحبوا جميلة وآسيا وبيحسوا بشعور تجاههم وهما قالولي انهم بيحسوا بشعور بس مش عارفين تفسيره فقولتلهم انتوا بتحبوا فأوحوا وقالوا لا مستحيل احنا اساسا مش مقتنعين بالحب يا ماما انا لو سيبتهم ومقسيتش عليهم هيخسروا وهيخسروا جامد وهيتوجعوا وانا مش هقدر اشوف حد منهم بيعاني من وجع الحب لاني مريت فيه وعارفة المرار اللي هيدوقوه بس انا كنت بستحمل لاني مضطرة بس هما مش هيستحملوا وممكن يجرالهم حاجة مقدرش اشوف اخواتي قدامهم السعادة وهما بيتخلوا عنها وبيتنازلوا عنها لانهم هيعانوا فيما بعد آسيا وجميلة بيحبوهم وجدا بس اريان وادم مستحيل يحسوا بيهم غير بالطريقة ديه لازم يتوجعوا فيهم ويحسوا انهم هيخسروهم ساعتها هيفهموا ويعرفوا ويقتنعوا انهم بيحبوهم بس ده مش هيحصل غير لو انا بعدت عنهم شوية وقسيت عليهم وجرحتهم انا مش مبسوطة اني بجرحهم بالعكس انا قلبي بيوجعني معاهم بس انا تعبت من كتر ما شرحت بالذوق وبراحة بس هما مبيفهموش هما مسَبوليش حل ولا طريقة غير ديه وانا مضطرة على ده علشان يبقوا مبسوطين انا كل اللي عايزاه هو انهم يكونوا مبسوطين في حياتهم مع البنت اللي تستاهلهم وتحبهم وتخاف عليهم وهما مش هيلاقوا احسن من آسيا وجميلة وهيندموا لو محسوش بيهم ولو مفاقوش بسرعة على نفسهم هيخسروا كتيير
انجلي بحزن: بس يا حلا انتي كدة بتقسي عليهم اوي يعني خلينا نفكر بلاش الطريقة ديه اكيد في طريقة تانية غير القسوة
عفاف: اه يا حلا نفكر واكيد هنلاقي حل تاني غير ده
حلا: انا فكرت ولاقيت حلول وجربتهم كلهم بس مجابوش فايدة ولا نتيجة ومفيش غير الطريقة ديه
جاسر: حلا معاها حق ادم واريان مش هيحسوا ولا هيفوقوا على نفسهم غير بالطريقة ديه لنفترض ان اريان هيفوق وينفع معاه الذوق ولو ان اريان عنيد اوي بس ممكن يكون فيه بصيص امل انه يفوق ادم مستحيل يحس او يفوق غير بالطريقة ديه لانه فيه حتة القسوة قاسي جدا وجاحد وقلبه ده من حجر او من صخر فده مش هيفهم غير بالطريقة ديه
حلا: بالظبط كدة انت كدة بدأت تفهم انا قصدي ايه
جاسر: طيب يا حلول انتي شوفي هتعملي ايه وانا معاكي
حلا هزت رأسها بالموافقة لانها كانت بتاكل وبعدين حلا خلصت اكل وعفاف اعطتها الدوا وقصي خرج وذهب لغرفته وانجلي نزلت للعيلة وظل مع حلا عفاف وجاسر
حلا: انا بقى هقوم اخد شاور واغير هدومي واحصلكوا على تحت
حلا شالت الفرش من عليها فجسمها اترعش وانكمشت على نفسها
عفاف: حلا خليكي ونامي شوية انتي عرقانة واديكي بردتي لما شيلتي الفرش من عليكي
حلا: انا هستحمى وهبقى كويسة
حلا قامت وقفت وعفاف ساعدتها بس حلا حسيت بدوخة شديدة فجأة بس كانت لمجرد لحظة وبعدين رجعت طبيعية ودخلت الحمام واخذت شاور
__________________________________
جاسر نزل وقابل مالك ويزن واستقبلهم
جاسر بإبتسامة: يزن عاش مين شافك يا عمنا
يزن بإبتسامة واسعة: جسورة والله واحشني
واخذوا بعض بالاحضان
جاسر: بس غريبة انك جاي عندنا
يزن ضحك: جاي علشان اختي عندكوا وغير كدة عايز الرائد حلا هي صديقة اختي
جاسر بصدمة: ايه ده قصدك آسيا بتكون اختك وانا عمال اقول شوفتها فين قبل كدة
يزن ضحك: اه هي بذات نفسها آسيا وده مالك بيكون اخو جميلة
مالك: لا انا غني عن التعريف لان اتعرفنا على بعض قبل كدة هو انقذني من عصابة
جاسر ابتسم: انت لسة فاكر تعالى ده انت ليك واحشة
وعانقوا بعض
يزن: يعني عارفين بعض ومعنديش خبر
جاسر: وانت كنت مين علشان نقولك
مالك ضحك: يالهوي على جبهتك اللي طارت ومبقاش ليها وجود والبريستيج يا يزن شكلك هايل يعني مش عارف اقولك ايه
يزن: ماشي يا ذوق منك ليه فين البنات وفين الرائد حلا
جاسر: حلا زمانها نازلة من فوق تعالوا جوا هنلاقي البنات هناك
__________________________________
حلا خرجت من الحمام ارتدت بنطلون جينز اسود وشميز ابيض وجاكيت جلد لونه جملي فاتح وبوط من نفس لون الجاكيت بس مصنوع من القطيفة وكان فيه زي سلسلة ذهبي كديكور ومنظر وكعبه كان عالي وعريض ورفعت شعرها ذيل حصان ووضعته على احد كتفيها ووضعت من البرفيوم الهادئ وارتدت ساعتها الفضية واخذت هاتفها ونزلت ذهبت للمطبخ وعملت قهوة ليها وصبتها وخرجت
__________________________________
في الصالون الكل كان متجمع وكانوا بيضحكوا ويهزروا
آسيا: يزن لسة كان مطلع عيني من كام يوم علشان الخطوبة لففني المول كله وفي الاخر بيقولي انتي معملتيش حاجة انا اللي لفيت وجيبت كل حاجة والله متعرفيش تعملي ايه علشان يعجب الرجالة
مايا: تؤ مستحيل مش هيعجبهم العجب وحياتك
جميلة نظرت في ساعتها: كان المفروض مالك يكون جيه انا هخرج اكلمه واشوفه فين
آسيا: خديني معاكي انا كمان هكلم يزن
جميلة وآسيا خرجوا وشافوا جاسر ويزن ومالك واقفين مع بعض
آسيا بإبتسامة واسعة: يززن
جاسر بعد من قدام يزن ولف وشاف آسيا ويزن كمان شافها وابتسم بفرح
يزن: صغيرتي
آسيا ركضت عليه وتعلقت بعنقه وعانقته بقوة: وحشتني اوي اوي اوي اوي
يزن ضحك وحاوط خصرها وعانقها ورفعها من على الارض لان ظهره كان هيتكسر بسبب قصرها
يزن: البيت من غيرك وحش اوي يا آسيا
آسيا بعدت عنه بس هو كان شايلها: ايه ده بجد
يزن: اه علشان مكنتش بسمع صوت العيرسة اللي كانت عايشة معانا
آسيا ضربته: بقى كدة انا بقيت عيرسة دلوقتي يا وش البرص
يزن نزلها وضحك: والله وحشني خناقي معاكي يا صغيرتي
آسيا بغيظ: بلاش تقولي صغيرتي انا كبرت ومبقيتش صغيرة
يزن بإستغراب: بجد بس انا مش شايف كدة يعني ما زلتي شبر ونص مطولتيش ولا هتطولي
آسيا: ربنا يسامحك علشان انت بتتريق على خِلقة ربنا
يزن: هو ده اللي انتي فالحة فيه
آسيا ضربته على كتفه
جميلة عانقت مالك: اخبار ميرنا ايه
مالك: تمام هي كويسة بس انتي اخبارك ايه
جميلة: كالعادة
جاسر: طب انا هسبقكوا لجوا
جاسر دخل للعيلة
اريان: هو يزن هيجي هنا
روما: اه
ادم: هما خلصوا ترتيبات الخطوبة
مايا بإستغراب: خطوبة مين
ادم: خطوبة يزن وآسيا ومالك وجميلة
مايا ضحكت: وهما ازاي هيخطبوا وهما اخوات
محمد اتصدم: مايا
قصي غمض عنيه ولوئي وفهد كمان غمضوا عنيهم بأسف وندم
قصي بهمس: ربنا يستر على حلا
ادم بإستغراب: اخوات ازاي يعني
مايا: اخوات يعني هيتجوزوا ازاي يعني
حلا دخلت هنا
حلا بإبتسامة: صباح الخير
محمد: بصراحة هو مش خير ابدا
اريان: حلااا
حلا: في ايه مالك يعني متنرفز كدة ليه
اريان بنرفزة: ممكن افهم ازاي اتنين اخوات هيخطبوا بعض
حلا ابتسمت: هو انت شارب حاجة على الصبح ازاي اتنين اخوات هيخطبوا يعني
ادم بإستغراب: لاااا والله اومال ازاي مالك هيخطب جميلة ويزن هيخطب آسيا مش هما اخوات برضه
حلا اتصدمت وبتوتر: م...م....منين عرفت
اريان: كنا بنسأل عن خطوبتهم واذا محتاجين حاجة ولا لا مايا قالت انهم مينفعش يخطبوا لانهم اخوات
مايا: ايوة حتى يزن بيكون اخو آسيا من ب.........
حلا ضحكت علشان تقاطع مايا والكل استغرب حلا
قصي بقلق: حلا
حلا وهي بتضرب مايا على ظهرها بس بهزار بس بقوة وده محدش هيلاحظه غير حلا ومايا بس قصي لاحظ ده وفهد ولوئي ومحمد
حلا بغيظ وهي تجز على اسنانها وبتوتر: مايا معاها حق هما اخوات
مايا نظرت لحلا وحلا نظرت لها بقوة ومايا لم تفهم
ادم: قصدك ايه يا حلا
حلا نظرت لادم وبتوتر: قصدي انهم كانوا اخوات...يع.......يعني......هو.....بصراحة....اه هما لما كانوا صغيرين كانوا بيعتبروا بعض اخوات بس لما كبروا حبوا بعض وهيتجوزوا ويكونوا عيلتهم الصغيرة مش كدة يا مايا
مايا فهمت وبتوتر: اه....اه صح انا راح عن بالي انهم هيتجوزوا
حلا انخفضت على مايا وهمست: المرة اللي جاية امسكي لسانك بدل ما اقصهولك
هنا يزن ومالك وجميلة وآسيا دخلوا بس الشباب مأخدوش بالهم من اريان وادم
يزن: عاملة ايه يا سيادة الرائد حلا
حلا التفت ليزن وابتسمت: الحمد لله انت اخبارك ايه
يزن: تمام وعال العال بس اعملي حسابك انك هتيجي الخطوبة يعني هتيجي ومفيش تراجع
حلا ابتسمت: اكيد هاجي بس بلاش رسميات وسيادة الرائد ومش عارفة ايه فخليها عادي من غير رسميات مادام احنا مش في شغل
يزن بإبتسامة واسعة: حاضر
جاسر بإستغراب: يزن مش آسيا اختك
يزن: اه اختي
حلا وضعت يدها على جبهتها
جاسر: طب ازاي هتخطبها
يزن: لا انا هخطب..............
حلا داست على رجل يزن بالكعب ونظرت له وهو نظر لها وهي اشارت بعينيها على اريان وادم وهو نظر واخذ باله واتصدم
يزن بتوتر: ادم واريان انتوا بتعملوا ايه هنا
اريان بإستغراب وغيظ: افهم بس آسيا تقربلك ايه بالظبط وليه قولت انها اختك مش انتوا هتخطبوا وبتحبوا بعض
يزن معرفش يرد يقول ايه فحلا انقذت الموقف
حلا بسرعة وتوتر: ماهي آسيا اخته فعلا
اريان نظر لها بصدمة
مالك: اه حتى لما آسيا اتولدت يزن كان....................
حلا داست على رجله بقوة
حلا بسرعة وتوتر: يعني هو بيعتبر آسيا كل حاجة اخته وحبيبته وامه وخطيبته ومراته مستقبليا وكل حاجة حتى هي بتشكل عيلته وحياته ودنيته كلها....مش كدة يا يزن
حلا نظرت له بغيظ وتوتر
يزن: ا...اه صح حلا كلامها كله صح
ادم: بس هو ليه قال انها اخته مش خطيبته
حلا بتوتر: مش انا قولتلكوا انهم كانوا بيعتبروا بعض اخوات وهما صغيرين فهو متعود يقول انها اخته يعني آسيا اصغر من يزن في العمر تقريبا يعني بخمس سنوات على ما اعتقد فهو دايما بيناديها صغيرتي لانه بيعتبرها زي بنته وكمان يزن بيشكل كل حاجة لآسيا الاب والاخ والحبيب وانا هنجلط عن قريب
آسيا ابتسمت وقصي ولوئي وفهد ومحمد ابتسموا ايضا جميلة لاحظت ان حلا دايسة على رجل مالك بقوة ومالك باين عليه انه موجوع بس مش راضي يتكلم جميلة ركضت على مالك وجذبت حلا ومالك وبعدتهم عن بعض
جميلة بإنزعاج وغضب: حلا كنتي هتكسريله رجله لمالك
حلا بلا مبالاة: اه سوري مأخدتش بالي
مالك: لا عادي ولا يهمك
جميلة بقلق وخوف: مالك حبيبي حاسس بوجع يعني لو رجليك تعباك اخدك على المستشفى ونعمل اشاعات ونطمن
مالك: انا كويس يا حبيبتي متقلقيش
ادم كان ينظر لجميلة ومالك بحب وخوف حلا عنيها وقعت على ادم بالصدفة ورأته وهو ينظر لجميلة بحب وخوف فحلا نظرت لقصي قصي كان ينظر لحلا فحلا اشارت له بعينيها على ادم فقصي نظر لادم وشافه وهو بينظر لجميلة
حلا: احم احم فيه اي استفسار تاني عن اي حاجة
ادم: لا انا هطلع علشان فيه شغل هخلصه وانزلكوا
اريان: وانا كمان عن اذنكوا
ادم واريان طلعوا وحلا انتظرت لحد ما دخلوا غرفتهم
حلا بنرفزة: قولت ايه يا يزن آسيا بتكون اختك وانت يا زفت الطين ضروري تحط الطتش بتاعك وتتكلم وعلى فكرة دوست على رجليك وانا قاصدة والمرة اللي جاية مش بعيد اكسرهالك
يزن: يعني هعمل ايه مأخدتش بالي وكنت ناسي الموضوع من اساسه
حلا بغيظ: واللله طب المرة اللي جاية اعمل حسابك اني هنزل فيك ضرب واضربك بالروسية وهخليك تدخل العناية المركزة متفوقش منها غير بعد شهرين ولما تفوق يكون معاك فقدان ذاكرة كمان علشان ساعتها ابرمج مخك زي ما انا عايزة
مالك: هيحصل ايه يعني لو عرفوا الحقيقة
حلا بإبتسامة صفراء: ابدا هتضرب انت وهو واخواتكوا هيطردوا من الشغل وانا هيتفتح عليا ابواب جهنم ولو اخواتكوا قتلوا نفسهم ودبحوا نفسهم دبح قدام اريان وادم مستحيل يحسوا بيهم عرفت ايه اللي هيحصل
يزن: ماهو بصراحة صعب اوي اني امثل ان اختي هتبقى خطيبتي واني انا بحبها
حلا: انسى انها بتكون اختك يا اخي اقولك تخيل ان خطيبتك هي اللي قدامك يعني تخيل يارا هي اللي قدامك
مالك: انتي بتطلبي حاجة مستحيلة اساسا احنا مبنعرفش نمثل
يزن: يعني يا حلا انتي ملقيتيش غيرنا اللي يعملوا التمثيلية ديه
حلا: لان بصراحة انتوا مضمونين يعني انتوا هتخافوا عليهم ومستحيل تبصولهم انما سيادتك عايزني اجيب واحد من برا واقوله مثل انك هتتجوز الانسة ديه وساعدنا اننا نجمعها بحبيبها المسطول اللي مبيحسش وافترض بقى خلال التمثيليلة ديه هو حبها وبدل ما تبقى كذبة تبقى حقيقة وسوري يعني فاللي هقوله آسيا وجميلة قمرات يعني العين عليهم وفيهم الطمع افرض بقى نطت في دماغه وخطفها واجبرها على الجواز منه او خطفها وعمل حاجة فيها ساعتها هتكون مرتاح
يزن: معاكي حق بس بجد انا فاشل في التمثيل
حلا بغيظ: بس لو حبيت تمثل على حبيبتك انك بتحب واحدة تانية علشان تغيظها وتخليها تغير هتعمل كدة
يزن نظر لحلا: طب المطلوب ايه
حلا: تزود جرعة الحب والحنان شوية بس مش اكتر
مالك: اكتر من كدة ايه
حلا بغيظ: هو انا بقولك حب فيا ديه اختك يعني طبيعي لو حبيتها بزيادة مااالك متستفزنيش علشان انا مش طيقاك......وبعدين بلاش انت اللي تقول التمثيل صعب ده انت كنت مدورها ها كنت بتعملها ازاي خليني ساكتة علشان انا اعرف عنك بلاوي
مالك ابتسم: كان زمان حرمت خلاص والبركة فيكي ربتيني انا وحازم
حلا ضحكت: اومال عايزني نبقى خارجين شلة وواحد منكوا عمال يبصبص ويعاكس طب على الاقل احترموا نفسكوا يعني مش هقولك اللي قاعدين معاكوا واخيرا جت اللي تطلع عنيكوا حبيتوا ووقعتوا في الحب
مالك ضحك: دعواتك المستجابة
حلا: علشان تعرف بس اللي هيفكر يجي عليا مش هيكسب ابدا.....آسيا جميلة روحوا هتولنا حاجة نشربها
آسيا: ماشي رقية مايا روما تعالوا معانا
حلا: خدوا البنات وسيبوا مايا عايزاها
مايا بخوف: لا هنبقى نتكلم بعدين هروح اساعدهم
جميلة بقلق: اه يا حلا خلي مايا تيجي انا عايزاها في موضوع مهم
حلا: الموضوع اللي انتي عايزاها فيه يتأجل انا عايزاها في موضوع اهم
آسيا: لا ميتأجلش ح.......
حلا بنرفزة: آسياااااا انا قولت كلمة ومش هكررها تاني اعملوا اللي انا قولت عليه بدل ما اتربق البيت ده فوقيكم انتي عارفة لما بكون على اخري بتصرف ازاي بلاش معارضة ونفذوا اللي قولت عليه
آسيا وجميلة خضعوا لكلام حلا واخذوا البنات ودخلوا المطبخ
حلا بهدوء: ممكن افهم مين طلب منك تفتحي الموضوع معاهم وتقولي ان يزن هو اخو آسيا ومالك وجميلة كمان اخوات
مايا بخوف: هو انا نسيت الموضوع اساسا وديه كانت ذلة لسان مش اكتر
حلا بغيظ: نسيتي امممم مايا انتي عارفة كان هيحصل فينا ايه من تحت راسك..... مايا مرة تانية متتكلميش في الموضوع لو سألوكي عن اي حاجة قوليلهم معرفش او قوليلهم حلا اللي تعرف دبسيني في الموضوع انا اللي بقولك دبسيني انا هعرف اتصرف معاهم ماشي وديه اول واخر مرة هتكلم بالذوق المرة اللي جاية هيبقى فيه تصرف ومأظنش هيعجبك تمام تقدري تروحي تشوفي البنات
مايا مشيت وذهبت للمطبخ وكانت هتموت من الرعب
فهد بإنزعاج: حلا ليه حرجتيها قدامنا وليه اتكلمتي معاها بالطريقة ديه
حلا: بقولك ايه ونبي لا تركنلي قلبك على جنب انت كمان وبعدين متقلقش انا عارفة انا عملت ايه ومايا مش هتضايق
يزن: اه صح انتوا ناويين تعملوا ايه
حلا: اولا بس انتوا كنتوا عايزني في ايه
مالك: نناقشك في مفاجأة للبنات في عيد الحب
حلا ابتسمت: يعني انتوا شباب وجايين تسألوني انا هتعملوا ايه ده بالناقص تيجوا بعد الجواز تقولولي هنعمل ايه مع زوجاتنا في عيد الحب والله هطردكوا او مش هفتحلكوا وهغير عنواني كمان
يزن ضحك: لا بعد الجواز محلولة متقلقيش وغمزلها
حلا ابتسمت: هو كل الرجالة واخدين دروس في قلة الادب وطالعين المركز الاول ولا انا عيبي اني بفهمكوا من نظرة
مالك ضحك: هما الاتنين في نفس الوقت بس ده مش عيب انك بتفهمي من نظرة بالعكس ده ذكاء وميزة كتير حلوة
حلا: ما انا عارفة هو انا مستنياك تقولي ما علينا اولا بس فيه حاجة لازم انتوا تعرفوها
يزن: ايه هي
حلا: هتتعبوا معايا شوية معلش بس في الاول والاخر علشان البنات يوم عيد الحب هتخرجوا مع حبيبتكوا يا اما بدري يعني قبل ما احنا نتقابل وبعدين تروحهم وتيجوا على المكان اللي هقوله ليكم او تيجوا معانا الاول ولما نخلص تبقوا تخرجوا معاهم زي ما انتوا عايزين
مالك بإستغراب: افهم يعني انتوا هتعوزونا في ايه
حلا: هنطور العلاقة وبدل خطوبة هتبقى كتب كتاب وعرض جواز
يزن تنح: حلا انتي بتهزري عايزاني اسيب خطيبتي في اول عيد حب لينا مع بعض علشان التمثيلية السخيفة ديه
حلا ضحكت: ومين قالك انك هتسيبها
يزن: ماهو لو انا خرجت معاها قبل اما نتجمع معاكوا هضطر اقطع خروجتنا واجيلكوا واكيد ده هيجرحها يعني انا معاكي آسيا اختي وانا مستعد اعمل اي حاجة علشانها وهي عارفة ده كويس بس كله إلا اليوم ده
حلا سكتت وكانت بتفكر
حلا بتفكير: طب انا عندي الحل لده
مالك ويزن معا: ايه هو
حلا: هتخرجوا معاهم قبل ما تتجمعوا معانا ولما يجي ميعاد التجمع هتخلوهم يروحوا بس بحجة انهم يظبطوا نفسهم لسهرة وانتوا تحجزوا فستان ليهم وتبعتوه بس في الوقت اللي البنات معاكوا فيه برا يكون الفستان في الطريق للبيت ولما يرجعوا يتفاجئوا بالفستان ويجهزوا نفسيهم وكدة كدة هيحتاجوا على الاقل ساعتين تلاتة على ما يجهزوا نكون احنا خلصنا وانتوا لو حابين احجزلكوا يخت او مطعم يعني الخيار ليكم
يزن بتفكير: فكرة كتير حلو
مالك: عجبتني فكرة اليخت اوي
حلا: خلاص هحجزلكوا يخت بس انتوا قولولي على اي ساعة هتروحوا
يزن: كدة ناقص مفاجأة الصبح اللي ما قبل الخروجة وبصراحة مش عارف اجيب هدية ايه
حلا بتفكير: الهدية انا بقول تجيب بوكس من اللي بيتفتحوا ده فيه شيكولاتة كتير وفي النص بوكيه ورد احمر ومعاه رسالة اظن ديه فكرة حلوة وممكن لو حابب تجيبلها زجاجة برفيوم وتحطه مع البوكيه والشيكولاتة في البوكس او اي حاجة انت حبيتها زي مثلا سلسلة او انسيال او خاتم يعني اللي انتوا شوفتوه وعجبكوا انا كدة حليت موضوع الهدية بأكتر من فكرة واكتر من هدية فيه حاجة تاني
يزن بإبتسامة وراحة: تمام شكرا يا حلا
حلا بإبتسامة واسعة: العفو انا دايما في الخدمة
مالك: والله منعرفش من غيرك كنا هنعمل ايه
حلا ضحكت: كنت هتفضل يومين مش عارف تنام وبتفكر في الهدية والمفاجأة وكيفية تقضيت اليوم معاهم وكنت هتبقى في حيرة كبيرة
مالك ضحك: والله معاكي حق
حلا: اومال الاصدقاء موجودين ليه
هنا اريان وادم كانوا نازلين فحلا رأتهم
حلا: تمام يا شباب يعني انتوا هتتقدموا لآسيا وجميلة وتطلبوهم للجواز في عيد الحب وكمان هتكتبوا كتابكوا بجد الفكرة عجبتني جدا خلاص متشيلوش هم وانا هظبطلكوا الدنيا. وغمزتلهم
يزن ومالك كانوا مستغربين ومش فاهمين حاجة
حلا: ادم....اريان انتوا جيتوا تعالوا اقعدوا معانا
ادم واريان اتجهوا ناحية حلا ويزن ومالك
ادم بإستغراب: كأني سمعت ان هيبقى فيه كتب كتاب
حلا ابتسمت: اه الشباب ناويين يفاجئوا جميلة وآسيا ويعرضوا عليهم الجواز في عيد الحب وهيكتبوا كتب كتابهم كمان
ادم واريان اتصدموا
اريان بصدمة: ده بجد
يزن بإبتسامة: اه يعني حبينا الفكرة وحلا هي اللي عرضت علينا كذا فكرة بس احنا عجبتنا الفكرة ديه
حلا: يلا يا سيدي عد الجمايل
ادم: بس انتوا مش ملاحظيين انكوا مستعجلين اوي
مالك ابتسم: طبعا مستعجلين وخصوصي انا يعني مين يشوف جميلة ويحبها وميستعجلش انها تكون ملكه هو وبس وبعدين ده يوم المُنى اللي جميلة هتبقى مراتي فيه وهتشيل اسمي
حلا: الله على الرومانسية
يزن ضحك: طبعا اومال انتي فاكرانا ايه وبعدين يعني يعتبر اننا مش مستعجلين يعني احنا نعرف بعض من الطفولة واحنا مش محتاجين فترة خطوبة يعني فترة الخطوبة ديه اتعملت للغرب مش لينا احنا فليه منستعجلش يعني وبعدين انا حابب اتجوز آسيا في اسرع وقت لاني مبقيتش قادر استحمل اكتر من كدة وعايز اخطفها من الدنيا كلها ومن الناس كلها
حلا: لا حيلك عليا هحسدكوا وربنا
جاسر: انا عاوز افهم يعني انتي يا حلا عرفتي يزن هنقول من الشغل انما مالك تعرفيه منين من الشغل برضه
حلا ابتسمت: معاك حق يا حبيبي يزن من الشغل واما مالك من ايام الجامعة لما كنت بدرس وبحضر ماچيستير اعمال بس كان هو وحازم مع بعض واتعرفت عليهم في وقت واحد
مالك: بس المقابلة مكنيتش حلوة خالص
يزن ضحك: مش لوحدك على فكرة وبعدين انت بتتكلم عن حلا وربنا لو راجل بصلها بس بص بس ليها تمسح بكرامته وكرامة اهله الارض ده حاجة غير بقى الضرب وغير التكسير اللي بيتكسره وغير وغير
حلا: يعني لو واحد بص لاختك هتسكت.....ده انت مش بعيد تقرقشه هو واهله بأسنانك
يزن: معاكي حق بس انتي اساسا مفيش حد يقدر عليكي لا راجل ولا ست.....الا انتي وجاسر تعرفوا بعض منين ولا لتكونوا بتحبوا بعض ومش قايلين
حلا وجاسر ضحكوا
حلا: لا انت كدة خيالك راح لبعيد وانا تعبت من كتر الاشاعات اللي طلعت عليا جاسر اخويا بُص من الاخر كدة ادم واريان وجاسر اخواتي وعندك مايا اختي وروما توأمي
مالك: بس فهد ولوئي وسمير وقصي بيعملوا ايه هنا
قصي ضحك: انا قولت انك نسيتني
مالك ابتسم: عيب عليك يا كينج انساك ازاي بس ده انت اخويا وصديقي وكل حاجة وانت عارف ده
حلا بإستغراب ودهشة: انتوا تعرفوا بعض
مالك: طبعا ده احنا عشرة ايام المدرسة
حلا لقصي: بجد بس مقولتليش يعني
قصي ضحك: وانا ايش عرفني انكوا تعرفوا بعض
حلا: مش ملاحظ انك تعرف معظم اللي اعرفهم انا بقيت خايفة منك
يزن: هو لو مش هبقى فضولي ممكن اعرف تعرفوا بعض منين
حلا ابتسمت: لوئي يعني عرفنا بعض من الشغل وبقينا اصدقاء واما سمير كنت بحميه قبل كدة في مهمة سرية ومن وقتها واحنا اصدقاء اما فهد معرفتي بيه كانت غريبة شوية والموضوع طويل وهبقى اقولك بعدين حاجة تاني
يزن: وقصي
حلا ابتسمت: مش ملاحظ انك فضولي زيادة عن اللزوم
يزن بخبث: اممم لانك مستحيل تكوني اتعرفتي عليه ايام الجامعة لانك حضرتي ودرستي برا مش هنا يعني هو درس برا وحضر الماچيستير قبلك فيا إما تعرفيه من الشغل يعني بتحميه او القصة ليها منعطف تاني
حلا: والله حاجة خاصة ومش لازم تعرف كل حاجة عني
مالك: ومين قالك اننا هنعرف منك احنا هنعرف من صديقنا واخونا...قصي ايه الحكاية. وغمزله
قصي ضحك: لا انا هسيب الموضوع لحلا هي اللي تقوله
مالك: حلا قولي يلا وخلي ليلتك تعدي
حلا رفعت احد حاجبيها: انت بتهددني على فكرة لا بتهز ولا بخاف وخد عندك كمان مش انا اللي تتهدد
فارس صفر وصقف: هي ديه حلا اللي اعرفها بصوا انتوا كدة فضلكوا شوية ويتمسح بكرامتكوا الارض
يزن: حلا يلا بقى
حلا: هتستفيد ايه لو عرفت
يزن: يعني لو مكونتوش بتحبوا بعض ممكن اجيبلك عريس
حلا بغيظ: امممم عارف طريق الباب ولا ادلك عليه
مالك: هو لسة موضوع العرسان بيستفزك
حلا: اوي حتى ممكن اقوم افتح دماغكوا انتوا الاتنين واروح فيكوا في داهية قال عرسان قال
جاسر: خلاصة الموضوع حلا وقصي عشرة عشر سنين مع العلم انهم حب طفولة من عشر سنين لحد انهاردة التفاصيل كتير وطويلة بس هي ديه علاقتهم ببعض حبيب وحبيبة وحلا حاليا في مهمة بتحميه
حلا نظرت لجاسر: انا وكلتك محامي علشان تتكلم عني وبعدين ديه حياتي وانا حرا اعرفهم ولا لا
مالك بإبتسامة: يعني طلعتي واقعة من عشر سنين ومحدش كشفك يا حلول
حلا: اه واقعة عندك اعتراض
يزن: لا بجد شكلكوا هتبقوا قدوتنا بقى عشر سنين حب ده ايه الجبروت ده ولسة لحد دلوقتي متجوزتوش
حلا: اهو سد دلوقتي عليهم هيطلبوا تفاصيل والموضوع كبير وطويل يعني اجلوها بعدين
مالك: لا مش هنعرف دلوقتي لاننا مستعجلين ورانا شغل بس هنتجمع في يوم وهنتكلم....يلا يا يزن
يزن بإستغراب: على فين
مالك نظر له بقوة وغيظ: عندنا ميعاد مع ناس مهمة يلا امشي قدامي وانا هفكرك
حلا ضحكت: معاكوا ربنا وخلوا بالكوا من نفسكوا
مالك ابتسم: انتي فهمتي
حلا ضحكت: اه الله يكون في عونكوا
مالك بإبتسامة: معانا ربنا ادعيلنا بس نرجع سالمين منهم..... يلا سلام.مالك كان هيمشي بس رجع تاني
مالك: اه صح حلا الخطوبة بعد يومين هتيجي يعني هتيجي وانت كمان يا قصي هتيجي انت والعيلة عارفة يا حلا لو مجيتيش هسلط عليكي البنات قصي لو هي مرضيتش تيجي هاتها من شعرها وتعالى يعني اجبرها بطريقتك بقى يلا سلام
حلا وقصي ضحكوا ومعا: حاضر....سلام
مالك ويزن مشيوا
ادم بغيظ: انتي ليه اقترحتي عليهم فكرة كتب الكتاب
حلا بإستغراب: وليه مأقترحش عليهم الفكرة يعني حتى الفكرة حلوة اوي يعني ان البنت تتجوز شخص بيحبها في يوم عيد الحب ديه فكرة حلوة اوي
جميلة والبنات دخلوا وسمعوا حلا
جميلة بسعادة: ايه ده مين اللي هيتجوز يوم عيد الحب يا حلول
حلا: اتنين زمايلي يعني انا اعرفهم بيحبوا بعض هيتجوزوا يوم عيد الحب
جميلة: الله بجد الفكرة حلوة اوي يعني كتب كتاب يوم عيد الحب الله فكرة حلوة اوي اوي ياريت تحصل معايا
آسيا: لا معلش انا واحدة حشارية سواء اعرف الاتنين دول ولا لا انا عايزة احضر كتب الكتاب عايزة اشوف الشاب هيتقدم ازاي للبنت بجد حاجة في قمة الرومانسية
حلا: نونو ممكن تيجي معايا لحظة عايزاكي في موضوع
فهد: ايه الموضوع ده
حلا نظرت لفهد وبغيظ: شئ ميخصكش
انجلي ضحكت وقامت مع حلا وطلعوا على غرفة حلا وحلا قفلت الباب
انجلي بقلق: فيه ايه يا حلول قلقتيني
حلا بإبتسامة واسعة: لا متقلقيش بس عايزة منك خدمة صغيرة قد كدة هو
انجلي ضحكت: اؤمري يا حبيبتي
حلا: بُصي عايزة منك.............
طلبت منها اللي هي عايزاه
انجلي بإبتسامة واسعة: بس انتي كدة هتضطري تيجي في نص الليل او بعد نص الليل علشان تنفذي اللي بتقولي عليه ده يعني مثلا من 12 نص الليل لحد قبل الصبح
حلا: بالظبط كدة
انجلي: انا معنديش مانع وموافقة اساعدك بس ايه لو حس علينا وصحي
حلا: لا ما انتي بقى هتحطيله منوم في اكله او الماية بس حاجة بسيطة مش كتير
انجلي ضحكت: خلاص ماشي هبقى اقول لشاهر على حوار المنوم ده وهشوف هيقولي ايه واستخدمه ازاي
حلا عانقت انجلي: بجد مش عارفة اشكرك ازاي لانك ريحتيني اوي
انجلي: بس يا هبلة اومال الاخوات لازمتهم ايه وبعدين انا اختك الكبيرة ولازم اساعدك واساندك في كل حاجة
حلا قبلتها من خدها وعانقتها: واحلى اخت في الدنيا كلها
انجلي ضحكت: بس مكنتش اتوقع انك هتعملي مفاجأة يعني مكنتش اتوقع تكون في وقت زي ده حتى فكرت انك ممكن متعمليش حاجة
حلا: لا ازاي هعديها كدة وبعدين انا بخطط ليوم زي ده من زمان بس يارب ميخربليش هو كل حاجة.وضحكت
انجلي ضحكت: انتي متأكدة ان شوية منوم صغيرين هيقدروا عليه
حلا: مش عارفة والله بس انا خايفة علشان صحته مش اكتر عموما قولي لشاهر وهو هيتصرف
انجلي: عادي لو حكيت المفاجأة لشاهر
حلا: ماشي بس شاهر بس مش عايزة حد تاني غيركوا يعرف ولو هتقولي لشاهر بلاش تقوليله في البيت كمان واحرصي ان هو بالذات ميعرفش
انجلي: تمام ماشي طب يلا ننزل للجماعة اللي تحت
حلا بإبتسامة: طب اسبقيني وانا هحصلك
انجلي بإبتسامة: ماشي يا حبيبتي
انجلي نزلت للعيلة وحلا اتصلت بشخص ما
حلا: السلام عليكم يا شاهر امان اخباره ايه دلوقتي
شاهر: وعليكم السلام لسة صاحي من شوية
حلا: عادي لو جيت اشوفه
شاهر: اه عادي
حلا: طيب ربع ساعة وهكون عندك سلام
شاهر: سلام
حلا اخذت مفاتيح سيارتها ونظارتها الشمسية وسلاحها ونزلت
حلا: عايزين مني حاجة هروح على المستشفى
قصي بقلق: ليه في حاجة انتي كويسة يعني
حلا ابتسمت: اهدى انا كويسة بس هروح اطمن على امان وهاجي يعني كلها ساعة مش هتأخر
قصي بإنزعاج: ضروري يعني تروحي تزوريه
حلا ضحكت: ليه حساك غيران منه
قصي: يعني كل خمس دقايق الاقيه بيتصل بيكي مش عايزاني اغير
حلا ضحكت: اساسا انت بتغير عليا من خيالي القصة مش قصة انه بيتصل بيا كل خمس دقايق
قصي: انا هاجي معاكي
حلا: لا خليك انا مش هتأخر
قصي: لا اساسا انا مش هاجي معاكي انتي انا هروح ازور مريض
حلا رفعت احد حاجبيها وبعدم اقتناع: والله قولتلي زيارة مريض وهو انت اساسا تعرف المريض ده
قصي: كفاية يا حبيبتي انتي تعرفيه مش لازم اعرفه انا كمان
فارس: انا هاجي معاكوا
لوئي: وانا كمان
حلا: ماشي مش هناهد معاك يا قصي بس انتوا كدة كل واحد هيطلع في سيارته او هتبقوا مع قصي في سيارته
قصي بإستغراب: وانتي
حلا: انا هروح بسيارتي بس هفوت على المركز الاول يلا اشوفكوا في المستشفى
حلا سبقت الشباب وانطلقت بسيارتها على المركز
فارس: قصي يعني انت ملقيتش غير امان اللي تغير منه
قصي بغيظ: والله الغيرة مش بإيدي
لوئي ضحك: احب اطمنك ان امان بيعتبر حلا اخته وصديقته مش اكتر ومستحيل يبصلها بالعكس فيه اوقات بيقف في وش اللي يحاول يئذيها او يضايقها فمأظنش ان فيه سبب يخليك تغير منه وهو لما بيتصل بحلا بيتصل بيها علشان الشغل او مثلا ممكن تكون تعبانة او عاملة حادثة او متصابة فبيطمن عليها مش اكتر
فارس: اه يا قصي وصدقني انت اما هتقابله هتحبه يعني امان شخص ظريف ودمه خفيف وحبوب والله هتحبه وهتشوف بنفسك تعامله مع حلا ونظراته ليها بنفسك لما نروح يلا خلونا نروح علشان منتأخرش انا هركب مع قصي
لوئي: وانا كمان بس قصي اوعى تروح تضرب الواد ولا حاجة علشان انا عارفك يعني حاول تتعرف عليه اولا ومن ثم احكم عليه
قصي: ماشي اما نشوف اخرتها يلا
الشباب ذهبوا للمستشفى واخذه ورد لامان معاهم ودخلوا وكان لوئي اول واحد هو اللي طرق الباب ومن ثم دخل بعد ان اتاه إذن الدخول
لوئي بإبتسامة واسعة: حمد الله على السلامة يا شمبنزي المركز كدة تخضنا عليك
امان ضحك: شكرا يا وحش العصابات
فارس بمرح: ما انت زي القرد اهو اومال خطف وعصابات انت بتهزر معانا يا عم انت ولا ايه ولا لتكون بتمثل علينا
امان ضحك: والله لولا حلا كان زماني ميت دلوقتي
قصي: حمد الله على السلامة يا امان
امان: الله يسلمك بس مين حضرتك
لوئي بإبتسامة: حضرته بيكون رجل الاعمال قصي احمد الشناوي اللي حلا ماسكة مهمته وبيكون اخويا
امان بسعادة: بتهزر بجد استاذ قصي اخوك
لوئي: اه انت مش شايف الشبه ولا ايه
امان رفع احد حاجبيه: هتفشر يا عم لوئي ولا ايه ده شكله احلى منك انت اساسا ملكش وجود جنبه اساسا
قصي ضحك: لا انت بتبالغ مش للدرجادي
امان بمرح: لا والله البنات ليهم حق يقعوا في حبك من النظرة الاولى يعني انا يا راجل شوية وهقع في حبك
فارس ضحك وبمرح: خلاص يلا توكلنا على الله تحبوا نبل الشربات اولا ولا نخليها كتب كتاب على طول
الكل ضحك
قصي: ده انت فعلا دمك خفيف يا امان
لوئي: لا وخده صديق ليك وامنه على سرك بُص مش هيخلي حد ميعرفهوش السر ده
امان وقصي ضحكوا
امان: لا انت عارف لو حد جاب اول الخيط انا بقع بلساني
فارس: يا راجل ده انت بتجيبله الموضوع من طق طق لسلام عليكم بالتفصيل ديه حلا هتتنقط منك
امان: لحظة واحدة بس استاذ قصي انت متأكد ان حلا موقعتش في حبك
قصي ضحك: طب اولا بلاش رسميات وخليها قصي ثانيا ليه بتسأل
امان ابتسم: اصل ازاي موقعتش في حبك وانت مز كدة
الكل ضحك
فارس: لو حلا سمعتك هتعمل منك فراخ بُفتيك
امان بإستغراب: اللحمة هي اللي فيه منها بُفتيك بس فراخ بُفتيك ديه اول مرة اسمع بيها
فارس: لا ديه من اختراعي متاخدش في بالك انت
لوئي: مش ناوي تتجوز بقى يا امان
امان: انت هتعمل زي حلا ولا ايه انا حر مش عايز اتجوز دلوقتي عايزين تخلصوا مني
فارس: بصراحة اه
امان رفع احد حاجبيه وبغيظ: ليه قاعد على قلبكوا وكاتم على نفسكوا
لوئي: اوي اوي حتى اسأل حلا
امان: تؤ حلا بتعزني وبتعتبرني اخوها مستحيل تكون عايزة تخلص مني ومش بالسهولة ديه.....الا صح فين حلا هي مجتش معاكوا
قصي: حلا........
هنا الباب اتفتح ودخلت حلا من غير استئذان
حلا بإبتسامة واسعة ومرح: انا جيييييت.....ليه حاسة ان اسمي اتذكر قبل اما ادخل
امان: الحسة السادسة عندك قوية اوي
حلا: اممم عيب ياسطا اومال انا انقذتك ازاي اتفضل ويارب يعجبوك
امان: متوقعتش انك تجيبي ورد قولت هتدخلي عليا وعلى وشك غضب الله وفي ايديك مسدس او شومة او سكينة مثلا
حلا ضحكت: لا لو ناوية اتخلى عنك مكنتش انقذتك وبعدين ذنب مراتك المستقبلية ايه
امان: اللي يسمعك بتقولي كدة يقول اني مرتبط او بحب
حلا: مصيرك هتحب وتتجوز عموما رجليك عاملة ايه دلوقتي
امان: الحمد لله احسن
حلا: طب وريني كدة
حلا بدأت تفحص رجله امان كان واخد رصاصة في دراعه اليسار ورجليه اليمين واخد فيها رصاصة ومجزوعة فحلا حركت رجليه براحة علشان تشوف الجرح
امان بوجع: اااه
حلا نظرت له بإستغراب: في ايه مالك
امان: رجلي يا مفترية
حلا: انا مفترية تصدق انا متربيتش علشان انقذتك ولم لسانك بدل ما اوريك الافترى على حق وحقيقي
امان: لا خلاص قلبك ابيض يخرب اللي يزعلك
حلا: المهم قولي انت فاكر اللي حصل معاك ولا يعني اتخطفت ازاي او ايه اللي حصل او مين اللي خطفوك
امان: هو بصراحة ناس تبع عصابة مهمة قصي وانا روحت علشان اعرف معلومات او اعرف اجيب معلومات منهم
حلا ظلت تنظر له دون رد فعل
امان بخوف: حلا انا بقول تهدي بس لاننا في مستشفى
حلا بنرفزة: انا جيت طلبت منك حاجة زي كدة ليه دايما بتخطط مع نفسك وتنفذ من غير ما تقولي افرض حصلك حاجة
امان: بس محصليش
حلا ضربت بقوة على رجليه المصابة وبعصبية: لا ماهو باين انك محصلكش حاجة
امان بوجع: اااااه يعني انا كنت عايز اساعدك ده جزاتي
حلا بغضب: انت تنقطني بسكاتك ناوي تساعدني ولا تعرض حياتك للخطر انت متخلف انا لو عايزة معلومات هاجي واقولك او هتصرف انا واجيبها ليه بتحاول تعمل فيها المفتش كرومبو وبعدين انت متعرفش خطورة الموقف ولا خطورة العصابة ديه انت ناوي تجلطني
امان: بجد بس انتي لحد دلوقتي متعرفيش امتى المهمة هتتنفذ
حلا: لا عارفة وقدرت اجيب كل المعلومات اللي انا محتاجاها وعندي ادلة كمان بس ممكن انت متحاولش تتذاكى وتتفلسف فيها وتحاول تجيبلي معلومات مفهوم
امان: ماشي بس هبقى معاكي يوم التنفيذ علشان العصابة ديه خطيرة جدا واساسا بيكرهوا اسمك قبل منك
حلا ضحكت: مفيش عصابة مبتكرهنيش بس لا انا مش هاخدك معايا انت هترتاح على الاقل لمدة شهر او شهر ونص علشان دراعك ورجليك واياك تفكر تنزل المركز وانت تعبان المهم قولي فيه مهمات عندك الفترة ديه
امان: لا مخلص كله وكنت فاضي علشان مهمتك ومفيش لا انا هاجي معاكي يوم التنفيذ
حلا: ايه رأيكوا اخد المركز كله معايا بالمرة
فارس: والله ده اللي عندنا وهنيجي يعني هنيجي
حلا بنرفزة: استغفر الله العظيم متخلونيش اتجنن واطلع جناني وعفاريتي عليكوا دلوقتي ماشي واهمدوا واسكتوا بقى ولما يبقى يجي يوم التنفيذ يبقى ربنا يحلها يمكن نموت قبليها
لوئي: الله على كمية التفاؤل
حلا: ونبي لا تنقطني بسكاتك انت التاني الا مقولتليش مش حابب انت كمان تيجي معايا يوم التنفيذ
لوئي: كان نفسي بس عندي شغل كتير وخصوصي بعد عيد الحب
حلا: ده اللي ناقص
امان: بنتخانق على مهمتك يا قصي عقبال اما نتخانق عليك
حلا بإستغراب: قصدك ايه
امان: اصل قصي مز اوي وكنت بقوله البنات ليهم حق انهم يقعوا في حبه
حلا بغيظ: لا والله......انا بقول تخلي رأيك لنفسك
امان: مش ناوية تتجوزي وتستقري اسمعي مني قصي مش هتلاقي منه اتجوزوا بسرعة قبل ما اعدائك الحبايب اللي انتي عارفاهم يدخلوا
حلا ضحكت: اخلص بس من المهمة وبعدين اشوف موضوع الجواز ده
امان بإستغراب وصدمة: لحظة واحدة فيه حاجة بينكوا وانتي مخبياها عني
حلا: معرفش بس متحاولش مش هقولك اي حاجة غير لما اخلص المهمة وانت عارف ليه علشان لسانك اللي بيقع بالكلام ها
امان: لا انا مش هقدر استنى لحد اما المهمة تخلص والله ممكن انجلط من الفضول
حلا: حلو خليك كدة
امان: طب قوليلي بتحبوا بعض ولا
حلا بإستفزاز: بصراحة متنرفزة منك وعلى اخري منك ومليش مزاج اجاوبك على اي سؤال وعموما حاول تشقطلك اي بنت كدة ولا كدة علشان عيد الحب قرب ناوي تقضيها لوحدك
امان: مفيش احلى من العزوبية اروح اشقط واحدة تفضل تتخانق معايا وغيرة بقى وحاجة اخر وجع دماغ يعني
حلا: اما نشوف لما تحب هتقول نفس الكلام ده ولا لا عموما انا لازم اروح واه صح انا كلمت شاهر وقولتله يخرجك بكرة بدل انهاردة هتصل بهند اختك وهخليها تيجي تجبلك هدومك وتاخدك على البيت وانا هاجي بكرة اوصلك على البيت بنفسي لاني معنديش ثقة فيك
امان ضحك: ماشي بس ياريت تجيبي قصي معاكي
قصي ابتسم: من غير ما تقول كنت هاجي
حلا: شايفة انكوا اتفقتوا يعني
قصي: اها وبقينا اصحاب كمان ايه عندك اعتراض ولا حاجة
حلا: لا وهعترض ليه يلا يا امان عايز مني حاجة
امان: عايز سلامتك وخلي بالك من نفسك وخدي دواكي في معاده لو سمحتي علشان انا عارفك كويس
حلا: حاضر وانت كمان خلي بالك من نفسك يلا سلام
الشباب: سلام يا امان
امان: سلام
حلا والشباب خرجوا من الغرفة لوئي وفارس قدام وحلا وقصي مع بعض بس وراهم
قصي: بس امان طلع ظريف وكيوت
حلا: بتقول كدة علشان تداري غيرتك ولا بجد ومن قلبك الكلام ده
قصي: مش على اساس بتفهميني من غير ما اتكلم
حلا: اه بس فيه اوق........اااه
حلا كانت تمشي وهي تتكلم فجأة كاحلها التوى فمالت بظهرها للخلف وكانت هتقع فقصي مسكها بسرعة يد على خصرها واليد الاخرى مسكها من دراعها وكان شكلهم رومانسي جدا والمسافة بينهم تكاد تكون منعدمة قصي سرح في عيون حلا وحلا سرحت في عيون قصي وبعد بضع دقائق استيقظوا من شرودهم ووعوا انهم في مستشفى وبعدوا عن بعض بسرعة
قصي: رجليكي وجعاكي ولا حاجة
حلا: لا انا كويسة
كملوا مشيوا
قصي: انتي كنتي ناوية تقولي ايه
حلا بتوهان وتوتر: ها انا بصراحة نسيت كنت هقول ايه
قصي ابتسم: كنت بقولك انتي مش على اساس انك بتفهميني من غير ما اتكلم
حلا بتذكر: ااه بس انت فيه اوقات بتبقى غامض فمبقاش عارفة ايه اللي بيدور في راسك
قصي ضحك وبخبث: فديه معاكي حق بس لو حابة ممكن اقولك ايه اللي بيدور في راسي دلوقتي
حلا بسرعة: لا شكرا انا عارفة ايه اللي انت بتفكر فيه
قصي: بجد طب بفكر في ايه
حلا: على الاغلب في يوم فرحنا او بمعنى اصح اللي هيحصل بعد الفرح ومش بعيد تكون بتقول لنفسك امتى هبقى ملكك وشايلة اسمك وممكن تكون بتخطط هتسمي ولادنا ايه مستقبليا
قصي بدهشة وإعجاب: انتي عرفتي منين يعني حتى انتي مبصيتيش في عيني وقرأتي افكاري يعني عرفتي ازاي
حلا بإبتسامة: انا مش محتاجة عيون علشان اقرأ افكارك قصي
قصي بإستغراب: اومال محتاجة ايه
حلا بحب: اولا انا فهماك وحفظاك كويس اوي ثانيا انا بشوفك بقلبي قبل عيني يعني بحس بيك فانا مش محتاجة عيوني علشان اقرأ افكارك واعرف انت بتفكر في ايه انا بحس بيك قبل اي حاجة
كانوا يقفوا ينتظرون الاصانصير قصي اتصدم من ردها لانه مكنش متوقعه فجأة الاصانصير اتفتح والكل دخل حلا قدمت خطوة وحسيت ان قصي مش موجود اساسا فالتفت ونظرت له ثم ابتسمت وبعدين مسكته من يده وجذبته ودخلوا الاصانصير ولما دخلوا تركت يده وقصي سرح في حلا وشعر شعور غريب لما حلا لمست يده فضل كدة بضع ثواني حلا من غير ما تلتف ليه وتنظر ليه اقتربت منه بهدوء وهمست بصوت واطي
حلا: انا بقول تبص في ناحية تانية علشان مش حلوة لاننا في مكان عام
قصي استيقظ من شروده ونظر قدامه وابتسم وحلا ابتسمت
قصي وهو ينظر قدامه: ربنا يسامحك على اللي بتخليني امر بيه واحس بيه
حلا ابتسمت بخجل وبعدين خرجوا وحلا ركبت سيارتها وقصي والشباب ركبوا سيارة قصي وانطلقوا على البيت وقصي طلب من حلا تمشي قدامهم وهي خضعت لكلامه ونفذته ووصلوا للبيت مع بعض ودخلوا على العيلة
مايا: اهي حلا وصلت وهي اللي هتقولي البس ايه يا حلول ازرق ولا اسود
حلا بإستغراب وعدم فهم: هو ايه
مايا: الفستان علشان خطوبة آسيا وجميلة
حلا: اااه انا بقول الازرق هيبقى حلو اوي
مايا: اوكي يبقى الازرق
حلا: باقي البنات هتلبسوا ايه
رقية: انا هلبس سيمون في اسود
آسيا: انا وجميلة هنلبس بترولي في اسود
روما: وانا بفكر البس اخضر غامق في اسود
مايا: وانا هيبقى ازرق في اسود او في ابيض او رمادي يعني لسة مشوفتش
حلا: وانتي يا نونو
انجلي: هلبس كشمير على ما اعتقد
حلا بإبتسامة وخبث: حلو بس ليه محدش لابس درجات الاحمر ايه مأجلينها لعيد الحب
جميلة: انتي هتلبسي ايه يا حلول
حلا: لا لسة معرفش سيبيها ليوميها
آسيا بمرح وابتسامة: بس انا حاسة ومتأكدة انك هتلبسي لون مختلف وهتبقى مختلفة ومميزة عن الكل
حلا بثقة: انا من يوم يومي مميزة عن الكل يا بنتي بس انتوا اللي عُمي مبتشوفوش
روما بمرح: احبك وانت واثق في نفسك
حلا: روحي حبي واحد بدل ما تحبي فيا انا على الاقل تتجوزي وارتاح منك
روما بغيظ: يا بنتي هو انا قاعدة على قلبك
حلا: بصراحة اه
مايا: حلو هنفضل قاعدين على قلبك كدة وكاتمين على نفسك
حلا ضحكت: محدش يقدر يكتم على نفسي
انا هروح احضر الغدا واجي
عفاف: لا انتي ارتاحي وانا هقوم اعمله
حلا: فوفا اسمعي الكلام واقعدي مع جوزك تلاقيكي وحشاه اوي يعني حرام عليكي يعني يهون عليكي ميدو حبيب قلبك
عفاف مسكت مخدة وحدفت حلا بيها بس حلا مسكتها
عفاف: هو انتي سواء تعبانة او مش تعبانة مبتهمديش ولا بتسكتي
حلا: كدة ظلماني كدة انا من ساعة ما مسكت مهمة قصي وانا متكلمتش خالص ظلماني والله انا هروح المطبخ وانتي خليكي هنا عن اذنكوا
حلا ذهبت للمطبخ ووقفت تحضر الغدا وخلصته وندهت للبنات علشان يساعدوها في وضع الاطباق على السفرة وبعدين قعدوا يتغدوا وخلصوا وقعدوا مع بعض والبنات ذهبوا يحضروا عصير وحلا وقفت في الحديقة علشان جالها تليفون
عفاف: هي حلا فين
قصي: في الحديقة معاها تليفون ليه عايزاها في حاجة
عفاف: كنت عايزة اديها الدوا ده علشان السخونية
قصي: طب هاتي انا هديهولها وارتاحي انتي
عفاف ابتسمت واعطته الدوا
محمد: اديها الدوا بس متعملش حاجة تانية ها
قصي ضحك: حاضر
قصي ذهب لحلا وكانت مازالت تتحدث بالهاتف حلا نظرت له بإستغراب قصي مد ايده ووضعها على جبهتها ووجنتها ليقيس حرارتها وكانت مرتفعة شوية
حلا: ماشي يا فادي شكرا سلام
حلا خلصت التليفون وحطيته في جيبها وعقدت ذراعيها امام صدرها
حلا: ايه بتراقبني ولا ايه
قصي ضحك: وهراقبك ليه خدي الدوا ده علشان حرارتك مرتفعة شوية
حلا ابتسمت واخذت الدوا
قصي: ممكن بقى تريحي نفسك شوية
حلا: هعمل ايه الشغل مبيخلصش يعني انا واخدة يومين كدة ومن بكرة هنزل المركز تاني
قصي بخبث: طب ما انا عندي حل احسن بدل ما تنزلي المركز تعالي الشركة
حلا ابتسمت: وهعمل ايه في الشركة بقى
قصي: هتعملي ايه في ايه مش انتي سكيرتيرتي
حلا ضحكت: بس لو انا جيت فانت مش هتشتغل نهائي وانت عارف الباقي وبعدين مينفعش عندي شغل مهم هو جاسر في البيت ولا راح لمهمته لحسن ده مسطول وممكن ينسى والله
قصي ضحك: هو فعلا كان ناسي بس لوئي فكره وهو مشي من حوالي ساعة الا يعني انتي دخلتي رديتي على المكالمة وهو مشي في نفس اللحظة
حلا: طيب خلينا ندخل علشان الجو برد وانت مش لابس جاكيت
قصي بغيظ: ده على اساس انتي اللي لابسة وبعدين الجو هنا رومانسي خلينا واقفين شوية قدام البحر
حلا ابتسمت: ماهو علشان هو رومانسي بالذات فمينفعش انا وانت نقف ولوحدنا علشان شوشو
قصي ضحك: لو اقولك عن كمية الافكار اللي جت على بالي انهاردة وانتي نايمة في حضني مأظنش انك ممكن تقبلي تقابليني تاني
حلا ضحكت: لا خلاص متقولش انا فهمتك
قصي: حلا هو قد ايه نسبة خطورة المهمة ديه
حلا بإستغراب: عن انهي مهمة بتتكلم
قصي: مهمتي
حلا بقلق وتوتر: وليه بتسأل
قصي: متجاوبيش سؤالي بسؤال جاوبيني الاول على سؤالي
حلا بتوتر: يعني مش خطيرة اوي
قصي: ولما هي مش خطيرة اوي ليه اتنرفزتي على امان لما حاول يجيبلك معلومات بس اللي كان باين انه كان هيخسر حياته.....حلا متكدبيش عليا وقوليلي الحقيقة
حلا: هو تحقيق معايا ولا ايه وبعدين انت سألتني وانا جاوبتك قبل كدة
قصي بنفاذ صبر: حلا قولي الحقيقة ومتكدبيش عليا
حلا: بس انا مقدرش اقولك لان ده شغل حساس وانت عارف وبعدين كدة كدة انت مش هتستفيد حاجة لو عرفت بس ممكن اطمنك واقولك بإذن الله هبقى كويسة تمام ممكن بقى تهدى وتبطل القلق والخوف ده
قصي بعدم إقتناع: مش عارف ليه قلقان ومش مطمن وعارف ومتأكد انك بتخبي عني حاجة بس مش عايزة تقوليلهالي
حلا: قصي وبعدين بقى قولتلك اطمن الموضوع مش خطير اوي
قصي: نفسي اصدقك واقتنع بكلامك بس مش عارف
حلا: طب خلينا ندخل جوا يلا علشان متبردش
قصي خضع لكلامها ودخلوا وبعد شوية كل واحد رجع بيته
__________________________________
قبل يوم الخطوبة حلا قابلت ميرنا ويارا وهما طلعوا اصدقاء من ايام الجامعة واتكلمت معاهم بخصوص التمثيلية ووافقوا وقدروا الموضوع
ميرنا بإبتسامة: لو احتاجتوا مساعدتنا في اي حاجة احنا موافقين
يارا: اه يا حلا واكيد مش هنسكت غير لما نخلي الاصنام اللي عندك تتحرك وحتى ممكن اخليهم يغيروا عليهم اوي بالكلام بكرة والشغلانة ديه شغلنتي
حلا ضحكت: اه انا عارفاكي بتحبي تحطي البنزين على النار علشان تزيد
يارا ضحكت: بالظبط كدة وبعدين في امور الحب بالذات لازم تطرقي على الحديد وهو سخن يا روحي هو انا اللي هعلمك ولا ايه ده انتي خبيرة ومعلمة ودكتورة الحب
حلا: طيب ياختي اما نشوف اخرتها مع الاصنام ايه الا قوليلي قابلتوا يزن ومالك ازاي وحبيتهم امتى وفين
وقعدوا يناقشوا في قصة حبهم مع الشباب وبعدين حلا ذهبت على المركز علشان كان فيه شغل مستعجل ومهم
__________________________________
يوم الخطوبة على العصر كدة في بيت حلا البنات كلهم كانوا متجمعين وفي بيت قصي الشباب كانوا متجمعين
عند البنات كانوا يجلسون يضعوا ماسكات ماعدا حلا
رقية: حلول تعالي اعملي معانا ماسكات
حلا: لا لاني لما بعمل ماسكات وشي بيفضل طول اليوم احمر كأني حاطة كيلو احمر خدود في وشي وبعدين مبحبش اعمل ماسكات واخرج من البيت
انجلي: هي حلا حلوة من غير حاجة وبعدين لو عملت ماسكات هتبقى اجمل وكدة العين هتبقى عليها وقصي ممكن يرتكب جرايم مش جريمة واحدة
حلا ضحكت: في ديه معاكي حق
هنا تليفون حلا رن
روما بخبث: ايه حبيب القلب بيتصل
حلا: لا ده فادي من المركز ربنا يستر ميكنش فيه مصيبة هروح اشوف في ايه
حلا ذهبت وردت
حلا: الو ايه يا فادي خير
فادي: هو مش خير بصراحة ممكن تيجي على المركز ضروري
حلا تنهدت: حاضر يلا اقل من عشر دقايق هكون عندك سلام
حلا قفلت وذهبت للبنات
مايا: ايه طمنيني
حلا: لازم اروح على المركز ضروري
رقية: والخطوبة واريان وادم
حلا: بُصوا معرفش بس لو رجعت وكان فيه وقت هاجي
هنا تليفون حلا رن مرة تانية
مايا: ده فادي
حلا: لا قصي انا مش هجيبله سيرة بخصوص المركز وانتوا محدش يقوله حاجة
مايا: بس لو سأل عنك في الفرح نقوله ايه
حلا: قوليله هتتأخر شوية انا هرد عليه وهخرج ماشي خلوا بالكوا من نفسكوا يلا سلام
حلا اخذت اغراضها وردت على قصي وركبت سيارتها وانطلقت للمركز
حلا: السلام عليكم
قصي: وعليكم السلام ايه الاخبار عندكوا
حلا: البنات بيعملوا ماسكات وحاجات انت مش هتفهمها
قصي ضحك: طب وانتي بتعملي ايه
حلا بتوتر: انا خرجت علشان اجيب هدية ليارا خطيبة يزن وميرنا خطيبة مالك
قصي: ليه مش هتعملي ماسكات معاهم
حلا: ليه انت شايفني محتاجة
قصي: بصراحة انتي مش ناقصك غير حاجة واحدة بس تشيلي اسمي وكدة هتبقي كاملة مكملة
حلا ضحكت: في ديه معاك حق بس انا مبحبش اعمل ماسكات في يوم انا هخرج فيه
قصي: ليه بقى
حلا: لان وشي بيبقى احمر اوي واساسا انا مش ناقصة فمبعملش ماسكات يعني يوم اما اعمل هكون مقيمة في البيت مأخرجش لمدة يوم او يومين
قصي ضحك: طب انا عايز اشوفك لما تعملي ماسك
حلا: ده انت بتشوفني في العادي وبتمسك نفسك بالعافية وفيه اوقات مبتقدرش تسيطر لا على مشاعرك ولا نظاراتك عايز تشوفني بعد اما اعمل ماسك علشان ساعتها بقى حليني لو سيبتني في حالي واظن انك فهمت
قصي ضحك: معاكي حق....هو انتي بتسوقي
حلا: اه بس عرفت منين
قصي: حسيت....عموما انا هقفل علشان تركزي في سواقتك بس ابقي طمنيني عليكي يلا سلام
حلا ابتسمت: حاضر سلام
حلا قفلت معه ووصلت للمركز وكان فيه مصايب وبلاوي زرقة ومهمات جت فجأة كدة وحلا مكنيتش عاملة حساب يعني مهمات زمايل ليها بس هما متصابين فاضطريت تمسك المهمات وتنفذها
__________________________________
في بيت الشباب
ادم: انا بفكر مروحش
اريان: وانا كمان
فهد: مينفعش لان البنات والشباب عزموكوا مش حلوة في حقكوا ولا في حق حلا مينفعش وبعدين ايه السبب اللي يمنعكوا من انكوا تروحوا لهناك يعني هما مش هيخطبوا حبيبتكوا مثلا علشان متروحوش
قصي: فهد معاه حق
لوئي: انا كنت بفكر نعدي على البنات ناخدهم بدل ما احنا نروح لوحدينا والبنات لوحدهم
سمير: انا قولت لانجلي كدة قالتلي لا وقالتلي انهم لما يخرجوا من البيت هتبعتلي مسدج وساعتها نخرج احنا كمان
فهد: ايه الرخامة ديه فيها ايه لو روحنا واخدناهم معانا
ادم بإبتسامة: فيها ان كدة كدة مايا وروما مش هيطلعوا معاكوا في عربيتكم لاننا موجودين
لوئي: اشمعنا بقى طب ماهي حلا بتطلع مع قصي
قصي: ومين قالك انها هتطلع معايا في عربيتي ونبي انا لو ركعت على رجلي وطلبت منها تركب معايا مش هتوافق حتى لو الشباب وافقوا
اريان: يعني حاولوا تسيطروا على نفسكوا شوية لحد اما تتجوزوهم وبعدين اعملوا اللي انتوا عايزينه
لوئي: بس انتوا عرفتوا منين اننا عايزين نروح علشان مايا وروما
جاسر هنا دخل عليهم
جاسر بتعب: السلام عليكم
الكل: وعليكم السلام
لوئي: ايه الاخبار
جاسر: زفت المركز مقلوب لان فيه مصايب وغير كدة فيه مهمة كان مشترك فيها كذا ظابط رتبة واتصابوا وحالتهم خطيرة وحلا بقالها يومين في المركز بتحل المصايب ديه لسة مروحة انهاردة البيت وعرفت قبل ما اخرج من المركز فيه مهمة كبيرة ومش لاقيين مين ينفذها وخصوصي اني مفيش حد هيقبل يمسك مهمة في اخر ساعة وينفذها
فارس نظر في ساعته: شباب الساعة 7 انا بقول نقوم نحضر نفسنا
لوئي بتفكير: فارس....تفتكر حلا في البيت ولا المركز
فارس بإستغراب: اكيد في البيت يعني هتعمل في المركز ايه دلوقتي
لوئي: دايما لما بيكون فيه مهمات زي كدة بيتصلوا بحلا لانها اللي بتقدر تسيطر على الوضع وتنقذ الناس اللي حياتها معرضة للخطر وده طبعا لانها ذكية وبتخطط كويس يعني بصراحة انا اتصلت بيها من نص ساعة كدة علشان اكلمها واقولها اننا نعدي عليهم لاقيت تليفونها مغلق
فارس بتفكير: غريبة حلا مبتقفلش تليفونها غير اذا كانت في مهمة
قصي: بس انا مكلمها من حوالي ساعتين ومكنيتش في المركز
جاسر: طب هي قالتلك هي فين او انت سألتها
قصي: اه سألتها قالتلي انها رايحة تجيب هدية للبنات
اريان بإستغراب: ازاي اما هي والبنات نزلوا امبارح علشان الهدايا ولان كان فيه حاجات ناقصة البنات علشان الفرح يعني مايا اتصلت بحلا لما كانت في المركز وحلا وافقت انها تروح معاهم وحتى بالامارة قالتلهم هبقى معاكوا ساعة واحدة مش اكتر والمكالمة انا سمعتها لانهم كانوا فاتحين الاسبيكر وبيكلموها
قصي بتفكير: طب اذا كان كلامك صح ليه كدبت عليا
فارس بتفكير: يبقى هما طلبوها من المركز ومرضيتش تقولك علشان متقلقكش
جاسر: تليفونها لسة مقفول يبقى هي كدة في المركز
ادم: فيه حل واحد نتأكد منه اذا كانت في البيت ولا في المركز
الكل: ايه هو
ادم: هتصل بمايا واسألها هفتح الاسبيكر علشان الكل يبقى سامع بس محدش يتكلم
ادم اتصل بمايا
: الو ايه يا ادم بتتصل دلوقتي ليه
ادم: روما بتردي ليه على تليفون مايا
روما: لانها في الحمام فيه حاجة
ادم: ابدا بس كنت عايز حلا اديهاني
روما بتوتر: طب ما تتصل على تليفون حلا
ادم: اكيد لو تليفونها مش مقفول ومفتوح مكنتيش هتصل بمايا اديني حلا
روما بتوتر: هو..... بصراحة..... حلا مش في البيت
ادم بإستغراب: اومال فين وليه تليفونها مقفول
روما: ادم هقولك بس اوعدني متجيبش سيرة لقصي لان حلا نبهتنا اننا منقولوش لانه هيقلق عليها
ادم نظر لقصي بإستغراب وقصي كمان قلق على حلا
ادم: ماشي بس انجزي وقولي لانك قلقتيني
روما: اتصلوا بحلا من المركز وطلبوا منها انها تنزل ضروري ومعرفش بصراحة فيه ايه لانها مقاليتش وممكن تكون قافلة تليفونها علشان محدش يزعجها وتقدر تركز في الشغل وتخلص وتيجي على الفرح وممكن يكون فاصل شحن منها
ادم: طيب لو عرفتي اي حاجة عنها طمنيني ولو كلمتكوا خليها تكلمني
روما: حاضر
ادم: سلام
ادم قفل مع روما والتف للشباب
اريان: هي كدة مش هتروح الفرح
فارس: وممكن تيجي في اخر الوقت او في نص الفرح لانها متقدرش تزعل آسيا وجميلة لانها عارفة انها لو مراحتش هما هيدايقوا
ادم: خلونا نقوم نحضر نفسنا وزي ما تيجي تيجي
قصي كان قلقان
فارس: متقلقش عليها حلا قوية وقد نفسها وعارفة هي بتعمل ايه كويس
قصي بخوف وقلق: خايف لحسن يحصل معاها حاجة
فارس: متقلقش ان شاء الله هتلاقيها داخلة علينا الفرح ومفيهاش حاجة وزي القردة بس انت اهدى ومتقلقش يلا تعالى جهز نفسك
فارس وقصي
الكل لبسوا بدل ماعدا قصي لبس بنطلون جينز اسود وتيشيرت ابيض وبليزر اسود ووضع منديل من الستان لونه جملي اللي هي درجات الكراميل الغامق في البليزر وارتدى جذمة سودا وارتدى ساعته ووضع البرفيوم اللي حلا بتحبه واخذ مفاتيح سيارته ونزل واتجمع هو وباقي الشباب
لوئي: هنعمل ايه دلوقتي
سمير: هنستنى لما انجلي تبعت مسدج انهم خلصوا وهيخرجوا من البيت ساعتها هنبتدي نتحرك
قصي بقلق: هو انتوا لسة معرفتوش حاجة عن حلا
ادم: لا لسة
اصدر هاتف سمير صوت يعلن عن ان هناك رسالة جائته فتحها
سمير: يلا هنتحرك البنات اتحركوا
الشباب كل واحد ركب سيارته وذهبوا لمكان الفرح ووصلوا هما والبنات في وقت واحد
مايا كانت ترتدي فستان ازرق فاتح وكان فيه نقشة من الجزء العلوي لفوق الخصر بشوية باللون الرمادي الفاتح وكان نازل من فوق الخصر لتحت على واسع وكان من قماشة الستان وكانت ترتدي حذاء بكعب عالي لونه رمادي فاتح نفس درجة نقشة الفستان وكان الفستان كتف وكتف كتف بكوم والتاني من غير حاجة وكانت عاملة شعرها سمبولة وتركته على الكتف العاري وكانت ترتدي فوق الفستان جاكيت فرو رمادي فاتح وكانت ترتدي حلق فص صغير وكانت في غاية الجمال والانوثة والرقة
روما ارتدت فستان من اللون الاخضر الغامق بكوم من قماش القطيفة وكان ضيق من عند الصدر ونازل على واسع به نقشة باللون الاسود عند الصدر من عند الرقبة وحواليها وبنهاية الكوم نفس النقشة وفي نهاية الفستان من تحت وكانت توجد رسمة مثل براعم على الفستان بس في مناطق متفرقة في الاسفل وارتدت حذاء بكعب عالي اسود وحلق طويل اسود وتركت شعرها الحرير الناعم مفرود على ظهرها
رقية ارتدت فستان من اللون السيمون الفاتح وفيه نقش باللون الاسود وكان الفستان ضيق لبعض الخصر ومن ثم نازل سمكة وكان من قماشة الضنتيل والشيفون وكان بتلت كوم وكومه من الشيفون باللون السيمون ونهاية الكوم به نقشة باللون الاسود وكانت ترتدي فوقيه شال اسود بس من الفرو وحذاء بكعب عالي اسود وحلق فص صغير باللون الاسود وكان شعرها مفروض على ظهرها
انجلي ارتدت فستان من اللون الكشمير بكوم الفستان كان ضيق من عند الصدر الى الاسفل بس كان فيه وسع شوية بالاسفل وكان فيه ورد صغير من اللون الكشمير والموڤ الفاتح جدا والسيمون وفوقيه قماشة سادة من الستان باللون الكشمير بدايته من فوق الخصر على هيئة فيونكة الى الاسفل وكان بديل طويل شوية ومفتوح من الامام بحيث يبين الورد الصغير اللي في الفستان وارتدت حذاء بكعب عالي من اللون السيمون وحلق متوسط الطول من اللون الكشمير وكانت رافعة شعرها ذيل حصان وترتدي فوقيه جاكيت فرو من اللون الكشمير
وكانوا البنات غاية في الجمال لوئي لما شاف روما تنح وانسحر بجمالها وكذلك فهد وفارس مع مايا ورقية
قصي لانجلي: ايه الجمال ده كله انتي ناوية يجيلك عريس ولا ايه
انجلي: لا ابدا بس قولت اجرب سحري مرة كدة واشوف ايه اللي هيحصل بس ده في حالة لو حلا حبيبتك مجتش
قصي ضحك: مالكوا كلكوا مش عايزنها تيجي ليه
مايا: بُص انا مش هتكلم بس هي لما تيجي وتدخل من باب القاعة شوف ايه اللي هيحصل بنفسك
قصي: هي هتيجي
مايا: اكيد هتيجي يعني بصراحة ممكن وممكن الله واعلم
جاسر بمرح: لا بس بت يا مايا انتي وروما ورقية ايه الجمال ده يعني اول مرة اعرف انكوا جاحدين كدة
روما: تؤ انت مبتشوفش اساسا يعني انا في كل حالاتي حلوة.....اومال فين ادم واريان
مايا ضحكت: لحظة واحدة الجملة ديه بتاعت حلا
روما: وانا وحلا ايه واحد لاننا توأم فعادي وبعدين هي مش موجودة فقولت احاول اتقمس شخصيتها شوية....قولي يا جاسر اريان وادم فين
جاسر: قالوا هيتأخروا شوية يعني قالوا هيجيبوا هدية لآسيا وجميلة ولو اني مش مقتنع بس حسسهم مدايقين
روما: وده المطلوب نبقى نشوف حلا هتعمل ايه فيهم لما تيجي
رقية: ما علينا خلونا ندخل للبنات
دخلوا والفرح كان لسة مبدأش وكانوا منتظرين العرسان لحد ما وصلوا والفرح بدأ
__________________________________
حلا خلصت مهمات واتصابت في دراعها اليسار بس رجعت البيت اخذت شاور وغيرت هدومها وذهبت للفرح
__________________________________ادم واريان وصلوا في نص الفرح وكانت فقرة البوفيه هتبدأ بعد وصول ادم واريان بشوية حلا وصلت وكانت ترتدي فستان باللون الجملي ودرجاته اللي هي درجات الكراميل الغامق كان بتلتين كوم من عند الصدر ضيق ومن فوق الخصر نازل على واسع ولكن كان طويل من ورا بس من قدام قصير شوية يعني طوله فوق الكعب بحاجة بسيطة من قماشة الستان وكان فيه نقشة فرع شجر باللون الاسود في نهاية الفستان من الاسفل ونهاية الكوم ومن عند الصدر حوالين الرقبة نفس النقشة وباقي الفستان سادة وارتدت حذاء بكعب عالي اسود وحلق طويل اسود وجاكيت فرو اسود وكانت عاملة شعرها مموج تمويجة بسيطة جدا وكانت تضع جزء بسيط على كتفها اليمين والباقي مفرود على ظهرها وكانت اميرة بمعنى الكلمة واللون الجملي جعل بشرتها تضيئ وكانت تسحر اي شخص يراها
حلا دخلت وكانت فقرة البوفيه بدأت بمعنى اصح الكل يجلس على الطرابيزات ولا يوجد اي شخص على ساحة الرقص فحلا بحثت بعينيها عن احد الاشخاص الى ان عثرت عليه وابتسمت و............
__________________________________
يا ترى ما هو رد فعل قصي عندما يرى حلا؟!
ويا ترى حلا طلبت من انجلي ايه؟!
وهل خطة جواز يزن وآسيا وجميلة ومااك هتنجح؟!
وفهد ولوئي هيتصرفوا ازاي مع مايا وروما ويخليهم يعترفوا بحبهم؟!
