حلا سحبت قصي من دراعه ووقفوا خلف شجرة حتى لا يشوفوهم الشباب قصي كان قريب من حلا اوي واستغرب من منظرها
قصي مسك وجه حلا بخوف واستغراب: حلا ايه اللي حصل مال وشك غرقان دم كدة ليه
حلا بتعب: اهدى انا كويسة بس وقعت ودماغي اتخبطت في صخرة بس مش اكتر اهدى انا كويسة
قصي: متأكدة
حلا هزت رأسها بالموافقة
قصي بإستغراب: انتي شدتيني ليه
حلا: لان الرجالة كانوا قصادك وانت مش واخد بالك
قصي نظر تجاه الرجال ورأهم
قصي: طب والعمل دلوقتي.......بقولك ايه إوعي تقوليلي انك هتروحي تشغليهم لا رجلي على رجلك
حلا بتفكير: تعالى
حلا مسكت ايد قصي ومشيت وقصي كان وراها وهي ماسكة ايده لحد اما بعدوا شوية عن الشباب حلا نظرت لقصي
حلا: السلاح لسة معاك صح
قصي: اه
حلا: طب هاته
قصي اعطاها السلاح
حلا: دلوقتي هنخرج على الطريق هتمشي قدامي ومش هتبص وراك
قصي بشك وعدم ارتياح: لو ناوية تروحي تعرضي حياتك للخطر يا حلا صد......
قاطعته حلا: انا مش هعرض حياتي للخطر ولا حاجة مش انت عايز اننا احنا الاتنين نخرج من هنا وانا ده اللي بعمله بس اعمل اللي بقولك عليه
قصي: ماشي
قصي مسك ايد حلا وشبك اصابعه بأصابعها حلا نظرت له بإستغراب
قصي: بصراحة في الموضوع ده مبثقش فيكي فده علشان اتأكد واكون مطمن انك هتفضلي معايا ومش هتسلمي نفسك للعصابة
وبعدين لم يعطي لحلا فرصة لتتكلم شدها ومشيوا وحلا كانت تنظر خلفها حتى ترى اذا كان الرجالة رأوهم ام لا
حلا: قصي....انا بقول نجري احسن
قصي: وانا بقول كدة بس رجلك مجروحة
حلا: لا عادي يلا
وركضوا وظلوا يركضوا كثيرا حتى وصلوا لسيارة حلا
قصي وهو يأخذ نفسه بصعوبة: يا ترى ديه سيارة مين
حلا وهي بتنهج وتبلع ريقها بصعوبة: كان نفسي اقولك معرفش
قصي بإستغراب: قصدك ايه
حلا ابتسمت: هات المفاتيح اللي ادتهالك بتاعت عربيتي
قصي طلع المفاتيح واعطاها لحلا
حلا: اركب
قصي بصدمة وعدم فهم: افندم اركب فين
حلا ضحكت: اكيد مش هتركب فوق دماغي اركب العربية يلا خلينا نروح من هنا قبل ما حد يشوفنا
قصي بصدمة: هي ديه عربيتك
حلا بغيظ واستفزاز: لا عربية واحد صاحبي او لا ديه عربية حبيبي.....ايه السؤال المستفز ده قصي
قصي بغيظ: ده على اساس ان ردك مكنش مستفز
حلا فتحت باب العربية ودخلت قعدت امام عجلت القيادة وقصي جلس بجانبها
قصي: على فكرة بعرف اسوق يعني يستحسن انك تيجي مكاني واسوق انا علشان رجلك المجروحة متخافيش مش هعمل حادثة واشوهلك العربية هبقى اجبلك عربية جديدة لو حصل ليها حاجة
حلا ضحكت جامد: اولا انا مش خايفة على العربية خايفة عليك ثانيا بخصوص اذا شوهت العربية انا عندي عربيات كتير غير ديه ولو عايزة اجيب غيرها فالحكاية مش حكاية فلوس ولا حاجة وبعدين انا اللي هسوق علشان لو حد لحقنا من العصابة انا هعرف اتصرف بس الاهم انك متقلقش ولا تخاف
قصي بإستغراب: وهخاف ليه
حلا ابتسمت: لاني متعودة على السرعة واذا فيه حد لحقنا من العصابة فبكدة هنبقى زي السباقات على اعلى سرعة
قصي بصدمة واستغراب: انتي ناوية تخلينا نموت ولا تنقذينا
حلا ضحكت: مش انت لسة قايل من ساعتين تقريبا انك بتثق فيا خلاص خليك واثق فيا وسيبلي نفسك
قصي: اما نشوف
حلا شغلت الماتور وانطلقت بالسيارة للبيت وهما في الطريق
قصي: انتي امتى رجعتي من السفر
حلا: لسة راجعة حالا وعرفت انك بقالك 3 تيام مرجعتش البيت وفارس ولوئي دوروا عليك في كل مكان بس معرفوش يوصلولك والكلاب محدش اتصل بيا وقالي انك مختفي ومحدش عارف عنك حاجة
قصي ضحك: ده على اساس انهم لو قالولك كنتي هتيجي
حلا: اكيد طبعا هاجي علشان اعرف انت فين واطمن عليك بس لو كنت كويسة كنت هاجي
قصي بإستغراب: قصدك ايه
حلا: ولا حاجة بس انا من حوالي اربع او خمس تيام كنت هرجع بس عملت حادثة ومعرفتش ارجع وكنت طول الفترة ديه في المستشفى وبالزور قدرت اطلع منها انهاردة او بمعنى اصح هربت من المستشفى وجيت على اول طيارة
قصي بإنزعاج: وليه متصلتيش بينا لما عملتي حادثة كنا جينا وفضلنا معاكي
حلا ابتسمت: قصي اهدى مش مستهلة يعني هي كانت خدش بسيط في راسي ورجلي كانت وجعاني بس جت سليمة واديني عايشة وبتنفس اهو وبعدين اكيد مش هعرف اتصل بيكوا وانا فاقدة الوعي
قصي بإنزعاج: بس اكيد فيه حد هناك يعرفك ويعرف مايا او فارس كان يتصل بحد منهم
حلا: محدش يعرف ان انا عملت حادث وان فيه سيارة ضربتني وبعدين كانوا ممكن يفتحوا تحقيق معايا علشان يعرفوا مين اللي عمل كدة ومكنوش هيخلوني ارجع غير لما يعرفوا مين وانا مينفعش افضل هناك علشان مهمتك ومينفعش برضه اقول اني ماسكة مهمة او اذكر حاجة زي كدة او اي تفاصيل علشان ممكن العصابة يكون ليها نفوذ وناس هناك فساعتها كان ممكن افتح ابواب جهنم عليا وعليك
قصي: طيب وعرفتي ازاي اني مخطوف
حلا اتصدمت من السؤال وتوترت
حلا بتوتر: هو.......بصراحة مكنتش مطمنة و.....وكنت عايزة اكلمك بس لما اتصلت بيك في المطار بعد اما حاولت اوصل لحد من الشباب علشان يبعتولي سيارة او حد يجي يستقبلني مفيش تليفون حد منهم جمع معايا ولما اتصلت بيك موبايلك كان مقفول انا استغربت الموضوع لاني عارفاك مبتقفلش تليفونك ابدا بس. وابتسمت بتوتر ولكن سرعان ما اختفت الابتسامة بعد اما قصي سألها السؤال التاني
قصي: بس مأظنش لان تليفوني كان مغلق قدرتي تعرفي وتتأكدي اني مخطوف فسيادتك ازاي عرفتي واتأكدتي اني مخطوف والاهم من كل ده ازاي عرفتي مكاني يعني على حسب كلامك ان فارس ولوئي معرفوش يوصلولي انتي وصلتيلي ازاي
حلا بتوتر: ضروري يعني تعرف
قصي: امم لو تكرمتي عليا وقولتيلي واوعي تحاولي تكدبي هتتكشفي
حلا بتوتر: اخدت تاكسي ورجعت على البيت وكنت......بفكر فيك وبخصوص ان تليفونك مقفول
قصي بفرح:امم وبعدين
حلا بتوتر: وانا بفكر لاقيت نفسي لبست هدوم خروج ف....فوقتها قولت هروح بيتك واطمن عليك بعدين لاقيت امان بيتصل بيا وقالي انه عايزني في موضوع مهم بخصوص مهمتك فاخدت اللاب توب وطلعت على المركز وشوفت امان واتكلمنا عن الشغل بعدين روحت على بيتك ولاقيت الكل متجمع هناك اخواتي وفارس واللوا محمد وبعدين قالولي انك بقالك كذا يوم مختفي ومش عارفين عنك حاجة
قصي: تمام عرفتي مكاني ازاي
حلا بتوتر: انت ناسي اني شرطية يعني اكيد هعرف مكانك واقدر احدده لو انت في المريخ
قصي: متتهربيش من السؤال وجاوبيني
حلا: حطيت في ساعتك جهاز تعقب
قصي بإستغراب: ساعة ايه
حلا بسرعة وتلقائية وانزعاج وتوتر من كتر الاسئلة: مالك يا قصي الساعة اللي انا ادتهالك من عشر سنين يوم عيد ميلادك
قصي فضل متنح وبيجمع الكلام وبعد ثواني استوعب اللي حلا قالته
قصي بخبث: ليه هو انتي تعرفيني من قبل
حلا بسرعة وتلقائية : اه.
حلا وعيت لما قالته
حلا بتوتر: لا.....اه....لا....يعني مين ميعرفش رجل الاعمال قصي احمد الشناوي وبعدين ليا اصدقاء معجبين بيك وكانوا دايما يتكلموا عنك فعرفتك منهم
قصي: بس انتي قولتي انك ادتيني الساعة ديه في عيد ميلادي من عشر سنين........لحظة واحدة انا البنت اللي بحبها هي اللي جابتهالي وانتي اسمك على اسمها و....
قاطعته حلا بتوتر: انا كان قصدي حبيبتك بس يظهر لاني بفكر في موضوع فالتفكير دخل في الكلام وقولتلك انا اللي ادتهالك بس انا كان قصدي حبيبتك ومش علشان اسمي على اسمها يبقى ده معناه اننا شخص واحد
قصي: وعرفتي منين ان حبيبتي هي اللي جابتلي الساعة ديه واشمعنا اخترتي الساعة اللي تحطي فيها جهاز التعقب
حلا تعبت من الاسئلة والضغط ده فاتنرفزت وداست فرامل جامد ووقفت السيارة ونظرت لقصي بعصبية
حلا بعصبية: عمال تحقق معايا من ساعة ما طلعنا في العربية لا اكون قتلالك قتيل وانا معرفش مالك عمال تسأل خير في ايه ناوي تحقق وتفتح محضر معايا لاني حطتلك جهاز تعقب في ساعتك من غير ما تعرف
قصي: لا بس غريبة انك عارفة عني كل حاجة مش ملاحظة ان الموضوع ده غريب
حلا بغضب: عرفت من فارس ان حبيبتك هي اللي جابتهالك ولاحظت من شغلي معاك انك مبتلبسش غير الساعة ديه اي سؤال تاني حابب تسأله
قصي: شكلك مركزة معايا اوي
حلا نفخت بقوة كأنها تتخلص من الغضب والتوتر: هووووف مش مركزة معاك يا فندم بس بطبيعتي اني لماحة وبعتذر منك لو ده ضايقك
حلا نظرت امامها وشغلت السيارة وانطلقت على بيت قصي
__________________________________
في بيت قصي تليفون محمد رن فطلع على الحديقة يرد
محمد: السلام عليكم
: وعليكم السلام
محمد بتوتر: في ايه اتصلتوا ليه
: مفيش بس قلقنا على الاولاد وبعدين جينا على بيتك انت مش موجود اومال انت فين ومختفي فين من الصبح
محمد: يحي انا كنت مسافر ولسة راجع وحاليا انا في بيت قصي وفيه شوية مشاكل هحلها واجي على البيت انت روح وانا هبقى اقابلك بكرة
يحي بإستغراب وعدم ارتياح: مشاكل ايه
محمد بتوتر وقلق: مفيش مشاكل بسيطة
احمد بقلق: الولاد كويسين يا محمد
محمد: بصراحة قصي مختفي من 3 تيام وحلا لسة راجعة من السفر انهاردة وراحت تنقذه ولحد دلوقتي مرجعوش ومش عارفين نتواصل مع حد منهم
احمد بخوف وقلق: طب انت عارف مكانهم
محمد: لا حلا مرضيتش تقولنا على المكان
يحي: هي راحت لوحدها من غير حد
محمد: اه فارس ولوئي كانوا هيروحوا معاها حتى انا كمان كنت ناوي اروح معاهم بس هي رفضت واخذت سلاح فارس ولوئي وراحت على مكان تواجد قصي
احمد: حلا انا عارفها كويس ممكن تضحي بنفسها علشان تنقذ قصي طب انا نفسي افهم انت ليه طاوعتها يا محمد ما انت عارف حلا كويس
محمد: واظن انك عارفها اكتر مني وعارف دماغها الناشفة ده انا بالعافية خليتها توافق ان فارس يكون معاها في المهمة ديه ولو اني عارف ومتأكد انها مش هتاخده معاها يوم التنفيذ
يحي: طب هي بقالها اد ايه برا البيت
محمد: حوالي 3 او 4 ساعات
احمد: لا انا كدة الفار بيلعب في بطني تفتكروا حصلهم حاجة
محمد: يا اخي تف من بوقك وقول ان شاء الله يرجعوا بالسلامة
يحي: طيب انا بقول نستنى نص ساعة او ساعة كمان لو مرجعوش هننزل ندور عليهم
محمد واحمد: تمام
يحي: خلاص يا محمد روح انت ولو عرفت اي حاجة بلغنا فورا
محمد: تمام سلام
قفل معاهم ودخل للشباب والبنات روما ومايا وانجلي كانوا منهارين من العياط من الخوف على حلا وقصي
لوئي: روما اهدي شوية اكيد هما كويسين واكيد هيرجعوا وانتوا كمان يا مايا وانجلي اهدوا اكيد قصي وحلا كويسين
مايا بدموع: انا قلبي مقبوض ووجعني وحاسة ان فيه حاجة مش كويسة حصلت مع حلا بحاول اكذب احساسي بس مش قادرة
انجلي بدموع: وانا كمان
الشباب مش عارفين يهدوا البنات ومحمد حاول يطمنهم بس مفيش فايدة
محمد بغضب: خلاص كفاية عياط انتوا كدة هتتعبوا انتوا مش شايفين وشكوا بقى عامل ازاي وبع..........قاطعه رنين الباب
__________________________________
حلا وقصي وصلوا على البيت بأمان ورنوا الجرس وبعد دقائق فتحلهم مهدي
مهدي بفرح: اهلا وسهلا قصي بيه حمد الله على السلامة نورت بيتك
قصي ابتسم لمهدي: الله يخليك يا مهدي
قصي وحلا دخلوا
مهدي: نورتينا يا حلا هانم والله ليكي وحشة
حلا ضحكت: والله لو ليا وحشة مكنتش سديت نفسي دلوقتي
مهدي: ليه هو انا عملت حاجة غلط
حلا: ابدا هو مش انا قولت مليون مرة تناديني حلا بس من غير القاب ثم نظرت لقصي
حلا: انا من رأيي تتصرف معاه
قصي رفع ايده بإستسلام: البيت بيت مهدي واللي هو عايز يعمله يعمله انا ماليش فيه وبعدين اذا كان على الالقاب من اليوم اللي هو جيه فيه هنا بحاول اخليه يناديني بإسمي من غير القاب فمتحاوليش لانه هينادي بألقاب
مهدي: انا مش متعود انادي حد بإسمه دايما متعود انادي بألقاب
حلا: طب يا سيدي بس ونبي حاول انا بالذات متناديليش بألقاب تمام ولا
مهدي: حاضر هحاول بس مأوعدكيش بس هحاول حاضر انتي تؤمُري امر
قصي: فيه حد صاحي
مهدي: كلهم صاحيين ما عدا فاطمة هانم نايمة ومتعرفش حاجة بس انجلي هانم صاحية واستاذ فهد ولوئي وسمير قعدين جوا ومعاهم الاستاذ اريان وادم وسيادة اللوا محمد والرائد فارس وكمان الانسة مايا والانسة روما كمان قعدين معاهم جوا
قصي: تمام
مهدي: تحب احضرلك حاجة تاكلها يا قصي بيه
قصي: لالا شكرا
حلا: حضرله اي حاجة ياكلها ويفضل لو معاهم شوربة
مهدي: حاضر وحضرتك
حلا: لا انا مش عايزة حاجة بس لو ينفع كوباية قهوة تبقى انت كدة خدمتني خدمة العمر
مهدي: حاضر
مهدي ذهب يحضر اكل لقصي وقهوة لحلا
قصي: هتاكلي معايا قبل القهوة
حلا: لا انت هتاكل لانك تعبان وشكلك مأكلتش بقالك 3 تيام يلا خلينا ندخل لانهم اكيد ميتين من القلق عليك
حلا وقصي دخلوا اول شخص شافهم فارس
فارس: حلا.....قصي
فارس ركض على قصي وعانقه وقصي بادله العناق روما ومايا ركضوا على حلا وعانقوها
حلا: اهدوووا انا كويسة
انجلي عانقت قصي وبعدين حلا
انجلي بقلق وخوف: حلا مال وشك وايه الدم ده
حلا: لا ولا حاجة بس اتخبطت في صخرة
انجلي: طب تعالي اغسلي وشك
حلا ذهبت مع انجلي للحمام وغسلت وشها وايديها وبعدين رجعوا للشباب
حلا: هو شاهر مش هنا
انجلي: لا هو مناوب انهاردة في المستشفى فيه حالات طارئة كتير
حلا: امم طب روحي هاتيلي علبة الاسعافات
انجلي: حاضر
انجلي ذهبت لتجلب علبة الاسعافات لحلا
فارس كان ينظر لحلا وقصي
حلا: عارفة انك عايز تعرف ايه اللي حصل وبالتفصيل المُمِل
فارس بفضول: بصراحة اه
مايا وروما: واحنا كمان
الشباب: واحنا برضه
حلا بصتلهم بإستغراب: يعني انا اعرف ان فارس وروما ومايا فضوليين اوي انما انتوا ما علينا احنا جايين مش قادرين وزي ما انتوا شايفين وشنا متشوه فاظن اننا عايزين نرتاح بكرة نبقى نحكيلكم
روما بإصرار: لا دلوقتي
حلا بتحذير واصرار: انا قولت اييه..خلاص مش وقته
انجلي اعطت علبة الاسعافات لحلا حلا جلست امام قصي على طرف الطرابيزة قصي استغرب تصرفها
قصي بإستغراب: ايه
حلا: هو ايه اللي ايه
قصي: ما الدنيا واسعة اهي ما تقعدي في اي مكان انتي كدة هتتعبي
حلا بإستفزاز وغيظ: اصلك واحشني وحابة افضل قدامك ابُص في وشك
الكل استغرب وانجلي ضحكت وقصي تنح
حلاابتسمت: متفهمنيش غلط هعالج الجروح اللي في وشك
حلا اخذت القطن والمعقم وبدأت تعقم الجروح
قصي بوجع: اااااه
حلا انتفضت من مكانها من الفزع ونظرت له بإستغراب وشك: قصي لو ده تمثيل والله لاخليك تتوجع بجد
قصي: والله اتوجعت بجد مش تمثيل
حلا: طب خلاص اسفة اهدى بقى ومتتحركش وخليني اشوف شغلي
حلا عقمت لقصي جروحه
قصي: تحبي اساعدك علشان جروحك انتي كمان
حلا نظرت له: انا كويسة واقدر اداوي جروحي لوحدي ثم نظرت لانجلي
حلا: ممكن استخدم غرفتك شوية يا انجلي
انجلي: طبعا يا روحي
حلا طلعت على غرفة انجلي عقمت الجرح اللي في رأسها وبعدين اللي في رجليها ولما خلصت ونزلت لتحت
حلا: طب يلا احنا نروح
قصي: ليه خليكوا هنا
حلا نظرت له: هنا فين انا تعبانة وجاية من السفر مرتحتش عايزنا نقعد هنا نعمل ايه
انجلي: حلول باتوا هنا
حلا: لا مش هينفع
قصي: قول حاجة يا ادم
ادم: بصراحة هي معاها حق وانا كدة كدة هروح
حلا: ادم اريان اعملوا حسابكوا يا حبايبي مفيش شغل انهاردة
اريان وادم بإستغراب: ليه
حلا ابتسمت: الساعة 3 ونص الفجر على ما نروح هتبقى اربعة او اربعة وشوية على ما تناموا هتبقى خامسة فسيادتكم ممكن تقولولي هتروحوا على الشغل ازاي وحسك عينك منك ليه تقولولي عندي شغل كتير هنشرب قهوة وهنصحصح ده اسمه انتحار يا روحي انتوا هترتاحوا انهاردة
اريان: بس....
قاطعته حلا: لا بس ولا مبسش انا قولت اللي عندي اياكوا اصحى الاقيكوا روحتوا الشركة هاجي اطربقها فوق دماغك انت وهو والكلام للاستاذ قصي برضه انت بالذات هترتاح يومين او تلاتة في البيت انجلي لو تقدري تربطيه وتكتفيه في سريره يبقى عداكي العيب
انجلي ابتسمت: حاضر انتي تؤمُري امر
قصي: على رأي المثل ان كيدهن عظيم
حلا: طب حاسب بدل ما اخليك تشوف الكيد على اصولوه
قصي رفع ايده بإستسلام: لا شكرا انا اصلا متخرشف لوحدي مش ناقص
حلا: حد فيكم هيتنازل ويسوق عربيتي لان رجلي وجعاني اوي
محمد: طيب انا هخدك بما اني معيش عربية
حلا: تمام يلا
والكل ذهب للبيت ليستريحوا
__________________________________
تاني يوم لوئي اتصل بروما على الظهر
روما: الو ايه يا لوئي
لوئي: حلا عندك في البيت
روما: اه
لوئي: طب اديهالي بسرعة
روما: حاضر
روما طلعت على غرفة حلا واعطتها التليفون
حلا: الو ايه يا لوئي
لوئي: حلا تعالي بسرعة على البيت
حلا: ليه.....قصي فيه حاجة.........الو...الو.....لوئي.
حلا نظرت على الموبايل
حلا: قفل في وشي
روما: في ايه
حلا: معرفش طلب مني اروح على البيت بسرعة
روما: طب انا هاجي معاكي
حلا: لا انتي خليكي
حلا لبست بسرعة وذهبت للبيت ودخلت جري ونظرت لاقيت الكل مستنيها بس قصي كان نازل على السلم وهي مأخدتش بالها منه
حلا بخوف وقلق: قصي كويس في حاجة تاني حصلت في ايه انطق يا لوئي
لوئي بإبتسامة عريضة: قصي كويس
حلا تنهدت بقوة: هوووف ريحتني كنت هموت من الخوف وقلبي كان فضله شوية ويقف عن النبض
انجلي ابتسمت: ليه للدرجادي بتخافي على قصي
حلا بتوتر: لا بس امبارح اتعذبت على ما لاقيت مكانه وانقذته
حلا: ممكن افهم في ايه وجبتني على ملى وشي ليه
لوئي: هنعمل ايه
حلا بعدم فهم: هنعمل ايه في ايه
لوئي: في موضوع روما ومايا مش انتي قولتي لما ترجعي هنتكلم في الموضوع ده
فارس: وانا كمان ونبي يعني بخصوص رقية
حلا: اه صح قولت لما ارجع و........
سكتت فجأة ثم نظرت للوئي
حلا بهدوء: يعني حضرتك اتصلت بيا وقولتلي تعالي بسرعة على البيت وقفلت في وشي السكة لدرجة اني قولت فيه حد حصله حاجة وجايبني على ملى وشي علشان الموضوع ده
لوئي ابتسم: اه اومال هيكون علشان ايه
حلا بنرفزة: تصدق انك معندكش دم لاني جاية واعصابي كانت سايبة وكنت هعمل مليون حادث وحادث علشان اوصل هنا انت متخلف يا لوئي فيه حد يجيب حد بالطريقة ديه
لوئي: حلا اخلصي وقصري وقولي هنعمل ايه
حلا: معرفش
لوئي: يعني ايه متعرفيش
حلا بعصبية: لوئي انا من خمس تيام كنت هرجع بس عملت حادثة وفوفت بعد اربع تيام واما جيت واخوك كان مخطوف وطلعت من سفري ورغم اني كنت ميتة تعب لانك متفتكرش اني كنت بنام وارتاح في امريكا بالزور كنت اشوف بيتي ساعة او ساعتين ولما رجعت روحت انقذ اخوك وزي ما انت شايف جسمي متكسر ومفيهوش حتة سليمة ولسة راجعة امبارح واذا انت ناسي احب افكرك اني عندي شغل غير قصة حبك وهي مهمة انقاذ اخوك اللي لسة انا معرفش عنها حاجة وانا لسة مجمعتش نفسي علشان اجمعلك قصة حبك ودلوقتي ممكن ارجع بيتي اذا سمحت
لوئي: حلا اعملي اي حاجة فكري
حلا نظرت اه وابتسمت: للدرجادي واقع ومستعجل
لوئي: جدا انتي متعرفيش بحب روما اد ايه
حلا: اهدى عليا شوية علشان ممكن احسدكوا
لوئي: طيب حاولي تلاقي اي حل
حلا: طيب ممكن تديني يومين افهم دنيتي فيها ايه واظبط المهمة وبعدين بنشوف قصة عشقك
لوئي: لا مش معقولة عندك المهمة اهم من اختك
حلا بنرفزة: اه اهم لانها مسألة حياة او موت واكيد مش انا اللي هشرحلك ده يا سيادة الرائد يعني قصص العشق والحب بتستنى يعني روما مش هطير مثلا
فارس: طب وانا يا حلا
حلا: اللي يسمعكوا وانتوا بتستشيروني يفتكرني اني عايشة في قصة رومانسية والعشق والحب مقطع بعضه وانا عاملة زي البطيخة في قصة حبي
الكل ضحك
فارس: طب ما انتي اللي بإيدك تخليه عنب وخوخ ومشمش وموز ولوز اللوز كمان.وغمزلها
حلا: اخرس عايزاك تتصلي برقية وتقولها تنفذ اللي انا قولتلها عليه قبل كدة
فارس بإستغراب: اللي هو ايه
حلا: اختراق اجهزة العصابة وسرقت كل البيانات والمعلومات اللي على اجهزة الكمبيوتر بتاعهم
فارس بخوف وقلق: حلا مش ممكن ده يعرض حياتها للخطر
حلا: اه وبنسبة كبيرة طبعا هيعرض حياتها للخطر
فارس: طيب ما انتي بتفهمي في الامور ديه ليه متعمليهاش انتي
حلا: لاني عندي شغل كتير ومش فاضية
فارس: اه بس تقدري تفضي نفسك علشان قصي
حلا: لحظة واحدة يعني انت مش عايز حياة حبيبتك تتعرض للخطر بس اذا انا مُت مش مهم
لوئي: لا بُصي متموتيش دلوقتي غير لما اتجوز روما اعملي اللي انتي عايزاه
حلا بصدمة وتمثيل زعل: هو يعني علشان مش لاقية حد يزعل عليا يعني بتعملوا كدة اخص عليكوا خليتوني افكر اروح اعترف للشخص اللي بحبه اني بحبه واقضي معاه بقيت حياتي مادام فيه ناس نادلة كدة اكيد هو بالدنيا كلها
قصي ابتسم كان يقف خلف حلا
فارس بفرح: بجد يا حلا
حلا: بهزر يا اهبل مستحيل اعمل حاجة زي كدة طبعا ولو اني نفسي اعمل حاجة زي كدة بس لا ما علينا نفذ اللي قولتلك عليه واعمل حسابك انك هتكون معاها يوميها علشان تحميها لو حصل حاجة يعني قولت اخليكوا تقعدوا مع بعض واديني بديك فرصة انك تضحي بحياتك علشانها
لوئي بزعل: عُقبالي
حلا نظرت له: ايه عايز روما تتخطف ولا حياتها تتعرض للخطر علشان تضحي بحياتك علشانها هو ده الحب اللي بتحبهولها
فارس بإنزعاج: شكلك متضايقة علشان هما لاقين حد يحميهم وانتي لا
حلا لوت شفتها ومثلت الزعل وبربشت بعنيها: يعني انا حياتي طول اليوم معرضة للخطر ومش لاقية حد يحميني ودايما احمي نفسي بنفسي حتى كنت بحميكم انتوا كمان يا اندال يا واطيين وكنت كذا مرة هفديكم بحياتي وهموت علشانكم يا كلاب وانا مش لاقية حد حتى يكون جنبي وانا في المستشفى وتعبانة يستناني اما اصحى ويكون ماسك ايدي ويومي كله عبارة عن حوادث وانا حتى مش لاقية راجل ملو هدومه طول بعرض ينقذني من حادثة واحدة بس كنت بقول عندي رجالة بس طلعت غلطانة
فارس: انتي مش ملاحظة ان الكلام ده جارح في حقي وكرامتي جدا
حلا حطت ايدها في وسطها وبغيظ واستفزاز: تصدق مكنتش اعرف انك عندك مشاعر وكرامة وبيتجرحوا كمان
فارس بصلها بإستغراب: وليه بتتكلمي معايا بالطريقة ديه دلوقتي
حلا بغيظ: بجد طب تقدر تقولي يا راجلي حضرتك عملتلي ايه لحد انهاردة يخلينا اقول ان انا عندي رجالة
فارس بتفكير: مش عارف بس اكيد عملت حاجات كتير
حلا بغيظ: امم عملت كتير اوي فيه مرة حضرتك ضحيت بحياتك علشان تنقذني
فارس: تؤ لا
حلا بغيظ: فيه مرة اتخطفت وجيت زي الابطال تنقذ اختك
فارس بإحراج: احم لا
حلا: كم مرة ضحيت علشاني او عملت عمل بطولي معايا
فارس: خلاص حلا كفاية معملتش
حلا بغيظ: حلو ودلوقتي تجاوبني على الاسئلة ديه كم مرة ضحيت بحياتي علشان انقذك سواء مهمة او خطف
فارس: كتير
حلا: كم مرة كنت هموت بسبب انقاذك من الخطر
فارس: كتير
حلا: فيه مرة كنت تحتاجني ومكنتش تلاقيني جنبك
فارس: ابدا دايما كنتي معايا وبالاخص في الاوقات اللي بكون محتاج فيها دعم ومحتاج حد جنبي
حلا بغيظ: وسيادتك بكل بساطة جاي تقولي اخترقي انتي اجهزة العصابة علشان رقية حياتها متتعرضش للخطر. حلا سكتت
حلا بهدوء: على فكرة يا فارس انا اقدر اخترق اجهزتهم لوحدي واقدر اشيل مهمة قصي لوحدي انا مش محتاجة ليك في المهمة ديه وليكون في علمك يوم التنفيذ انت مش هتيجي معايا هروح لوحدي انا والفريق وانا مش عايزة اعرض حياة حد للخطر لا انت ولا رقية ولا حتى قصي لو هينفع اعرض حياتي للخطر دلوقتي بس لو ده هيكون في مصلحة الكل وهيبعد الخطر عن قصي اعمل كدة واروح اسلم نفسي للعصابة عادي بس انا عارفة هما لو عرفوني هيقتلوني ومش هيسموا عليا وخطف قصي ده كان علشان يعرفوا شكلي او يوقعوني ويخلصوا عليا لانهم شاكيين اني ماسكة المهمة من غير ما حد يعرف اذا مكنوش متأكدين
فارس بزعل: حلا مش قصدي ازعلك او اجرحك والله وبعدين مين قالك اني هسمحلك تنفذي المهمة لوحدك
حلا: ومين قالك اني هاخدك معايا بقولك ايه يا فارس انا اساسا كنت مستحيل اوافق انك تستلم المهمة ديه معايا بس انت واللوا محمد خبيتوا عني الموضوع ده وانا علشان هو ميضايقش ولا يزعل هو ومراته وقتها وافقت انك تمسكها معايا بس عشم إبليس في الجنة اني اخدك معايا يوم التنفيذ لا تحلم لان احلام اليقظة لا تتحقق....عموما انا لازم امشي لان ادم ممكن يشنوقني لاني طلعت بسرعة من البيت ومقولتش لحد غير روما هي اللي عارفة ويارب متكنش خربت الدنيا وانا معيش تليفون علشان متقلقوش هبقى اجيب واحد جديد وهبقى اتصل بيكوا يلا سلام
حلا ذهبت للبيت وقضت اليوم مع اخواتها
__________________________________
مر يومين وحلا انشغلت كثيرا بخصوص مهمة قصي بس اليوم التالت كان مليئ بالمصايب سواء على حلا او قصي او فارس وخصوصي قصي بس يا ترى موقف حلا من انهيار قصي هيكون ايه
__________________________________
يا ترى ايه اللي هيحصل؟!
