فارس رجع لبيت قصي واعطاه الساعة وقعد مع العيلة
فاطمة بضحك: يخرب فقرك يا فارس انت فظيع هي حلا بتقعد معاك ازاي
فارس: والله ما بتحب تمشي معايا في الشارع او جنبي ودايما لما نروح مكان سوى مبتُقفش جنبي بتفضل بعيدة عني كأني جرثومة او حيوان
انجلي ضحكت: ليه يعني
فارس: بُصي انتي اصلا متحسيهاش بنت تحسيها راجل ماشي في الشارع مبتحبش حد يشوفها وهي بتضحك فدايما لو ماشية في الشارع وحد قال نكتة تعمل نفسها مش سامعة او تنسحب من الشلة وتمشي
فاطمة بإستغراب: يالهوي مش للدرجادي
فارس: هي معاها حق لان بمجرد ما بتمشي بس وبتكون في حالها تلاقي اللي ماشي وراها وبيعاكسها فما بالك لو شاف ضحكتها او ابتسامتها
فاطمة: عايز تفهمني انها كل يوم بتتعاكس
فارس: لا لو مشيت في الشارع هي دايما بتركب عربيتها بتكره اساسا تخرج من البيت لو عليها من اللي بتشوفه تحبس نفسها في البيت
انجلي: انا اخدت بالي ساعة اما نزلنا المول مكنتش عايزة تيجي معانا واول ما دخلنا المول لاقينا شباب ماشيين ورانا وبيعاكسوا حلا وبصراحة كانت مغطية علينا احنا كبنات كُنا حاسين اننا هوا
الكل ضحك
قصي بإنزعاج: وليه مأتصلتيش بيا كُنت جيت وربيتهم
انجلي ضحكت: لا يا حبيبي ما يوميها كان معانا سمير ولوئي وبعدين حلا فضلت تقولهم امشوا ومتردوش وفي الاخر لما رجعنا الجراش علشان نرجع البيت مسكتهم كسرت عضم امهم وضربتهم واحد واحد وربيتهم من اول وجديد
فارس بفضول: لا معلش الموقف يتحكي من طق طق لسلام عليكوا علشان انا بحب الحاجات ديه
انجلي ابتسمت: بُص يا سيدي دخلنا المول واربع شباب فضلوا ماشيين ورانا و...............
هنسيبهم يتكلموا ونروح عند حلا شوية
__________________________________
في الكافيه حلا: ايه الموضوع المهم اللي انتوا عايزني فيه
جميلة وآسيا بصوا لبعض
حلا: مش مرتاحة للبصة ديه في ايه
جميلة بتردد: ب......ب....بصراحة يا حلا احنا بنحب
حلا بصتلهم بصدمة على ما استوعبت وبعدين ابتسمت وضحكت براحة علشان محدش ياخد باله من اللي في الكافيه
حلا ابتسمت: امممم ويا ترى عرفته بتحبوا مين ولا اقولكوا انا
جميلة وآسيا بصوا لبعض بصدمة: هو انتي عارفة احنا بنحب مين........ازاي وامتى
حلا ابتسمت: انا عارفة من بدررررري بس انتوا اللي مكنتوش تعرفوا انا عارفة انكوا بتحبوا اخواتي جميلة بتحب ادم وآسيا بتحب اريان
جميلة بإنزعاج وحزن: بس ادم مبيحبنيش
آسيا بحزن ووجع: وانا كمان اريان مبيحبنيش
حلا: مين المتخلف ابن المتخلفة اللي قال كدة
جميلة وآسيا رفعوا احد حواجبهم وبفيظ: احنا
حلا بإحراج: احم لا طبعا مقدرش اغلط في طنطي ديه حبيبتي ( كانت تقصد والدة جميلة ووالدة آسيا)
حلا: عموما برضه يعني ايه اللي خلاكوا تقولوا كدة
جميلة: ادم اساسا بارد ودايما بيتعامل معايا بقسوة وتقريبا بيكرهني مش انا في شاب قابلته وهزئته اللي انا قولتلك عليه
حلا بتذكر: اه افتكرت ماله
جميلة: كان هو ادم ومن يوميها وهو بيكرهني ومبيطقنيش وبعدين ولا مرة حسيت انه بيحبني
آسيا: انا عكس جميلة اريان بيتعامل معايا بكل احترام وتقدير بس مش حساه فيه في قلبه مشاعر تجاهي ولا حتى بيتكلم معايا غير في امور الشغل جدي جدا
حلا ابتسمت: ولو قولتلكوا انهم بيحبُكوا
جميلة وآسيا بإستغراب وصدمة: لا طبعا مستحيل
حلا: بصوا اولا ومبدئيا كدة هتتعبوا مع الاتنين دول على ما يفهموا انهم بيحبوا ثانيا هما اغبية وبالاخص ادم ادم مش مقتنع بحاجة اسمها حب او مقتنع بس اللي هو ان الشخص يضحي علشان اللي بيحبه فمش مقتنع بده
آسيا بزعل: طب هنعمل ايه
حلا بتفكير: مفيش غير طريقة واحدة وبصراحة انا بدأت فيها من زمان بس نسيت علشان انشغلت شوية في الشغل
جميلة بإستغراب: ايه هي
حلا: قولتلهم انه متقدملكوا عريس من العيلة وانكوا وافقتوا تقعدوا معاه وتشوفوه
آسيا بغضب: انتي متخلفة هو انتي ناوية تخليهم يقربوا مننا ولا يبعدوا
حلا كانت هتجاوبها بس قاطعها رنين تليفونها
حلا: السلام عليكم
: وعليكم السلام حور احنا هنروح عند قصي ما تيجي تحصلينا مش كدة كدة لسة فيه وقت على المهمة
حلا: اه يا روما بس مش عارفة انا حاليا قاعدة مع جميلة وآسيا
روما بفرح: بجججددد خلاص هاتيهم وتعالي دول واحشني اوي
حلا: طب هشوف خلي بالك من نفسك يلا سلام
روما: حاضر سلام
حلا: ايه رأيكوا نروح على بيت قصي ونكمل هناك وكدة كدة فيه اوراق هاديها للوئي
جميلة: ماشي يلا وكمان البت روما ومايا وانجلي وحشوني اوي انجلي ديه بنت طيوبة جدا وبجد جميلة اوي
حلا ابتسمت بخفة: خليكي في الجميل بتاعك الاول وبعدين شوفي الجميلة بعدين
جميلة خجلت وآسيا ضحكت حلا دفعت الحساب واخدتهم وذهبوا لبيت قصي
__________________________________
في بيت قصي روما ومايا وصلوا ودخلوا وسمعوا انجلي وهي بتحكي لفارس عن يوم المول بعد اما انجلي خلصت فارس وفاطمة فضلوا يضحكوا اما قصي فأبتسم على حبيبته وما فعلته عندما احد الرجال نظر لها
فاطمة بضحك: يالهوي بقى حلا تهزم اربع رجالة وتبهدلهم بالطريقة ديه
فارس: لا ده كدة قليل ده قصي يحمد ربه على انها تعرف من الاول هو مين وانها قابلته في حياتها علشان والله وانا عارف انا بقول ايه لو كان في امل انك تحبها كُنت هتكرهها كُره العمى من كلامها الجارح واسلوبها القاسي
مايا: بُصوا في حاجة لازم تعرفوها حلا في البيت شخصية برا البيت شخصية تانية جوا الشغل والمركز شخصية تالتة والتعامل مع الرجالة شخصية رابعة انت متعرفهاش اساسا والله تحس انها عندها انفصام في الشخصية
روما: انا يمكن مخرجتش معاها بس من طريقة كلامها مع امان عرفت انها شخص صعب التعامل معاه
فارس: قصدك تحسيها راجل متحسيهاش انها بنت كدة ورقيقة زي البنات
الكل ضحك وفجأة فارس اتفزع عندما اتاه صوتها من خلفه
حلا: والله اذا كان عاجب سيادتك
فارس بخضة: يخربيتك خضتيني مش تقولي احم ولا دستور حتى علشان نعرف انك هنا
الكل ضحك
حلا: اولا هو مفيش بيت علشان يتخرب وكدة كدة هو مخروب خِلقة ثانيا يعني بتتكلم عليا من ورا ضهري وعايزني اعرفك اني موجودة لا طبعا لازم اعرف انت بتقول عليا ايه وبعدين اه راجل وبمليون راجل اذا كان عجبك وبعدين مش لازم اتمرقع واتمايص زي البنات علشان تعرفوا اني رقيقة واساسا ميهمنيش انت واللي زيك شايفني ايه واما بخصوص الرقة والمرقعة شايلاها للي يستحقها لما ابقى اتجوز ابقى اتمرقع على جوزي وافقع مرارته انت بقى ان شاء الله ادلع واتمرقع عليك ليه وعلى نيلة ايه ده انت وامان هتجلطوني دايما جايبنلي مشاكل ومصايب ده انتوا ناقص تسلموا رقبتي لأعدائي
فاطمة بضحك: يالهوي عليكي يا حلا مالك بس هبيتي في الواد ليه ده حتى فارس غلبان وبعدين يا حلا هو معاه حق انا لحد دلوقتي مشوفتش رقة فيكي
هنا جميلة وآسيا دخلوا وعانقوا انجلي وفاطمة وقعدوا جنبهم
حلا بصتلها بإستغراب وصدمة: لا مؤاخذة مين ده اللي غلبان ونبي انتوا ما تعرفوش حاجة ده انا اللي غلبانة وبعدين يعني بخصوص موضوع الرقة ده ايه يعني هتجبيلي عريس مثلا
فاطمة بخبث: اه وليه لا
حلا: ويا ترى بقى مين اوعي تقولي حد من احفادك
فاطمة: اها طب قوليلي ايه رأيك في سمير
قصي اتنرفز من الغيرة على حلا بس فضل صابر لحد ما يشوف اخرتها ايه مع سته ورد فعل حلا هيكون ايه
حلا بإستغراب: عادي يعني هو محترم وعارف ربنا كويس وبيتقي ربنا وراجل وجدع واي بنت تتمنى واحد زيه بس مش فاهمة بتطلبي رأيي ليه هو انا كنت هتجوزوه
فاطمة بإبتسامة خبيثة: وليه لا واديكي قولتي اي بنت تتمناه
حلا ضحكت: انتي فهمتيني غلط مش علشان انا مدحته شوية وقولت رأيي فيه يبقى ده سبب مقنع وكافي اننا نتجوز وبعدبن انا اعرف سمير من سنة ونص لو كُنت عايزة اتجوزوا اكيد مكُنتش زماني واقفة قدامكم على اني غريبة وبعدين انا وسمير مستحيل
فاطمة: ليه مستحيل مش انتي قولتي انه راجل ومحترم وعارف ربنا واي بنت تتمناه
حلا: انا عُمري ما هبُص لسمير على كدة انا بعتبره زي اريان عندي وهو عارف ده كويس وهو بيعتبرني زي اخته فشيلي الموضوع من راسك نهائي
فاطمة: طب ايه رأيك في لوئي
حلا ضحكت: ستي ريحي نفسك انا مبفكرش في جواز
فاطمة: انا بقول رأيك
حلا تنهدت: يعني كويس حلو وبعدين بقى
فاطمة: حلو من ناحية المظهر والشكل ولا الاخلاق والرجولة
حلا: امممم معرفش ليه حاسة انك ناويالي على نية مش كويسة وبالطريقة ديه هقع في مصيبة بُصي انا مبيهمنيش شكل في الرجالة ولا البنات يهمني اخلاق وتربية ورجولة غير كدة يبقى مع احترامي لقصي وفارس هو ملهوش اي لازمة حتى لو هو قمر 14 وشكله حلو وبعدين انتي جاية عند اللي عُقدتها في الحياة الرجالة. وضحكت
قصي بنرفزة: ما تغيروا الموضوع الممل ده
حلا: اه خلينا نغيره وحلا اخذت كوباية ماية وبتشرب
فاطمة: خلاص حلا انا عايزاكي تشوفيلي عروسة لقصي
حلا شرقت وهي بتشرب وفضلت تكُح ووشها احمر وبصت لفاطمة وبعدين بصت لقصي بإستغراب وصدمة وبلعت ريقها بصعوبة وبعدين رجعت النظر لفاطمة
حلا بتردد: ا......انا مليش في مواضيع الجواز وبعدين ما قصي قدامه بنات كتير اكيد يقدر يحب بنت ويتجوزها انا مالي في الموضوع ده ثم انه إشمعنا قصي يعني سيبتي سمير وانجلي ولوئي إشمعنا قصي
فاطمة: ابدا بس هو بيحب بنت والبنت ديه مش مدياله اي اهتمام ومبتحبهوش وطلعت متستحقش حبه ليه وانا عايزة افرح بيه واشوفه عريس ومبسوط وسعيد مع البنت اللي يستاهلها بجد وهو مش عارف ينساها وانا عايزة اخليه يتجوز بنت حلال يمكن يقدر ينساها
حلا هنا اتجمعت الدموع في عيونها وبلعت ريقها بصعوبة من كلام فاطمة الجارح وغمضت عينيها بوجع لتسيطر على نفسها من الا تضعف وتذرف الدموع امامهم وحتى لا يشك بها احد
انجلي بصت لستها بقوة بمعني ليه قولتي كدة وقصي كمان ولما شاف حلا قلبه وجعه عليها
قصي قام وقف جنب حلا وكان ينظر لسته
قصي: ريحي نفسك انا مش هتجوز غيرها وهي تستحق حبي ليها وانا اللي احدد ده مش حد تاني ومفيش حد غيرها يستاهلني ادها ولا هلاقي بنت زيها لا في اخلاق ولا تربية ولا حتى واحدة تحبني ربع حبها ليا انا واثق انها بتحبني بس مش عارف ليه هي بعيدة عني للدرجادي ولا عايزة تقابلني ولا حتى تكلمني
حلا بصتله بصدمة واستغراب من مدحه فيها والكلام اللي قاله ونظرتله بحب وشوق وطبعا فاطمة وانجلي لاحظوا ده وكذلك فارس وطبعا ابتسموا قصي كان ينظر تجاه سته وهو يتحدث وحلا سرحت فيه وانجلي اشارت لقصي بعينيها على حلا
قصي: وبعدين الحب مش بسهولة يتنسي وبعدين انا لو اتجوزت واحدة انا كدة هكون بظلمها وبظلم اللي حبتني وحبيتها وبظلم نفسي وبكدب على نفسي وبكدب عليهم هما الاتنين وبخونهم وبعدين ما لو انا كُنت هقدر انساها كُنت نسيتها من زمان ولو كُنت عايز اتجوز غيرها كُنت اتجوزت من زمان بس انا مقدرتش انساها ولا حتى اكرهها ومش هقدر لانه مش بالسهولة ديه ونظر لحلا
قصي: ولا انتي ايه رأيك يا حلا
قصي عندما رأى نظرة الحب والشوق في عينيها ولكنه لم يستطع ان يشبع من هذه النظرة ويحتفظ بها
حلا عندما قصي التف بها وذكر اسمها استيقظت من شُرودها ونظرت تجاه فارس
حلا بتوتر: ا........ا.....اه معاك حق وبعدين انت ادرى بحبيبتك وبحبها ليك وادرى بنفسك
حلا وشها احمر من الخجل وحاولت تداري وجهها
مايا: خلونا نغير الموضوع قولولي بقى انتوا اتقابلتوا ليه
آسيا: اه فكرتيني بمناسبة اللي قولتيه في الكافيه انتي ازاي تعملي حاجة زي كدة انتي كدة بتبعديهم عننا مش بتقربيهم
انجلي: لالا معلش الحوار من الاول خالص لاني لازم افهم
جميلة حكتلها كل حاجة
انجلي بإستغراب وانزعاج: انتي متخلفة يا حلا
فارس: ايه ده يا حلا ده انتي كدة هتخليهم يبعدوا عنهم
مايا: بصراحة مكُنتش اعرف انك غبية اوي كدة
روما: انتي عارفة كويس انهم اساسا اغبية في مواضيع المشاعر والحب والجواز تروحي انتي تخربيها اكتر
قصي: طيب ممكن تهدوا يمكن هي عندها سبب قوي ومقنع انها عملت كدة واكيد فيه هدف او نتيجة ايجابية وبعدين محدش هيعرف اخواتها اكتر منها واكيد هي عارفة مصلحتهم كويس
حلا بفرح ومرح وتلقائية زي الاطفال وابتسامة واسعة: والله انت عسل انت الوحيد اللي فهمتني صح وقدَرت ده وقدِرت تفهمني ربنا يرزقك ببنت الحلال اللي تحبك وتصونك وتستاهلك قادر يا كريم
قصي ابتسم على تلقائيتها وبخبث: اذا كان كدة بقى كملي الدعوة وقولي ربنا يجمعني بحبيبتي تحت سقف واحد ويتقفل علينا باب واحد
حلا وشها احمر: احم حاضر هبقى ادعيلك
سكتت شوية وبعدين
حلا: احم خلصته تهزيئ فيا ولا لسة هتهزئوني تاني
فارس: طب ممكن تفهمينا ليه عملتي كدة
حلا: اولا ادم واريان عمرهم ما هيحسوا انهم بيحبوا غير لو اتلدعوا واتقرصوا قرصة ودن محترمة
فارس بغيظ: لا بُصي بلاش الغاز وقوليلنا قصدك ايه بكل وضوح
حلا: بُصوا قصدي انهم لازم يحسوا انهم هيخسروا جميلة وآسيا هما مش حاسين لان جميلة وآسيا دايما قصادهم تقريبا مبيتعاملوش مع حد غيرهم يعني فاضيين محدش بيتصل بيهم او يجي ياخدهم من قدام الشركة انما لو حسوا انهم هيبقوا ملك شخص تاني ساعتها نار الغيرة هتقيد غصب عن عين اللي خلفوهم ولازم هيحسوا بحبهم للبنات وهيعترفوا ورجليهم فوق رقبتهم
جميلة: طب انتي عملتي ايه وبعدين احنا كدة هنعوز شابين هنجبهم منين وهنعمل ايه انا مش فاهمة حاجة
حلا: الشباب موجودة واما بخصوص انا عملت فاكرين اليوم اللي روحنا فيه المول وكان فيه شباب بيعاكسونا وقتها ادم واريان ضربوا الشباب في اليوم ده لما احنا رجعنا قعدت معاهم وساعتها قولتلهم انكوا هتتخطبوا قريب بس فهما قلقوا ومن حوالي 3 ايام من قبل اما اختفي الاسبوعين دول كُنا قاعدين مع بعض ف......
فلاش باك
الشباب والبنات كانوا قعدين مع بعض بيتفرجوا على التليفزيون وبيهزروا ويضحكوا
ادم: حلا بقولك ايه
حلا: نعم
ادم: مقولتيش يعني ايه اللي حصل في خطوبة جميلة وآسيا
حلا بتذكر لانها كانت ناسية الموضوع: اااااااه لا اتأجلت اجلوا الخطوبة
اريان: ليه اتخانقوا ولا ايه
حلا ضحكت: يا ابني بقولك اتأجلت مش انفصلوا لا متخانقوش بس كل القصة انه....انه.....البنات فيه فستان معين عايزين يجيبوه بس لسة ملقهوش فالشباب هيجبوه من برا فهياخد وقت
اريان وادم: ااااااااه
مايا بإستغراب: خطوبة مين
ادم: جميلة وآسيا
مايا بإستغراب: هما هيتخطبوا ومش يقولولي وبعدين من تعيس الحظ قصدي سعيد الحظ
اريان: آسيا هتتخطب لابن عمها وجميلة هتتخطب لابن خالتها
مايا عقدت حاجبيها وكشرت: انهي بن عم وانهي بن خال ومن غير ما يقولولي الكلاب
حلا داست على رجل مايا فمايا بصتلها بإستغراب وحلا بصتلها بقوة
حلا: يزن بن عم آسيا يا مايا ومالك بن خالة جميلة وبعدين البنات قالولك بس انتي اللي بتنسي
مايا فهمت قصد حلا: ا....ا....ااااه صح انا ازاي نسيت ده
حلا: وبعدين متقلقوش هتيجوا معايا ساعة الخطوبة هتحبوا الشباب اوي هما محترمين ودمهم خفيف
عودة من الفلاش باك
حلا بإبتسامة: بس هو ده كل اللي حصل بس اظن انهم خايفين ان الخطوبة تتم
آسيا بزعل: يا حلا انتي كدة هتبعديهم عننا
جميلة بزعل ايضا: لا ولو كان في امل ولو واحد في المية انهم يحبونا ضاع بفضل سيادتك
حلا بنفاذ صبر: يا بت يا هبلة منك ليها انا كدة هخليهم يغيروا عليكوا والغيرة قاتلة هتخلي الحمار يعرف انه بيحب وبعدين اي راجل بيغير حتى لو ميعرفش انه بيحب الغيرة ديه حاجة تلقائية رد فعل لا إرادي وبعدين احنا هنستعين بالشباب
آسيا: لا يا حلا مستحيل مش هيعرفوا ومأظنش انهم هيغيروا علينا
حلا: تحبي اثبتلك ده
جميلة: ياريت
حلا بصت حواليها عنيها وقعت على قصي فبصتله
حلا لقصي: قصي انت في بنت في حياتك بتحبها صح تقدر تقولي رد فعلك لو عرفت ان البنت ديه فيه عريس متقدملها او فيه واحد يخطبها وانها موافقة وان الجوازة هتم ورد فعلك لو شوفتُهم مع بعض
قصي: اكيد طبعا هغير ومش بعيد اضرب العريس ومش هيهمني اي حاجة
حلا: اهو انا مجبتش حاجة من عندي
جميلة: بس فيه فرق استاذ قصي يعرف انه بيحب اما ادم لا واستاذ اريان لا
فارس بعفوية وتلقائية: بس حلا معاها حق لان قصي معرفش انه بيحب حلا غير لما غار عليها مني ومن قرايبها حتى انه فيه اوقات كان بيغير عليها من ابوه وابوها واخواتها
حلا بصتله بقوة وبإستغراب ووشها احمر وكانت على وشك الانفجار في فارس
فارس نظر لحلا ووعى لما قاله
فارس بسرعة وبتوتر وخوووف: ق...... قصدي...... حلا بنت يحي الدالي حبيبت قصي......و.....وبنت عمي
حلا غمضت عنيها بقوة وارتاحت نوعا ما
آسيا: بس مش شرط نفس الموضوع يحصل مع اريان واستاذ ادم
حلا: بقولك ايه يا ماما منك ليها انتوا هتعرفوهم اكتر مني بس احب اريحكوا اريان فيه جواه جانب تاني غير اللي بتشوفيه لو غار على حد مش هقولك على اللي بيعمله بيخرب الدنيا ويقلبها فوقاني تحتاني اما بالنسبة لادم فده بقى مش بعيد يقتلك يا جميلة لانه بيغير جدا وهو لما بيغير بيتعصب وطالاما اتعصب اظن انتي عرفتي الباقي
جميلة بلعت ريقها بصعوبة: طب هنعمل ايه دلوقتي
حلا: العمل بسييط جدا هنتصل بالشباب ونخليهم يجوا وانا هقعد معاهم وافهمهم كل حاجة وهما اللي هيعملوا مش انتوا انتوا هتتصرفوا على طبيعتكوا
آسيا بإستغراب وبغيظ: طب لحظة واحدة لنفترض ان مالك بن خالت جميلة هيجي وهيوافق وكدة كدة مالك اخو جميلة بالرضاعة يعني ميجوزلهاش انا بقى ان شاء الله اجيب بن عمي منين انا ابويا معندوش اخوات شباب عنده بنات وبعدين معرفش حد اسمه يزن من ولاد عماتي هأجر واحد مثلا يعني ولا ايه ممكن تفهميني
حلا ضحكت جااامد الكل بصلها بإستغراب
انجلي بإستغراب: انتي بتضحكي على ايه هي معاها حق
حلا: انجلي ممكن اسألك سؤال
انجلي: اتفضلي
حلا: هو انتي ممكن تنسي حد من اخواتك او تنسي اسمه او ان عندك اخ مثلا اسمه قصي
انجلي بإستغراب: لا طبعا مستحيييل
حلا بضحك: بضحك على خيبتي وعلى الموكوسة ديه
آسيا بإستغراب وعدم فهم: انا مش فاهمة حاجة
انجلي: ولا انا
جميلة فهمت فقعدت تضحك: انا.....فهمت.....هي.....قصدها....ايييه
حلا وجميلة قعدوا يضحكوا وبعد اما خلصوا
حلا: احم احم نتكلم جد بقى آسيا انتي متأكدة ان في حياااتك كلها مفيش راااجل مَلُو هدومه اسمه يزن
آسيا هزت رأسها بالنفي
حلا: يا هبلة ياااااا بنتتتت الناس الكويسة اخوكي اللي بيشتغل في المخابرات السرية ده ايه بقى ان شاء الله ريبورت مثلا ولا شبح وانا معرفش ولا لا يكون اخويا انا وانا معرفش
آسيا بعدم فهم: وايه دخل اخويا في الموضوع
حلا صرخت: لااااا حرام عليكي مرارتي يا شيخة كدة كتير ما هو حرام كفاية غباء ابوس ايدك.... سكتت شوية
حلا بنفاذ صبر: اخوكي اسمه يزن هندخله في التمثيلية ديه على اساس انه بن عمك بس محدش هيبقى عارف ده غيرنا واظن انك طبيعي جدا تتصرفي مع اخوكي احضان وبوس وهزار والدنيا ايزي وده هيخلي اريان يغير اكيد يعني مش هخلي واحد غريب او بن عمتك تتعاملي معاه بالطريقة ديه وبحبك ووحشتني يا حبيبي طبيعي ان البنات بتتعامل بحب مع اخواتهم يعني انا واحدة من البنات ممكن اكون ماشية في الشارع وبكلم حد من اخواتي ولو في حد معدي من جنبي يفتكر اني بحب في التليفون او بكلم حبيبي او خطيبي او جوزي
جميلة: لا مؤاخذة يا حلا في سؤال شخصي عايزة اسأله هو لما انتي بتقولي لاخواتك حبيبي ووحشتني وبحبك اومال هتقولي لجوزك ايه او للشخص اللي بتحبيه
حلا رفعت احد حاجبيها وبغيظ: وانتي مال مناخيرك متحشرة في الموضوع ليه وبعدين هو انا كنت بحب اخوكي ولا خطيبته ومبتصلش بيه ومش بقوله صباح الخير يا عمري واقوله كلام حب وانتي مالك ايه القرف ده خليكي في حالك وفي قصتك يا حبيبتي ملكيش دعوة بأهلي
مايا: لا بجد يا حلا يعني هتقولي ايه لحبيب القلب لو اتجوزتوا يعني انتي في اوقات بدلعي ادم واريان او بتناديلهم بحبيبي اومال مع جوزك المستقبلي او حبيبك هتعملي ايه
حلا: لا ده انا هدلعه وادلعه بس انتي اطلعي منها
انجلي بإبتسامة: طب قولي لقب من الالقاب اللي هدلعيه بيها كدة
حلا: اممم يعني مثلا اميري...... جوزي..... روحي كدة يعني هو فيه القاب كتير بس حاليا مليش مزاج ابتكر لقب وبعدين لما ابقى الاقي تعيس الحظ يبقى يحلها الف حلال بس المهم يا جميلة انتي وآسيا هتتصلوا بالشباب ولما يجوا ابقوا قولولي وانا هبقى اقعد معاهم
آسيا: طيب بالنسبة للخطوبة هنعمل فيها ايه
حلا: هنعمل خطوبة ايه اللي هنعمل فيها ايه
جميلة: افندم ياختي خطوبة ازاي يعني انتي بتتكلمي على اننا هنتخطب لاخونا انتي بتهزري
حلا ضحكت: خلاص يا حبيبتي هجيبلكوا واحد من برا تتخطبي ليه بس لو صدق الدور بقى وهوب بقى وبقى عايز يخلي التمثيلية حقيقة مليش فيه
جميلة: بس برضه مفهمتش هنعمل ايه
حلا: ما قولت مش انتوا اللي هتعملوا الشباب انتوا اتعاملوا على طبيعتكوا معاهم وهما هيعرفوا يتصرفوا ازاي
جميلة: تمام
حلا تليفونها رن فخرجت للحديقة ترد عليه وكان امان هو اللي بيتصل
انجلي: انا هدخل احضر الغدا
البنات: خدينا معاكي
فاطمة: وانا هاجي اساعدكوا
قصي: وانا هطلع اجيب ملف من فوق
فارس: خدني معاك
في الحديقة
حلا: ده ضروري يعني........يعني الموضوع خطير.........تمام خلاص انا هخلي فارس يروح يحجزلي على اول طيارة وربنا يسهل......تمام سلام
قفلت معاه ودخلت وهنا ساندي كانت نازلة من فوق وشافت حلا
ساندي: انتي بتعملي ايه هنا
حلا لفتلها وبصتلها من فوق لتحت ولاحظت ان خد ساندي وارم
في الاعلى قصي خرج هو وفارس وكان معاه ملف في ايده
قصي بضحك: يا اخي ارحم امي انت يابني مبتتهدش
قصي كان هينزل بس فارس مسكوا وفضلوا واقفين
فارس بصوت واطي: خلينا نقف نعرف ايه اللي هيحصل الاحداث مشوقة اوي بحب اتفرج عليهم هما الاتنين بحس اني قاعد في مسرح كوميدي
قصي ضحك بس حاول يمسك نفسه
حلا ضحكت: ايه ده مين اللي علم عليكي يا حبيبتي
ساندي بغيظ: مين اللي سمحلك تتكلمي معايا بالطريقة ديه
حلا ضحكت: خدك اللي لونه ازرق سمحلي.....الا قوليلي بجد ماله خدك مزرق ليه
ساندي بتوتر: ها...ل...لا....ابدا اتخبطت في الباب
حلا بعدم اقتناع: اممم سبحان الله حتى الباب مش بيطيقك يا ساندي
ساندي بغيظ: انتي بتعملي ايه هنا
حلا ابتسمت ابتسامة عريضة: جاية احب في قصي شوية عندك اعتراض.....ولو عندك خليه لنفسك
ساندي بغضب: انتي واحدة متربتيش ومش محترمة وواحدة وسخة
حلا بهدوء: من عاشر القوم سبعين يوم يا حبيبتي واكيد مش جيباه من برا يعني بتعامل معاكي وعايزاني ابقى محترمة
ساندي بغيظ: ابعدي عن قصي يا حلا وملكيش دعوة بيه هو ملكي وانتوا الاتنين مستحيل تبقوا مع بعض
حلا رفعت ايديها بإستسلام وبإستنكار:وهو انا كنت املُك عليه حاجة ولا هو ملكي لانه مش جوزي ثم انه يعني انا مقولتش انه ملكي وبعدين ما انا كُنت سيباه لمدة عشر سنين مخليتيهوش ليه يبقى ملكك ايه فشلتي في ده وبعدين انا مجتش جنب قصي وكتيري معاه الشغل يعني لا بدخل عليه اوضته واحاول اتقرب منه بطريقة مقززة
ساندي بخوف وتوتر: انتي منين عرفتي اني بدخل على قصي اوضته وهو نايم
حلا بصدمة واستغراب وببعض الغضب: لا احلويت كمان وهو نايم ده انا يا مؤمنة عمري ما دخلت على اخويا اوضته وهو نايم واسمه اخويا انا مش عارفة هو ازاي مستحملك ومخليكي في بيته لحد دلوقتي الله يكون في عونه علشان كدة كان بيجي الشركة على اخره اتاري لما شافك يومه اتعكر ومزاجه اتعكر وبصراحة بعني بأمانة هو معاه حق ده انا بشوفك بحس اني عايزة افتح دماغك نصين فما بالك هو وبالاخص ان قصي خُلقه ضيق
ساندي بغيظ: اطل.........
قاطعتها حلا: لما ابقى في بيتك يبقى ساعتها ليكي الحق تطرديني وبعدين انا مش جاية علشان ميتة في دباديب اهلك وعايزة اشوفك فأحسنلك تخرصي وتقفلي بوقك علشان صدقيني بدأت افقد اعصابي
ساندي بغيظ: ده فعلا اهلك مربوكيش ده ان كانوا هما اتربوا اساسا
حلا هنا ضربتها بالقلم بقوة لدرجة ان ساندي فقدت توازنها ووقعت في الارض من اثر قوة الصفعة
حلا بغضب شديد: هتتعدي حدودك معايا هعرفهالك كويس يظهر ان اللي ضربك على وشك نسي يعلمك حدودك ويعرفهالك كويس انا يا حبيبتي ميفرقش معايا سواء في بيتي ولا لا همسكك امسح بكرامتك الارض ومحدش هيعرف يحوشك مني كله الا سيرة اهلي هتغلطي معايا هتتدفعي التمن غالي اوي ومش بعيد تخسري حياتك واظن انك المفروض تطلعي على اوضتك بدل ما انادي قصي واعرفه حقيقة الفيديو اللي عملتيه انتي وعمرو واعرف ستي كمان ونشوف مين فينا اللي اهلها مربوهاش انا طول عمري مبحبش اغلط في الاهل مادام انا معرفش اهلك مش عايزة اغلط فيهم بس هتتعدي حدودك معايا اكتر من كدة هوريكي الوساخة على حق وحقيقي وهنسى تربية اهلي ليا وهتصرف معاكي من غير اخلاق وتربية لحد انهاردة ودلوقتي بتعامل معاكي بكل ذوق واحترام بس يظهر الصنف الوسخ اللي زيك مينفعش معاه الاحترام والذوق ويكون احسنلك تغوري من وشي دلوقتي علشان انا عفاريت الدنيا بتتنطط في وشي
ساندي اترعبت من منظر حلا وخافت من كلامها وقامت وطلعت تجري على اوضتها
فارس وقصي كانوا واقفين على السلم واداروا لما ساندي كانت طالعة
فارس لقصي: مراتك المستقبلية قوية وقاسية اوي الله يكون في عونك لما تحددوا يوم فرحكوا ابقى قولي علشان احضر الكفن واقرأ على روحك الفاتحة وادعيلك وانا ساجد
قصي ابتسم وكان ينظر لحلا بحب وإعجاب واضح جدا: انت بس قول يارب اليوم ده يجي بسرعة وانا لو هموت وهضحي بحياتي معنديش اي مانع لو اليوم ده هيكون اخر يوم في عمري معنديش مانع اني اقضيه مع حلا انا امنية حياتي ان يوم ما اموت اموت بين ايديها
لوئي من خلفهم: ايه ده طب مش تقولوا ان الحب مولع في الدرة
فارس ضحك: ده مولع اوي اوي
قصي: خلاص هتشتغلوا عليا خلونا ننزل
نزلوا ولوئي شاف حلا
لوئي: ايه ده الرائد حلا بنفسها عندنا في البيت وانا بقول البيت منور ليه
حلا ابتسمت بس من غير نفس
لوئي: يا ساتر يارب مالك في ايه
حلا بعصبية: مفيش
لوئي بإصرار: لا فيه مالك انتي مبيبقاش وشك كدة غير لو حصل حاجة عكس ما كنتي مخططلها
حلا بعصبية: طالبني برا في شغل ضروري والموضوع خطير وانا مكنتش عايزة اسافر علشان مهمة قصي وبالاخص في الاسبوعين دول هوووووف
فارس: معنى كلامك انك هتسافري صح
حلا بإنزعاج: اه عايزاك تروح تحجزلي على اول طيارة وتقولي اليوم والساعة اللي هسافر فيها
فارس: حاضر
حلا: لوئي اتفضل الملف اللي كُنت عايزه اهو
لوئي: اخد منها الملف تمام كدة متشغليش بالك انا هتكفل بكل حاجة لحد ما ترجعي
حلا هزت رأسها بالموافقة
انجلي دخلت عليهم: حلول انا عملالك اكلة هتاكلي صوابعك وراها
فارس بمرح: لا حلا حاليا نفسها اتسدت
حلا: ونبي ياخويا مسدودة من زمان بس فيه ناس بتفتح النفس وناس تسد النفس زيك كدة
الكل ضحك
حلا لانجلي: الود ودي اني اكل معاكوا بس عندي مهمة بعد ساعة يعني يادوب امشي دلوقتي على ما اوصل واوزع الفريق والخطة وكدة فسوري يا حبيبتي مش هقدر اكل معاكوا
انجلي: طب حاجة بسيطة
حلا: لا انا مباكلش قبل المهمة علشان بتعب وبطني بتتعبني فمش هعرف وبعدين انا لازم امشي يلا سلام
وقبلت انجلي من خدها ومشيت وذهبت لمهمتها
__________________________________
على الساعة 5 بليل خلف بيت قصي كان محمد واقف ومعاه الرجلين اللي شافهم في بيته
محمد: طب هتعملوا ايه دلوقتي
الرجل ٢: هنطلع من هنا على اوضة قصي وانت تجيب انجلي وتجيلي على غرفة قصي
الرجل ١: افترض قصي كان فوق
الرجل٢: يبقى كويس لاني عايز قصي علشان موضوع حلا
محمد: طيب بس خلوا بالكوا لان مايا وروما جوا
الرجل ١: هو انتوا لاقيتوا روما
محمد ابتسم: اه فارس لقاها في احد المهمات كانت مخطوفة ساعتها عملها تحليل DNA علشان يعرف اذا كانت هي روميساء ولا لا انا هروح بقى سلام خلي بالكوا من نفسكوا
محمد مشي ودخل البيت
انجلي بفرح: اهلا بعمو محمد عامل ايه وحشني جدا
محمد بإبتسامة عريضة: الحمد لله يا نونو وانتي وحشاني اكتر المهم كُنت عايزك في موضوع مهم
انجلي بإستغراب: ايه هو
محمد: لا تعالي نطلع اوضة اخوكي قصي علشان مينفعش حد يسمعنا
انجلي بأستغراب شديد وعدم ارتياح: ماشي يلا
وطلعوا على اوضة قصي ودخلوا ولما انجلي دخلت كانت الصدمة وعنيها دمعت
__________________________________في الاسفل روما كانت بدور على انجلي
فاطمة بإستغراب: بدوري على ايه يا رورو
روما: على انجلي عايزاها
فاطمة: عمك محمد جيه وخدها على اوضة قصي علشان فيه موضوع مهم
قصي كان برا البيت وكان لسة داخل البيت وسمع فاطمة
قصي بإستغراب: غريبة وإشمعنا اوضتي انا
فاطمة: معرفش
روما: طب هي فين اوضتك يا قصي علشان انا عاوزاها في موضوع ضروري
قصي: تعالي نطلع نشوف في ايه وانا اساسا كُنت عايز عمي محمد في موضوع مهم
روما ابتسمت: بخصوص حلا مش كدة
قصي ابتسم: اه
روما: ان شاء الله هتتجوزوا قريب وهتكون من نصيبك
قصي: ربنا يسمع من بوقك يا شيخة
قصي اخد روما وطلعوا على غرفته قصي دخل قبل روما
قصي: ايه بتخططوا لايه في اوضتي وانا معرف.............قصي سكت فجأة وكانت مفاجأة ليه
وروما: نونو حبيب................
قصي وروما في نفس الوقت بصدمة وعدم استيعاب: مش معقول....بابا
__________________________________
يا ترى ايه اللي هيحصل؟!
__________________________________
كل سنة وانتوا طيبين وعيد سعيد ورأيكوا بقى وتوقعاتكوا للحلقة اللي جاية
