عشقتك رغم جروح قلبي ٢ ( ادمنتك )

الحلقة ١٧

مايا طرقت باب غرفة حلا وانتظرت الى ان سمعت صوت حلا واذنها بالدخول مايا وروما دخلوا بس حلا كانت بتتكلم في التليفون
حلا: طيب يا امان......... ماشي.......بس لو في اي حاجة حصلت جديدة او مشاكل او مثلا لو عرفت معلومات جديدة بخصوص اي مهمة اتصل بيا فورا انا هريح بس يومين وهرجع تاني......... تمام سلام
حلا قفلت مع امان والتفت للبنات وابتسمت
حلا: ايه يا حبايبي في حاجة
مايا ابتسمت: شكلك رايقة اوي
روما ابتسمت وغمزت لحلا: وممكن يكون قصي هو اللي وراء الروقان ده
حلا: لا والله لا رايقة ولا حاجة بس عادية يعني
حلا قعدت على طرف السرير ومايا قعدت جنبها من جهة وروما من الجهة الاخرى
حلا: بس انتوا جيتوا ليه
روما بإنزعاج: ليه مينفعش نيجي نطمن على اختنا ولا نقعد نتكلم معاها شوية
حلا رفعت احد حاجبيها وبإستغراب وغيظ: نتكللللم اااااه خير بقى هنتكلم في ايه
مايا بتوتر: لا ولا حاجة
حلا بغيظ: طالاما متوترة كدة وقولتي ولا حاجة يبقى الموضوع بخصوص قصي يبقى احسن انكوا متتكلموش خالص
جائهم طرق الباب
حلا: ادخل
رقية بإبتسامة: ينفع اقعد معاكم
مايا بإبتسامة: طبعا يا رورو
روما لحلا: لا والله نوعدك اننا مش هنجرحك بس عايزين نعرف ايه اللي حصل بينكم في الغرفة
حلا: ولا حاجة محصلش حاجة
مايا بغيظ: امم محصلش حاجة طب عينك في عيني كدة وقوليلي ايه اللي كان مخلي وشك ده مبيتفسرش وكنتي متضايقة ومتوترة وتفكيرك مشوش ايه هتقولي برضه محصلش حاجة بُصي يا حلا انتي تقدري تكذبي على عمي محمد او فارس او حتى روما بس عليا لا يا روحي علشان انا من نظرة اقدر افهمك وكويس اوي واحب اقولك ان فيه حاجة حصلت بس انتي مكنتيش عايزاها تحصل فأتفضلي احكي ايه اللي حصل
حلا نظرت لمايا شوية ومن ثم لروما: ضروري يعني تعرفوا
مايا وروما: ااااه
رقية: هو انا ممكن افهم في ايه
مايا: إمبارح كنا في بيت قصي وكان تعبان فحلا طلعت تهديه في غرفته وفضلوا ساعتين فوق واحنا عايزين نعرف ايه اللي حصل
رقية قعدت في الارض وبفضول: لا معلش انتي هتحكي ومش هتنامي غير لما تحكي وبالتفصيل يا روحي
حلا تنهدت بقوة
مايا بإبتسامة: ليه قلبي حسسني ان قصي اعترفلك بالحب بعد التنهيدة ديه ومش بعيد يكون طلبك للجواز..... صح كلامي ولا
حلا: للاسف اه
روما ومايا قفزوا من الفرح
ورقية صفقت: وانتي جاوبتيه بإيه
حلا: مكنش فيا عقل ومعرفتش اجاوبه بإيه ولساني كان مربوط وكنت متلغبطة ومش فاهمة حاجة وهو اساسا مأعطانيش فرصة اني اتكلم وخرسني
مايا بإستغراب: خرسك ازاي
حلا بتوتر: هو..... يعني..... بصراحة قبلني
روما ومايا تنحوا وبصوا لبعض
روما بعدم فهم: قبلك انهي قبلة لو سمحتي
مايا: لان القبل انواع
حلا: قبلني من بوقي
مايا فتحت فمها على اخره وقعدت بجوار حلا: لحظة بقى كدة الموضوع يتحكي من اوله وبالتفصيل
حلا تنهدت: قصي تعب ووشه بان عليه التعب فقيست ضغطه والسكر ولاقيتهم منخفضين جدا فأديته إبرة مهدئ مع العلم انها ممكن تخلي الشخص مش في وعيه وبعدين أصريت عليه انه ياكل بس هو رفض فهد كان موجود فغمزلي وقالي انا سمعت من مايا ان الاكل من ايدك بيبقى طعمه تحفة مادام قصي مش عايز ياكل اكليني انا فانا قولتله بس كدة انت تؤمر يا سيدي اتفضل بالهنا والشفا ولسة بمد ايدي لفهد قصي مسك ايدي بقوة واكل هو وقال انا بس اللي ليا الحق اني اكل من ايديها انت مين انت علشان هي تأكلك فقولتله ليه فهد زي اخويا عادي لما أئكله زي ما بأكلك فقصي قالي يعني انتي بتعتبريني زي اخوكي علشان كدة بتأكليني فانا سكت ومردتش فهو اتنرفز وقالي ايه خرستي دلوقتي وكان لسة هيتكلم قومت دفست المعلقة وفيها اكل في بوقه بغيظ وقوة وقولتله ماليش مزاج ارد عليك ايه عافية هي فقالي على فكرة بتوجع فقولتله ما انت اللي استفزتني استحمل بقى فقالي طب يلا علشان الاكل حلو اوي ويعني قعدت اتخانق معاه وبعدين هو شكر في الاكل من تحت ايدي وخلص اكل وبعدين هو..........
روما بفضول: ايوة بقى شكر يعني قال ايه بنقول بالتفصيل
حلا بضجر: هو لما قالي الاكل حلو قولتله مش انت لسة كنت بتقول انك ملكش نفس ومش جعان فقالي فهد معاه حق الاكل من تحت ايدك طعمه تاني ويفتح الشهية فخجلت واكلته ولما خلص اكل قولتله قوم نام على السرير فهو مقدرش يقوم لانه دايخ فسندته انا وفهد وبعدين.................
حكتلهم اللي حصل نسيبهم شوية وبعدين نرجع ليهم
__________________________________
في بيت قصي قصي فضل جنب اخته
انجلي بإبتسامة: قولي بقى انت وحلا عاملين ايه
قصي: عادي يعني هنكون عاملين ايه
قاطعهم طرق الباب
قصي: ادخل
فهد دخل وبمرح: عاملة ايه دلوقتي يا نونو اوعي لا يكون الواد الرخم ده بيضايقك
انجلي ضحكت: لا والله ابدا قاعدين بندردش ونتكلم عن حلا
فهد: اااه قولتيلي عن حلا............ اه صح قصي ايه اللي حصل بينك انت وحلا امبارح
ومن ثم غمز لقصي
قصي بإستغراب: ولا حاجة هيكون ايه اللي هيحصل يعني
انجلي بإستغراب وفرح: لحظة واحدة هي حلا كانت هنا إمبارح امتى
قصي: قبل اما تروح المستشفى كانت هنا
انجلي: لا معلش تحكي اللي حصل بالتفصيل
قصي: مفيش بس انا لما رجعت كنت متضايق وانتي عارفاني لما بكون مخنوق ومتضايق ساندي دخلت الاوضة عندي وقعدت تقول كلام اهبل كالعادة زي حلا حبيبتك فين لا تكون عرفت وطنشت او انت متفرقش معاها يعني كلام من ده
فهد بضيق: والله انا مش عارف انتوا مستحميلينها ازاي ده انا مبطيقهاش
انجلي ضحكت: بس بجد بحبها لما تتقابل مع حلا حلا بتخرسها ومبتعرفش ترد على حلا
فهد وقصي ضحكوا
قصي: والله معاكي حق
فهد: بس قصي نصيحة من اخوك لما تتجوز حلا خليك حريص ان هي وساندي ميقعدوش في بيت واحد والا القيامة هتقوم
انجلي: تؤ الحرب العالمية التالتة هتقوم
الكل ضحك
قصي: والله انتوا مجانين بس هي توافق وتحن على امي وتعترف بحبها الاول وبعدين نبقى نتجوز
انجلي بفضول: المهم كمل ايه اللي حصل امبارح
قصي تنهد: بس يا ستي اتنرفزت على ساندي وطردتها وهي خافت وخرجت ومفيش غير دقيقتين لاقيت الباب بيخبط فصرخت بنرفزة وقولت انا قولت مش عايز اشوف حد لاقيتلك اللي بتقولي حتى لو الحد ده انا وكانت حلا فقولتلها تخرج وتسبني لوحدي وكنت هشد معاها لاني قولتلها اطلعي برا او بمعنى اصح طردتها بس الغريب انها مزعلتش ولا اضايقت بالعكس قعدت تتكلم معايا وتحاول تهديني وقالتلي اعمل اللي عايز تعمله كأني مش موجودة وقتها قولتلها بليز سيبيني لوحدي والا هسيب البيت واختفي ومش هعرف حد عني حاجة وانتي عارفة اني مبحبش حد يضغط عليا او يعند معايا وانا على اخري قالتلي ماشي براحتك زي ما انت عايز.......
انجلي بإستغراب وإعجاب: اوووهوووو قصي بذات نفسه بيترجى حد ومين بنت لالا انت بجد حالتك خطيرة
قصي بإنزعاج: هتفضلوا تعلقوا على كل حرف مش هتكلم
فهد ضحك: انتي مشوفتيهوش كان عامل ازاي إمبارح  
قصي بضيق: لاااا والله طب ما تتكلم انت احسن
فهد: تؤ انت اللي هتتكلم كمل كمل.....يلا خلاص مش هنقاطعك تاني وعد
قصي: بس بعدين افتكرتها خرجت لاني سمعت باب الاوضة بيتقفل وبعدين كسرت كل الڤازات والازاز اللي في الاوضة وجرحت ايدي بس جرح صغير وبعد اما طلعت الخنقة اللي جوايا كلها وفشيت غِلي في الازاز لاقيتها جت من ورايا وقعدت جنبي وحطيت ايديها على كتفي وقالتلي انك هتبقي كويسة ومينفعش اعمل كدة في نفسي علشان متعبش وبعدين قولتلها اوعديني انك متسبينيش وتفضلي جنبي وهي وعدتني وبعدين..........اكلتني على ما اعتقد ومش فاكر اي حاجة بعد كدة
فهد بإستغراب: بتهزر يعني ايه مش فاكر اي حاجة
قصي: يعني مش فاكر لو انت تعرف حاجة ياريت تقولي لاني هموت واعرف ايه اللي حصل
فهد: تمام انا هقول اللي اعرفه...... امبارح لما دخلت لاقيت الارض مليانة ازاز وحلا وقصي قاعدين في الارض وقصي حاضن حلا ومش راضي يبعد عنها وحلا كانت بتملس على شعره وظهره وبعدين فجأة قصي تعب فحلا طلبت مني اجيبلها جهاز لقياس الضغط والسكر وقطن وبتادين فجيبتلها الحاجات وفحصت قصي لاقيت الضغط والسكر منخفضين جدا فحلا اعطته إبرة مهدئ علشان يرتاح وحاولت تأكله بس هو رفض فانا وقتها حاولت انرفزه ونجحت لما قولت لحلا مادام قصي مش عايز ياكل اكليني انا بداله واني سمعت من مايا ان الاكل من ايديكي طعمه تحفة وقتها حلا طاوعتني ولسة هتأكلني هو اتنرفز واخد المعلقة واكل وقالي محدش ليه الحق ياكل من حلا غيري و.........
__________________________________
في بيت الدالي تحديدا في غرفة حلا
حلا: بس وبعد اما قالي الكلام ده قبلني من فمي وبجد كنت مذهولة مش عارفة اعمل ايه ولا اقول ايه بس فضلت ساكتة لا بتحرك ولا بنطق كنت زي التمثال وبعدين هو نام بسبب المهدئ بسس...
رقية بفضول: بس ايه
حلا بخجل وتوتر: نام على كتفي وكان محاوطني بذراعه تقوليش مراته
مايا بخبث: قصدك نايم في حضنك
حلا نظرت لها بقوة
روما: بجد يا بختك يا شيخة بيه
رقية: اه والله يا حلا ده بيحبك اوي حرام عليكي والله يخرب بيت رومانسية امه يا شيخة
مايا بإنزعاج: بتتكلموا مع مين ديه جبروت هتقولكوا دلوقتي انها هتروح وتقوله انها مش موافقة على الجواز وانها بتكرهه
حلا: لا مش هقول كدة
روما بفرح: يعني هتوافقي
حلا: برضه لا
رقية بإستغراب: اومال هتعملي ايه
حلا: ولا حاجة لان ببساطة قصي مش فاكر اي حاجة بسبب المهدئ وبعدين كل اللي سمعتوه ده حصل بس هو مكنش في وعيه 
مايا بإنزعاج: حتى ولو بس هو قال اللي بيحس بيه واللي جواه ارحميه شوية يا حلا
حلا بضيق وضجر: بقولكوا ايه هو كدة كدة مش فاكر حاجة فابوس ايديكوا ما تزودوها عليا.......المهم رقية قوليلي عاملتي ايه انتي وفارس
رقية: بصوا انا كنت قاعدة في العربية ولما خلصت ونزلت كل المعلومات على فلاشة سيبت الموبايل واللاب توب في العربية ونزلت بسرعة واستخبيت و.......
حكتلهم اللي حصل
رقية: بس وبعدين حلا اتصلت وقالت ان عمي محمد في المستشفى
مايا: اوبا بت يا روما شكلنا انا وانتي مواكيس زي بعض في قصتين حب بيبتدوا عن جديد واحنا واقفين بنتفرج
روما بحزن: لا يا حبيبتي احنا مش واقفين
مايا بإستغراب: اومال ايه...قعدين
روما: تؤ احنا اكياس جوافة او ارطاس لب ان مكنش ارطاس قشر اللب
حلا ومايا ورقية ضحكوا
حلا: ياختي اتوكسي انتي وهي قال يعني انا عايشة قصة حب
روما بغيظ: اومال اللي حصل بينك وبين قصي ده ايه يا روح امك كان كره
مايا: ده الواد على قد ما هو مز فشخ طلع رومانسي افشخ
حلا بغيظ: ايييييهههه ناقص تقولوا يخربيت حضن امه جرى ايه يا حبيبتي منك ليها اتلموا بدل ما اعمل من افخادكم فراخ بانيه وشاورما ها
رقية ضحكت: منصحكوش تثيروا غيرتها
مايا: احم احنا كنا بنقول رأينا بس ولا ايه يا روما
حلا بغيظ: لا يا حبيبتي انا ادرى بقصي خلي رأيكوا لنفسكوا
روما: هتعملوا ايه يا رقية انتي وفارس هتتجوزوا
رقية بتوتر: مش عارفة
حلا ابتسمت وبخبث: اهدي يا حبيبتي احنا مبنقولكيش دُخلت فارس عليكي بكرة ايه كل التوتر ده
الكل ضحك ورقية خجلت بشدة وضربت حلا في كتفها اليسار
حلا بغيظ: انا هموووت واعرف ميزة انكوا تضربوني في كتفي او دراعي الشمال اشمعنا ده هموت واعرف
مايا لفت دراعها حول رقبة حلا عانقتها بقوة: علشان بنحبك اوووويييي
حلا وهي بتكح: يخرب.......اهلك.....هتمو...تيني
وفضلت تكح ووشها احمر
رقية: يخربيت جمال امك يا شيخة الله يكون في عون قصي بجد ده احنا البنات بنكون عايزين ناكلك ما بالك هو
الكل ضحك وقعدوا يهزروا ويتكلموا وبعدين البنات سابوا حلا علشان ترتاح
__________________________________
في بيت قصي تحديدا غرفة انجلي
فهد: وكانت حلا فوق قصي بسبب ان قصي شدها من ايديها فهي توازنها اختل فوقعت عليه فانا قولت اسيبهم لوحدهم لان حلا كانت مكسوفة جدا بس فخرجت وسبتهم ومعرفش ايه اللي حصل بعد كدة اللي يعرف قصي وحلا هما بس اللي يعرفوا
قصي بإستغراب: كل ده حصل انا مش فاكر نص اللي انت حكيته
فهد: اظن من تأثير المهدئ
انجلي: معناها اسأل حلا ايه اللي حصل واكيد هي اللي عارفة ايه اللي حصل
قصي: المشكلة اني حاسس ان فيه حاجات كتير حصلت بس فاكر وسألت حلا الصبح قالتلي مفيش حاجة مهمة حصلت حتى اما قولتلها اني اخر حاجة فاكرها هي اني اكلت قالتلي محصلش حاجة انت اكلت ونمت
فهد بإستغراب: مستحيل تكون نمت لانها مخرجتش من غرفتك الا بعد حوالي نص ساعة او ساعة الا من بعد ما انا خرجت
انجلي بتفكير: معقولة تكون قولتلها حاجة هي مكنتش عايزاك تقولها ولما عرفت انك مش فاكر قالتلك محصلش حاجة علشان متجرحكش
قصي بإستغراب وعدم فهم: حاجة زي ايه
انجلي: زي مثلا قولتلها حقيقة مشاعرك وانك بتحبها وممكن تكون قولتلها انك عايز تقضي الباقي من حياتك معاها مش فهد بيقول انك كنت مش في وعيك واظن الناس اللي بتقول كل حاجة جواها وحقيقتها هي الناس اللي مش في وعيها
فهد بتفكير: معقولة تكون طلبتها للجواز يا قصي
قصي بإنزعاج وخنقة وضيق: هووووف انا مش فاكر اي حاجة من اللي انت قولتها وانتوا جايين تفرضولي احتمالات بإني اعترفت وتقدمتلها لنفترض ان ده صح ليه هي مسابتش البلد ليه مازالت بتتواصل معايا
فهد: مش عارف بس ممكن يكون في حاجة في دماغها
انجلي: وممكن تكون هي عارفة من الاول انك مش هتفتكر حاجة بسبب المهدئ لانها دكتورة وعارفة الادوية ديه ايه اللي بينتج عنها
قصي: والعمل دلوقتي
انجلي: قدامك حاجة من الاتنين
قصي: ايه هما
انجلي: يا اما تروح وتسألها او تكمل زي ما كنت مكمل
فهد: بس هو سألها وهي قالتله انه محصلش حاجة
انجلي: خلاص يبقى خليك زي ما انت
فهد بتفكير: بس لحظة فيه شخص ممكن يقولنا ايه اللي حصل بينكوا في الغرفة واللي انت مش فاكره
قصي بإستغراب: مين هو
فهد: شخص من تلاتة يا فارس يا روما يااا إما.....
انجلي بإستغراب: يا إما مين
فهد بإبتسامة: يا إما مايا لان مايا قريبة جدا من حلا وغير كدة هي عايشة معاها من الطفولة وعايشة معاها 20 سنة فأكيد حلا لو مقالتش لفارس بن عمها ولا قالت لاختها التؤام روما يبقى اكيد اكيد قالت لمايا
قصي: بس مأظنش هتقولها حاجة زي كدة
فهد: هي اه صح حلا مستحيل تتكلم من تلقاء نفسها بس مايا بتعرف تخليها تتكلم بالقوة لان مايا فضولية جدا بالاضافة انها اكتر واحدة بتفهم حلا
قصي بتفكير: تفتكر مايا هترضى تقولنا
فهد هز رأسه بالموافقة: امم هتقول لانها عايزة حلا تكون مبسوطة وعارفة كويس ان هو شخص واحد بس اللي يقدر يسعدها وهو انت
انجلي: اذا كان كدة انا هتصل بيها واكلمها وهشوف
هنا لوئي دخل
لوئي اضاق عينيه ومثل ملامح الزعل: خيااانة بتعملوا ايه من غيري يا خاينين
فهد: ولا حاجة بس بنحل قصة حب قصي وحلا المعقدة تعالى ساعدنا
لوئي: اوي اوي قوليلي افيدكوا بإيه
فهد بإستفزاز: تنقطنا بسكاتك حاليا
لوئي بصله بغيظ ومردش لان انجلي اتصلت بمايا وفتحت الاسبيكر وبعد ثواني اتاها صوت مايا.........
__________________________________
في بيت الدالي رقية ومايا وروما كانوا قاعدين في غرفة واحدة وكانوا بيتفرجوا على فيلم رومانسي واول ما البطل اعترف بحبه للبطلة هما فرحوا
روما: عمركوا جربتوا حاجة جنونية
مايا بإستغراب: زي ايه
روما: زي ده مثلا
مايا كانت ماسكة طبق لب وعلى السرير طبق بيحطوا فيه قشر اللب ورقية كانت بتاكل فشار روما مسكت طبق اللب وطبق القشر قامت حدفاهم فنزلوا على مايا ورقية وعليها وبهدلوا السرير والارض
مايا ببعض الانزعاج ولكن مبتسمة: انتي مجنونة
روما: اها انتي لسة مشوفتيش جنان اهو ده الجنان على اصله
مسكت طبق الفشار اللي قدام رقية وحدفته عليهم وقعدت تضحك مايا مسكت المخدة الصغيرة وفضلت تضرب في روما ورقية كمان وروما بصعوبة قدرت تلاقي مخدة وتضربهم بيها وطبعا المخدات اتقطعت والدنيا اتبهدلت بسبب حشو المخدات
مايا قعدت تكح: منك لله يا روما الكلب
روما وهي بتكح: والله انتي اللي بدأتي الاول
رقية: يا شيخة ملعون ابو معرفتكوا اتبهدلنا والاوضة اتبهدلت وشعرنا باظ
مايا: ده كله كوووم وحلا لما تشوف المنظر ده كوووم تاني
رقية: هتعمل من وراكنا بفتيك
روما: تؤ جميع انواع الفراخ واللحوم هيتعملوا من افخادنا
مايا بخوف: والعمل دلوقتي
روما: العمل عمل ربنا
هنا قاطعهم رنين هاتف مايا مايا ردت
مايا: نونو حبيبتي عاملة ايه دلوقتي
روما بفرح: افتحي الاسبيكر افتحيه
مايا فتحته
انجلي بإبتسامة: الحمد لله يا روحي احسن انتي بتعملي ايه
مايا: كنت سهرانة انا ورقية وروما بنتفرج على فيلم ومنها لله روما المجنونة بهدلت الاوضة وحلا لو عرفت هتشلوحنا
روما: هو انا عملت حاجة دول هما شوية لب وفشار انتي اللي فضلتي تضربيني بالمخدة لحد ما اتقطعت وبهدلت الاوضة
انجلي ضحكت: اوبا ده فيه لحظات جنونية وانا مش موجودة
مايا: اه اللي يقعد مع روما ساعتين بس هيتجنن
روما بإستفزاز: من عاشر القوم سبعين يوم يا روحي
مايا بغيظ: متستفزنيش
انجلي ضحكت: خلاص اهدوا....حلا عاملة ايه دلوقتي......انا سمعت انها جت على البيت امبارح وهي اللي هدت قصي متعرفوش ايه اللي حصل بينهم
روما بإستغراب: ليه قصي مقالكيش
مايا: انتي متخلفة هيقولها ازاي وهو مش فاكر حاجة بسبب المهدئ اللي حلا اديتهوله
انجلي نظرت لفهد وقصي ولوئي وقصي كان واقف هو وفهد ولوئي قعدوا يسمعوا بفضول
انجلي: هو انتي تعرفي ايه اللي حصل يا مايا
مايا: اه وبصراحة حلا مش كويسة بسبب اللي حصل إمبارح
انجلي: طب قوليلي ايه اللي حصل علشان هموت واعرف بس بالتفصيل
مايا: بُصي يا ستي هو..................
مايا حكت لانجلي كل حاجة وطبعا الشباب سمعوا وقصي اما عرف غمض عنيه جامد بوجع وانزعاج وانجلي لاحظت ده
انجلي: طب وحلا عاملة ايه وقالت ايه
روما: والله موجوعة ومتضايقة ومشوشة ومش عارفة تعمل ايه
انجلي: طب احنا هنعمل ايه دلوقتي علشان نجمع المتاعيس دول مع بعض
مايا: مش عارفة هو.......
هنا البنات اتفزعوا بسبب..............
__________________________________
في غرفة حلا ظلت تفكر بكلام قصي واللي حصل لحد اما تعبت وقلبها تعبها جدا بحثت عن ادويتها في الغرفة ملقيتهمش
حلا بتعب: ياربي هيكونوا فين يعني....... ممكن يكونوا في غرفة مايا هروح واشوفهم حلا اتجهت لغرفة مايا ببطء ودخلت من غير ما تستئذن فالبنات اتفزعوا
مايا بفزع صرخت: اااااه
حلا انتفضت من مكانها من الفزعة وحطيت ايديها على قلبها ورجعت لورا وكانت هتقع
رقية: حلااا
رقية ركضت عليها سندتها
حلا بإنزعاج: يعني انا لو داخلة اتهجم عليكي او اغتصبك مش هتصرخي كدة
مايا بصوت عالي نسبيا بسبب عدم انتظام تنفسها من الخضة: فيه حد يدخل على حد كدة من غير استئذان خضتيني عايزاني اعمل ايه يعني
انجلي والشباب سمعوهم انجلي اشارت للشباب ان محدش يتكلم
حلا دخلت الاوضة واتصدمت من منظرها
حلا بصدمة وذهول: يخرب ام معرفتكوا يا شيخة منك ليها ايه ده انتوا عملتوا ايه في الاوضة......ديه مبقيتش اوضة بقيت زريبة
مايا ضحكت: والله نفس الجملة الاولى ديه رقية قالتها لما عملنا كدة
روما: بنلعب يا حلا بلاش نلعب
حلا التفت لروما: لا ما هو واضح انكوا بتلعبوا قصدي بتصارعوا......انا متأكدة ان كلللل ده من تحت راسك انتي يا روما
روما ضحكت: تنشينك وتخمينك صح يا قلبي
حلا: طبيعي هيطلع صح لاني عايشة في مصحة عقلي مع شوية مجانين
روما اختفت ابتسامتها ورفعت احد حاجبيها وبغيظ: قصدك ايه يا روح..........
حلا بصتلها بقوة: قولتيها جوا في اوضتي وعدتها هتقوليها تاني ساعتها هوريكي هعمل فيكي ايه كفاية المزبلة اللي انتوا عملتوها ديه.......المهم مايا متعرفيش اذا كانت ادوية القلب بتاعتي هنا في اوضتك ولا لا ولو كانت هنا فين وبسرعة
مايا بإستغراب: لا معرفش بس ليه بتسألي
حلا بتعب: لان قلبي واجعني ونفسي ضايق شوية وحاسة اني باخد نفسي بصعوبة وبالخضة اللي سيادتك خضتيهالي الموضوع زاد
مايا بنرفزة وصوت عالي نسبيا: اعملك ايه يعني انتي اللي دخلتي فجأة علينا
حلا: هششش وطي صوتك الشباب نايمين هتفضحينا بصوتك ده وبعدين تعاليلي هنا اتخضيتي ليه لما انا دخلت زي ما تكوني كنتي بتعملي حاجة انتي عارفة انها هتنرفزني او كأني افشتك وانتي بتعملي جريمة
مايا بتوتر: ل.....لا ابدا......يا بيبي مفيش بس....هو.....يعني....احنا كنا بنشوف فيلم رعب فعلشان كدة اتخضينا
حلا: اممم طيب
حلا لفت وبدأت تبحث بنظرها ورأت التلفزيون وهي بتتجه للكوميدينو اللي جانب السرير وكان الفيلم شغال
حلا: بس ده فيلم رومانسي مش رعب ورومانسي جدا كمان
مايا بإستغراب وتوتر: وانتي عرفتي منين
حلا بحثت عنه بالادراج الى ان عثرت على دوائها
حلا وهي تأخذ دوائها: شوفتوا من عشر سنين مع قصي وعلى حسب ما افتكر يعني........كان معانا......بابا احمد وبابا
رقية بعدم فهم: انتي ازاي ليكي ابين
حلا ضحكت: انتي فهمتي غلط بابا احمد ده والد قصي ويحي اللي هو ابويا
رقية: بس انتي قولتي بابا احمد....... لا تكوني انتي وقصي كاتبين كتابكوا وانتوا صغيرين
الكل اتصدم ودخلوا في غيبوبة ضحك وحلا بالذات ضحكت جامد
رقية بإستغراب: هو انا قولت نكتة او حاجة غلط
روما وهي تحاول ان تسيطر على نفسها: انا مش قادرة اشرح.....قال.....كاتبين....كتابهم...قال
مايا حاولت ان تسيطر على نفسها: انا مش قادرة اشرح اشرحي انتي يا حلا
طبعا انجلي كانت على الخط وهما نسيوا اساسا والشباب كانوا سامعين كل حاجة ومبسوطين لان البنات بيضحكوا
حلا وهي بتضحك جامد: انا.....هموت.....مش......قادرة
وفضلت تضحك الى ان سكتت مرة واحدة وحطيت ايديها على قلبها
حلا بوجع: اااه
رقية بقلق: حلا انتي كويسة
حلا هزت رأسها بالموافقة وارتسمت ابتسامة واسعة على وجهها: انا كويسة بس لو مقولتيش حاجة زي كدة تاني لان بصراحة الموقف بيضحك جامد وانا مش قادرة امسك نفسي وقلبي اساسا خِلقة بيوجعني والضحك بيزود الوجع
رقية: طيب خلاص حقك عليا بس انا مقصدش حاجة يعني كان قصدي افهم الموقف
رقية بإنزعاج: طب ممكن حد يفهمني
حلا تنهدت: اولا بس لو قصي كان كاتب كتابه عليا وانا مراته مكنش زماني هنا دلوقتي معاكوا تمام ولا انا كنت هسيبه في بيت واحد مع اللي اسمها ساندي ديه والله في اوقات بحسها شبه علب السَردين
الكل ضحك والشباب ضحكوا بس مسكوا نفسهم بالعافية وانجلي كمان
رقية: في ديه معاكي حق
حلا: ثانيا بخصوص انا ليه بقول لوالد قصي بابا بُصي خُلاصة الموضوع والد قصي اللي هو عمو احمد بيكون صديق بابا بس لما تشوفيهم تحسيهم اخوات ده يا مؤمنة الجواز عملوه مع بعض حتى الخِلفة مع بعض وهو كان قريب مني جدا لدرجة اني كنت بحكيله المشاكل اللي بتحصل معايا في المدرسة بالرغم ان لو ابويا انا جيه وسألني كنت بقوله مفيش مشاكل وكله تمام كان دايما بيطاوعني في كل حاجة وخصوصي قراراتي ولو حس ان فيه خطر بيحاول يقنعني لو شاف ان مفيش فايدة معايا كان بيسكت بس كان بيتابع من بعيد لبعيد ومكنش بيقول لبابا على حاجة فكنت برتاحله جدا وكنت بحب اقعد معاه ولما كان يجي عندنا كنت بحب القعدة تطول واليوم ميخلصش فكنت دايما بناديله بابا لانه بالنسبة ليا كان اب تاني وانا بعتبره اكتر من اب يعني بُصي خُدي عندك صديق واخ واب وعم وجد وكل حاجة بجد قلبه مكنش فيه زيه كان يغمرك بحنيته لدرجة انك تحسي انك مش محتاجة حد تاني لا زوج ولا حبيب ولا اي حد كان زي بابا بالظبط الاتنين كانوا واحد يعتبر يعني شوفتيني انا ومايا بابا بقى وعمي احمد كانوا اكتر مننا بمراحل
روما ابتسمت: كل اما افتكر ان اريان من سن سمير وادم من سن قصي ولوئي من سن جاسر واتخيل الموقف بقول هما كانوا بيناموا ازاي الله يكون في عونهم
رقية: عادي واحدة بتولد في يوم والتانية في اليوم اللي بعديه
حلا ضحكت: لا يا روحي الاتنين في نفس اليوم ونفس الوقت تحسيهم بيتواصلوا مع بعض باللاسلكي
رقية بصدمة وإستغراب: ازاي يعني
مايا: يعني لو والدة قصي بتولد انهاردة ودلوقتي والدة حلا كانت بتولد في نفس الوقت والمعاد مظبطين امورهم مع بعض
روما بإستغراب: مايا انا في حاجة مفهمتهاش هو مش فهد من نفس سن قصي وكمال من نفس سن سمير على ما اعتقد يعني مرات عم قصي كمان كانت بتولد معاهم في نفس اليوم والساعة
مايا: وانا ايش عرفني في حد قالك اني مرات فهد علشان اعرف اذا كان مولود في نفس اليوم اللي انولد فيه قصي ولا لا وبعدين إشمعنا انا يعني إشمعنا بتسأليني انا السؤال ده
روما: عادي افتكرتك عارفة لانك بتتواصلي مع فهد الايام ديه
مايا بغيظ: لا والله يعني انتي هتجاوبيني اذا سألتك ايه اللون المفضل للوئي بما انك بتتواصلي معاه كمان
روما بتلقائية: اه اللون الاصفر والاخضر
مايا ورقية نظروا لها بإستغراب
مايا بإستغراب: لحظة واحدة حلااا....ايه اللون المفضل لقصي
حلا بإستغراب: الاسود والاحمر
روما: لا الاسود
حلا: الاسود والاحمر الاتنين
روما بإصرار: لا الاسود
حلا بنرفزة: قولتلك الاسود والاحمر يعني انتي هتعرفيه اكتر مني
رقية: وانا بقول الاسود لان اغلبية لبسه داكن يعني درجات الاسود والرمادي يعني بيحب الغوامق
حلا بنفاذ صبر وغيظ: بيحب الاسود واغلبية لبسه اسود وبيحب الاحمر بس بيحبه عليا نادر ان لبسه
روما كانت هتككلم سكتت ونظرت لحلا بإستغراب: افندم ازاي يعني بيحبه عليكي وليه وإشمعنا اللون ده
حلا: لان الاحمر بيعبر عن الحب ولان لما انا بلبس اللون ده ببقى جذابة فيه وهو بيحبه عليا ولو اني اظن شئ ميخصكيش بس علشان اخلص من زنك وعلى فكرة بيحب الاحمر بدرجاته علشان متأوحيش تاني وعلشان تكوني متأكدة مرة روحت الشركة بالطقم اللي انتوا بتحبوه عليا البنطلون الاسود والشميز الاحمر وانجلي شافتني وقالتلي قصي بيحب اللون ده اوي فريحي نفسك بقى علشان ايه انتوا الاتنين زودتوها
مايا: يؤبرني انا دخيله اللي بيغير على حبيبه
روما: يعني فيها ايه يا حلا قولنا كلمتين مدح في حق الراجل الله.....يعني الواحد لازم يعترف ان بجد هو رومانسي جدا يعني انتي ازاي منطقتيش واعترفتي
حلا ضحكت: ده على اساس اني لو اتكلمت كان هيفتكر مثلا بقولك مكنش في وعيه انتي متخلفة انتي وهي
مايا بإنزعاج وغضب ونرفزة: حلا متجننيش امي الشماعة بتاعتك دلوقتي انه مكنش في وعيه يعني ايه اللي هيتغير يعني مشاعره هي هي يعني هو لما اتخدر بقى بيحبك ولما رجعله وعيه بقى بيكرهك ولا مثلا وهو مش في وعيه قبلك بس لو كان صاحي وهو اعترفلك مكنش هيقبلك مثلا او وهو مش في وعيه حضنك بس لو هو في وعيه وفايق مكنش هيحضنك انتي قولتيلي قبل كدة انه ضعف قدامك مرة وحضنك بقوة ورفض انه يسيبك وانك انتي كمان ضعفتي وحضنتيه بقولك ايه انا اللي اعرفه ان المشاعر واحدة سواء الشخص ده بيحب ولا لا وبعدين بيقولوا لو عايز تعرف حقيقة حد خدره او خليه يسكر ساعتها تقدر تاخد منه اللي انت عايزه يعني لما قصي اتخدر قالك انه بيحبك وعايزك تفضلي معاه وتشيلي اسمه معنى الكلام ده انه طلبك للجواز وقالك كمان انه خايف يصارحك بمشاعره الحقيقة لانه خايف من انك تبعدي عنه ده الراجل ريقه نشف من كتر ملمحلك وانتي اساسا مش محتاجة انه يلمحلك لانك بتفهميه بنظرة
روما: لحظة واحدة حلا انتي اكيد عينك كانت في عينه وهو بيتكلم حسيتي انه بيكذب او ان ديه مشاعر مزيفة
حلا: انا مقولتش انه بيمثل عليا ما انا عارفة انه بيحبني من عشر سنين انتوا بتحللوا الكلام على مزاجكم قصدي ان هو كدة كدة مش فاكر عمالين تتكلموا في ام الموضوع ليه
روما بغيظ: قولتيلي هو مش فاكر بس انتي لو ليكي مزاج تروحي تقوليله كل حاجة حصلت امبارح وتعترفيله بالحقيقة بس انتي ملكيش مزاج لده وبعدين عايزة تفهميني انه صحي الصبح وحس نفسه مش فاكر حاجة مفكرش يكلمك يسألك ايه اللي حصل
حلا: انا اتصلت بيه الصبح وهو سألني
مايا:  وانتي اكيد بكل برود قولتيله محصلش حاجة
حلا بغيظ: يعني بذمتك عايزاني اقوله ايه بصراحة يا قصي انت امبارح نمت في حضني وبوستني كمان وقولتلي انك بتحبني وعايز تتجوزني...... انتي متخلقة يا مايا وهو ده كلام يتقال وبأي حق هقوله كلام زي ده وبعدين هو مش فاكر انا اعمله ايه اتحزم وارقصله علشان يفتكر وبعدين كويس انه مش فاكر حاجة اريح ليه وليا
رقية: بصراحة هو معاه حق لما قالك انتي ازاي قادرة تخبي مشاعرك ده انا مش قادر اخبيها لمدة دقيقتين بصراحة معاه حق لان على اللي انا شايفاه ده مايا وروما معاهم حق انتي جبروت يا حلا
روما: سيبك انتي من ده في حد يلاقي حد يحبه الحب ده كله ويصبر عليه الصبر ده كله ومع ذلك متتهزيش ولا تضعفي للدرجادي انتي قاسية يا حلا
حلا بندم: يا ريتني ما كنت فتحت بوقي ولا اتكلمت
روما بزعل: ليه ضميرك بيأنبك من كلامنا
مايا بخبث: طب سيبكوا من كل ده الواد حتى مز عنيه لونها اسود زي سواد الليل وبيلمعه من كتر حبه فيكي لما يشوفك كأن هو الليل واللمعة ديه نجوم بتنور السما يا شيخة ده لو انا واحد مبحبهوش وقالي الكلام بس اللي قصي قالهولك انا ممكن اقع في حبه ومش بعيد يغمى عليا مش هقولك حضني وباسني لا يعني مش بس مز لا شخصية ورجولة وجدعنة ولا صبره بقى اللي ملهوش حدود يعني ريقه نشف وروحه تايهة ومع ذلك صابر عليك وياريت ده حصل مرة واحدة لااا ده حبك للمرة التانية بالرغم انه ميعرفش انتي مين ولولا الفيديو اللي الزفت عمله ده كان هيتقدملك ويعترفلك بمشاعره بس بجد كله كوم والكلام اللي قاله كووم تاني ده انا قلبي وقف اما سمعت الكلام منك انتي فما بالك لما اسمعه من حبيبي طب اتحداكي انك مكنتيش فرحانة لما هو باسك وحضنك ومحستيش بشعور غريب بس في نفس الوقت حلو جدا
حلا: اه بس في نفس الوقت كنت حاسة بالخوف معرفش ليه بس كان شعور حلو اوي وخصوصي يعني لو الشخص ده انتي مفتقداه بقالك سنين
مايا: اها طب قولي لنفسك بقى يعني واحد كامل متكامل يترفض ليه هتجننيني وربنا ده كل بنت بتتمنى واحد زيه سواء في حبه في رومانسيته او شخصيته
حلا: نسيتي نقطة انه عصبي ومغرور
مايا: ده على اساس انك هادية يا بت ده انتي عصبية اكتر منه ومغرورة اكتر منه......طب تصدقي البت ساندي ليها حق تحبه
حلا: بتحب فلوسه مبتحبهوش هو
روما: وانتي ايش عرفك
حلا: لانها دايما بتفضل لحقاه في كل مكان ودايما بتحسيها لازقة فيه ده انا اللي هموووت عليه وهموت واترمي في حضنه مبعملش كدة
رقية بإبتسامة خبيثة: يعني بتعترفي انك هتموتي عليه
حلا: اه
روما: ومع ذلك بتكابري وتعاندي
مايا: خلاص تعالي نعمل اتفاق انا اتجوز قصي وانتي شوفي حياتك يخربيت رومانسية اهله
رقية بخبث: لا وليه هتشوف حياتها لو هي مش عاجبها قصي فيه فهد او لوئي يعني فهد شخصية برضه ومز وعيونه ملونة حتى
مايا بغيظ: وإشمعنا فهد ما فيه سمير وفيه كمال وفيه لوئي
حلا: وانتي إشمعنا قصي وبعدين ما تقولي لنفسك وبعدين ريحوا نفسكوا انا مستحيل ابص لفهد ولا بطيخ ولا للوئي حتى يعني انا فضلت عشر سنين مببصش لراجل تاني عايزاني بعد اما قابلت قصي ابص لغيره ولمين لاخوه وبن عمه انتوا بتهزروا معايا وبعدين انا قصي عجبني واوي كمان بس انتوا اطلعوا منها واساسا بحبه وهو متعصب اكتر
مايا بخبث: معاكي حق حتى بيكون امز لما يكون متعصب
حلا اتنرفزت: ماياااا لو متلمتيش ولميتي لسانك ده هروح فيكي في داهية عايزة تمدحي امدحي اي حد الا قصي
مايا: ليه غيرتي
حلا بغيظ: اه غيرت لانك بجد مستفزة اوي شوية عنيه وشوية شخصيته وشوية حبه وقلبه ورومانسيته ده ناقص تقوليلي حضنه جنة وشفايفه فراولة
روما ورقية ضحكوا ومايا ابتسمت والشباب ضحكوا وانجلي بس حاولوا يمسكوا نفسهم وقصي ابتسم
مايا: تصدقي نسيت كويس انك قولتيها
حلا مسحت على وجهها بقوة: مايا انتي عارفاني لو اتعصبت انا ممكن اعمل ايه وبلاش تثيري غيرتي احسنلك علشان هتزعلي مني ومش بعيد ادخل فيكي السجن
مايا: ماهو بصراحة هتشليني او هتجلطيني يعني بتحبيه جدا وبتغيري عليه من الهوا ومع ذلك مش عايزة تعترفي حلا انتي ازاي قادرة تستحملي العذاب ده ازاي قادرة تسيطري على مشاعرك
حلا بصوت مخنوق ودموعها نزلت من عنيها غصب عنها: يعني عايزني اعمل ايه ها.......اروح اقوله انا بحبك بس خايفة اكون معاك لاني خايفة اخسرك زي ما خسرت اهلي.........خايفة لان عمرو مش هيسبنا في حالنا.....وهو يتقدملي للجواز وانا اضطر اجرحه بالكلام علشان يكرهني ويبعد عني.........انا مبستحملش يا مايا انا بموت كل يوم وكل لحظة........ومتفتكروش اني ولا مرة مضعفتش لا بالعكس فيه اوقات كتير ضعفت قصاد حبه وقصاده........انك تقاومي حب شخص انتي بتحبيه من عشر سنين ده شئ مش سهل.......متفتكروش اني مبسوطة بحالي كدة.......انا عايزة اقوله الحقيقة بس كل اما احاول اتكلم مبعرفش بحس ان فيه حد رابطلي لساني وفجأة افتكر حادثة بابا.....مفيش بنت مش عايزة تشيل اسم حبيبها وتبقى مراته......مفيش بنت مش عايزة عيالها يكونوا من الشخص اللي بتحبه ويكونوا عيلتهم الخاصة......مفيش بنت مش عايزة تعيش الباقي من حياتها بعيد عن حبيبها وعن حضنه ليكون في علمك انا اكتر بنت عايزة تحب وتعيش مع الشخص اللي بتحبه وانا محتاجة قصي حتى اكتر مما هو محتاجني بس مش بإيدي انا بتعذب اكتر من قصي بس مش قادرة اعمل حاجة ولا قادرة اتكلم فبلاش تضغطوا عليا لان انا مش ناقصة تأنيب ضمير لانه بيأنبني لوحده وقلبي اساسا مش ناقصه وجع فالله يخليكوا قفلوا على الموضوع لاني بجد تعبانة ومخنوقة وعلى اخري
مايا بحزن وزعل: طيب يا حلا مش هنفتحه معاكي تاني بس جاوبيني على سؤالي هتقدري تنامي بعد اما كذبتي عليه وقولتيله ان محصلش حاجة بينكم هتقدري تعيشي وتكملي حياتك وتنامي وتصحي وتتنفسي عادي كدة كأن محصلش حاجة بينكم امبارح هتقدري تنسي ليلة امبارح مش هتتعذبي ولا هتأثر فيكي لو افتكرتيها ده في حال نسيتيها لو افتكرتي كلام قصي امبارح مش هتتعذبي وقلبك يوجعك مش هيأثر فيكي
حلا سكتت وقعدت على السرير ووضعت رأسها بين يديها وسندت على رجليها وغمضت عيونها وتركت دموعها تنزل على خديها مثل الشلال
روما قربت من حلا وقعدت على الارض على ركبتها قصادها
روما بحزن على حال اختها: حلا احنا بنتكلم وبنقولك روحي اعترفيله علشان تريحي قلبك وترتاحي لاننا عارفين اللي حصل امبارح انتي مش هتنسيه وهتتعذبي اضعاف عذابك بس عموما احنا قولنالك ونصحناكي واللي انتي شايفاه صح اعمليه لان ديه حياتك واحنا مش هندخل فيها تاني بس خليني اقولك حاجة انتي لو قررتي تبعدي عن قصي فصدقيني هتكوني خسرتي راجل عمره ما هيتعوض في الحياة وشخص بيحبك حب مستحيل حد يحبك ربعه ولا انا حتى وهتخسري كتير وهتندمي اكتر انا اختك وعملت واجبي تجاهك كأخت نصحتك لاني مقدرش اشوفك بتغرقي او رايحة على الجحيم برجليكي واقف اتفرج انا مجربتش الحب قبل كدة بس اللي اعرفه على قد ما هو حلو على قد ما عذابه مر وعلى قد ما بنحب الشخص ده بيكون عذابنا بنفس مقدار حبنا ليه ومش بعيد اكتر وانا شايفاكي بتتعذبي كتير عذاب لا ليه اول ولا اخر ارحمي نفسك وارحمي قلبك من عذاب الحب انا قولت اللي عندي ولو انا مكانك يا حلا هروح اعترفله بحبي واسيبها على الله وزي ما تيجي تيجي
حلا بدموع: زي ما تيجي تيجي يعني لو خيروكي انك تقضي يوم واحد مع حبيبك بس بعدين يقتلوه وتقضي بقيت حياتك من غيره ولا انك تفضلي بعيدة عنه بس تكوني شايفاه قدامك مرتاح ومبسوط
روما: لو انا شايفة ان بعدي عنه هيخليه مرتاح ومبسوط ومش بيتعذب هبعد بس لو بعدي عنه هيعذبه ويخليه يتمنى الموت فلا هقرب منه وهحارب علشانه حلا انتي اللي عامل فيكي كدة هو حادثة بابا شيلي الحادثة من راسك وتفكيرك وساعتها هتلاقي الموضوع سهل ولو حسبتيها صح كدة كدة عمرو مش هيسيب قصي في حاله عموما اللي انتي شايفاه في مصلحتك ومصلحة قصي اعمليه وكفاية عياط بقى علشان انا مش بحب اشوفك بتعيطي
حلا مسحت دموعها: ما انا عيطت بسببكوا لان بجد كلامكوا جارح وانا مش ناقصة....... عموما روحوا ناموا في اوضتي علشان الاوضة ديه متبهدلة
رقية بإستغراب: وانتي هتنامي فين
حلا: لا انا مش هنام يعني عندي شغل هعمله
مايا بخبث: عندك شغل ولا مش قادرة تنامي بعد اللي حصل امبارح وخصوصي انك جربتي حضن قصي
حلا: حاجة زي كدة وبعدين انا حاولت انام ومعرفتش واظن بعد كلامكوا الجميل واللطيف مش هقدر انام حتى لو عايزة فهنضف الغرفة ديه لاني مش طايقة منظرها كدة واهو اسلي نفسي واشغل نفسي بحاجة علشان مفكرش في قصي وربنا يسامحني على الكذب ده
روما ضحكت: طب كويس انك عارفة انك بتكدبي وانك مش هتقدري تنسيه
حلا: يعني اعمل ايه والله انا تعبت ملعون ابو الحب على اللي بيحبوا انا مكنتش عايزة احب معرفش ليه يارب خلتني احب
مايا: بس اعترفي ان الحب حلو
حلا: جدا بس متبُصليش انا ولحياتي انا قصة مختلفة بس هو حلو ده لو انتي بتفكري تحبي
مايا: لاااا على اللي انتي بتمري فيه انا معنديش طاقة للبهدلة ديه انا هروح انام احسن النوم هينفعني سلام تصبحي على خير
حلا: تلاقوا الخير
البنات ذهبوا لغرفة حلا وكملوا المكالمة هناك وحلا بدأت تنظيف
في غرفة حلا
مايا: معلش يا نونو خليناكي تستني بس لاقيناها فرصة نتكلم معاها ونحاول نقنعها بس هي دماغها ايبس من اليابس
انجلي: ولا يهمك بس انتوا مش ملاحظين ان كلامكوا كان جارح اوي
رقية: والله انا ندمانة على اللي قولته
مايا: وانا كمان بس تفتكري يا روما هيجيب نتيجة
روما: انا كمان ندمانة بس مفيش غير كدة
رقية: افترضي مجابش نتيجة
انجلي بعدم فهم: انتوا بتتكلموا عن ايه
مايا: روما اقترحت علينا ان نفتح الموضوع مع حلا ونضغط عليها ونجرحها علشان تستسلم وتعترف لقصي بكل حاجة
انجلي: بس يا روما كدة ممكن يجرى لها حاجة
روما: حلا اختي يا انجلي وانا عارفة حلا كويس اوي اه هي بتتعذب بس لو حد داس على الجرح اوي هتستحمل وتستحمل وتستحمل لحد اما تطق روحها وتنفجر مرة واحدة فلازم حد يفضل وراها يفكرها بجرحها علشان الوجع يزيد ولما الوجع يزيد هتحتاج علاج والعلاج ده هو قصي انا مش عايزة اشوفها بتتعذب كدة ولا عايزة ازود وجعها او احط ملح على الجرح عايزاها ترتاح من العذاب ده......على الاقل الفكرة ديه احسن من فكرة ان قصي يمثل انه مات والدم وكدة. قالتها بتلقائية
انجلي بصدمة: رومااا
مايا بإستغراب: افندم قولتي ايه دلوقتي بتهزري مين صاحب الفكرة ديه.....انطقي مين اللي قالك عليها
روما بتوتر: هو...يعني....فارس...اه فارس اللي قالي عليها كنت قاعدة انا وهو بناقش موضوع حلا وقصي
مايا: انتوا بتهزروا صح مستحيل اوعوا تعملوا كدة ديه ممكن تروح فيها والله لو فكرتوا في الموضوع ده او حاولتوا تعملوه هروح اقولها كل حاجة واستحملوا اللي هيحصل
انجلي: لا احنا ان شاء الله مش هنعمل حاجة زي كدة عموما يلا الوقت اتأخر روحوا ناموا
مايا: تصبحي على خير يا نونو وخلي بالك من نفسك وخدي علاجك وكلي كويس
انجلي ابتسمت: حاضر يا روحي تلاقي الخير
قفلوا مع بعض والبنات ناموا اما الشباب
فهد: بجد حلا صعبت عليا ده جواها كتير
قصي: جواها اكتر مما تتخيل بس انا عايزها تيجي تشاركني على الاقل بوجعها بلاش تعترف بحبها بس على الاقل تشاركني وجعها
لوئي: بس هي بتحبك اوي يا قصي بس المشكلة انها موجوعة واللي وجعها فراق اهلها يعني انا عمري ما شوفت حد مستعد يستحمل عذاب ملهوش اول من اخر بس لانه خايف انه يخسر حبيبه او يدمر حياته
قصي بغضب: كله من تحت راس الكلب اللي اسمه عمرو اطوله بس والله ما هسمي عليه
لوئي: لاااا بقولك ايه اهدى هتودي نفسك في داهية علشان واحد وسخ ميستاهلش
انجلي: اه يا قصي هو عمرو عايزك تعمل كدة متخليهوش يوصل للي هو عايزه ودلوقتي يلا بقى كل واحد بيتك بيتك لاني تعبت وعايزة انام
قصي ساعد انجلي وغطاها وخرج هو والشباب وكل واحد ذهب لغرفته ليرتاح وكله نام ماعدا قصي معرفش ينام وفضل يفكر في كلام حلا اما حلا خلصت تنضيف وعملت قهوة وقعدت وظلت تفكر في كلام قصي وروما ومايا ورقية الى ان غفيت على الساعة 3 الفجر من شدة التعب والارهاق غفيت وهي قاعدة على الارجوحة اللي في الجنينة قصاد البحر
__________________________________
اشرقت شمس يوم جديد مليئ بالاحداث
ادم استيقظ من نومه على الساعة 6 ونص الصبح وقام من على سريره لبس تيشيرته وفتح الستاير وفتح باب البلكون ولمح حلا نايمة على الارجوحة فقلق ونزل يشوفها وعندما رأها مستغرقة في النوم صعبت عليه انه يصحيها لان كان باين عليها التعب فقرر انه يحملها ويطلعها على غرفتها فادم حط ايده اسفل ركبتها واليد الاخرى اسفل خصرها وحملها حلا استيقظت بفزع
ادم: اهدي ده انا
حلا بتعب: حرام عليك يا ادم كنت هتوقفلي قلبي
ادم: مهونتيش عليا اسيبك تنامي في البرد هنا فقولت اخدك على غرفتك
حلا: طب نزلني
ادم: لا هطلعك على اوضتك بلاش تنزلي علشان هتبقي مدروخة شكلك نايمة متأخر
حلا: لا نزلني انا هجهزلكوا الفطار وبعدين هطلع انام.....يلا نزلني
ادم نزلها: بس هتفطري معانا وبعدين تنامي
حلا: حاضر يلا روح خد شاور والبس على ما اجهز الفطار
ادم: لا انا هطلع اغير والبس الترنج الرياضي واطلع اجري شوية انا واريان ونعمل شوية تمارين على ما تخلصي الاكل
حلا: طيب يا حبيبي زي ما تحب
حلا ذهبت للمطبخ وبدأت في إعداد الفطار
__________________________________
في بيت قصي قصي لم يستطع النوم لما الفجر آذن قام صلى وقرأ شوية في المصحف لحد اما النهار طلع وبعدين لبس ترينجه الرياضي ونزل يعمل شوية تمارين وبعدين طلع اوضته على الساعة 7 مسك تليفونه بتردد
قصي بتردد: اتصل بيها ولا....يا ترى هتبقى صاحية ولا نايمة.....انا هتصل وخلاص
قصي ضغط على زر الاتصال
__________________________________
في غرفة حلا البنات كانوا نايمين روما استيقظت على صوت اهتزاز تليفون
روما وهي مغمضت العينين: مايا....ماياااا......سكتي تليفونك اللي عمال يزن ده او اكسريه او اعملي اي حاجة لاننا مش عارفين ننام
مايا وهي نايمة: حاضر
مايا مدت يدها واخذت التليفون وهي مغمضت العينين ردت عليه
مايا بنوم: الو
قصي بإستغراب: الو...مايا....تليفون حلا بيعمل معاكي ايه
مايا: لا ابدا بس احنا نايمين في غرفتها يمكن هي نسيت تاخد تليفونها.....انت عايزها
قصي: لا خلاص ارجعي كملي نوم
مايا قامت: لا خلاص خليك بس دقيقة معايا هشوفها هي فين واديهالك تكلمها
قصي: لا خلاص يا مايا متتعبيش نفسك انا هبقى اكلمها في وقت تاني
مايا: سبق وتعبت نفسي وقومت ممكن بقى تهدى وانا هخليك تكلمها وبعدين يعني انت مش غريب ثانية واحدة خليك معايا
مايا قابلت ادم واريان على السلم كانوا طالعين
مايا: شباب مشوفتوش حلا
ادم: هتلاقيها في المطبخ بتحضر فطار
اريان: بس بتسألي ليه.....وايه اللي مصحيكي دلوقتي مش من عوايدك
مايا: صحيت على تليفون حلا
ادم: مين اللي على التليفون
مايا ابتسمت: شخص مميز
اريان ضحك: طب هاتي انا هديهولها وانتي روحي كملي اكل
مايا: اكيد ولا
اريان: اكيد هاتي
مايا اعطته التليفون وذهبت لغرفتها واريان نزل وذهب للمطبخ وهو في طريقه للمطبخ
اريان: صباح الخير عامل ايه يا قصي وانجلي اخبارها ايه دلوقتي
قصي: الحمد لله بقيت احسن وانا كالعادي
اريان: ايه عايز تحب في حلا على الصبح شوية
قصي ابتسم: ياريت ياخويا كان يوم المُنى بس كنت ناوي اخطفها منكوا بليل شوية
اريان: ليه
قصي: هنتعشى سوى ونتكلم شوية ده اذا سمحت طبعا
اريان: ده على اساس انك كنت هتاخد اذني
قصي: انا كنت هشوف هي هتوافق ولا وبعدين كنت هقولك ما انت عارف اختك وطبعها بس انت قولت ايه
اريان ابتسم: ماشي بس حسك عينك تعمل حاجة كدة ولا كدة علشان عارفك خليك معايا
اريان دخل المطبخ
اريان: حلووول صباح الجمال على احلى عيون
حلا ابتسمت: صباح الحب ايه ده كله
اريان: ولا حاجة بلاش ادلعك يعني عموما تليفون ليكي
حلا بإستغراب: مين
اريان غمزلها: تقدري تقولي شخص مميز
اعطاها التليفون ومشي
حلا بإستغراب وعدم فهم: الو
قصي بإبتسامة: صباح الخير عاملة ايه
حلا ابتسمت: صباح النور انا الحمد لله انت اخبارك ايه
قصي: سيبك من اخباري وقوليلي ايه رأيك نخرج انا وانتي انهاردة نتعشى سوى بما انك في اجازة
حلا: في شغل ولا عادي
قصي بقلق: لا مش شغل عادي
حلا: ليه في حاجة يعني في مشكلة
قصي: لا بس مخنوق شوية فقولت انا وانتي نغير جو ها في اسئلة تاني
حلا ابتسمت: طيب ماشي موافقة ابقى ابعتلي في مسدج المكان والساعة
قصي بسعادة: لا انتي هتبقي جاهزة على الساعة 7 وانا هاجي اخدك
حلا: لا علشان متتعبش انا هبقى اجي وبعدين على ما اعتقد انت هتروح الشركة انهاردة لانك مروحتش امبارح فبلاش وبعدين ملهاش لازمة
قصي: وهو انا كنت اخدت رأيك انا قولت كلمة وهي اللي هتتنفذ هتخليني اتكلم بصفتي مديرك
حلا ضحكت: مدير على نفسك مش عليا انا سيبت الشركة اساسا صباح الخير على بليل شكلك لسة نايم
قصي: وايه يعني سيبتي الشركة بس لسة المهمة مخلصتش وبصراحة انا واحد غتت ودمي تقيل سواء مهمة او لا انا مش هسيبيك ولا هبعد عنك
حلا ابتسمت: ايه ده اذا كان كدة احضر شنطتي واهرب بقى
قصي: حاولي تفكري فيها وشوفي ايه اللي هيحصل فيكي
حلا: ليه هتعمل ايه يعني
قصي: اخطفك مثلا
حلا: اووه تصدق خوفت
قصي بإستغراب: للدرجادي مبتخافيش من حاجة
حلا: قصي انا درست حاجات بخصوص الاسحار والاعمال وكنت بفك حاجات زي كدة وفيه اوقات كنت بدخل بيوت مسكونة ومهجورة وبعد نص الليل كمان وانت جاي تقولي هخطفك بصراحة مش هكدب عليك يعني انا الخطف ده شئ اساسي في حياتي لان دايما بتخطف من قِبل العصابات فعادي بالنسبة ليا
قصي بإعجاب وصدمة: بيوت مسكونة ومهجورة والقفز من المرتفعات من دون وسائل امان ده على كدة مايا كان معاها حق لما قالت انك بتحبي المغامرات
حلا: اه بحب المغامرات جدا حتى حياتي وقصة حياتي ينفع تتعمل مسلسل
قصي: اووه ويا ترى نوع المسلسل ايه
حلا: اللي انت تحبه يعني لو حابب رعب فيه رعب لو حابب اكشن اكتر منه مفيش ولو حابب دراما فيه منها كتيير وممكن يكون فيه خيال
قصي: طب مفيش رومانسية
حلا: كان الود ودي يكون فيه رومانسية وقصة حب وفيه راحة كدة نفسيا وعصبيا
قصي: طب ما تفتحي قلبك
حلا: فتحته من عشر سنين وقفلته على شخص واحد ومش عايزة غيره
قصي ابتسم: طب ما تروحيله
حلا: امم اظن شرحتلك الموضوع لما كنا في بيت المزرعة من كام شهر
قصي: تخلصي من الخوف ده وروحيله متخليش الخوف يبقى سد او حاجز بينكم يا حلا صدقيني اجمل من الحب مفيش عموما على الساعة 7 بليل الاقيكي جاهزة
حلا: حاضر تؤمُرني بأي اوامر تانية يا باشا
قصي: لا بس تاكلي وتاخدي علاجك
حلا: حاضر يلا روح جهز نفسك علشان متتأخرش على الشركة
قصي: ماشي يلا عايزة حاجة
حلا: سلامتك يلا سلام
قصي ابتسم: سلام
حلا قفلت مع قصي
حلا بحزن: ومين قالك اني عايزاك تسيبني او تبعد عني ياريت تخطفني ونبعد انا وانت عن كل الناس
ومن ثم تنهدت وبدأت في وضع الاطباق على الطرابيزة وصنعت سندوتشات للبنات وطلعتها وصحيتهم وخليتهم ياكلوا الاول وبعدين رجعوا كملوا نوم حلا فطرت مع الشباب ولما خلصوا قامت غسلت الاطباق وعملت قهوة وقعدت ادم واريان طلعوا على الشركة وجاسر ذهب للمركز
__________________________________
في بيت قصي فاطمة كانت تجلس بالصالون تشاهد التليفزيون انجلي نزلتلها
فاطمة: انجلي يا حبيبتي ليه قومتي من السرير ارتاحي
انجلي بإبتسامتها العذباء: ستي انا كويسة وجدا كمان
فاطمة: طب متعرفيش هنعمل ايه مع حلا وقصي
انجلي: لا بس هنستنى ونشوف
قصي نزل من فوق: صباح الخير على احلى ست في الدنيا
فاطمة ضحكت: صباحك فل وياسمين يا حبيبي
قصي انخفض وقبل رأسها وخدها
انجلي بخبث: ايه شكلك رايق انهاردة
قصي: جدا
فاطمة: طب قولنا وروقنا معاك
قصي: لما ارجع من الشركة علشان اتأخرت
انجلي: لا يكون علشان اللي حصل امبارح واول امبارح
قصي: هو اه او لا يعني من احد الاسباب يلا سلام
قصي ذهب على الشركة
فاطمة بإستغراب: هو ايه اللي حصل امبارح واول
انجلي: لااا حصل كتير وكتييرر اوييي مش حلا جت هنا لما كنت في المستشفى وطلعت لقصي و.......
حكتلها اللي حصل
فاطمة: والله البت حلا ديه صعبانة عليا اوي يعني شايلة جواها كتير وانتوا بتزودوها عليها
انجلي: لاننا عارفين انها هترتاح مع قصي وهتبقى مبسوطة معاه
فاطمة: يارب ارزقها بفرحة قريب وفرح قلبها وريحها شوية وخفف عنها الحمل
__________________________________
في بيت حلا البنات فاقوا على الظهر واخذوا شاور وغيروا هدومهم
روما: يا بنات انا فيه في دماغي فكرة يعني علشان نضغط على حلا
مايا: اكتر من كدة بلاش
روما بغيظ: عندك حل تاني لو عندك قولي
رقية: طب قولي ايه هي
روما: نكلم الشباب ونقولهم نخلي عمو محمد ومراته وفارس يباتوا معانا انهاردة وكذلك قصي وعيلته بحجة اننا نحسن مزاج انجلي علشان نفسيتها والحادث ولما عمو محمد يجي اكيد هيلاقيلنا فكرة نضغط بيها على حلا
مايا: هي فكرة حلوة اكمننا بقالنا فترة متجمعناش وكمان نتصل بالبت جميلة وآسيا علشان نشوف هنعمل ايه بخصوص موضوع الخطوبة اللي الاستاذة حلا فبركته ده
رقية: طب لو حلا سألت هنقولها ايه
مايا: احنا الاول نشوف اريان وجاسر وادم هيقولوا ايه وبعدين نبقى نخترع حجة لحلا او نخليهم يخترعولنا حجة
روما: طب انا هتصل بيهم
روما اتصلت بالشباب ودخلتهم في مكالمة جماعية
ادم واريان وجاسر في وقت واحد: الو
الشباب استغربوا روما ضحكت
روما: طيب مبدئيا معانا في المكالمة اريان وادم وجاسر
اريان: خير ايه سبب التجمع ده
جاسر: انا مش متفائل بصراحة
ادم: ليه قلبي حاسسني ان المكالمة ديه بخصوص قصة حلا وقصي
روما: الله ينور عليك يا ادم بُصوا ايه رأيكوا نجمع الكل عندنا انهاردة يعني عمي محمد وفارس ومرات عمي كمان وعيلة قصي وقصي
اريان: انا معنديش مانع بس سبب التجمع ايه
روما: اننا نحتفل ونخرج شوية عن جو الشغل وعلشان نفسية انجلي كمان ونشوف حل لقصة الحب اللي بقيت مملة ديه
جاسر: انا موافق معنديش مانع
ادم: وانا كمان بس على الله عمرو ميجيش يبوظلنا الدنيا كلها
روما: لو جيه نبقى نسلط عليه فارس وقصي وانتوا معاهم وتظبطوه
جاسر ضحك: ده على اساس ان لو قصي شافه هيسمي عليه
ادم ضحك: على رأيك ده لو عليه يقتل عمرو ويشرب من دمه
اريان: طب هنقول لحلا ايه
روما بتفكير: هنتصل بجميلة وآسيا ونخليهم يجوا هما كمان ونقول ده تجمع علشان بقالنا كتير متجمعناش مع بعض وعلشان نفسية انجلي
اريان: تمام ظبطوا الدنيا وشوفوهم هيوافقوا ولا بس اعملوا حسابكوا ان حلا وقصي هيتعشوا برا انهاردة
روما: افندم ده امتى وازاي وفين
اريان ضحك: مش قصي اتصل الصبح بحلا ومايا اللي ردت وانا اخدت منها التليفون علشان اديه لحلا وانا في الطريق للمطبخ كلمته واستئذني علشان يتعشوا مع بعض بس معرفش حلا وافقت ولا لا
مايا: اذا كان كدة انا هنزل واسألها واشوف خلصي انتي والحقيني
مايا نزلت لحلا
روما: تمام......طيب انتوا هترجعوا امتى
اريان: انا وادم يعني ممكن على 5 كدة
جاسر: وانا احتمال كبير اتأخر يعني على 9 او 10 على حسب
روما: تمام بس يا شباب لو عمي مرضاش هنعمل ايه
ادم: لا عمي ده مينفعش تتكلمي معاه على التليفون احنا لما نرجع نتغدا ولما حلا تخرج نبقى نروح انا واريان عند عمي ونجيبه من ايده لانه مينفعش معاه غير كدة
اريان: اه ادم معاه حق
روما: طيب خلاص كدة كله تمام..... اه صح انتوا هتقولوا لآسيا وجميلة ولا اقولهم انا
ادم: لا قوليلهم انتي احسن
روما: تمام يلا مش هعطلكم عن شغلكم سلام
الشباب: سلام
روما قفلت معاهم ونزلت هي ورقية لمايا وحلا وحلا كانت بتتكلم في التليفون ومايا بتستعجلها
حلا: طيب يا امان سلام
حلا قفلت مع امان ونظرت لمايا بنرفزة
حلا بنرفزة: ايه في ايه هتموتي لو مقولتيش الحرفين المحشورين في زوك افندم عايزة ايه
مايا بفضول: هو انتي وقصي هتخرجوا تتعشوا سوى انهاردة
حلا بإستغراب: وعرفتي منين
مايا: العصفورة قالتلي
حلا بغيظ: طب مش هجاوبك
مايا: اريان قالي ان قصي استئذنه انكوا تتعشوا سوى وقالي انه ميعرفش انتي وافقتي ولا
حلا: واريان وافق
روما: اه وانتي
حلا: اه وافقت بس على الله يحب فيا او يعترف بحبه
مايا بغيظ: يلعن ابو تقل دمك يا شيخة قال على الله يحب فيا وقلدت حلا
مايا بتخيل: هو فيه حد لاقي حد يحبه كدة يا شيخة اتنيلي امتى اكون خارجة مع واحد مز وفجأة الاقيه بيعترفلي بحبه ليا قدام الناس والناس تسقف ويصفروا مش انتي على الله يعترف بحبه ليا
حلا ضحكت: شكرا يا ذوق بس انتوا صحيتوا امتى انا قولت انكوا هتصحوا على المغرب
مايا: هاهاها مبضحكش على فكرة
روما: المهم حلول بقولك ايه انا كنت بقول نخلي انجلي والعيلة يجوا يباتوا عندنا وكمان نخلي عمي محمد كمان ومراته وفارس يجوا عندنا ونتجمع زي ما اتجمعنا في بيت المزرعة من حوالي شهرين او تلاتة فاكرة اما اتكلمتي عن الحب نتجمع تاني لان بقالنا فترة متجمعناش وكمان علشان نفسية انجلي والحادث ونكلم جميلة وآسيا ونخليهم يجوا هما كمان ونشوف موضوع الخطوبة ده
حلا بتذكر: اووبس انا راحت عن بالي خالص فكرة الخطوبة تمام انا معنديش مانع وفكرة لذيذة انا هكلمهم دلوقتي
حلا مسكت تليفونها واتصلت بجميلة وآسيا ودخلتهم في مكالمة جماعية وفتحت الاسبيكر
جميلة بسعادة: اهلا اهلا اهلا اهلا بأعز الحبايب اهلا
آسيا: اهلا اهلا اهلا اهلا بالقمر اللي غايب وحشتيني يا كلب البحر
حلا ضحكت: شكرا على الاستقبال الجميل ده وانتوا وحشتوني اكتر والله
جميلة: لا ماهو باين اننا وحشناكي
حلا: اللهم طولك يا روح يا بت اتهدي لازم كل اما اكلمك تتخانقي معايا عموما هو انتوا فين
جميلة: متدبسة مع مالك علشان خطوبته
آسيا: وانا كمان متدبسة مع يزن علشان الخطوبة
حلا بسعادة: بجد هيخطوبوا خلاص
آسيا: اه وكانوا هيكلموكي بس استنوا لحد اما امورك تهدى شوية علشان حادثة عمي محمد وانجلي كانوا ورا بعض ده غير مشاكل الشغل فقالوا لما الامور عندك تهدى شوية يكلموكي
حلا: طب عموما اسمعوني اعملوا حسابكوا انكوا هتيجوا البيت عندي اللي قاعد فيه الشباب وتباتوا عندي انهاردة فيه تجمع واما بخصوص عمو وليد وعمو عماد سيبوهم عليا
آسيا وجميلة بسعادة: ماشي
حلا: ودلوقتي هسيبكوا في التدبيسة اللي انتوا متدبسينها يلا سلام وخلوا بالكوا من نفسكوا
قفلت مع البنات واتصلت بوالدهم ووافقوا
روما: كدة فاضل انجلي والعيلة
حلا: وعمي محمد
روما: ادم قالي سيبي عمي محمد عليا علشان اقناعه صعب نوعا ما
حلا: تمام انتي كلميها وشوفيها هتقولك ايه وانا هقوم احضر حلو مين يجي يساعدني
مايا ورقية: انا
حلا ضحكت: طب تعالوا يلا
روما: وانا هخلص وانضم ليكوا
حلا والبنات ذهبوا للمطبخ ووقفوا بحيرة
مايا: هنعمل ايه
رقية: انا بقول تشيز كيك بالشكولاتة
مايا: لا على ما اعتقد حلا عملته قبل كدة
حلا: هعمل بسكوت بالشوفان والشيكولاتة حاجة صحية ومفيدة وجديدة واكيد هتعجبهم
مايا بإستغراب: انا اول مرة اسمع عنه
رقية بإستغراب كمان: وانا كمان
حلا بإبتسامة: ديه وصفة جديدة معملتهاش قبل كدة بس هتعجبكوا جدا يلا ساعدوني في تحضير المقادير
البنات بدأوا يساعدوا حلا وروما كلمت انجلي ووافقت ودخلت انضمت ليهم
روما: كلمت انجلي ووافقت قالتلي هشوف فهد وسمير هيرجعوا امتى فقولتلها لو هيتأخروا يبقوا يجوا من الشركة على هنا وانا ومايا نبقى نروح نجبها هي وتيتا فاطمة قالتلي ماشي
مايا: تمام بس حلا العشا زي ما هو متلغيش حاجة
رقية: اساسا كدة كدة على ما الكل يتجمع في البيت هتبقى 10 وبما ان الكل هيروح يجيب حد فانا هروح اجيب آسيا وجميلة اشمعنا انا
حلا ضحكت: فكرة حلوة
وبدأوا يجهزوا الحلو وحطوه في الفريزر وجهزوا الغدا وادم واريان رجعوا البيت على الساعة 5 واتغدوا وقعدوا يتكلموا في الشغل اما البنات اخذوا حلا وطلعوا على غرفتها ينقوا طقم حلو علشان العشا
__________________________________
في بيت قصي رجع وطلع على غرفته اخذ شاور وارتدى بنطلون جبردين اسود وتيشيرت بنص كم ابيض وجاكيت جلد اسود وكوتشي ابيض وسرح شعره ووضع من البرفيوم اللي حلا بتحبه او بالاحرى اللي هي بتعملهوله وارتدى ساعته واخذ مفاتيح سيارته وهاتفه ونزل انجلي رأته صفرت
انجلي بإعجاب وسعادة: ايه الجمال ده كله حاسب لحسن حد يخطفك كدة ولا كدة
قصي ضحك: لا متقلقيش
انجلي: طب مظبط نفسك كدة ومتشيك اوي وواخد بعضك ورايح فين
قصي: خارج اتعشى برا
انجلي بخبث: مع حلا صح اصل طالاما انت متشيك اوي وحاطط البرفيوم اللي هي بتعمله وبتبعته مع عمي محمد وطالع مز اوي فاكيد خارج مع حبيبت القلب
قصي ضحك: صح بس مالك بتتكلمي كدة ليه غيرانة منها ولا ايه
انجلي بسعادة وحنية وحب: انا عمري ما هغير عليك بالعكس عايزاك تبقى مبسوط وتبقى مع البنت اللي بتحبها
قصي قبل رأسها وخدها: عارف يا حبيبتي كنت بهزر معاكي بس
انجلي بإبتسامة واسعة: طب روح واسحر حلا وخليها تعترف بكل حاجة
قصي: لا ديه مبتتهزش بس وماله نحاول
انجلي بقلق: قصي تقل على نفسك شوية الجو برد وانت لابسلي تيشيرت بنص كوم
قصي: انتي عارفة اني مبحبش البس هدوم كتير وبعدين الجاكيت متبطن فرو ده غير اني هركب عربيتي وفيها مكيف وبعدين كفاية عليا حلا هي بتخليني انصهر بس مش هتبقى هي والهدوم كمان
انجلي ضحكت: طيب خلاص بس لو تعبت مليش فيه
قصي: يمكن لما اتعب تحن على امي شوية يلا عايزة حاجة
انجلي: عايزة سلامتك ومتضغطش على حلا اوي يا قصي علشان خاطري
قصي: حاضر يلا سلام
انحلي: سلام
قصي خرج ركب سيارته وانطلق لبيت حلا
__________________________________
حلا بإنزعاج: والله ده عشا عادي مش موعد غرامي علشان البس فستان
مايا: بس هتخرجي مع حبيب القلب وبعدين فاضل ساعة ولسة معرفناش هتلبسي ايه
حلا: لو انتي خليتيني اعدي وانقي انا يبقى تمام
مايا بغيظ: اتفضلي بس لو الطقم معجبنيش هتزعلي
حلا: حلو ودلوقتي اطلعوا برا غرفة الملابس علشان انقي الطقم ولما اخرج لو معجبكيش نبقى ننقي طقم تاني
البنات خرجوا واستنوها في غرفة النوم
حلا لبست بنطلون اسود وبلوزة لونها موڤ غامق من قماش الضنتيل بكم وكمها من الشيفون وعليها جاكيت جلد اسود وحلق طويل مزيج ما بين اللونين الاسود والموڤ وحذاء بكعب عالي باللون الاسود ورفعت شعرها كحكة ووضعت البرفيوم الهادئ وساعتها الفضية وخرجت للبنات روما تنحت لما شافتها ورقية كمان اما مايا ابتسمت وصفرت
مايا: يخرب جمال امك يا شيخة ده الواد عقله هيطير.......بس مش حساه عادي شوية
حلا: اومال عايزاني البسله فستان فرح هو الطقم عادي وينفع في مناسبات خاصة يعني حلو مش وحش
روما: هو فعلا حلو وخصوصي ان اللون الموڤ هياكل منك حتى وكمان مع اللون اللي هو بيحبه الاسود فيعني مخليكي طلقة
رقية بمرح: بس خلي بالك لحسن الطلقة تصيب قلب قصي
الكل ضحك
حلا: من غير حاجة بتصيب ولوحدها تلقائي كدة
تليفون حلا اعلن عن مجيئ رسالة فمايا شدت التليفون من حلا وفتحت المسدج وكانت من قصي
مايا: عشر دقايق وهكون عندك
حلا: ممكن التليفون يرجعلي اذا سمحتي
حلا شدت من مايا التليفون
روما: خلينا متفقين ان لو قصي جاب بوكيه ورد انا هاخده
حلا اخذت المخدر وعلاجها واخذت سلاحها ووضعته بجيب الجاكيت من الداخل
رقية: حبيبتي انتي خارجة مع حبيبك لازمت ام السلاح ايه هتقتليه مثلا لو حاول يعترفلك بحبه
حلا: بس معرفش ممكن نقابل مين وبعدين افترضي حصل ظرف طارئ في المركز وامان اتصل بيا فلازم يكون معايا علشان حماية قصي كمان ولا انتوا ناسيين ان لسة من كام يوم كان مخطوف ده غير ان انجلي عملت حادث اول امبارح ويا عالم مين كان وراه ولا اذا كان صدفة او مدبر خلونا ننزل نشوف الشباب بيعملوا ايه
البنات نزلوا للشباب وكانوا بيشتغلوا
روما: هو انتوا دماغكوا موجعتكوش من كتر الشغل
ادم: تكسبي فينا ثواب كبير لو عملتلنا قهوة
اريان وهو يرفع نظره من على اللاب توب
اريان: متعرفوش حلا في..............سكت لما شاف حلا
حلا: انا اهو يا حبيبي عايز ايه
اريان نظر لحلا من فوق لتحت وحلا ابتسمت
اريان: ادم انا بقول تقوم تلبس وتروح مع اختك
ادم وهو ينظر في الملفات اللي في ايده: ليه هتتخطف وبعدين مش انت قولت انها هتخرج مع قصي
اريان وهو متنح في حلا: ده انا اخوها اتسحرت بجمالها ما بالك قصي وبعدين ماهي المشكلة انها مع قصي واظن ان لو هو شافها بالمنظر ده هيخطفها وش وانت عارف شوشو وعلاقته مع قصي وخصوصي لو الموضوع يتعلق بحلا
ادم وهو يرفع نظره لاريان: بتتكلم كأنها هتطلع مزة انهاردة
اريان نظر لادم ومسك دذقنه ولف وشه لحلا: لو بصيت هتعرف وتفهم قصدي
ادم شاف حلا تنح: يا نهار ابوكي مش فايت انتي هتخرجي كدة
حلا بإستغراب: بتتكلم كأني لابسة شورت او جيبة قصيرة او فستان قصير ده بنطلون وطقم عادي واظن ان مفيهوش حاجة
ادم: ماهو المشكلة انه مفيهوش حاجة ومع ذلك طالعة مزة واميرة ده انتي هتخلي عقل الواد يطير اكتر ماهو طاير
حلا: ما انا لابسة طقم عادي يا جدعان وربنا عادي
ادم: طب جاوبيني انتي حاطة حاجة في وشك
حلا: ابدا والله
اريان: عايزة تفهميني ان الحمار اللي في خدودك ده وشفايفك ده جمال رباني
حلا ضحكت بخجل: عندك شك
ادم: ده على كدة وعلى المنظر ده شوشو ليه الحق يفضل مع قصي طول ما هو مع المخلوقة ديه
البنات ضحكوا وحلا كمان
حلا: المهم انت كنت عايزني في ايه يا اريان
اريان: ابدا كنت هقولك تعمليلنا قهوة علشان بتعمليها حلوة بس خلاص علشان هتمشي
حلا: لا عادي كدة كدة قصي لسة موصلش والقهوة مش هتاخد وقت هعملهالكوا بدل ما التلاتة دول يخربوا المطبخ ومش بعيد يولعوا في البيت
ادم بإستغراب: هو قصي هيجي ياخدك
حلا: اه مرضاش يخليني اروح بعربيتي وقالي هاجي اخدك من البيت عموما هروح اعمل القهوة واجي
حلا ذهبت للمطبخ ورقية ذهبت تساعدها ادم نظر لاريان واريان كمان نظر لادم
ادم واريان معا: ربنا يستر على قصي
روما ومايا ضحكوا
روما ومايا سوى: من ناحية ربنا يستر عليه فهو الله يكون في عونه
بعد دقائق رن جرس الباب
مايا: اكيد ده قصي انا هروح افتح
مايا ذهبت وفتحت الباب
قصي بإستغراب: مالك مبتسمة كدة ليه
مايا بإبتسامة واسعة وغمزتله: يظهر قصتك بتطور وبتاخد منعطف تاني ها عشا وخروج ايه يا عمنا عاوز توصل لإيه
قصي: ياختي كتك وكسة ده اول مرة وبصراحة مكنتش متوقع انها توافق....اومال هي فين
مايا: ادخل هي جوا بس متستعجلش علشان متوقعش من طولك
قصي ضحك: لا متقلقيش
مايا: لا انا انهاردة قلقانة عليك اوي ادخل ادم واريان جوا
مايا دخلت ووراها قصي ادم واريان وقفوا يستقبلوه وعانقوه
اريان وهو بيعانق قصي: قصي عايزك تبقى جامد انهاردة وتستحمل ها
قصي ضحك: مع ان كلامك مش مفهوم بس ماشي
ادم عانق قصي: قصي اوعدني انك متتهورش انهاردة وتحاول قدر المستطاع تسيطر على مشاعرك وتسيطر على نفسك لحسن انا حاسس انك لقدر الله تجيلك ساكتة قلبيه
قصي ضحك بإستغراب: مالكوا في ايه كلامكوا مش مفهوم في ايه
روما: استنى دقيقتين وهتفهم قصدنا
قصي: طب فين حلا
اريان: نصيحة من اخوك الكبير متستعجلش
ادم: وبما اني في سنك فنصيحة من صديقك واخوك متستعجلش على دخولك المستشفى يا حبيبي او ممكن مصح عقلي
قصي: انتوا شاربين حاجة قبل ما اجي وشكلي اول شخص هيطلع عليه جنانكوا
اريان: بصراحة احنا اتجننا لاننا شوفنا چنية وكانت حلوة اوي
قصي ابتسم: طب كويس عقبال ما تقعوا في الحب
ادم: لا متقلقش لانك انت اللي هتقع من طولك دلوقتي حتى لو مش مصدق لف كدة وبُص وراك وانت تعرف اننا معانا حق
قصي وهو بيلتف لينظر خلفه: بتتكلموا كأني هشوف الچنية الل......... سكت عندما رأى حلا وتنح رجع لورا وكان هيقع فادم مسكوا وهو عمال يضحك
قصي وهو ينظر لحلا: ادم انا بقول نلغي العشا ونخليه كتب كتاب انت ايه رأيك او اروح لحسن يحصلي حاجة
اريان ومايا وروما سمعوه فقعدوا يضحكوا وادم دخل في غيبوبة ضحك هيستيري
ادم: يادي النيلة هتودينا في داهية سيطر على نفسك يا حبيبي ومشاعرك ولم عنيك بدل ما أخلعهملك
قصي: هتصدقني لو قولتلك مش عارف
اريان: لا ما انت لازم تعرف علشان انتوا هتخرجوا مع بعض
طبعا كانوا بيتكلموا بصوت واطي ولما حلا جت سكتوا حلا وضعت الصينية على الطرابيزة
حلا بإستغراب: كنتوا بتضحكوا على ايه
ادم وهو مبتسم وعلى وشك الضحك: ولا حاجة
حلا: طب لو فيه نكتة ضحكني معاك على الاقل
ادم: ابدا افتكرت واحد صاحبي كان بيحب بنت وكانوا خارجين مع بعض اول ما شافها جاية عليه تنح وقالي انا بقول نقلب الخروجة فرح وكتب كتاب
حلا ابتسمت بإستغراب: وايه اللي يضحك في كدة وفيها ايه لما يتجوزوا يعني مش بيحبوا بعض
قصي بسرعة وتلقائية: طب يلا بقى توكلنا على الله
حلا نظرت له بإستغراب واريان وادم ضحكوا جامد ومايا وروما ايضا
حلا بإستغراب وعدم فهم: افندم قصدك ايه بتوكلنا على الله
قصي بتوتر: اقصد نروح فرحهم يعني ونهنيهم بحياة سعيدة وجميلة زيك كدة
حلا: حياة سعيدة وجميلة زيي ازاي يعني
وضحكت
ادم: اصلك متعرفيش شكله كان عامل ازاي لما شافها كان مسخرة
حلا: اااه وانت بتضحك على شكله يعني
ادم بإبتسامة: بالظبط كدة
حلا: متقلقش يا حبيبي بكرة يبقى حالك اسوء من حاله وهو يتريق عليك ويضحك كمان
ادم: كدة يا حلول واهون عليكي ده انا ادومة حبيبك
حلا: لحظة واحدة انا معنديش غير حبيب واحد واما بخصوص انك تهون اه تهون ياريت ياخويا تحب واحدة تخليك تلف حوالين نفسك علشان تحس بيا شوية ان شاء الله هيحصل وبكرة تقول حلا قالت
مايا: احذر يا ادم ديه مفيش حاجة قالتها ومحصلتش
ادم: انا بقول يا قصي تاخد حلا وتخرجوا بدل ما اروح فيها في داهية اما ترجعي يا حلا الكلب هوريكي
حلا ضحكت: كان غيرك قدر
ادم مشي خطوتين تجاهها وحلا استخبت ورا قصي
ادم بغيظ: وهو انتي فاكرة انه هيخلصك مني
قصي ابتسم: وهو انت فاكر ايه
حلا: اهو هو جاوبك ولو اني قد نفسي واقدر احمي نفسي بنفسي بس انت اخويا ومش هقدر ائذيك
ادم: بس تقدري تتمنيلي الاذى
حلا بإستفزاز: اكيد يعني يرضيك اني لا ائذيك ولا غيري يئذيك مينفعش طبعا
مايا: خلاص اهدوا انتوا الاتنين
روما: انتوا مش ملاحظين حاجة
الكل: ايه
روما بإبتسامة: حلا وقصي لابسين زي بعض مع اختلاف اللي تحت الجاكيت
حلا وقصي نظروا لبعض
حلا: عادي صدفة
مايا بخبث: مش غريبة انها صدفة وتحصل بين اتنين غُرب عن بعض
حلا نظرت لها بقوة: قصدك ايه
مايا: ولا حاجة روحوا اتعشوا يلا علشان متتأخروش
حلا: طب فين تليفوني
مايا: معرفش مش انتي اخدتيه مني فوق
رقية: اهو يا حلا خُديه
حلا اخدت تليفونها ونظرت لقصي: يلا بينا
قصي اشار بيده تجاه الباب: من بعدك يا اميرتي
حلا ابتسمت بخجل ومشيت قدامه وهو ذهب وراها فتحلها باب السيارة وجلست بالمقعد بجواره وهو لف وركب حلا وهي بتركب رأت بوكيه ورد محطوط بجوار مقعدها فمسكته وكان ورد باللون الموڤ والاسود وغلاف باللون الاسود ومربوط فيه شريط ستان باللون الموڤ وكان حلو جدا
حلا بسعادة: حلو اوي البوكيه ده ده ليا
قصي بإستفزاز: لا للبنت اللي هنروح نخطبها بعد شوية
حلا بصدمة واستغراب: افندم مين اللي هيخطب
قصي ابتسم وعجبته الفكرة والتف لحلا: انا اللي هخطب وهنروح نقابل البنت وجبتك معايا علشان تقوليلي رأيك فيها هو بصراحة حبتها من اول نظرة. كان ينظر لحلا بحب ويقصد الكلام عليها
حلا بصدمة: انت بتهزر معايا صح
قصي رجع لطبيعته: هو انا قولتلك ايه على التليفون
حلا بإستغراب: اننا هنخرج نتعشا سوى
قصي: حلو انتي شايفة فيه بنت تانية غيرك في العربية
حلا بإستغراب: لا
قصي: يعني بعد كل ده تفتكري البوكيه لمين للكرسي مثلا ولا ليا هو اكيد مش ليا وعلى حسب ما اعتقد ان نوعه ولونه انتي بتحبيهم وجدا كمان
حلا بإستغراب: بس انت قولتلي......
قاطعها قصي بإبتسامة: كنت بهزر وحبيت العب بأعصابك شوية واشوف رد فعلك ايه كانت نكتة مش اكتر
حلا بغيظ: هاها على فكرة مبضحكش
قصي ضحك: بس شكلك هو اللي يضحك الصراحة وعموما البوكيه ليكي
حلا بغيظ واستفزاز: مش حلو ومش عجبني
قصي رفع احد حاجبيه وغيظ: ده على اساس مين اللي اول ما شافه قال ده حلو اوي امي ولا اختي وانا معرفش.....وبعدين انا عملت كدة وكنت بختبرك هتفهميني زي ما بتقولي ولا بس فشلتي للاسف
حلا: لا على فكرة بفهمك وكويس بس اللي انت قولته صدمني شوية بس فمركزتش
قصي ابتسم: افهم من كدة ان البوكيه عجبك
حلا هزت رأسها بالموافقة وبسعادة: اه جدااا
قصي: طيب ممكن بعد اذنك يا سنيوريتا تربطي حزام الامان ونطلع على المطعم
حلا ضحكت: هي وصلت لسنيوريتا كمان
قصي: اه وفيه حاجات تانية
حلا: طيب يلا خلينا نتحرك ونلحق نتعشى
قصي شغل السيارة واتحرك
قصي بإستغراب: ليه بتقولي كدة
حلا: بصراحة مضمنش امتى امان يتصل بيا ويقولي ان فيه مصيبة
قصي: مش انتي في اجازة
حلا: اه في اجازة بس لو فيه مشكلة بضطر انزل المركز
قصي: ومين امان ده لانك دايما بتذكري اسمه ودايما بيتصل بيكي وتتكلمه
حلا ابتسمت: ليه لا تكون بتضايق
قصي رفع احد حاجبيه: لو عايزة الصراحة اه بتضايق
حلا: امان ده دراعي اليمين في الشغل وصديقي وزي اخويا يعني عادي مفيش اي حاجة ما بينا غير كدة
قصي:اممم طيب
حلا: بس ليه بتضايق منه يعني
قصي: عايزة تعرفي
حلا: يا ريت
قصي: يهمك يعني
حلا: اه
قصي: لو انا اضمنك ان لو قولتلك السبب مش هتتجرحي ولا هتزعلي ولا هتعملي حاجة تجرحني كنت قولتلك بس تقدري تقولي غيرة او بتضايق وخلاص
حلا سكتت وفهمت قصده ونظرت للجهة الاخرى
قصي بقلق: انت اضايقتي ولا ايه
حلا نظرت له: لا هضايق من ايه
قصي: بس سكتي فجأة
حلا: هنتكلم في ايه يعني
قصي: في اي حاجة
حلا: امم احنا هنروح فين دلوقتي
قصي ابتسم: في مكان هتحبيه جدا وهترتاحي كمان نفسيا وذهنيا
حلا بتفكير: امم مكان بحبه وبرتاح فيه المكان الوحيد هو البحر
قصي: اممم هنتعشى في مطعم قدام الشاطئ
حلا بقلق: بس الجو برد
قصي: لو بردتي هبقى اديكي الجاكيت
حلا: لا مش علشاني علشانك لانك بتتعب من البرودة وبتتعب جدا كمان
قصي بإستغراب وخبث: وانتي عرفتي منين
حلا بتوتر: هيكون منين يعني من انجلي طبعا
قصي بإبتسامة وعدم اقتناع: امم قولتيلي انجلي عموما متقلقيش لانه مطعم مقفول يعني مش مفتوح ومنه للهوا
حلا بإطمئنان: تمام
قصي: بس غريبة انك مش خايفة على نفسك من البرد وخايفة عليا بس يعني انتي مبتتعبيش من البرد
حلا بإبتسامة وحزن: هو انا اساسا بحب البرد جدا حتى وانا صغيرة كنت بحب ابرد علشان......بابا يعانقني وادفى في حضنه
قصي نظر لها بحزن وحدث نفسه
قصي: يا ريتني اقدر اقولك انه لسة عايش وهو عايز يشوفك اوي وياخدك في حضنه ويدفيكي.....اعمل ايه علشان متفتكريش الحادثة دلوقتي هتعمل ايه يا قصي هتعمل ايه....اه
قصي لحلا بمرح وخبث: بس انا موجود لو بردتي ممكن اخدك في حضني عادي يعني حتى اختي اما كانت بتبرد كانت دايما تهرب لحضني ودايما بتقول ان حضني بيدفي اوي حتى ممكن تجربي
حلا نظرت له وضحكت: طب هي اختك تحضنها عادي مسموحلك ويجوزلك انت هتحضني بصفتك ايه ان شاء الله
قصي: امم ممكن بصفتي مديرك
حلا بغيظ: لاا والله بس على حسب ما انا اعرف ان ديه مش من مهام المدير.....معنى كلامك انك اي حد من الموظفين عندك برد بتحضنه
قصي: خلاص اعتبريها مساعدة من شخص وخلاص
حلا بغيظ: مساعدة من شخص اممم معنى كلامك ان لو انا حسيت بالبرد مثلا وكنت لوحدي في الشارع اي شاب غريب معدي هقوله احضني ونبي اصلي بردانة
قصي بغيظ ونرفزة: اعملي كدة وساعتها هفرج عليكي امة لا إله إلا الله وهتكوني السبب في ان الشاب يدخل العناية المركزة
حلا: وانا مالي انت اللي قولت كدة وبعدين ريح نفسك عمري ما هحضن حد معرفهوش
قصي: ولو مثلا الحد ده حبيبك او بتحبيه
حلا: مبحضونش غير اخويا وابويا وعمي ومستقبليا لو حصل جوزي غير كدة لا
قصي: حتى لو خطيبك
حلا: مستحيل مش من حقه
قصي بصدمة: افندم يا ماما هو ايه اللي مش من حقه بقولك خطيبك يعني هتتجوزوا وقارئين الفاتحة
حلا: اولا حتى لو قارئين المصحف كله ملهوش الحق اساسا يمسك ايدي علشان يحضني ثانيا انت قولت ه...هتتجوزوا يعني ممكن منتجوزش ونفركش وميحصلش نصيب
قصي وقف السيارة والتف لها: يا ساتر يارب يا بنتي اتفائلي يا حبيبتي
حلا: اتفائل ماشي بس خطيبي يحضني لا والف لا لان على حسب ما انا عارفة ديني كويس متذكرش في القرءان خطيب اتذكر زوج ولا انت متفتحش المصحف وتقرأ فيه
قصي: لا بفتحه وبقرأ فيه كمان
حلا: حلو عمرك في حياتك شوفت كلمة خطيب في القرءان
قصي: لا
حلا: اهو يعني انا مجبتش حاجة من عندي شرع ربنا هو اللي بيقول
قصي فك حزام الامان والتف لحلا
قصي: اومال ليه فيه فترة خطوبة
حلا: علشان لو خرجوا مع بعض ولو ان المفروض ميكونوش لوحدهم واما فترة الخطوبة ديه علشان يتعرفوا على بعض مش يقضوها احضان وبوس انتوا ليه فاهمين ان الخطوبة ديه بتديكوا الحق في كل حاجة لا طبعا فيه حدود لو الخطوبة مباح فيها اي حاجة مكنش هيبقى فيه حاجة اسمها جواز او كتب كتاب علشان لما الشاب يلمس البنت ميكنش بيعمل حاجة تغضب ربنا وبعدين حتى بيقولوا جواز على سُنة الله ورسوله مش خطوبة على سُنة الله ورسوله ليه بيقولوا الجواز على سُنة الله ورسوله لان ده اللي ربنا شرعه وحتى الرسول ذات نفسه مشي على المنهج ده عمرك سمعت انه مثلا مسك ايد خطيبته او حضنها حتى متذكرش حاجة زي كدة كان مذكور زوجة النبي زوجة مش خطيبة حتى السيدة خديجة رضي الله عنها اما سمعت عنه وعن صفاته بعتت الخدامة وطلبته للجواز مش راحت جريت عليه وحضنته طلبته للجواز مع ان كان لسة ميعرفوش انه رسول من عند الله ومكنش لسة في حاجة اسمها الدين الاسلامي وكان فيه كفر وعبادة اصنام ومع ذلك طلبته للجواز يعني كان فيه كفر وبيتجوزوا قبل اي حاجة ودلوقتي فيه دين اسلامي وسيادتك تقولي خطيبك ومش خطيبك وبعدين انا كنت بقول لو حصل مين قالك اني هتجوز
قصي بإعجاب: تصدقي معاكي حق.....وبعدين بلاش تقولي حاجة في علم الغيب
حلا: وهو انا قولت حاجة في علم الغيب!
قصي: اه مش انتي قولتي انا مش عايزة اتجوز الله واعلم اذا كنتي هتتجوزي ولا لا يعني بلاش تسبقي الاحداث مين عارف يمكن اللي بتحبيه يخطفك ويجبرك على الجواز وحتى لو هو اجبرك هتكوني من جواكي موافقة وعايزة ده
حلا: مش لما اللي بحبه يعرفني الاول يبقى يخطفني
قصي: طيب تمام يبقى منسبقش الاحداث يمكن هو يعرف.....او....انتي تروحي تعترفيله مثلا
حلا: انا مستحيل
قصي: خلاص خلينا نشوف هيحصل ولا لا
حلا بإستغراب: بتتكلم بثقة اوي يعني خير
قصي: ابدا بس اللي اعرفه اللي بيحب ميقدرش يبعد عن حبيبه حتى لو ايه هيجي يوم ويتعب من البعد ويستسلم ويعترف اذا كان احنا الشباب بنستسلم ونتعب فما بالك انتوا البنات وبعدين مين عارف يمكن يكون عارف انتي مين بس مستنيكي انتي تروحي تقوليله
حلا بقلق وتوتر: وهيعرف منين
قصي: الاحباء بيعرفوا بعض عن طريق الاحساس بيحسوا ببعض لان ده..شاور على قلبه
قصي: بيشوفهم ويتعرف عليهم قبل ده.....شاور على عنيه
قصي: ولو تفتكري انتي قبل كدة قولتيلي لو عايز اعرف حبيبتي فين اسأل قلبي وهو هيدلني يعني ده كلامك انا مجبتش حاجة من عندي
حلا بقلق: وسألت قلبك
قصي: اه سألته
حلا بقلق اكتر: ويا ترى قدرت تعرفها
قصي نظر لها بحب: والله انا محتار هو دلني بس مش عارف هي ولا لا يعني في حيرة ومش عارف اخلص منها ومستنيها هي تيجي تقولي شكوكي صح ولا غلط
حلا بلعت ريقها بصعوبة: طيب ممكن نبقى نكمل ونروح للمطعم
قصي ابتسم: احنا وصلنا من بدري بس انتي مش واخدة بالك
حلا نظرت امامها وبإستغراب: بس مفيش هنا مطاعم
قصي: قدام شوية بس هنا هنركن العربية وهنمشي شوية ونوصل للمطعم
قصي نزل وحلا فكت الحزام قصي لف وفتحلها باب العربية وحلا ابتسمت ونزلت وتركت البوكيه في السيارة ومشيوا بإتجاه المطعم
قصي: سيبتي البوكيه في العربية ليه مجيبتهوش معاكي
حلا ابتسمت: خوفت لحسن يتحسد
قصي ضحك: مش للدرجادي
حلا: لا وحياتك للدرجادي
قصي: ده على كدة بقى انتي ممكن تتحسدي
حلا بإستغراب: ليه بتقول كدة
قصي: لانك انهاردة طالعة حلوة جدا لدرجة انك لو وقفتي جنب الورد مش هنميزك
حلا ابتسمت بخجل: مش للدرجادي
قصي: طب والله بتكلم جد مبهزرش ولا بجامل
حلا سكتت لانها معرفتش هتقول ايه
قصي: ممكن اسألك سؤال بس متفهمنيش غلط
حلا: اه طبعا اتفضل
قصي بخبث: هو كل البنات لما بيتكسفوا بيحلووا ولا ده مع ناس وناس
حلا بعدم فهم وإستغراب: قصدك ايه
قصي: اصلك لما بتتكسفي بتحلوي اكتر
حلا بخجل: احم مش ملاحظ انك زودتها شوية
قصي: قولتلك متفهمنيش غلط
حلا: لا انا مفهمتكش غلط بس مبحبش حد يتكلم عني بالطريقة ديه وخصوصي لو راجل
قصي: والله اعذريني هتستحملي لاني مقدرش اشوف حاجة جميلة وممدحش جمالها فالقاعدة ديه هتتنازلي عنها معايا
حلا: لااا والله وإشمعنا انت متتنازلش عن القاعدة ديه ومتمدحش جمالي
قصي: والله ديه عادة عندي وده طبع وصعب اي حد يغير طبعه
حلا: اممم وانا كمان ديه عادة عندي وطبع مقدرش اغيره
قصي ضحك: طب خلاص متقفشيس
حلا ضحكت: لا انا مقفشتش بس بطل تستفزني وهنبقى تمام
قصي: للاسف مقدرش لانك بتبقي حلوة لما اي حد يستفزك وينرفزك
حلا وقفت وقصي نظر لها
حلا: وبعديين هلف وارجع البيت احسن ليك وليا
قصي ضحك: خلاص هحاول امسك بوقي ولساني ومتكلمش خالص
حلا ضحكت ومشيت: مش للدرجادي
وصلوا للمطعم ودخلوا حلا والجرسون وصلهم لطاولتهم حلا خلعت الجاكيت وحطيته على الكرسي وقصي شد الكرسي علشان تقعد حلا ابتسمت وقعدت وبعدين قصي خلع الجاكيت بتاعه وحطه على كرسيه وقعد
قصي: هسيبيك انتي اللي تختاري على ذوقك الاكل مع العلم اني متغديتش
حلا ابتسمت: وانا كمان متغديتش
قصي ابتسم: يعني احنا ميتين جوع زي بعض
حلا: تؤ اتكلم عن نفسك انا بالنسبة ليا مباكلش كتير فعادي
قصي نده للجرسون: لا معلش معايا انا لازم تاكلي والا هأكلك بالاجبار اذا كان عاجب او مش عاجب
الجرسون اعطى لحلا كاتلوج الاكل علشان تنقي الاكل واعطى لقصي واحد كمان وقصي فتحه علشان يشوف الاكل
حلا وقصي معا: انا هطلب مكرونة بصوص الابيض مع شرايح ستيك
الجرسون نظر لهم بإستغراب وقصي وحلا نظروا لبعض بإستغراب وابتسموا بعدين قصي اعاد نظره للجرسون
قصي: اتنين مكرونة بالصوص الابيض مع شرايح استيك واتنين سيڤين
الجرسون: تمام حضرتك تحبه حار ولا عادي
قصي: لا حار
الجرسون: تمام عشر دقايق وطلب حضرتك يكون جاهز
قصي: تمام
الجرسون ذهب وقصي نظر لحلا وحلا كانت تنظر على البحر من الازاز وكانت شاردة
قصي شبك اصابع يده ببعض وسند على الطرابية ووضع يده تحت ذقنه وظل ينظر لحلا بحب وهي كانت شاردة ومأخدتش بالها من قصي استيقظت من شرودها على رنين هاتف قصي قصي رد
قصي: السلام عليكم ايه يا نونو يا حبيبتي فيه حاجة
انجلي: وعليكم السلام اسفة يا حبيبي اني بقاطعك انت وحلا لو مشغولين اقفل عادي
قصي: لا عادي ولا يهمك في حاجة
حلا: سلملي عليها
قصي ابتسم: حلا بتسلم عليكي
انجلي: الله يسلمها متعرفش فهد هيرجع امتى
قصي: لا هو قالي انه هيتأخر علشان فيه شغل ليه في حاجة
انجلي: ابدا بس هنروح انهاردة بيت حلا اللي فيه الشباب ونبات فانا كنت عايزاه علشان يوصلنا ويروح معانا
قصي: لا مأظنش ان فهد هيرجع بدري وسمير وكمال كمان...طيب خلاص استنيني انا هبقى اجي اخدك واوصلك وارجع على البيت
حلا: اديهاني كدة.....هاتها
قصي: خدي حلا عايزاكي
قصي اعطى لحلا التليفون
حلا بإبتسامة: عاملة ايه يا نونو دلوقتي ودراعك عامل ايه
انجلي: الحمد لله انا كويسة بس دراعي بيوجعني شوية
حلا: هو هيفضل يوجعك كدة حوالي اسبوع او اسبوعين على حسب الاصابة بس انتي ريحيه ومتحركهوش كتير وخدي ادويتك في معادها وادهني المرهم في معاده وهتخفي بسرعة
انجلي: حاضر شكرا يا حلا على كل حاجة تعبتك معايا جدا وفضلتي سهرانة وتعبانة بسببي
حلا: بس يا حبيبتي انتي بتستعبطي ده يظهر الحادثة اثرت على مخك ولا ايه واساسا انا مبنمش يعني انا امبارح روحت المفروض اني انام نايمة الفجر على 2 ونص او تلاتة وصحيت الساعة 6 الصبح انا اساسا فالعادي مبنمش وبعدين يا ستي تعبك راحة بالنسبالي المهم سيبك من فهد وسمير وكمال بس اتصلي بروما او مايا وهما هيجوا ياخدوكوا من البيت انتي وستي
انجلي: مش عايزة اتعبهم معايا خلاص قصي هيبقى يجي ياخدني
حلا ضحكت: يعني انتي صعبان عليكي انهم هيجوا ياخدوكي من البيت وهما اساسا مبيشتغلوش ولا بيعملوا حاجة ومش صعبان عليكي اخوكي اللي من الصبح برا البيت في شغل ده غير انه رجع غير هدومه وجيه ياخدني ولسة هيرجع ياخدك ويوصلك البيت طب بذمتك تعب ولا مش تعب
انجلي: طب ما هما اكيد تعبانين في تنضيف البيت واكيد اكيد حضروا اكل يعني هما كمان تعبانين وانا هتعبهم اكتر
حلا: اااه مرارتي لحظة واحدة انتي بتتكلمي عن مين عن مايا وروما حبيبتي لمعلوماتك هما نايمين الساعة 1 بليل وصاحيين على الظهر انا بقى نمت 3 او 4 ساعات او اقل كمان صحيت حضرت فطار للشباب وطلعتلهم السندوتشات فطروا وكملوا نوم وانا فضلت قاعدة ولما صحيوا معملوش حاجة غير انهم ساعدوني في تحضير مقادير وعملوا السلطة علشان الغدا انا بقى عملت حلويات والغدا ونظفت البيت مع انه نضيف ده غير اوضتهم اللي نضفتها الساعة واحدة بليل لانها كانت مزبلة فحضرتك لو كان فيه حد تعبان وبيتعب هو انا دول بروطات مبيعملوش حاجة في البيت وخصوصي المطبخ ميعرفوش يعملوا غير كوباية شاي او نسكافيه بالعافية عموما انا هكلمهم اخليهم يجوا ياخدوكي انتي وستي بس انتي جهزي نفسك وقولي للشباب يرجعوا من الشركة لعندنا
انجلي ضحكت: طيب يا حبيبتي يلا بقى هسيبكوا مع بعض سلام
حلا: سلام
حلا اعطت التليفون لقصي واخذت تليفونها واتصلت بروما
روما: الو ايه يا حلول
حلا: بتعملوا ايه
روما: بنتخانق
حلا: وربنا لو جيت لاقيت منظر البيت زي منظر اوضتكم امبارح لهخليكم تنضفوا البيت كله اوضة اوضة عقابا ليكم علشان ميرضيش ربنا اني انضف صبح وليل ده غير ان الاكل عليا كمان وانتوا مبتعملوش حاجة غير الاكل والنوم والتليفزيون بجد الله يكون في عون اللي هيتجوزكوا هتبقى امه داعية عليه ساعة استجابة
قصي ضحك
روما: يعني انتي متصلة بينا علشان كدة
حلا: لا البسي انتي ومايا وروحي هاتي انجلي وستي من البيت علشان الشباب في الشغل
لوئي: ايه ده يعني لوئي مش هيجي ق....قصدي الشباب
حلا ابتسمت: لوئي عنده شوية شغل في المركز هيخلصه ويجي واما فهد وسمير وكمال في الشركة وهيجوا بس متأخر شوية علشان فيه شغل هيخلصوه ويجوا
روما بإطمئنان: طيب ماشي
حلا: لو رقية هتروح تجيب جميلة وآسيا خليها تاخد مفاتيح عربيتي متروحش في تاكسي انتي عارفة مكان المفاتيح فين
روما: حاضر يلا سلام
حلا: سلام
الجارسون جيه وحط الاكل
قصي: شكرا
الجارسون مشي وقصي نظر لحلا
قصي: ايه اللي كان واخد عقلك
حلا بإستغراب: هو ايه اللي واخد عقلي!
قصي ابتسم: كنتي من شوية سرحانة قبل ما انجلي تتصل فقولت اسألك ايه ومين اللي واخد عقلك
حلا ابتسمت: ابدا بس المنظر خلاني افتكر حاجة من زمان 
قصي: وممكن اعرف ايه هي الحاجة ديه
حلا ابتسمت بحزن: ابدا افتكرت لما كنا بنصيف واحنا صغيرين بس مش اكتر....يعني كان في مرة طلعنا نصيف وكان نفسي اجرب انزل البحر واشوف ايه اللي هيحصل وقتها كنت هغرق لولا ان بابا لاحظ اني مش موجودة ولحقني قبل ما اغرق بس
حلا امتلئت عنيها بالدموع وعلشان قصي ميلحظش ده لفت وشها لجهة الازاز بس قصي شافها وحس بيها وقلبه وجعه على حبيبته
قصي: بس انتي دلوقتي بتعرفي تسبحي صح
حلا مسحت دموعها قبل ما تنزل من عنيها بسرعة ونظرت لقصي: اه ليه بتسأل
قصي: ابدا كنت بقول نخلص اكل وننزل انا وانتي سباق ونشوف مين اللي هيفوز
حلا: طبعا انا اللي هفوز بس اكيد مش هينفع دلوقتي نهائي
قصي: واثقة في نفسك اوي يعني
حلا: اه لاني خضعت لمسابقات كتير وكنت بفوز بالمركز الاول وكان معظم المسابقات في امريكا وفرنسا فمتحلمش
قصي: هو انا حاليا مش هعرف احلم لان عصافير بطني بتزقزق بس اوعدك لما اكل افكر في الموضوع
حلا ضحكت: طب ما تاكل
قصي وحلا بدأوا ياكلوا
__________________________________
في بيت محمد رن جرس الباب والخدامة فتحت وكانوا ادم واريان دخلوا للصالون وكان هناك يجلس محمد وعفاف وفارس كان نازل من غرفته جاهز ولابس
محمد بإبتسامة واسعة: عاش مين شافكوا يا ولاد الغالي
اريان ضحك واتجه لعمه: خليك زي ما انت انا هجيلك
اريان انخفض على عمه وعانقه وادم عانق عفاف
ادم: اتفضل قدامي يا سيادة اللوا اطلع انت ومراتك غيروا هدومكوا ومن غير اعتراض
محمد بإستغراب: ليه في حاجة في حد حصله حاجة
اريان: ريلاكس احنا جايين نخطفكوا بس
فارس: ريحوا نفسكوا مش هيرضى
ادم: وماله ناخده بالبيجامة عادي
محمد ضحك: طب ممكن افهم فيه ايه
اريان: فيه تجمع واحتفال في بيتنا ومش هيحلى غير لما تيجوا واتفضل بعد اذنك اطلع غير هدومك بدل ما ناخدك بالبيجامة
ادم: وعايزين نقعد ونفكر ونلاقي حل لقصة الحب المعقدة اظن انك فهمت واكيد مش هترفض وغلاوت حلا عندك لانها هتزعل لو انتوا مجيتوش
محمد: طيب خلاص هنطلع نغير
ادم التف لفارس وابتسم: مش قولتلك انه هيرضى
اريان: مع العلم يا سيادة اللوا انتوا هتقعدوا معانا يومين ولو ينفع ياريت العمر كله
محمد تنح: افندم يا روح ابوك
اريان ضحك: اهدى بس يا عم الحج انا كنت بهزر قوم يلا غير انا عارف انك مش هترضى تبات قوم قوم
محمد طلع هو وعفاف علشان يغيروا هدومهم
ادم: انت كدبت عليه ليه
اريان: لو قولتله انه هيبات كان هيرفض انه يجي فخليه بس يجي معانا وبعدين نحبسوا في البيت او حلا تتصرف معاه
فارس: حلا الوحيدة اللي تقدر تتعامل معاه وتجبره بطريقتها انه يفضل
ادم: طيب اما نشوف
__________________________________
حلا وقصي خلصوا اكل واتمشوا على الشاطئ شوية
قصي: حلا انتي ليه مش عايزة تتجوزي
حلا: اعدائي مش هيسيبوني في حالي ولا هيخلوني اتهنى انا وعريسي او حبيبي
قصي: وليه بتفكري كدة ما يمكن لما تتجوزي وتبقي في عصمت راجل وملكه يمكن يسيبوكي
حلا: معرفش بس مأظنش اللي زيهم يسيبوني في حالي يعني هما مش سايبيني في حالي دلوقتي تفتكر هيسيبوني لما يلاقولي نقطة ضعف
فجأة سمعوا واحدة بتصرخ
قصي بإستغراب: هو فيه ايه
حلا: معرفش تعالى نشوف فيه ايه
حلا وقصي ذهبوا لمكان الصريخ وكانت واحدة ست بتستنجد ان حد ينقذ ابنها من الغرق الست اول ما شافت قصي وحلا ركضت تجاه قصي
الست بدموع: ونبي يا بني انقذلي ابني وقع في البحر والموجة بعدته هيغرق
حلا: طب عارفة فين مكانه
الست بدموع: هو الناحية دي تقريبا ونبي يا بنتي ربنا يسترك ويخليكوا لبعض اعملي اي حاجة انقذي ابني
حلا: طب اهدي
حلا خلعت الجاكيت وقلعت الحلق والساعة والجذمة
قصي بإستغراب وعدم فهم: انتي بتعملي ايه
حلا بتحذير: هنزل انقذ الولد اوعى تفكر تلحقني او تقولي هنزل انا وخليكي انتي
حلا رمت تليفونها على الهدوم وتركته ولم تعطيه فرصة يتكلم ونطت في البحر وسبحت قصي انخفض ولم اغرضها من الارض وحلا انقذت الولد وحملته واعادته لحضن امه الست مسكت ابنها وفضلت تقبله بخوف وحب وحضنته بقوة وبعدين نظرت لحلا وقصي
الست: ربنا يخليهالك يارب وتعيشوا مبسوطين ومتتحرمش منها ابدا وربنا يرزقكوا بعيال ويديم المحبة ما بينكم بجد مش عارفة اشكرك ازاي انتي انقذتيلي حياتي ربنا ينورلك طريقك ويهديكي ويصلح بالك وتعيشي مع جوزك وتتهنوا ببعض وبجد انتوا لايقين على بعض جدا ربنا ميوريكوش حاجة وحشة في بعض ابدا حافظ على مراتك لانها بجد جوهرة نادرة وباين عليها انها طيبة وبنت ناس ومحترمة ربنا يفرح اهلك بيكي ودايما يفتخروا بيكي
الست اخذت ابنها ومشيت وحلا وقصي نظروا لبعض بإستغراب وحلا وجهها اصطبغ باللون الاحمر من شدة الخجل قصي ابتسم ومد يده بالجاكيت بتاعها وهي كانت تنظر في الارض من شدة الخجل اخذت منه الجاكيت ولبسته وانخفضت لترتدي حذائها
قصي بإنزعاج:  على فكرة تصرف مش لطيف انك انتي اللي تنزلي وانا الراجل اللي اقف اتفرج بذمتك لو انتي واقفة مع اخوكي او مع جوزك هتعملي كدة
حلا وقفت قصاده: والله اللي اعرفه ان ده شغلي وواجبي اني انقذ الناس ده اولا ثانيا لو اخويا او جوزي هيتعب لو نزل الماية الساعة 9 ونص بليل والماية متلجة فاه هنزل انا بداله ثالثا اساسا انا مكنتش هسمحلك تنزل الماية دلوقتي علشان متتعبش
قصي: ليه خايفة عليا
حلا: لو انا مخوفتش عليك مين هيخاف عليك غيري
قصي: هتمشي ازاي دلوقتي وهدومك كلها ماية
حلا: البلوزة تدارى بالجاكيت وقفلت سوستة الجاكيت
حلا: اما البنطلون اسود فمش هيبان اوي وخصوصي اننا بليل والدنيا ضلمة فمحدش هياخد باله وكدة كدة احنا معانا عربية...المهم تليفوني فين
قصي مد يده بالتليفون وفي اللحظة ديه فادي من المركز اتصل بيها حلا ردت
حلا: ايه يا فادي خير
فادي بقلق: هو مش خير لان امان اتخطف من قبل عصابة.......
حلا: ايييه طب قدرتوا تعرفوا مكانه
فادي: بنحاول نحددوا اهو بس انتي لازم تيجي على المركز لاننا مش عارفين نعمل ايه
حلا: طب انا جاية فورا سلام
قفلت معاه
قصي بقلق: في ايه
حلا: انا لازم اروح على المركز انت روح على البيت وانا هبقى الحقك بعدين
قصي: لحظة واحدة هتروحي ازاي انتي معكيش عربية واساسا مش هسيبك تروحي بالمنظر ده لوحدك قوليلي في ايه
حلا بقلق: امان مخطوف ومش عارفين مكانه ولازم اروح لانهم حتى لو عرفوا مكانه مش هيعرفوا يتصرفوا
قصي: طيب اهدي تعالي هوصلك
حلا: لا محدش يعرف اني ماسكة مهمتك انت كدة هتعرض حياتك للخطر لا
قصي بنرفزة: ما انا مش هخليكي تمشي بالمنظر ده وهدومك مبلولة في الشارع واوعي تفكري تركبي تاكسي حلا امشي قدامي على العربية ومتخلنيش اطلع عن شعوري وصوتي يعلى في الشارع امشي الطريق اهو هنطلع من هنا وكام خطوة ونبقى عند العربية
حلا: بس
قصي بتحذير: انا قولت ايه هتمشي بالذوق ولا اشيلك لحد العربية واجبرك انك تركبيها
حلا بإنزعاج وقلق وخوف: هوووف طيب ماشي خلاص
ومشيت قدامه بضجر وانزعاج وكان طريقتها طفولية فقصي ابتسم على تصرفتها الطفولية
ومشي وراها ولما وصل ليها
قصي: خدي حلقك وساعتك
حلا اخذت الساعة ولبستها: خلي الحلق معاك علشان مش هينفع اروح بيه المركز
قصي: تمام
اخذ الحلق ووضعه في جيب الجاكيت وهما ماشيين قصي كان يمشي بجوار حلا ولكن على طرف الطريق وفجأة حلا سمعت صوت سيارة ولكن كان الصوت كأنها تسير بأعلى سرعة وكان الصوت يقترب منهم قصي لم يأخذ باله لانه كان سرحان في كلام الست حلا نظرت خلفهم وفعلا السيارة كانت تسير بإتجاه قصي وكانت هتضربه حلا مسكت قصي من دراعه وجذبته بعيد عن مسار السيارة ورجليها التوت من اثر سرعة الموقف ومن الخوف على قصي كانت هتقع بس قصي لحقها
حلا بخوف: انت كويس يا قصي اتخبطت او اتئذيت
قصي بإطمئنان: انا كويس اهدي انتي رجلك بتوجعك ولا حاجة
حلا: لا انا كويسة خلينا نمشي من هنا يلا
حلا وقصي كملوا
حلا شردت في الحادث وحدثت نفسها: الحادث ده شكله كان مقصود وقاصد قصي بالذات. ومن ثم نظرت لقصي
حلا بخوف وقلق لنفسها: ليه قلبي حاسسني ان الحادث ده وراه عمرو يارب احميلي قصي منه لانه بني ادم معندوش ضمير ويعملها ويحاول يقتله
ركبوا السيارة وقصي وصلها للمركز بس وقف بعيد شوية عنه علشان حلا وفضل منتظر لحد اما اطمن واتأكد ان حلا دخلت وبعدين اتجه للشركة علشان يشوف الشباب وياخدهم معاه على بيت حلا
__________________________________
حلا دخلت المركز ودخلت مكتب فادي
حلا: ها قدرتوا تحددوا المكان
فادي: اه هو ده العنوان
حلا: تمام جهزلي 4 او خمس رجالة
فادي: جاهزين ومستنينك برا قدام العربية معاكي عربية ولا
حلا: لا معيش فهركب معاهم في نفس العربية وانا راجعة هبقى اركب تاكسي
فادي: مال بنطلونك مبلول ليه
حلا: ابدا بس نزلت الماية لان كان فيه ولد بيغرق علشان انقذه بس مش اكتر عموما انا هروح يلا سلام
حلا خرجت للشباب وعرفتهم الخطة وذهبوا لينقذوا امان وقدروا ينقذوه بس كان متضرر جدا بسبب الضرب المبرح اللي تلقاه من العصابة حلا اتصابت في دماغها بس جرح صغير وسطحي خلصت المهمة وطلبت تاكسي ورجعت البيت وفي نفس الوقت قصي والشباب كل واحد بسيارته كانوا متجهين للبيت وادم واريان في سيارتهم وخلفهم محمد وعفاف بسيارته وفارس بسيارته وفي طريق اخر مايا رورما وانجلي وفاطمة بسيارة مايا ورقية وآسيا وجميلة بسيارة حلا وكانت رقية هي اللي بتسوق ووصلوا كلهم في نفس الوقت بس حلا وصلت قبليهم بدقيقتين هما شافوها وهي نازلة من التاكسي بس هي مأخدتش بالها منهم ودخلت البيت وقفلت الباب وراها دخلت واشعلت النور وبتلف وشها لاقيت في وشها عمرو وقاعد على الكرسي وحاطت رجل على رجل في نفس اللحظة ديه الشباب والبنات دخلوا بس حلا مأخدتش بالها لانهم معملوش صوت بالاضافة انك علشان تتجه لغرفة الصالون فيه طرقة طويلة شوية هتمشيها بعد ما تدخل من باب البيت وبعدين تنعطف لليسار للاتجاه لغرفة الصالون مع العلم انها غرفة مفتوحة اي ملهاش باب
الشباب والبنات دخلوا واول ما رأوا عمرو استخبوا علشان حلا وعلشان عمرو ميحاولش يئذي حد ويهدد حلا
حلا نظرت لعمرو بضجر وكانت تعبانة بسبب الاصابة اللي في رأسها
حلا بضجر وضيق: افندم خييير ايه اللي جابك
عمرو ابتسم ابتسامته المستفزة كالعادة: يعني هكون جيت ليه جيت علشان اشوف حبيبتي
حلا حطيت ايديها في وسطها وبغيظ: حبك برص يا بعيد وان شاء الله من امتى كنت حبيبتك ده انا حتى مبطقش اسمع اول حرف من اسمك علشان ابقى حبيبتك
عمرو بإستفزاز وغيظ: بس تحبي تسمعي اول حرف من اسم قصي صح
حلا بنرفزة: قصي قصي قصي قصي هو انت معندكش سيرة غيره ما تسيبه في حاله وطلعه من راسك انت مالك وماله ليه دايما مفيش على لسانك غير سيرة قصي واه بحب اسمع اسمه واوي كمان ليك عندي حاجة اظن ملكش واتفضل اطلع برا بدل ما اكسر البيت ده فوق راسك واروح فيك في داهية
عمرو بنرفزة وقف: عايز اخد منه اللي خطفه مني وسلبه مني
حلا بغيظ: اللي هو ايه بقى ان شاء الله
عمرو بنرفزة: انتي....انا مش عارف حبتيه على ايه لا هو وسيم ولا حتى راجل وعنده كرامة لان لحد دلوقتي بيحبك برغم كل حاجة انتي عملتيها فيه
حلا بغضب وصوت عالي: عمرووووو مأسمحلكش تغلط في حقه وتقول عليه اي حرف وبعدين يا اللي بتتكلم عن الكرامة روح شوف نفسك الاول بتلحق بنت هي مش طيقاك وفارض نفسك عليها لا والاوسخ عايزها تقضي معاك ليلة في الحرام.......عمرو ورحمة ابويا لو جيبت سيرة قصي على لسانك بالعاطل تاني لهثبتلك كل حرف هتقوله في حقه بس عليك وبالمناسبة اللي بتقول عليه مش راجل هو ارجل منك ومن مليون واحد زيك وارجل من اللي خلفوك واللي يتشددلك ودلوقتي اتفضل امشي واطلع برا لاني على اخري حرف زيادة وهروح فيك في داهية
عمرو: يعني خرجتي معاه من غير ما تقوليلي
حلا بغضب ونرفزة: وهو انت مين علشان اقولك ولا اخد اذنك اخرج مع مين واجي مع مين انت اساسا مش من بقيت عيلتي علشان استئذنك ولا انت جوزي ولا اخويا واساسا انت ملكش سلطة عليا ولا ليك الحق تسألني انا بعمل ايه اساسا وبعدين تقدر تقول اني مبعتبركش راجل علشان اخد الاذن منك
عمرو: انا عرفت ان عمك اتسمم من كام يوم
حلا بسرعة: شئ ميخصكش و........
حلا سكتت شوية تربط الاحداث ببعضها
عمرو ابتسم: وكمان انجلي اخته لقصي لسة خارجة من المستشفى امبارح بسبب حادث سيارة
حلا نظرت له بصدمة
عمرو ضحك ضحكة مستفزة وشرانية: غريبة انك محققتيش في حادثة عمك محمد وحادثة انجلي نسيبنا من حادثة انجلي بس غريبة انك مشوفتيش كاميرات المراقبة تبع بيت عمك محمد علشان تعرفي سبب التسمم بس لو عايزة تعرفي انا اقولك متأكد انك سألتيه اذا انا زورته في بيته ولا لا وهو قالك لا
حلا بصدمة واستيعاب: انت روحت زورته صح
عمرو: يعني بالعقل كدة بالرغم ان مراته اكلت من نفس الاكل بس متسممتش هو بس اللي اتسمم ده معناه ان هو المقصود بس واكيد اللي يقدر يعمل كدة هو انا يعني كنت بحاول افهمك انا اقدر اعمل ايه اما بخصوص حادثة انجلي مكنتش ناوي اخليها تتئذي وكنت ناوي ائذي روما لانها اختك واتحرمتي منها عشر سنين واكيد بتحبيها جدا وبتخافي عليها اكتر وخصوصي لما اتحرمته من بعض عشر سنين بس بعدين قولت هيبقى عادي نوعا ما بس مين اللي بيأثر اكتر في حلا مين يا ترى......ااه قصي ومين اللي بيأثر في قصي يا ترى......اااه سته وانجلي بس اكتر اخته لانها هي اللي كانت بتغمره بالحب والحنية بعد امه وهو بيعتبر اخته الكبيرة ام ليه وصديقة فاكيد هيبقى الوجع اعمق وبيوجع اكتر وطبعا انتي متقدريش تستحملي تشوفيه بينهار او موجوع
حلا صُعِقت من الكلام
حلا بصدمة وذهول وهدوء: انا حادثة عمي كنت شاكة فيك بس حادثة انجلي انا قولت حد من اعداء قصي او صدفة ولو اني كنت شاكة فيك بس استبعدتك لاني عارفة انك لو هتئذيني يا اما هتئذيني في قصي او حد من عيلتي بس مش من عيلته وعارفة انك بتكره قصي وتحقد عليه وانك لو هتئذيه هتئذيه فيا انا انما الوساخة متوصلش انك علشان تئذيني انا وتكسرني في قصي فتكسره هو الاول في اخته
عمرو: لا توصل وتوصل اوي احمدي ربك اني لسة سايبه عايش هو وعيلته ومخلصتش عليهم والله كان نفسي يموت انهاردة بس انتي كالعادة في اخر لحظة انقذتيه دايما يا حلا بتيجي في اخر لحظة وتنقذيه من الموت في اي مكان او زمان حتى قبل كدة وقبل ما تمسكي المهمة ديه كنتي بتنقذيه واكتر من مرة كنتي هتموتي حتى على حسب ما افتكر في مرة كلمت حد علشان يضربوا بقناصة بس انتي اخدتي الرصاصة عنه وكانت الاصابة في كتفك اليسار جنب قلبك بالظبط واختفيتي ساعتها اسبوع محدش عرف عنك حاجة وكنتي هتموتي لانها كانت خطيرة وحتى لما رجعتي البيت ودراعك كنتي معلقاه ومبتحركيهوش لما فارس سألك قولتيله مهمة واتصابت فيها دايما في اي مكان واي زمان بتنقذيه حتى لو هتخسري حياتك
حلا بنرفزة: وحتى لو الموقف اتعاد تاني هضحي بحياتي علشانه بس ساعتها هخلي الرصاصة ترشق في قلبي علشان اريحك مني وتبطل تعمل مؤامرات ضدي وتدمر حياة ناس ملهمش علاقة باللي بيني وبينك
عمرو: حلا هو انتي مبتطعزيش مين اللي حصل في اهلك وعايزة تمري في نفس الشعور بس مع حبيب القلب
حلا بغضب: هو انت عايز ايه مش برضه قتلت اهلي علشان تذلني وتكسرني وساعتها قتلت اهله معاه وكمان ده مكفكش وعايز تحرمه من اخته كمان عمرو لاخر مرة بحذرك وبقولك ابعد عن قصي وعيلته مشكلتك معايا انا ليه بتدخلهم
عمرو بغضب: لا هدخلهم الا اذا جيتي ونفذتي طلبي ساعتها هسيبهم في حالهم
حلا بغضب: مستحييييل اموت ومنفذش طلبك الوسخ
عمرو: معناها تستحملي اللي هيجرى لحبيب القلب
حلا بغضب: قولتلك ابعد عنه علشان متئذيهوش هو وعيلته وبعدت عنه علشان بس متئذيهوش مع اني اقدر احميه منك واقف في وشك بس لاني عارفة خطتك الوسخة ممكن توصل لايه مع ان مشكلتك معايا لانك طلبت مني نتجوز في الحلال ورفضت فطلبت في الحرام لاقيت انك بتتهان وبيتمسح بكرامتك الارض ولاقيتني مبدكش اي وش ده ميدكش الحق انك تدمر حياة قصي بالطريقة ديه وتئذيه لاخر مرة بقولك ابعد عن قصي وعيلته
عمرو: ولو مبعدتش هتعملي ايه....وانا مش هسيب قصي غير لما اكسره واذله
حلا مسكت الڤازة بسرعة وحدفتها على عمرو فدماغه اتفتحت  
حلا بغضب: يبقى ساعتها انت جنيت على نفسك بنفسك وهوريك وشي التاني ومش بعيد اقتلك واشرب من دمك متفتكرش سكوتي ده ضعف يا عمرو لاااا فوووق على نفسك لانك بتكلم بنت يحي الدالي انا عشت عشر سنين في اذى ومشاكل ومصايب من تحت راسك تحريض رجالة يتهجموا عليا في نص بيتي علشان يعتدوا عليا وتشويه سمعة قدام الناس كلها وكل ده من تحت راسك ومنجحتش في انك تكسرني ولا هتنجح في حياتك كلها مش انا اللي تتكسر وتتذل لواحد وسخ زيك وترمي نفسها في حضنه وتخضع لطلبه لااااا والف لاااا انا عندي اموت ابشع موتة ولا اني اعمل حاجة وسخة زي ديه متفتكرش سكوتي ضعف لاااا ده تربية بس وربنا لو عايزني انسى تربية ابويا ليا وابقى اوسخ منك واوريك الوساخة بحق وحقيقي معنديش مانع بس لو اهلك اتذلوا انا مليش فيه انت اللي عملت كدة انا لو عايزة اوديك في ستين الف داهية هعملها بس انا متربتش على قلة الاصل انت كدة كدة مفيش بيني وبينك علاقة لا بتقربني من قريب ولا بعيد بس انا عاملة حساب رابطة الدم اللي بتربط ابوك بابويا ولو ان ابوك ميستاهلش برضه ولاني مش عايزة ابويا يتعذب في قبره بسبب واحد وسخ زيك ميستاهلش بس وربنا لو وشي التاني ظهر لهروح فيك في داهية انت وابوك وامك واظن انتوا عارفين انتوا عاملين ايه كويس اوي انا مستحملاك بس علشان ابويا مش اكتر هتتمادى وتتعدى حدودك وتحاول تئذي قصي او تكسره ساعتها هقلب الطرابيزة عليك واوريك الاهانة والذل على واحدة ونص وعلى اصولها بس انا هخليك تتذل للي يسوى واللي ميسواش والغريب قبل القريب واظن انت عارف انا ممكن اعمل ايه كويس اوي ودلوقتي تطلع برا البيت بدل ما ادخلك العناية المركزة بس بصراحة مش هخليك تخرج منها........اطلع برا...قالتها بصوت عالي
عمرو اترعب من حلا وخرج لان فعلا شكلها كان يخوف بس تخاف عليها وعلى قلبها اكتر من على الشخص اللي قصادها كان وشها احمر بشدة بسبب الغضب لما عمرو خرج حلا مسكت احد الڤازات وحدفتها في الارض بقوة وبغضب حلا غرزت اصابعها في شعرها لتحاول تهدئت نفسها تليفونها رن فهي ردت من غير ما تشوف المتصل
حلا بتعب: الو
شاهر: مال صوتك عامل كدة ليه
حلا وهي تضع يدها على قلبها: مفيش بس اتنرفزت شوية
حلا هنا حسيت ان نفسها بيضيق
شاهر: انتي في البيت ولا
حلا بتقطع: شاهر.....خل...يك.....معا....يا لحظة
حلا رمت التليفون على الكرسي واخذت تبحث عن علاجها والمخدر الى ان لاقيتهم اخذت دوا القلب وخلعت الجاكيت وعبت المخدر في الابرة واخذته ورمت جسدها على الكنبة من شدة التعب واخذت تسترجع تنفسها ونبضها وبعدين اخذت التليفون
حلا بتعب: شاهر انا تمام ووصلت البيت بس مش قادرة اتكلم دلوقتي ممكن تقفل دلوقتي وانا هبقى اكلمك
شاهر: طيب انا اساسا جاي في الطريق لما اشوفك هبقى اكلمك سلام دلوقتي
حلا قفلت معاه ورمت التليفون على الطرابيزة
حلا بتعب: يارب خدني وريحني لاني بجد تعبت
حلا اخذت تليفونها وجاكيتها وطلعت على غرفتها ورمت نفسها على السرير وظلت تفكر في كلام عمرو
في الاسفل قصي دخل متنرفز وشد دراعه من اريان وادم
قصي بنرفزة: ليه مسيبتونيش اطلع روح الكلب ده في ايدي
فارس بعصبية: لانك غبي ومبتفهمش عمرو دايما بيبقى معاه سلاح يعني كان ممكن بكل بساطة يقتلك او يضرب عليك نار والله واعلم اذا كنت هتعيش ولا لا وبعدين حلا اساسا تعبانة خِلقة مش ناقصة ان اي حد تاني يتعب ويدخل المستشفى ويا عالم حالتها دلوقتي عاملة ازاي
ادم: المهم انها متعرفش اننا شوفنا او عرفنا حاجة
عفاف: انا هطلع اشوفها
عفاف طلعت لغرفة حلا وطرقت الباب
حلا بتعب: مايا شوية وهغير وانزل بس دلوقتي سيبيني لوحدي شوية
عفاف دخلت: طب ينفع انا ادخل
حلا قامت قعدت على السرير وابتسمت: مرات عمي تعالي وبعدين انتي دخلتي خلاص
عفاف: لو مش مرحب بيا اخرج عادي
واستدارت وكانت هتمشي
حلا بسرعة: لا خلاص قلبك ابيض كنت بهزر والله تعالي
عفاف رجعت وقعدت جنب حلا
عفاف: شكلك تعبانة اوي
حلا تنهدت: فوق ما تتخيلي
عفاف: واظن انك عارفة الحل
حلا بإستغراب وعدم فهم: المعنى
عفاف: انا شوفتك انتي وعمرو تحت وعرفت اللي حصل
حلا بقلق: وفيه حد تاني عرف
عفاف: لا انا بس شوفتكوا قبل ما الباقي يجوا حلا حلك الوحيد تروحي تعترفي لقصي بكل حاجة لو حسبتيها حتى وانتي بعيدة عنه عمرو بيئذيه انتي شايفة انكوا بالمنظر ده فيه فايدة غير انك بتتعذبي وبتعذبيه معاكي
حلا: انا تعبت ومبقيتش عارفة اعمل ايه تعبت من كل الناس ومن نفسي ومن حياتي
عفاف ملست على شعر حلا وربطت على كتفها وظهرها: بُصي يا حبيبتي هقولك على حاجة تاخديها قاعدة في حياتك سيبك من كل الناس واللي الناس عايزاه وشوفي قلبك عايز ايه وانتي عايزة ايه اتخلصي من الخوف اللي جواكي وهتلاقي حياتك حلوة
حلا بخوف: انا مش خايفة على نفسي انا خايفة عليه هو
عفاف ابتسمت: حلا انا يعتبر زيك يعني كان فيه واحد قريبنا من بعيد كان بيعمل معايا زي ما عمرو بيعمل معاكي بس الشهادة لله عمرو اوسخ بمراحل وحتى حاول يفرقني انا وعمك بس منجحش ولما اتجوزنا انا ومحمد ووقف في وشه هو وابوكي مقدرش يوريني وشه تاني وعايشين انا وعمك مبسوطين بُصي يا حلا اكيد هيجي يوم والبني ادم يمل هيجي يوم وعمرو يتعب من المخططات اللي بيعملها وبتفشل قربي من الشخص اللي بتحبيه واتجوزوا وكونوا عيلتكوا الخاصة والصغيرة وعيشوا في سعادة
حلا غمضت عنيها ورمت نفسها على السرير بتعب
عفاف ضحكت: عارفة انك تعبانة بس الكل تحت ومش حلوة صاحبت الفكرة متكونش موجودة فعلشان كدة
عفاف مسكتها من دراعها وجذبتها وقومتها من على السرير
عفاف: تدخلي تاخدي شاور وتفوقي كدة وانا هحضرلك الهدوم
حلا: ماشي بس بلاش فساتين طلعيلي بنطلون استريتچ وبلوزة طويلة يعني طولها فوق الركبة كدة
عفاف: طيب يلا ادخلي خدي شاور
حلا دخلت الحمام وعفاف حضرتلها اللبس ونزلت
محمد بقلق: هي عاملة ايه دلوقتي
عفاف: عصبيا زفت ونفسيا زفتين وجسديا الله واعلم
فارس: زي ما كنت متوقع
جميلة: انا عندي فكرة.....هنتصرف عادي ونحاول نطلعها من مود الاكتئاب ده
مايا ضحكت بسخرية: المشكلة انك صعب تطلعيها من مود الاكتئاب لو فضلتي تحاولي للسنة الجاية ده من بعد حادثة بابا يحي وهي فضلت سنتين نفسيتها مدمرة واحنا بنحاول نطلعها فين وفين لما نجحنا
آسيا بقلق: مايا معاها حق مش سهل نقدر نخرج حلا من حالة الاكتئاب
روما بتفكير: احنا منقدرش بس هما شخصين بس اللي يقدر يخرجوها من حالة الاكتئاب
مايا بإستغراب: مين
روما بإبتسامة: اول شخص بابا....
مايا بسخرية: مستحيل بتقولي حاجة مستحيلة
روما: بس انا لسة مخلصتش.....وتاني شخص هو....قصي
مايا بتفكير وإستغراب نظرت لقصي: فعلا انت الوحيد اللي تقدر تخرجها من الحالة ديه
قصي: وده ازاي بقى
مايا بتفكير: مش عارفة بس اكيد فيه حل
رقية: طب على الاقل خلونا نغير هدومنا وبعدين نقعد نفكر
روما: اه يلا
كل واحد ذهب لغرفة ليغير هدومه ولما خلصوا اتجمعوا تحت
مايا بإستغراب: هي حلا لسة منزلتش غريبة هي مبتاخدش وقت في اللبس
عفاف: معرفش بس انا سيبتها وهي كانت في الحمام بتاخد شاور
مايا: طب انا هطلع اشوفها
مايا طلعت لغرفة حلا ودخلت وطرقت على باب الحمام
مايا: حلول يلا كل ده الكل مستنيكي تحت
حلا كانت تقف تحت المياه وكانت مغمضة العينين وكانت تفكر بكلام البنات ليلة البارحة وكلام عمرو وكلام عفاف وحادثة عمها وانجلي والحادث اللي قصي كان هيتعرضلوا وحادثة اهلها بمعنى اصح تذكرت كل ايامها السودا والمرار اللي مرت بيه في العشر سنين وقاطعها طرق مايا
مايا: حلا انتي ليه مبترديش عليا انتي كويسة
حلا قفلت الماية: دقيقة وخارجة يا مايا
حلا ارتدت البورنس وخرجت
مايا بإرتياح: قلقتيني عليكي لما مردتيش عليا انتي كويسة
حلا هزت رأسها بالموافقة: هلبس وانزل اسبقيني انتي الاول
مايا ابتسمت: ماشي بس متتأخريش بدل ما المرة الجاي هخلي قصي هو اللي يطلعلك
حلا ابتسمت: حاضر عشر دقايق او ربع ساعة بالكتير وهكون تحت
مايا: ماشي
مايا نزلت وحلا غيرت هدومها ولبست الهدوم اللي مرات عمها كانت محضراها ارتدت استيريتچ اسود طوله فوق الكعب بشوية وبلوزة طولها يوصل لفوق الركبة بتلت كوم لونها بينك بس درجات البينك الغامق وكانت البلوزة مرسوم عليها صورة بنت وكانت مصنوعة من القطن ووضعت عطرها الهادئ وجففت شعرها وسرحته وتركته مفرود على ظهرها ونزلت
جميلة بمرح: اخيرا يا ست البنات حنيتي علينا وقررتي تنزلي
آسيا بمرح: على فكرةانتي حلوة وكل حاجة بس ده ميدكيش الحق انك تتقلي علينا
مايا: تؤ التقل صنعة واتعمل علشان حلا وبس
حلا: طيب يا روما ومايا مفضلش غيركوا مش عايزين تقولوا حاجة
رقية: طالعة قمورة ومحلوة بزيادة في اللون ده
روما: هما بصراحة معاهم حق انتي طولتي فوق مع انك مبتاخديش وقت.....قوليلي بس مين كان شاغلك عقلك وانا هروح اجيبهولك من قفاه...وغمزتلها
حلا: انتي هتروحي تجيبيه من قفاه ونبي خليني ساكتة وبلاش فضايح
هنا شاهر ولوئي وجاسر وصلوا ودخلوا
روما بإحراج: احم احم مش هجيبه من قفاه اكيد يعني هتكلم معاه ونتفاهم
حلا: يبقى تسكتي ومسمعش صوتك
جميلة: كنتي مختفية فين يا حلا هانم راجعة بقالك اسبوع معبرتيش اهلنا
حلا: وبفكر اروح استقر هناك
الكل ظهر على وجوههم ملامح القلق والخوف حلا نظرت لهم
حلا ابتسمت: مالكوا قلقانين كدة ليه كنت بهزر.....واساسا اللي يشوف وشك ياجميلة بالمنظر ده يقول يا ريتني ما رجعت
جميلة ضربتها في كتفها: انا واحدة استاهل ضرب الجزمة القديمة لاني بحبك وبتوحشيني انا بنت ستين في سبعين ومشوفتش نص ساعة تربية
حلا ابتسمت: طب والله كويس انك عارفة نفسك انك قليلة الرباية
جميلة مسكت المخدة وحدفت حلا بيها حلا ضحكت
حلا: بشويش عليا لاني لسة كنت في مهمة انقاذ وعضمي مكسر وشبه سليم
جميلة بغيظ: وايه يعني فدايا خليه يدغدغ احسن تستاهلي
حلا ضحكت: شكرا يا صحبي قصدي يا اللي كنت فاكرك صحبي......تعالي يا كلب البحر هاتي حضن
جميلة بغيظ: لا
حلا: احسن وفرتي آسيا هتاخد الحضن كله والحب كله لوحدها
آسيا ابتسمت وحضنت حلا جميلة اتغاظت قامت انتزعت آسيا من حضن حلا وعانقت حلا وحلا ضحكت
جميلة: انا بس اللي من حقي احضنها مش حد غيري
مايا: نعم يا عنيا قولتي ايه مسمعتكيش
رقية بغيظ: مين ديه اللي ليها الحق لوحدها تحضن حلا
روما ضحكت: والله انا اختها مبعملش ربع اللي بتعملوه ده.......شكلي اتظلمت
حلا: بسسسس خلاص اساسا محدش ليه الحق فيا غيري اوعي بقى كدة انتي وهي شوية هوا علشان مخنوقة وعندي ضيق تنفس عايزة شوية اكسجين
مايا بغيظ: احنا دلوقتي اللي بقينا كابسين على نفسك
روما بتمثيل الزعل والحزن: اه ماهو حبيب القلب هو اللي مبيكبسش على نفسها
حلا بغيظ: اممممم هي وصلت لحبيب القلب طب وسعيلي كدة انتي وهي بلا حبيب قلب بلا حبيب بطيخ انا هروح المطبخ اجيب الحلويات اللي عايز يجي يساعد يلحقني ماعدا انجلي ومرات عمي وتيتا فاطمة علشان انا عارفاكوا كويس اوي بتموتوا في المطبخ موت
حلا ذهبت للمطبخ وحضرت الحلو ورقية وآسيا ذهبوا معاها وساعدوها وبعد دقائق خرجوا بالصواني وقدموها
مايا بغيظ: تعاليلي هنا انتي كان قصدك ايه يا روح......
حلا نظرت لها بطرف عنيها
مايا بخوف وغيظ: يا روح الروح بأن مفيش حد ليه الحق فيكي غيرك
حلا: يعني انا ملك نفسي وملك جوزي مستقبليا انما حد تاني مأظنش
روما بغيظ: بتقولي حاجة يا نن عيني
حلا بإستفزاز: بقول الله يكون في عون اللي هيتجوزني....عايزني اروح اعترف بحبي لحبيب القلب انا بقول خليه احسن مرتاح ده اللي يشوفكوا يطفش
رقية: لا اعترفي وملكيش دعوة
حلا: حبيبتي انا اضمنك واضمن روما وآسيا وجميلة انما مايا مستحيل
مايا: ايوة انا ليا الحق فيكي اكتر انا عايشة معاكي 20 سنة يعني يعتبر مولودين مع بعض
حلا: اولا احنا مش مولودين مع بعض انا اكبر منك ب3 شهور واكبر من روما ب3 ساعات يعني جميلة اكبر مني بسنة او اتنين عادي يعني مش إشكال وآسيا اكبر مني بسنة ولو ان عقلكوا اصغر من سنكوا بس يلا ثانيا بقى وده الاهم اذا انتي عايشة معايا عشرين سنة فهو في قلبي وحبه اتولد في قلبي من عشر سنين لحد انهاردة يعني نص اللي انتي عيشتيه معايا تقريبا فأظن انكوا متعادلين وبعدين احمدي ربك انتي عيشتي معايا عشرين سنة غيرك مش عارفة يعيش معايا عشرين دقيقة فأخرسي بقى ومسمعش صوتك
مايا: هو معاكي حق نوعا ما
حلا بسخرية: انا اساسا دايما معايا حق
روما: مش دايما يا روحي بلاش تاخدي في نفسك مقلب
حلا: انتي في صفي ولا في صفها علشان اعرف بس اتعامل معاكي بصفتك ايه
روما ضحكت: انا في صفكوا انتوا الاتنين انتوا الاتنين اخواتي واكيد مش هقف في صف واحدة على التانية
فاطمة: حلول سمعت ان امان اتخطف هو عامل ايه دلوقتي
حلا: المفروض الاخبار عند شاهر
شاهر: اتحسن وبقى كويس والخطر زال الحمد لله
رقية: انتي ليه مروحتيش المستشفى معاه
حلا: لاني كنت تعبانة ومش قادرة وبعدين لو كنت روحت المستشفى شاهر كان هيحجزني هناك وانا مش ناقصة مستشفيات
شاهر ضحك: ما انتي زي القردة اهو
حلا: انا حاليا زي القردة بس من شوية قلبي كان تاعبني وسيادتك مكنتش هترحم اهلي فحوصات
مايا: قصي انت ساكت كدة ليه ما تقول اي حاجة
حلا: في حال لو انتي اديتي اي حد فرصة انه يتكلم هيتكلم
مايا بغيظ: شكرا يا محترمة ويا ذووق
حلا بإستفزاز: محترمة غصب عن اي حد ومذوقة جدا كمان
حلا قعدت على احد الكراسي بجانب البنات وكانت شاردة الكل كان بيتكلم ومحدش اخد باله غير روما
روما نكزت مايا في دراعها: اعملي اي حاجة هتروح مننا
مايا بقلق: عقلي واقف عن التفكير اعمل ايه يا ربي اعمل ايه.....اااه
مايا وقفت قصاد قصي: قصي ما تغني اي حاجة......واشارت بعيونها على حلا فقصي مفهمش ولما نظر لحلا فهم قصدها
روما: اااه صح انجلي قالت انك بتغني وصوتك حلو سمعنا حاجة ولا انتي ايه رأيك يا حلا
حلا نظرت لروما بإستغراب: هو ايه
رقية بقلق: كنا بنقول لقصي يغني لان قبل كدة مرضاش يغني فإيه رأيك
مايا: انا من رأيي انتي تطلبي منه يغني اكيد هيوافق
حلا نظرت لقصي: والله يا ريت تغني لانك لو مغنتش انا وانت مش هنتساب في حالنا وممكن تلاقي في برق ورعد بسبب زن مايا وروما
قصي ابتسم بخفة: طب هغني ايه
حلا: اي حاجة بس المهم نخرس الاتنين دول
روما: على فكرة انتي مش كيوت خالص
حلا ابتسمت: ما انا عارفة اني من يوم ما اتولدت وانا مش كيوت
انجلي بسعادة وخبث: ليه متغنيش مثلا اغنية انت عايز تهديها للبنت اللي بتحبها
مايا بسعادة: بجد فكرة تحفة ولا انتي ايه رأيك يا حلا
حلا: والله هو حر يشوف هو حابب يغني ايه ويغنيه
روما: قصي فكرة انجلي عجبتني جدا فبصراحة هتغني سواء عجبك او لا للبنت اللي بتحبها
قصي ضحك: طيب خلاص ماشي موافق
رقية بسعادة: هتغني ايه بقى
قصي بتفكير: والله يعني على حسب حالي مع حبيبتي فالاغنية اللي بتليق علينا هي اغنية عامل تقيل لرامي صبري
مايا بإستغراب: معرفهاش
فهد: الاغنية ديه حلوة اوي
روما: ممكن نكون سمعناها بس مش عارفين اسمها انتي تعرفيها يا حلا
حلا: مش عارفة بس اسمها مش غريب عليا ممكن اكون سمعتها قبل كدة
انجلي: انا عرفتها وكمان بحبها اوي
لوئي: وانا عارفها
ادم: لو قولت اول كام كلمة ممكن افتكر واقول معاك
جميلة وآسيا: احنا بنحب الاغنية ديه جدا
روما: لا معلش انت تغني دلوقتي ايه الاغنية اللي جننتكوا ديه
قصي بدأ يغني