حلا كانت في المهمة ووزعت الفريق وكانت تضع سماعة البلوتوث بأذنها وكانت تحدث امان
حلا: امان محدش يهجم ولا يتحرك غير لما اقول
امان: اوامرك يا سيادة الرائد
__________________________________
فارس رجع على بيت قصي
فارس بصوت عالي نسبيا: يا اهل البيت اين انتم
دخل وملقاش حد
فارس: يظهر ان تيتا فاطمة نايمة وانجلي وروما ومايا اكيد قعدين مع بعض وهاتيها حكاوي بنات ولوئي اكيد قاعد بيشتغل على الملف اللي حلا اعطتهوله واكيد فهد مع قصي اما اطلع ارخم على الواد قصي شوية واتكلم معاه بخصوص موضوع حلا لان بجد الموضوع ميتسكتش عليه
فارس طلع على غرفة قصي
( انا عايزة افهم حاجة هي اوضة قصي فيها سكر علشان الكل طالعلها ولا في ايه😂😂)
فارس دخل من غير ما يخبط والكل اتخض
فارس بضحكة: مالكوا في........اختفت ابتسامة فارس
فارس بصدمة: عمي يحي وعمو احمد ان....انتوا.....بتعملوا ايه هنا....و....وازاي عايشين لحد دلوقتي
محمد: انا من رأيي اننا ننزل تحت بدل ما حد يجي تاني لان تقريبا احنا اتكشفنا خالص
انجلي: لحظة واحدة
انجلي ذهبت قفلت الباب من جوا ودخلتلهم
انجلي: دلوقتي نقدر ناخد راحتنا ومحدش هيجي تاني بس دلوقتي انتوا ازاي لسة عايشين بعد الفترة ديه وليه مجيتوش قولتولنا
احمد ( والد انجلي وقصي): الموضوع طويل هنبقى نتكلم فيه بعدين.........المهم ماما عاملة ايه
قصي: ستي كويسة الحمد لله بس كانت تعبانة اوي بعد الحادث
احمد: كنت متوقع ده.........وانت وحلا الاخبار ايه
قصي: زي الزفت
احمد ضحك: هي لسة مدوخاك
قصي: وهو ده سؤال برضه وبعدين انت عارفها اكتر مني يا بابا ديه لا بتكل ولا بتمل ولا راضية تعطف عليا وتقولي كلمة واحدة من اربع حروف مع انها بتتعذب بس عادي يخربيت البرود
فارس ضحك: شوف شوف مين بيتكلم وبعدين يا عم قصي على رأي المثل من عاشر القوم سبعين يوم
انجلي ضحكت: فارس معاه حق ده انت ابرد منها يا اخي
قصي: بارد في الطبيعي بس بخصوص المشاعر لا ما تقوليلك حاجة يا روما
روما كانت في حضن باباها ومكنتش عايزة تبعد عنه ابدا
روما: مشكلتك انك مستعجل والاستعجال مش حلو في الامور ديه وعمرها ما هتيجي تعترفلك وانت مستعجل كدة اصبر ان الله مع الصابرين
قصي: مرارتي اتفقعت وصبري نفد وفضلي شوية وهصور قتيل في اختك
يحي ضحك: انت مش ملاحظ ان اللي انت بتتكلم عنها ابوها واقف قدامك ولا ايه
قصي بإحراج: احم احم سوري يا عمي بس بجد حلا زودتها اوي
روما: حلا اللي شافته مش قليل يا قصي ولازم انت تفهم ده وتقدره كويس اوي اه يمكن هي مقلتليش عنها اي حاجة ولا الوجع اللي هي بتحس بيه ولا هي مرت بإيه محدش فينا يعرف هي جواها ايه بس انا اختها ومش اي اخت لا ده انا تؤامها يعني بحس بيها وبفهمها كويس كل اما ببص في عنيها بشوف وجع كبير فيهم هي جواها وجع كبير بس مش عايزة تشاركه مع حد وعلى فكرة محدش هيحس بيها يا قصي بس حاولوا تعذُروها انا عارفة انك انت كمان في الفترة اللي هي كانت بعيدة فيها عنك كنت بتتعذب بس ربنا هو اللي يعلم بحالها مش حد تاني
انجلي: روما معاها حق يا قصي اصبر عليها حاول تعرف ايه السبب اللي مخليها بعيدة عنك وبعدين ابقى حاسبها على العشر سنين دول
فارس: هو من احدى الاسباب عمرو يا قصي
قصي بإستغراب: قصدك عمرو بن عمها....ماله
فارس هز رأسه بالموافقة: اه بن عمها دايما بيهددها بيك انت واخواتك واخواتها فالضغط عليها كبير
قصي بنرفزة: انا عمرو ده عايز امسكه وانزل فيه ضرب
روما ضحكت: هو بيترعب منك وبيكرهك اساسا
قصي: ومين قالك اني بحبه مثلا.....طب دلوقتي هنعمل ايه ما هو حلا مستحيل تيجي من نفسها وتعترف
يحي: ما احنا جينا علشان ده
احمد: بُصوا طبعا احنا هنحتاج مساعدتكوا ومساعدة اريان وادم وجاسر وشاهر اكييييد علشان لو حلا حصلها حاجة ومايا لانها هي اللي هتقدر تقنع حلا او ممكن نعمل حاجة تانية
قصي: طب مش نعرف هنعمل ايه الاول علشان نعرف هنعمل ايه تاني
احمد ضحك: لسة لمض زي ما انت بُص يا سيدي احنا.............
__________________________________
عند حلا في المهمة حلا امرت الشباب بالهجوم وهجمه بس حلا اتصابت في رقبتها اصابة سطحية واتصابت في رجليها وفي دراعها وبعد اما عقمت الجروح ركبت عربيتها وكانت هترجع على بيتها
اتصلت بمرات عمها
حلا: السلام عليكم عاملة ايه يا فوفا
عفاف: وعليكم السلامة سيبك مني انتي عملتي ايه في المهمة كويسة ولا اتصابتي
حلا: متقلقيش اصابات خفيفة انا كويسة
عفاف بقلق وعدم تصديق: بجد يا حلا ولا بتقوليلي كدة علشان تطمنيني ومقلقش عليكي
حلا: لا والله انا كويسة الحمد لله المهم هو فارس في البيت
عفاف: لا هو عند قصي
حلا: طب مجبلكيش سيرة عن السفرية بتاعتي
عفاف: هو قالي انه قال لساجدة تحضرلك شنطة هدومك بس انا معرفش حاجة تاني
حلا: طيب
عفاف بقلق: هو انتي هتسافري ليه يا حلا
حلا ابتسمت: متقلقيش هرجع تاني علشان مهمة قصي لسة مخلصتش في شغل برا ضروري وهما طالبين هروح اشوف في ايه وهخلص الشغل واجي
عفاف: طيب يا حبيبتي ربنا يحميكي ويرجعك لينا بالسلامة ومنشوفش فيكي حاجة وحشة ابدا
حلا ابتسمت: ربنا يخليكوا ليا ومتحرمش منكوا ابدا هو عمي محمد موجود في البيت ولا
عفاف: لا راح عند قصي ومرضاش يخدني معاه والله قصي وحشني اوي
حلا: ولا تزعلي يا فوفا جهزي نفسك على ما اروح على بيت اخواتي اغير هدومي واخد الباسبور بتاعي واخد شنطة هدومي من ساجدة وهعدي عليكي اخدك على قصي لاني كدة كدة هروح على هناك علشان اخد التذكرة من فارس فاجهزي وانا هعدي عليكي مش هحرمك من حاجة وحساب عمي معايا
عفاف: حبيبتي يا حلول هوا هلبس بسرعة
حلا: طيب يا حبيبتي يلا انا هقفل دلوقتي علشان بسوق
عفاف: ماشي يا حبيبتي خلي بالك من نفسك سلام
حلا: حاضر سلام
حلا قفلت معاها وروحت بيت اخواتها وطلعت اخدت شاور وغيرت هدومها لبست بنطلون ابيض وشميز ابيض وبليزر اصفر وحذاء بكعب عالي لونه اصفر وفيه فيونكا باللون الابيض وحلق طويل لونه اصفر وعملت شعرها سمبولة وجابته على كتفها اليسار ووضعت من البرفيوم الهادي واخدت ادويتها والمخدر واخدت شنطتها والباسبور واخدت مفاتيح عربيتها وانطلقت على بيت عمها اخذت عفاف وطلعت على بيت قصي
عفاف: والله يا بت يا حلا وحشتيني بقالك فترة مبتجيش البيت عندنا ولا بتقعدي معانا
حلا: والله غصب عني يا ماما انتي عارفة الشغل بقى وبعدين ده انتي مجرباه مع عمي محمد يعني مش جديد وبعدين زي ما شوفتي جاتلي سفرية انا مكنتش عاملة حسابها ولا مرتبلها ده بالاضافة لتحضير مهمة قصي وفيه مهمات تانية ده غير ان امان وفارس في اوقات بيحتاجوني في مهماتهم يعني غصبن عني ده انا مبرجعش بيتي تقريبا ده انا عندي شعور اني لو اتجوزت هتطلق بسبب فارس وامان
وضحكت وعفاف ضحكت
عفاف: والله معاكي حق ده لما كنتي معانا في البيت كنتي بتنزلي المركز الساعة 2 و3 الفجر واما كنت اسألك في ايه تقوليلي امان معاه مشكلة او فارس فيه مشكلة مقبلاه في مهمته او جايبنلك مصيبة بخصوص مهمتك انتي الله يكون في عونك يا حبيبتي انتي اللي شايلاهم كلهم معرفش من غيرك هيعملوا ايه
حلا: متقوليش كدة فارس اخويا وان مشيلتهوش في عيني اشيله على كفوف الراحة بس المهم هو يكون مبسوط ومرتاح وربنا يبعتله بنت الحلال اللي تخطف قلبه وتعلقه بيها ويحبها وتحبه وتصونه وبعدين مفيش ما بينا الكلام ده يا ماما ولا ايه يا حجة عفاف عيب لما تقولي الكلام ده انا مش غريبة وربنا اللي يعلم انتوا عندي ايه ومعزتكوا عندي ايه
عفاف: حبيبتي انا مقصدش حاجة والله انا عارفة انك بتعتبري فارس اخوكي بس مش لدرجة تتعبي نفسك اوي كدة علشانه يا حلا وبعدين انتي اكتر من مرة ضحيتي بحياتك علشانه وكنتي هتموتي بسبب ده انا معاكي انك بتنقذيه بس انقذي نفسك معاه زي ما بتحميه وبتخافي عليه وبتهتمي بيه اهتمي بنفسك وخافي على نفسك واحمي نفسك يا حلا ولو كنتي بتعملي كدة علشان مش عايزاني اتحرم منه او اخسره لاني مش هقدر على ده لانه ابني فانا بقى مش هقدر اني اخسرك اكتر منه يا حلا انتي بنتي اللي مخلفتهاش وربنا يعلم ان انتي وايلين بنتي مفيش فرق بينكوا وانتي عارفة الكلام ده كويس بس يارب تسمعي مني وتخافي على نفسك ولو مرة واحدة
حلا: حاضر يا ست الكل هحاول وفهماكي كويس
عفاف: ويارب تلاقي بن الحلال اللي يستهلك يا حلا
حلا: اهو ده اللي مش عايزة افهمه خالص وطالاما دعيتي يبقى هتفتحي السيرة لا بقولك ايه هتفتحي السيرة ديه هسافر ومش هرجع تاني انا بقولك اهو
عفاف: طب قوليلي ليه مش عايزة تتجوزي يا بنتي مش كل الرجالة وحشة وبعدين الجواز حلو
حلا وقفت العربية وبصتلها: بُصي يا ماما انا مش عايزة اتجوز ومش عايزة راجل في حياتي لاني لو اتجوزت هبقى بخون اللي هتجوزوا وبكدب عليه وبخون نفسي وبكدب على نفسي
عفاف بإستغراب: ليه
حلا تنهدت: لاني في حد في حياتي انا بحبه فمش هقدر اتجوز غيره......حلا كانت هتكمل بس عفاف قاطعتها: بجد يا حلا اخيرا يارب واخيرا هشوفك عروسة مع الشخص اللي بتحبيه و..........
حلا قاطعتها: ممكن اكمل كلامي وبعدين تقدري تقولي اللي انتي عايزاه
عفاف بإستغراب: اه بس فيه ايه
حلا بحزن: بُصي انا مش هكدب عليكي القصة هي اني بحب من عشر سنين بس كُنت بقاوم واقول ده مجرد اعجاب بس بالعكس كان حب ويمكن في الفترة اللي فاتت تخطى العشق كمان بس انا مش هقدر اتجوز يا ماما بُصي الجواب على كل اسئلتك هجاوبك ليه مش عايزة اتجوز؟! خايفة......اه خايفة اني اخسر الشخص اللي بحبه خايفة انه يتقتل بسبب اعدائي وهما هيئذوه علشان يلووا دراعي بيه ويكسروني مقدرش اكرر العذاب والمرار اللي شوفته ساعة اهلي تاني مش هستحمل مع اني بتعذب وانا بعيدة عنه وعذابي بيزيد كل يوم عن اليوم اللي قبله بس خايفة انتي عارفة ان ليا اعداء كتير مش عايزة اظلمه معايا واعرض حياته للخطر هو حتى ميعرفش انا مين ولا يعرف اني بحبه اد ايه
عفاف عنيها دمعت: مين يا حلا
حلا ابتسمت: اللي وحشك هو اللي بحبه ووحشني
عفاف تنحت: ق...قصدك قصي بن احمد
حلا هزت رأسها بالموافقة: اه بس هو ميعرفش انا مين وميعرفش ان عمي محمد هو عمي فعلا ولا يعرف ان فارس بن عمي هو عارف انه صديقي وعارف اني بعتبر عمي محمد انه عمي فياريت لما نروح هناك متقوليش اي حاجة
عفاف: هو بيحبك انا اللي عرفته من احمد قبل ما يموت هو ان قصي معجب بيكي
حلا: اه بيحبني بس هو ميعرفش اني عارفة ولا يعرف اني بحبه فابوس ايديكي انا مش عايزاه يعرف حاجة ممكن علشان خاطري يا مرات عمي انا قولتلك لسبب تبطلي تجيبيلي عرسان وتبطلي تفتحي سيرة الجواز معايا قصي ميعرفش حاجة عني مفهوم ولا
عفاف: مفهوم بس يا حلا حرام عليكي تخبي حبك ليه عنه وهو من حقه يعرف
حلا هزت رأسها بالموافقة وبصوت مخنوق والدموع اتجمعت في عنيها: عارفة انه من حقه يعرف بس حاولت كتير اعترفله بس معرفش ايه اللي بيحصلي بفضل واقفة قدامه زي الصنم مبقدرش اتحرك ولا افتح بوقي بحرف وفجأة حادثة بابا تظهرلي مش بإيدي يا ماما والله ما بإيدي يا جماعة انا جوايا بركان عايز ينفجر عايزة اعترف بكل حاجة لاني حاسة اني شايلة هم تقيل وكبير على اكتافي اني انا اقف قدامه وهو ميعرفش انا مين او اني اتصرف معاه على انه غريب وحتى لما اغير مقدرش اتكلم واقوله متتعاملش مع ديه ده شئ مش سهل والله ما سهل انتوا كلكوا بتشوفوا عذاب قصي بس بس والله انا بتعذب اكتر منه بمراحل مش معنى اني مببينش وبضحك وبهزر وبتعامل عادي كأن مفيش حاجة يبقى ده حقيقي لا انا قلبي بيوجعني موجوعة بس مبتكلمش مبشتكيش بس ده مش معناه اني مبحسش بيه لا بالعكس انا اكتر واحدة بتحس بيه يا ماما بس كل المشكلة ان انتوا مبتحسوش غير بقصي انتوا فاكرني اني عاجبني حالي كدة وانا بقسى عليه وبشوف الوجع في عيونه وحبه ليا وشوقه ده بيعذبني اكتر الموضوع مش سهل ورحمة ابويا ما سهل بس حسوا بيا شوية حسوا ولو ربع ما بتحسوا بقصي
وكانت الدموع تغرق وجنتيها وعفاف بكت على بكاء حلا عفاف جذبت حلا لحضنها وملست على شعرها وضهرها بحنيه وحب
عفاف بدموع: وشايلة كل ده جوا قلبك وساكتة ليه يا حلا ليه مجيتيش فضفضتيلي يا حبيبتي
حلا: انتي عارفة اني مبحبش اتكلم عن وجعي او اشاركه مع حد ومش عايزة اشيلكوا همي او اوجعكوا معايا بس بجد انا تعبت تعبت اوي ومبقتش قادرة استحمل حرف من حد بتمنى كل يوم اني مرجعش البيت واموت علشان ارتاح من الوجع اللي انا عايشة فيه
عفاف بعدت عنها ومسكت وجه حلا بإيديها الاتنين
عفاف: اوعي تقولي كدة تاني يا حلا ربنا يحميكي يا حلا ويخليكي لاخواتك
حلا مسحت دموع عفاف وبعدين مسحت دموعها
حلا بمرح: عجبك كدة بوظتيلي شكلي دلوقتي حبيبي يقول عليا ايه وانا مناخيري حمرا وشبه طيز القرد كدة
عفاف ضحكت: يخرب كلامك وبعدين ده انتي بتحلوي اكتر لما بتعيطي حتى بُصي وشك احمر ازاي بقيتي زي الاجانب وبعدين انا كمان شكلي باظ عايزة جوزي يقول عليا ايه دلوقتي
حلا ابتسمت وبمرح: هيقول عليكي انك لوز اللوز هيقول عليكي بونبوني ساقط في نوتيلا هيقول عليكي اميرته كفاية كدة ولا اقول تاني وبعدين ده عمي محمد مهما ان كانت حالتك بيموت فيكي وبيعشقك يا قمر انت يا اللي تقول للقمر قوم وانا اقعد مكانك والقمر يخضع لامرك يا ملكة يا سندريلا قلب محمد الدالي
عفاف ضحكت: انتي القاعدة مع فارس بوظتلك عقلك وبقيتي تتكلمي زيه ولا ايه
حلا: انا غلطانة اني عملتلك شعر طويل عريض وقعدت امدح فيكي انا غلطانة يا ست الكل ممكن بقى نروح لحبيب قلبك. حلا غمزتلها بعنيها عفاف نكزتها في كتفها
حلا بضحك: انتي فهمتيني صح ق...قصدي غلط انا مكنش قصدي عمي محمد كان قصدي قصي
الاتنين ضحكوا عفاف: اه ما انا عارفة انتي تقصدي مين فيهم بالظبط يا لمضة
حلا دورت العربية وكملت طريقها تجاه بيت حبيبها قصي
__________________________________
في غرفة قصي
قصي بخوف: طب انتوا مش حاسين انه اوڤر شوية وبعدين حلا مش هتستحمل بلاها الخطة ديه نشوف حاجة غيرها
احمد: انا قولت ليحي كدة بس هو مسمعش كلامي
انجلي وقصي بإستغراب: هو عمي يحي هو اللي عمل الخطة ديه
يحي: اه لان حلا بنتي وانا عارفها كويس مش هتعترف غير بالطريقة ديه
قصي بخوف: طب بلاش فكرة الدم
فارس وروما: واحنا كمان بنقول بلاش فكرة الدم
فارس اكمل: ديه حلا بجد ممكن تروح فيها لو شافت منظر زي ده وبالاخص في قصي
يحي: متقلقوش هنبقى عاملين حساب كل حاجة وبعدين محمد قالي انها بتاخد مخدر روما هتبقى تشرف على الموضوع ده وتتأكد ان حلا اخدت ادويتها والمخدر وهنقول لشاهر وهنجيبه معانا البيت
فارس: بس يستحسن بلاش حلا هي اللي تسوق لما تعرف
يحي واحمد بإستغراب: ليه
فارس ابتسم: اصلها ممكن تعمل حادثة لانها مجنونة شوية في السواقة وبالاخص لو عرفت حد اتأذى ده فيه مرة ادم واريان وجاسر عملوا فيها مقلب كان يوم عيد ميلادها فضلت شهر مبتكلمهوش ولا بتديهم وش وبصراحة كان معاها حق كانت هتموت في المقلب ده
قصي: ليه ايه اللي حصل
فارس: مفيش يا سيدي ادم واريان وجاسر رجعوا قبل عيد ميلاد حلا بأسبوعين وقرروا يفاجئوها واتصلوا بيها قالولها تبعتلهم عربية تاخدهم من المطار فحلا راحت استقبلتهم وروحوا على البيت كأن مفيش حاجة قعدوا يخططوا يخلوا يوم عيد ميلادها مختلف بأنهم يعملوا عليها تمثيلية ان فيه حد هيئذيهم من اعدائها ف...............
فلاش باك
في يوم عيد ميلاد حلا ادم واريان كانوا مختفيين من الصبح بس يوميها حلا وجاسر قعدوا مع بعض يتفرجوا على التليفزيون فتليفون حلا اعلن بمجئ رسالة بس كانت من رقم مجهول
( مش عيب عليكي تخبي عننا انك عندك اخوات شباب بصراحة كان نفسي اخليهم يفرحوا بشبابهم بس للاسف قلبي مطاوعنيش وبعدين انتي كنتي مخبية عننا ده علشان ميتئذوش اديهم اتئذوا اشربي بقى يا حلوة ربنا يرحمهم ويغفر اليهم)
حلا وجهها اصفر وبقيت بتاخد نفسها بصعوبة
حلا: اكيد في حد بيحاول يوقعني
اتصلت بأدم 5 مرات تليفونه مغلق واتصلت بأريان 7 مرات برضه تليفونه غير متاح حلا التفتت لجاسر
حلا بخوف: جاسر هو ادم واريان فين من الصبح
جاسر: معرفش هما قالولي انهم وراهم حاجة مهمة هيعملوها علشانك بس مرضيوش يقولولي هي ايه
حلا: طب متعرفش هما فين دلوقتي
جاسر: لا معرفش
اعلن هاتف حلا عن وصول رسالة اخرى من نفس الرقم المجهول
( لو مش مصدقانا روحي على العنوان ده................... وشوفي بنفسك او بمعنى اصح استلمي جثة اخواتك)
حلا اخذت مفاتيح عربيتها وطلعت تجري جاسر مسكها
جاسر: انتي رايحة فين وبعدين انتي هتروحي بلبس البيت فين
حلا بخوف وكانت بتترعش من شدة الخوف والقلق على اخواتها: وصلتني رسالة ان في حد قتل ادم واريان وبعتولي عنوان فهروح اتأكد ويارب يطلع غلط
جاسر: وافترضي ده فخ
حلا: مش مهم المهم اطمن هما كويسين ولا ده بجد وبعدين بتصل بأدم واريان تليفوناتهم مغلقة وغير متاحة
جاسر: طب غيري هدومك الاول
حلا: جاسر بقولك ممكن يكونوا اتأذوا وانت بتقولي اغير هدومي اوعى خليني اروح اشوف اذا كان ده فخ ولا لا
حلا شدت دراعها من ايد جاسر ومشيت
جاسر بصوت عالي: طب استني هاجي معاكي
جاسر بصوت واطي لنفسه: يخربيتك يا ادم انت واريان احنا اتفقنا نخوفها مش نرعبها يا خوفي يحصلها حاجة ومن ثم عَلى صوته تاني
جاسر بصوت عالي: استنيني يا حلا......انتي يا بت
وجري علشان يلحقها
حلا كانت ترتدي بنطلون كرينة اسود وفوقيه بضي بنص كم لونه اسود وكانت عاملة شعرها ذيل حصان
حلا ركبت عربيتها وساقت بسرعة كبيرة جاسر كان يجلس جنبها كان خايف لحسن العربية تتقلب بيهم وكانوا هيعملوا اكتر من حادثة حلا وقفت العربية فجأة لما شافت عربية ادم واريان مفتوحة نزلت بسرعة جري وراحت اتجاه العربية وجاسر كمان لحقها وشافت فيه دم في الارض لحقيت اتجاه الدم لحد اما شافت باب البيت بتاع المزرعة بس بتاع ادم طلعت تجري ولاقيت الباب مفتوح فدخلت وكانت الدنيا ضلمة وجاسر كان وراها
جاسر: هي الدنيا ضلمة كدة ليه
حلا بصوت بيترعش: مش...مش عارفة
جاسر: طب هفتح النور
جاسر اتجه للمفاتيح وفتح النور وحلا انفزعت من الصوت
ادم واريان ومايا بصوت عالي: كل سنةةةة وانتي طيبة يا حلول
حلا انفزعت وحطت ايديها على قلبها وكانت بتتنفس بصعوبة وقلبها بيوجعها اوي وفضلت تبُص لاريان وادم وفجأة قامت واقعة من طولها وفقدت الوعي
ابتسامت ادم واريان ومايا وجاسر اختفت وحل محلها القلق والخوف جاسر كان الاقرب لحلا فجري عليها رفع راسها وحطها على رجليه وبدأ يضرب بيده بخفة على وجهها وبقوة لكي تفيق ولكن دون جدوى جاب زجاجة مياه وبدأ يرش على وجهها بعض القطرات من الماء ولكنها لم تستجيب وقي هذا الاثناء شاهر دخل لانه كان عارف انهم هيحتفلوا بعيد ميلاد حلا في بيت المزرعة بتاع ادم ولكنه لم يكن يعلم بالخطة فلما دخل وشاف حلا مرمية على الارض جري عليها وقاس نبضها لقاه منخفض ولقاها قاطعة النفس بمعنى اصح مبتتنفسش ونبضها بينخفض شاهر بدأ يضغط على قلبها
شاهر: ادم انعش حلا فورا
ادم بدأ ينعش اخته وضع فمه على فم حلا وبدا ينفخ وينعشها كي يرجع تنفسها مرة تانية عمل كدة حوالي اربع مرات لحد ما الامر نجح ورجع تنفسها بس نبضها مكنش مظبوط ولا مستقر
شاهر: احمل حلا يا ادم وخلينا ناخدها على المستشفى فورا
مايا بدموع: هو ايه اللي حصل
شاهر بسرعة: كانت قاطعة النفس وهتموت وحاليا نبضها مش مستقر لازم ننقلها على المستشفى فورا
ادم حمل اخته ووضعها بالسيارة وانطلق على المستشفى بأقسى سرعة ولعن نفسه على التمثيلية اللي عملها وصلوا للمستشفى ودخلوا حلا لغرفة العناية المركزة ووضعوها على اجهزة تنفس واجهزة كتير وشاهر عملها التحاليل والاشاعات على قلبها
( يعني بدل ما تخلوها تحتفل بعيد ميلادها في البيت خلتوها تحتفل بيه في المستشفى وكان هيبقى يوم وفاتها كمان انتوا اخوات انتوا😒😒)
بعد حوالي 3 ايام حلا فاقت من الغيبوبة وكان نوعا ما حالتها مستقرة شاهر دخل فحصها
شاهر: ممكن افهم ايه اللي حصل
حلا مكنتش قادرة تتكلم بس اتكلمت بصوت واطي ومتقطع
حلا بتعب: روح...اسأل....الشباب..وهتعرف...ايه....اللي.....حصل وبعدين حلا غمضت عنيها من التعب ونامت شاهر خرج للشباب ادم جري عليه بلهفة
ادم بلهفة: هي بقيت عاملة ايه دلوقتي يا شاهر كويسة طمني
شاهر: حالتها نوعا ما مستقرة
اريان بإستغراب وعدم فهم: قصدك ايه بنوعا ما
شاهر: قلبها حالته سائت في الفترة الاخيرة وانا كُنت قايل لحلا تبعد عن القلق والخوف والمشاكل والضغوطات النفسية حتى اني نصحتها انها تاخد اجازة من الشغل وتسافر تغير جو شوية بس حاليا بصعوبة لحتى قدرنا نخليها بتتنفس هي فاقت وكويسة وتمام بس لو اتعصبت او اتنرفزت او قلقت او خافت مش هتبقى كويسة وساعتها مش هنتفائل خير لاني ساعتها مش هيبقى بإيدي حاجة قلبها ضعيف ومش قادر يستحمل الضغط النفسي هي من غير ما تاخد المخدر بتاعها متقدرش تعيش بسبب الضغوطات النفسية المفروض تساعدوها على ده
ادم واريان ندموا على اللي عملوه
شاهر بإستغراب: هو انا ممكن افهم ايه اللي حصل لاني سألت حلا مكنتش قادرة تتكلم وقالتلي اسألكم
جاسر حكاله كل حاجة
شاهر بغضب ونرفزة: انتوا اتجننتوا ده انتوا بالطريقة ديه كنتوا هتخلوا يوم عيد ميلادها هو يوم وفاتها انتوا متخلفين وبعدين ازاي يطلع منك ده يا ادم انت عارف انها تعبانة وعندها القلب وعارف انها بتحبكوا اوي وبتخاف عليكوا جدا كنت هترتاح لو كان حصلها حاجة
ادم: مكنتش اعرف ان كل ده كان هيحصل معرفش ان حالتها سيئة للدرجادي
شاهر: مش عارف كنت جيت سألتني وكنت هقولك الحقيقة مش هخبي عنك علشان حلا اختك وعلشان تاخد بالك منها وتهتم بيها لانها مبتهتمش بنفسها لو كنت اعرف انكوا هتعملوا كدة مكنتش هسمح بده ابدا مأظنش حلا هتسامحكوا على التمثيلية البايخة ديه
سابهم ومشي حلا فضلت نايمة لحد بليل ولما فاقت وفتحت عنيها لاقيتهم متجمعين حواليها ادم كان ماسك ايدها اليسار واريان كان ماسك ايدها اليمين
ادم بندم واسف: حلا انا اسف والله ما كنت اعرف ان كل ده هيحصل
اريان: احنا اسفين يا حلا عارف ان الاسف مش كفاية وان قلبك وجعك اوي بس سامحينا ارجوكي والله ما كنا نعرف انك هتتعبي للدرجادي
حلا سحبت ايديها من ايديهم: ممكن تطلعوا برا وتسيبوني لاني تعبانة ومش قادرة اتكلم وبصراحة اكتر مش طيقاكم اتفضلوا
جاسر: حلا احن............
حلا بنرفزة وصوت عالي نسبيا: اظن كلامي واضح قولت اطلعوا برا وسيبوني لوحدي لاني مش قادرة اتكلم ولا طايقة اشوفكوا
فالشباب خضعوا لكلامها خوفا من ان يجرى لها شئ وخرجوا من الغرفة
وبعد كام بوم خرجت من المستشفى بس مكنتش بتكلم حد فيهم ولا بتبص في وشهم ولا بتقعد معاهم بس كانت بتصحى تحضرلهم الفطار والغدا والعشا والمشروبات لو حد عايز قهوة او حاجة وكانت بتديهم لمايا هي اللي تقدمها ليهم كمان وفضلت على الحال ده شهر ونص وبعدين في يوم من الايام كانت حلا تجلس على اللاب توب بتاعها بس بتاع الشغل بتشتغل عليه وفي بعض المعلومات كان امان بيبعتهلها جاسر وادم واريان خبطوا على بااب غرفتها
حلا: ادخل
دخلوا الشباب وقفلوا الباب وراهم وقعدوا حوالين حلا حلا لم تنطق بحرف
ادم: طب وبعدين
حلا ببرود: ولا قبلين
اريان: هنفضل كدة كتير
حلا ببرود اكتر: هنفضل ازاي يعني
جاسر بنفاذ صبر: لحد امتى مش هتكلمينا وبعدين نهون عليكي ده احنا اخواتك
حلا: اممم اخواتي اممم اخواتي اللي وقعوا قلبي وكانوا هيموتوني اخواتي لا مؤاخذة يعني من انهي ناحية اخواتي ده انتوا حتى اما سافرتوا مكنتوش بترفعوا سماعة التليفون تسألوا اذا كنت عايشة ولا ميتة حتى ولا متنيلة على عين اللي خلفوني حصلي ايه وبعدين هو فيه اخوات يعملوا مقلب سخيف زي ده في اختهم وفي يوم عيد ميلادها انا كنت ناسية عيد ميلادي اصلا بس افتكرت لما صرختوا وقولتولي كل سنة وانتي طيبة بس من سوء حظي اني مكنتش واخدة المخدر كنت واخدة علاج القلب بس كنت واخداه الصبح وكسلت اخد العلاج تاني والمخدر قولت انا كدة كدة مش هخرج ومعنديش شغل وهبقى اخده قبل اما انام بس بجد شكرا ليكوا على الرعب والخوف والقلق اللي عيشتوني فيه ووجع القلب وشكرا على الهدية الرائعة وهي التمثيلية السخيفة اللي عملتوها واللي كانت هدية عيد ميلادي يمكن كلمة شكرا قليلة عليكوا
جاسر واريان ضحكوا: اذا كانت كلمة شكرا قليلة علينا يبقى نعمل المقلب تاني
حلا: هتبرى منكوا ليوم الدين لا انتوا اخواتي ولا اعرفكوا
ادم: طب سماح بقى والمسامح كريم احنا اسفين سمحينا بقى وحِني علينا شوية ميهونش علينا زعلك والله وعمتا وعد مش هتتكرر تاني
حلا بصتله بطرف عنيها: اول واخر مرة لو اتعملت تاني يومكوا مش هيعدي
ادم بحب: حاضر اي اوامر تانية يا سندريلا
حلا عانقته وقبلته من خده: لا يا باشا لحد دلوقتي مفيش طلبات
اريان: ايه ده طب احنا ملناش حضن وبوسة احنا كمان ده حتى هو العقل المدبر للتمثيلية
ادم ضربه في كتفه: انت بتشعلنها ولا بتهديها يا ساتر يارب وبعدين انت الاخ الاكبر المفروض تجمعنا مش تفرقنا
حلا ضربت ادم في كتفه: متتكلمش مع اريونتي ربع حرف هو احسن منك كتك نيلة اوعى كدة
قامت زقى ادم وعانقت اريان ادم من شدة الزقى وقع في الارض الكل اتصدم من وقعته بالسهولة ديه وبعدين دخلوا في غيبوبة ضحك
جاسر بضحك: مكنتش...... اعرف.... انك... خفيف... لدرجة..... اما.... حلا... زقتك.... وقعت فورا......
اريان بسرعة: ادم عارف الاغنية بتاعت العجل وقع هاتوا السكين العجل طار هاتوا المنشار
ادم بإستغراب: اه عارفها ليه
اريان بضحك: لا ولا حاجة بس بتنطبق عليك اوي وانت بالمنظر ده
ادم قام وقف بسرعة واتجه ناحية اريان بس اريان جري وادم جري وراه
وحلا وجاسر عمالين يضحكوا على منظرهم
عودة من الفلاش باك
فارس: بس وبعدين ادم واريان سافروا يكملوا شغل وجاسر جاله مهمة برا فاضطر يسافر معاهم
انجلي: يالهوي لحسن يحصل فيها زي ما حصل ساعة ادم واريان
روما بخوف: بلاش فكرة الدم يعني هنخليها تيجي على البيت على حجة ان قصي تعبان اوي
قصي ومحمد: اه كدة احسن
يحي: خلاص ربنا يسهل بس ونرتب ليها ويحلها الف حلال يوميها هنشوف هنخليها تيجي على البيت ازاي
الكل: تمام
قعدوا يتكلموا بقى في امور الشغل وقصي واللي كان بيعملوا في حلا
__________________________________
في الاسفل فاطمة ومايا كانوا قاعدين بيتكلموا
مايا: بس قوليلي يا طمطم جايبة الحلاوة ديه منين
فاطمة ضحكت: يخرب فقرك يا مايا هي حلا بتقعد معاكي ازاي
مايا: بتبقى ضاربة بوظ طوله مترين
هنا فهد دخل.
فهد: السلام عليكم
فاطمة ومايا: وعليكم السلام
فهد فرح اما شاف مايا: عاملة ايه يا مايا وانا قولت البيت مضلم ليه اتاري انتي موجودة
مايا: الحمد لله لا على فكرة هو ضلمة علشان انت جيت
فاطمة: مايا معاها حق ديه هي كانت منوراه بس انت جيت وقفلت النور
فهد ضحك: اذا كان كدة اتكل على الله واشوف مطرح انام فيه انهاردة
مايا: تعالى اقعد معانا بدل ما احنا قاعدين لوحدنا محدش معبرنا
فهد ضحك: طب كويس انك عارفة ان مفيش حد معبرك
مايا بغيظ: انا بقول انك تطلع تنام احسن
فهد ضحك: لا مش جايلي نوم عايز اقعد معاكوا واعرف بتنموا على مين
فاطمة بغيظ: وانت مال اهلك
فهد بإستفزاز: هما الحمد لله كويسين
فاطمة: سيبيك منه يا بت يا مايا كأنه مش موجود وقوليلي انتي مرتبطة ولا
مايا ضحكت: انا ابدا والله
فاطمة: ولا فيه حاجة كدة ولا كدة
مايا بإستغراب وعدم فهم: حاجة زي ايه
فاطمة: يعني مفيش واحد خطف قلبك ولا حاجة
فهد كان يتمنى ان تذكر اسمه واستغرب نفسه
فهد لنفسه: ايه ده مالي وبعدين وانا مالي تحب ولا لا يكون في حياتها حد ولا لا ليه عايزها تقول اسمي ليه بفرح لما اشوفها ومبكنش عايزها تمشي عايزها تبات معانا هو انا ايه اللي بيحصلي. فاق من شروده على صوت مايا
مايا: لا مفيش ارتاحي وانا مش ناوية اتجوز علشان متجبليش عرسان لاني عايزة اتجوز عن حب بس يجي بن الموكوسة ويخطف قلبي وانا مش هقوله لا
فهد ضحك: طول ما انتي بتقولي عليه بن الموكوسة مش هيجي
مايا: عنه ما جيه وبعدين انت موجود بداله
فهد قلبه دق بسرعة وفرح بس حاول يداري ده
فهد: لا شكرا انا مش عايز امي تدعي عليا
فاطمة: هو انت تطول يا مقشف يا بن المقشفة يكون معاك القمر ده ديه تقول للقمر قوم وانا اقعد مكانك
فهد كان هيرد بس منعه رنين جرس الباب
فهد: انا هقوم اشوف مين
مايا بفرح: اكيد ديه حلول
فهد رفع احد حاجبيه: ايه الثقة ديه وبعدين مأظنش انها هتيجي في وقت زي ده الساعة ونظر في ساعته
فهد: الساعة 10 ونص انا هروح اشوف مين
فهد ذهب وفتح الباب لقى عفاف في وشه
فهد بإستغراب: حضرتك مين وعايزة مين
عفاف بإبتسامة: هو مش ده بيت قصي برضه
فهد: اه بس حضرتك مين
حلا من ورا عفاف: طب دخلنا وهنقولك ولا هو تحقيق يعني وبعدين متقلقش مش هنسرقكوا
حلا كانت خلف عفاف بس مكنتش باينة فهد عرفها من صوتها
فهد بإستغراب: حلا
عفاف بعدت شوية وهنا حلا ظهرت
حلا: بقول عايزين ندخل ممكن بعد اذن سعادتك
فهد ضحك: انتي تؤمري اتفضلي
حلا مسكت عفاف من ايديها ودخلت هي وعفاف
فهد من وراهم: وبعدين يا حلا انتي صاحبة بيت برضه يعني المفروض قصي يدبكي مفتاح البيت
حلا بصتله ورفعت احد حاجبيها: انت بتتريق عارفة اني جاية في وقت مش مناسب ومن غير ما اقول لحد بس انا اسفة غصبن عني انا كنت عايزة فارس واللوا محمد
فهد بإنزعاج: بس يا هبلة انا بتكلم جد والله البيت بيتك تيجي في اي وقت وبعدين انتي فهمتيني غلط انا كنت اقصد بأن قصي يديكي مفتاح البيت انك متجيش تخبطي وتستني تدخلي على طول عموما انا اسف لو كنت ضايقتك
حلا: بس يا عبيط وبعدين عارفة ان البيت بيتي انا مش مستنياك تقول ده لان تيتا فاطمة قالتلي ده قبل كدة. وطلعت لفهد لسانها بتغيظه
ودخلت فاطمة ابتسمت ومايا فرحت وقامت جريت على حلا حضنتها حلا عانقت مايا بقوة لكي تطمنها انها كويسة
حلا: متقلقيش انا كويسة محصليش حاجة بس على مهلك علشان فيه بعض الاصابات
مايا بعدت عنها بسرعة وبقلق وخوف: فين طب انتي كويسة طب خلينا نروح على المستشفى نطمن عليكي
حلا: اهدييي انا كويسة ولسة جاية من المستشفى ديه اصابة سطحية في دراعي ورجلي ورقبتي بس مفيش حاجة خطيرة اهدي انا كويسة وتمام وقدامك اهو واقفة على رجلي وبتنفس اهو
فاطمة: انتي متأكدة يا حلا
حلا: اه يا بطاطا إلا قوليلي البت مايا ديه عملت معاكي ايه وانا مش هنا يعني رفعت ضغطك ولا عملت ايه علشان انا عارفاها كويس
فاطمة ضحكت: لا والله ديه مايا ديه سكر وشربات
مايا حطت ايديها في وسطها: سامعة مش انتي دايما بتظني فيا سوء دايما وظلماني
فهد: بس مكنتش اعرف انها بتحس بيكي للدرجادي يا حلا
حلا بإستغراب: مين ديه
مايا: انا قولتله انك انتي اللي على الباب بس هو انكر وقالي لا مستحيل حلا تيجي دلوقتي وفي الساعة ديه الساعة عشرة ونص
وقلدت فهد
فاطمة وعفاف وحلا وفهد ضحكوا عليها وبالاخص فهد ضحك جامد وحلا نظرت لفهد وحاست انه معجب بمايا
فهد لمايا: انا بعمل كدة
مايا: لا ابويا اللي بيعمل كدة
حلا نظرت حولها
مايا بخبث: بدوري على قصي ولا ايه
حلا ببعض الغضب: لا يا خفة بدور على عمك محمد وفارس عايزاهم
فهد: بس معرفتيناش يا حلا
واشار بعينيه على عفاف
حلا: اه سوري نسيت ديه تبقى مرات اللوا محمد ووالدة فارس
فهد قبل ايد عفاف: اهلا وسهلا ده انا كنت هموت واشوفها كنت دايما اقول للواد فارس بس هو كان يقولي حاضر وكان يطنش
حلا: ما هو ده فارس
عفاف: اظن انك بن عم قصي واظن انك انت فهد صح
فهد ابتسم: صح بس عرفتيني منين
عفاف ابتسمت: من عيونك الملونة
حلا وفهد بإستغراب: وعرفتي منين ان عيني/ه ملونة
عفاف ضحكت: من مايا مكنتش بتبطل كلام عنه
حلا نظرت لمايا بخبث: ااااه قولتيلي مايا ويا ترى كان كلام حلو ولا
فهد بإحراج: اتمنى يكون كويس
عفاف ضحكت: لا من الناحية ديه اطمنوا كانت بتتكلم عنك بالخير دايما وحاجة حلوة يعني مش وحشة
حلا: زي ايه مثلا
عفاف: كانت دايما تقول ان فهد كويس وجدع وراجل ومحترم جدا بس رخم شوية واظن انك عارفة الباقي وغمزت لحلا
حلا: اااااه قولتيلي
حلا انخفضت على ودن مايا: لينا كلام وقعدة حلوة لما ارجع من السفر
مايا وشها احمر من الخجل ولكن علشان تداريه
مايا بإستغراب: انتي هتسافري انهاردة
حلا: وحياتك ما اعرف بس فارس قال لساجدة تحضرلي شنطتي فده معناه اني هسافر انهاردة بس انا مش شايفة الباشا يعني هو فين
فاطمة: فوق مع قصي في اوضته على ما اظن ومحمد معاهم انتي عايزاهم في حاجة
حلا: اه عايزاهم ضروري فهد معلش ممكن تطلع تناديهم
فهد نده مهدي ومهدي جيه
فهد: اطلع على غرفة قصي وخلي الرائد فارس وسيادة اللوا محمد ينزلوا قولهم ان الرائد حلا عايزاهم تحت ضروري
حلا لمهدي: وقول لقصي كمان ينزل علشان فيه ضيفة مهمة عايزاه
مهدي: حاضر
مهدي طلع لغرفة قصي
مايا نظرت لحلا اوي: هو فعلا اللي عايز قصي ضيفة مهمة جدا
حلا: مش اللي في دماغك بس مرات عمي عايزة تشوفه
مايا: اممم قولتيلي
مهدي طلع وخبط على باب غرفة قصي الكل اتفزع
قصي بصوت عالي: ميين
مهدي: انا مهدي يا استاذ قصي
انجلي: انا من رأيي يا بابا انت وعمو يحي تستخبوا في غرفة الهدوم لحد اما نشوفوا عايز ايه
يحي واحمد نفذوا اللي انجلي قالت عليه وقصي ذهب وفتح الباب ودخل ومهدي دخل وراه
انجلي: في حاجة يا مهدي
مهدي: اه سيادة الرائد حلا تحت وعايزة سيادة اللوا محمد وسيادة الرائد فارس
قصي: هي حلا جت امتى
مهدي: من حوالي ربع ساعة مش بقالها كتير وقالتلي اقول لحضرتك يا بيه انك تنزل انت كمان علشان فيه ضيفة مهمة عايزة حضرتك
قصي بإستغراب: ضيفة مهمة
مهدي: اه
انجلي: طب انزل انت قولها ان احنا نازلين
مهدي: حاضر يا انسة انجلي
مهدي نزل وقال لحلا انهم نازلين وفي الوقت ده كمال ولوئي دخلوا
فوق في غرفة قصي يحي واحمد خرجوا لما مهدي نزل
احمد: يا ترى مين اللي عايزك
يحي: وليه حلا عايزة فارس ومحمد
فارس نظر لساعته: يا نهار مش فايت
محمد: فيه ايه يا بن المجنونة
فارس: طيارة حلا بعد ساعة ونص وتذكرتها معايا انا هنزل بدل ما اتبهدل
فارس نزل قبل ما حد يتكلم
انجلي: انا من رأيي خلونا ننزل بدل ما حد يشك ان فيه حاجة
محمد: اه وانا هنزل اشوف حلا عايزة ايه
قصي: وانا هشوف مين اللي عايزني تحت
احمد غمزله: انت نازل علشان تشوف مين اللي عايزك ولا علشان انت تشوف حبيبت القلب
قصي: احم احم حبيبي يا بابا دايما فهمني صح من يوم يومك بتفهمني صح اروح منك فين بس
الكل ضحك
يحي: طب يلا انزلوا واحنا هنبقى نشوفها من فوق وهندارى علشان محدش يشوفنا
الكل نزل وحلا شافتهم وهما نازلين
حلا انخفضت على عفاف: حبيب القلب والروح اهو
عفاف نكزتها في جنبها بدراعها: اتلمي يا بت
حلا نظرت لقصي ومحمد وانجلي وروما: مش مرتاحة للتجمع المفاجئ ده
محمد ضحك: ليه بس يا حلول ده احنا بنحبك حتى
حلا: ماهو يا خوفي من الحب ده
محمد عانقها: عاملتي ايه في مهمتك
حلا: كله تمام
فارس ضربها على دراعها اليسار والمصاب
فارس: انتي ايه اللي خلاكي تجيبي امي معاكي
حلا صرخت بوجع وبنرفزة: ااااه الاهي تنشك في ايدك يا بعيد يا فارس قولت ميت مؤة ايدك تلمها بدل ما اكسرها ما دام انا راجعة من مهمة ومتعرفش اذا كنت متصابة ولا لا يبقى متتعاملش معايا نهائي وبعدين وانت مالك انا جيباها ليه ده انت عيل سئيل ابو تقل دمك
فارس: وانا ايش عرفني انك متصابة لا بس بجد ليه جايبة ماما معاكي هتودعك يعني في المطار
حلا بنرفزة: ما دام انت متخلف ومتعرفش يبقى تلم ايدك بدل ما اقطعهالك متخلف وبعدين ماما كانت عايزة تيجي تشوف قصي بس لا انت ولا عمي معبرنها فانا جبتها لما عرفت انها عايزة تشوف قصي
عفاف: حبيبتي حلول هي ديه بنتي وعيلتي معرفكوش
فارس: وانا ايش عرفني انه وحشك وانك عايزة تشوفيه
حلا بغيظ: ده بأمارة اما قالتلك انا عايزة اشوفه وهو وحشني من حوالي 3 شهور ده كان ايه ان شاء الله
فارس عبث بشعره: ايه ده بجد انتي قولتيلي كدة
حلا بغيظ: وممكن افهم ليه انت يا عمي مجبتهاش هنا ما انت بتيجي هنا كتير
محمد: يا حلا لما كنت باجي هنا يا اما علشان شغل او بطلع من الشغل على هنا
حلا: مش هتخسر حاجة لو روحت البيت غيرت وخدتها معاك
حلا عانقت عفاف وقبلت راسها: بعد كدة اما تعوزي حاجة قوليلي انا وانا اللي هقدر عليه هنفذه تمام بلاش تطلبي منهم حاجة طالاما هما اربعة وعشرين ساعة مشغولين وفارس الزفت ده مسطول اساسا
فارس: شكرا يا محترمة
حلا بغيظ: محترمة غصبن عنك ورجليك فوق رقبتك بقولك ايه انا مش طيقاك خلي يومك يعدي بدل ما امسيك بعلقة حلوة........ فين التذكرة
فارس طلع التذكرة واعطاها لحلا وحلا نظرت للساعة المذكورة في التذكرة ولساعتها
حلا: يخرب بيتك متصلتش ليه وقولتلي على المعاد ده فاضل ساعة ونص ولسة فيه اجراءات هتتعمل والطريق طويل على ما اوصل للمطار في حياتك مبتعملش حاجة مفيدة يا فارس ولا مرة استفدت منك بحاجة
انجلي: خلاص اهدي يا حلا مجتش يعني من نص ساعة طارت وبعدين هتلحقي متقلقيش
عفاف: بس يا حلا معرفتنيش مين في الشباب قصي
حلا استغربت: لحظة انتي معرفتيهوش
عفاف: لا
حلا: اومال عمالة تقوليلي قصي واحشني قصي واحشني عايزة اشوفه وانا كنت متوقعة هتعرفيه
عفاف بغيظ: وهعرفه منين كنت شوفته وانا معرفش ولا لا اكون شوفته في الحلم او الخيال مثلا وانا معرفش
حلا ضحكت: بس شوفتيه وهو صغير صح
عفاف: اه بس ايه علاقة ده بده
حلا: ركزي وهتعرفيه..... شكله متغيرش اوي عن وهو صغير
فارس بخبث: وانتي عرفتي شكله منين يا حلا وهو صغير
مايا بخبث: اه يا حلا عرفتي منين
حلا نظرت لقصي ولفارس ومايا
حلا بتوتر: ابدا بس شوفت الصور على الانترنت بالصدفة مش اكتر
فارس: وهو بالصدفة لحيقتي تلاحظي ان شكله متغيرش اوي
حلا بنرفزة وغيظ: وانت مال مناخيرك محشورة ليه وبعدين معروف عني من وانا صغيرة اني لماحة اهمد واتبط واقعد هادي يا حبيبي علشان متزعلش مني
نظرت لمحمد
حلا: عمي ممكن شوية عايزاك في موضوع مهم
محمد: حاضر
عفاف مسكت ايد حلا: لا مش هتمشي غير لما تقوليلي مين قصي
حلا بصتلها بإستغراب: فارس هيقولك
حلا جت تمشي بس عفاف جذبتها من دراعها
عفاف: لا انتي اللي هتقوليلي
حلا بإستغراب ورفعت احد حاجبيها: ده إشمعنا بقى ان شاء الله
عفاف: كدة مزاجي واظن مش لازم اسيح واقول ليه. وغمزتلها
حلا بصت لسقف البيت ومطت شفتيها وبعدين بصت للارض
حلا: تصدقي انا استاهل ضرب الجذمة القديمة اني قولتلك الحقيقة
عفاف: بس لو مكنتيش اعترفتي وقولتي الحقيقة كنت هجبلك عرسان
حلا: وماله هاتي عرسان وانا اطفشهالك لحد ما انا ذات نفسي اللي اطفش من البلد كلها مش من البيت بس واظن اني عملت كدة قبل كدة بس ارحم من اني قولتلك وبعدين انا قولتلك حقيقتي مش علشان تفضحيني علشان تحلي عني ومتفتحيش موضوع الجواز تاني بدل ما بتفتحيه معايا روحي افتحيه مع ابنك هو اولى
عفاف: طب اخلصي مين فيهم قصي
حلا شاورت على قصي: هو ده قصي ارتحتي كدة ممكن اروح ابوس ايدك عندي طيارة هتروح مني وده شغل مش شهر عسل هو
عفاف: امتى اشوفك مع حبيبك وانتوا رايحين شهر العسل واودعكوا
حلا ضحكت جااامد: لحظة واحدة واحنا جايين كانت الدعوة هي انك تشوفيني عروسة جنب اللي يستاهلني الدعوة اتحولت ليه واتغيرت
فارس: الشهادة لله الدعوة التانية احلى خليكي بتدعيها بس هو انتي عرفتي ولا ايه
عفاف: اه اومال اصريت على ان.......
حلا حطت ايديها على بوقها وهمست في ودنها: انا قولت مش عايزة اتفضح انتي كدة هتفضحيني
عفاف: وفيها ايه لما الكل يعرف انتي بتحبي مين
حلا بعدت عنها وبصدمة: انا بقول اسافر احسن علشان متجيليش سكنة قلبية
فارس ضحك: تصدقي ان امي طلعت اجمد مني
عفاف: لا بجد بتكلم جد فيها ايه لو قولت الحقيقة هتعملي ايه يعني
حلا بهدوء: انا قولتلك اني هرجع من السفرية ديه بس لو قولتي وقتها مش هرجع نهائي ابدا واظن انك جربتي ده قبل كدة
محمد بإستغراب: ومهمة قصي يا حلا
حلا: عادي فارس كدة كدة هو معايا يبقى ينفذها هو ولوئي مش هتفرق يعني اذا كنت انا ولا لا وهبقى اتابع المهمة من هناك وهقولهم يعملوا ايه
محمد: وليه كل ده
حلا: اظن اني شرحتلك قبل كدة ليه مش هعيش انا طول حياتي ابرر ليه ما علينا كنت عايزاك في موضوع بخصوص المهمة
محمد: خير في ايه
عفاف: انتوا بقى اقعدوا صدعونا بالشغل انا هقعد مع ابني حبيبي قصي طبعا انت عارفني فاكرني ولا
قصي ابتسم: طبعا فاكرك وهو انتي تتنسي والله كنت دايما بسأل عنك وكنت عايز اشوفك بس هنقول ايه عن فارس على رأي حلا مسطول
فارس: ااه ما انت لازم تاخد برأي حبي......اقصد سكرتيرتك
حلا: طب ممكن لو خلصت كلام تيجي علشان عايزاك انت كمان
حلا اخدت محمد وفارس على جنب طبعا يحي واحمد كانوا شايفنهم من فوق وسامعنهم
حلا: عمي بُص هما الاسبوعين دول اخطر اسبوعين في المهمة كلها لان حياة قصي معرضة للخطر انا مضطرة على السفرية ديه لو مكنش الامر ضروري مكنتش هسافر عايزاك تفضل حوالين قصي ودايما تتصل بيه وتسأل عنه وتطمن انه وصل البيت وانت يا فارس مش عايزاك تسيب قصي نهائي عايزاك دايما تكون حواليه وتخلي بالك منه وتخليه ياكل وياخد علاجه علشان هو مهمل في الموضوع ده ولو حصل اي حاجة تكلمني فورا وتقولي حتى لو اتعرض لهجوم ونجي منه تقولي برضه وابوس ايديكوا لو حسيتوا ان فيه حاجة خطيرة او فيه خطر بس مش عارفين مصدره او حاسيين ان فيه حاجة مش تمام هتحصل تقولولي
محمد ابتسم: انا عارف انك خايفة عليه بس مش لدرجة انك توصيني على ابني يا حلا
حلا ابتسمت: انا عارفة انك بتعتبر قصي ابنك بس انت متعرفش عن المهمة كتير وكان لازم اقولك لاني مقدرش اتكل 100٪ على المسطول ده وبالاخص انه بيحب الاكل والنوم زي عنيه
محمد ربط على كتف حلا: متقلقيش كل الامور هتبقى كويسة وقصي هيبقى كويس وانا هخلي بالي منه حاضر من عنيا بس لما ترجعي هسلمهولك ومليش دعوة بيه
حلا: مش مهم لما ارجع المهم وانا مسافرة
محمد: تمام في حاجة تاني
حلا: لا بس لو عايز تعرف اي حاجة بخصوص المهمة فارس ولوئي عندك تقدر تستفسر منهم عن اي حاجة بخصوص المهمة
محمد بإستغراب وصدمة: هو لوئي يعرف
حلا: اه انا قولتله علشان هو مع قصي في البيت علشان يخلي باله منه وعينه عليه علشان لو خرج او راح حفلة يروح معاه لاني معرفش العصابة لو هتخطفه هتخطفه منين وازاي وهيتئذي ولا لا
محمد ابتسم: ده انتي محضرة كل حاجة انا متأكد ان قصي عمره ما هيجراله حاجة طول ما انتي واقفة في ضهره وجنبه
فارس بمرح: طبعا ما هو حبيبها وهي حبيبته
حلا: انا مش قلقانة غير من الاستظراف ده
محمد وفارس وحلا اتجهوا ناحية العيلة مرة تانية بس حلا وقفت شعرت بشعور غريب ان فيه حد قريب منها وحد هي تعرفه وفجأة نظرت بالاعلى ولكنها لم ترى احد ولكنها تشعر بأن هناك شخص هي مشتاقة له قريب منها فارس ومحمد التفوا لها ولقوها بتنظر للاعلى قلقوا لا تكون شافت يحي واحمد فنظروا للاعلى بسرعة لم يروا احد
فارس بتوتر: ح... حلا مالك في حاجة
حلا بإستغراب: مش عارفة بس حاسة بشعور غريب زي ما يكون في حد انا اعرفه قريب مني
محمد علشان يغير الموضوع: طب يلا علشان تلحقوا الطيارة
في الاعلى عندما يحي واحمد شعروا ان حلا حسيت بيهم وانها ستنظر للاعلى اداروا علشان متشوفهمش
في الاسفل
مايا: هترجعي امتى يا حلا
حلا: مش عارفة هخلص وارجع فورا
روما عانقتها: خلي بالك من نفسك
حلا ابتسمت: المفروض انا اللي اقولك كدة والله يكون في عون ادم واريان وجاسر ابقوا سليمولي عليهم كتير وانا هكلمهم وانا في الطريق ولما اوصل
مايا: حاضر
حلا ودعت الكل
حلا: يلا يا فارس
فارس بإستغراب: يلا فين
حلا بغيظ: اظن من الجنتلة والرجولة تيجي توصلني المطار لاني بصراحة رجلي وجعاني ومش قادرة اسوق
فارس بإستغراب: اومال جيتي لهنا ازاي.....مشي
حلا بغيظ: ساعتها كنت لسة واخدة المسكن وكان الوجع خفيف بس دلوقتي الوجع بقى شديد معرفش ليه ما علينا هتيجي توصلني ولا اشوف تاكسي وبعدبن كدة كدة هكون عايزة حد يوصلني علشان عربيتي
قصي ومحمد وفارس في نفس الوقت: انا هاجي اوصلك
حلا بصتلهم هما التلاتة وضحكت
حلا: انا قولت عايزة شخص واحد مش تلاتة
فارس ومحمد وقصي بصوا لبعض
فارس غمز لابوه بس من غير ما حلا تاخد بالها قصي شافه بس مفهمش حاجة
فارس: خلاص بقى خلي بابا يوصلك لاني تعبان بجد يعني كان ورايا مشاوير كتير ومش هقدر على مشوار المطار لان الطريق طويل وممكن اسقط وانام وانا بسوق
حلا: تمام
محمد: لا وانا مش هينفع
حلا بإستغراب: ليه وايه اللي مش هينفعوا
محمد: هو...... هو.... اه انا حاجز مع دكتور علشان عفاف كانت من يومين تعبانة وبتشتكي ان دماغها واجعاها واظن ان الضغط عندها مش مظبوط صح يا حياتي
محمد بصلها اول وهي فهمت
عفاف: ا....اه صح تصدق انا كنت ناسية موضوع الدكتور نهائي
محمد: خلاص قصي يبقى يوصلك بقى
حلا بصتلهم بإستغراب وشك وعدم ارتياح
حلا: إشمعنا دلوقتي الاعذار كترت وبقى فيه ارهاق وتعب افهم
فارس: لا ابدا انتي بتظلمينا وبعدين انتي اللي عارفة انا اخدت مشاوير اد ايه انهاردة
محمد: وانا كان عندي شغل كتير ومشاوير كتير وتخطيط لمهمات والخطط كانت فظيعة الخطة مش عايزة تثبت نجيبها شمال يببقى فيه خساير نجيبها يمين فيه خساير برده خطة بنت ستين زبالة
(كان يقصد خطة اعتراف حلا بحبها لقصي😂)
فارس وقصي وروما وانجلي فهموه فقعدوا يضحكوا وحلا ضحكت على الجملة الاخيرة
حلا: ماشي هعديها وهعمل نفسي مصدقة
محمد: معلش بقى يا قصي هعذبك معايا معلش انت وصل حلا للمطار
حلا بسرعة: لا قصي خليك انت ارتاح انا هاخد تاكسي عادي يعني مش لازم وبعدين انا كنت بتكلم علشان عربيتي خلاص انا هخلي عربيتي هنا وهاخد تاكسي للمطار
قصي رفع احد حاجبيه: وتاخدي تاكسي ليه يا عنيا ولوحدك والساعة 11 بليل ليه من قلت الرجالة ولا ايه
حلا ابتسمت: مش قصدي بس اكيد انت تعبان من الشغل وعايز ترتاح ده غير ان عندك شغل بكرة وبعدين ديه مش اول مرة اسافر فيها لوحدي يعني او اركب تاكسي لوحدي وبعدين انا شرطية ومحدش هيقدر يعملي حاجة
قصي رفع احد حاجبيها: وهو انا كنت جيت اشتكتلك وبعدين ريحي نفسك كنت واخدها بلطجة وقاعد من الشركة انهاردة كان فيه اجتماع واحد كان لازم احضره وكام ملف كان محتاج توقيعي وبعدين اساسا من غير ما عمي محمد يطلب مني انا مكنتش هسمح انك تروحي لوحدك المطار في وقت زي ده وخصوصا ان الطريق بليل مبيبقاش حلو وانتي بنت ولوحدك ايا كانت شغلنتك ايه واظن اني قولت مش من قلت الرجالة
حلا: بس.....
قاطعها قصي: هتمشي بالذوق قدامي ولا تحبي اشيلك
حلا وشها احمر من الخجل: لا اقدر امشي
قصي ابتسم: بتكلم جد لو رجليكي وجعاكي اوي اشيلك عادي معنديش مانع
وشمر اكمامه وابتدا يقرب حلا رجعت خطوتين لورا بسرعة
حلا بسرعة: والله كويسة واقدر امشي يخرب بيت اللي يزعلك
قصي ضحك: بس انا مش زعلان
حلا: لا زعلان وزعلان اوي
قصي:طب يلا امشي قدامي علشان مزعلكيش بقى واطلع زعلي عليكي
حلا: حاضر
قصي بحب: يحضرلك الخير يا حبيبتي
حلا خجلت بشدة وفضلت انها تخرج برا البيت احسن..... قصي مشي وراها وكان مبسوط واخذ منها مفاتيح العربية وهو اللي ساق وهي قعدت جنبه وهما في الطريق
قصي: هو الموضوع خطير اوي يا حلا
حلا: بيقولوا ان الموضوع ضروري وخطير
قصي بخوف: يعني حياتك معرضة للخطر
حلا حسيت انه قلق عليها: لا مش على حياتي انما يعني هما قصدهم ان انا اللي هقدر احله ولو مروحتش هيبقى خطير بس مش اكتر متقلقش هبقى كويسة
حلا حبيت تطمنه علشان كدة كذبت عليه حلا نظرت له وسرحت فيه قصي مأخدش باله منها لانه كان مركز في الطريق
حلا: قصي ممكن اسألك سؤال
قصي: اه اسألي
حلا: انت بتعمل كدة مع كله ولا معايا بشكل خاص
قصي: مش فاهمك ليه بعمل ايه معاكي
حلا: مش عارفة بس فيه اوقات بحسك مهتم بيا بزيادة يعني مفيش راجل بيتنازل ويوصل سكيرتيرته على المطار او واحدة علاقته بيها شغل وبس مش اكتر يعني العلاقة سطحية فكنت بسألك بتعمل كدة مع كله ولا معايا انا بشكل خاص
قصي وقف العربية وبصلها وحلا استغربت وخافت
حلا بتوتر: فيه ايه وقفت العربية ليه لو السؤال ضايقك انا اسفة مش ضروري تجاوبني و.......... قصي وضع يده على فمها ليسكتها
قصي: ممكن اتكلم
حلا هزت رأسها بالموافقة
قصي بحب ومازال يده على فم حلا: عايزة تعرفي بصراحة بعمل معاكي كدة بشكل خاص وخاص اوي كمان...... عايزة تعرفي ليه لاني بح.............قاطعه رنين هاتفه فسكت ونظر لتليفونه فقاه فارس فرد
قصي: ايه يا فارس فيه حاجة
فارس: اي خدعة خليتك توصل حلا عموما اديني حلا عايزها
قصي: حاضر
قصي مد ايده بالتليفون لحلا
قصي: فارس عايزك
حلا اخدت منه التليفون
حلا: ايه يا فارس فيه حاجة
فارس: هو تليفونك معاكي
حلا: اه معايا بس فاصل شحن لما اوصل هحطه على الشاحن واطمنكوا بس في حاجة
فارس: اه جون اتصل بيا وانا قولتله ان طيارتك بعد ساعة فتحبي حد يجي يستقبلك من المطار ولا ايه
حلا: لا انا هتصرف هاخد تاكسي لاني مش عايزة حد يعرف انا هسكن فين اظن انك عارف اعداء وهجوم وقرف بقى
فارس: تمام متنسيش تطمنينا عنك لما توصلي البيت
حلا: حاضر يلا سلام
فارس: سلام
حلا قفلت معاه وطبعا قصي كان بيسوق لما اعطى التليفون لحلا وحلا فضلت تسكت لانها فهمت هو كان هيقول ايه وبعد دقايق وصلوا للمطار قصي دخل معاها لحد ما تمت كل الاجراءات ولحد اما جيه نداء على رحلتها قصي كان ينظر لحلا
قصي لنفسه: لو اقدر اقولك على مشاعري وعلى اني نفسي اعانقك دلوقتي ومأخلكيش تروحي ولا تبعدي عني لحظة بس خايف انك تروحي مترجعيش وتحرميني منك تاني وانا مبقتش اقدر على بعدك
حلا نظرت لقصي وحدثت نفسها: لو اقدر اعترفلك بحقيقتي وحقيقة مشاعري واني مش عايزة ابعد عنك لحظة واحدة وان كل ده غصبن عني واني نفسي افضل في حضنك طول العمر بس خايفة من اني اخسرك وابقى السبب في ده وتبعد عني نهائي مقدرش يا قصي انا اسفة ياريتك ما كنت قابلتني ولا شوفتني مكنش زمانك بتتعذب دلوقتي بسببي او ياريتك كنت شوفتني بس مكنتش حبتني مكنتش هتتعذب بسبب حبك ليا
قصي: تحبي تكلمي ادم واريان قبل ما تسافري
حلا هزت رأسها بالموافقة كانت تنظر لقصي بحب وشوق وندم واسف
قصي اتصل بأدم واعطى التليفون لحلا
ادم بصوت ناعس: الو يا قصي في حاجة
حلا ابتسمت: انا حلا مش قصي
ادم فتح عنيه وقام قعد نص قعدة على السرير ونظر لتليفونه علشان يعرف انهي رقم بيتصل بيه
ادم بإستغراب: وتليفون قصي بيعمل معاكي ايه والساعة دلوقتي 11 ونص بتعملوا ايه مع بعض وايه الدوشة ديه انتي فين يا حلا وبتعملي ايه مع قصي انطقي
حلا ضحكت: طب اسكت علشان افهمك وخلي في بالك انك فهمتني غلط للمرة التانية يا ادم...... انا في المطار علشان مسافرة في شغل بكلمك من تليفون قصي علشان اقولك اني مسافرة ومعرفش هرجع امتى ولان تليفوني فاصل لما اوصل هطمنك عليا وقصي معايا كان بيوصلني المطار علشان فارس ومرات عمي تعبانين فمفيش حد يوصلني المطار وقصي مرضاش يخليني اروح لوحدي بس هو ده كل الموضوع
ادم: طيب يا حبيبتي انا مفهمتكيش غلط انا خوفت لحسن يكون حصلكوا حاجة انتي اللي فهمتيني غلط
حلا: طيب ممكن تروح تصحي اريان وجاسر هسلم عليهم واقفل
ادم: حاضر يا روحي لحظة
ادم ذهب لغرفة جاسر وصحاه
جاسر: عايز ايه يا غتت جاي تصحيني الساعة 11 ونص ليه سيبني انام انا نايم من نص ساعة بس وعندي شغل بكرة
ادم بنرفزة: مفيش اغتت منك والله قوم علشان حلا مسافرة وعايزة تكلمك تودعك حصلني على غرفة اريان
ادم خرج واتجه لغرفة اريان وجاسر قعد على السرير بصدمة
جاسر بصدمة واستغراب: مسافرة.... وفجأة كدة
جاسر ذهب خلف ادم وادم دخل على اريان اريان كان صاحي بيشتغل
اريان: ايه ده مالكوا في ايه
ادم فتح الاسبيكر: تقدري تكلميهم يا حلا
اريان بخوف: في حاجة يا حلا
حلا ابتسمت: ابدا يا حبيبي متقلقش بس انا مسافرة في شغل وقولت اقولكوا علشان متقلقوش عليا وبعدين قولت اسألكوا مش عايزين حاجة من هناك
جاسر: عايزين سلامتك
اريان: المهم انك ترجعلنا بالسلامة
حلا: حاضر انا مضطرة اقفل علشان لازم اطلع على الطيارة
الشباب: لا إله إلا الله
حلا: محمد رسول الله
حلا قفلت معاهم واعطت التليفون لقصي
حلا بإبتسامة: وانت مش عايز حاجة اجبهالك
قصي بحزن: عايزك ترجعيلي حبيبتي
حلا اختفت ابتسامتها وحل محلها الوجع والحزن والخوف والقلق
قصي ابتسم: عايزك ترجعيلي بالسلامة وخلي بالك من نفسك واهتمي بنفسك شوية يا استاذة
حلا ابتسمت بقلق: اه حاضر هحاول يلا سلام
قصي: لا إله إلا الله
حلا ابتسمت: محمد رسول الله وانت كمان خلي بالك من نفسك وخد ادويتك في معادها
قصي: حاضر
حلا ذهبت وقصي كان ينظر لها لحد اما لم يعد لها اثر فضل مستني على العربية لحد اما شاف الطيارة اقلعت وبعدين رجع البيت ونام
__________________________________
استيقظ قصي تاني يوم على صوت حلا بتصحيه
قصي بإبتسامة: انتي رجعتي بالسرعة ديه
حلا بإبتسامة: مقدرتش اسافر من غير ما اصارحك
قصي قعد نص قعدة على السرير بإستغراب: تصارحيني بإيه
حلا ابتسمت: بإني بحبك ومقدرش استغنى عنك
قصي تنح ولم يستوعب ده وقام وقف قصادها ومسكها من دراعها: انتي بتهزري صح عيدي كدة انتي قولتي ايه تاني
حلا ضحكت: بحبك يا مجنون يا اهبل بقولك ببببححححببببببكككككك
قصي بفرح: وانا بعشقك يا مجنونتي
وجذبها من دراعها وحاوط خصرها بيده وخطف شفتيها بقبلة عميقة يعبر عن مدى حبه لها وجنونه بها عن شوقه ولهفته عن رغبته بها شد التوكة من شعرها وفردوا على ظهرها ومن ثم غرس اصابعه بشعرها وجذبها اكثر ليه وثبت رأسها حتى لا تبتعد عنه وضغط على خصرها واصبح يقبلها بشغف حلا حاوطت رقبته بيديها وغرست اصابعها بشعره وبدأت تعبث به كان قصي يرغب من ان يخبئها بداخله كان يعانقها ويقبلها بكل مشاعره واحاسيسه واشتياقه ولهفته وحلا ايضا نفس الشئ وظلوا بهذه الدوامة فترة طويلة و............................
__________________________________
يا ترى ايه اللي هيحصل؟!
