عشقتك رغم جروح قلبي ٢ ( ادمنتك )

الحلقة ٤٥

يارب البارت ينزل.......بعتذر عن التأخير بس انا النت عندي وحش جدا وتقيل وبقالي اكتر من اسبوع بحاول انزل فيه حتى مش عارفة ارد على الرسايل اللي بتجيلي لان الرسايل مبتوصلش ومعرفش البارت ده هينزل ولا لا انا اسفة على التأخير بس مش بإيدي....واتمنى الحلقة تعجبكم ورأيكوا مهم ❤😍💞
__________________________________
في المنزل كانت مها نائمة فجأة قامت بفزع استيقظ يحي وجلس بقلق ووضع يده على كتف مها
يحي: مالك يا حبيبتي
مها بعدم ارتياح وقلق: مش عارفة بس مش مرتاحة
يحي بتفهم: مها بطلي قلقك الزايد على حلا
مها: لا هي مش كويسة ومش مرتاحة وقلبي واجعني عليها
امسكت هاتفها واتصلت بحلا ولكن هاتفها مغلق كررت الاتصال كثيرا ولكنها تلقت نفس الاجابة انه مغلق
يحي: يا مها ممكن يكون فاصل شحن او لسة في المهمة
مها بقلق: طب اتصل بحد علشان نطمن عليها
يحي: حبيبتي لو كان حصلها حاجة كانوا اتصلوا بيا اهدي بقى هي كويسة
مها بدموع: يا يحي قلبي واجعني وحاسة ان حصلها حاجة
عانقها يحي: طب اهدي وشوية كدة ونتصل بيها بطلي عياط
ابتعد عنها قليلا ثم اردف بحب
يحي: قومي ننزل للجنينة تشمي شوية هوا يمكن ترتاحي قومي يلا
قامت مها واخذها يحي وخرجوا هبطوا للاسفل رأوا قصي يجلس بالصالون
يحي بإستغراب: قصي انت منمتش
قصي: لا مستني حلا
مها: انت كمان قلقان عليها وحاسس ان حصلها حاجة صح
قصي نظر لمها ويحي قليلا ثم اخفى قلقه على حلا واردف بهدوء: لا انا مستنيها لانها وحشاني مشوفتهاش بقالي يومين ان شاء الله يعني ترجع بالسلامة وميحصلهاش حاجة
يحي: طب احنا هنخرج برا نشم شوية هوا لو حلا جت ابقى قولنا
اومأ قصي بتفهم وخرج يحي ومها للجنينة قليلا
قصي بقلق: يارب يكون احساسي غلط وميكونش حصلها حاجة وتبقى كويسة
__________________________________
تسللت حلا للمبنى وفارس كان مشتبك مع رجال العصابة بالخارج اخذت حلا تبحث عن زعيمهم جاء رجل من خلف حلا وضربها بعصى حديد على رأسها واخر ضربها على يدها ليسقط من يدها السلاح واخذوها وخرجوا من المبنى وفجأة صدع طلق نار شديد فارس انفزع واخذ يبحث عن حلا لم يعثر عليها وعندما التف انصدم فكان رأسها ينزف بشدة والدماء تغطي نصف وجهها
رئيس العصابة جذب حلا من شعرها بقوة: اؤمر رجالتك بالانسحاب وإلا هقتلها
فارس شعر بالغضب الشديد وامر رجالته بالانسحاب
فارس بتحذير: لو فاكر انك كدة هتقدر تهرب تبقى غلطان
رئيس العصابة ضحك بسخرية: تؤ تؤ مين قالك اني ههرب.........انت اللي هتهربني او......لو حابب تشوفها جثة عادي
حلا كانت تشعر بالدوار الشديد ولا تحملها قدمها ولكنها كانت تقاوم
حلا: ولو هو سمحلك انك تهرب انا مش هسمحلك
التف رئيس العصابة لها ووقف امامها: ومين اللي مش هيسمحلي......انتي!.......انتي حتى مش قادرة تقفي على رجلك
حلا ضحكت بسخرية: لو عاوزين اقف انا معنديش مانع بس لو كسرتلك عضامك وخليتك زي الجثة اللي مفيهاش روح هتعمل ايه وقتها وهيبتك قدام رجلتك ها ولو حابب ممكن امسح بكرامتك الارض عادي متاح عندنا النوع ده كمان
شعر رئيس العصابة بالغضب وضربها بقدمه في بطنها واخذ يوجه لها بعض اللكمات بوجهها واخذ سكين من احد رجاله فارس تقدم لكي ينقذ حلا ولكن رجالة العصابة امسكوه وقيدوا حركته امسك رئيس العصابة ذقن حلا ليرفع وجهها له
رئيس العصابة بغضب: اللي يؤمر هنا هو انا مش انتي وانا هعلمك ازاي تتكلمي مع اشخاص راقية زيي
حلا ضحكت بسخرية: ايه ده انت من طبقة راقية تصدق افتكرتك وسخ لانك ماشي مشي وسخ واعمال وسخة فأكيد انت وسخ ومش على اخر الزمن واحد وسخ زيك هو اللي هيعلمني اتعامل مع الناس ازاي اللي زيك هما اللي يتعلموا مني مش انا اللي اتعلم منهم
رفع رئيس العصابة السكين بغضب وهبط وجرحها برقبتها جرح كبير وعميق حلا شعرت بأنها على وشك الاستسلام فلم تعد التحمل جمعت كل قوتها وعندما هم رئيس العصابة بضربها مرة اخرى بالسكين حلا رفعت نظرها لفارس ثم اومأت برأسها فارس فهمها حلا انتظرت حتى يقترب منها رجل العصابة اكثر ثم رفعت قدمها ضربته بصدره ورفعت جسدها بأكمله لتلتف وتجعل يدها امامها وامسكت ذراع الرجلين كسرتهم ونزلت بهم ضرب وفارس اخذ يضرب من يكتفوه وانضم فريقهم وتدخل وقبضوا على افراد العصابة وحلا وفارس لاحقوا رئيسهم الذي هرب ولكنه اتحاصر ما بين طريق مسدود وحلا وفارس حلا اقتربت منه لتمسكه لفت انتباهه عصى على الارض سميكة امسكها وضرب حلا على قدمها فسقطت حلا جالسة على قدميها متألمة ثم ضربها بنفس العصى على كتفها اليسار واسفل مؤخرة رأسها ركض فارس وامسكه وابرحه ضرب مبرح ثم قيدهه ورماه للفريق حلا كانت تشعر بالدوار الشديد وتمسك رأسها عاد فارس لها ومعه زجاجة مياه
فارس: حلا انتي كويسة
حلا وهي تغمض عينيها بقوة من شدة الالم والدوار: عاوزة ازازة ماية يا فارس
فارس اعطاها لها وسكبت حلا المياه بأكملها على رأسها وحاولت ان تقف حتى استطاعت الوقوف ولكن فارس يسندها
فارس بقلق: تعالي هنروح على المستشفى يلا
حلا بتعب: انا كويسة يا فارس........انت خليك مع الفريق وخلصوا الاجرائات وبعدين ارجع على البيت انا هروح المستشفى متقلقش
فارس: هتسوقي ازاي كدة
حلا: متقلقش عليا انا كويسة يلا سلام
حلا تركته وذهبت صعدت بسيارتها وذهبت للمستشفى استقبلتها سيرين بقلق وصدمة بعدما كانت ستخرج وتعود لمنزلها اخذت حلا على احدى الغرف واجلستها واخذت تضمد جروحها دلف عليهم شاهر وهو قلق بشدة على حلا
شاهر بقلق: حلا انتي كويسة حاسة بإيه
حلا: انا الحمد لله كويسة متقلقش ده جرح صغير
شاهر رفع احد حاجبيه: نعم يا روح اخوكي والدم اللي مغطي نص وشك ده كله من جرح صغير انتي فاكراني قصي ولا ايه وتقدري تضحكي عليا
حلا صمتت فهي تشعر بالتعب الشديد اخذ شاهر يضمد لها الجرح الذي برأسها ورقبتها وسيرين تساعده بذلك وايضا تضمد لها جرحها الذي بذراعها وعندما انتهوا شاهر اعطى حلا مسكن ومخدر لقلبها حلا كانت تغمض عينيها مستسلمة لهم
شاهر: هتقدري تروحي بمنظرك ده لوحدك
حلا نظرت له وهي لا تستطع التحدث فالالم الذي بجسدها بأكمله يجعلها لا تقدر على التحدث
سيرين: ممكن اوصلها انا على بيتها
شاهر: لا انتي كدة هتتأخري اكتر ما انتي متأخرة واخوكي هيزعقلك
سيرين: مش انت مروح وتقريبا انتوا عايشين في نفس البيت يعني طريقكوا واحد وصلها انت وبعدين انت كدة كدة عربيتك مش معاك
شاهر نظر لها و.....................
__________________________________
عاد فارس للمنزل رأى يحي ومها وقصي يجلسون بالصالون وواضح على وجوههم القلق ركضت مها على فارس
مها: فارس عملتوا ايه و.....حلا......فين حلا يا فارس
فارس بإستغراب: هي لسة مرجعتش
يحي بقلق وإستغراب: مش انتوا كنتوا مع بعض في المهمة
فارس بتوتر: اه.....بس......يعني.....اصل هو اللي يحصل انه........
مها بدموع وقلق: حلا حصلها حاجة؟!
فارس: ها لا.....اه.....لا.....مش بالظبط....يعني.....هو
قصي بنرفزة: ما تنطق يا زفت تعبت اعصابنا ووجعت قلبنا انطق
فارس بلع ريقه بصعوبة وبترقب: يعني هي اخذت كذا ضربة على دماغها ورجليها وكتفها وشوية ضرب في وشها وبطنها بس هي كويسة هي راحت المستشفى علشان تضمد الجروح وزمانها جاية
قصي حاول ان يتصل بها: ولما هي زمانها جاية تليفونها مغلق ليه لحد دلوقتي
فارس: ممكن يكون فاصل شحن
يحي: طب انت مروحتش معاها ليه
فارس: هي رفضت وقالتلي اخلص باقي الشغل وارجع على البيت
مها: طب هنتواصل مع مين دلوقتي
يحي: هي سيباك بقالها قد ايه
فارس: حوالي ساعة او اكتر
مها بقلق شديد: لا انا قلقانة عليها اتصرفوا هتولي بنتي بأي طريقة
فارس بتفكير: هو شاهر لسة في المستشفى
قصي: اه ليه
فارس: هكلمه وهو هيطمنا عليها
اتصل فارس بشاهر
قصي: افتح الإسبيكر
فتحه فارس...................
__________________________________
شاهر نظر لسيرين وكان سيجيب ولكن قاطعه رنين هاتفه فأخرجه فأجاب
شاهر: السلام عليكم ايه يا فارس
فارس: حلا معاك يا شاهر
شاهر: اه لحظة يا فارس خليك معايا....انتي رايحة فين يا زفتة الطين
قالها لحلا عندما رأها تقف ولكنها كانت ستقع فأسندها واجلسها
شاهر: يا حلا انتي تعبانة استني بس...سيرين روحي جيبيلي حاجتي من مكتبي بسرعة
اومأت سيرين بتفهم
حلا بتعب: انا كويسة بس لازم ارجع على البيت زمان ماما قلقانة وقلقة البيت كله معاها
شاهر: بذمتك يا شيخة انا راضي ذمتك ده منظر واحدة ينفع ترجع لوحدها على البيت لا وكمان هي اللي هتسوق
حلا نظرت له ثم اغمضت عينيها بقوة وامسكت رأسها
شاهر: حلا انتي حتى مش قادرة تفتحي عينك ودايخة.........انتي اكلتي حاجة
هزت حلا رأسها بالنفي
شاهر بغيظ وغضب: انتي...........
حلا بتعب: ابوس ايدك بلاش اسطوانة التهزيئ وزعيق وغضب علشان اقسم بالله انا مستحملة صوتك الهادي بالعافية دماغي هتنفجر وبقالي اسبوع منمتش فمش هتفرق يعني يا شاهر هي لا اول مرة مأكولش ولا اخر مرة علشان خاطر ربنا بقى اسكت
شاهر: انا مش عارف اعمل معاكي ايه انا معنديش مريض متعب زيك كدة يا حلا انا مش قولتلك يا بنتي تاكلي
حلا: هو انا جعانة بس جعانة نوم وراحة جسمي كله واجعني خليني ارجع على البيت علشان لو فضلت ثانية كمان هنملكوا هنا وهدخل في غيبوبة
قامت حلا وقفت ولكنها ترنحت وجلست ولم تستطع الوقوف
شاهر ابتسم وبمرح: تحبي اتصلك بقصي يجي يشيلك لانك اكيد مش هتقبلي اني اشيلك ها قولي متتكسفيش
حلا: لا قصي ولا غيره بقولك ايه ابعد عني انت وهو السعادي والليلادي لاني مش مستحملة النفس اللي بتنفسه علشان اسمع كلام زي السم سواء منك او منه
شاهر: حرام عليكي بتظلميني قصي ممكن نقول احيانا كلامه بيكون زي السم
حلا نظرت له
شاهر: طب المعظم.....خلاص يا ستي بتبصيلي كدة ليه حاسك هتاكليني ماهو مش معقولة يعني دايما كلامه زي السم احيانا بيحب فيكي ويعاكسك
حلا: بس بيقولولك الوحش بيغطي على الحلو حتى لو كان كتير يعني فيه حديث بيقول الحسنة تخص والسيئة تعُم يعني لو اتوجعت من شخص ساعتها مش هتفتكر غير الوجع والذكريات الحلو مش هتفيد بس ممكن تزود الوجع مش اكتر
شاهر: هو احيانا بيبقى غبي وقاسي بس مفيش احن منه ولا من قلبه الابيض
حلا نظرت له
شاهر: ايه قولت حاجة غلط
حلا: انت متأكد ان قلبه ابيض اشك في ديه.....هو لما بيتغابى بيتغابى وساعتها مبيبقاش فيه بياض بس فيه سواد لو حابب
شاهر: خلاص زمان الواد هيموت عمالين نتكلم عنه انا هروح معاكي ها ومفيش اعتراض
حلا: لا ما ده اللي هيحصل لاني مش قادرة اسوق فأنت اللي هتسوق
واعطته المفاتيح
شاهر: طب هتخرجي ازاي بمنظرك ده انتي مش قادرة تفتحي عينك
حلا: سيبها على الله لما تيجي سيرين تبقى تسندني وتوصلني للعربية......انت مش كان معاك تليفون
شاهر بتذكر: اه صح الواد فارس خلل......الو يا فارس معلش نسيت المكالمة وانا بتكلم مع العنيدة
حلا ابتسمت بخفة: بس مش في عندك ومتنكرش انت اعند مني لما بتقفل بتقفل
فارس ابتسم: لا عادي هي حلا اخبارها ايه
شاهر بمرح: هي تمام بس تحسها ضاربة هيروين او شاربة بيرا انتي ضاربة ايه يا بت
حلا ضحكت بخفة: ضاربة هيروين درجة اولى تحب تجرب بس اوعى لحسن تتهور
فارس وشاهر ضحكوا وكذلك يحي ومها وقصي ابتسموا على مرحها بالرغم من تعبها
حلا: شاهر بقولك ايه انجز في ليلتك لان والله اناملكوا هنا
دلفت سيرين واعطت شاهر اشيائه واسندت حلا
شاهر: انت في البيت يا فارس
فارس: اه
شاهر: حلا لو حاسة انك تعبانة ومش قادرة اخلي فارس يقول لقصي يجي ياخدك
حلا بتعب: لالالا بلاش تقلقه انا كويسة وقادرة امشي اهو يلا بقى
شاهر طمن فارس واغلق معه وصعد هو وحلا بالسيارة وعادوا للمنزل في خلال دقائق وصلوا للبيت هبطت حلا من السيارة ودلفت للمنزل وشاهر ذهب ليركن السيارة دلفت حلا للمنزل وهي تستند على حوائط المنزل دلفت للصالون رأت والدها ووالدتها يجلسون ينتظروها وكذلك فارس اما قصي كان بالمطبخ يجلب مياه لمها جلست حلا بجانب يحي
يحي بقلق: حبيبتي انتي كويسة
حلا بتعب: اه يا بابا انا كويسة بس تعبانة بسبب قلة النوم والراحة وعاوزة انام
اراحت رأسها على قدم والدها قليلا واغمضت عينيها واستسلمت فورا للنوم يحي اخذ يملس على شعرها
مها: طب قومي يا حلا نامي في اوضتك يا حبيبتي.......حلا
مها رفعت نظرها ليحي: ديه نامت
دلف قصي ومعه كأس من المياه: اتفضلي يا ماما الماية
رأى حلا فرق قلبه لحالها فوجهها كان شاحب ويملئه الكدمات اخذت مها منه الكوب وارتشفت القليل من المياه اقترب قصي من حلا وربط على وجنتيها بخفة وحنان
قصي: حلا......حبيبتي
دلف عليهم شاهر: السلام عليكم
الجميع: وعليكم السلام
شاهر لقصي: مش هتصحى يا قصي لانها تعبانة وكمان اديتها مسكن فيه نسبة مخدر والتعب اساسا لوحده يخليها تدخل في غيبوبة مش تنام ومتصحاش
التف قصي والقى نظرة على حلا ثم نظر ليحي
يحي اومأ له بتفهم: خدها واطلع ارتاح يلا
اعاد قصي نظره لحلا وحملها بين يديه وصعد بها للغرفة وضعها على الفراش وخلع عنها حذائها والبليزر ودلف جلب ملابس بيت مريحة وابدل لها ملابسها ودثرها جيدا واراح جسده بجانبها وظل ينظر لها حتى غفى
__________________________________
اشرقت شمس يوم جديد مليئ بالاحداث استيقظ ادم نظر بهاتفه رأى ان الساعة تشير للسابعة صباحا ترك هاتفه والتف لجميلة مد يده وظل يعبث بشعرها ويملس بيده الاخرى على وجنتها تململت جميلة بإنزعاج وتقلبت حاوطت خصره ورفعت رأسها وضعتها على صدره ادم ابتسم وعانقها بحب واحتواء ودفئ ثم نظر لها وطبع قبلة على رأسها ظل ينظر لها قليلا بحب ثم اردف
ادم بحب: جميلتي....حياتي....قومي يلا
تململت جميلة وعقدت حاجبيها بإنزعاج: شوية كدة وهقوم بس شوية كمان
ادم ابتسم بخبث: ما لو انا فضلت قدامك كدة هتهور وهعمل حاجات قليلة الادب يلا قومي
جميلة: لا عاوزة انام
ادم: يعني مش هتقومي
هزت جميلة رأسها بالنفي وهي نائمة فأدم ابتسم بخبث ثم سحب نفسه من اسفل رأسها لتسقط رأسها على المخدة ثم اقترب منها والتهم شفتيها في قبلة عميقة فتحت جميلة عينيها على مصرعهما بصدمة اخذت يد ادم تزداد جرائة فأخذت تسير على ظهر جميلة بلهفة ورغبة ضغطت جميلة بقوة على صدره ليبتعد قليلا وابتعد
جميلة بتوتر: انت بتعمل ايه على الصبح ابعد
ادم نظر لها ورفع احد حاجبيه وبإستنكار: انا برضه اللي بعمل ايه انتي اللي اغرتيني
جميلة بصدمة: نعم! ده امتى ده ان شاء الله انا كنت نايمة هو انا جيت جنبك
ادم: اومال مين اللي جت نامت في حضني من شوية امي وبعدين انتي السبب عمال اصحي فيكي وانتي مش راضية تقومي
جميلة بخجل وتوتر: امتى جيت في حضنك محستش بنفسي
ادم ابتسم بخبث: اه شكلي وحشتك علشان كدة
جميلة بتوتر: ها لا ابدا مين قالك
ادم بزعل وضيق ولكن بتمثيل: يعني انا موحشتكيش
جميلة بسرعة: لا وحشتني مش القصد
ادم بخبث: بس كلامك من شوية مكنش كدة
جميلة بتوتر وتهرب: انت مش كنت عاوزني اصحى اديني صحيت اوعى بقى خليني اقوم
ادم: كان على عيني بس خلاص معدش فيه
جميلة بإستغراب وعدم فهم: هو ايه اللي معدش فيه
ادم: ايه ده هو انا مقولتلكيش اني لما بقدم العرض مرة ويترفض مبقدمهوش تاني وبشوف غيره وبصراحة العرض التاني عجبني
جميلة بعدم فهم: عرض ايه وعجبك ايه انا مش فاهمة منك اي حاجة
ادم: مش انا عرضت عليكي تصحي وانتي مرضتيش
جميلة: اه ما انا تعبانة وعاوزة انام يا ادم الله مستكتر عليا اني انام شوية ايه الافترى ده
ادم ابتسم: خلاص ما انا هخليكي تنامي
جميلة: بعد ايه ما انت صحتني
ادم: ولو خليتك تنامي تاني
جميلة: وهتعملها ازاي ديه بقى
ادم وهو يقترب منها: كدة
ثم امسك شفتيها في قبلة طويلة عميقة ثم ابتعد عنها قليلا وخلع تيشيرته والقاه بعيدا بإهمال
جميلة بصدمة: ادم حبيبي اعقل احنا الصبح وممكن حد يدخل علينا ادم ا.....
قاطعها عندما سحبها لحضنه وامسك شفتيها في قبلة ثم هبط على عنقها
جميلة بتوتر وخجل: ادم
ابتعد قليلا عنها ونظر لها
ادم بهدوء وحب: الباب انا قافله بالترباس ومحدش هيدخل اتخرسي واقفلي بوقك بقى بدل ما اغتصبك انا لحد دلوقتي ماشي معاكي بالذوق
جميلة ضربته على ذراعه بغيظ وخجل: ايه اغتصبك ديه
ادم: ماهو انتي محلوة انهاردة وانا بقالي كام يوم مش عارف اقعد معاكي كويس وبقالك فترة مبتجيش الشركة وانتي وحشاني اوي فلو سمعت منك حرف زيادة هخرسك للابد
وهبط على عنقها مرة اخرى ابعدته جميلة عنها مرة اخرى
جميلة: طب والشغل كدة هتتأخر
ادم: وانتي مالك كان اشتكالك هروح متأخر انهاردة
ثم هبط على عنقها مرة اخرى ابعدته عنها مرة اخرى
ادم بنرفزة: جميلة لو متهددتيش ههدك انا
جميلة ضحكت بخفة: طب ما انت عندك اجتماعات مهمة انهاردة مينفعش تتأخر وبع.........
ابتلع جملتها في قبلة قليلا ثم ابتعد
ادم بنبرة مخدرة: لسة بدري اول اجتماع عندي الساعة ١٢ الظهر وملكيش فيه انا عاوز اتأخر......وبعدين انا معنديش اهم من مراتي ومينفعش اسيب الحلاوة ديه كلها من غير ما ادوقها
ثم اخذ الغطاء ووضعه عليهم واخذها بحضنه ولعالمه الخاص به
__________________________________
بغرفة حلا وقصي استيقظ قصي على اشعة الشمس ففتح عينيه ونظر لحلا رأى انها منزعجة من النور فأمسك الريموت وضغط على بعض الازرار لتنغلق الستائر ثم وضعه والتف لحلا حمل رأسها واخذها بحضنه وغطى في نوم عميق
__________________________________
استيقظ الجميع متأخرا على الساعة العاشرة والنصف صباحا كان الجميع يجلس بالصالون
سلمى: هي حلا لسة مرجعتش
مها: لا رجعت امبارح وكانت تعبانة ومش شايفة قدامها اول ما حطت دماغها على رجل يحي نامت حتى قصي حاول يصحيها مصحيتش
فاطمة: يا حبيبتي ديه تلاقيها هلكت شغل
روما: طب انا هروح اشوفها علشان وحشتني
يحي: لا اقعدي سيبي اختك ترتاح بقالها اسبوع مرتاحتش وبعدين جوزها معاها اتبطي واقعدي
مايا: اه صح فين سمير من امبارح مشوفتوش
فهد: سافر علشان فيه شغل صفقة يعني وممكن يرجع بعد اسبوع او اكتر
إيلين بإستغراب: هي الصفقة هتاخد اسبوع
فهد: مش بالظبط يعني هو حاسس انه تعبان ومخنوق فحابب يغير شوية جو وحتى قالنا ممكن يرجع قبل الحفلة مش بعد اسبوع كمان.....طب استأذن انا بقى علشان عندي شغل يلا يا مايا.....إيلين هتيجي معانا ولا
إيلين: اه بس هاجي وراكوا بعربيتي يلا
محمد: طب قبل ما تمشي اطلعي صحي اخوكي علشان عندنا شغل
عفاف: لا خلي إيلين تروح شغلها علشان متتأخرش ورقية تطلع تصحيه
إيلين: ايوة علشان هو مبيصحاش معايا وبيعند ومهما عملت مبيقومش مفيش غير حلا تدلق عليه ماية من الفريزر فيصحى يمكن يقوم مع رقية مع اني اشك في ديه ربنا معاكي يا بنتي يلا سلام
خرجت إيلين خلف فهد ومايا وانطلقوا على الشركة قليلا وذهب اريان وادم ومعهم آسيا وجميلة للشركة......استيقظ قصي على الثانية عشر ظهرا فقام مسرعا دلف للحمام واخذ شاور سريع وابدل ملابسه واخذ مفاتيح سيارته وهاتفه ونظارته وجاء ليخرج نظر لحلا اقترب منها وكان سيفيقها ولكن عندما رأى الارهاق والتعب على وجهها تراجع عن قراره طبع قبلة على رأسها وخرج وهبط اخبر الجميع انه سيذهب للعمل حتى لا يقلقكوا ثم خرج صعد بسيارته وانطلق للعمل.....صعدت رقية لغرفة فارس وقفت امام الباب بخجل وتوتر ثم طرقته عدة مرات ولكن لم تطلق اجابة فدلفت بهدوء وهي تتفحص الغرفة رأته نائم على بطنه ولا يرتدي شئ بالجزء العلوي فتلون وجهها باللون الاحمر من شدة الخجل
رقية: فارس.....فارس قوم يلا
لم تطلق منه رد فعل ثم نظرت للبلكون والستائر اتجهت وفتحتهم لتدخل اشعة الشمس لتزعجه
فارس بإنزعاج: ماما سيبيني انام انا جي وش الفجر وتعباااان
ثم غطى وجهه بالغطاء
رقية رق قلبه لاجله ولم تعرف اتيقظه ام تتركه نائم فدلفت عليها عفاف
عفاف: لسة مصحيش قوم يا فارس يلا
رقية بخوف عليه: ماما طب سيبوه ينام شوية لانه تعبان وراجع وش الفجر
عفاف نظرت لها وابتسمت على حبها لإبنها: نايم وش الفجر طب احنا بقينا الظهر كفاية عليه كدة وبعدين عنده شغل وممكن تحصله مشاكل ده كمان محمد عاوزه معرفش عاوزه في ايه
محمد من الخارج: عفااااااف
عفاف: جاية
ثم التفت نظرت لرقية
عفاف: صحيه ومتقلقيش عليه يلا
رقية امسكت يدها بخجل وتوتر: طب ما تصحيه انتي وانا هروح اشوف بابا عاوز ايه
عفاف ضحكت بخفة: مفيش داعي للتوتر والكسوف ده وبعدين ده جوزك مش حد غريب يلا يمكن لما يشوف انك انتي اللي بتصحيه يقوم من صدمته يلا
خرحت عفاف وتركتها تقدمت رقية منه بتوتر وخجل
رقية: فارس قوم يلا....فااارس قوم
امسكت الغطاء وازاحته عنه
رقية: فارس قوم وإلا.......
امسك الغطاء ليغطي وجهه مرة اخرى ولكن رقية امسكته واخذت تنتزعه من يده
رقية: فاارس قوم يلا كفاية نوم علشان بابا عاوزك تحت
فارس وهو مغمض عينيه: عاوز انام يا بشرررر
رقية ابتسمت: معلش قوم يلا
فارس: لا مش هقوم
وجذب الغطاء بقوة فإرتطمت قدم رقية بالفراش واختل توازنها فسقطت فوقه وهي متألمة من قدمها ومغلقة عينيها بقوة من شدة الالم فارس فتح عينيه متألم وكان لسة هيتنرفز ظنا انها إيلين انصدم انها رقية
فارس بصدمة وحب: ده احلى صباح ده ولا ايه
رقية فتحت عينيها وتلونت وجنتيها باللون الاحمر من شدة الخجل والتوتر جائت لتقوم جذبها فارس لحضنه ثم وبسرعة قام لتسقط رقية على الفراش ويصبح هو فوقها
فارس: على فين
رقية بخجل وتوتر: ه.....هخرج اوعى
فارس: وهو انتي فاكرة دخول الحمام زي خروجه
رقية: لو مبعدتش عني هصوت والم عليك البيت
فارس رفع حاحبيه بإستنكار: حد قالك تجيلي اوضتي وبعدين انتي اللي جاية لحد عندي وبرجليكي وبتغريني يعني انا صحيت لاقيتك في حضني عاوزاني اعمل ايه
رقية بتوتر وخجل: ما انت السبب بشد منك الغطى قومت انت شده بقوة فرجلي اتخبطت في السرير فوقعت اوعى بقى
فارس ابتسم: لو موعتش هتعملي ايه ها
واخذ يقترب منها ورقية تشعر بالخجل الشديد والتوتر وقبل ان تتحدث امسك شفتيها في قبلة عميقة وطويلة ضغطت رقية على صدره ليبتعد فإبتعد عنها قليلا والصق جبينه بجبينها
فارس بهمس: بحبك
رقية ابتسمت بخجل: وانا كمان
ابتعد عنها فارس وجلس امامها اعتدلت رقية وجلست وهي تنظر بالارض خجلا
فارس بحب: على فكرة انتي كدة بتغريني وراعي اننا في الاوضة ولوحدنا والشيطان تالتنا ها
قامت رقية مسرعة وهي تقوم التوت قدمها فإختل توازنها فسقطت على قدم فارس وبحضنه فهو حاوط خصرها وقربها له
فارس: سبحان الله كل الطرق بتجيبك ليا شوفتي بقى
خطف قبلة من شفتيها بسرعة
فارس: صباح الجمال على احلى عيون في حياتي
رقية بخجل: صباح النور
فارس: بس ناشف كدة سادة
رقية بخجل: اومال انت عاوز ايه
فارس: مفيش حبيبي حياتي وحشتني اي حاجة كدة
رقية: لا مفيش اوعى بقى
فارس: لا مش هوعى غير لما اسمعها منك
رقية: ما انا قولتهالك من شوية
فارس: لا انتي قولتيلي وانا كمان وبعدين يعني موحشتكيش الايام اللي فاتت ها
رقية نظرت له بخجل: لا وحشتني وجدا كمان
نظر لها فارس بحب فوضعت رقية يدها امام وجهها بخجل فطبع قبلة رقيقة على يديها
فارس: هتفضلي حاطة ايدك على وشك كتير
ابعدت يدها بتوتر عن وجهها ثم جائت لتقوم ولكنه لم يعطيها فرصة فجذبها لحضنه ووضع يده اسفل مؤخرة رأسها ليثبتها والتهم شفتيها في قبلة عميقة كانت تقف عفاف ورأتهم
عفاف: احم احم مش كفاية كدة عليك ولا ايه
ابتعد فارس عن رقية بتوتر: ماما انتي هنا من امتى
ابتسمت عفاف: من ساعة ما كانت قاعدة على رجلك قوم يلا علشان ابوك عاوزك تحت
فارس ابتسم: ماشي خلي روكا تطلعي لبس على ذوقها ها
وطبع قبلة على وجنت رقية ثم قبل رأس والدته وخدها
فارس بحب: صباح الورد والفل والياسمين يا ست الكل
عفاف: حبيبي صباح النور يلا ادخل خد شاور علشان لو اتأخرت اكتر من كدة ابوك هيولع فيك
فارس اومأ ودلف للحمام ورقية تجلس ولا تنظر لعفاف من شدة الخجل ابتسمت عفاف على خجلها واقترب منها ملست على شعرها
عفاف: اختاري لجوزك لبسه وابقي انزلي ها
ثم طبعت قبلة على رأسها بحب وخرجت رقية كانت في قمة خجلها دلفت لغرفة ملابس فارس ونظمتها ثم اخرجت له ملابسه ثم هبطت للاسفل قبل ان يخرج من حمامه في لحظة خروج رقية خرج فارس من الحمام وهو يضع منشفة على خصره ومنشفة اخرى يجفف شعره دلف لغرفة الملابس ورأى الملابس التي اختارتها له رقية فإبتسم وارتداها بسرعة ثم صفف شعره ووضع من برفيومه وهبط للاسفل بعد ان اخذ سلاحه وهاتفه ومفاتيح سيارته ونظارته وذهب لوالده بمكتبه
فارس: صباح الخير يا بابا
محمد: صباح النور عملت ايه انت وحلا امبارح في مهمتكوا
فارس: كله تمام والمهمة نجحت
محمد: طب كويس خد الملفات ديه وروح على المركز عندك شغل لسة مخلصتوش عاوزك تخلص شغلك كله قبل الحفلة علشان لو مخلصتوش مش هتاخد اجازة
فارس: حرام عليكوا انا المفروض عريس المفروض اخد اجازة الله
محمد: يلا ياض من هنا ياض روح شوف شغلك
فارس: ماشي يا حاج بس انا مش مسامح بس كدة
خرج فارس وقابل رقية كانت تتحدث بالهاتف عندما انهت المكالمة وجائت لتلتف اصطدمت بفارس فإرتدت للخلف واختل توازنها وكانت ستسقط فأمسكها من خصرها وهي تشبثت بقميصه ساعدها لتقف بإعتدال
فارس: انتي كويسة
رقية ببعض الخجل: اه الحمد لله
فارس ابتسم: طب رجلك اللي اتخبطت في السرير بسببي وجعاكي
رقية: لا خفت انا كويسة انت رايح على المركز
فارس: اه عندي شغل بس لو مش عايزاني اروح افضل ها
واخذ يقترب منها دفعته رقية بقوة
رقية: لا عاوزاك تروح يلا
فارس: كدة يعني مش هوحشك
رقية: لا هتوحشني بس حتى لو فضلت انا ورايا شغل مع البنات يلا روح شوف شغلك
ودفعته من ظهره تجاه الباب التف لها
فارس: طب حضن طيب قبل ما امشي
رقية نظرت له قليلا بشك
فارس: حضن بس مش حاجة تانية
التفت لترى اذا هناك احد يراهم تقدمت منه وعانقته
رقية بحب: ترجعلي بالسلامة
فارس عانقها: هتوحشيني
طبع قبلة خفيفة على خدها ثم ذهب دلفت رقية للبنات وجلست معهم ذهبت انجلي ومعها روما للسوبر ماركت لتتسوق للمنزل فوالدتها طلبت منها بعض الطلبات......وفي جهة اخرى يدلف إياد للسوبر ماركت وهو يتحدث بالهاتف
اياد: طب يا فريدة ابعتيلي على الواتس كل الطلبات يلا
اغلق معها وفتح الواتس ليرى طلباتها واخذ يتسوق لاخته ويجلب لها الطلبات وهو ينظر لشئ اصطدم بفتاة فوقعت منها شنطتها التف لها
انجلي بغضب: ما تفتح يا استاذ
إياد وهو ينخفض يلم اشيائها: انا اسف مأخدتش بالي
ثم وقف يعطيها شنطتها وهنا نظر لها
إياد سرح بملامحها: اول مرة اشوف قمر بالنهار
انجلي نظرت له بغيظ: والله ومشوفتش النجوم بالمرة في عز الظهر ولا تحب اوريهملك
اخذت منه الشنطة بقوة وغضب
انجلي ثم اردفت: قليل الادب والذوق
ثم ذهبت وهي تشعر بالغضب إياد وقف قليلا ينظر لانجلي وهي تبتعد عنه ثم استيقظ من شروده
إياد: ايه ده مالي في ايه ايه اللي جرالي
ثم تخطى الموضوع واكمل تسوق ذهبت انجلي لروما فسمعت انجلي وهي تبرطم بالكلام ولا تفهم ما بها
انجلي: شخص بارد ورخم وإتم ودمه واقف ومستفز وقليل الادب ايه يا ربي الاشكال ديه
روما بعدم فهم وصدمة: مالك يا بنتي روحتي تجيبي شوية حاجات راجعة بتضربي اخماس في اسداس ليه....ايه الصنارة غمزت ولا ايه. وغمزت لها
انجلي بغضب: بقولك ايه اسكتي انتي كمان مش ناقصاكي بدل ما انفجر فيكي خلينا نخلص ونروح
روما ابتسمت: يلا
ذهبوا ليكملوا التسوق وعندما انتهوا حاسبوا ثم خرجوا لسيارتهم وضعوا الاكياس ثم انطلقوا للمنزل وفي خلال دقائق وصلوا إياد قليلا وانهى وحاسب وعاد للمنزل وساعد اخته بوضع الاغراض ثم جلسوا يتغدون ويجلسون مع بعضهم قليلا........في بيت العيلة تجلسن الفتيات مع بعضهم ومعهم مها وسلمى وعفاف وسامية وفاطمة وسحر قليلا وعاد يحي ومحمد واحمد من العمل وبعضهم بقليل باقي الشباب ماعدا فارس وجاسر وسامر
قصي: هي حلا مصحيتش
سلمى: لا
قصي: لا لازم تصحى علشان تاكل وتاخد دواها كل ده نايمة
انجلي: هي مصحيتش خالص واحنا محبناش نقلقها وقولنا نسيبها تنام علشان هي تعبانة
قصي صعد للغرفة واقترب من حلا تحسس جبينها بقلق ولكن شعر بها دافئة
قصي: حلا......حبيبتي....قومي يلا علشان تاكلي وتاخدي علاجك.....حلا قومي يلا
تململت حلا بإنزعاج وتعب: قصي سيبني انام لما اصحى هبقى اكُل
قصي: حبيبتي العشا قربت تأذن قومي يلا علشان تصلي كمان
حلا فتحت عينيها بتعب وكانت عينيها حمراء من شدة التعب جلست بإعتدال وهي تشعر بألم في جسدها بأكمله
قصي: قومي صلي على ما اخلي ساجدة تجهزلك اكل
حلا بتعب: لا مش هاكل انا هصلي وانام
جلست حلا على طرف السرير وقامت لتقف ولكنها جلست مرة اخرى قصي قام وقف امامها
قصي بقلق: مالك يا حلا انتي كويسة
حلا بتعب: لا رجليا الاتنين واجعني وجسمي كله واجعني ومش قادرة اقف
قصي انخفض وحملها بين يديه ودلف بها للحمام اوقفها واسندها وحاوط خصرها وفتح لها المياه لتتوضأ توضأت حلا وحملها قصي وخرج اجلسها على الفراش ثم دلف لغرفة الملابس جلب لها الإسدال وخرج اعطاها إياه فإرتدته
قصي: انا هنزل اقول لساجدة تحضرلك اكل ومفيش اعتراض على ما تخلصي يكون الاكل جهز مش هطول ها
اومأت حلا بالموافقة خرج قصي حاولت حلا ان تقف ولكنها لم تستطع فصلت وهي جالسة قليلا ودلف قصي للغرفة وجلس ينظر لها وهي تصلي وانتظرها حتى انتهت وبمجرد ان انتهت من الصلاة دلفت ساجدة ومعها صينية الاكل اخذها منها قصي وخرجت ساجدة وجلس قصي على الفراش حلا خلعت الإسدال وعادت بظهرها وجلست بجانبه جلس قصي امامها واخذ يساعدها بالاكل فكان يطعمها بيديه حلا اكلت قليلا ثم
حلا: كفاية كدة مش قادرة اكُل تاني
قصي: طب كُلي ديه بس يلا......علشان خاطري
حلا: ديه بس
اكلتها حلا ثم ارتشفت القليل من المياه ثم قصي اعطاها دوائها فأخذته ونامت دثرها قصي جيدا ثم دلف اخذ شاور سريع وابدل ملابسه وهبط للاسفل جلس قليلا مع العائلة ثم صعد لغرفته توضأ وصلى العشاء ثم جلس بجانب حلا ظل ينظر لها ويملس على شعرها بحب وحنان ظل هكذا الكثير من الوقت ثم ايقظها لتصلي العشاء وساعدها بالوضوء وبإرتداء الاسدال وادت فريضتها ثم عادت لتنام مرة اخرى خلع قصي تيشيرته ونام بجانب حلا
__________________________________
في اليوم التالي استيقظ قصي رأى حلا تنام بحضنه ابتسم وعانقها بحب وطبع قبلة على رأسها ونظر بساعته رأها تشير للسابعة صباحا حاول ان يقوم دون ان ييقظها ونجح في ذلك قام دلف للحمام اخذ شاور وتوضأ وخرج ارتدى ملابسه وادى فريضته وجلس يقرأ قليلا بكتاب الله وعندما انتهى قام وجلس بجانب حلا ظل ينظر لها قليلا بحب ثم ومن دون شعور منه انخفض وطبع قبلة على شفتيها ولكنه لم يستطع ان يبتعد فظل يقبلها حتى استيقظت وابعدته عنها وهي تنظر له بإستغراب
قصي ابتسم بحب: صباح الجمال
حلا بإستغراب: صباح النور مالك في ايه
قصي: مالي يعني ما انا كويس اهو ولا علشان بوستك عادي مراتي ووحشاني بلاش
حلا تحسست جبينه: حرارتك مش عالية وانت كويس اومال في ايه
قصي بإستغراب: مالك انتي بقى في ايه
جلست حلا بإعتدال وبإستغراب: مالي ما انا كويسة اهو وبعدين اللي يشوفك انهاردة ميشوفكش من يومين ولا ٣ تيام
قصي: امم طب قوليلي بقى ليه روحتي للي اتهجموا علينا واخدوا منك المحبس
حلا: اصل لاقيتك زعلان اوي على المحبس فروحت علشان ارجعهولك
قصي ابتسم: ولما انتي روحتي علشان ترجعيه ضربتي ليه الشخص اللي ضربني وطحنتيه لا وكمان عملتي فيه زي ما عمل فيا واكتر ها معنى كدة انك روحتي علشاني مش علشان المحبس
عقدت حلا ذراعيها امام صدرها واردفت بغيظ وهدوء: ولما انت عارف اللي حصل بتسأل ليه ثم مين انت علشان اروح اضربه علشانك على حسب ما انت قولتلي انت متفرقش معايا ولا يفرق معايا ولا يهمني ارتبارطنا وانت مين في حياتي علشان اعمل علشانك كدة مش معنى اني ضربته فده علشانك وبعدين مش على اساس انا مبحبكش وانت متهمنيش ولا تفرق معايا فهعمل كدة علشان واحد ميفرقش معايا ليه
قصي مط شفتيه: امممم شكلك مدايقة
حلا ابتسمت بسخرية: وادايق ليه انت بالنسبالك الخاتم اهم من حياتك وبناءا على اني خلعته انت حددت اذا كنت بحبك وتفرق معايا ولا لا كإني خلعته بمزاجي وكنت عاوزة كدة واما صدقت تفتكر يعني ديه حاجة تستاهل اني ازعل عليها
قصي: يا حلا حطي نفسك مكاني بذمتك تدايق ولا لا يعني لو انا خرجت من البيت مش لابس دبلة الجواز هتدايقي ولا لا
حلا بعصبية: قصي ديه غير ديه انا خلعته لان حياتك كانت معرضة للخطر غير كدة انا عندي اموت ومخلعهوش لاني عارفة ان التصرف ده هيجرحك وهيدايقك ده بالاضافة انه مهم لانه رمز الجواز بس مش عندي اهم من حياتك حياتك وانت اهم من مال وكنوز الدنيا تفرق لما اخلعه علشان حياتك معرضة للخطر وعلشان انقذك ولما اخلعه بمزاجي وانا خارجة من البيت وانا طول عمري حاطة نفسي مكانك وحاسة بيك وفهماك بس انت ولا مرة حطيت نفسك مكاني او حسيت بيا وفهمتني وبما اني مبحبكش ولا انت تهمني او تفرق معايا فأنا مش هلبس محبس الجواز تاني يا قصي لما تلافي اللي تحبك وتستاهلك وتضحي بحياتك علشان محبس الجواز ابقى لبسهولها انا مش هلبسه علشان لما يتكرر موقف زي ده متدايقش اذا خلعته فلا انت تدايق ولا انا ادايق خليه معاك بقى علشان هو اهم من اي حاجة ومن حياتك
وجائت لتقوم حاوط قصي خصرها
قصي: انتي مش لسة قايلة انك عارفة انك لو خلعتيه التصرف ده هيجرحني ويدايقني ايه اللي اختلف دلوقتي
حلا: لا اختلف ما انا مبحبكش وانت متفرقش معايا هتفرق معايا تتجرح ولا تدايق ولا حتى تولع
قصي بصدمة: اولع مرة واحدة واهون عليكي برضه
حلا: ابعد عني من على وش الصبح وخليني اقوم اوعى
تركها قصي فشعر بمدى انزعاجها منه وشعر بجرحه لها قامت حلا ودلفت للحمام اخذت شاور سريع وتوضأت خرجت ابدلت ملابسها وادت فريضتها قرأت قليلا بالمصحف ثم قامت وهنا اعلن هاتفها عن رنينه فأجابت
حلا: السلام عليكم اخبارك ايه يا امان
امان: وعليكم السلام انا الحمد لله كويس بقولك يا حلا ممكن تنزلي المركز شوية فيه موضوع مهم
حلا: طيب نص ساعة كدة او اقل وهكون عندك في المركز ماشي
امان: تمام شكرا
حلا: العفو على ايه يلا سلام
اغلقت حلا معه
قصي: انتي عندك شغل في المركز
حلا: اه يظهر كدة ليه فيه حاجة
قصي: هتطولي
حلا: مش عارفة بس الظاهر لا ليه
قصي: انهاردة انا اجازة فقولت اقعد معاكي
حلا بإستفزاز: وحد قالك اني هكون فضيالك او حتى لو فاضية هكون عاوزة اقعد معاك
ودلفت لغرفة الملابس دون ان تعطيه فرصة للتحدث وابدلت ملابسها وصففت شعرها وخرجت اخذت سلاحها ومفاتيحها واخذت مخدرها ونظارتها الشمسية وعندما جائت لتخرج امسكها قصي من معصم يدها اليسار والبسها محبس الزواج
قصي: لو خلعتيه هتشوفي تصرف تاني
وخرج من الغرفة وتركها حلا نظرت له بغيظ وغضب وعندا خلعته ووضعته على الكوميدو بالرغم من شعورها بالوجع بقلبها لانها تعلم جيدا ان هذا سيجرحه ويزعجه ولكنها ايضا منزعجة ومجروحة منه وكثيرا فإذا كان المحبس عنده اهم من اي شئ فيجب ان يعلم ان المحبس لا يفرق معها بقدر ما قصي وحياته يفرقون معها هكذا اخبرت نفسها وخرجت من الغرفة واخبرت والدتها ووالدها انها خارجة وخرجت واتجهت للمركز ظلت تعمل قليلا.......بالمنزل كان قصي والشباب والبنات يجلسون يتحدثون قاطع حديثهم رنين هاتف فهد فأجاب
فهد: السلام عليكم مين معايا
: وعليكم السلام اخبارك ايه يا فهد اخس عليك نستني اما اجيلك هوريك يا كلب
فهد بسعادة: لا بتهزر اخبارك ايه يا ياسين
ياسين: كويس الحمد لله انت اخبارك ايه واخبار الكينج بتاعنا ايه
فهد: انا كويس وقصي كويس انت فين ياض عاوزين نشوفك وحشتنا بقولك ايه اكسب فينا ثواب وهات مراتك وابنك وتعالوا قضوا اليوم معانا انت رجعت امتى صح
ياسين: لسة راجع امبارح عموما هشوف ياسمين واقولك
فهد: تشوف مين يا روح امك لا انا مباخدش رأيك انت هتجيبهم وتيجي بدل ما انا اجي اجيبك انت ومراتك وانتوا بالبيجامة انت عارف انا مجنون واعملها يلا هنستناكوا على الفطار ومفيش اعذار يلا ياض
ياسين ضحك: طب يا ابو لسانين ونص يلا سلام بس متنساش تبعتلي العنوان ها
فهد: ماشي سلام
اغلق معه وبعث له العنوان
فهد التف لقصي: ياسين رجع امبارح وجاي يقعد معانا انهاردة
قصي بإستغراب: ياسين مين
فهد: ياسين يا قصي صديق الجامعة الواد الحليوة ده اللي بعد كدة سافر في اخر سنة وكمل دراسته برا
قصي بتذكر: ااااااااه ياااااه بقالنا كتير مشوفناهوش بتاع ٣ او ٤ سنين اه يا كلب اما اشوفه
فهد: هنطلع عينه وكمان هموت واشوف ابنه طالع لابوه ولا لامه
قصي ابتسم: عقبال ما نشوف ولادك ياخويا
فهد: لا ابدا انت الاول يا كبير ولا ايه يا لوئي
لوئي: ايوة طبعا اول قصة حب اتخلقت في العيلتين فلازم اول ثمرة تبقى ثمرتكوا انتوا وبعدين احنا بقى
ادم: انتوا عاوزين حلا تخلف علشان يطلع عينيها قصي هيفضل يتخانق معاها بسبب غيرته
فهد بإستغراب: ليه يعني يتخانق معاها وبعدين دول ولاده
اريان: ماهو لو جابت ولد وقصي حس ان الواد ده دايما جنبها وواخدها منه مش هيستحمل ولو جابت بنت هتغير على قصي من حلا ففي كلتا الاحوال هيتخانقوا بسبب الغيرة
ادم: اها انا لما ماما خلفتنا انا واريان كنا بنغير من بابا عليها ولما خلفت حلا وروما وكبروا شوية بدأوا يغيروا على بابا منها وحتى مايا بس الاكتر حلا وكانت دايما حلا تقفلها زي الشوكة في الزور
سامية: ده طبيعي الولد بيغير على امه من ابوه والبنت تغير على ابوها من امها
قصي: لا لو على كدة انا عاوز مراتي بس او نخلف بنات مش عاوز ولاد هو انا ناقص واد مطلعش من البيضة ياخد مراتي مني ده انا اشعلقه على باب البيت
انجلي ضحكت: يلهوي ديه لسة محملتش ولا خلفت وبدأت تغير من دلوقتي اومال لو حملت وخلفت هتعمل ايه الله يكون في عون حلا
قليلا وجاء ياسين ومراته وابنه وسلموا على الجميع وجلسوا معهم يفطرون ثم خرجوا جلسوا بالحديقة
ياسين: اخبارك ايه يا واد يا فهد سمعت انك اتجوزت انت والكينج ايه يا عمنا مش تعزمنا طيب
قصي: ما انت لو كنت بتسأل واحنا معانا رقمك كنا عرفناك بس ازاي انت سافرت ونسيتنا ولا المدام ياسمين نسيتك صحابك واحبابك هنا ها
ياسين ضحك: اذا كنت نسيت نفسي معاها مش عايزني انساكوا
فهد: واطي واطي يعني
ياسمين رأت رقية وجميلة وآسيا فحدثتهم: قولولي بقى انتوا بتعملوا ايه هنا وبعدين فين راجلنا
جميلة ضحكت: لو سمعتك هتوريكي الرجولة على حق هي في الشغل شوية وهتيجي اما احنا هنا بنعمل ايه فإحنا اتجوزنا واتنقلنا هنا
ياسمين بسعادة: ايه ده بجد الف مبروك بس مين تعيس الحظ اللي امه داعية عليه في ساعة استجابة واتجوزك يا جميلة ولا كان شارب حاجة طب رقية وآسيا هما هاديين بس انتي ازاي
الكل ضحك
جميلة: هاهاها خفة يا بت اتجوزت ادم اخو حلا وآسيا اتجوزت اريان اخو حلا ورقية اتجوزت بن عم حلا فارس وفرحهم بعد اسبوعين
ياسمين: الف مبروك يا روكا فرحتلك والله بس عن حب ولا
آسيا: لا بصي كل البيت متجوز عن حب حتى حلا
ياسين بصدمة: لحظة بس كدة مين ديه اللي اتجوزت عن حب حلا!.....هو اه بسببها فيه قصص حب كتير اتخلقت ويعني كملت واتجوزوا وانا وياسمين من ضمنهم بس ازاي ديه حلا ليه عداوة مع الرجالة مبطيقهمش ده كل الجامعة كانوا عارفين ان من سبع المستحيلات حلا تحب او تتجوز في يوم من الايام
ياسمين: بجد يا آسيا والله لو صح انتي فرحتيني جدا مين بقى سعيد الحظ اللي امه دعياله
جميلة ضربتها على كتفها: اشمعنا انا تقوليلي تعيس ولحلا سعيد
ياسمين: انتي عارفة حلا ايه يا جميلة ده انتي اقرب ليها عني فأكيد مش انا اللي هقولك إشمعنا وبعدين انا بهزر معاكي انتي اي حد يتمناكي ده كفاية بس الجمال ده ولا ناسية كام واحد اتقدملك ايام الجامعة وعن حب بس انتي كنتي بترفضي بس حلا لما جت غطت عليكي. وضحكت
جميلة: اه بس رحمتني والله من اللي كانوا بيتقدمولي بس صعبت عليا بعدين
ياسين: مقولتليش يا فهد اتجوزت مين ها ها ها
فهد: اتهد اتجوزت مايا اخت حلا واكيد انت عارفها
ياسمين ضحكت: ايه ده انتوا متجوزين من بعض وقاعدين في بيت واحد
مايا ضحكت: اه فاكرة روما اللي كلمتك عنها اختنا وتوأم حلا
ياسمين: اه لاقيتوها
مايا: اها واتجوزت اخو قصي وبن عم فهد لوئي الاصغر
ياسين: عندي فضول اشوف اخت حلا التوأم
قليلا وخرجوا لهم لوئي وروما
ياسمين عندما رأتها ظنت انها حلا: ايه ده انتي رجعتي بالسرعة ديه انا قولت مش هنشوفك
جميلة ابتسمت: لا ديه روميساء اخت حلا التوأم مش حلا
انصدمت ياسمين: بتهزري ايه ده دول نسخة من بعض استاذ لوئي انت بتفرق ازاي ما بين مراتك وما بين اختها
لوئي ابتسم: بسيب الامر لقلبي وهو يتعرف على حبيبتي
ابتسمت روما له ثم نظرت لياسمين: مين القمورة
مايا: ديه ياسمين يا روما صديقتنا انا وحلا حكيتلك عنها قبل كدة
روما بتذكر: ااااه قصة الحب المعقدة فين جوزك اللي طلعتي عينه
ياسمين ضحكت: ايه ده انا اتشهرت بسرعة كدة
روما: لا بس حقيقي صعب عليا هو ازاي استحملك مش عارفة
جميلة: القلب وما يريد ولا ايه يا ياسين
ياسين بحب: صح انا قلبي كان رايدها هي من بين كل البنات ومعرفتش احب غيرها للاسف علمتني احبها بس معلمتنيش احب غيرها وانساها هنعمل ايه بقى النصيب واحلى نصيب
روما: لا شابوه ليك والله
جلسوا معهم يتحدثون قليلا وروما جلست تلعب مع يونس ابنهم وكذلك مايا وجميلة وآسيا.......على العصر حلا عادت للمنزل وعندما دلفت رأتها انجلي: حلول حمد لله على السلامة عاملة ايه دلوقتي
حلا عانقتها وطبعت قبلة على جبينها: الحمد لله يا قلب حلول وحشتيني اوي
انجلي: وانتي اكتر كدة تغيبي عننا كل الغيبة ديه وامبارح قضيتي اليوم كله نوم
حلا: كنت تعبانة يا نونو ومقدرتش اصحى حتى قصي صحاني علشان اصلي واكُل بالعافية وكنت بنام اصلا وانا باكُل حتى اسأليه اومال فين الكل البيت هادي على غير العادة
انجلي ابتسمت: ابدا بس عندنا ضيوف وقاعدين برا معاهم
حلا بإستغراب: ايه ده مين
انجلي: هما تقريبا يعرفوكي تعالي خلينا نخرج
حلا خرجت معها وهي تتحدث بإستغراب: لو انا اعرفهم اكيد يعني كنت هعرف انهم جايين انهاردة بس انا معرفش ومأظنش كلمت حد من اصدقائي وقالولي انهم هيجوا او حاجة زي كدة
انجلي: معرفش بس من طريقة كلام جميلة وآسيا معاهم دليل على انهم يعرفوكي كويس وحتى سألوا عنك
حلا بإستغراب: اما نشوف
يونس رأى حلا من بعيد فصرخ: مامي جت نزليني يا يوما بسيعة ( نزليني يا روما بسرعة)
روما استغربت كلامه وكذلك الجميع
روما: ما مامي اهي يا يونس
يونس: لا نزليني يلا
ياسمين فهمت وابتسمت: نزليه لانه مش هيسكت
نزلته روما بإستغراب والكل نظره عليه ركض يونس تجاه حلا وبصراخ: مامييييي
وقفت حلا ونظرت للصوت بإستغراب فشعرت انه مألوف لها وعندما رأته ارتخت ملامحها وابتسمت بسعادة وركضت عليه وهي فاتحة ذراعيها والتقطته وحملته ودارت به ثم اخذت تقبله بحب وشوق
حلا بسعادة: حبيب الماما وروح الماما وعقل الماما وحشتني يا يونس اوي
تعلق يونس بعنقها: وانتي كمان وحشتيني جدا ووحشني حضنك
عانقته حلا وملست على ظهره بحب وحنان: يا حبيبي حقك عليا
واخذت تقبله بشوق وانجلي واقفة تنظر لهم بصدمة ثم ذهبوا للجميع وكلهم ينظرون لهم بصدمة
يونس بفرح: مامي جت يا بابي
حلا بإبتسامة: اهلا يا ياسين عاش مين شافك يا راجل وانتي ياختي من ساعة ما رجعتي واتعافيتي لا سمعنا صوتك ولا اي حاجة والله ماشوفت اوطى منكوا
ياسين: ما انتي شوفتينا اهو يا حجة مالك بقى الله مش كفاية علينا يونس مصدعنا بسيرتك كل شوية عاوز اشوف مامي عاوز اشوف مامي بقولك ايه خديه خليه يعيش معاكي
عانقته حلا بحب: وماله ياخويا على الاقل احسن من ابوه ده حبيب قلبي ده واساسا انا هاخده منكوا اسبوع ولو وافق اخليه يعيش معايا على طول بس ياسمين ترضى
ياسمين: لا ياختي ابني حبيبي ميباتش بعيد عن حضني
حلا: لا كفاية عليكي ياسين لحظة بس لما بتاخدي ابنك في حضنك اومال ياسين بينام فين
ياسين: حلا انتي من يوم يومك عاملة معايا واجب كملي بواجبك وخدي الواد ده لمدة شهر علشان عاوز اجدد شهر عسل
حلا: اااااه وماله انت تجدد شهر عسل وتخلف العيال وانا اربيهم فبالتالي يطلعوا العيال مش عارفين امهم وبالنسبة ليهم انا امهم بقولك ايه انا مش هاخد منك غير يونس فلو خلفت تاني اشرب انت بقى مليش فيه صح يا يونس تقعد معايا هنا ومتروحش معاهم ايه رأيك
ياسمين: لا ابني مش هيبعد عني لا يوم ولا اسبوع مادام هتموتي على العيال اوي كدة اتجوزي وخلفي
يونس تعلق بعنق حلا: لا انا عاوز اقعد مع مامي
حلا نظرت لها وابتسمت: ياااااه على الكسفة لالالا شكلك بقى وحش اوي يا ياسمين
ياسمين بزعل: كدة يا يونس مش انا مامي برضه
اومأ يونس بالموافقة ثم اشار على حلا: بس ديه مامي احلى وهي وحشتني اوي
ياسمين: انت ليه محسسني اني ام الجيران وحلا هي اللي امك
حلا: تقدري تعترضي اعترضي هتلاقيني اتحولت وملكيش دعوة بالواد
يونس: يا مامي انا فضلت كتيي اوي مستنيكي بس انتي سافييتي ونسيتيني
( يا مامي انا فضلت كتير اوي مستنيكي بس انتي سافرتي ونسيتيني)
حلا ادمعت عينيها وبحب: يا حبيبي حقك عليا انا اسفة بس انشغلت شوية وكان عندي شوية مشاكل حقك عليا يا نور عيني وعد هعوضك عن كل السنين اللي بعدتها عنك اتفقنا
يونس: يعني هتخليني اعيش معاكي هنا
حلا: عاوز تعيش معايا
يونس: اه اعيش معاكي لحد ما اكبي واتجوزك
( اه اعيش معاكي لحد ما اكبر واتجوزك)
الكل ضحك ولكن قصي شعر بالانزعاج
حلا: يا روحي عاوز تتجوزني
اومأ يونس بالموافقة: اه علشان محدش يتجوزك وياخدك مني
حلا ضحكت: للدرجادي بتحبني
ياسين: ده الواد بيعشقك عملتيله ايه يا حلا
ياسمين: عاملتله غسيل مخ مبقاش على لسانه غير مامي مامي مامي انا قربت اغير منك يا حلا واحس ان ده ابنك مش ابني
حلا بحب: اه ابني وحبيبي ونور عيوني كمان حد ليه شوق في حاجة
يونس: مامي ممكن اسألك سؤال
حلا: اسأل يا روح الماما
يونس: هو انتي ليه احلويتي اوي
الكل ضحك بشدة
حلا ابتسمت ببعض الخجل: انت شايفني احلويت
طبع يونس قبلة على شفتيها بعفوية: اه اوي وبقيتي شبه الحاجات الحلوة المسكية اللي بتتاكل وكدة يعني
( اه اوي وبقيتي شبه الحاجات الحلوة المسكرة اللي بتتاكل وكدة يعني)
الكل ضحك وحلا خجلت من تصرفه
يونس: هو انا ينفع اكلك
ياسين ضحك: يونس عيب كدة
حلا: مش جايبه من برا ها
ياسمين ضحكت: لا الصراحة الواد كان محترم اول ما شافك معرفش ايه جراله
جميلة: بس يونس مش شبهك يا ياسمين ولا شبه ابوه
حلا: اه شبهي
رقية: اه ايه ده شبهك اوي يا حلا
فهد بشك وإستغراب: ياسين هو ده ابنك بجد
ياسين ضحك: اه
فهد: وابن ياسمين كمان
ياسين: اه
يونس: مامي عاوز حاجة حلوة
حلا: عاوز ايه يا روح الماما
يونس: عاوز شيبسي
حلا: بس الشيبسي وحش مش حلو
يونس: لا حلو
حلا: طب ايه رأيك اعملهولك هنا في البيت
يونس: هتعرفي تعمليه
حلا: اها واحلى من بتاع برا واعملك معاه فشار ها ايه رأيك
يونس صفق بسعادة: هييييه ماشي موافق بس هاجي معاكي
حملته حلا: يلا بينا عن اذنكوا
اخذته حلا وذهبت للمطبخ ووضعته على الرخامة واخذت تقطع له البطاطس على شكل رقائق شيبسي وتحضر له الفشار وعصير.......في الخارج
جميلة بإستغراب: هو يونس ابنكوا ولا ابن حلا بس اللي اعرفه ان حلا متجوزتش غير قريب ومخلفتش
ياسمين: لا ابننا
روما: معلش بس لحظة لما هو ابنكوا بيقول لحلا ماما ليه وكمان شبه حلا اوي
ياسين: اه اصل ياسمين بتعشق حلا فكانت بتتوحم على حلا وهي حامل فجابت يونس شبهها
روما: بتكلم جد يا استاذ ياسين
ياسين: طب ما انا بتكلم جد وياريت تقوليلي ياسين بس من غير استاذ
ياسمين بتفهم: هفهمكوا انا اللي حصل اني في اخر فترة الحمل كنت تعبانة جدا ولما حلا عرفت جاتلي وفضلت معايا بس في يوم عملت حادثة وكانت حادثة خطيرة من حسن حظي ان ابني محصلوش حاجة وكان سليم الحمد لله بس انا حالتي كانت خطيرة جدا وما بين الحياة والموت والاصابات كانت كتير لدرجة اني دخلت في غيبوبة لمدة شهرين ولما فوقت الحادثة والجروح اللي في ظهري اتسببتلي في شلل نصفي وفضلت فترة كبيرة بتعالج فطول الفترة ديه حلا كانت معايا وهي اللي بتهتم بيونس حتى هي اللي سميته فيونس كبر على ايد حلا وكان متعلق بيها جدا ومن ساعة ما بدأ يتكلم وهو بيقولها يا مامي وهي بتفرح لما يقولها يا مامي ولما رجعت وقفت على رجلي واتعافيت حلا اضطرت تسافر علشان كان عندها شوية مشاكل وبتجهز نفسها للشرطة طبعا كان فيه صعوبة في الاول على ما يونس اخد عليا بس مع ذلك منسيش حلا دايما يسأل عليها لدرجة فيه فترة فضل يعيط وكان عاوز حلا واحنا مكوناش عارفين نوصلها في الفترة ديه عرفنا انها في امريكا وكانت عاملة حادثة وحالتها صعبة وكانت مصابة بشلل في ذراعها اليسار بسبب ان جاتلها جلطة في القلب ده بالاضافة لجلطة في المخ ادت لفقد النطق عندها وفضلت فترة بتتعالج حتى لما سافرنا علشان نشوفها رفضت اننا نشوفها ومن ساعتها معرفناش عنها حاجة
ياسين: حلا وقفت معانا كتييير وحقيقي مهما حاولت ارد اللي هي عملته عمري ما هاوفيها حقها يعني دايما كانت بتقف جنبنا في الشدائد والمحن قبل الفرح وحتى فيه اوقات كتير كان بيبقى عندي مشاكل ولما كانت تعرف كانت تسيب كل مشاكلها وتقعد معايا تحللي مشاكلي وحتى لما عرفت المشكلة اللي بيني وبين ياسمين وانها رفضت الجواز مني قالتلي سيبها عليا انا هعرف اتصرف معاها لولا حلا انا مكونتش هبقى هنا دلوقتي ولا كان زماني كونت العيلة اللي بحلم بيها مع الانسانة اللي بحبها حتى في شغلي كانت بتساعدني وفضلت معايا لحد ما وقفت على رجلي ونجحت وكونت شركتي بعديها سابتني حقيقي كنت بحسها اختي ووالدتي اكتر ماهي صديقتي ومش احنا بس وقفت جنب ناس كتير علشان يكونوا لبعض ومسابتش اتنين بيحبوا بعض إلا اما جوزتهم
ياسمين: وحتى لو كان فيه بعد الجواز مشاكل كانت بتفضل معاهم لحد ما تحلها يعني حازم ومريم والدة حازم مكانتش موافقة على مريم وحاولت كتير تفرقهم بس حلا دايما كانت تقف في وشها وتصدها لحد ما قدرت تخليها توافق على مريم وتقتنع ان سعادة ابنها حازم مش مع حد غير مريم وحتى حازم لما كان عاوز يخرج مع مراته وامه موجودة كان بيتصل بحلا ويخليها تيجي وبعدين ياخد مريم ويقولها انهم خارجين يتغدوا وهي تتصرف مع والدته وكانت حلا تقعد معاها وكل ما والدة حازم تتكلم عن مريم حلا تصدها وتدافع عن مريم يعني حقيقي حلا زي ما بيقولوا جوهرة غالية ونادرة مش سهل انك تلاقي حد زيها في الزمن ده حقيقي يا عمو يحي بنتك متتعوضش لا كأخت ولا كصديقة ولا كزوجة ولا كإبنة وبجد انتوا محظوظين جدا انها في حياتكوا ومعاكوا
ياسين: بس حقيقي انا سافرت وعيشت في بلاد برا وكذا بلد وحتى فضلت فترة هنا بس في تربية حلا واخلاقها ملقيتش وحقيقي انا عمري ما حسيتها بنت دايما كنت بشوفها راجل وبمية راجل يعني افتكر فيه مرة ياسمين اتخطفت ومكونتش عارف اوصلها حلا كلمت معارف تبع عمها جابوا مكانها واتصلت بيا وهي رايحة كانت هي هناك قبلي ومسكت الرجالة بهدلتهم وجبيتلهم البوليس وانقذت ياسمين وحتى نفس الكلام مع جميلة ومايا وحتى في الجامعة اللي كان يحاول يتقرب منها او يفكر بس تفكير فيها شمال كانت بتبهدله وتطلع عينه وتعيد تربيته من اول وجديد بمية راجل يعني انا واحد من الرجالة هعترف بده في بداية تعارفي بيها اخدت ضرب عمري ما هاخده من راجل ايديها تقيلة تقل وعندها قوة مش عند الرجالة
ياسمين ضحكت: واحدة بتجهز نفسها لكلية الشرطة وبعدين انت كنت بتستفزها وكنت بتعاكسها وتهزر كتير وهي مبتحبش كدة فكان اقل واجب بتعمله معاك هو انها تنزل فيك ضرب علشان تسكت
ياسين: كنت بمدحها مش بعاكسها انا معاكستش حد غيرك في حياتي كلها
ياسمين: والله ده على اساس انا مكونتش ببقى قاعدة وانت بتمدحها طبيعي هتعمل فيك اللي عملته لانها مبتحبش حد يمدحها وخصوصي الرجالة وانت بالنسبة ليها غريب فطبيعي
فهد: لا انا جربت ايديها قبل كدة الصراحة مرزبة حاجة كدة متتوصفش جامدة اوي
ياسين ضحك: تعيش وتاخد غيرها
فهد: لاااا وحيات اهلك انا لسة صغير ولسة حتى مخلفتش عيل واحد انا مش مستغني عن نفسي ياخويا
احمد: هو للدرجادي ايديها تقيلة
ياسين: تقيلة بس يا عمو هي اكتر من كدة بكتيييير ولا انا فيه اوقات كنت بحس اني بتعامل مع اسد او حيوان مفترس عليها قوة مش على حد
الكل ضحك
ياسين: كان نفسي مرة اشوفها بنوتة رقيقة كيوت زي البنات العادية بس لالالا ديه كانت مختلفة عن كل البنات يوم ما بتكون بنوتة كيوت ورقيقة تتعامل معاك بحب وتقف جنبك وتساندك وقت الشدة وتحسها سند وضهر ليك وانت الراجل هتحسها راجلك ولا كإنها البودي جارد بتاعك
آسيا: لا بس الشهادة هي كانت البودي جارد للشلة كلها قبل نفسها
ياسمين: وانا اعترف بده وابصم بالمية مش بالعشرة
عادت حلا لهم وهي تحمل يونس واجلسته على الطرابيزة
حلا: لية حاسة انكوا كنتوا بتحيبوا في سيرتي
ياسمين: احساسك دايما صح
حلا: طبيعي يا حبيبتي يبقى صح وإلا مكونتوش انتوا هنا ومع بعض ومخلفين ولا ايه.....وبعدين سكتوا ليه لما جيت ما تكملوا
ياسين: لا مفيش بس كنا بنمدح فيكي تاني
حلا بغيظ: انت تاني انت يابني مش هتتلم مش اتجوزت وخلفت ما تبعد عني وتسيبني بقى ولا انت مشبعتش عُلق شكل وحشتك عُلق زمان وحابب تاخد واحدة منهم وقدام ابنك ومراتك حافظ على كرامتك مش كدة ها
ياسين: حرااااام عليكي فهماني غلط على فكرة وبعدين انا مبعاكسش غير ياسمين ومن كتر اللي شوفته منك ومن ايدك التقيلة حرمت اعاكس حد لا انتي ولا غيرك حتى فيه اوقات بخاف اعاكس مراتي لحسن الاقيكي طلعالي وتنزلي فيا ضرب
الكل ضحك
قصي: يا خسارة الرجالة
ياسين: لا اسكت احنا شوفنا منها الويل تلاقيك مشوفتش حاجة علشان كدة بتقول كدة وبتتكلم عادي
فهد: اه وحياتك هو مشافش بس انا شوفت مرة وحاسس بيك
لوئي: وانا كمان حاسس بيك لاني انا بقى اللي معاها في الشغل فبص يعني هي بتعمل رعب وكهربا للشباب هناك
حلا: والله اللي اعرفه الراجل بجد والمحترم واللي عارف ربنا مش هيخاف مني لانه مبيعملش حاجة غلط انما الشمال واللي مبيعرفش ربنا هيخاف
لوئي: لا يا حلا بجد المحترم واللي مش محترم بيخافوا منك
حلا: لا هفهمك مش بيخافوا بيتوتروا لاني ببص في عنيهم وهما بيتكلموا وديه طبيعة عندي من صغري ببص للي بتكلم معاه حتى لو ابويا فلو طلع واحد بيفكر كدة ولا كدة بفهم بس ديه كل القصة
ياسمين: اي بنت كانت تحب شاب ومش واثقة اذا كان بيحبها ولا لا كانت تروح لحلا علشان تعرفلهم
حلا: يختااااي اسكتي ده انا كانت مرارتي بتتفقع واللي اقعد مع ابوها علشان اقنعه بالجواز واللي اقعد مع امها او خالتها او عمتها وكذلك مع اللي هيتجوزوا انا فيه اوقات كنت بحس ان انا الراجل في الموضوع ماشية بقنع العيلتين اما الراجل اللي هيتجوزها ومش عارف يقنع اهله بجوازه اومال هيعمل ايه اما يشيل مسؤلية بيت
ياسين: لاحظي ان كلامك جارح ها
حلا ضحكت: اه سوري نسيت انك من ضمن الشباب اللي روحت اقنع اهله بالجوازة بس الشهادة لله اهلك صعبين انا عمري ما تعبت في اقناع حد قد ما تعبت في اقناع ابوك انا كنت بقول ابويا اصعب راجل واعند راجل بس ابويا جنب ابوك بلسم ده انا والله روحي كانت هتطلعلوكوا يعني قلبي تاعبني والله ونفسيتي تعبت بسببه فضلت يجي شهر ولا شهرين بقنع فيه
ياسين: علشان تعذريني
حلا: من يوم يومي عذراك بس تفضل بعيد عني علشان نبقى حلوين مع بعض وكويسين
آسر: انتي ماشية تجوزي في الناس يا حلا
حلا: اه عقبال ما اجوزك انت كمان زي ما جوزت ادم واريان وفارس وفهد ولوئي وياسين مفضلش غيرك انت وجاسر وسمير وسامر وكمال
سامر: لا بقولك ايه شيلي سامر من دماغك وسيبيه في حاله هو مبسوط كدة
سحر: لا عاوزة افرح بيك
سامر: انا فرحان كدة ومبسوط ومرتاح انا مش عاوز اتجوز
حلا: لينا قعدة مع بعض ها
سامر نظر لها: حلا مهما حاولتي مش هتغيري تفكيري
حلا بتحدي: ولو غيرته سامر مش معنى اني مريت بتجربة وفشلت بسبب الطرف الاخر يبقى ده معناه ان كله زيه لا لازم تفكيرك يتغير وان مغيرتوش انا اللي هتحبها وتحبك هي اللي هتغيره
سامر ابتسم بسخرية: ومين قالك اني هحب
حلا ضحكت بخفة: تجربتي في الحياة انا كنت زيك كدة قافلة قلبي ويمكن اكتر منك مكونتش شايفة راجل غير ابويا في حياتي وكان مالي حياتي لا عندي فراغ عاطفي ولا كنت بفكر في الحب او الجواز زي كل البنات حتى مكونتش عاوزة راجل بعده بس ايه اللي حصل في يوم وليلة لاقيت نفسي حبيت الحب لما يجي يدخل قلبك مش هيستأذنك لا انسى ده عامل زي السم هيفضل ينتشر في قلبك من غير ما تحس لحد ما يتمكن منه وابقى قابلني ان عرفت تقاومه مهما حاولت تقاومه هتيجي في يوم وتستسلم قدامه وانا اكتر واحدة مريت في تجربة المقاومة وفي الاخر استسلمت
سامر: انسي ان ده يحصل
حلا: هنشوف بس برضه لينا قاعدة مع بعض
ندى: لحظة بس كدة ليه حاسة ان فيه قصة احنا منعرفش عنها حاجة
حلا: وانتي مالك انتي ما تخليكي في حالك
سحر: هو في ايه يا حلا
حلا: مفيش بس فيه شوية مشاكل ولغبطة في التفكير وسوء فهم وانا هصلحوهله
قام يونس وعانق حلا وطبع قبلة على خدها وفمها: شكرا يا مامي الشيبسي والبوشاي( البوشار) حلوين اوي زيك بس انتي احلى
حلا ابتسمت: حبيبي بالهنا والشفا هو انت الدغ في ال ر
ياسمين: اه بس اوعي تاكلي الواد
حلا: لا استني بس اركني على جنب....قول كدة روما
يونس: يوما ( روما)
حلا اخذت تقبل وجنتيه وعانقته: يا روحي لا معلش انا هاخده ده انا بعشق الناس اللي لادغة في حرف ال ر انا كنت بعشق البنات بس.....بس شكلي هسيبهم واعشقك انت اكتر ما انا عشقاك وانت محلو كدة وتتاكل يلهوييي يا ناااس على الحلاوة ديه مقدرش انا على كل ده
جميلة: طبيعي هيبقى حلو مش كفاية انه شبهك وبعدين الواد كدة لما يكبر هيتعاكس يا حلا
حلا: اه بعيونه الخضرة ديه وفيها تمويجة عسلي ونبي قمر ومز وحليوة وخدوده الحمرا ديه
ياسين: خلاص نحجزه ولا ايه يا حلا
ياسمين: اه هجوزه بنتك يا حلا
حلا: يلهوي وانا افديه الساعة اللي يبقى الاستاذ يونس الحليوة المز ده ابن بنتي وبعدين ممكن افضل اعاكسه واحب فيه هسيب ايه لبنتي تعمله
ياسين ضحك: لا عادي احنا معندناش مانع لو عاوزة تاخديه من انهاردة خديه
حلا اخذت تقبله بحب: يلهوي اخده مخدوش ليه ياخويا ده انت اللي خسران
يونس: عاوز يخليني هنا علشان يعيف (يعرف) يبوس ماما ويحضنها وينام جنبها
الكل ضحك وحلا نظرت لياسين بصدمة وغيظ
ياسين: حلا انتي فاهمة غلط خليني بس افهمك
حلا: روح العب مع روما يا يونس
اخذته روما وجلست تلعب معه
حلا: يخرب عقلك انت بتعمل ايه مع مراتك قدام الواد يا ياسين انت اتجننت
ياسين: يا حلا برجع من الشغل مراتي وحشاني بلاش احضنها وابوسها في خدها الله وبعدين لما باجي انام مبيخلنيش احضنها بينام في النص اعمل انا ايه يعني لا طايل بلح الشام ولا حتى عنب اليمن ده ميرضيش ربنا ده انا بقالي سنتين مش عارف اقعد معاها لوحدنا مرة واحدة بس او نخرج نروح في اي حتة
حلا ضحكت: احضن وبوس مقولتش حاجة بس فيه اوضة ادخل واقفل عليكوا الباب واعمل اللي انت عايزه ان شاالله تغتصبها بس مش قدام الواد
ضربتها ياسمين: لسة زي ما انتي لسانك ده متبري منك
ياسين: وحياتك مرة عملت كدة فضل يعيط على باب الاوضة وعاوز ياسمين واليوم ده ياسمين اتخانقت معايا علشانه
ياسمين: اه فكرتني اما اشتكيك لحلا يرضيكي يا حلا بعد ما اتخانقنا وهو اللي غلطان يسيب البيت ويمشي ويفضل ٣ تيام برا البيت قافل تليفونه ومعرفش عنه حاجة ولا حد عارف عنه حاجة وانا قلقانة عليه
حلا: هو الصراحة انتوا الاتنين غلطانين مبدئيا يونس عنده قد ايه
ياسمين: الشهر الجاي هيتم الخمس سنين
حلا: يعني كبير ينام معاكوا في نفس الاوضة ليه انتي كدة هتطلعيه خواف لازم يتجرأ وينام لوحده ده ولد مصيره يكبر ويبقى راجل ومسؤل عن بيت مش بنت يعني ايه بينام في حضنك لحد دلوقتي ده لو ابني اول ما يتم الاربع سنين واقل كمان اخليه ينام لوحده في اوضته انيمه انا وافضل جنبه ماشي لحد ما ينام بس بعدين اروح اوضتي ولازم يفهم انا ابوه وامه ليهم اوضة لوحدهم وهو في اوضة لوحده مينفعش ينام معاهم
ياسمين: ايه يا حلا ده لسة صغير
حلا: نعم يا روح امك صغير مين ده كلها سنة او سنتين ويدخل المدرسة هو ايه اللي صغير انتي بتهزري يا ياسمين حبيبتي انتي مش مخلفة بنت كنت هقولك ماشي انما ده ولد مصيره يبقى راجل انتي كدة هتطلعيه خايب لازم يعتمد على نفسه واكيد طبعا سيادتك انتي اللي بتحميه وتلبسيه وتأكليه
ياسين بغيظ: اه دايما قاعدة معاه وسيباني اقسم بالله انا يوم اجازتي بنزل مع صحابي علشان عارف اني لو قعدت مش هشوف وشها
ياسمين بغيظ: ده انت شايل ومعبي بقى
قاطعهم رنين هاتف ياسين فقام ليجيب
حلا ضربتها: ومتغاظة انه معبي احمدي ربك انه لسة باقي عليكي ومتجوزش عليكي
ياسمين: يفكر يعملها والله لاوريه نجوم الليل في عز الضهر
حلا: بت انتي متخلنيش اتحول عليكي انتي ليكي عين تتكلمي يعني مأثرة معاه وكمان مدايقة وبتبجحي لو بص برا
ياسمين: يا حلا طب اعمل ايه يونس واخد كل وقتي وشغل البيت
حلا بعصبية: شغل البيت ايه يا ام شغل على حسب علمي وعلى حسب ما اخر مرة كنت موجودة فيه خدامة بتيجي لما ياسين بيروح الشركة وبتمشي قبل ما هو يجي ايه هنأفلم على بعض وابنك لازم يفهم انك مش ليه لوحده وان ابوه ليه حق فيكي زيه واكتر قعدتي معاه الصبح خلاص بليل تقعدي مع ابوه عاوز يقعد معاكوا تمام ابنك مش صغير يا ياسمين ولازم يتعود ينام لوحده ده شحط وقرب يبقى طولك ده انا ربيت الواد وانتوا بوظتوه انا لما هو تم السنة ونص كنت بنيمه في اوضته وانام في اوضتي وبقفل الباب بس مش بالترباس علشان لو صحي مفزوع ولا حاجة يعرف يفتح الباب ويدخلي ويمكن كنت بسيبه متوارب انما مش شحط عنده خمس سنين ايه يا ماما ايه يا حبيبتي نهار اهلك مش معدي ده على كدة ياسين بقاله بتاع ٣ سنين مأخذش راحته معاكي
ياسمين نظرت لها وسكتت
حلا بغيظ: يخرب عقلك بت انتي بتحربي على خراب بيتك وبعدين تيجوا تعيطوا اصله خاني وبص برا ما طبيعييييي هيعمل كدة اما ابسط حقوقه ومش واخدها هو اي نعم ابنه وكل حاجة وبيحبه بس هو مش مخلف علشان ابنه يجي ياخدك منه هي مش انانية بس طبيعي جوزك يغير عليكي ويدايق ده لما كنتوا مخطوبين وبيحس اننا البنات بناخدك منه كان بيدايق واسمنا بنات وايه كنا بناخدك قد ايه بتاع ساعة ساعتين بالكتير ٣ ساعات ما بالك مستحمل ٣ سنين ياسمين انتي على الحال ده هتخلي ياسين يتجوز عليكي ومن وراكي انا مش بخوفك بس بفوقك هتقوليلي هو بيحبني ومش هيعملها بس هو مش شايف حب الصراحة انا مش ست لو جوزي مقضي وقته كله في الشغل انا هدايق انا فين في حياته وانتي ذات نفسك هتدايقي لو ده حصل سيبيه مع اي حد مع جدته وجده او عمته وقضي يوم انتي وجوزك تسافروا فيه تفضلوا طول اليوم في البيت اعملوا اللي تعملوه انما مش كدة بلاش ياسين موحشكيش موحشكيش حضنه ياستي هتفضلي طول حياتك مع ابنك وبس طب لما انتي كدة اتجوزتي ليه من الاول كنتي اتبنيتي طفل من الميتم وخلاص ماهي ديه مش عيشة يا ياسمين حطي نفسك مكانه ولو ليوم واحد لو حسيتي انه بعيد عنك وجدا وان فيه حد او حاجة وخداه منك هتحسي بإيه لما تحسيه مأثر معاكي وانتي شبه مش في حياته هتحسي بإيه احنا الستات مبنستحملش لو ابونا ها مش اجوازنا كانوا طول النهار في الشغل ويرجع بليل يشتغل اومال سيادتك طول النهار بتعمل ايه بندايق وبنحس انه مأثر معانا ومش في حياتنا مهما كبر هو ابونا ولينا حق عليه فما بالك بقى لو جوزي يعني مفيش في حياتي غيره هو ايه يا ياسمين بطلتي تحبي ياسين ولا ايه ده انتي اكتر واحدة كانت بتعجبني في تعاملها مع جوزها يوم ما كنتي بتأثري معاه مكونتيش بتستني حد يحاسبك وكنتي بتحاسبي نفسك بنفسك وبتعوضيه دول مش يوم ولا اسبوعين ولا ٣ شهور دول ٣ سنين ده انتي مش هتستحملي اسبوع واحد ان كمل تأثيره معاكي عايزة تخسري جوزك افضلي مع ابنك مبقولكيش تتخلي عنه بس لو سبتيه يوم واحد مع سته مش هتخرب الدنيا ان شاالله تسيبيه طول النهار وتاخديه بالليل او تسيبيه بالليل وتاخديه بالنهار مينفعش كدة انتي مأثرة معاه جامد وانا مش هقدر ادافع عنك واقف في صفك انتي عارفة ان مهما كان الحق حق انا مش هتكلم كتير لانه جاي انا نبهتك اهو وعملت اللي عليا وانتي قرارك في ايدك ويونس انا هكلمه هو بيسمع مني انما اللي انتي بتعمليه ده مينفعش ايش حال لو كان معاكي عيلين او تلاتة مش واحد كونتي هتعملي ايه
عاد ياسين وجلس معهم حلا نظرت لمايا ففهمتها
مايا: ياسمين تعالي نروح نقعد مع يونس شوية يلا
قامت ياسمين معها وذهبوا ليونس وروما
اقتربت حلا من ياسين: ايه بقى حكايتك
ياسين: مفيش حكاية
حلا: لا بقولك ايه مش معنى ان بقالنا بتاع ٣ سنين او سنتين مش بنشوف بعض ولا بنتواصل يبقى ده معناه اني مش عارفاك على حد تاني الشوية دول قول بُص خد راحتك اي شحنة غضب فش عادي
ياسين: ما بلاش احسن
حلا: ده انت معبي بقى لا خد راحتك يلا بدل ما انا اللي استفزك واظن انت مش ناقص استفزاز او ضغط عصبي اكتر لانك على وشك الانفجار اشجيني ما انت طول عمرك بتشجيني يلا
ياسين انفجر: تعبت يا حلا مبقيتش قادر استحمل حياتها كلها عبارة عن يونس وبس وانا فين في حياتها ولا هنا بالنهار بتهتم بيه وبأكله وشربه وكل حاجة وبليل بينام في حضنها وانا اولع لا بقيت بفرق معاها ولا في تفكيرها اصلا وكل يوم بقول معلش بكرة هتفهم وتحس بيا بس مفيش من بعد ما خلفت وانا حاسسها بعيدة عني كل البعد يا حلا عمرنا ما بعدنا عن بعض كدة حتى في فترة الخطوبة مكانتش معايا في نفس البيت وبينا مسافات بس مكونتش بحس ببعدها عني زي ما انا حاسه دلوقتي الاسم اننا عايشين في نفس البيت بس كل واحد في وادي انا فيه اوقات بحس انها بطلت تحبني زي الاول وان يونس اخد الحب كله كل ما اقولها على حاجة تقولي يونس ويوم ما قولت نقضي شوية وقت مع بعض ودخلنا اوضتنا وقفلنا الباب يونس جيه يخبط على الباب قولتله عاوز ايه اللي عاوز مامي فقولتله روح اوضتك ومامي نامت فضل مُصر فإتنرفزت عليه ففضل يعيط قامت متخانقة معايا وطلعت فيا انا الغلط
حلا: قومت سايبلها البيت وقفلت تليفونك واختفيت
ياسين: كنت على اخري يا حلا لو كنت فضلت دقيقة او كلمتها كنت هجرحها بالكلام فضلت مستحمل سنتين واكتر بس مبقيتش قادر خلاااص طاقتي نفدت
صمت قليلا
حلا: لو عاوز الحق انت غلطان ومش غلطان يعني المفروض وفهم ابنك براحة ان امه مش ليه لوحده انت كمان ليك فيها مش تزعقله وتتخانق معاها وتسيبلها البيت وتقفل تليفونك افرض كان حصلهم حاجة وانت عارف لما ياسمين بتقلق بتتعب ها
ياسين: قولتله قبل كدة ماما مش ليك بس يا يونس انا كمان ليا فيها قالي لا ماما ليا انا لوحدي وهي مأيداه في الكلام اعمل ايه ها
حلا نظرت له: ياسين فكرت قبل كدة تخون ياسمين او تتجوز عليها
الجميع انصدم من جرائة حلا حتى ياسين
حلا: بُص يا ياسين انا عارفة انك مستغرب سؤالي بس انا محتاجة اجابتك قبل ما اقولك تعمل ايه فياريت تجاوبني بصراحة وانا مش هلومك ومتقلقش مش هقول لياسمين
ياسين: ما انا عارف انك مش هتقوليلها بس اتفاجئت من سؤالك مش اكتر
حلا: لا المفروض انك اتعودت بقى عليا ها مجاوبتنيش
ياسين: بصراحة فكرت ويمكن كان هيحصل بس مقدرتش حسيت اني هجرحها واخونها مقدرتش فتراجعت
جميلة بصدمة: وبتقولها كدة عادي وليك عين ت...........
حلا نظرت لها وقاطعتها بصرامة: جميلة.....قومي اعملي لادم قهوة يلا
جميلة: بس يا حلا................
حلا بجدية وصرامة: سمعتي انا قولت ايه قومي اعملي لجوزك قهوة
جميلة: بس ادم مش عاوز يشرب
حلا: لا عاوز قومي انتي هتعرفي اخويا اكتر مني هتقومي بالذوق ولا.......
ادم ابتسم: بصراحة عاوز قهوة من بدري
قصي: وانا كمان
اريان: وانا كمان
حلا: حد عاوز تاني
يحي: اعملي للشباب كلهم
حلا: آسيا خدي جميلة وروحوا اعملوا قهوة للكل وانا كمان ماعدا تيتا سامية وتيتا فاطمة
سامية: ده اشمعنا
حلا: علشان الضغط.....واعملوها لبابا مظبوطة وياريت تقليله البُن شوية
آسيا: انهي بابا
حلا: الاتنين
احمد: لحظة لا انا عاوز البُن معلقتين
حلا: ما بلاش انت علشان قبل كدة تعبت بسبب القهوة ها ومحدش يعرف ها لا اولادك ولا مراتك ما تخلينا ساكتين بقى يلا يا آسيا
اخذت آسيا جميلة وذهبت معهم انجلي والتفت حلا لياسين
حلا: سيبك من كلام جميلة خليك معايا انا......هو صراحة كان غلط اللي كنت هتعمله هو اه ياسمين غلطانة ومأثرة معاك بس ده حقك ليه مطلبتوش منها ياسين انت مش خطيبها ولا حبيبها انت جوزها والمشاكل عمرها ما هتتحل طول ما كل واحد فيكوا مع نفسه لا اقعد معاها قولها الامر واحد اتنين تلاتة اربعة وانا عاوز واحد اتنين تلاتة اربعة الفت نظرها انها مأثرة معاك يمكن هي مش واخدة بالها ومفيش حد مبيأثرش كلنا بنأثر في حق بعض فيه مننا اللي بياخد باله وفيه اللي مبياخدش باله اهو اللي مبياخدش باله ده احنا من حقنا نقعد معاه بهدوء من غير خناق او عناد ونطالب بحقنا حقك اطلبه مرة واتنين وتلاتة فضلت على نفس الحال ليك حق تتجوز تاني وانا اللي بقولك بس متقعدوش كل واحد في حاله وميكلمش التاني وترموا الغلط على بعض انتوا الاتنين غلطانين وبعدين انت الراجل احكم ابنك وفهموا وخليه يعتمد على نفسه ويبقى راجل وفهموا بأي طريقة حتى لو بالاجبار انك ليك حق في ياسمين زيه بالظبط ولو ياسمين اعترضت ان شاالله تتخانق معاك اعتبرها مش موجودة وامنعها تروح لابنها لحد ما يفهم ويستوعب ان امه مش ليه لوحده ياسين اقعد مع ياسمين واتشاوروا بهدوء ما بينكوا واليوم اللي تكون عاوز تقعد فيه معاها وتقضوا وقت مع بعض ابعت يونس لاهلك او لاخت ياسمين يقعد معاهم شوية واهو انت كمان تقعد مع مراتك شوية حتى لو هي اعترضت وسيب ياسمين ويونس عليا عرفت هتعمل ايه
ياسين ابتسم: اه شكرا يا حلا
حلا: بس يا اهبل بس ممكن سؤال تاني واسفة لو كنت بتدخل في حياتك اوي
ياسين: لا انتي تاخدي راحتك لانك اختي اصلا فعادي اتفضلي
حلا: هو حد قالك تخون مراتك ولا جت كدة في دماغك
ياسين: يعني في شلة كدة اصدقاء كنا بنتكلم عادي فإقترحوا عليا الموضوع ده
حلا: طب بُص انا من واجبي انصحك لانك زي اخويا ابعد عن الشلة ديه لانهم مش هيهدوا غير لما يخربوا بيتك او تبقى زيهم ومادام اقترحوا عليك الاقتراح ده يبقى هما بيخونوا مراتتهم او متجوزين عليهم ياسين انت امرك يهمني زي ادم واريان وجاسر وآسر بالظبط ومن واجبي انصح اخويا لما الاقيه هيعمل حاجة غلط ماهو بُص طول ما انا مصاحبة ناس عارفة ربنا هبقى زيهم وطول ما انا مصاحبة ناس بتشرب وبتسكر وبتدي مخدرات هيجوروني للي هما بيعملوه نفس الكلام طول ما انا مصاحبة ناس عارفة ربنا وبتخاف ربنا وبتتقيه في زوجاتهم هعمل زيهم انما طول ما انا مصاحبة اللي بيخونوا مراتتهم متزعلش مني هيجي يوم وهبقى زيهم هقول اشمعنا هما وفيه ناس حقودة مبتحبش حد يبقى احسن منهم ومتزعلش مني فيه اصحاب برضه بيبصوا لزوجات اصحابهم فبلاش تعرف مراتك على اصحابك يعني من خبرتي في الشباب واللي شوفته منهم فيه شباب اول ما يشوفوا واحدة حلوة اااا وانت فهمت واظن ياسمين حلوة مش وحشة وعليها العين واي حد يشوفها يتهبل ها فحافظ على بيتك ومراتك ومش اي حد يقولك حاجة تمشي وراه زي الاهبل ايش ضمنك ان الشخص ده بيحبك ومبيكرهكش يمكن عاوز يخرب بيتك يمكن طمعان في مراتك يمكن حاجات تانية كتير انا قدمتلك نصيحة انت عاوز تاخدها وتعمل بيها براحتك مش عاوز ديه حياتك يا ياسين وانا مليش اتدخل فيها انا بس حسيت ان فيه شحنة بينكوا وممكن تبقى انفجار وبركان ومحبتش اشوفكوا بتجرحوا بعض كدة ومراتك الفت نظرها مرة واتنين وتلاتة مجتش كدة هددها وقولها لو فضلتي كدة هتجوز عليكي ارعبها يا عم وبعدين لو عاوز الحق ياسمين بكلمة واحدة بتصفى ها وبتضعف وانت ادرى بمراتك واظن يعني ان مكنش جوزي يهديني ويحتويني اومال مين ان شاء الله اللي هيحتويني
ياسين ابتسم: معاكي حق انا بس كنت ضايع وتايه ومش عارف اعمل ايه وكنت مخنوق
حلا: اه وفشيت خنقتك وغضبك فيا انا عاوزة تمن انك فشيت غلك فيا وفضلت تزعق انا مالي ما تروح تزعق لمراتك
ياسين: اسفين يا حلا معلش مش هتتكرر تاني
حلا جذبته من اذنه بقوة: اولا كلمة اسف بتستفزني لاسباب كتير اولا انا من الصبح عمالة اقول انت زي اخويا يبقى ممنوع انك تعتذر ان مشتكيتش لاختك هتشتكي لمين ثانيا كلمة اسف مبتفيدش ها فلو اتكررت تاني هزعلك. وتركته
حلا: وبعد كدة لما يكون فيه مشاكل او مخنوق ابقى كلمني او كلم قصي او فهد او بلاش فهد علشان مش هيفيدك وهيرفع ضغطك
فهد: شكرا يا حلا ماشي
ياسين: حلا موضوع اني اتواصل معاكي ده مستحيل لانك بمليون رقم
حلا ضحكت: خلاص اكيد معاك رقم قصي وفهد ابقى كلم حد منهم ولو عوزتني انا قولهم وانا هبقى اخد رقمك منهم واكلمك او اكلمك من تليفون قصي
ياسين بإستغراب: اشمعنا قصي يعني ليه مش فهد
حلا: عادي بس معظم الوقت ببقى مع قصي يعني هو الاقرب ليا
جائت جميلة وآسيا وانجلي بالقهوة وجلسوا معهم
حلا بصوت عالي: يونس تعالى هنا عايزاك ياسمين تعالي انتي كمان......ياسين تعالى اقعد هنا جنبي
ياسين استغرب وجلس بجانبها وياسمين جلست بجانب حلا من الجهة الاخرى وحلا اخذت يونس وضعته امامها على الطرابيزة
حلا بجدية: افهم بقى مزعل بابي ومامي ليه
يونس: انا مش مزعلهم
حلا: لا مزعلهم وبابي مدايق جدا وبعدين تعالى هنا ايه حكاية انك بتنام مع مامي وفي حضنها ديه انت مش راجل هو فيه راجل بينام في حضن مامته وبعدين الراجل المفروض ميخافش صح لازم تبقى جريئ وقوي علشان تعرف تحمي مامي في غياب بابي يونس بعد كدة مفيش نوم مع مامي هتنام لوحدك في اوضتك عاوز مامي تفضل جنبك لحد ما تنام وبعدين تروح على اوضتها هي وبابي ماشي انما نوم في حضنها تاني لا ولازم تسمع كلام بابي لما يقولك حاجة قوله ماشي ولازم تعرف كويس ان مامي مش ليك لوحدك لا بابي كمان ليه فيها زيك بالظبط مادام قعدت مع مامي خلاص تسيب بابي يقعد مع مامي بليل وممنوع تدخل اوضة حد من غير ما تستأذن حتى لو اوضة مامي وبابي لان كل واحد ليه خصوصيته يعني انت ترضى حد يدخل عليك الحمام وانت بتستحمى من غير ما يستأذن ها
يونس: لا
حلا: طيب يبقى من هنا ورايح اوضة بابي ومامي مش هندخلها غير لما نستأذن ولما بابي يقولك على حاجة لا يبقى لا انت كبرت يا يونس ولازم تعتمد على نفسك تاكل لوحدك وتلبس لوحدك وتستحمى لوحدك وتنام لوحدك كلها سنة وتدخل المدرسة مامي مش هتبقى معاك لما تكون عاوز تدخل الحمام هتقولهم عاوز مامي زمايلك هيضحكوا عليك لانك مش صغير ومينفعش يبقى بابي قاعد مع مامي وانت تقعد ما بينهم او تقاطع كلامهم عيب مفهوم
اومأ يونس بالموافقة
حلا نظرت لياسين: ما الواد بيقول حاضر اهو وكويس
ياسين: ده معاكي انتي بس
يونس: مامي هو ليه بابي بينام في حضن مامي مش هو كبير ليه مينامش لوحده
الكل ضحك وحلا كذلك
ياسين بغيظ: وانت مال اهلك يا رخم
حلا ضحكت: علشان مامي بتبقى خايفة فبابي بيحضنها علشان متخافش وبعدين مش انت عاوز تبقى قوي زي بابي يبقى لازم تسمع كلامه ماشي اتفقنا
يونس ابتسم: اتفقنا ممكن انزل بقى علشان العب
حلا انزلته: روح العب بس متروحش ناحية البحر ها
يونس: ماشي
ياسين: مش عارف من غيرك كنت عملت ايه يا حلا
حلا: كنت فشلت في حياتك بقولكوا ايه بقى ياريت نخلص ونبطل مشاكل ماهو اللي انا فيه ده حرام والله يعني مشاكل قبل الجواز وبعد الجواز كدة كتير يعني طلعتوا روحي بقصة حبكم المعقدة قعدت شهور اقنع في الاستاذ انه بيحب وشهور في الاستاذة اقنعها انها بتحب وبعد ما اقتنعوا وهو راح يتقدم هي رفضت فإدخلت تاني وفين وفين لما حنيت ووافقت على الجواز وبعدين إقناع عيلتك وعيلتها ودلوقتي مشكلة ابنكوا تصدقوا بالله انا هطفش من الدنيا باللي فيها بسببكوا
ياسين بمرح: لا عيب كل الجمال ده يطفش بسببنا
حلا نظرت له بغيظ فياسين فهم نظرتها وقام وابتعد عنها
ياسين: حلول مش القصد يعني قولت افرفشك شوية مش اكتر
حلا بغيظ: انا طلبت منك تفرفشني ما تخليك في حالك او بدل ما انت مركز مع اهلي ركز مع مراتك ولا انت حابب صورتك تتشوه قدام ابنك كدة كدة مراتك كانت بتبقى قاعدة وانت بتتهزأ مني عادي جدا إتلم ها بدل ما ألمك
جلسوا يتحدثون حتى حل المساء ودلفوا يجلسون بالصالون ويونس يجلس على قدم حلا ويعاكسها ويعانقها ويبوسها وقصي قاعد متغاظ ويستشيط غضبا من يونس حلا شعرت بالقليل من التعب فإستأذنت وصعدت لغرفتها اخذت مخدرها ثم هبطت للاسفل مرة اخرى وقفز يونس عليها فحملته
يونس: هو ليه مفيش حد حلو زيك
حلا ابتسمت: علشان مفيش حد عنده عيون حلوين زيك انت شايفني حلوة علشان عيونك حلوين
جاء يونس ليقترب منها ويطبع قبلة على فم حلا وضع قصي من خلفها يده على فم حلا
قصي بغيظ: جرى ايه ياض من ساعة ما جيت وانت عمال تعاكس وتحضن وتبوس ايه واخد راحتك اوي ما تتلم ما تلم ابنك يا ياسين بدل ما اشعلقهولك على باب زويلة
يونس بإنزعاج: وانت مالك انا بحب مامي وهي وحشاني اوي مين انت علشان تدخل ما بينا
الجميع ضحك على نرفزة الصغير وكذلك حلا
قصي بغيظ لحلا: ايه عجبتك اوي
يونس ازاح يد قصي عن فم حلا ويده الاخرى عن كتف حلا
يونس: ملكش دعوة بمامي ديه بتاعتي انا وبس ولما اكبي(اكبر) هتجوزها صح يا مامي
حلا ضحكت واومأت بتفهم: صح يا روح مامي
قصي بغيظ: عارف لو حضنتها او بوستها تاني هزعلك
يونس: هحضنها وابوسها وانت ملكش دعوة بينا
واخرج لسانه لقصي ليغيظه وطبع قبلة على احدى وجنتي حلا استفزازا لقصي ثم قبلة على وجنتها الاخرى وجاء ليقترب من فمها قصي امسك وجه حلا بين يديه ولفه له وامسك شفتيها في قبلة وكان يقبلها بغضب ونرفزة وغيظ وحب وتملك ومشاعر كثيرة امام الجميع والجميع انصدموا من رد فعله ولكن ليس كثيرا اما ياسين وياسمين فكانت صدمة كبرى لهم قليلا وابتعد قصي عن حلا نظرت له بصدمة فهد وآسر اطلقوا صفيرة له
يونس بغضب: انت عمو قليل الادب ووحش
قصي ابتسم ووضع يده على كتف حلا وقربها إليه: على فكرة مراتي براحتي احضن وابوس ليك شوق في حاجة
يونس بصدمة وانزعاج: ايه ده اتجوزتي ومن غير ما تقوليلي يعني مش هنتجوز انا وانتي
حلا ابتسمت له: لما تكبر هبقى اسيبه واجي ونتجوز انا وانت
قصي ضغط على خصرها وبغيظ: نعم يا روحي تسيبي مين فكري تبعدي عني خطوة واحدة هتلاقيني جايبك من شعرك
ثم التف ليونس وامسكه من ياقة قميصه ورفعه وشعلقه في الهواء
قصي بغيظ: وانت لو مبعدتش عن مراتي هخليك متشعلق كدة بقيت حياتك
حلا جذبت منه يونس وابعدته عنه وبإنزعاج: سيب الولد ده لسة صغير مالك وماله.....ايه يا روحي انت كويس.قالتها ليونس
يونس اومأ بالموافقة: اه كويس بس الياجل (الراجل) ده وحش وشييي (شرير)
حلا عانقت يونس وطبعت قبلة على جبينه: معلش يا حبيبي سيبك منه هو مش هيقدر يعملك حاجة
قصي اقترب منهم بغيظ: والله تحبي اوريكوا انتوا الاتنين انا ممكن اعمل ايه
حلا حاوطت يونس بقوة وابتعدت عن قصي وبإنزعاج: قصي ده طفل وميعرفش حاجة ايه مش معقولة هتضربه يعني في ايه سيبه
قصي كان يشعر بالغضب الشديد منهم هم الاثنين
ياسمين بصدمة: لحظة بس انتوا متجوزين يعني قصي جوزك يا حلا......حلا تبقى مراتك يا قصي ازاي ايه اللي لم الشامي على المغربي
حلا بغيظ: النصيب والقدر هنعمل ايه
ياسين ابتسم بسعادة: والله فرحتلكوا الف مبروك بس اخر شخص كنت اتوقعوا هو ان قصي يتجوزك انتي يا حلا
حلا بغيظ: ليه مشبهش ولا مشبهش
قصي بإستفزاز: لا متشبهيش سبحان الله كل اللي يشوفك معايا ميصدقش
حلا ببرود: طبيعي مش هيصدقوا لانهم ميتوقعوش اني اتجوز واحد زيك مغرور وعنيد
قصي: محدش جبرك على حاجة على فكرة الجواز برضاكي بتشتكي ليه بقى
ياسمين بإستغراب: انتي مش لابسة خاتم الجواز ليه يا حلا
قصي نظر ليدها لم يجد الخاتم بها فنظر لها بغيظ: اه صح يا حبيبتي الخاتم فين
حلا بتوتر: ها لا مفيش بس خلعته اصله واجع صباعي وكان هيجرحني هبقى اروح للصايغ يبدلهولي
جلسوا قليلا ثم استأذن ياسين واخذ ابنه ومراته ومن ثم صعد الجميع لغرفهم ليرتاحوا دلفت حلا للغرفة وقصي خلفها اغلق باب الغرفة ودلف وهو يشعر بالغضب والغيظ ونيران الغيرة تأكله امسك حلا من ذراعها بقوة وجعلها تلتف له ومن ثم هجم على شفتيها يقبلها بعنف وغضب حلا حاولت ان تبعده ولكن لم يعطيها فرصة فحاوط خصرها وضغط عليه ليقربها اكثر ويده الاخرى اسفل مؤخرة رأسها ليثبتها حلا ظلت تضغط على صدره ليبتعد ولكنه لم يبتعد ظلت حلا تعود للخلف حتى تبتعد عنه ولكنه كان يقترب اكثر منها ويقبلها بقوة اكبر ظلت تعود للخلف حتى سقطت على الفراش وهو فوقها ولم يتركها حاولت حلا ان تبعده ولكنها لم تستطع فكلما حاولت ابعاده كانت يده تزداد جرائة على ظهرها وخصرها فإستسلمت له وحاوطت عنقه واخذت تعبث بخصلات شعره بشكل مغري قليلا وبدأ قصي يهدأ وابتعد عنها ولكنه الصق جبينه بجبينها وهو يأخذ انفاسه بصعوبة ومد يده يتحسس شفتيها وهو يردف
قصي بنبرة هادئة حادة: ممنوع اي حد يلمس شفايفك حتى لو طفل او يقرب منك حتى
حلا ابتسمت: قصي ده طفل صغير وميعرفش حاجة وبعدين في اول حياته مكنش فيه غيري فهو متعلق بيا
قصي ابتعد عنها قليلا ونظر لها بغيظ: انا مبستحملش ابوكي يحضنك او انتي تبوسيه في خده علشان استحمل طفل هو في الاول والاخر ولد ومصيره يبقى راجل وغريب ويبوسك ويحضنك انا قولت اللي عندي ولو ده اتكرر تاني اقسم بالله هقلب على وشي التاني بلاش انا
قام واخذ يبحث عن المحبس حتى وجده وامسكه واتجه لحلا وقف امامها وهي جالسة على الفراش فرفعت رأسها له ثم امسك يدها ووضع الخاتم بإصبعها
قصي بتحذير: لو ده اتخلع من ايدك تاني هحبسك في البيت ومفيش خروج مفهوووم
اومأت حلا بالموافقة وهي تشعر بالقليل من الخوف والقلق ترك قصي يدها فقامت ودلفت لغرفة الملابس وابدلت ملابسها ونامت بجانب قصي ولكنه جذبها من ذراعها لحضنه
حلا: قصي بتعمل ايه
قصي: هنام هكون بعمل ايه
حلا: بس انا مش عاوزة انام كدة
قصي: خلاص متناميش بس انا مش هنام غير كدة
حاولت حلا ان تقوم وتبتعد ولكنه لم يعطيها فرصة فأحكم ذراعه على خصرها واليد الاخرى تمسك بيدها اليمين ويثبتها على قلبه بعد محاولات كثيرة باتت بالفشل استسلمت له ونامت في حضنه في خلال ثواني عندما رأها نائمة ابتسم ونام هو الاخر
__________________________________
في صباح اليوم التالي استيقظت حلا ورأت انها تنام بحضن قصي وكان وجهها قريبا جدا من وجهه ظلت تتأمل ملامحه قليلا وسرحت به قصي استيقظ وشعر بها ولكنه لم يفتح عينيها ولم يظهر لها انه مستيقظ رفعت حلا رأسها قليلا وبدون شعور منها اقتربت منه وطبعت قبلة رقيقة على جبينه ومن ثم انخفضت طبعت قبلة على عينيه ومن ثم على وجنتيه وذقنه ومن ثم طبعت قبلة على شفتيه واخذت تقبله برقة وحب وشوق عانقها قصي وحاوطها بذراعيه وسرعان ما انقلب الوضع لتصبح حلا اسفل قصي وهو من يقبلها سحب قصي الغطاء عليهم اخذها معه لعالم اخر مليئ بالحب والشوق
__________________________________
في الاسفل كانت تجلس سامية وفاطمة وانجلي قليلا ودلف عليهم يحي ومها واحمد وسلمى
سلمى: احمد فاكر صحبتي سوزان
احمد: اه فاكرها مالها
سلمى: هتيجي تقعد عندنا كام يوم لحد ما تشوف بيت ليها
انجلي: وبنتها الرخمة هتيجي معاها
سلمى: اكيد.....ها قولت ايه يا احمد
احمد بإنزعاج: يعني عاوز افهم الدنيا كلها داقت ملقيتش غيرك علشان تيجي تعيش هنا انتي عارفة اني مبطيقهاش وكمان بنتها بتحاول تتقرب من قصي والولاد كمان مبيحبوهاش
سلمى: معلش يا احمد علشان خاطري دول كلهم كام يوم وابقى لاقيلها بيت علشان تمشي بسرعة علشان خاطري وافق
احمد نظر لها قليلا: بلاش نظرات البرائة ديه خلاص موافق بس هما كام يوم ولو عملت مشاكل هي ولا بنتها ساعتها انا هتصرف تصرف تاني ومش هستنى رأيك وتصرفي هيدايقك ويجرحك يا سلمى اديني حذرتك
طبعت سلمى قبلة على وجنته: تعرف انك احلى زوج في الدنيا كلها...بحبك
احمد: لو فضلتي جنبي كتير وبتعملي كدة هتراجع
سلمى: لا خلاص
فاطمة: ديه هتيجي امتى يا سلمى
سلمى: انهاردة
انجلي: يختااااي طب ادينا فرصة نشم نفسنا طيب
ساندي دلفت عليهم: صباح الخير
الجميع: صباح النور
انجلي: ساندي ليكي عندي خبر يجنن
ساندي وهي تجلس بجانبها: بجد قولي وفرحيني معاكي
انجلي: سوزان وبنتها جايين يعيشوا معانا كام يوم
ساندي كانت ترتشف القليل من المياه عندما سمعت انجلي خرجت المياه من فمها بصدمة ونظرت لها بغيظ
ساندي: سوزان سوزان ولا غيرها
انجلي وهي مبتسمة: اها سوزان سوزان
ساندي بصراخ: لاااااااا مين اللي عازمها
انجلي: كلمت خالتك وقالتلها انها تيجي تقعد معانا كام يوم لحد ما تلاقي بيت
ساندي نظرت لخالتها: ليه يا خالتو كدة حرام عليكوا وبعدين احنا لسة مصالحناش حلا وقصي وبنتها لو جت المشاكل هتقوم بين حلا وقصي.....طب بقولكوا ايه ما نطرد حلا وقصي ونخليهم يروحوا يعيشوا في بيتهم وانا اروح معاهم
انجلي: وخدوني معاكوا لاني مبطيقهاش لا هي ولا امها
سامية ضحكت: هو فيه ايه لا انتوا طايقنها ولا احمد ولا فاطمة مالها يعني
انجلي التفت لها: هقولك بنتها اسمها كارمن ودايما لما بتيجي بتقعد لازقة في قصي وقصي مبيحبهاش اصلا ولا بيطيقها بس هي حاطة عنيها عليه وعاوزة تتجوزه تقريبا علشان الفلوس والاملاك وكدة ده بالاضافة ان هي وامها عايشين الدور والتناكة بقى والغرور وحاجة اخر خرا يعني مع احترامي ليكي يا تيتا فلو ديه جت وحلا هنا حلا هيحصلها حاجة ده بالاضافة ان ممكن تحصل مشاكل بينها وبين قصي بسبب كارمن لانها لو عرفت مش هتسكت غير لما تخرب بيتهم علشان يبقى ليها مجال تتقرب من قصي ويبقى عندها فرصة تتجوزه
سامية بصدمة: ده على كدة هي مش قليلة بقى
ساندي: اها وتحسيها حرباية
انجلي: حلا وكارمن مش هيتفقوا مع بعض انا خوفي كله على حلا لانها عندها القلب ومبتستحملش
فاطمة: سيبوها على الله احنا كلنا موجودين هنا وان شاء الله مش هيحصل حاجة
قليلا ودلف عليهم فهد ولوئي ومايا وروما
لوئي بإستغراب: مالك يا نونو انتي وساندي عاملين كدة ليه زي ما تكون الحرباية وامها العقربة جايين
انجلي: اول مرة تخمن صح
فهد ولوئي نظروا لبعض بصدمة ومعا: بتهزري
ساندي: بُصوا احنا المفروض نشغل قرأن علشان انا لو اتنرفزت هقوم اجيبها من شعرها
لوئي: اذا كدة انا هاخد روما ونروح بيتنا
فهد: وانا كمان
انجلي: طب ما تكسبوا فينا ثواب وتاخدونا معاكوا
ساندي: اه ونبي ان شاالله انام على الكنبة انا معنديش مانع او على الارض
احمد: بس ياض منك ليه ليها محدش هيخرج من البيت ده ده بيتكوا انتوا اولى بيه من اي حد وبعدين مش معقولة كل واحد هينفد بديله وتسيبوا اخوكوا لوحده مع الحرباية والعقربة وانا كمان مكنش العشم يا ولادي
فهد: يا عمي ابدا لو عاوز تعالى معانا بس احنا مبنطيقهمش وانت عارف ده كويس
احمد: برضه مينفعش يعني هتسيبوا قصي لوحده كدة
لوئي: ما قصي معاه حلا.....احم اه صح حلا مش هتستحملهم وكمان عندها القلب
فهد بقلق: بقولكوا ايه موضوع قلب حلا ده ما بينا اوعوا كارمن تعرف عنه حاجة ها
مايا بإستغراب: ممكن اعرف مين الحرباية والعقربة والكلام الغريب اللي انتوا بتقولوه
فهد: هفهمك بعدين بس لازم ننبه على الكل ها
ساندي: طب وحلا.....خلوا شاهر موجود في البيت اربعة وعشرين ساعة
دلف هنا شاهر: انا سامع اسمي ايه خير
انجلي حكت له
شاهر: لا ده على كدة لو جيبت خمسين إبرة مخدر واديتها لحلا هتتصاب بالجلطة من افعال كارمن
فاطمة بإنزعاج: يا اخي بعيد الشر تف من بوقك ان شاء الله هتبقى كويسة
فهد: قصي لو عرف مزاجه هيتعكر وخصوصي ان انهاردة اجازة
لوئي: وتقريبا حلا كمان قاعدة انهاردة
مايا: يا حلاااوة كملت
روما: طب هنعمل ايه
يحي: بقولكوا ايه وجعتوا دماغنا على الصبح خلاص هما كدة كدة جايين فبطلوا رغي بقى
نكزه احمد بذراعه فيحي نظر له وهو لا يفهم فأحمد اخذه واستأذن ودلفوا للمكتب
يحي: ايه يابني في ايه
احمد: فاكر الست صديقة سلمى اللي حكيتلك عنها قبل كدة
يحي بتذكر: قصدك اللي حاولت تغريك وتتقرب منك و........
قاطعه احمد: اه هي مش لازم تكمل
يحي بعد فهم: اه مالها
احمد: هي ديه اللي ما تتسمى اسمها سوزان وجاية وانا مش طايق نفسي
يحي: اه طيب ما.......نعم يا روح امك لحظة بس ولما هي ديه اللي كانت ممكن تخرب بيتك قبل كدة وافقت ليه انها تيجي انت متخلف يا احمد
احمد: يا يحي محبيتش ازعل سلمى وهي بتحبها وبتعزها
يحي: نعم ياخويا يعني علشان مراتك تدخل جهنم تاني وجحر الافاعي الله واعلم هي ناوية على ايه ومش بعيد جاية علشان تخرب بيتك بحق وحقيقي
احمد بنرفزة: عاوزني اعمل ايه يعني اهو اللي حصل بقى
يحي: طب هي سلمى عارفة بالموضوع
احمد: لا وحاولت قبل كدة اقولها او انبهلها بس دافعت عنها ومأظنش هتصدق
يحي: مش معقولة بتثق فيها اكتر منك
احمد: هو مش بالظبط بس هي بتثق فيها اوي وزي ما بيقولوا مراية الحب عامية
ظل يحي يفكر قليلا: عارف مين اللي ممكن يساعدك
احمد نظر له: حلا ما انا عارف بس فيه مشكلة حضرتك بنتها حاطة عنيها على قصي
يحي: الله احلويت ايه الجمدان ده حاسس اني بعيش حكاية الف ليلة وليلة ياخواتي
احمد ضحك على طريقة كلامه
يحي: انت بتضحك واحنا في ورطة
احمد: سيبك مني فيه مشكلة بنتك مبتستحملش حد يتكلم عن قصي ومن اقل حاجة بتتنرفز وده غلط على قلبها عاوزين نعمل حاجة نخليها بعيدة عن كارمن
يحي بتفكير: ممكن اكلم امان يكلم حلا واديهم شغل
احمد: فكرة هايلة
يحي: بس فيه مشكلة يا فالح
احمد: ايه هي
يحي: مصير حلا هترجع هنعمل ايه ساعتها
احمد نظر له بقلق: مش عارف بُص سيبها لوقتها
يحي: طب هتعمل ايه مع سوزان
احمد: مش عارف انا تعبت من التفكير اصلا
يحي: طب خلينا نخرج وربنا يستر بقى
خرج احمد ويحي وجلسوا مع الجميع بعد ساعتين انجلي استأذنت وصعدت لغرفة قصي طرقت الباب................
__________________________________
بغرفة قصي بالاعلى كانت حلا تنام على صدره وهو يعانقها
قصي: عارفة انتي وحشتيني قد ايه ولا مش عارفة
حلا رفعت رأسها له: لا مش عارفة
قصي ابتسم بخبث: طب تعالي انا هعرفك
وقام واصبح فوقها ومحاصرها
حلا: لالا انا عارفة كنت بهزر معاك يا كينج
قصي جذبها لحضنه: بجد وانا بموت في الهزار ده
واخذ يوزع قبلاته على عنقها
حلا وهي تضحك: طب كفاية بقى اللي انت اخدته وخليني اقوم.....قصي.....خلاص بقى.....قص......
ابتلع جملتها في قبلته ووضع الغطاء عليهم لحظات وسمعوا دقات على الباب حلا ازاحت الغطاء وابعدته عنها
حلا: قوم شوف مين
قصي بنبرة مخدرة: مش فاضي ومليش مزاج
واقترب منها ودفن وجهه برقبتها
حلا: افرض فيه حاجة قوم بقى
قصي ابتعد: قولي انك عايزة تخلصي مني
حلا حاوطت عنقه: ابدا وبعدين انا لسة مشبعتش منك ومش عاوزة ابعد عن حضنك بس افرض فيه حاجة قوم يلا
جذبها قصي لحضنه: سيبي اللي يخبط يخبط
وظل يقبلها وهي تحاول ابعاده ولكنه ضغط على خصرها فإستسلمت له وظل الطرق
قصي ابتعد بنرفزة عن حلا: ميييين
: انا انجلي يا قصي افتح بسرعة
حلا نظرت لقصي: يظهر فيه حاجة مهمة قوم افتح
قام قصي بضجر: مش عارف انا الواحد ميعرفش ياخد راحته مع مراته في ام البيت ده
حلا: ما انت خدت راحتك لمدة ساعتين كفاية عليك
قصي نظر لها بغيظ وجاء ليخرج ليفتح الباب
حلا: تعالى هنا رايح فين
قصي التف: هفتح الزفت الباب
حلا بغيظ وهي تشير له: والله! بمنظرك ده
قصي عقد حاجبيه بإستغراب ثم نظر لنفسه وهو يردف: مالي ما ان.........
صمت عندما استوعب انه لا يرتدي تيشيرته فرفع نظره لحلا
قصي: عادي ديه انجلي مش هتفرق. والتف ليذهب
حلا بإنفعال: خد هنا يعني ايه انجلي يعني قصي متخلنيش اتجنن عليك من على وش الصبح
امسكت تيشيرته وحدفته بوجهه
حلا بغيظ: البسه وحسك عينك تخرج بمنظرك ده وإلا مش هيحصل خير
ابتسم قصي واخذ التيشيرت وارتداه وهو يخرج ودلفت حلا لغرفة الملابس وارتدت بيجامة ثم خرجت
دلفت انجلي: ايه يا قصي سنة علشان تفتح
قصي: عاوز انام بلاش يعني حتى في يوم اجازتي مش عارف اخد راحتي
حلا: صباح الخير يا نونو
انجلي: صباح النور يا قلبي قصي فيه خبر لازم تعرفه جايلنا ضيوف
قصي: نعم ياختي يعني بقالك ساعة بتخبطي علشان الخبر ده جايلنا ضيوف انجلي امشي اطلعي علشان انا مش طايق نفسي
انجلي: اسمع بس ما هما مش اي ضيوف
قصي نظر لها بإستغراب: المعنى
انجلي بتوتر: سوزان وبنتها جايين وهيقضوا معانا كام يوم
قصي: اه ماش.......نععععععم مين لحظة بس هيقعدوا معانا هنا ليه ان شاء الله
انجلي: على ما يلاقوا بيت
قصي: اه وحلني بقى بعد شهر او اتنين انتي مبتجيبيش غير الاخبار اللي شبه وشك يا انجلي ومن على وش الصبح حرام والله ده حتى انهاردة انا اجازة يا جدعععاااان عاوز ارتاح
انجلي بإنزعاج: ليه ياخويا ما انا وشي جميل وقمور ايش ذنبي ان الخبر زفت ما تقولي حاجة يا حلا
حلا بإستغراب وعدم فهم: اقول ايه وبعدين مش المفروض ان ده خبر حلو
انجلي: لا لاننا مبنطيقش سوزان ولا بنتها وخصوصي قصي
قصي: قولي لفهد يتصل بالموظفين هنزل الشركة وابات فيها
انجلي: ده على اساس ان كارمن مش هتوصلك وتروحلك الشركة
قصي بإنزعاج: هوووووف ياربي
حلا رفعت احدى حاجبيها بغيظ: لحظة بس كدة مين كارمن
قصي وانجلي معا: بنت سوزان
حلا بغيظ: اممم وهتروح لقصي الشركة ليه وبناءا على ايه وليه انت مش عاوز تفضل في البيت
انجلي وقصي نظروا لبعض بتوتر وقلق وحلا نظرت لهم
حلا بعدم ارتياح: انتوا مخبين ايه انتوا الاتنين
قصي بتوتر: لا حبيبتي ولا حاجة هنكون مخبين ايه بس انتي عارفاني يعني لما يكون فيه اشخاص معايا في نفس المكان انا مبطيقهمش بتخنق وبدايق
حلا بعدم اقتناع: اممم مش مصدقاك وحاسة فيه سبب تاني بس ماشي على راحتك مش هضغط عليك بس برضه مفهمتش ليه مبطيقهمش
انجلي: اصلهم ناس رافعة منا............
قاطعهم رنين هاتف حلا فأخذته: لحظة يا نونو معلش
اجابت حلا على الهاتف: السلام عليكم.....انهاردة.....بس انا كنت وخداه راحة يا امان.....شغل ايه ده......طب طب اقفل لما اجي هبقى اشوف.....يعني نص ساعة كدة وابقى عندك....ماشي....سلام
اغلقت معه الهاتف
قصي: عندك شغل
حلا بإنزعاج: اه كنت عاملة حسابي ان انهاردة اجازة وهقضيه معاك بس يظهر كل المخططات هتتفركش وجالي شغل مستعجل اسفة حبيبي
قصي ابتسم واقترب جلس على طرف السرير وامسك يدها: عادي حبيبتي ولا يهمك وبعدين نبقى ننفذ المخططات بليل عادي مدايقيش نفسك ها
اومأت حلا وهي تبتسم بخفوت
انجلي: انتوا اتصالحتوا
قصي وهو يحاوط خصر حلا بذراعيه ويدفن وجهه بصدرها: اه اتصالحنا اخيرا
انجلي: طب كويس والله ده انا قلبي كان واجعني عليكوا بلاش تتخانقوا تاني بقى وافضلوا كدة على طول
حلا: قولي لاخوكي مش ليا
قصي رفع رأسه ونظر لحلا: لا ان شاء الله مش هنتخانق تاني
انجلي بصوت منخفض سمعه قصي فقط وفهمها: اظن ان المشاكل هتبدأ بينكم من انهاردة
حلا بإستغراب: بتقولي حاجة يا نونو
انجلي نظرت لها بتوتر: ها لا انا هسيبكوا بقى وهروح اساعد ماما يلا عن اذنكوا
وخرجت بسرعة من الغرفة
حلا بإستغراب: مالها انجلي بتتصرف بغرابة حساها قلقانة من حاجة متعرفش مالها يا قصي
نظرت لقصي وقصي كان شارد ويشعر بالقلق وخاصة بعد كلام انجلي
حلا: قصي....قصي....قصييييي
انتبه قصي لحلا: ها نعم يا روحي
حلا: ده انت مش معايا خالص
قصي عانقها: وفيه حد يبقى معاه القمر ده وميكونش معاه ان مكونتش معاكي هكون مع مين يعني
حلا: قصي مالك حساك قلقان او فيه حاجة مدايقاك في ايه يا حبيبي وانجلي كمان مش طبيعية انهاردة
قصي ابتسم: لا عادي بس هو احنا مبنحبهمش وكدة فيمكن علشان كدة عموما روحي يلا البسي علشان متتأخريش على شغلك يلا
حلا بشك: متأكد انه عادي
قصي: اه يا روحي يلا ادخلي خدي شاور على ما اختارلك طقم
حلا حاوطت عنقه وابتسمت: اوبا الكينج بذات نفسه هيختارلي طقم
جذبها قصي من ذراعها لتنخفض له وطبع قبلة على كتفها: ان مختارتش لمراتي هختار لمين
حلا طبعت قبلة على احدى وجنتيه: بس اوعى تختار طقم انا ببقى فيه حلوة بزيادة
قصي خطف قبلة من شفتيها سريعة: انتي اصلا بتحلي اي حاجة بتلبيسها نعمل ايه في حلاوتك بقى
ابتسمت حلا وتركته ودلفت للحمام اخذت شاور وقصي اختار لها ملابس وجلس شارد دقائق وخرجت ودلفت لغرفة الملابس قصي استيقظ من شروده على دخولها حلا اخذت منه الملابس وابتسمت ودلفت للحمام غيرت ملابسها التي تتكون من بنطلون اسود وشميز باللون الابيض وبليزر باللون الفيروزي خرجت وهي تجفف شعرها وقفت امام التسريحة وهي تجففه ومن ثم صففته ورفعته ذيل حصان ووضعت من برفيومها الهادئ وارتدت ساعتها الفضية وارتدت حلق فص لولو ابيض التفت لقصي رأته ينظر لها نظرة لم تفهمها ولكن شعرت انها نظرة خوف وقلق اقتربت منه وحاوطت عنقه وهو حاوط خصرها ودفن وجهه بصدرها اخذت تعبث بخصلات شعره قليلا وساد الصمت بينهم حتى قاطعته حلا
حلا: مش هتقولي برضه مالك.....قصي حبيبي في ايه متقلقنيش عليك
قصي وهو مازال على وضعه: مفيش
حلا ابعدته قليلا وجلست على قدميه: مش عليا ده ها فيه حاجة انت قلقان منها في ايه
قصي نظر لها قليلا ثم تنهد بحرارة: خايف اننا نبعد عن بعض تاني
حلا بإستغراب: وليه هنبعد حبيبي متحطش في بالك الفراق والبُعد لانك هتتعب وبعدين ما احنا امورنا مستقرة اهي ايه اللي هيجيب مشاكل ونبعد عن بعض
عانقها قصي ودفن وجهه بعنقها: معرفش يا حلا بس انا مش مرتاح وقلبي مقبوض وحاسس ان فيه حاجة هتحصل والحاجة ديه ممكن تبعدك عني معرفش ايه هي بس ده احساسي
حلا عانقته واخذت تملس على ظهره وشعره بحنية: حبيبي ان شاء الله مش هيحصل حاجة وانا مش هبعد عنك ابدا
اخرج قصي وجهه من حضنها ونظر بعينيها: وعد
حلا ابتسمت بحب: وعد
ومن ثم طبعت قبلة على وجنتيه
حلا: ممكن بقى نبطل القلق الزايد ده
اومأ قصي بالموافقة: حاضر يلا علشان تروحي على شغلك ومتتأخريش
حلا: شكلك عاوز تخلص مني اما صدقت انت اني هنزل الشغل ها
قصي بحب: ابدا انا لو عليا افضل معاكي في الاوضة طول اليوم
حلا ابتسمت وخطفت قبلة سريعة من شفتيه: يوم تاني بقى دلوقتي انا لازم امشي احتمال متأخرش وارجع بدري
قصي: يعني هترجعي على حدود كام كدة
حلا: على العصر تلاتة او تلاتة ونص في الحدود ديه يلا سلام
اخذت هاتفها وسلاحها ونظارتها الشمسية ومفاتيح سيارتها وخرجت من المنزل وذهبت للمركز ابدل قصي ملابسه وارتدى بنطلون چينز ابيض وقميص اسود ورفع اكمامه وكوتشي اسود وصفف شعره ووضع من برفيومه واخذ هاتفه وهبط للاسفل وجلس مع الجميع قليلا وجائت سوزان صديقة سلمى وكارمن ابنتها دلفوا وجلسوا مع الجميع واتعرفت على مرات لوئي وفهد وعلى اولاد يحي
انجلي بإبتسامة صفراء: ايه يا كارمن مش ناوية تفرحينا بيكي بقى وتتجوزي
كارمن وهي تتعلق بذراع قصي: بحاول الاقي شخص زي قصي بس يظهر مفيش وشكلي كدة هخطف قصي منكوا
ساندي: لا معلش احنا عاوزين قصي اصلنا مبنقدرش نعيش من غيره شوفيلك حد غيره
قصي ابعد يدها عن ذراعه: انا عندي شغل عن اذنكوا فهد تعالى
ذهب فهد خلفه على المكتب وجلسوا
فهد: هي حلا عارفة حاجة
قصي: لو قصدك على انهم جايين اه اما اذا قصدك على اللي كارمن ناوية عليه واللي بتعمله لا مقولتلهاش كانت مبسوطة ورايقة الصبح محبتش اعكنن عليها واصلا لما عرفت اني مبطيقهمش شكت في الموضوع ووشها اتقلب لما قولت اسيبلهم البيت ولو كنت قولتلها كانت هتتنرفز وتزعل
فهد: طب ماهي لما تيجي وتشوف تصرفات كارمن معاك هتدايق اكتر انك مقولتلهاش احنا قلقانين على حلا علشان قلبها وهي في اي موضوع يتعلق بيك مبتتفاهمش...طب هتعمل ايه
قصي: مش عارف وقلقان وحاسس ان المشاكل والمصايب هيرفوا علينا سوزان وكارمن مش ساهلين
فهد: وفيه حاجة كمان كارمن مبتستحملش تشوف حد معاك او قريب منك وحلا مبتستحملش حد يبصلك بس مجرد نظرة إعجاب
قصي: فهد انا ميفرقش معايا كارمن تولع ولا يهمني انا كل اللي يفرق معايا مراتي حلا مبتستحملش اي حد يقرب مني وخصوصي لو بنت وكارمن مش هتسيب فرصة إلا أما تستغلها وتحاول تتقرب مني ده بالاضافة انها ممكن تدخل عليا اوضتي في اي وقت وحلا قبل كدة عرفت بالموضوع ده بس كانت ساندي اتنرفزت جامد وتعبت وقلبها تعبها انا معنديش استعداد اخسر مراتي علشان واحدة متستاهلش بس فيه مشكلة كل ما احاول اعترض او ابعد عنهم امها تعمل من الحبة قبة وكأني ارتكبت جريمة وانا مش طايقها ولا طايق بنتها ده بالاضافة انها قبل كدة حاولت توقع بين بابا وماما معرفش ايه هدفها من ده بس انا خايف انها توقع بيني وبين حلا اما صدقت اننا اتصالحنا من اخر مشكلة حلا مشكلتها مش هتقدر تسيطر على اعصابها من تصرفاتهم وهتتنرفز وهي لما بتغير بتبقى نرفزتها الضعف وده هيأثر على قلبها عاوز اخرج من البيت واخد حلا معايا ونروح بيتنا بس سوزان لو عرفت هتفتعل مشكلة علشان ترجعني هنا وفي نفس الوقت حلا هتسأل عن السبب ولو عرفت هتصر اننا نفضل هنا وانا خايف انهم يئذوها انا تعبت من كتر التفكير وحاسس اني متكتف مش عارف اعمل ايه......يارب حلها انت يارب
فهد نظر لقصي: طب ما نعمل كلنا خطة ونحاول نطفشها
قصي ضحك بسخرية: تطفش مين ده احنا اللي هنطفش وهي هتفضل لازقة بغِرة هنا
فهد: على رأيك.......بقولك ايه تعالى نعمل اي حاجة بدل ما احنا قاعدين كدة
قصي: هنعمل ايه يعني
فهد: هروح اجيب اللاب توب بتاعي وبتاعك على ما انت تكلم سمير هو مسافر بقاله بتاع ٣ او ٤ تيام اطمن عليه وشوف اخبار صفقته ولو فيه مشاكل ولا حاجة
قصي بتذكر:اه صح كويس انك فكرتني انا كنت ناسي ماشي روح انت وانا هكلمه
فهد: ابقى سلملي عليه
قصي: حاضر
اخرج هاتفه واتصل بسمير وظل يتحدث معه قليلا حتى جاء فهد واخذ منه الهاتف وقصي اشار لفهد بألا يخبره بشئ بخصوص سوزان وكارمن فتفهم الوضع ولم يخبره اطمأن عليه ثم اغلق معه وجلس هو وقصي يعملون قليلا وينجزون بعض الاعمال ظلوا بالمكتب لمدة ساعتين وهم يعملون قليلا ودلفت عليهم كارمن واقتربت من قصي ووضعت يدها على كتفه
كارمن بدلع: قصي مش معقولة حتى يوم اجازتك قاعد بتشتغل كمان وبعدين المفروض انك متسيبش ضيوفك كدة لوحدهم وتقعد معاهم
قصي وهو لا يعطيها اي اهتمام وينظر باللاب توب وازاح يدها: معلش بس انا مش فاضي ممكن تقعدي مع البنات برا ومع ماما وتيتا
كارمن بزعل ودلع: مش معقولة بقالك ساعتين قاعد بتشتغل ولسة مخلصتش هتخلص امتى وبعدين عاوزة اقعد معاك بقالي فترة مشوفتكش
قصي ببعض النرفزة: اظن اني قولتلك مش فاضي لما ابقى اخلص ابقى اقعد معاكي
فهد: كارمن ممكن تخرجي وتسيبينا نكمل شغلنا
دلفت مايا عليهم: حبيبي تحب اعملك قهوة او حاجة تشربها
فهد ابتسم لمايا: ممكن قهوة بعد اذن حبيبتي يعني
مايا ابتسمت وهي تضع يدها على كتفه: ممكن طبعا......وانت يا قصي مش عاوز تشرب حاجة
قصي: لا شكرا يا مايا
فهد بمرح: هو مبيحبش القهوة غير من ايد حلا
قصي نظر له: خليك مع مراتك وفي حالك احسنلك
مايا ضحكت بخفة: طب خلاص بقى لما تبقى تيجي حلا تبقى تعملك
كارمن بغيظ: مين حلا ديه
مايا بإستفزاز: شخص مميز عند الكل ومقارنة بيكي فأنا بقول انها احلى منك في كل حاجة
فهد: وبلاش نقولك هي ايه ومين علشان ميحصلكيش حاجة ولا تموتي فيها....حبيبتي ممكن وانتي خارجة تاخدي معاكي كارمن ومتخليش حد يدخل علينا غيرك انتي وانجلي
اومأت مايا بتفهم وجذبت كارمن من يدها خلفها وخرجت واغلقت الباب عليهم
مايا: اظن انهم مش طايقينك ولا عاوزينك فياريت متحشريش نفسك في اللي ملكيش فيه وسيبيهم يخلصوا اللي وراهم
وتركتها وذهبت للمطبخ وكارمن كانت تشتعل غضبا منها وتفكر من هي حلا وكانت تشعر بالغيرة والغضب منها قبل ان تراها وذهبت جلست مع الجميع
سوزان: مالك يا كوكو مين مزعلك
كارمن بإنزعاج: هيكون مين غير قصي
سلمى بإستغراب: قصي وقصي هيزعلك ليه
كارمن: من ساعة ما جينا وهو مقعدش معانا وقاعد في المكتب بيشتغل ولما دخلتله اتنرفز عليا وقالي ورايا شغل مهم لما ابقى اخلصه ابقى اقعد معاكي شكله مش مرحب بينا
انجلي بغيظ: والله هو مغلطش في حاجة علشان سيادتك تدايقي اوي كدة قصي مبيحبش حد يقاطعه وهو بيشتغل ومادام مسك شغل مبيسيبهوش غير لما يخلصه وهو ده طبعه ومش هيغير نفسه علشان حد
ساندي: اه ما كمان قصي مز ويتحب كدة ويتعشق زي ماهو يا بخت حلا
سوزان بإستغراب: مين حلا
سلمى: لما تيجي هعرفك عليها
ظل الجميع يتحدثون بأمور كثيرة وكارمن تجلس تنتظر قصي حتى قامت سلمى واخبرته بأن يجلس معهم قليلا واصرت عليه وهو لم يحب ان يرفض لها طلبها فخرج وجلس معهم ومن سوء حظه انه لم يظل مكان سوى بجانب كارمن فجلس بأخر الاريكة وكان هناك مسافة بينه وبين كارمن ولكن كارمن اقتربت منه كثيرا واخذت تتحدث معه وكان قصي يشعر بالضجر والضيق وكلما كارمن امسكت يده يسحبها من يدها امسك هاتفه واتصل بحلا وانتظر قليلا حتى اجابت
حلا: السلام عليكم
قصي: وعليكم السلام بتعملي ايه
حلا ابتسمت: قاعدة بشتغل هيكون ايه يعني
امان: حلا بصي على الملف ده حاسس ان ليه علاقة بالملف اللي في ايدك
حلا اخذته منه وهي تلقي نظرة عليه وعلى الذي بيدها
قصي: لو مش فاضية اكلمك في وقت تاني
حلا: لالا عادي اتصلت بيا ليه في حاجة
قصي: ابدا كنت عاوز اتطمن عليكي واعرف هترجعي امتى
حلا ابتسمت: ليه وحشتك
قصي ابتسم: اها وجدا كمان ها بقى هترجعي امتى
حلا ضحكت بخفة: لسة الظهر مأذنش وبعدين انا سيباك بقالي حوالي ٣ ساعات نقريبا او اكتر لحقت بالسرعة ديه اوحشك
قصي: عندك شك
حلا: لا معنديش عموما لما اخرج من المركز هقولك واما بخصوص امتى هرجع يعنييي على تلاتة ونص كدة
قصي: ماشي مع انه متأخر بس هنعديها
حلا ضحكت: كدة ومتأخر اومال لو قولتلك هرجع ٨ بليل او ٩ هتقول ايه
قصي: لا مش هقول بس هجيلك وافضل معاكي لحد ما تخلصي
حلا: مجنون وتعملها
قصي: طب كويس انك عارفة اني ممكن اعملها.....هسيبك بقى تخلصي شغلك بسرعة علشان ترجعيلي ها يلا عاوزة حاجة
حلا وهي تنظر بالملف وتركز به: لا
قصي بخبث: متأكدة مش عاوزة حاجة كدة ولا كدة
حلا ابتسمت: اممم لما ارجع نبقى نشوف الموضوع ده
قصي ضحك بخفة: ماشي سلام
حلا: سلام
اغلقت معه وجلست تعمل هي وامان.....اما كارمن فكانت تجلس بجانبه واستمعت لكلامه ولكنها لم تعرف من التي كان يتحدث معها ولكنها شعرت بالغضب والغيرة منها وشعرت ان قصي يهتم ببنت غيرها ولكنها نفت هذه الفكرة واخبرت نفسها بأن قصي لا يوجد بحياته فتاة غيرها
سوزان: ايه يا قصي بقى مش ناوي تفرحنا بيك
قصي نظر لها وببرود: والله اللي اعرفه ان الاهم ان انا اللي افرح مش انتوا
سوزان ابتسمت: انا اقصد مش ناوي تتجوز بقى
قصي ببرود: لا مش ناوي اتجوز
سوزان بإستغراب: ليه كدة
قصي بترقب: ملقيتش البنت اللي تستاهلني او زي ما بتقولوا البنت المناسبة
سوزان: وكار................
قاطعها رنين هاتفه وكان اخوه سمير فأستأذن وقام خرج للحديقة ليجيب ظل يتحدث قليلا مع سمير فكان يواجه بعض المشاكل واخذ يتشاور مع قصي قليلا في حل لها قليلا وخرجت له كارمن وظلت واقفة خلفه تنتظر حتى ينهي مكالمته
قصي: تمام يا سمير كدة هترجع امتى
سمير: مش عارف بفكر افضل فترة
قصي بإستغراب: مش انت يابني هتخلص الصفقة ديه بكرة وهتوقع العقود بالكتير يا بكرة يا بعده
سمير تنهد: اه بس عاوز ابعد فترة يعني زي ما تقول كدة اجازة محتاج اقعد مع نفسي شوية.....اخبار الكل عندك ايه
قصي: كويسين وبيسلموا عليك
سمير: الله يسلمهم عامل ايه دلوقتي انت وحلا
قصي: امورنا تمام بس انت متشغلش بالك بينا وارجعلنا في اسرع وقت ها علشان وحشتنا
سمير بمرح: بس انتوا موحشتونيش بإستثناء البنات
قصي ابتسم: شكرا على الندالة ديه والوطينة بس برضه وحشتنا ولو مرجعتش بسرعة هاجي انا اجيبك من قفاك
سمير ضحك: هو مين الكبير فينا بس
قصي ضحك: هو بالقانون والحسابات انت بس مشاعريا انا فها قولت ايه
سمير ابتسم: سيبها على الله
قصي: ماشي اما نشوف اخرتها شكل كلام حلا صح
سمير بإستغراب: كلام ايه
قصي بخبث: ابدا بس قالتلي قبل كدة ان يظهر في قصة حب هتخلق جديدة في البيت ده عموما مش هطول عليك علشان تخلص شغلك خلي بالك من نفسك وخليني اقولك ان حلا معاها حق والبنت تستاهل فعلا يلا سلام
اغلق قصي مع سمير وهو يبتسم وعندما جاء ليلتف كان سيصطدم بكارمن ولكنه استطاع ان يعود للخلف بأخر لحظة
قصي بغيظ: انتي بتعملي ايه هنا
كارمن: لاقيتك طولت فقولت اخرج اطمن عليك
قصي: اممم طيب
كارمن: ايه اممم طيب ديه
قصي: ليه المفروض اني اقولك ايه بحبك وحشتيني مثلا ولا ايه
كارمن: وليه لا
قصي ضحك بسخرية: وليه اه وبصفتك ايه هقولك كدة....بصي يا كارمن انتي هنا لمدة وبعدين هتمشي فياريت نبطل بقى الحركات ديه والتصرفات ديه علشان متحصلش مشاكل وانا سبق وقولتلك انا مبحبكيش ومش هحبك
كارمن اقتربت منه وحاوطت عنقه: ولو خليتك تحبني
قصي ابتسم بسخرية وامسك يدها انزلها وابعدها عنه: متحلميش لان ده مستحيل انه يتحقق ولو مشلتنيش من دماغك ساعتها انا اللي هجبرك تشيليني من دماغك
وذهب وتركها ولم يعطي لها فرصة للتحدث كارمن شعرت بالغضب والانزعاج ولكنها اصرت على ما تفكر به واردفت بغيظ وعينيها تشتعل من الغضب وكأن النيران تخرج منهما: هتكون ليا يا قصي واوعدك مش هخليك تكون لغيري حتى لو اضطريت اقتل اي حد يفكر فيك مجرد تفكير علشان انت ليا انا وبس
قليلا ودلفت جلست معهم وبجانب قصي مرت حوالي اربع ساعات وسلمى اخبرت الخدم بأن يجهزون الغداء اصدر هاتف قصي عن وصول رسالة وكانت من حلا تخبره انها خرجت من المركز وانها متجهة للمنزل وانها في خلال دقائق ستكون بالمنزل
ساندي بغيظ: هي حلا فين تيجي تدي البت ديه كلمتين في جنابها اتأخرت ليه
انجلي: ونبي ياختي ما اعرف ما تتصلي بيها كدة نشوفها فين
اتصلت بها ساندي: الو حلول انتي فين
حلا: السلام عليكم
ساندي: وعليكم السلام انتي فين بقى
حلا: جاية في الطريق قدامي ١٠ دقايق او ١٥ دقيقة بالكتير وهكون عندكوا ليه في حاجة
ساندي: لا بس لاقيتك اتأخرتي فقولت اطمن هترجعي امتى وكمان علشان تتغدي معانا مش كفاية مفطرتيش معانا
حلا ابتسمت: طيب ياختي انا جاية اهو يلا سلام
اغلقت مع ساندي
انجلي نظرت لساندي بقلق: هو انا ليه مش مطمن
ساندي: ولا انا بس احنا مع حلا وقصي ومش هنسمح للحرباية ديه والعقربة بنتها يوقعوا بينهم
رقية: وانا معاكوا
إيلين: وانا كمان
جميلة: بصوا احنا كلنا معاكوا بس هنعمل ايه
ساندي بقلق: ماهي ديه المشكلة مش عارفين هنعمل ايه
آسر: نفسي حد يعلمني ازاي اعمل بوق سمكة
نسمة: نفسي افهم لحد امتى هتفضل تافه
انجلي بعدم فهم: مش فاهمة بوق سمكة ازاي رسم يعني
آسر: لا فيه بنات لما يجوا يتصوروا بيعملوا بوق سمكة ازاي هموت واعرف بتتعمل ازاي مين فيكوا بيعرف يعملها يعلمهالي
مها ضحكت بخفة: وانت عاوز تتعلمها ليه
آسر: عادي اهو نتعلم حاجة من اللي البنات بيعملوها
مايا: حلا بس اللي تقريبا بتعرف تعملها
جميلة ابتسمت: اه وبتعملها حلو اوي زي السمكة بالظبط وبتبقى مزة
مايا: قصدك مغرية
ضربتها جميلة على كتفها بقوة: ديه لو سمعتك هتشعلقك
قليلا وحلا وصلت للمنزل ودلفت على الجميع
حلا: السلام عليكم
الجميع: وعليكم السلام
فاطمة: حمد لله على السلامة يا حلول
حلا ابتسمت: الله يسلمك يا تيتا
مها: مالك يا حلا انتي كويسة
حلا بتعب: اه يا ماما بس يمكن ضغطي عالي شوية
عفاف بإستغراب: انتي اتنرفزتي
حلا بنرفزة: وهو اللي عنده واحد زي امان ميتنرفزش ودمه يتحرق
آسر وقف امامها: خلاص انا هفرفشك بس تعلميني الاول ازاي بتعملوا بوق السمكة
حلا ضحكت بخفة: وانت عاوز تتعلمها ليه
آسر: وانتي مالك ها هتعلميني ولا
حلا: ماشي بس مش دلوقتي
آسر: لا دلوقتي
حلا: آسر انا راجعة تعبانة ودماغي هتنفجر انزل من فوق دماغي
آسر: اه بس لو حبيب القلب طلب هتعملي حتى لو بتموتي
حلا ابتسمت: لا حول ولا قوة إلا بالله هو انت ومايا متغاظين منه ليه ان مكانتش مايا يبقى انت وان مكونتش انت يبقى مايا ما تشيلوه من دماغكوا بقى
مايا بغيظ: لا مش هنشيله من دماغنا لانه واخد الحب كله والحنية كلها وحتى الغُنى بتغنيله هو وبس
ساندي: ما ده طبيعي يعني واحد مز زي قصي كدة ميتحبش ليه وليه يعني ميتغنيلوش
كارمن: معاكي حق يا ساندي قصي يستاهل كل الحب والغُنى والرومانسية
حلا نظرت لها بغيظ ولاحظت انها تجلس ملتصقة بقصي كثيرا وقصي ينظر بهاتفه ولا يعيرها اي اهتمام
حلا بغيظ: ما تقومي تقعدي في حضنه احسن
الجميع نظروا لحلا بصدمة ومن جرائتها
كارمن بغيظ: افندم
حلا بهدوء: اصل لاقيتك لازقة فيه فقولت يمكن تكوني مش مرتاحة لو تحبي ممكن تقعدي على رجليه وفي حضنه يمكن ترتاحي اكتر
كارمن بغيظ: انتي مين سمحلك تتكلمي معايا بالطريقة ديه
حلا ابتسمت بسخرية: والله انتي اللي سمحتيلي هما اهلك معلموكيش انك لما تبقي قاعدة جنب راجل غريب لازم يكون فيه مسافة بينكوا وحدود في التعامل ولا انتي اول مرة تيجي على الدنيا ولا انتوا كلكوا بتتعاملوا مع الرجالة كدة
سوزان وقفت بغضب: انتي مين وازاي تتكلمي مع بنتي بقلة الذوق ديه ولا انتي اهلك معرفوش يربوكي
حلا نظرت لها بغضب واقتربت منها بهدوء واردفت بنبرة هادئة: حضرتك تعرفيني علشان تقولي عني قليلة الذوق وبصراحة انتوا لحد دلوقتي مشوفتوش قلة ذوق لاني لحد دلوقتي بتعامل معاكوا بذوق واما بخصوص اهلي يستحسن ان سيرتهم متجيش على لسانك لانهم ربوني تربية انتي متقدريش تربي ربعها لبنتك وانا لحد دلوقتي ضمن حدودوي ومتعدتهاش بس لو ملمتيش بنتك وخلتيها تحترم نفسها ساعتها انا هعرف اعيدلك تربيتها من اول وجديد
سوزان بغضب: مين انتي علشان واقفة تتكلمي معايا بالطريقة البيئة ديه
حلا ضحكت بسخرية: شكلك مبتعرفيش تفرقي ما بين الطريقة البيئة والطريقة الشيك بس لو حابة ممكن اوريكي الطريقة البيئة عندي بس يستحسن متظهرش علشان ساعتها معرفش كرامة بنتك ممكن تروح فين ده بالاضافة ان كلامي في الاخلاق والشرف حامي وجارح مش هتستحملوه
سلمى منقذة الموقف: ا...ااااا....اهدوا يا جماعة مش كدة سوزان ديه حلا بنت يحي ومها وهي زي بنتي ومرات ابني حلا ديه سوزان صديقتي وديه كارمن بنتها
حلا نظرت لسلمى: طب يا ماما علمي بنت صديقتك شوية من القيم والمبادئ لان شكلها متعرفش يعني ايه قيم ومبادئ
انجلي: حلول تعالي عاوزاكي
القت حلا نظرة على سوزان ومن ثم التفت وجلست بجانب انجلي والجهة الاخرى كانت تجلس بجانبها ساندي
انجلي بهمس: ممكن تهدي شوية علشان قلبك مش كدة
حلا بغيظ ونرفزة وهمس: انا لحد دلوقتي هادية بس دقيقتين وهتشوفوا حلا تانية خالص لو الزفتة ديه ملميتش نفسها
جلست كارمن كماا كانت بالبداية ولم تهتم بكلام حلا وامسكت يد قصي اكثر من مرة وحلا رأتها التفت وهمست لانجلي: قومي اقعدي جنب قصي وابعدي عنه الهانم بدل ما اقوم انا واولعلوكوا فيها وفي امها
انجلي ضحكت بخفة: طب ما تقومي انتي
حلا: انا مش طايقة امها ولو قعدت قدامها هتحول ومش هبقى حلا المحترمة الكيوت اللي انتوا عارفينها انا عاملة احترام لحماتي بس مش اكتر لولا كدة اقسم بالله ما هيهمني حد وامسح بكرامتهم الارض هما الاتنين واطردهم من البيت قومي
انجلي بقلق: لا خلاص خلاص قلبك ابيض هقوم قامت انجلي وجلست بجانب قصي وبالمنتصف بينه وبين كارمن وحاوطت ذراع قصي وتظاهرت بأنها تخبره بشئ مهم حيث انخفضت على اذنه وهمست كارمن شعرت بالغضب والغيظ من انجلي ولكنها حاولت ان تتمالك اعصابها
انجلي بهمس لقصي: بقولك ايه اتصرف في الزفتة اللي اسمها كارمن علشان حلا على اخرها بدل ما تحصل مشكلة بينك وبينها تاني
قصي همس لها: طب ونبي انا ما عارف اعمل معاها ايه كلمتها بالذوق وقولتلها تبعد عني ومع ذلك مفيش فايدة
انجلي بغيظ: انا مش عارفة ماما بتحبهم على نيلة ايه
قصي: ولا انا عارف على ايه بتحبهم
جلس آسر بجانب حلا: حلول....يا حلول.....يا حلالي
قصي نظر له بغيظ فهو فقط من يناديها بهذا اللقب ولا يحب ان يناديها شخص اخر به
حلا نظرت لآسر: يا نعم
آسر: تيجي نتصور
حلا: شكلك رايق على الاخر
آسر ابتسم وغمز لها: اها وهروقك انت كمان وبعدين بقالنا فترة متصورناش فاكرة زمان لما كنا بنتصور صور مجنونة
حلا ابتسمت بخفة: اه بس ده لما كنت رايقة انا حاليا مش رايقة فبلاش
آسر اخرج هاتفه: لا هنتصور يلا
ساندي: ممكن اتصور انا كمان معاكوا
حلا: مالكوا انتوا الجوز وبمناسبة ايه عاوزين تتصوروا كدة فجأة
ساندي: عادي يا حلول بنتصور عادي يلا يا آسر
آسر اخرج هاتفه واخذوا يلتقطون القليل من الصور
آسر: حلول تعالي ناخد صورة وانتي عاملة بوق السمكة
حلا: يادي بوق السمكة اللي صدعتني بيه
آسر: يلا بس
نفذت حلا طلبه فنظر لها آسر بصدمة فحلا استغربت نظرته
حلا: مالك في ايه بتبصلي كدة ليه
آسر بصدمة: ايه الاغراء ده وايه الحلاوة ديه هو انتي بتحلوي لما تعملي بوق السمكة ولا ايه
حلا ضحكت بشدة على كلامه: لا انا من يوم يومي حلوة في كل حالاتي بس انت اللي دماغك شمال
آسر: والله طب لحظة قصي اللي هيحكم انت ايه رأيك يا قصي
قصي بغيظ: انا رأيي تخليك في نفسك وملكش دعوة بيها
حلا ابتسمت لقصي ونظرت له بحب كارمن لاحظت انزعاج قصي على حلا من آسر ونظرات حلا لقصي فإنزعجت كثيرا
انجلي: لا بس آسر معاه حق انت مش عاوز تقول ليه انها حلوة بزيادة
قصي: انا حُر مليش مزاج اقول وانا قولت خليك بعيد عنها احسنلك يا آسر بدل ما اعمل فيك زي قبل كدة
آسر وضع يده على وجهه: لا وعلى ايه الطيب احسن
جائت ساجدة: الغدا جاهز يا مدام سلمى
اومأت سلمى بالموافقة: يلا يا جماعة علشان نتغدى
الجميع قام واتجهوا لغرفة السفرة ولكن حلا جائها تليفون فخرجت للحديقة تحدثت ثم دلفت لغرفة السفرة كانت كارمن تجلس بمكان حلا بجانب قصي فشعرت حلا بالغضب
حلا بهدوء عكس ما بداخلها: كارمن ممكن تقومي
كارمن التفت لها: ليه بقى ان شاء الله
حلا ابتسمت ابتسامة صفراء: علشان اقعد لانك قاعدة في مكاني
كارمن: اظن الكرسي مش عليه اسمك وبعدين انا متعودة اقعد جنب قصي
حلا رفعت احدى حاجبيها بغيظ وعقدت ذراعيها امام صدرها ونظرت لقصي: شكل القعدة عجباك قصي
كارمن تعلقت بذراعه: اه جدا
قصي نظر لها بصدمة وكان قصي سيتحدث ولكن اشارت له سلمى بألا يتحدث فصمت وحلا استشاطت غضبا وانزعجت من صمته هذا
سلمى: حلا اقعدي يلا علشان ناكل
حلا بإنزعاج: لا كُلوا انت بالهنا والشفا
فاطمة: لا هتقعدي تاكلي معانا كفاية انك مفطرتيش معانا وخرجتي وانا متأكدة انك من الصبح علىلحم بطنك ومأكلتيش ومحدش هياكل غير لما تاكلي
حلا: لا متقلقيش يا تيتا انا اصلا مش جعانة كُلوا انتوا
كان قصي سيتحدث لولا ان قاطعه صراخ حلا عندما جذبها آسر من ذراعها اليسار
حلا: ااااه يا آسر كتفي واجعني براحة
آسر ترك يدها وجلس: اقعدي يلا علشان ناكل
حلا: انا مش جعانة كُلوا انتوا
وجائت لتذهب امسكها آسر من خصرها وجذرها لتسقط على قدميه وهذا التصرف ازعج قصي كثيرا وشعر بأن نيران الغيرة تأكله
آسر: هتاكلي بالذوق ولا أأكلك بالعافية
حلا وهي تحاول ان تقوم: يا عم انا مش عايزة اكُل اوعى بقى
آسر احكم ذراعه حول خصرها: لا مش هتقومي غير لما تاكلي
حلا: انا مش عاوزة اك.........
قبل ان تكمل جملتها وضع آسر بفمها لقمة من الطعام بالقوة نظرت له حلا بغيظ وغضب اعدلها آسر لتجلس على قدمه بإرتياح وإعتدال
آسر: هتاكلي يعني هتاكلي ومفيش اعتراض ابلعي يلا
بلعت حلا بغيظ وقبل ان تردف بحرف واحد وضع آسر بفمها لقمة اخرى
آسر ابتسم: ابقي اتخانقي معايا بعد ما ناكُل....وبعدين فاكرة ايام زمان لما كُنتي انتي اللي بتأكليني بإيدك انا هأكلك وانتي هتأكليني ولو مكلتيش انا مش هاكل
واخذ آسر يطعمها والجميع جلسوا يأكلون وهم ينظرون لهم وقصي يشعر بالغضب
حلا: طب سيبني بقى هقعد وهاكل
آسر: لا معلش انا كدة مرتاح....من غير اعتراض هتاكلي وانا اللي هأكلك
حلا: طب وانت مش هتاكل
آسر: ابقي اكليني بقى لما أأكلك
حلا خلعت البليزر ورفعت اكمام قميصها واخذت تطعمه وجلس يمزح معها ويهمس بأذنها وهي تضحك
آسر بهمس: حلول هي فريدة مش هتيجي تاني
حلا بإستغراب: لا هتيجي ان شاء الله ليه
آسر بتوتر: لا عادي بسأل بس لان بقالها كام يوم مجتش
حلا: اه ما إياد واخد اجازة علشان يقضي معاها شوية وقت ويخرجوا مع بعض
اومأ آسر بتفهم ثم شعر بأن حلا تشعر بالتعب
آسر بترقب: حلا انتي اخدتي مخدرك
حلا هزت رأسها بالنفي
شاهر كان يجلس بجانبهم وسمعهم وبهمس ونرفزة: انتي متخلفة يا حلا مش قولتلك مليون مرة مينفعش متاخديهوش
احمد رأهم: شاهر فيه حاجة
شاهر نظر له: ها لا يا عمي كله تمام بس كنت بقول لحلا على حاجة بخصوص انها لازم تعمل فحوصات طبية بقالها فترة معملتهاش
حلا: ومش هعملها وانزل من على دماغي بقى
احمد: بس مينفعش يا حلا لازم تعمليها
حلا: يا بابا انا ادرى بنفسي وعارفة انا فيا ايه مش محتاجة فحوصات
قصي: مش هينفع يا حلا بكرة هبقى اخدك ونروح وتعملي الفحوصات اللي شاهر طلبها
حلا بغيظ ونرفزة: اظن ده قراري وانا اللي احدد اروح ولا لا مش انت وانا قولت مش هعمل فحوصات يعني مش هعمل.....انا شبعت الف صحة وهنا على قلبكم
وقامت خرجت والجميع ينظر لقصي بقلق قصي شعر بالغضب من كلامها وتصرفها اكثر مما كان يشعر بالبداية لدرجة انه ضغط على كأسه الذي به ماء حتى انكسر بيده ويده اتجرحت وقبل ان تتحدث كارمن قام وخرج وهو يشعر بالغضب رأى حلا وهي تدلف للحمام لتغسل يدها فإتجه للحمام خلفها ودلف بهدوء واغلق الباب من الداخل كانت حلا تغسل وجهها فلم تراه ولم تشعر به عندما انتهت اخذت المنشفة وجففت وجهها ويدها قصي اقترب منها ووقف خلفها حلا التفت وهي تجفف وجهها اصطدمت بقصي وارتدت للخلف وقدمها التوت وكانت ستقع امسكت بقميص قصي بقوة فإنفتح اول ازرار من قميصه وقصي امسكها من خصرها قبل ان تقع
حلا بإستغراب وانزعاج: انت.....انت دخلت امتى
قامت وقفت بإعتدال وابتعدت عنه
قصي: اومال كنتي متوقعة مين يعني آسر مثلا
حلا نظرت له بغيظ: لا لا انت ولا آسر اوعى من وشي
وجائت لتتفاداه ولكن قصي وقف بوجهها
قصي بغيظ: ممكن افهم ايه اللي انتي عملتيه جوا ده
حلا بغيظ: ايه عملت ايه معملتش حاجة على الاقل مقعدتش جنب شخص غريب واديته الفرصة انه يرد على جوزي لا وكمان اديتله الفرصة انه يتقرب مني ويرد عني وانا فضلت ساكتة ومفتحتش بوقي بحرف
قصي بغضب: ولانك لاقيتيني ساكت قعدتي على رجل آسر وقعدتي تهزري وتضحكي معاه لا وكمان كنتي بتأكليه بإيديكي وهو بيأكلك
حلا بغضب: بس على الاقل معملش زيك وفضل ساكت لما عرف اني مش هاكل وهو عارف اني مأكلتش من الصبح ومحرقش دمي زي ما انت عملت وكان حريص على اني اكُل.......على الاقل ده اخويا مش راجل غريب لما ابقى اقرب من راجل غريب يبقى ليك الحق تيجي تحاسبني غير كدة لا
قصي بغضب مفرط: حلاااا
حلا بغيظ: انا بقول تروح للسنيورة قبل ما تخلل وانت هنا لانها اكيد متقدرش على بعدك
قصي وهو يحاول ان يتمالك اعصابه وهو في قمة غضبه: حلا خلاص كفاية
حلا بغيظ: انت مش كلمتني مقولتليش ليه اجيبلك المأذون معايا علشان اجوزكوا ونبل الشربات اكمن القعدة كانت عجباك اوي برا سواء في الصالون او على الاكل لو تحب ممكن اخلي فهد يكلم المأذون اللي جوزنا يجي علشان تتجوز انت وكارمن
قصي امسكها من ذراعها اليسار ووضع يده على فمها اقترب منها كثيرا وهي ظلت تعود للخلف حتى التصقت بالحائط
قصي بغضب: حلا انتي بدأتي تتعدي حدودك وانا مسمحلكيش فياريت تسكتي احسن ما يبقى ده نهاية اللي ما بينا
حلا دفعته بقوة بعيدا عنها وبغضب شديد: وهو انت خليت فيها حدود استاذ قصي احمد الشناوي ولو عاوز تنهي اتفضل اصلا مبقاش يفرق معايا بقيت اتوقع كل تصرفاتك واللي تجرحني بالذات وتدايقني ولو حاسس نفسك مش عارف تاخد راحتك مع الهانم لانك مرتبط بيا فأنا بحررك من الارتباط ده تقدر تاخد راحتك مع اي حد اعتبرني مُت مش موجودة
جائت لتخرج بعد ان القت كلامها الذي جرح قصي وجعله يستشيط غضبا التف قصي وجذبها من ذراعها اليسار ومن ثم امسكها من ياقة قميصها وجذبها بقوة له وهنا انفتحت بعض الازرار من قميصها وامسك وجهها والتهم شفتيها واخذ يقبلها بقوة وغضب لكي يفضي شحنة غضبه ويمتص غضبها ايضا حلا ظلت تدفعه ليبتعد عنها ولكنه لم يبتعد حاوط بذراعيه خصرها وجذبها له اكثر وتعمق بقبلته اكثر حاولت حلا ابعاده وهي تدفعه وتعود للخلف ولكنه لم يستجب لها ظلت تعود الخلف حتى التصق ظهرها بالحائط وكلما حاولت ابعاده كان يفعل نفس الشئ ويقربها له اكثر ظل يقبلها بقوة حتى استسلمت له ولفت ذراعيها حول عنقه وتعلقت به عندما رأها قصي استسلمت هدأ قليلا ومن ثم ابتعد ولكنه الصق جبينه بجبينها وهنا هبطت دموع حلا على وجنتيها
قصي مد يده وامسك وجهها بين يديه ليمسح دموعها واردف بحب وندم: انا اسف لاني جرحتك بكلامي وتصرفي بس انا سكت لان ماما طلبت مني ده كنت هتكلم بس ماما منعتني انا اسف بس انتي كمان نرفزتيني يا حلا بردك عليا وتصرفاتك مع آسر وكمان بعصبيتك دلوقتي
ابعدت حلا يده عن وجهها ودفعته بعيد عنها: بس انا كنت اقصد كل كلمة قولتها قصي وانا بحررك من الارتباط ده وانت حُر من انهاردة وديه حياتك اعمل اللي انت عايزه
قصي بهدوء ممزوج بالقليل من الغيظ: تمام بما اني حُر وديه حياتي فاللي انا عاوزه هعمله
وضع قصي يده اسفل مؤخرة رأسها وجذبها والتهم شفتيها في قبلة وحاوط خصرها ليمنعها من التحرك حلا لم تقاومه فكان قلبها يؤلمها بشدة وكانت تشعر بالدوار وترنحت ولكن قصي ضغط على خصرها وابتعد عنها
قصي بقلق: حلا انتي كويسة
حلا كانت تغلق عينيها بقوة قصي راقب تنفسها رأهه غير منتظم
قصي: حلا انتي اخدتي المخدر
هزت حلا رأسها بالنفي ولم تحملها قدمها فسقطت على الارض وقصي سقط معها
قصي بقلق: حلا....حلا حاولي تتنفسي....حلا
تذكر كلامها يوم زفاف مايا عندما تعبت وقالت له انها عندما تشعر بالتعب وبألم في قلبها وهو عانقها تشعر بتحسن عندما تستنشق عطره وتشعر بقربه وتذكر كلام مايا انها كانت عندما تراها متعبة وقلبها يؤلمها تستنشق عطر قصي قليلا قصي نظر لها وعانقها ودفن وجهها بصدره لتستنشق عطره حتى تتحسن وعانقها بقوة وخوف وقلق
قصي: حلا اهدي ابوس ايدك علشان خاطري العصبية غلط على قلبك وانتي كمان مش واخدة العلاج حلا......اهدي وانا هعملك اللي انتي عاوزاه بس اهدي
حلا حاولت ان تنظم تنفسها قليلا وهدأت عندما قصي عانقها ظلوا هكذا قليلا حتى ابتعدت حلا عنه
قصي بقلق: انتي كويسة
اومأت حلا بالموافقة ولكن كانت تشعر بألم في قلبها
قصي امسك يدها وبحب: ممكن نتكلم بس بهدوء
حلا نظرت له وبجدية وصرامة: عاوزة اعرف مين كارمن وعاوزة منك ايه وايه اللي اداها الحق تتكلم معايا كدة وتتقرب منك بالشكل ده
قصي نظر لها بقلق وخوف وحب: طب اهدي واوعدك هقولك كل حاجة بس نطلع اوضتنا تاخدي علاجك الاول وترتاحي وبعدين نتكلم
حلا بإصرار: لا عاوزة اعرف دلوقتي وإلا هسيبلكوا البيت والبلد كلها كمان ومش هخليكوا تعرفولي طريق زي قبل كدة
قصي: حلا انتي تعبانة علشان خاطري خلينا طب نطلع اوضتنا نتكلم فوق
حلا: اظن كلامي واضح هتقولي دلوقتي كل اللي انت مخبيه عني من الصبح واللي انت قلقان بسببه وتصرفات الزفتة ديه دلوقتي قصي هتحكيلي وتشرحلي كل حاجة
قصي نظر لها قليلا ولم يستطع ان يقنعها فتنهد بحرارة: بُصي هو انا كل اللي اعرفه ان كارمن وامها مش ساهلين وقبل كدة مامتها سببت مشكلة بين بابا وماما وكانوا هيتطلقوا بسبب المشكلة ديه وامها عاوزة تجوزني كارمن و............
حلا بترقب: وكارمن ايه موقفها
قصي نظر لها بترقب: يعني...كارمن...موافقة وقبل كدة...يعني دخلت عليا اوضتي...وحاولت تتقرب مني ولما منعتها قالتلي انها بتحبني...واني لو مكونتش ليها مش هكون لغيرها...واظن انها مش هتشلني من دماغها
حلا بغيظ: وامها معرفتش
قصي: لا عرفت ولما عرفت جت تركبني انا الغلط واني جرحت بنتها وحاولت تفتعل مشكلة بس معرفتش لاني كنت بصدها وقولتلها انها لو حاولت تعمل مشكلة هقول للكل الحقيقة واللي بنتها حاولت تعمله فسكتت بس يظهر انها رجعت تاني والمرادي مش هتخرج غير لما اتجوز بنتها وده مستحيل يحصل وان محصلش ممكن تعمل مشاكل كتير
حلا بغضب: وازاي ماما سلمى توافق تدخلهم البيت تاني بعد كل حاجة حصلت
قصي: ماما متعرفش انها السبب وكمان مبتستحملش عليها حرف وواثقة فيها جدا وانها هي وبنتها محترمين وتصرفات بنتها ديه لانها بتحبني وكارمن بتتنرفز من اي حد يتكلم عني او يقرب مني حتى لو انجلي فبالنسبة لماما هما مبيعملوش حاجة غلط
حلا وقفت وبغضب: يبقى لازم تعرف حقيقتهم وانا اللي هعرفهلها ويطردوا من البيت علشان يعرفوا ان الله حق
جائت لتخرج ولكن قصي امسكها وجذبها له
قصي: حلا ممكن تهدي سوزان مش سهلة ومش بالسهولة ديه حتى لو خرجتي وقولتي الحقيقة هتنكرها وكمان متنسيش ان اللي انا حكيتهولك ده من قبل ما انتي تظهري في حياتي تاني ونتجوز فسهل انها تتهمك بإنك بتتبلي عليها ولو انا قولت الحقيقة ماما مش هتصدقني بمعنى لازم يكون معانا دليل ضدها قوي علشان نقول لماما حقيقتها حلا علشان خاطري اهدي كدة غلط على قلبك
حلا بغضب: يعني ايه.....المفروض اني اسكت واتحمل تصرفاتها هي وبنتها ومقولش حاجة ومعترضش
قصي اومأ بالموافقة: اه لحد بس ما نلاقي دليل ضدها
حلا بغضب شديد: قصي انت واعي للي بتقوله ازاي عايزني استحمل بنتها وهي بتبصلك بحب وبتفكر فيك ودايما بتتقرب منك اسفة مش هقدر استحمل ده
قصي عانقها: حبيبتي لازم تكوني واثقة فيا شوية
حلا ابتعدت عنه: قصي انا واثقة فيك بس مش واثقة فيهم وخصوصي كارمن وانت بتطلب مني حاجة مش بإيدي ومش هقدر استحمل كل ده حط نفسك مكاني لو راجل غريب عمل معايا زي ما كارمن بتعمل معاك ايه هيكون موقفك هتقدر تستحمل انت حتى مش مستحمل اخويا في الرضاعة اللي ميجوزليش اصلا علشان تستحمل راجل غريب
قصي امسك وجهها: حلا انا مبحبش غيرك وقلبي مش هيدق غير ليكي مكنش فيه قبلك ولا هيكون فيه بعدك انا بحبك حلا وواحدة زي كارمن مش هتقدر تخليني احبها حاولت قبل كدة ومنجحتش لاني وقتها كنت بحبك انا عيشت عشر سنين مبحبش حد غيرك ولا كنت عاوز حد غيرك واسمي كنت فاقد الامل اني اشوفك في يوم من الايام فمتتوقعيش ان بعد ما بقيتي مراتي كارمن ممكن تنجح في اللي هي عاوزة تعمله وانها هتخليني احبها لا عاوزك تكوني واثقة اني مش هكون غير ليكي واني ملكك انتي وبس
حلا: بس يا قصي انا...........
عانقها قصي: عارف انه صعب بس حلا علشان خاطري حاولي متركزيش معاهم وتدققي على تصرفاتهم مش علشان حد علشان قلبك وعلشان متتعبيش بليز حبيبتي علشان صحتك مش اكتر عارف انه صعب عليكي بس معلش هي فترة وهتعدي وكدة كدة البنات دايما بيصدوها بالكلام
ابتعد عنها وامسك وجهها
حلا بحب: انا اسفة بس مش هقدر قصي انا اسفة
قصي نظر لها قليلا: طب خلاص اتكلمي واعملي كل حاجة بس ممنوع انك تتعصبي وتتنرفزي علشان قلبك
حلا: مأوعدكش بس هحاول
قصي ابتسم وطبع قبلة على جبينها ومن ثم اغلق لها ازرار قميصها ومن ثم خطف من شفتيها قبلة سريعة
قصي: اطلعي دلوقتي على الاوضة خدي المخدر وارتاحي شوية
حلا بغيظ: واسيبك مع كارمن علشان تاخد راحتها
قصي عانقها: حلا كفاية عصبية ونرفزة قلبك مش مستحمل حلا علشان خاطر ربنا طيب كفاية اطلعي ارتاحي شوية وبعدين انزلي
حلا: بس.........
قصي بجدية: حلا لو معملتيش كدة هزعل منك مش كفاية انك خرجتي من غير ما تفطري ومأكلتيش حاجة برا وكمان مأخدتيش علاجك انتي مهملة جدا في حق نفسك ليه يلا اطلعي خدي مخدرك ولما تحسي انك كويسة انزلي
خرجت حلا دون ان تنطق بحرف فهي تشعر بالغضب الشديد وعندما اتجهت للدرج لتصعد رأت كارمن وهي تقف بجانب الدرج نظرت لها بغضب شديد ومن ثم اكملت سيرها واصطدمت بها بكتفها بقوة قصدا وصعدت على غرفتها وهي تشعر بألم شديد بقلبها وتحاول ان تسيطر على نرفزتها ولكنها لم تستطع انجلي وآسر رأوها عندما خرجت من الحمام وانصدموا قليلا وقصي خرج ايضا من الحمام انجلي وآسر تقدموا منه
انجلي: هي حلا مالها خارجة على اخرها وانت كنت بتعمل ايه جوا معاها
قصي تنهد: اتكلمنا شوية
انجلي بترقب وقلق: قصدك انك عرفتها كل حاجة بخصوص سوزان وبنتها
قصي: اه
آسر: علشان كدة على اخرها
قصي اومأ بالموافقة: انجلي اطلعي خليكي معاها وخليها تاخد المخدر لانها تعبانة وكمان متنرفزة جامد حاولي تهديها
اومأت انجلي بتفهم: حاضر بس ظبط قميص واقفل ازراره
نظر قصي لملابسه واغلق ازراره وصعدت انجلي لغرفة حلا وآسر صعد معها كارمن كانت تقف بعيدا ولاحظت ان حلا وقصي كانوا بحمام واحد ولكنها لم تسمع كلام قصي فشعرت بالغضب والغيظ الشديد من حلا.......في الاعلى وقفت حلا بمنتصف الغرفة تحاول ان تسيطر على غضبها واخذ صدرها يعلو ويهبط من شدة الغضب ووجهها احمر بشدة وتنفسها غير منتظم دلفت عليها انجلي وخلفها آسر
انجلي: حلا ا.........
حلا ولم تلتفت لها وبنرفزة: انجلي اطلعي برا وسيبيني لوحدي
انجلي: بس يا حلا انتي تع.........
حلا بعصبية وصوت عالي: قولتلك اطلعي مش عاوزة حد سيبوني لوحدي
آسر ضغط على يد انجلي واومأ لها بالموافقة واتجه للباب واغلقه وعاد وقف بجانب انجلي واشار لها بألا تتحدث ووقفوا بعيد عن حلا حتى لا تراهم حلا اغمضت عينيها ومسحت على وجهها بقوة ولكنها تذكرت كلام قصي وما تحاول فعله كارمن فلم تستطع التحمل ظلت تكسر بكل شئ امامها وهي تصرخ وكانت على وشك ان تجرح يدها هجم عليها آسر من الخلف وعانقها وامسك يدها بقوة وقيد حركتها
آسر بعصبية: انتي محنونة هتجرحي ايدك حلا اهدي كدة غلط على قلبك حلااااا
حلا بعصبية: ابعد عني آسررر.....بقولك سيبني
حاولت ان تفك يده وهي تشعر بالغضب الشديد
حلا صرخت به: سيبنييييييي
آسر بغضب: لا مش هسيبك عاوزاني اسيبك علشان تئذي نفسك لا وبقولك اهدي وإلا هجيب شاهر يديكي حقنة مهدئ اهدي قلبك مش مستحمل كدة غلط ناوية تموتي نفسك
حلا بعصبية مفرطة: آسر اطلع برا وسيبني اوعىىىىىى
آسر ترك يدها ولفها له وامسك يدها وقيدها: تمام هسيبك بشرط مش انتي متنرفزة انزلي فيا ضرب فِشي غلك فيا انما في الازاز والمرايات لا
حلا وهي تحاول فك يدها من يده بعصبية: ملكش دعوة انا حُرا ان شاالله حتى اموت نفسي اوعىىىىىىى
عانقها آسر بقوة ودموعه تهبط على وجنتيه: حلا ابوس ايدك اهدي قلبك نبضاته عالية وتنفسك مش منتظم كدة هيجرالك حاجة ابوس ايدك كفاية حلا
حاولت حلا ان تبعده ومازالت عصبيتها كما هي ولكن فجأة شعر بها تترنح وقدمها لا تحملها وبهدوء غير طبيعي ابعدها عنه ليرى وجهها رأى وجهها شاحب بشدة ولا تستطع التنفس
آسر بصراخ: انجلي هاتيلي المخدر بتاعها بسرعة.....حلا.....حلا حاولي تتنفسي حلاااا
صرخ بها عندما سقطت على الارض وهي مثل الجثة وتأخذ انفاسها بصعوبة بالغة انجلي جلبت المخدر وعبته بسرنجة واعطتها لآسر وآسر اعطاها لحلا بذراعها اليسار وانجلي جلست بجانبها تبكي على حالتها آسر رفع رأسها واخذ يملس على شعرها بحب وحنان
آسر بدموع: حلا ابوس ايدك اهدي قلبك مش مستحمل وانتي مش واخدة العلاج حاولي تتنفسي
اغمضت حلا عينيها بقوة وألم عانقها آسر واخذ يملس على شعرها وظهرها بحنان وحب ظلوا قليلا هكذا حتى ابتعدت حلا عنه وجلست بإعتدال
انجلي: حلا حاسة بإيه دلوقتي
حلا بصوت مبحوح ومتعب: انا كويسة يا انجلي
آسر: اكيد
حلا: اه
آسر: طب ارتاحي شوية
حلا: لا دماغي هتنفجر هنزل اعمل قهوة لاني مش هعرف انام
انجلي: طيب خليكي وانا هنزل اعملهالك
حلا: لا هنزل انا كمان
قامت حلا وخرجت من الغرفة خرجت خلفها انجلي وخلفهم آسر..........قصي كان يجلس شعر بالقلق على حلا فلم تظهر انجلي ولا آسر فقام صعد للاعلى وكان سيتجه لغرفته شعر بشخص يجذبه من ذراعه وكانت كارمن
قصي بغضب: انتي ايه اللي انتي بتعمليه ده سيبي ايدي
كارمن بغضب: لا مش هسيبك غير لما تقولي كنت بتعمل ايه انت وحلا في الحمام
قصي سحب يدها منه بغضب: اظن حياتي الشخصية انتي ملكيش تدخلي فيها وملكيش اي الحق تحاسبيني على تصرفاتي فإلزمي حدودك معايا
جاء ليمشي ولكن جذبته من يده بقوة
كارمن بغضب شديد: مش هتمشي غير لما تقولي حلا كانت معاك بتعمل ايه وإلا هنزل اقول للكل انكوا كنتوا في الحمام مع بعض والله واعلم كنتوا بتعملوا ايه
قصي بغضب شديد سحب يده بقوة وابعد يدها: عاوزة تنزلي وتبلغي الكل انزلي مش هتفرق معايا اصلا واحب اطمنك الكل عارف وانتي متقدريش تعملي حاجة وابعدي عني واعرفي حدودك كويس وإلا هخليكي تندمي على اليوم اللي شوفتيني فيه
جاء ليذهب ولكن كارمن جذبته من ياقة قميصه بقوة
كارمن بغضب: قصي انت ملكي انا وبس انت متعرفش لما بحب حد ممكن اعمل ايه علشان اخليه ليا انا وبس مش هسمح لاي بنت تانية غيري تقرب منك انت من حقي انا وبس لا حلا ولا غيرها ولا اي حد يقدر ياخدك مني او يسلب مني هذا الحق.
حلا كانت تقف بعيد عنهم قليلا ولكن سمعتهم ورأت كل شئ شعرت بالغضب الشديد
انجلي بقلق: حلا ابوس ايدك اهدي
كورت يدها بقوة واتجهت لهم ولكن احمد امسكها من يدها وجذبها
احمد: حلا بلاش تتهوري واهدي
كانت حلا ستتحدث
احمد جذبها: تعالي معايا عايزك
اخذها احمد وهبط للاسفل ودلف لمكتبه اما بالاعلى قصي امسك يدها وابعدها عنه
قصي: انا مش شئ وانتي تقدري تملكيه وانا مش ملكك وانتي ملكيش اي حق لا فيا ولا حتى في انك تدخلي قي حياتي وحلا شيليها من دماغك ولو حاولتي تئذيها ساعتها متلوميش غير نفسك وابعدي عني والزمي حدودك بدل ما افضحك قدام الكل انتي وامك انتي لسة متعرفيش مين الكينج انا مبتهددش ومش واحدة زيك على اخر الزمن هتتحكم فيا وتدخل في اللي ميخصهاش لاااااا فوقي على نفسك واديني نبهتك وحذرتك حسك عينك تحاولي تقربي من حلا او تئذيها لاني ساعتها مش هرحمك
دفعها بعيد عنه وذهب دلف لغرفته فدلفت خلفه انجلي عندما قصي لم يرى حلا شعر بالقلق وعندما رأى منظر الغرفة قلقه زاد وعندما جاء ليخرج رأى انجلي تدلف للغرفة
قصي: انجلي حلا فين
انجلي: اهدى هي مع بابا احمد تحت بيتكلم معاها بس..........
قصي بقلق: بس ايه
انجلي بقلق وتوتر: حلا مش كويسة قصي ولو فضلت هنا وكارمن وامها قاعدين ممكن يجرالها حاجة
قصي نظر لها بعدم فهم: في ايه ايه اللي حصل وليه طولتوا ومنظر الاوضة عامل كدة ليه
انجلي قصت عليه ما حدث
قصي بقلق: انا هنزل اشوفها
امسكته انجلي: لالا بلاش تخليها تشوفك دلوقتي علشان متحصلش مشكلة بينكوا
قصي بإستغراب وشك: وهتحصل مشكلة ليه زمانها هديت
انجلي بتوتر وقلق: ماهي بعد ما هديت اتنرفزت اكتر من الاول بسبب........
قصي بترقب: بسبب ايه
انجلي: شافتك انت وكارمن وسمعت حديثكم كله ولما كانت هتجيلكوا وتتكلم او على الاغلب تضرب كارمن بابا اخدها لتحت.
قصي وضع يده على رأسه واغمض عينيه بحزن وألم
انجلي: قصي اسمع مني خد حلا وروحوا على بيتكوا حلا لو فضلت معاهم في نفس البيت هتتعب وهما ممكن يئذوها
قصي: هما مش هيسكتوا غير لما يرجعوني هنا او يعرفوا مكاني وانتي عارفة ماما ده بالاضافة حلا مش هتوافق وهترفض انا لو عليا اخدها واسيبلهم البلد مش بس البيت علشان انقذ حلا من خططهم الوسخة وعلشان مخسرهاش
انجلي: قصي حلا بتتنرفز والنرفزة هي النرفزة اللي بتجيبها الارض وانت عارف قلبها مش مستحمل ديه كانت بتطلع في الروح بين ايد آسر ومكانتش قادرة تتنفس حتى آسر كان حاسس ان ديه نهايتها انا اول مرة اشوف حلا متنرفزة كدة قصي لو بتحب حلا وخايف عليها احميها.....احميها منهم محدش هيقدر يقنع حلا غيرك خدها حتى لو هتسافروا سافروا بس بلاش تخليها في مواجهة سوزان وبنتها وإلا ممكن نخسرها
قصي نظر لها بقلق وحزن وندم وحيرة فلا يعلم ماذا يفعل غرز يده بخصلات شعره بنرفزة.......في الاسفل بمكتب احمد جذب احمد حلا واجلسها
احمد: ممكن تهدي شوية علشان قلبك
حلا وقفت وبغضب: انتوا ازاي عاوزني اهدى وانا شايفة اللي بيحصل ده كفاااااية بقى انتوا ليه مش حاسين بيا
احمد وقف وامسكها: حلا حبيبتي صدقيني احنا حاسين بيكي علشان خاطري اهدي بس علشان قلبك......انا عارف انك مش مستحملة بس حلا بلاش تحطي نفسك في مواجهة سوزان وكارمن لانهم مش ساهلين
حلا بغضب: انتوا ليه خايفين منهم وعاملين حساب ليهم ومدينهم حجم اكبر من قيمتهم
احمد: حلا اسمعيني بس ممكن تقعدي علشان نعرف نتكلم علشان خاطري
حلا نظرت له قليلا ثم جلست
احمد جلس بجانبها: حلا صدقيني احنا خايفين عليكي من سوزان لانها مش ساهلة واللي في دماغها هتوصله......حلا قبل كدة سوزان حاولت تتقرب مني وكانت عاوزاني اغلط معاها علشان تفرقني انا وسلمى بس انا منعتها ولما منعتها وعرفتها على حقيقتها راحت وحاولت تشوه صورتي قدام سلمى وقالتلها اني حاولت اتقرب منها واخونها معاها بس سلمى صدتها وقالتلها احمد عمره ما يعمل كدة وقت عرفت من سلمى اللي هي قالتهولها قولتلها على حقيقة سوزان بس هي مصدقتنيش وحصلت بينا مشكلة وسوزان ادخلت وكبرت المشكلة وكانت هتوصل للطلاق بس يحي ومها وماما سامية وقتها ادخلوا واتصالحنا ورجعنا ومن ساعتها وسوزان اتحدتني بإنها هتدخل البيت ده بأي طريقة وان مدخليتهوش وقتها هتسبب دمار شامل حلا لازم تحسبي خطواتك قبل ما تخطيها وتصرفاتك معاهم لانهم مش ساهلين عارف انك غيرانة على قصي ومش مستحملة بس مع دول لازم تستحملي وتكوني هادية علشان تعرفي تسيطري على الموضوع وهما لما هيلاقوكي هادية هيغلطوا علشان يستفزوكي وهنا تقدري تكشفي حقيقتهم احيانا علشان تنتصري على العدو لازم تبينيله انك خايفة وضعيفة علشان يبقى واثق انك هتستلمي واول ما يظن كدة تبدأي تنفذي مخططاتك وتضربي ضربة ورا تانية لدرجة هو مش هيقدر يستوعب فبالتالي هتنتصري نفس الموضوع مع سوزان وبنتها وكمان لازم تتعلمي انك تبقي معاهم لوح تلج علشان صحتك وقلبك اهم حاجة وتاخدي دواكي دايما
حلا نظرت له بدموع وصمتت احمد عانقها
احمد: عارف انه صعب عليكي بس معلش سلمى مش هتصدقنا غير بدليل وحاولي يا حلا متخليش سوزان وكارمن يكرهوكي او يحطوكي في دماغهم علشان ميئذوكيش يا بنتي احنا معندناش استعداد نخسرك يا حلا فإستحملي على الاقل علشان قصي انتي عارفة انه ميقدرش يعيش من غيرك ولو حصلك حاجة بسببهم مش هيسامح نفسه
اومأت حلا بتفهم
احمد: احنا هنعمل خطة علشان نكشفهم بس ممنوع تعملي حاجة من غير ما تقوليلي
حلا: حاضر يا بابا اما نشوف اخرتها
عانقها احمد ثم اردف بحب وحنان: انا عارف انك عاقلة يا حلا ومبتتصرفيش اي تصرف غير لما تكوني حسباه كويس من جميع الجهات وعارفة النتايج هتبقى ايه انا عايز بنتي العاقلة الحكيمة هي اللي تتعامل مع دول مش عايزك تتهوري عارف انهم مستفزين وخصوصي كارمن بس اتعاملي معاهم ببرود ده هيخليهم يستشيطوا غضبا زي ما بتتعاملي مع قصي وانتي زعلانة منه بالظبط عاوزك تبقي معاهم كتلة من الجليد لا بيتكسر ولا بيتأثر بالحرارة العالية ماشي حبيبتي
عانقته حلا واومأت برأسها بالموافقة ظلوا قليلا هكذا ثم خرجت اتجهت للمطبخ لتحضر قهوة لها واحمد خرج جلس مع عائلته ومراته واولاده بالصالون قبل ان يدلف احمد بقليل كارمن حضرت قهوة لها ولقصي وقدمتها لقصي وجلست بجانبه قصي ارتشف القليل منها ولكن مذاقها لم يكن جيد فأمسك منديل ورقي وبصقها والقى بالمنديل بالزبالة
كارمن بإستغراب: مالك يا قصي
قصي امسك كوب من الماء وارتشف القليل منه: انتي تسمي ديه قهوة ده اللي عاوز ينتحر عمره ما هيفكر يشرب قهوتك ديه
انجلي امسكت المج وارتشفت القليل منه ولكنها بصقته: ااااااع ايه ده انتي حاطة ايه فيها حرااااام عليكي انتي لو هتنتقمي مش هيبقى طعمها كدة
كارمن امسكتها وارتشفت القليل منها: ما طعمها حلو اهو
انجلي بصدمة: لحظة انتي متعودة تشربيها كدة
كارمن: اه انا بحبها كدة
قصي: وهو انتي عاملة القهوة ليا ولا ليكي
كارمن بإستغراب: ليك
قصي: طب لما هي ليا عملاها زي ما بتحبي ليه حد قالك اني كل اللي انتي هتحبيه انا هحبه مثلا.....انا ليا طريقة معينة في المأكولات والمشروبات مش شرط اللي انتي تحبيه انا احبه.....وعلى فكرة طعمها لو قولت عليه وحش يبقى انا كدة بمدحها
ساندي بإستفزاز: مادام مبتفهميش في المطبخ بتدخلي ليه انتي اللي زيك كفاية عليها الكوافير والبديكير والميكاب
كارمن: اظن كل البنات لازم تهتم بنفسها لا انا اول البنات بتروح كوافير ولا اخرهم
قصي: لا فيه بنات مبيروحوش ولا بيحطوا ميكاب جمالهم بيبقى طبيعي
كارمن بغيظ: تقصد حلا مش كدة
قصي ابتسم: اها ومش بس حلا وانجلي ومايا وروما وجميلة وآسيا بمعنى اصح كل البنات هنا مبيحطوش غير في المناسبات
انجلي: بس يا قصي حلا مبتحطش حتى في المناسبات ده يوم الزفاف كنا بنتحايل عليها علشان تحط مكانتش هتحط بس لولا اننا اصرينا ومحطيتش حاجات كتير حتى رفضت ان حد يحطلها الميكاب هي اللي حطيته لنفسها
ندى بصدمة: احلفي ايه ده بجد ده انا كنت فاكرة الميكاب بتاعها حد يعني ميكاب ارتيست هي اللي حطيتهولها وكنت هخليها تديني رقمها علشان فرح رقية
رقية ابتسمت: لا ما حلا هي الميكاب ارتيست بتاعتنا كلنا
جميلة: هي اللي حطتلي الميكاب بتاعي يوم زفافي انا والبنات وكل واحدة اتجوزت هي اللي عملتلها الميكاب
حلا دلفت عليهم وهي تحمل كوبين من القهوة
ندى: بت يا حلااا خدي هنا
حلا انتفضت بفزع: مالك يا بنتي فزعتيني
ندى ركضت عليها حلا عادت للخلف
حلا: ندىىىى انا معايا قهوة مغلية مش ناوية استحمى بيها اهدي
ندى: اعترفي وقولي الحقيقة
حلا بإستغراب: حقيقة ايه
ندى: مين اللي عملك مكياچك في فرحك
حلا بإستغراب: انا ليه....كان اوڤر صح
ندى بصدمة: اوڤر مين يا ماما هو انتي كنتي حاطة حاجة اصلا علشان تقولي اوڤر هو انتي كنتي حاطة ايه معلش علشان يكون الكلام واضح
حلا: كنت حاطة ايلينر وملمع شفاه بس
ندى بصدمة: بتهزري عايزة تفهمني ان خدودك ووشك اللي كان محمر ده كان ايه
حلا ابتسمت: اااه قصدك على وشي الاحمر ده بسبب ان قصي نرفزني قبل الزفاف لانه خبى عني ان يوميها كان فرحي وكنت متفقة معاه ان الفرح يبقى بعد شهر علشان كان مصاب وتعبان بس هو خدعني واتفق مع عيلتي وعاملوا كل حاجة وجهزوها من ورا ظهري ولما نزلت بعد ما جهزت مسلمتش من كلامه وانتي عارفة الباقي بقى....وبعدين انا جمالي رباني يا ماما ميكاب ايه وقرف ايه ده انا يوم ما بحط حاجة في وشي بتبقى هي زبدة الكاكاو وشفافة وفي البيت مش برا البيت كمان وببقى قاعدة مش على بعضي حاسة ان فيه حاجة غلط فيا بس ببقى مضطرة علشان فيه اوقات بيجي عليا وشفايفي بيصيبها الجفاف فبضطر احطها بقى...ممكن اعدي بعد اذنك يعني
آسر امسك احدى المجات من حلا: ديه قهوة صح والله ما عارف اقولك ايه يا حلا كويس انك عملتهالي دماغي هتنفجر من الشغل
حلا: آسر
آسر: نعم
حلا بإبتسامة صفراء: ممكن المج بعد اذنك
آسر بإستغراب: انتي هتشربي مجين قهوة
حلا اخذت منه المج: اكيد لا ده لقصي
آسر اقترب منها واردف بصوت منخفض: إشمعنا يعني ما انا اخوكي برضه وبعدين بقولك دماغي هتنفجر وكنت قاعد بشتغل قصي اجازة انهاردة واخد راحته
حلا بصوت منخفض: بس اشتغل الصبح وهو من الصبح عاوز يشرب قهوة بس مشربش انت عاوز قهوة روح قول لساجدة.....وبعدين ايه النفسنة ديه اوعى من وشي
آسر رفع احدى حاجبيه وبغيظ: بقى كدة دافعي عنه حلو ودلعيه حلو خليه ينفعك
حلا ضحكت: ان هو منفعنيش مين هينفعني انت.....اذا كنت مش نافع نفسك لما تبقى تنفع نفسك ابقى انفع غيرك
الكل ضحك ماعدا سوزان وكارمن فشعروا بالانزعاج والغيظ من حلا
آسر بحب: كدة يا حلول ده انا اخوكي حبيبك آسورتك انا اولى من اي حد
حلا ابتسمت: يا سلام لما تكون عاوز حاجة مني يلهوي على البرائة اللي بتنقط منك بس الشغل ده مبيأكلش عيش معايا روح شوفلك حد تاني وبعدين البرائة مش لايقة عليك يا آسر.....واما بخصوص مين اولى تحب اقولك قصي مين ولا اقولك انت عارف بدل ما تزعل او تتحرج قدام الكل
آسر: بقى انتي حلا لالالا انت عملتلها ايه يا قصي غيرتها ٣٦٠٠ درجة ايه يا حلا بقى هي ديه حلا اللي كانت تقول مش هتجوز ومش هحب ومحدش هيملى عيني بعد يحي ايه اللي حصل
حلا: انا عاوزة افهم مالكوا ومالي غيرت رأيي يا سيدي انت مالك الله كانت حياتك ولا حياتي اوعى كدة
تخطته حلا ومدت يدها بالمج لقصي
كارمن: اظن ان قصي مطلبش منك حاجة وهو مش عاوز يشرب قهوة
حلا نظرت لها وببرود وهدوء استغربه قصي وانجلي وآسر: قصي مش محتاج يطلب مني حاجة هو عاوزها لاني بحس بيه وانا عارفة انه من الصبح عاوز يشرب قهوة.....اه بالاضافة انه مبيشربش قهوة من حد غيري
قصي اخذ منها المج وارتشف القليل منها: لا بجد عرفتي منين اني مشربتش من الصبح واني عاوز قهوة وجدا كمان.....بس القهوة محلوة عن كل مرة حطيتي فيها ايه
حلا: كنت بعمل لنفسي ولاقيت نفسي بعملك معايا وحسيت انك عاوز تشرب ثانيا باين على وشك التعب لانك مشربتش وانت يومك مبيعديش غير لما تشرب قهوة ثالثا عيب لما تقولي عرفت منين وانت عارف اني مش بستناك تطلب اللي انت عايزه لانك مش محتاج تتكلم في حال انا حاسة بيك اما بخصوص انا حاطة فيها ايه مش حاطة حاجة عملاها زي كل مرة بعملهالك بس يمكن لان بقالك فترة مشربتهاش من ايدي فبالنسبالك طعمها محلو
قصي: لا فيها حاجة وانا متأكد خلي بالك لو كل مرة هتعملي القهوة حلوة كدة معناها مش هخرجك من المطبخ وكل ما اخلص مج هتعملي غيره
حلا ابتسمت: بس كدة الكينج يؤمر وانا انفذ. وغمزت له
انجلي اخذت من قصي المج وتذوقت القهوة: اظن انها معمولة بحب وزيادة
قصي جذب من يدها المج: انت استئذنتي قبل ما تاخدي المج
انجلي: كنت بدوقه بلاش وبعدين مش انا اختك حبيبتك الله
قصي: لا معلش قهوتي محدش يقرب منها
فهد بمرح: اه وخصوصي لو من حلا
انجلي قامت من جانبه: سيباك انت وقهوتك ياخويا هروح اقعد مع البنات.....حلا تعالي اقعدي
كانت كارمن تجلس وهي تكاد تموت من الغيظ والغيرة والغضب ابتعدت انجلي لتفسح لحلا المجال لتجلس بجانب قصي وعندما اقتربت حلا لتجلس بجانب قصي قامت كارمن فجأة وكانت قريبة جدا من حلا وبحركة سريعة امسكت يد حلا التي بها المج ولوت ذراعها بقوة وغيظ لتقع القهوة الساخنة على بطن حلا...حلا نظرت لها بصدمة وغيظ وغضب ولكن صمتت فكان الم الحرق اقوى من اي شئ الجميع اتصدم مما حدث ولكنهم ظنوا ان كارمن اصطدمت بحلا بدون قصد فالقهوة انسكبت عليها ولكن من رأتها انجلي وشعرت بالغضب من كارمن وقصي لم يلاحظ فهناك من بعث له بمسدچ فأمسك هاتفه ليرى من بعث له مسدچ وكان سمير ولكنه استيقظ بفزع على صراخ انجلي وروما
انجلي ركضت على حلا: حلاااا.....انتي كويسة.......حلا ردي عليا
حلا كانت تنظر لكارمن بغيظ ووجهها احمر بشدة من شدة الالم والغيظ
حلا حاولت ان تجاهد لتتحدث: انا كويسة متقلقيش
قصي لاحظ ثيابها فقام بسرعة واتجه لها وبصدمة: حلا ايه اللي حصل....انتي...ك......
حلا قاطعته: حبيبي انا كويسة
كارمن بتمثيل الصدمة والحزن: انا بعتذر يا حلا مأخدتش بالي انتي كويسة
قصي حاوط كتف حلا: تعالي معايا يلا
اخذها قصي والتفوا وتقدموا خطوتين ولكن حلا وقفت ولم تستطع التحرك واغمضت عينيها بألم وقوة قصي بدون اي مقدمات انخفض ووضع يده اسفل ركبتيها ويد حول خصرها وحملها بين يديه وصعد بها لغرفتهم سوزان وكارمن كانوا في حالة من الصدمة واستغربوا تصرفه هذا ومن اهتمامه وخوفه على حلا وكارمن كانت تشتعل غضبا وحقدا تجاه حلا.....في الاعلى دلف قصي لغرفتهم ووضع حلا على الفراش حلا تألمت قليلا عندما قصي وضعها على الفراش القى نظرة عليها ثم قام جلب مرهم للحروق واقترب منها وجلس امامها ومد يده ليفك ازرار قميصها حلا امسكت يده
حلا: قصي انا كويسة مفيش داعي للمرهم
قصي: ولما انتي كويسة ليه بتمنعيني من اني اشوف واتأكد بنفسي
حلا صمتت ولم تعرف بماذا تجيبه وبتوتر: يعني.....هو مفيش داعي للقلق خلاص انا كويسة
قصي: تمام خليني اشوف بنفسي لاني مش هاخد بكلامك
حلا: قصي.........
قاطعها ببعض النرفزة قصي: حلا انا عارف انك بتكدبي فإوعي ايدك وعارف انك مش كويسة ابعدي ايدك
نظرت له حلا قليلا ثم ابعدت يدها بتوتر وتردد اكمل قصي فك الازرار وخلع عنها القميص ورفع البلوزة التي ترتديها اسفل القميص ليكشف بطنها وتظهر علامات الحرق وبطنها كانت حمراء بشدة نظر لحلا بغيظ
قصي: لا واضح جدا انك كويسة
اخذ قصي يدهنلها من المرهم حلا شعرت بألم شديد ولكنها تحملت ولم تظهر ولكن هذا كان واضح على وجهها فكان لونه احمر وقصي شعر بها
قصي وهو يدهن لها المرهم: سبق وقولتلك لو انتي موجوعة وفضلتي ساكتة ومستحملة علشان متعرفنيش فأنا بحس بيكي وقولتلك بدل المرة الف لما تكوني تعبانة او حاسة بوجع متقاوميش علشان قلبك وفي جميع الاحوال انا هعرف انك موجوعة
حلا نظرت له وشردت بملامحه قليلا ولكن عندما قصي جاء على جزء معين يضع المرهم عليه تألمت بشدة ولم تتحمل فصرخت
حلا متألمة: اااااه
واغمضت عينيها بقوة وألم قصي انتفض بفزع ونظر لها قليلا ثم اعاد نظره لبطنها واكمل برقة وخفة حتى لا يؤلمها وعندما انتهى دلف للحمام وغسل يديه ومن ثم اتجه لغرفة الملابس واخرج لها عبائة بيت قصيرة كب وواسعة وخرج لها رأها تسند رأسها على السرير وتغمض عينيها اقترب منها وخلع عنها حذائها حلا فتحت عينيها ونظرت له وكانت تشعر بالتعب الشديد وايضا تشعر برغبة في النوم وبشدة وهذا بسبب المرهم فيه نسبة مخدر ومسكن ساعدها قصي بتبديل ملابسها ثم ساعدها لتفرد جسدها ودثرها جيدا واستسلمت للنوم بسرعة ملس قصي على شعرها وطبع قبلة على جبينها وخلع عنها التوكة التي تضعها بشعرها لينسدل شعرها على الفراش وكتفها قام قصي دلف لغرفة الملابس ابدل ملابسه واغلق باب غرفتهم وعاد وفرد جسده بجانبها ووضع عليه ايضا الغطاء ووضع يده اسفل رأس حلا وجذبها لحضنه ظل قليلا يفكر بها وبكلام انجلي حتى تعب من التفكير واستسلم للنوم
__________________________________
في الاسفل بمجرد صعود قصي وحلا لغرفتهم امسكت انجلي كارمن من ذراعها بقوة
انجلي بغضب: انا عارفة انك قاصدة انك تحرقي حلا وشوفتك وانتي ماسكة ايديها وبتلويها بالقوة علشان القهوة تنسكب عليها كارمن ابعدي عن حلا وإلا صدقيني مش هرحمك ولو قصي عرف بتصرفك ده صدقيني محدش يتوقع ممكن يعمل فيكي ايه لو قربتي من حلا تاني ساعتها انا اللي هقف في وشك وهقول لقصي وهو يبقى يتصرف مع اشكالك حلا خط احمر يا كارمن وقصي مش هيسكت لو جرالها حاجة وهيندمك على كل مرة فكرتي تئذيها فيها ابعدي عنها احسنلك
كارمن: وليه الاهتمام ده كله بحلا مين هي يعني
انجلي: حلا شخص غالي علينا كلنا واللي يحاول يرشها بالماية احنا نرشوا بالدم بس قصي يرشوا بالنار كله إلا حلا واديني حذرتك جربي بس تحاولي بس مجرد محاولة انك تئذيها صدقيني هخليكي تندمي انك جيتي ودخلتي البيت ده
تركتها انجلي وصعدت لغرفتها
احمد بضيق وانزعاج: لسة يدوبك وصلين انهاردة والمشاكل بدأت ابقي لاحقي بقى يا سلمى عن اذنكوا
تركهم وصعد لغرفته وكذلك الجميع صعدوا لغرفهم ليرتاحوا سلمى استدعت ساجدة
ساجدة: اؤمريني يا هانم
سلمى بإنزعاج: دلي المدام سوزان وبنتها على اوضهم عن اذنكوا
صعدت سلمى خلف احمد ولم تعطيهم اهتمام او وجه وساجدة اخذتهم ودلتهم على غرفهم قليلا وذهبت سوزان لغرفة بنتها ودلفت واغلقت الباب خلفها وكانت سوزان لم تنام فكانت تفكر بقصي وبتعامله مع حلا
سوزان: كارمن
كارمن التفت لها: ايه ده انتي لسة صاحية يا ماما منمتيش
سوزان بتفكير: لا معرفتش انام....كنت بفكر في اللي اسمها حلا ديه شكلها مش ساهلة وكمان الكل بيحبها وتعامل قصي معاها غريب عمره ما اتعامل مع اي بنت كدة ولا حتى انتي واللي فهمته من سلمى انها مرات ابنها اذا كانت روما اخت حلا التوأم مرات لوئي يبقى حلا مرات سمير....بس اذا حلا كانت مرات سمير ليه قصي مهتم بيها اوي كدة
كارمن بغيظ: معرفش انهاردة كمان شوفتهم خارجين من نفس الحمام وكانوا قاعدين فترة جوا وكمان نظرات قصي لحلا وهي وتعاملها معاه فيه حاجة غريبة
سوزان بتفكير وصدمة: معقولة تكون حلا مراته مش مرات سمير
كارمن بغضب: لا مستحيل قصي عمره ما قابل بنت او حب قبل كدة وحتى اساسا معروف عنه انه مبيهتمش بالبنات ولا بالحب يعني مستحيل يتجوز وان كان هيتجوز هتبقى انا البنت ديه مش غيري وانا مش هسمحله ولا هسيبله مجال انه يفكر في اي بنت تانية
سوزان: كارمن لازم تهدي وتفكري بعقلك انتي كدة هتحاولي تتملكي قصي ومفيش راجل يحب ان مراته تقيد حريته وقصي شاب ذكي وواعي وفاهم حركات البنات كويس لازم تخليه يحبك وسيبي الغيرة والعصبية ديه على جنب لانك لما بتتعصبي بتتهوري ومبتبقيش عارفة انتي بتعملي ايه
كارمن: بحبه يا ماما ومبطيقش اي بنت تبصله مجرد نظرة لما بشوف حلا وهي بتبصله نظراتها فيها حاجة وكأنها معجبة بيه او بتحبه مبقدرش استحمل وبيكون هاين عليا اخلعلها عينيها دول اللي بتبص بيها على قصي
سوزان امسكتها: علشان توصلي لهدفك وتتجوزي قصي الشخص اللي بتحبيه لازم تتصرفي بعقلانية واكيد هنعرف ايه علاقتها بقصي...وممكن تكون بتخون سمير مع قصي....يعني قصي شاب وسيم واي بنت تتمناه...بس سمير برضه فرصة لا تعوض...معرفش بس بكرة اكيد هنعرف واول ما نمسك عليها حاجة ونعرف حقيقتها هنفضحها قدام الكل بس لازم نهدى ونفكر كويس هنتعامل معاها ازاي ومش عاوزة ولا غلطة يا كارمن وبلاش تهور واتملكي اعصابك بتصرفك الغبي اللي عملتيه انهاردة انتي خليتي سلمى تقلب علينا لازم نكسبها لصفنا ها يلا نامي بقى علشان تبقي فايقة بكرة وعاوزاكي تحاولي تتقربي من قصي يلا تصبحي على خير يا روحي
وطبعت قبلة على وجنة كارمن
كارمن: وانتي من اهله يا ماما
خرجت سوزان وذهبت لغرفتها وكارمن جلست تفكر قليلا وعندما تعبت استسلمت للنوم
__________________________________
بغرفة سلمى واحمد ابدل احمد ملابسه وجلس وهو يشعر بالانزعاج بشدة عندما دلفت سلمى القت نظرة عليه وفهمت انه منزعج ففضلت ان تصمت حتى لا تزعجه اكثر فدلفت لغرفة الملابس ابدلت ملابسها ومن ثم عادت جلست بجانبه على الفراش ولم تتحدث او تنظر له
احمد نظر لها: سلمى...لو سوزان وبنتها فضلوا هنا هتقوم مشاكل
سلمى: لا ان شاء الله مش هيحصل حاجة
احمد ببعض النرفزة: والله واللي حصل انهاردة ده تسميه ايه ها كارمن دلقت القهوة المغلية على حلا واسم ده اول يوم ليهم هنا ابصر لو فضله اسبوع ايه اللي ممكن يحصل ومين ممكن نخسر
سلمى: يا احمد ما انت عارف اللي فيها وان كارمن بتحب قصي وبتغير عليه من الهوا وده كان رد فعل على غيرتها من حلا على قصي
احمد بغضب شديد: وهي بأي حق تعمل كدة حلا مرات قصي يا سلمى يعني هي اللي من حقها تدايق وتغير انتي عارفة ان حلا كانت هتموت انهاردة بسببهم وكانت هتحصل مشكلة بينها وبين قصي
نظرت له سلمى بصدمة: اييه
احمد: ايوة انجلي حاكتلي اللي حصل حلا ادايقت من قصي لما سكت وسمح لكارمن تتكلم بداله ومأعترضش على كلامها علشان كدة لما قالها على موضوع المستشفى ردت عليه بنرفزة وانزعاج ومش بس كدة حلا مكانتش واخدة مخدرها يعني كان ممكن تروح فيها قصي لحقها للحمام وشرحلها الموضوع وكانوا هيتخانقوا بس قصي قدر يفهمها ويقنعها الوضع ومن شدة العصبية كانت هتقطع النفس حتى لما قصي فهمها طلعت على اوضتها لما قصي اصر انها تطلع علشان تاخد علاجها آسر وانجلي طلعوا وراها بناءا على طلب قصي علشان كان عارف ان حلا على اخرها وبالفعل لما انجلي طلعت الاوضة حاولت تتكلم مع حلا حلا طلبت منها انها تخرج من الاوضة وتسيبها لوحدها ومديتش فرصة لانجلي تتكلم آسر قال لانجلي انها تسكت وقفل باب الاوضة على اساس انهم خرجوا حلا فضلت تكسر في الاوضة وكانت هتئذي نفسها لولا ان آسر كتفها ومانعها من الحركة بس حلا مهديتش اتنرفزت اكتر لحد ما وصلت لحالة الاحتضار وكانت بتطلع في الروح وهتقطع النفس انجلي وآسر ادوها حقنة المخدر بس فضلت فترة على ما قدرت تنظم تنفسها ونبضات قلبها وكل ده بسبب النرفزة ولما قدروا يهدوها وخرجت شافت كارمن واقفة مع قصي وبتقوله انه ملكها هي وبس وانها بتحبه ومش هتسمح لاي بنت تانية تدخل حياته كانت بتشيط من الغضب وهتروح تمسك في خناق كارمن لولا اني مسكتها.....سلمى وجود سوزان وبنتها معانا في نفس البيت يعني خرااااب شوفي كام بيت ممكن يتخرب بسببهم دول مش ساهلين ولما كارمن تعرف ان حلا مرات قصي مش هتسيبها في حالها غير لما تخرب ما بينهم وامها هتأيدها في ده....سلمى خليهم يطلعوا من البيت ومتنسيش ان حلا عندها القلب واي ضغط نفسي او عصبي قليل ممكن في لحظة يوقف قلبها وتروح مننا خليهم يطلعوا من البيت وانا هحجزلهم في فندق لحد ما نلاقيلهم بيت مناسب وإقامتهم هتبقى على حسابي بس وجودهم هنا في نفس البيت هيسبب مشاكل كبيرة وكتير لا ليها اول ولا اخر وانتي ذات نفسك مش هتلاحقي على الخراب اللي هيتسببوا فيه
سلمى: احمد ايه اللي انت بتقوله ده لا سوزان عاقلة واكيد هتوعي بنتها وتعرفها الصح من الغلط وبعدين عايزني اقولهم ايه معلش اصل مش هينفع تفضلوا هنا فروحوا اي فندق وانا واحمد هنتكفل بمصارفكوا بعد كدة هكلم سوزان بأي عين وهبقى نادلة اوي معاها وكمان هتاكل وشنا وبعدين ده تصرف مش حلو زي كإني بطردها
احمد بغضب: انتي كل اللي فارق معاكي صورتك ومشاعر سوزان وبتفكري في واحدة مبتحبكيش اصلا ولا بتراعي مشاعرك يا سلمى.....عموما اللي يريحك اعمليه بس اقسم بالله لو هي او بنتها اذوا حلا او فكروا بس يسببوا مشاكل بينها وبين قصي ساعتها انا مش هرحمهم ولو انتي دافعتي عنهم هتبقي بالنسبة ليا زيك زيهم....انتي مش هتفوقي وتعرفي حقيقتهم غير لما سعادتك وسعادة ابنك وسعادة اللي حواليكي تدمر وساعتها يا سلمى انتي اللي هتكوني السبب واديني نبهتك وحذرتك قبليها حاولت ابينلك مرة واتنين انهم مش كويسين وان سوزان مبتحبلكيش الخير بس انتي مُصرة تصدقيها هي عني وتثقي فيها عني وصدقيني اخرة الثقة الزايدة ديه نهاية بشعة ومؤلمة بس انتي اللي اخترتي الطريق يبقى تستحملي اللي هيحصل
اخذ هاتفه وكان يتجه للباب
سلمى وقفت: احمد على فين مش هتنام
احمد بغضب ولم ينظر لها: مش عاوز اتخمد نامي انتي لان الايام الجاية هتبقى صعبة مش هتعرفي تنامي من كتر المشاكل اللي هتنزل عليكي
خرج وقفل خلفه الباب بقوة وغضب وهبط للاسفل جلس بمكتبه رأته فاطمة ذهبت له وفتحت باب المكتب بهدوء
فاطمة: احمد ممكن ادخل ولا مشغول
احمد التف لها: لا تعالي يا ماما اتفضلي
دلفت فاطمة واغلقت الباب امسكها احمد من يدها واجلسها على الاريكة وجلس بجانبها وامسك يدها وطبع قبلة على يديها
احمد: خير يا ست الكل ايه اللي مصحيكي لحد دلوقتي
فاطمة: لاقيت ابني مخنوق ومدايق وساب مراته ونزل من اوضته وهو غضبان
صمت احمد واشاح نظره عنها
فاطمة: احمد براحة على سلمى وبلاش تجرحها
قام احمد وبعصبية: يا ماما انا تعبت من كتر ما حاولت افهمها حقيقة سوزان وبنتها بس هي مُصرة انهم ملايكة انتوا ليه مش مصدقني بالرغم من المشكلة اللي حصلت بيني وبين سلمى واللي بسببها كنا هننفصل ولا نسيتوا
فاطمة: حبيبي انا مصدقاك وعارفة ان سوزان مش كويسة انا مش صغيرة يا احمد واقدر افهم الشخص اللي قدامي كويس حتى اكتر منك بس براحة على سلمى هي مش هتقتنع بالقوة ولا بالخناق بالعكس هتصر اكتر انهم كويسين
احمد بعصبية: يا ماما انا مش مصدق انها واثقة فيهم ومصدقاهم اكتر مني انا وبتصرفاتها ديه هتجيب المشاكل للكل حتى هتدمر سعادة ابنها قصي كارمن مش هتسكت وهتعرف سواء دلوقتي او بعدين ان حلا مرات قصي ولو عرفت مش هترحم حلا ولا هتسيبها في حالها هي فاكرة ان ده حب بس ده مش حب ده تملك وكارمن مريضة نفسية انتي مشوفتيش عاملت ايه في حلا لمجرد بس انها عملت قهوة لقصي والقهوة عجبت قصي وجدا في حالة هي لما عملتله قهوة معجبتهوش راحت دلقت على حلا قهوة مغلية
فاطمة بإستغراب: وانت مين قالك انها متعرفش ان حلا مرات قصي فعلشان كدة عملت كدة
احمد ابتسم بسخرية: لا متعرفش هي فاكرة هي وسوزان انها مرات سمير مش قصي لان سلمى قالتلها ان حلا مرات ابني بس محددتش ومش هيجي على بالهم انها تكون مرات قصي لانهم عارفين ان قصي مش مهتم بالحب او الزواج وكمان مبيديش اهتمام للبنات وكمان سوزان كانت هادية لا اتصدمت ولا اتكلمت فده دليل على انها فاكرة ان حلا مرات سمير مش قصي وكمان كارمن كانت عادي وهادية اتفرجي لما تعرف انها مرات قصي المشاكل هتنزل فوق دماغهم وربنا يستر ميوصلوش للطلاق لان سوزان وكارمن مش هيسيبوهم يتهنوا ببعض وبكرة تقولي احمد قال انا كل خوفي على حلا خايف لحسن يحصلها حاجة او هما يئذوها قصي مش هيستحمل ووقتها ممكن تحصل مشكلة بينه وبين سلمى تعبت يا ماما تعبت من التفكير وحاسس اني مش هقدر احميهم ومش عارف افهم سلمى ازاي
فاطمة قامت وربطت على كتف احمد بحب وحنان: احمد سيبها على الله وان شاء الله الحقيقة هتظهر وبإذن الله حلا مش هيحصلها حاجة وبراحة على سلمى انت عارف قد ايه قلبها كبير وقد ايه طيبة ومش هتصدق من غير دليل....بس غريبة انت خايف على حلا ولا قصي
احمد التف لوالدته وكانت بعينيه الدموع: قصي ابني وكل حاجة بس قصي مهما كان راجل في الاول والاخر يقدر يستحمل بس حلا....حلا بنتي اللي مخلفتهاش يا ماما هي شافت كتير من الحياة واستحملت حاجات فوق طاقتها وحاجات مش لسنها كفاية عليها عمرو ومحسن اللي لحد انهاردة مش عارفة تعمل معاهم ايه ومتنسيش انها شايلة حمل كبييير اوي حمل محدش يستحمله هي عارفة حقيقة محسن وكمان ماسكة المهمة بتاعته وفتحت قضية موت بابا سعد الدالي وكمان قضية حادثتي انا ويحي من عشر سنين حياتها معرضة للخطر وكل همها انها تحمينا من محسن واعماله ومخططاته الوسخة مش هيبقى الزمن وعمرو ومحسن وكمان سوزان وبنتها وحلا حاليا المفروض انها بتجهز نفسها علشان تبتدي توقع العصابات اللي بتدعم محسن علشان محسن ينزل اسكندرية وتعرف تكشفه وتسجنه يعني هي في وقت محتاجة فيه دعم ومش هتستحمل اي ضغط وكمان هي مريضة قلب وسوزان ممكن تخلق مشاكل بينها وبين قصي وحلا لما بتتخانق مع قصي قصي بيجرحها وهي بتتعب وبتدمر نفسيا وصحيا حلا كل ما ابُص في وشها احزن عليها لانها مرت بوجع محدش يستحمله وفضلت طول العشر سنين اللي بعدنا فيها عنها بتواجه وبتمُر بظروف ولوحدها ومن غير ما تشتكي فضلت العشر سنين دول تعبانة وموجوعة ومكسورة ومشافتش السعادة ولا حتى الراحة وهي قالتلي قالتلي انا عمري ما فرحت ولا ارتحت غير لما بقيت مع قصي وهي لحد انهاردة اللي حصل في الماضي مأثر فيها وجواها خوف من انها تخسر قصي يعني هي بتفكر دايما وبتحاول انها تفضل مع قصي وتسعده وتعوضه عن كل ثانية كانت بعيدة عنه فيها ومع ذلك هي مش منتظرة مقابل يكفيها بس انها معاه وهو جنبها ومبسوط ومرتاح......خايف على حلا من افعالهم خايف انهم يئذوها ونخسرها بسببهم وقتها انا مش هستحمل ده لاني بحب حلا وصدقيني يا ماما اللي هقوله انتي مش هتتوقعيه بس ديه الحقيقة حلا عندي اغلى من قصي واغلى من ولادي حتى من انجلي هتقوليلي ليه هقولك انجلي كانت دايما معاكي بس حلا اتظلمت ومرت بظروف صعبة اه محمد كان معاها بس مش دايما وجت فترة بسبب الشغل معرفش يكون معاها وفضلت عايشة لوحدها برا واظن انتي سمعتي بنفسك اللي كان بيحصلها فأي حد مر بظروف زي اللي حلا مرت بيها مكنش استحمل ده كتر الف خيرها انها لسة مستحملة لحد انهاردة وبفضل ربنا هي لسة عايشة مع ان اي بنت تانية مكانها مكانتش هتستحمل انا لو هطول اخليها في السما ومتنزلش على الارض علشان متواجهش الحياة الصعبة اعملها لو عليا اخد وجعها واديها الراحة والسعادة.....مش عارف يا ماما بس قلبي واجعني عليها اوي ومش مطمن بخصوص اللي جاي
فاطمة ابتسمت وكان بعينيها الدموع: يااااه مكونتش اعرف انك بتحب حلا اوي كدة للدرجادي يا احمد
احمد: واكتر يا ماما انا اول ما شوفتها لما كانت صغيرة خالص وشيلتها حسيت بشعور غريب تجاهها وعمري ما حسيتها بنت يحي دايما كنت بحسها بنتي حتى قبل ما تعرف قصي حلا غالية عليا اوي يا ماما انا عمري ما كنت اتخيل ان ممكن في يوم من الايام احب ولاد يحي اكتر من ولادي وخصوصي حلا مكانتها خاصة عندي....ربنا يريح قلبها ويرزقها السعادة اللي تستحقها ويجبر بخاطرها لانها حقيقي تعبت في حياتها كتير
فاطمة: هو انا اتفق معاك حلا تتحب هي فعلا بنت مميزة ودايما تلاقيها بتدي بدون مقابل حتى لو هتضحي بحياتها علشان سعادة الاخرين لما ياسمين حاكتلي وقفتها معاهم كبرت في نظري اوي مفيش حد يعمل كدة مع صديقة وقفت جنبها واهتمت بإبنها لحد ما كبر وهي اتحسنت حقيقي اللي زي حلا مبقوش موجودين دلوقتي
احمد: حلا بتعمل كدة لانها مش عايزة اي حد يمُر بنفس ظروفها علشان عارفة قد ايه ده صعب فبتحاول توفر للكل وسائل الراحة والسعادة وخصوصي اخواتها لا بتحبنا لدرجة انها مستعدة تدينا ساعدتها وتاخد وجعنا بس المهم اننا نكون مرتاحين ومبسوطين علشان كدة انا خايف عليها من مخططات سوزان
فاطمة: ربك يسترها وان شاء الله كل حاجة هتبقى كويسة بس انت ادعيلها
احمد: بدعيلها والله يا ماما بس قلب الاب هنعمل ايه
ابتسمت فاطمة: والله فيه اوقات بحسك بتحبها اكتر من ابوها ذات نفسه ده يحي لو عرف هيغير على بنته منك
احمد ابتسم: لا ماهو عارف وانا قولتله قبل كدة قالي ملكش دعوة ببنتي خليك في اولادك قولتله لاااا كله إلا حلا عندي عارف ان حلا غالية عليا واني بحبها جدا
فاطمة: طب اطلع يلا متسيبش مراتك لوحدها علشان متزعلش ومتسيبش مراتك تنام زعلانة لانك هتدايق من نفسك اطلع يلا لمراتك وبراحة ها وحسك عينك تزعلها
احمد: فيه اوقات بحس ان سلمى هي اللي بنتك ومنك مش انا
فاطمة: اها ماهي بنتي ومني فعلا اطلع يلا لمراتك
طبع احمد قبلة على جبينها: تصبحي على خير يا ست الكل
فاطمة ابتسمت: تلاقي الخير يا حبيبي اطلع ارتاح يلا
صعد احمد ودلف لغرفته رأى سلمى تجلس تنتظره نظر لها قليلا ثم جلس بجانبها وعانقها
احمد بحب: اسف لو تصرفي جرحك بس كنت متنرفز ومحبتش افضل علشان مجرحكيش بكلامي.
طبع قبلة على رأسها ابتعدت عنه سلمى قليلا
سلمى: اكتر حاجة تدايقني وتجرحني انك تخرج من الاوضة متنرفز وبسببي.....انا اسفة لو دايقتك بس حاول تفهمني يا احمد انا واثقة ان سوزان اكيد مش هتعمل حاجة تئذينا هي كويسة يا احمد صدقني
احمد تنهد وعانقها: حبيبتي انا فاهمك كويس بس انتي اللي مش فهماني عموما قفلي على السيرة ديه وخلينا ننام وهيجي يوم تعرفي مين اللي على حق يلا
اومأت سلمى واغلقت الانوار ونامت واحمد اخذها بحضنه وعانقها وغطت في نوم عميق ولكنه لم يستطع النوم فظل يفكر بحلا وقصي وكان يشعر بالقلق الشديد عليهما
__________________________________
في صباح اليوم التالي استيقظت كارمن مبكرا اخذت شاور وارتدت ملابسها بسرعة وحضرت نفسها بأبهى صورة وخرجت من غرفتها وهي تفكر انهي غرفة قصي وكانت تشعر بالحيرة والضيق رأت ساجدة
كارمن: ساجدة
ساجدة: نعم يا هانم
كارمن: انهي غرفة الاستاذ قصي
اشارت لها ساجدة عليها: هي ديه
كارمن ابتسمت: شكرا حبيبتي تقدري تروحي تشوفي شغلك
اومأت ساجدة بتفهم وذهبت وقفت كارمن امام الغرفة وحكت يدها بمرح وابتسمت بحب وسعادة ودلفت للغرفة بهدوء واخذت تمشي بهدوء رأت قصي نائم ولا يرتدي تيشيرته فإبتسمت وهي تنظر له بحب وقبل ان تتجه له لمحت حلا وهي تخرج من الحمام وكانت تجفف شعرها بعد ان اخذت شاور سريع وتتجه للفراش كارمن شعرت بالغضب والانزعاج والغيرة ووقفت لترى وتسمع ما سيحدث دون ان تراها حلا او يراها قصي...اقتربت حلا من الفراش وجلست بجانب قصي كان ينام على بطنه حلا وضعت يدها على ظهره العاري
حلا: قصي.....حبيبي فوق يلا علشان تروح الشغل.....قصييي....قوم يلا
كارمن بغيظ في نفسها: حبك برص يا شيخة ده حبيبي انا
تململ قصي بإنزعاج: حلا سيبيني انام
حلا: لا مفيش نوم قوم يلا علشان تروح على الشركة
رفع قصي رأسه ووضعها على قدم حلا وهو مازال مغلق عينيه: مش هروح الشركة انهاردة
حلا بإستغراب: ليه بقى
قصي: علشان انتي تعبانة مش هينفع انزل واسيبك لوحدك
حلا ابتسمت بخبث: ااااه قول بقى انك واخد موضوع القهوة اللي ادلقت عليا ديه حجة علشان متروحش الشغل وتزوغ صح
قصي: امممم حاجة زي كدة
حلا: بس انا كويسة وكمان انا مش لوحدي معايا العيلة يلااااا قوم وبعدين حرام عليك سمير مسافر وفهد هيشيل الشغل لوحده....قصييي قوم يلا وبطل كسل
قصي: خليه يشيل الشغل لوحده شوية
حلا: لو مقومتش هزعل واجيب ناس تزعل يلا بقى......قصييي عمرك ما كنت كسول كدة يلا قووووم قص............
قاطعها عندما جذبها من شعرها لتقترب منه ويمسك شفتيها في قبلة ويبتلع باقي جملتها كارمن انصدمت وشعرت بالغضب....قليلا وابتعد عنها وقام جلس امامها وحملها وضعها على قدميه
قصي بحب: كل المتجوزين بيمنعوا ازواجهم من النزول ويتمنوا انهم يفضوا ليهم ويقضوا شوية وقت بس انتي دايما بتحرضيني وعاوزاني اشتغل وبعدين يرضيكي اسيب القمر ده لوحده في البيت وانزل الشغل ده حتى يبقى عيب في حقي
واقترب ودفن وجهه بعنقها واخذ يوزع قبلاته
حلا بتفكير: طب ولو قولتلك فيه هدية لو نزلت الشغل وقتها هيبقى ايه موقفك
سمعت همهمته وهو يقبلها ويعانقها بحب
حلا ابتسمت بخبث: لما ترجع من الشغل هديك اللي انت عايزه يعني اياً كان طلبك هنفذهولك
ابتعد قصي عنها: بجد
حلا اومأت بالموافقة وهي تبتسم: اها بجد وانا عارفة انت عاوز ايه......هتاخده بس في حالة بس لو نزلت الشغل غير كدة مفيش حاجة
قصي بخبث: ده إغراء بتغريني يعني علشان انزل الشغل
حلا بتفكير: امممم حاجة زي كدة
قصي بخبث وتفكير: موافق بس بشرط
حلا رفعت احد حاجبيها وبغيظ: وكمان بتتشرط.....ماشي قول حقك يا كينج اتفضل
قصي ابتسم بحب: تديني شوية حب على الاقل تصبيرة لحد ما ارجع ها..ها..ها
واقترب منها وقبل ان تعترض امسك شفتيها في قبلة وعانقها ووضع يده اسفل مؤخرة رأسها ليثبتها حتى لا تبتعد تجاوبت معه حلا ولم تمنعه ظلوا هكذا وقتا لم يستطيعوا تحديده ولكن قصي لم يبتعد إلا عندما حلا ضغطت على صدره بقوة ليبتعد فإبتعد ولكن الصق جبينه بجبينها
حلا وهي تصارع لتلتقط القليل من الهواء: كدة هتتأخر على الشغل
قصي وهو يضعها على الفراش ويقترب منها حتى اصبح محاصرها وهي اسفله
قصي بنبرة مخدرة: مش هتفرق وبعدين علشانك انت يا جميل اتأخر عادي
حلا ضحكت بخفة وقصي افترب منها ودفن وجهه بعنقها وعانقها قليلا وحلا ابعدته وقامت بسرعة
حلا: احنا متفقناش على كدة قوم يلا خد شاور علشان تروح الشغل
قصي التف لها: بس انا لسة مشبعتش
حلا وضعت يدها بخصرها وبغيظ: ولو فضلت ٣ ساعات مش هتشبع لو منزلتش مش هديك حاجة انت الخسران خليك بقى قاعد
والتفت واعطته ظهرها قصي قام واقترب منها وعانقها من الخلف وطبع قبلة على عنقها وكتفها
قصي بحب: طب اعمل ايه فيكي.....بحبك
حلا ابتسمت: انا اكتر
قصي عقد حاجبيه: لا انا
حلا هزت رأسها بالنفي: لا انا بحبك اكتر مما انت بتحبني وفووووق ما تتخيل كمان
قصي لفها له وبخبث: طب واتخيل ليه ما توريني قد ايه بتحبيني حتى الافعال بتبقى احلى من الكلام ها
واقترب من شفتيها حلا ابتعدت قبل ان يقبلها مرة اخرى وضربته بقوة على صدره وهي تدفعه للحمام
حلا: بعينك ادخل يلا خد شاور
قصي نظر لها: طب بوسة واحدة
حلا امسكته ولفته ودفعته للحمام: لا ولا ربع حتى يلا على الحمااااام
دفعته حتى ادخلته الحمام واغلقت الباب
قصي من الداخل: طب حضن طيب
حلا: لا مش هتاخد اي حاجة غير لما تنزل الشغل لما تبقى ترجع ابقى خد براحتك
ابتسمت وخرجت لترتب الغرفة كارمن كانت تشعر بالغضب والشرار يطق من عينيها رأت سكين امسكتها وكانت ستتجه لحلا وتطعنها بها ولكن منعها خروج قصي....خرج قصي واقترب من حلا وعانقها من الخلف
قصي بحب: بقولك ايه
حلا: اممم
قصي: ما تيجي معايا ها
وجذبها للحمام حلا امسكت يده وابعدتها عن خصرها والتفت له
حلا ابتسمت: بس انا سبقتك يا روحي يلاااااا
ودفعته للداخل واغلقت الباب
حلا بتحذير: لو خرجت تاني هسيبلك الاوضة وانزل يلا خد شاور
قصي بزعل مثل الاطفال: بس ده مش عدل على فكرة
حلا هزت رأسها بالموافقة: اه ما انا عارفة اني ظالمة ومفترية كمان خد شاور على ما احضرلك لبسك يلا
اتجهت حلا لغرفة الملابس لتخرج له ثيابه وعندما همت كارمن لتدلف للغرفة وبيدها السكين تذكرت كلام والدتها فتراجعت وتركت السكين مكانها وخرجت بهدوء كما دلفت للغرفة وذهبت لغرفتها وهي تفكر ماذا تفعل وكيف تنتقم من حلا ثم ابتسمت بخبث
كارمن وبعينيها شرار وغضب وغيظ وغيرة: مش انتي بتحبيه وانا مش ههنيكي يا حلا وهفضحك قدام الكل واخليهم يعرفوا حقيقتك.....كنتي بتديني درس في الاخلاق والتربية خلينا نشوف مين اللي هيدي التاني درس في الاخلاق
__________________________________
بغرفة حلا وقصي عندما اخرجت له ملابس خرجت لترتب الفراش وبمجرد ان انتهت تليفون قصي اعلن عن رنينه فأمسكت الهاتف ورأت ان المتصل سمير فإبتسمت واجابت
حلا: السلام عليكم
سمير: وعليكم السلام اخبارك ايه يا حلول
حلا ابتسمت: انا الحمد لله انت اخبارك ايه
سمير: الحمد لله كويس
حلا: ايه يا عم مش ناوي ترجع ولا عجبتك ألمانيا ها قول قول ده انا اختك برضه
خرج قصي بهذه اللحظة وسمعها تتحدث بهاتفه فوقف واسند على الحائط وعقد ذراعيه امام صدره
سمير: لا مش كدة بس قولت اختفي شوية يعني قولت ارتاح شوية من الشغل واخد اجازة
حلا بخبث: تاخد اجازة من الشغل ولا اجازة من حيرتك وقلبك اللي مش فاهم حالته
صمت سمير ولم يعرف بما يجيبها
حلا ابتسمت: انا شايفة ان فيه حد بدأ يقتنع بكلامي ماشي يا سمورة عموما خد راحتك بس مش اوي ها ترجعلنا بالسلامة
سمير ابتسم: الله يسلمك
حلا: عاوز قصي
سمير: اه...بس بقولك ايه
حلا: اممم
سمير بتوتر: اخبار إيلين ايه
حلا ابتسمت: لو بتسأل صحيا هي تمام بس يظهر كدة مفتقدة لشخص مسافر ومش ناوي يرجع غير على حفلة فارس ورقية....بس اشمعنا إيلين يعني مسألتش عن ماما او انجلي او تيتا
سمير: ها لا...عادي سؤال عادي
حلا بخبث: سؤال عادي برضه مش عليا يا سمورة عموما خليك مخبي يا سيدي من حق الكبير يتدلع ويتقل برضه بس براحة علينا مش كدة وبعدين عيب عليك تخبي عليا ها
سمير بتوتر: لا.....مش....زي ما انتي....فاهمة...حلا...انا.....
حلا ضحكت: خلاص خلاص خلاص ايه اتوترت كدة ليه ده لو انا مسكاك في جريمة قتل مش هتتوتر كدة
قصي بغيظ وغيرة: مش كفاية كلام بقى
حلا التفت له: انت خلصت
قصي: من بدري بس شكلك مش فضيالي
حلا اقتربت منه وهي تعطيه الهاتف وبهمس: سمير عايزك قولت اكلمه واتطمن عليه اخويا بلاش اتطمن عليه كفاية اني معرفتش انه مسافر غير امبارح ومن انجلي وبقالي فترة مكلمتوش الله وبعدين ما انا قولتلك اللي فيها. قالت هذه الجملة بصوت منخفض ومن ثم اقتربت منه وطبعت قبلة على خده ونظرت له بحب اخذ قصي منها الهاتف
قصي: السلام عليكم اخبارك ايه يا سمير
سمير: انا الحمد لله يا قصي انت اخبارك ايه واخبار الكل
قصي: كله تمام كويسين
سمير: بقولك انا بعتلك العقد على إيميلك بُص عليه وكدة وابقى قولي لو فيه حاجة وابقى رد عليا قبل العصر عندكوا ها
قصي: تمام انا هلبس وانزل الشركة واول ما اروح هشوفه واقولك
سمير: تمام يلا سلام
اغلق مع سمير ومن ثم دلف خلف حلا غرفة الملابس
قصي بغيظ: انتي من امتى بتدلعي سمير وتقوليله سمورة
حلا التفت له ونظرت له بإستغراب: عادي من وقت ما عرفته لما كنت بحب احفل عليه كنت بقوله سمورة وهو اصلا مبيحبش حد يدلعه كدة بس كنت بقولها علشان استفزه بس مأعترضش عادي انت ليه مدايق
قصي جذبها من خصرها بقوة لتصطدم بصدره العاري: ممنوع تدلعي اي حد غيري مفهوم
حلا ابتسمت بإستغراب: قصي سمير زيه زي اريان اخويا مجتش من كلمة قولتها مرة علشان تتحول كدة
قصي ابتعد عنها واخذ منها الملابس وشرع في ارتدائها: انا عرفتك اللي فيها
حلا لوت شفتها بقلة حيلة: انت ادايقت
قصي لم ينظر لها ولم يجيب حلا اقتربت منه ووقفت امامه وحاوطت خصره
حلا بحب: قصي انت عارف اني مبحبش حد قدك وعارف كويس ان مفيش راجل يملى عيني غيرك وانا مستحيل احب بعدك اذا كان ده محصلش قبلك علشان يحصل بعدك وانت عارف كويس ان لوئي وفهد وسمير بالنسبالي هما زي اخواتي بالظبط....خلاص بقى متزعلش علشان خاطري....انا اسفة
قصي نظر لها: بشرط واحد هقبل اعتذارك
حلا بحب: ايه هو
قصي اشار على شفتيه فضحكت حلا بخفة واقتربت منه وطبعت قبلة على شفتيه وعندما جائت لتبتعد لم يعطيها فرصة عانقها ووضع يده اسفل مؤخرة رأسها حتى لا تبتعد واخذ يقبلها بحب وشوق قليلا وابتعدت حلا عنه
حلا: مش ملاحظ انك طولت علشان نتصالح كفاية عليك لحد كدة اوعى
قصي: براحتي الله مراتي وانا حُر فيها انتي ايه اللي دخلك ما بينا
حلا نظرت له وضحكت: انا مراتك يا روحي طبيعي هتدخل يلا علشان تكمل لبس
ساعدته حلا بإرتداء قميصه وچاكيت البدلة وكان قصي يستغل الموقف ويتقرب منها ويقبلها جهز نفسه وهبط للاسفل وحلا هبطت معه واوصلته للباب في هذه اللحظة كانت كارمن تهبط من الدرج وتراهم وهم على الباب
حلا: هترجع امتى
قصي حاوط خصرها: ليه هوحشك
حلا: اها اكيد
قصي: خلاص بلاش نروح على الشغل مادام هوحشك متهونيش عليا يا قلبي
حلا ابتسمت وهي تدفعه للباب: لا معلش انا عاوزة اهون عليك امشي يلا على الشغل
قصي نظر حوله ومن ثم جذب حلا بقوة لحضنه وخطف من شفتيها قبلة
قصي: هو انا لما ارجع هنتقم منك شر انتقام علشان نزلتيني الشركة وهاخد راحتي....بس ده ميمنعش اني اخد برقوقة او خوخاية
واقترب وخطف قبلة ثانية من شفتيها ابتعدت حلا عنه
حلا: كفاية كدة ايه انت اما بتصدق
قصي: ما اول واحدة كانت برقوق والتانية خوخ ناقص الفراولة
جاء ليقترب ثانية حلا ابعدت وجهها: قصي خلاص احنا على الباب افرض حد جيه وشافنا وبعدين انت مبتشبعش امشي يلا
قصي ترك شنطته لتسقط بالارض وامسك وجهها بالقوة وامسك شفتيها في قبلة حلا حاولت ان تبعده ولكنها لم تستطع فحاوطت خصره بإستسلام قليلا وابتعد
قصي بحب: هتوحشيني وجدا بقولك ايه ما تيجي معايا الشركة
حلا: لا لو جيت معاك انت مش هتشتغل يلاااا
اقترب منها مرة اخرى ولكن قاطعته انجلي
انجلي: مش كفاية بقى ده انتوا حتى على الباب
تفاجئت حلا بها وابتعدت عن قصي واعتدلت
قصي: مراتي حد ليه عندي حاجة
انجلي ابتسمت واقتربت منهم: يا عم مراتك مقولناش حاجة بس في الاوضة مش هنا
قصي: ما هي اللي معذباني ومنشفة ريقي
حلا نظرت له بصدمة: افندم لحظة بس انت من الصبح واخد راحتك وانا مأعترضتش ازاي بقى منشفة ريقك ده انت حتى مكونتش عاوز تنزل الشغل
انجلي ضحكت: بس خلاص انتوا الاتنين روح على شغلك يا قصي يلا لانك اصلا اتأخرت فهد سبقك ها
قصي: ماشي خلي بالك منها يا نونو لحد ما ارجع سلام
انجلي ابتسمت: حاضر
انخفض اخذ شنطته وجاء ليخرج ولكن اوقفه ندائها
حلا: قصي
التف لها قصي: عيونه
حلا ابتسمت: متنساش تفطر قبل ما تشتغل وتاخد علاجك وإلا......
قصي مكملا: وإلا هتعاقبيني وتخاصميني وخصامك ابن ستين كلب
انجلي ضحكت بشدة على اخوها وحلا نظرت له بصدمة ثم ضحكت على جملته
حلا: طب كويس انك عارف فنفذ بقى وانت عارف اني هعرف ها
قصي ابتسم: حاضر اي اوامر تانية يا سيادة الاميرة سندريلا
حلا ابتسمت: خد بالك من نفسك وترجعلي بالسلامة مش عاوزة حاجة تانية تقدر تروح
ابتسم قصي بحب وخرج واتجه لشركته
انجلي: امممم اه لو يجيلي واحد زي قصي وسيم كدة ويحبني ويدلعني زي ما بيدلعك
حلا نظرت لها بطرف عينيها: لا احنا حلوين مع بعض بلاش نقلب من على الصبح ايه يا انجلي عندك البيت مليان رجالة شوفي اي حد إلا ده
انجلي ضحكت: مش معقولة بتغيري عليه مني
حلا: اغير عليه من اي حد يتمناه او يبصله بس بإعجاب
كارمن رأتهم ولكن لم تسمع حديثهم دلفت انجلي وحلا ورأوا كارمن وهي تهبط من على الدرج وانجلي وحلا شعروا بشئ غريب بنظرات كارمن ولكن حلا فسرتها انها تخطط لفعل شئ ضدها ولكنها لم تهتم استدعت سلمى انجلي للمطبخ فدلفت انجلي لها وحلا دلفت للصالون لم يكن موجود سوى سوزان وكارمن عندما كارمن رأت حلا وقفت امامها
كارمن: انتي ناوية على ايه يا حلا
حلا نظرت لها وابتسمت بسخرية: والله اللي اعرفه واللي المفروض تسأل السؤال ده هو انا....انتي ناوية على ايه يا كارمن وعاوزة ايه من قصي
كارمن: اللي بيني وبين قصي شئ ميخصكيش بس علاقتنا ببعض مميزة
حلا ابتسمت: فعلا هي علاقة مميزة اكمن قصي مبيطقكيش ورفضك اكتر من مرة
كارمن بغيظ: بس على الاقل مبخونش جوزي مع اخوه زيك
حلا نظرت لها بإستغراب وابتسمت: لحظة بس وانا امتى خونت جوزي وانتي جيبتي الكلام ده منين
كارمن عقدت ذراعيها امام صدرها وبههدوء وخبث: شوفتك وانتي في اوضة قصي وبلاش اذكر الوضع اللي شوفتكوا فيه
حلا بإستفزاز وجرائة: وضع ايه....اااه....قصدك اني كنت في حضنه وهو بيبوسني....اه ماله يعني وفيها ايه
سوزان بصدمة: يخربيت بجاحتك انتي بتعترفي بده وعادي مش خايفة ان حد يسمعك ويعرف
حلا ضحكت: لحظة بس هخاف من ايه ومن مين انا معملتش حاجة غلط
امسكتها كارمن من يدها بغضب: بتخوني سمير مع قصي وبتقولي انك معملتيش حاجة غلط.....متفتكريش انه بيحبك او هيتجوزك يا حلا لان قصي مبيفكرش في حد غيري انا وهو بنحب بعض ومن زمان وقصي ليا وملكي متحلميش بيه
حلا بإستغراب وعدم فهم: لحظة بس وهخون سمير ليه مع قصي انتي بتقولي ايه
سوزان: ايوة بتخوني جوزك سمير مع قصي
حلا فهمت ما يقصدونه وظلت تضحك بشدة على كلامهم
كارمن بغضب: اضحكي حلو وانا هخليكي تضحكي اوي لما اعرف الكل حقيقتك الوسخة
حلا صمتت ونظرت لها وبتحدي: وانا عاوزاكي تجيبي الكل وتقوليلهم اللي شوفتيه وبالتفصيل ها بالتفصيل يا كارمن احسن ازعل واقولهم انا اللي انتي شوفتيه واللي مشوفتيهوش كمان. ثم ضحكت
كارمن بإستغراب وغيظ: انتي ازاي كدة وبتضحكي عادي كإنك معملتيش حاجة غلط ومش مكسوفة من نفسك ولا همك حد
حلا نظرت لها وابتسمت: اللي المفروض تتكسف هنا انتوا مش انا على الاقل مش انا اللي لازقة في راجل هو مش متقبلني ورفضني اكتر من مرة وكمان مش انا اللي حاولت اخرب بيت اتنين بيحبوا بعض بالتزوير والكدب. وهنا وجهت كلامها لسوزان
كارمن: تمام وانا هجيب الكل واعرفهم حقيقتك
حلا: الكل عارف الحقيقة وعارفين اني كنت نايمة في حضن قصي ومحدش يقدر يكلمني او يحاسبني ويقولي انا بعمل ايه لان ده حقي شرعا وقانونا انتوا اللي فاهمين غلط
كارمن بغضب: انتي ا.......
امسكتها سوزان وبإستغراب: قصدك ايه
حلا نظرت لكارمن بتحدي وثقة: قبل ما اقول قصدي ايه خليني ارد على بنتك الاول بخصوص الكدبة اللي انتي قولتيها من شوية انك انتي وقصي بتحبوا بعض من زمان بصراحة مدخلتش عليا ومش هتدخل لان انا في حياة قصي من قبلك بكتير واما بخصوص انك قولتي انه ملكك وليكي ومش هيكون غير ليكي انتي غلطانة لانه مستحيل يكون ليكي في يوم من الايام مهما حاولتي ومهما عملتي
كارمن بغضب: انتي فاكرة انه هيتجوز واحدة رخيصة زيك
حلا بهدوء شديد: اومال هيتجوز واحدة فارضة نفسها عليه زيك وهو مبيطقهاش اصلا
كارمن بغضب: وانتي ايش عرفك انه مبيطقنيش هو قالك ده
حلا ابتسمت: اها وقالي كلللل حاجة من اول مرة دخلتي البيت لحد ما دخلتي عليه اوضته وحاولتي تتقربي منه ومفاوضته مع والدتك بإنه يفضحك لو حاولت تطلعه غلطان
اتصدموا من معرفتها الحقيقة
حلا بتحدي وثقة وهي تبتسم: خليني بقى اعرفك انا مين اسمي الكامل حلا يحي الدالي قصي احمد الشناوي
اتصدموا من كلام حلا ونظروا لها بصدمة
حلا ابتسمت اكثر: انا مرات قصي وهو ملكي شرعا وقانونا وهو من حقي انا وبس ده بالاضافة ان اوضته هي اوضتي ومكان ماهو بيتواجد مكاني لان مكان الزوجة مكان ما يكون جوزها حتى لو في اخر البلاد فطبيعي ان سريره هيكون سريري برضه وهو كله على بعضه بتاعي....لسة عندك اي استفسار ياااا....انسة كارمن....اااه لو لسة مُصرة تجيبي الكل وتقوليلهم اللي شوفتيه ارجوكي اعملي كدة متهونيش عليا تفضلي متعصبة كدة ودمك بيغلي
كارمن اتجهت لها بغضب وامسكتها من رقبتها بقوة وخنقتها: انتي كدابة قصي مستحيل يتجوز غيري لانه ليا انا وبس وانتي مش من حقك اي حاجة تخصه وهتخرجي من اوضته بالذوق او بالعافية ومن حياته وكمان من البيت ده
حلا حاولت ابعاد يدها ولكنها لم تستطع وشعرت بالاختناق وبشدة حلا رفعت قدمها وضربتها بقوة في قدم كارمن ومن ثم ضربتها بالروسية كارمن ارتدت للخلف وهي تترنح وانفها ينزف سوزان امسكتها
سوزان وبغضب: انتي ازاي تعملي كدة في بنتي
جاء الجميع على صوتهم وكانت حلا ممسكة برقبتها وتتنفس بصعوبة
سلمى بقلق: حلا مالك انتي كويسة
حلا وهي تجاهد لتتحدث: انتوا ازاي مخليين واحدة مريضة زي ديه معانا في نفس البيت......كان فيه سوء تفاهم ودخلت عليا انا وقصي الاوضة من غير ما تستأذن وجاية بتهددني انها تقولكوا اني بخون سمير مع قصي وبتقول عني رخيصة ووسخة ولما سألتها عن السبب اللي هخون سمير مع قصي وليه هعمل كدة هي ومامتها افتكروا اني متجوزة سمير ولما قولتلها الحقيقة ان قصي هو اللي جوزي واني مراته قامت خنقاني فأنا علشان ابعدها عني ضربتها وامها مُصرة تطلعني غلطانة مع اني معملتش حاجة غير اني وضحت سوء الفهم اللي حصل ودافعت عن نفسي ياريت تقوليلهم انتي الحقيقة يمكن يصدقوكي انتي هما مش راضيين يستوعبوا ان اللي انا بقوله هو الحقيقة
وحلا اغمضت عينيها بقوة وظلت تكُح بسبب الخنقة التي خنقتها كارمن وكمان كانت تشعر بأن حنجرتها تؤلمها وكانت رقبتها يتضح عليها اصابع كارمن وحمراء بشدة
سلمى بغضب: ايه اللي انتي عاملتيه ده يا كارمن طب امبارح لما دلقتي عليها القهوة قولت علشان بتحبي قصي وغيرانة عليه بس متوصلش انها لما تقولك انها مراته تخنقيها.....وعلى فكرة حلا مكدبتش هي مرات ابني قصي فعلا ومحدش ليه الحق يتدخل ما بينهم انتي اتعديتي حدودك يا كارمن وانا مسمحلكيش تئذي حلا علشان انانيتك وبحذرك ابعدي عن بنتي........حلا بنتي قبل ما تكون مرات قصي وبقولك تاني ابعدي عن ابني وبنتي وإلا صدقيني هتندمي.....تعالي معايا يا حلا
اخذتها سلمى واجلستها بالمطبخ وحضرت لها مشروب دافئ واعطتها له لتشربه
سلمى: حبيبتي انا اسفة على اللي حصل انا السبب حقك عليا
حلا امسكت يدها وطبعت قبلة عليها: حبيبتي متقوليش كدة انتي ملكيش دعوة باللي حصل بس حقيقي شكلها مريضة نفسية ابقي رشحلها دكتور نفسي وان معرفتيش اعرف دكتور نفسي كويس ممكن ارشحهولها ناس مريضة مكنش ناقصنا غير المريضين نفسيا والمعقدين عرفتيهم ازاي دول......اوعي تكوني كنتي مريضة نفسيا قبل كدة. قالتها بتمثيل الصدمة والشك وبمرح
سلمى ضحكت: لا ياختي متخافيش بس ديه صديقة اتعرفت عليها عن طريق الشغل كانت ممرضة وانا دكتورة وطبعا كنا طب وتمريض عسكري بس
حلا: يعني علاقتكوا مش اللي هي
سلمى: في الاول كانت كدة بس بعد الجواز قربنا من بعض
حلا بإستغراب: إشمعنا بعد الجواز.....معقولة يكون ليها هدف معين عاوزة توصله.....او معقولة تكون حاطة عنيها على بابا احمد. قالتها بترقب من رد فعل سلمى
سلمى نظرت لها قليلا ثم نفضت الفكرة من رأسها وهزت رأسها بالنفي: لا طبعا اكيد لا
حلا بإستغراب: اومال إشمعنا بعد الجواز قربت منك وإشمعنا بنتها معجبة بإبنك انتي إشمعنا قصي بالذات ما الرجالة مالية الدنيا إشمعنا قصي هتقوليلي لانه وسيم هتفق معاكي بس برضه إشمعنا قصي ليه مش سمير ليه مش لوئي ليه مش فهد ليه مش كمال ليه قصي بالذات من بين كل دول
سلمى: عادي يا حلا إشمعنا انتي حبيتي قصي مش سمير او لوئي
حلا ابتسمت: لو تفتكري انا اول شخص اتعرفت عليه من ولادك هو قصي ولما كبرت عن طريق شغلي اتعرفت على سمير ثم لوئي قصي كان اول راجل يدخل حياتي واتعرف عليه واول شخص قلبي يدقله اكيد يعني من بعد ما قلبي دق لقصي اكيد مش هيدق لغيره
سلمى ابتسمت: ايوة يا عم بقى.....قوليلي عاملة ايه انتي وقصي دلوقتي
حلا: زي السكر كويسين مع بعض
سلمى: يعني اتصالحتوا اخيرا
حلا: اه من امبارح تقريبا
سلمى ابتسمت: طب الحمد لله بلاش تزعلوا تاني من بعض بقى وجعتوا قلبنا معاكوا
حلا ابتسمت وبمرح: يا خبر ابيض الكميل ده قلبه يوجعه وبسببنا يقطعنا بس قوليلي جايبة الحلاوة ديه منين وازاي بابا احمد سايبك كدة ها. وغمزت لها
ضربتها سلمى على ذراعها بخفة وخجل: بس يا بت اسكتي لحسن لو سمعك هيمسك في جملتك خليكي في اللي بتشربيه احسنلك
بالخارج في الصالون
فاطمة بإنزعاج: سيطري على بنتك يا سوزان وعرفيها انها في البيت ده مجرد ضيفة والضيف ليه حدود مينفعش يتعداها زي انه يتدخل في اللي ميخصهوش وخصوصي لو كانت خصوصيات اصحاب البيت يعني مينفعش تدخل اوضة حد من غير استئذان وخصوصي انها انسة مش مدام وعزباء مش متجوزة يعني صورتها هتبقى وحشة لو دخلت اوضة راجل غريب سواء متجوز او اعزب ولو انتي مش عارفة تربي بنتك صح قوليلي اعلمها انا واربيها واعرفها حدودها
انزعجت سوزان من كلام فاطمة ولكنها لم تستطع التحدث معها فصمتت
احمد بإنزعاج: قدام الكل ممنوع اي حد يدخل اوضة اي اتنين متجوزين من غير استئذان واما بخصوص اوضة قصي ولوئي وفهد لو حد احتاج حاجة منهم يقول لانجلي او لسلمى تطلع تقولهم واما بخصوص جاسر وادم واريان يبقى يقول لمها او حلا او مايا او روما غير كدة ممنوع اي حد يدخل اوضة حد تاني ميقربلهوش وخلص الكلام واللي هيتعدى حدوده هيخرج من البيت ده لان البيت ده بيت محترم مفيهوش الاعيب وسخة او حد رخيص واللي عاوز يفضل هنا لازم يحترم قوانين البيت ويعرف حدوده واللي مش عجبه مع الف سلامة الباب يفوت بدل الجمل مليون
وتركهم وذهب للمطبخ والجميع تركهم وذهبوا لأعمالهم
احمد: بنتي حبيبتي عاملة ايه دلوقتي
حلا لوت شفتها السفلى بزعل: تعبانة واتعلم على بنتك ينفع كدة شايف
واشارت على رقبتها طبع احمد قبلة على رأسها وعانقها
احمد بحزن وندم: حقك عليا انا اسف انا السبب
حلا: ايه يا ابو حميد بهزر معاك يا حاج مالك في ايه عمرك ما هزرت قبل كدة وبعدين عيب اللي انت بتقوله ده اعتذار ايه وبتاع ايه وبعدين انت مغلطتش لا انت ولا ماما هو كل واحد هيجي يعتذرلي ولا ايه لحظة بس لتكونوا عاوزين حاجة فداخلين عليا بالحب والحنية والاعتذار علشان اوافق عفوا لا اقبل بالرشاوي. قالتها بمرح
احمد وسلمى ضحكوا بخفة
حلا ابتسمت: ايوة كدة اضحكوا وخلوا الشمس تطلع وتنور حياتي يلهوي تصدقوا انكوا قمامير اوي امشوا من قدامي بدل ما احسدكوا
احمد ضحك وعانقها: طب تصدقي ان ما فيه حد قمر هنا غيرك
حلا نظرت له بشك وخبث: فكر تاني في اللي قولته انا بس اللي قمر هنا
احمد: احم مش بالظبك متفتكريش نفسك ياما هنا ياما هناك سلومتي برضه قمر
حلا: احم اراك تطردني بالذوق مع ان ده المطبخ مش اوضتك على فكرة وبعدين هو انا اعترضت على حاجة ده انا اللي قولتلك صحح جملتك لان فيه شخص هنا جماله مغطي على الكل ومدوب قلب ابو حميد ومخليه اعمى مش شايف غيره ولا ايه يا سلومة
سلمى خجلت بشدة وبتهرب: انا مش فضيالكوا
وجائت لتخرج امسكها احمد وجذبها من يدها لحضنه وحاوط خصرها
احمد بحب: على فين وبعدين لازم تفضي لجوزك ان مفضتيليش هتفضي لمين ها
سلمى: اوعى خليني احضر الفطار
احمد اقترب منها قليلا وبحب: ولو موعيتش هتعملي ايه
حلا: احم احم.....شكلك نسيت اني لسة هنا
احمد نظر لها ورفع احدى حاجبيه وبغيظ: وانتي ايه اللي مقعدك هنا
حلا بتوتر: ها لا ما انا كنت هخرج دلوقتي خد راحتك يا سيادة العميد احنا اسفينلك...تحياتي يا فندم....عن اذنك. قدمت التحية العسكرية واخذت مشروبها وخرجت سلمى ضحكت بخفة عليها وعلى مرحها واحمد سرح بضحكتها
سلمى انتبهت له وبخجل: احمد سيبني بقى احنا في المطبخ عيب اوعى
تركها احمد: لسة بتتكسفي مني بعد كل السنين ديه ده حتى عيب ده احنا جايبين اربع عيال اومال لو مكوناش مخلفين كنتي ايه هتختفي
ضربته سلمى بخجل وخفة على صدره: بس ايه اللي انت بتقوله ده وبعدين احنا مش في اوضتنا احنا في المطبخ افرض حد جيه وشافنا
احمد: بيتي ومراتي وانا حُر اعمل اللي انا عايزه براحتي
سلمى: اذا انت اللي بتقول كدة اومال سيبت للعيال ايه احنا مش صغيرين اوعى بقى خليني احضر الفطار اتأخرنا انهاردة
احمد: لحظة بس مين ده اللي كبر ما انتي لسة ليدي وصغيرة اهو وحلوة اهو وبعدين من حق الكبير يدلع يا ستي الله
سلمى ابتسمت: حاضر هبقى ادلع بس في الاوضة مش هنا
احمد: بجد هتدلعي انهاردة في الاوضة انا بقول تلبسي اللي لبستيه يوم فرحنا كان حلو اوي
سلمى خجلت بشدة وامسكته من يده ودفعته للخارج: اخرج برا ومشوفش وشك غير على الاكل امشي
احمد: طب اخد تصبيرة اي حاجة طب انتي دايما منشفة ريقي كدة
سلمى بصرامة: برااااااا
احمد ابتسم: خلاص بلاش فراولتك تطلع دلوقتي بدل ما اكلك ومش هيهمني حد
سلمى: احمدددد
احمد ضحك بخفة: طب خلاص متذوئيش هخرج بس بمزاجي ها
خرج احمد وهو يضحك على خجل زوجته رأته فاطمة وابتسمت
فاطمة: يا سلام يا سلام لما تكون رايق وبتضحك
يحي غمزله: هي القعدة في المطبخ كانت حلوة اوي كدة
حلا: اوي يا بابا كانت جاااامدةةة صح يا ابو حميد
امسك احمد مخدة وحدفها على حلا: محدش خد رأيك اسكتي انتي خالص
حلا ضحكت: طب ما انا ساكتة اهو وهو انا اتكلمت ولا قولت حاجة بس لو حابب ممكن احكي عادي
انجلي جلست بجانب حلا: ايه ده احكيلي يا حلول شوفتي ايه
حلا وهي تنظر لاحمد: شوفت قلب شخص بيدوب من الحب والشوق وكان ثانيتين وهيغيب عن وعيه مكونتش اعرف انك واقع زي يحي يا ابو حميد
يحي نظر لها بصدمة واستغراب والكل ضحك
حلا: لا والاهم انتوا واقعين واقعة محدش من ولادكوا وقعها لسة
يحي: اسمى الله عليكي ده انتي مدوخة قصي ومخلياه واقع تحت سابع ارض
حلا: لا عيب عليك ده واقع في قلبي بس عمري ما اخليه يقع تحت سابع ارض ده انا انقذه واقع انا هو لا
سامية: اوبااااا ايه الجمدان ده ايه يا حلا انتي بتنافسي يحي واحمد في الحب ولا ايه
احمد: لا انا انسحب لان حلا اكيد هتفوز
حلا ابتسمت: تؤ مش زيك برضه يا ابو حميد بس مقولتليش برضه القعدة كانت عاملة ازاي
احمد: اشربي وانتي ساكتة قولت
كانت حلا ستجيب عليه ولكن قاطعها رنين هاتفها فإستئذنت وقامت لتجيب دلفت لمكتب يحي واحمد
حلا: ايه وصلت الشركة
قصي: اه يا حبيبتي من شوية انتي كويسة
حلا بإستغراب: اه ليه
قصي: مش عارف حسيت انك محتاجاني او تعبانة يعني قلبي واجعني فجأة كدة انتي بجد كويسة
حلا ابتسمت بحب: ولو قولت اني مش كويسة ايه
قصي بقلق شديد ظاهر من صوته: مالك في ايه....طب اقفلي انا هاجيلك اخدك على المستشفى
وقام وقف واخذ مفاتيح سيارته
حلا ضحكت: حبيبي اهدى ده كان مجرد سؤال انا كويسة متقلقش ارجع كمل شغلك يلا.....انت فطرت واخدت علاجك ولا لسة
قصي: بجد....حلا لو تعبانة قوليلي ومتقلقنيش
حلا: حبيبي والله انا كويسة متقلقش...قولي فطرت ولا لا
قصي جلس بإطمئنان: اه اكلت واخدت الدوا اي اوامر تانية او طلبات
حلا: تؤ تؤ بس وحشتني
قصي ابتسم: ما انا قولتلك بلاش اروح الشغل بس انتي اللي اصريتي استحملي بقى
حلا ابتسمت وبحب: علشان عيونك استحمل اي حاجة وبعدين مصيرك ترجعلي ان شاء الله ساعتها هبقى اشبع منك براحتي
قصي: شكل الجميل رايق انهاردة ايه الروقان ده
حلا ابتسمت وبحب: وهو اللي يصحى على وشك وابتسامتك ميكونش رايق ليه وبعدين فيه حد يبقى معاه الكينج وبينام ويقوم وهو في حضنه ويصحى اول حاجة يشوفها وسامته تفتكر يعني مزاجه هيبقى عامل ازاي
قصي: اراكي بتعاكسيني حياتي ايه
حلا بحب: اها ان معاكستش كينجي مين هيعاكسه غيري
قصي: احم طب حلا انا بقول كفاية لحد كدة لما ارجع كملي معاكسة براحتك بس لو فضلتي كدة كتير هسيب الشغل يولع الشغل على اللي عاوزه وهاجي اخطفك انا اصلا نازل بالعافية وانتي بتغريني كدة
حلا ضحكت: طيب خلاص لما ترجع هبقى اعاكسك براحتي واهو تكون قدامي علشان اعرف اتكلم اكتر
تنهد قصي بحرارة: عاوزة ايه انتي دلوقتي ها
حلا ضحكت بخفة: عاوزاك تقفل وتخلص شغلك علشان ترجعلي بسرعة يلا سلام
قصي ابتسم: سلام.....حلا
حلا: نعم
قصي: بحبك ققققددد البحار وسمكاتهم
حلا ابتسمت: وانا بحبك قد الكون كله يلا سلام
اغلقت معه وخرجت جلست مع الجميع
احمد: ايه كان حبيب القلب لحقتي توحشيه
فاطمة: ما تسيب العيال يحبوا في بعض الله انت لما كنت شاب لما كنت بتروح الشغل كل ما تفضى تكلم سلمى ايه مستكتر عليهم مكالمة واحدة
حلا: كل الحكاية انه حس انه حصلي حاجة فإتصل علشان يطمن عليا مش اكتر
احمد بخبث: كل ده بيطمن عليكي
حلا نظرت له: لاااا مش اللي بعمله في الناس انت تطلعه عليا وبعدين خليني ساكتة بدل ما اقول انا شوفت ايه جوا ها
احمد: انتي تاخدي راحتك يا حلول البيت بيتك لو عاوزة تدخلي تتكلمي تاني معاه براحتك
الكل ضحك
حلا ابتسمت: ايوووة كدة احبك وانت بتسمع الكلام ومُطيع يا ابو حميد
جلسوا يمرحون ويمزحون وكارمن وسوزان يجلسون بغرفة كارمن يشتعلوا غضبا
كارمن بغضب وغيظ: ماما لازم نعمل حاجة انا بحب قصي ومقدرش اعيش من غيره ومستحيل استحمل انه يكون مع حد تاني وان متجوزتوش انا ممكن اموت نفسي
سوزان: وهتتجوزيه ازاي هو متجوز والكل بيحب مراته حتى سلمى اللي كانت ممكن تقف في صفنا ونخليها تقنعه يتجوزك بتحب حلا جدا وبتعتبرها بنتها
كارمن بغضب: يعني ايه....ماما متحاوليش تقوليلي اني انسى قصي لان ده مستحيل يحصل
سوزان بتفكير: لا بس لازم نفكر كويس ازاي نبعدها عن قصي ونخليهم ينفصلوا بس ده عاوز تفكير على روقان بس الاهم لازم نكسب سلمى لصفنا تاني وانتي يا كارمن لازم تسيطري على اعصابك اكتر من كدة ماشي حبيبتي
كارمن اومأت بتفهم وجلسوا يفكرون ويخططون ضد حلا......قليلا وجلسوا يفطرون معا وهم على السفرة
كارمن: حلا....انا اسفة على اللي حصل بس مكونتش قادرة استوعب اللي قولتيه وكمان اتصدمت يعني اللي قولتيه كان غريب عليا شوية إكمن قصي مبيعرفش بنات ومبيديش لاي بنت وش وكدة يعني فحكاية جوازه ديه كانت غريبة وصعبة عليا....انا اسفة حقك عليا متزعليش
حلا استغربت اعتذارها واستسلامها بالسهولة ديه ولكنها لم تظهر ذلك: لا عادي وكدة كدة كان لازم تستوعبي وتعرفي الحقيقة
كارمن ابتسمت: يعني سامحتيني
حلا بادلتها الابتسامة: اكيد
كارمن نظرت لسلمى: انا اسفة يا طنط حقك عليا متزعليش
سلمى ابتسمت: لا حبيبتي خلاص مادام حلا سامحتك يبقى مفيش داعي انك تعتذري مني وبعدين انتي غلطتي في حق حلا مش في حقي
كارمن: بس انا ادايقت لاني زعلتك انتي متعرفيش انتي بالنسبالي ايه يعني غلاوتك من غلاوة ماما
انجلي انخفضت على حلا وهمست: ايه الاحترام ده مش من عوايدها قلبي مش مطمن
حلا همست ايضا: ولا انا بس ناخد الجاموسة على قد عقلها ونشوف هتوصلنا لفين يمكن نعرف نكشف الحقيقة
انجلي ضحكت بخفة ونظرت لحلا وحلا نظرت لها وهي تبتسم واكملوا فطارهم قرب عودة قصي صعدت حلا وارتدت طرحة على رقبتها ومن ثم هبطت جلست مع الجميع وعلى الخامسة مساءا عاد الشباب من عملهم وكانوا يجلسون ولكن حلا لم تكن موجودة وانجلي ورقية وروفيدة وساندي
قصي بإستغراب: اومال فين حلا وباقي البنات
سلمى: في المطبخ بيحضروا الغدا
اومأ قصي بتفهم قليلا وصعد لغرفته ليبدل ملابسه حلا تركت البنات وخرجت اتجهت للصالون
سامية: جوزك سأل عليكي يا حلا اطلعيله هو في الاوضة يمكن يكون عايزك في حاجة
حلا اومأت بتفهم: حاضر يا تيتا عشر دقايق والاكل هيبقى جاهز عن اذنكوا
صعدت حلا لغرفتهم ودلفت سمعت صوت المياه فعلمت انه يأخذ شاور فدلفت لغرفة الملابس لتخرج له ملابسه جائها تليفون فأجابت
حلا: ياااااه اخيرا كلمتني يا اخي انا قلقت عليك لا بترد واتس ولا فيس ولا فون ايه كنت مخطوف انا قولت انك مُت
سام ضحك: شكرا شكرا شكلك نفسك اني اموت صح
حلا: هو اه ولا في نفس الوقت اخبارك ايه
سام: انا تمام الحمد لله انتي اخبارك ايه
حلا: انا الحمد لله كويسة
سام: حلا بُصي انا دوخت على محسن ده ملقيتهوش مفيش حد بالاسم ده هنا انا بقول انه ممكن يكون ليه اسم مستعار حاولي تفكري كدة يمكن قالك او اتذكر قدامك اسم
حلا صمتت قليلا لتفكر ومن ثم اردفت بتذكر: ابحث كدة عن شخص اسمه مارك او مارد
سام: تمام يلا هسيبك بقى دلوقتي
حلا: تمام وخليك على تواصل معايا واحتمال اجيلك قريب تمام لان هنبدأ في التنفيذ قريب
سام: تمام ابقي بلغيني باليوم ورقم رحلتك علشان ابقى استقبلك
حلا: حاضر يلا سلام
اغلقت حلا مع سام
قصي من خلفها: هتروحي فين وتنفيذ ايه
حلا انتفضت بفزع: ايه يا قصي خضتني
قصي اقترب منها وابتسم وحاوط خصرها: سلامة قلبك من الخضة يا فراوليتي........... مجاوبتنيش برضه
حلا: كنت بكلم سام وكان بيسألني على شوية حاجات بخصوص المهمة اللي احنا ماسكينها وكدة بس وانا احتمال اسافر قريب علشان التنفيذ وكدة
قصي: امممم وهتسيبيني
حلا ابتسمت وحاوطت عنقه: بس انا مش هسافر دلوقتي
قصي: بس هتسيبيني
حلا: دول هما كلهم يومين او اربع تيام بالكتير يعني مش هطول
ابتعدت عنه واخرجت له ملابس واعطتها له وجائت لتخرج جذبها قصي من خصرها ولفها له
حلا بإستغراب: ايه في ايه
قصي بحب: كنتي بتقولي ايه بقى على التليفون. وجذبها بقوة لحضنه حلا وضعت يديها على كتفه العاري
حلا بتوتر: ها لا مكونتش بقول حاجة اوعى خليني انزل
قصي رفع احدى حاجبيه: وحياة طنط اومال مين اللي كانت بتعاكسني الصبح وبعدين مش فيه بينا اتفاف فين بقى
حلا ابتسمت: هنفذه بس لما نتغدى الاول يلا البس
قصي: ما تيجي نروح بيتنا احسن ونقضي هناك كام يوم
حلا: مش انهاردة خليها يوم تاني
قصي: ماشي....طب عاوز تصبيرة طب
حلا ضحكت: انت مبتشبعش يابني ما انت اخدت الصبح تصبيرات تكفيك عشر سنين
قصي بتمثيل الزعل: كدة طب انا زحلان خالث مالث
حلا ضحكت: يخلاثي على العثل متجوزة ابن اختي يا ناااس. وضحكت بشدة
حلا اكملت: تصدق تنفع تبقى طفل
قصي: اممم وحشتيني على فكرة
حلا ابتسمت: ما انا عارفة
قصي بغيظ: يخربيت ام فصلانك يا شيخة غوري من وشي
حلا ابتعدت: متأكد عاوزني اغور ومن وشك
قصي نظر لها قليلا: افهم انك بتغريني حد قالك اني ضعيف ولا حاجة مبضعفش انا
حلا: بقى كدة تمام اسيبك بقى تغير هدومك وابقى نام لوحدك بقى هنام مع انجلي انهاردة سلام
قصي نظر لها بصدمة ثم جذبها من معصمها: لحظة بس تنامي فين يا روحي ده بعينك
حلا بخبث: مش انت قولت انك مبتضعفش ومش عايزني اغريك الله اخاف عليك لحسن تضعف كدة ولا كدة وترجع في كلامك
قصي بحب: لا في الموضوع ده برجع في كلامي عادي متقلقيش انتي بس متدخليش
حلا ضحكت: ازاي مدخلش انت ناسي اني مراتك
قصي بحب: واحلى مدام في الدنيا كلها كمان
حلا ابتسمت: طب ممكن سعادتك تسيبني انزل
قصي: لا ادفعي ضريبة وهنزلك
حلا نظرت له ثم افتربت منه طبعت قبلة على احدى وجنتيه وجبينه: خليني بقى انزل علشان احط الاكل
قصي طبع قبلة على وجنتيها: ماشي مع اني مش راضي بيهم بس ماشي روحي
حلا ابتسمت وخرجت هبطت للاسفل ووضعت الاكل مع الفتيات وعندما تجمع الكل على السفرة صعدت حلا لتخبر قصي ولكنه قابلها بالطرقة
حلا: كويس انك خلصت يلا علشان الكل مستني تحت
كانت كارمن بغرفتها تأخذ هاتفها عندما خرجت رأتهم ولكنهم لم يروها جائت حلا لتهبط للاسفل جذبها قصي من يدها لحضنه وحاوط خصرها
قصي: مش انتي حطيتي الاكل
حلا بإستغراب: اه
قصي بحب: يبقى اخد ضريبتي
حلا: انا مش بوستك جوا عاوز ايه تاني وبعدين احنا في الطرقة ممكن حد يشوفنا اوعى بقى
قصي: هتلاقيهم كلهم تحت في السفرة مفيش حد هنا
حلا بجدية وصرامة: قصي خلاص سيبني بقى
تركها قصي وعقد ذراعيه امام صدره وبزعل: لو مدتنيش ضريبتي مش هنزل اكُل
حلا بنفاذ صبر: عاوز ايه انت دلوقتي
انخفض قصي قليلا بجزعه العلوي ليصبح بمستوى طول حلا تقريبا واشار على خده الثاني واردف: بوستي اخوه جوا وهو لا فزعل راضيه يلا
حلا ضحكت بخفة واقتربت منه لتطبع قبلة على خده وعندما كانت تكاد تلمس خده ادار وجهه بأخر لحظة ليمسك شفتيها في قبلة عميقة ووضع يده اسفل مؤخرة رأسها وحاوط خصرها ليقربها له ظلوا هكذا قليلا ومن ثم هبط ودفن وجهه بعنقها
قصي بدون وعي: لو تعرفي انتي وحشاني قد ايه وانا عاوز اعمل ايه
حلا ابتسمت وبحب: عاوز تخطفني من الدنيا كلها صح
سمعت همهمته وهو مازال دافن وجهه بعنقها قليلا وابتعد عنها وهو يشعر بالانزعاج
قصي مد يده وكان سيخلع الطرحة التي تضعها على رقبتها: حلا ما تخلعي الطرحة ديه
حلا بتوتر وبسرعة: لا. وابتعدت عنه
قصي بإستغراب شديد: حبيبتي الجو حر انتي لبساها ليه
حلا بتوتر: ها.....عادي يعني....يلا خلينا ننزل نتغدى. قالتها بتهرب وهي تمسك يده وتسحبه خلفها ليهبطوا لاسفل عندما رأتهم كارمن شعرت بالانزعاج وبشدة وبالغضب ولكنها حاولت ان تتمالك اعصابها وهبطت للاسفل وجلس الجميع على السفرة يتغدون في اجواء مليئة بالمرح والضحك وبعد الغداء جلسوا قليلا مع بعضهم يشاهدون فيلم ومن ثم صعد الجميع لغرفهم ليرتاحوا.....بغرفة حلا وقصي دلف قصي للحمام وحلا جلست على الفراش واخذت مخدرها وشعرت بإرتفاع درجة حرارة جسمها بسبب شعورها بالحر الشديد ووجهها احمر بشدة فهمت بخلع الطرحة ولكن قصي خرج بهذه اللحظة فوضعتها حول رقبتها بسرعة وتوتر جاء قصي من خلفها وعانقها
قصي بحب: اخيييرا هستفرد بمراتي
حلا ابتسمت بتوتر: اها اخيرا. ومن ثم همست بصوت منخفض
حلا: اتهرب دلوقتي ازاي وازاي اخليه ميشوفش اللي في رقبتي
قصي بإستغراب: بتقولي حاجة يا حلالي
حلا بتوتر: ها لا حبيبي مبقولش حاجة
قصي: لا سمعتك بتقولي حاجة
حلا بتوتر: ها هو......يعني....اه كنت بقول اننا بقالنا فترة مخرجناش انا وانت ما تيجي نخرج
قصي وهو يعانقها: لو خرجنا من هنا هنروح على بيتنا
حلا بصوت منخفض: اذا كنت انا بقولك نخرج علشان منبقاش في البيت وتتقرب مني وتشوف اللي في رقبتي
قصي: بتقولي ايه يا حلا
حلا بتوتر: قصي خلينا نخرج نروح اي مكان ان شاالله نروح السينما حتى بقالنا كتير مخرجناش سوى
قصي وهو يقترب منها وبحب: بكرة هبقى اخرجك
حلا ابتعدت عنه: لا انهاردة
قصي جذبها من خصرها وبإصرار: قولت بكرة
حلا بإصرار وعناد: لا انهاردة ودلوقتي
قصي ببعض النرفزة: حلا قولت بكرة يبقى بكرة....وبعدين انا راجع من الشغل تعبان بكرة هنبقى ناخد انا وانتي اليوم من اوله لاخره اوعدك بس انهاردة مفيش غير حب ودلع وبس. قال جملته الاخيرة بحب وهو يقترب منها حلا توترت ولم تعلم كيف تمنعه وهي تفكر كان اقترب منها وامسك شفتيها في قبلة واخذ يقبلها بحب وشوق ولهفة ظلوا هكذا قليلا حتى شعر بأنفاسها تنقطع هبط على عنقها ولكن انزعج من الطرحة التي تضعها على رقبتها فإبتعد قليلا ليزيحها ولكن حلا ابتعدت وامسكت الطرحة بتوتر وخوف
قصي: حلا ممكن افهم يا حبيبتي لابساها ليه اولا احنا في البيت ثانيا وده الاهم الجو حر يعني مش برد ثالثا بقى انتي لابسة دريس وبكوم يبقى لازمة ديه ايه
حلا توترت ولم تعرف بماذا تجيبه
قصي بعدم ارتياح وشك: حلا انتي مخبية ايه عني. واخذ يقترب منها
حلا بتوتر وهي تعود للخلف: م....مش...مخ...مخبية عنك...ح...حاجة... هكون مخبية ايه يعني
قصي بشك: تمام اخلعي بقى الطرحة ديه
حلا بسرعة وتوتر: لا
قصي بترقب: احنا بقينا في الاوضة يا حلا وكدة كدة هتخلعيها علشان هنام اخلعيها بقى
حلا: لا هنام بيها
قصي بغيظ: وانتي من امتى بتلبسي طرحة واحنا في اوضتنا وحوالين رقبتك وبتنامي بيها كمان....حلاااا انطقي انتي مخبية ايه لاني متأكد انك مخبية عني حاجة وإلا مكونتيش هتبقي متوترة كدة ورافضة انك تخلعي الطرحة ده بالاضافة إصرارك على اننا نخرج ايه اللي انتي مخبياه عني ومش عايزاني اعرفه. قالها بنرفزة وعصبية
حلا بتوتر وتهرب: قولتلك مش مخبية حاجة.....ب....بابا كان عاوزني هروح اشوفه عاوز ايه
تخطته حلا وجائت لتخرج جذبها قصي من ذراعها بقوة ونزع الطرحة بالقوة وبعصبية حلا لم تستطع منعه ووقفت وهي تنظر له بتوتر وقلق وخوف من رد فعله قصي اتصدم من رقبة حلا المزرقة وبها القليل من اللون الاحمر وضع يده على رقبتها
قصي بهدوء شديد ولكن ما يسبق العاصفة: من ايه اللي في رقبتك ده
حلا بتوتر: د....ده....ده حاجة عادية يعني مش كبيرة انا كويسة قصي خلاص
وجذبت من يده الطرحة ولكنه جذبها من يدها بقوة ورماها على الارض وامسك وجهها ورفعه لينظر بعينيها
قصي بعصبية: حاجة عادية ومش كبيرة هتسيب علامة في رقبتك ده باين ان حد خنقك الصبح قبل ما انزل مكنش فيه في رقبتك حاجة ده معناه ان اللي حصل حصل بعد ما انا خرجت من البيت معنى كدة اني لما حسيت ان حصلك حاجة كان حقيقي وبجد بس لما كلمتك انتي قولتيلي مفيش حاجة.....دلوقتي بقى هتقوليلي الحقيقة يا حلا ايه اللي حصل وانا مش في البيت ولو مقولتليش هعرف من انجلي بس ساعتها هيبقى ليا تصرف تاني معاكي....مين اللي عمل كدة فيكي...انطقي
حلا قصت عليه ما حدث بتوتر وخوف وقلق عندما قصي علم ما حدث شعر بالغضب الشديد وقبض على يده لتتكون قبضة من شدة الغضب وعروقه برزت ووجهه احمر
حلا بتوتر: قصي علشان خاطري اهدى محصلش حاجة وبعدين هي عرفت غلطها واعتذرت.....اهدى وبلاش مشاكل
قصي بغضب: هي مإعتذرتش لانها عرفت غلطها لا هي اعتذرت لان شكلها قدام الكل كان وحش ولان ليها هدف عاوزة توصله بس انا مش هسكت اوعي من وشي
حلا وقفت بوجهه: قصي علشان خاطري الكل نايم بلاش تعمل مشاكل دلوقتي وبعدين انا كويسة محصليش حاجة خلاص بقى
قصي بغضب: بس انا مش هسكت اوعي
ابعدها قصي عن طريقه وخرج من غرفته
حلا بتوتر: يا ربي اهديه ازاي دلوقتي...اروح اشوفه لحسن يقتلها ده مجنون ويعملها
خرجت حلا خلفه بسرعة دلف قصي بهجوم لغرفة كارمن كانت تجلس تعبث بهاتفها عندما رأت قصي تركت الهاتف وقامت وهي تبتسم ولكن قصي اقترب وامسكها من رقبتها وخنقها وكاد ان يقتلها لولا ان حلا ابعدته عنها بصعوبة
حلا: قصي انت اتجننت هتموتها.....قصي خلينا نرجع اوضتنا وبلاش مشاكل
قصي بغضب لكارمن: لو مديتي ايدك مرة تانية على مراتي ساعتها هقتلك واشرب من دمك مش مرات الكينج اللي تحاولي تئذيها وتهينيها وفي وسط بيتها كارمن انا كنت بسكت على افعالك واقول معلش بكرة تعقل بس يظهر انك واحدة مريضة ومحتاجة تتعالجي عند دكتور نفسي....بس اشك ان حتى الدكتور ممكن ينفعك ابعدي عن حلا وإلا مش هرحمك
وامسك حلا وسحبها خلفه ليخرج وقبل ان يخرج التف لكارمن
قصي بنبرة هادئة ولكن مرعبة ايضا: انا عارف ان اعتذارك ليها ولماما قدام الكل لهدف انتي عايزة توصليله بس ليكون في علمك مفيش اي قوة على وجه الارض تقدر تبعدني عن حلا لا انتي ولا امك ولا افعالكوا ومخططاتكوا واي مشكلة هتحصل في البيت ده هتبقى بسببكوا ولو حاولتوا تئذوا مراتي او تبعدونا عن بعض بأي طريقة واياً كانت ايه هي فساعتها صدقيني هظهر وشي التاني ولو وشي التاني ظهر يبقى مش هتلاقوا مني غير كل شر واديني حذرتك قبلها لاني لما هاجي انفذ مش هقولك يا تقعدي في البيت ده بكرامتك وبإحترام ده لو كنتي محترمة يا إما هتطلعي من البيت ده بس من غير كرامتك واظن كل واحد عارف هو عامل ايه كويس
اخذ حلا وخرج من الغرفة ودلف لغرفتهم واغلق الباب
حلا: قصي ممكن تهدى بقى حبيبي العصبية مش حلوة اهدى علشان خاطري
قصي بغضب شديد: ازاي عايزاني اهدى حلا بعد ما شوفت اللي في رقبتك واللي حكيتهولي ازاي عايزاني اسكت ديه كان ممكن تموتك وبعدين انا مش كلمتك مقولتليش ليه اللي حصل
حلا بتوتر: مكونتش عاوزة اقلقك وبعدين اديك عرفت اهو
قصي امسكها من ذراعها بقوة وبنرفزة: يعني ان مقلقتش على مراتي هقلق على مين وبعدين كنت اشتكيتلك انتي مراتي يا حلا ومن حقي اعرف عنك كل حاجة وخصوصي لو حاجة سببت ليكي الاذى
حلا: طب ممكن تهدى طيب انا كويسة والله اهدى بقى....حبيبي خلاص
ابتعد قصي عنها ومسح وجهه بقوة وبعصبية وازاح بيده الڤازة والكاس الموضوعين على الطرابيزة وقعوا وانكسروا حلا انفزعت وقلقت من عصبيته المفرطة هذه رأته هو يكور يده في هيئة قبضة وكان سيضرب الطرابيزة وهي مصنوعة من الزجاج وكان سيجرح يده ركضت وامسكته من يده وجعلته يلتف لها
حلا بخوف وقلق: حبيبي ابوس ايدك اهدى انت كدة هتئذي نفسك قصي.....كفااااية
ابعد يدها قصي وكان سيخرج من الغرفة
حلا امسكته من يده وبقلق: على فين
قصي بعصبية: هخرج برا اوعي
حلا حاوطت خصره: لا مش هتخرج وانت بالحالة ديه هتئذي نفسك
قصي بعصبية: حلا ابعدي عن وشي السعادي علشان مجرحكيش
حلا بخوف وقلق: لا مش هبعد انا عاوزاك تجرحني اضربني اعمل اللي تعمله بس تهدى مش هتخرج من الاوضة وانت بالحالة ديه على جثتي
قصي اتنرفز اكثر بسبب كلمتها الاخيرة: حلااااا.....ابعدي عن وشي قولت
هزت حلا رأسها بالنفي وظلت تفكر كيف تمنعه فهو في قمة غضبه ولن تقدر عليه لم تشعر بنفسها سوى وهي تمسك وجهه بين يديه وتقبله بقوة وحب لكي تمتص غضبه وتهدئه قصي حاول ان يبعدها ولكنها تعلقت بعنقه وتشبثت بتيشيرته ولم تبتعد ظلت تقبله حتى استسلم واستجاب لها وهدأ قليلا حاوط خصرها وعانقها وقربها له اكثر كاسر كل الحواجز وقاطع كل المسافات بينهم ظلوا هكذا لوقت لم يستطيعوا تحديده حتى نسي قصي كل شئ بين يديها وهي نست نفسها بين يديه وذهبوا لعالم خاص بالاحباء فقط مبتعدين عن كل الحقد والكراهية والاعداء
__________________________________
بغرفة كارمن كانت تشعر بالغضب الشديد وازداد الحقد والكره تجاه حلا جلست على الفراش وهي تمسك رقبتها وتتنفس بصعوبة بسبب شدة غضبها دلفت عليها والدتها رأتها بهذه الحالة اغلقت الباب وجلست بجانبها
سوزان بقلق: كارمن مالك فيه ايه
وقفت كارمن بغضب شديد: لازم حلا تخرج من البيت ده وفي اقرب وقت
سوزان: طب اهدي بس حبيبتي احكيلي ايه اللي حصل
كارمن: قصي دخل خنقني وهددني بس علشانها علشان انا اهينتها وخنقتها قدام الكل وفي بيتها وقالي مش مرات الكينج اللي تتهان وتتئذي في نص بيتها وهددني وحذرني وقالي انه عارف ان ورا اعتذاري ليها ولطنط سلمى هدف وقالي ان مفيش قوة تقدر تبعدهم عن بعض لا انا ولا انتي ولا حتى مخططاتنا وقالي ان اي مشاكل هتحصل في البيت ده هنبقى انا وانتي السبب فيها واننا لو حاولنا نئذي حلا او نبعدهم عن بعض ساعتها هيظهر وشه التاني ويندمنا انا مبقيتش طايقة حلا وبسببها قصي ادايق مني وبعد عني بس انا مش هسمحلها بده قصي بتاعي وملكي انا وبس وهي مش من حقها تاخده مني
سوزان: طب اهدي خلينا نفكر هنعمل ايه
صمتت قليلا سوزان بتفكير ثم اردفت: كدة احنا مش هنقدر نوقع بين حلا وقصي بس ممكن حد يتدخل ويبعدهم عن بعض وكمان يساعدنا في انكوا تتجوزوا بس لازم نوقع بينها وبين حلا ونخليها تكره حلا وتطردها كمان من البيت
كارمن بإستغراب وعدم فهم: قصدك مين
سوزان ابتسمت بخبث: اقصد سلمى هي بتثق فيا حتى بتثق فيا اكتر من احمد وبتصدقني في كل حاجة انا بقولها بس محتاجين دليل على الكلام اللي هنقوله فهنستنى الوقت المناسب....متقلقيش انا مش هسيب حلا تطول مع قصي وانتي اللي هتاخدي مكانها في البيت ده وفي قلب قصي
واخذوا يخططون كيف سينفذون مخططاتهم وكيف سيفرقون بين حلا وسلمى وقصي
__________________________________
في صباح يوم جديد استيقظت حلا وفركت عينيها قليلا ثم فتحتهما لترى قصي امامها
قصي اقترب منها وطبع قبلة على شفتيها: صباح الجمال والحب والورد والياسمين
حلا وهي تسحب الغطاء عليها وتبتسم بخجل: صباح الوسامة
جذبها قصي لأسفله واقترب من عنقها وطبع عليه قبلاته وبحب: وحشتيني
حلا نظرت له بصدمة وإستغراب: ده احنا لسة صاحيين وبنقول بسم الله الرحمن الرحيم وطول الليل في حضنك ايه يا حبيبي اومال لو سافرت في شغل هتعمل ايه
قصي: لو انتي سافرتي انا هاجي معاكي ولو انا سافرت هاخدك معايا...وبعدين مش ذنبي قلبي بيحبك مش بإيدي اذا كان وانتي معاه وقريبة منه ومع ذلك الشوق بيكبر في قلبي اعمل ايه طيب ها...وبعدين انتي بتحلوي كل يوم عن اليوم اللي قبله اعمل ايه طيب
حلا بخجل: طب اوعى خليني اقوم
قصي ابتسم: تؤ تؤ
حلا: هو ايه اللي تؤ تؤ اوعى عاوزة اقوم
ابتعد قصي عن طريقها لتقوم حلا استغربت استسلامه بهذه السهولة قامت جلست وهي تبتعد لتجلس على طرف السرير لتنخفض لتجلب شئ ترتديه ولكن قصي لم يترك لها مجال فوضع يده على ظهرها وخصرها العاري وجذبها لحضنه ورفع الغطاء عليهم ليأخذها لحضنه وينسيها العالم والناس وضغوطات الحياة
__________________________________
في الاسفل بعد قليل استيقظ الجميع وهبطوا للاسفل
سامية: هي حلا وقصي لسة مصحيوش
انجلي: لا لسة
فهد: طب انجلي اطلعي صحيهم او صحي قصي لان فيه انهاردة اجتماع مهم وصفقة هنعقدها وممكن يكون ناسي
انجلي: طيب
صعدت انجلي لغرفة قصي وطرقت الباب....بالداخل حلا كانت تتوسد صدر قصي وهو يحتضنها بحب وشوق ودفئ ويعبث بخصلات شعرها تارة وتارة يملس على ذراعها
حلا: ممكن اقوم بقى
قصي: لا خليكي شوية كمان
حلا نظرت له: وبعدين على اساس يعني لو فضلت هتشبع مني
قصي تنهد بحرارة: ماهو المشكلة اني مهما عملت مش هشبع منك طب قوليلي اعمل ايه ها
حلا ابتسمت: تسيبني اقوم احضر الفطار
قصي: لا فيه غيرك يعملوه خليكي معايا
حلا ضحكت بخفة: انت محسسني اني مهاجرة انهاردة ومش هرجع تاني قصي قوم يلا علشان كمان تروح شركتك
قصي وهو يجذبها لحضنه بعدما حاولت ان تقوم: لا انهاردة اجازة وهنخرج انا وانتي
جائهم طرق على الباب
قصي: مييين
انجلي: انا انجلي يا قصي فهد بيقولك البس بسرعة علشان عندكوا انهاردة اجتماع مهم وعقد صفقة مهمة
قصي بإستغراب: انهاردة.....طب يا انجلي ربعاية كدة ولا تلتاية وهاجي
انجلي: طيب
وهبطت انجلي للاسفل
قصي بعدم تذكر: مأظنش ان عندنا اجتماع انهاردة
حلا: تلاقيك ناسي قوم يلا علشان تروح الشركة
قصي وهو يقوم: لا انا وعدتك اني اخرجك انهاردة فهنخرج انهاردة ولو فيه اجتماع هبقى أأجله
حلا ابتسمت وتعلقت بذراعه وهي تسند رأسها عليه: حبيبي عادي انزل شغلك وبكرة نبقى نخرج بس متأجلش شغلك
قصي: لا ان........
قاطعته حلا: لو بتحبني بجد متأجلش شغلك انزل اشتغل وخلص شغلك عادي وابقى فرغ نفسك بكرة ونخرج سوى انا موجودة مش هطير مادام الموضوع مهم متأجلهوش علشان خاطري
قصي نظر لها بإستغراب وحب: انتي ازاي كدة يعني اي زوجة مكانك كانت اتخانقت مع جوزها بقالنا فترة مخرجناش يعني انتي امرك عجيب يا حلالي دايما بتشجعيني على الشغل مع ان واحدة غيرك تتمنى ان جوزها يقعد من الشغل يهتم بيها
حلا ابتسمت بحب: انا عارفة انك بتحب شغلك وتعبت على ما وصلت للي انت فيه مينفعش اجي انا وادمرلك كل ده ده تعب سنين قصي وبعدين الزوجة تقف جنب جوزها علشان ينجح ويعلى ويتقدم مش علشان يرجع لورا وبعدين ما انت بتهتم بيا دايما حتى لو بينا مسافات ولما بترجع من الشغل بليل بتقعد تحب فيا وجو رومانسي يعني هعوز ايه تاني مادام انت جنبي ومعايا مش هكون عاوزة حاجة تانية وبعدين انا اختلف عن الاخرون لما تكسل وتأجل شغلك علشاني بدايق وبحس اني مش زوجة صالحة ليك لاني المفروض اشجعك مش اخليك تقعد جنبي وبعدين اللي انت بتحبه انا بحبه ومادام بتحب شغلك فأنا كمان بحبه ولو واجهت مشكلة او عوزت حاجة ممكن تيجي تقولي نشوف حل ليها ماشي
قصي نظر لها بحب شديد واضح من عينيه: عارفة يا حلا انتي كل يوم بتكبري قي عيني عن اليوم اللي قبله فعلا بابا كان معاه حق لما قال انك جوهرة نادرة صعب انها تتلاقى في الزمن ده....كلمة بحبك قليلة على مشاعري تجاهك.
طبع قبلة على جبينها وعانقها
قصي بحب: ربنا يخليكي ليا ومتحرمش منك ابدا
حلا عانقته وابتسمت: ويخليك ليا.....اظن احنا اتفقنا بكرة نبقى نخرج انهاردة روح الشركة وشوف شغلك يا استاذ مينفعش تقصر في شغلك الله
قصي ابتسم: اوعدك مش هقصر تاني
حلا: قوم يلا خد شاور على ما احضرلك لبس
قصي حملها وهو يدلف للحمام: وماله ناخد شاور ونبقى نحضر اللبس بعد الشاور
قبل ان تعترض حلا كان قصي دلف للحمام واغلق الباب نتركهم قليلا ونهبط للاسفل
روما: بقولكوا ايه ما تيجوا نخرج نشم شوية هوا ونجيب شوكولاتات وحاجات وكدة يعني
مايا: خلاص بعد الفطار نبقى نخرج
جميلة: انا نفسي في بوكيه ورد وفيه ورد الياسمين واللاڤندر وورد اسود معاه
روما: لا بلاش الياسمين والفُل لان حلا بتتحسس منهم وبتتعب بعديها
جميلة بتذكر: اه صح.....خلاص هجيب اللاڤندر اساسا حلا بتحبه اوي هو والورد الاسود هجيب واحد ليا وواحد ليها
آسيا وباقي البنات: واحنا ايه يعني ولاد القرد
جميلة انفزعت وضحكت: حاضر هجيبلكوا معايا بس انا معرفش محلات ورد فهقول لادم يمكن يعرف محل يقولي عليه اروحله
قامت جميلة وصعدت لغرفتها كان ادم ارتدى ثيابه ويضع برفيومه ويرتدي ساعته وحذائه دلفت عليه
جميلة: حبيب........اوبا ايه الجمدان ده
ادم ابتسم واقترب منها وحاوط خصرها: ايه حلو اوي للدرجادي
جميلة بهيام: حلو بس قول طلقة قول صاروخ ايه يا راجل ده بتجيب الوسامة والحلاوة ديه منين....بقولك ايه مفيش خروج بالمنظر ده
كان ادم يرتدي بنطلون اسود وقميص اسود وبليزر ابيض وكوتشي ابيض
ادم ضحك بخفة: بتغيري يا بطتي
جميلة: اها لو خرجت كدة هزعلك وهزعل واجيب ناس تزعل كمان
ادم ابتسم وطبع قبلة على خدها: بس محدش يقدر ياخدني من ملكتي ولا ايه يا جلالة الملكة
جميلة وهي تحاوط عنقه: اها اكيد طبعا بس برضه واحدة تبصلك كدة ولا كدة هرتكب جناية
ادم ضحك: لا متقلقيش اصلا مش رايح على مكان غير الشركة
جميلة: اممم طب انا هاجي معاك
ادم ابتسم: عاوزة تيجي تعالي
جميلة: انت مش هتنزل غير لما تفطر صح
ادم: اه
جميلة: تمام هجهز نفسي على طول
ادم: ماشي يا روحي انا هستناكي تحت
جميلة ابتسمت: ماشي
جاء ادم ليخرج تذكرت جميلة شئ
جميلة: ادومتي
ادم التف لها: نعم يا روح ادومتك
جميلة ابتسمت: متعرفش محل ورد بيبيع ورد اللاڤندر وورد اسود
ادم عقد حاجبيه بإستغراب: إشمعنا
جميلة: نفسي فيهم كنت هجيب واحد ليا وواحد لحلا وكمان البنات عايزين
ادم: خلاص هجيبلكوا بس بتاع حلا انا اللي هديهولها واهو احاول اصالحها
جميلة: انت بتغش مني هتروح تديها البوكيه اللي انا كنت عاوزة اقدمهولها
ادم ابتسم وبحب: وانا وانت ايه يا جميل وبعدين مش احنا واحد بس انا هجيبلها معاه شوكولاتة
جميلة: حبيبي متنساش ان انا مراتك حبيبتك برضه ولا لازم ازعل منك واخاصمك علشان تدلعني
ادم رفع احد حاجبيه: ده على اساس ان انا مبدلعكيش
جميلة: لا دلعك حاجة وانك تجيبلي شوكولاتة وورد ده دلع تاني
ادم ضحك: ماشي احلى شوكولاتية لاحلى شوكولاتية في حياتي
جميلة: ايه ده هو فيه شوكولاتة تانية غيري في حياتك
ادم بخبث: تؤ تؤ بس فيه قشطة ومربى بالفراولة ممكن اعرفك عليهم
جميلة بغيظ: نعم يا حبيبي مين دول بقى ان شاء الله
ادم: قربي وهقولك
اقتربت جميلة منه وهي تستشيط غضبا وتشتعل من الغيرة ادم اقترب منها وطبع قبلة على عنقها بحب
ادم: ديه القشطة
وطبع قبلة على شفتيها ثم اردف: وديه المربى اللي بالفراولة
نظرت له جميلة بصدمة ومن ثم تلونت وجنتيها باللون الاحمر من الخجل
ادم: فيه تاني لو تحبي ا.......طب هقولك استني....جوجو...يا جميلتي. وضحك عليها بعد ان ركضت على غرفة الملابس من شدة الخجل خرج ادم وهبط للاسفل وجميلة ابدلت ملابسها وارتدت مثل ادم بنطلون اسود واسع وشميز اسود وبليزر ابيض وحذاء بكعب عالي ابيض وتركت لشعرها العنان وارتدت حلق صغير لونه اسود وارتدت ساعتها الفضية ووضعت برفيومها الهادئ وهبطت للاسفل وجلست بجانب زوجها الذي انسحر بها وبجمالها......بغرفة قصي خرجت حلا من الحمام وخلفها قصي ودلفت لغرفة الملابس اخرجت له ملابسه واعطتها له ومن ثم وقفت امام دولابها حيرانة لا تعلم ماذا ترتدي قصي التف واستدعها لتساعده بغلق ازرار قميصه فتقدمت منه لتساعده
قصي: مالك يا روحي كنتي سرحانة في ايه
حلا: مش سرحانة بس مش عارفة البس ايه.....خلاص خلصت. قالتها بعد ان انهت غلق ازرار قميصه قصي اقترب من دولابها واخرج لها دريس احمر غامق ولكن ليس كثيرا بحمالة عريضة واسع ومفتوح من احدى القدمين واسفله بنطلون كرينة اسود وچاكيت قصير بكوم اسود واعطاها الملابس فدلفت للحمام وارتدتهم وتوضأت وخرجت صلت هي وقصي ومن ثم قامت جففت شعرها وصففته وتركته مفرود بناءا على رغبة قصي وارتدت حذاء مفتوح من الامام بكعب عالي اسود وساعتها الفضية وعقد فضي على شكل فراشة به القليل من الفصوص السودا وحلق فص صغير اسود ووضعت برفيومها الهادئ وخرجت من غرفة الملابس قصي لم ينظر لها فكان منشغل بهاتفه
قصي: حبيبي خدي المخدر بتاعك قبل ما ننزل يلا
حلا ابتسمت: حاضر
اتجهت حلا لدرج الكوميدو الذي بجانب فراشها واخرجت منه إبرة والمخدر وعبتها واخذتها ومن ثم اخذت هاتفها وخرجت خلف قصي انهى قصي المكالمة التي كانت معه والتف لحلا
حلا تعلقت بذراعه وابتسمت: يلا
قصي ظل ينظر لها قليلا ولم يتحدث
حلا نظرت له بإستغراب وهزته بقوة: قصي روحت فين
قصي: انا بقول بمنظرك ده نرجع الاوضة تاني
حلا ضحكت: مليش فيه انت اللي اخترت اللبس
قصي: انا مش هسيبك هنا هاخدك معايا الشركة
حلا ضحكت: كدة كدة مفيش حد من الشباب هيبقى موجود لانهم كلهم هينزلوا شغلهم
قصي: مليش فيه امشي قدامي يلا شكلك ناوية تخليني ارتكب جناية
حلا ضحكت وتعلقت بذراعه: همشي معاك علشان الكل يعرف اني ملك الكينج وبس وبعدين يا روحي محدش هيملى عيني زيك وانت مز كدة وشكلك هتتخطف انهاردة
قصي ضحك بخفة وهو يحاوط خصرها بتملك: تؤ تؤ متقلقيش محدش يقدر يخطفني غير الاميرة سندريلا وبس
حلا ابتسمت وحاوطت خصره وهبطوا للاسفل ودلفوا للصالون حيث الجميع يجلس
قصي وحلا معا: صباح الخير
الجميع: صباح النور
سلمى: ايه الجمال ده يا حلول طالعة مزة انهاردة
انجلي: تلاقيها عاوزة تخطف قلب وعقل قصي علشان ميروحش الشغل
قصي: لا ديه فقرية كل ما اجي اقعد تقولي لا انزل الشغل يا شيخة اسكتي
حلا رفعت يدها بإستسلام: لا انا بريئة هو اللي اختار اللبس.....وبعدين مش انت كنت بتنزل الشغل عادي قبل ما تتجوزني اشمعنا لما اتجوزتني عاوز تقعد وبعدين ماله الشغل ده انت حتى بتشتغل في مجال بتحبه جدا ايش حال لو مجال انت مجبور عليه لو مش حابه كنت هتعمل ايه
قصي: هو انا بحبه وكل حاجة بس مش اكتر منك وبعدين بقالنا كتييير مخرجناش يمكن من ساعة شهر العسل
سلمى: يلهوي وليه جاي على نفسك كدة يا قصي استنى لحد عيد جوازكم يا حبيبي وابقى خرجها
قصي: لا مليش فيه هي مش كانت مقموصة مني وزعلانة ومخصماني ومش عاوزة تكلمني تشرب بقى
سلمى بغيظ: ده على اساس انها كانت مقموصة كدة لله وللوطن ولا انت اللي كنت غلطان
قصي لحلا: عجبك كدة جيبالنا الكلام
حلا ضحكت بخفة: وانا مالي هو انا جيت جنبك يا لمبي
قصي: ايوة شيلي ايدك من الموضوع دلوقتي وسيبيني انا ماما تهزئني بسببك
حلا: احنا مش اتفقنا اننا هنخرج بكرة خلاص بقى يا حبيبي وبعدين انا مش عاوزة حاجة من الدنيا ديه غيرك مادام انت معايا انا مش هعوز حاجة تانية ابدا وجودك في حياتي يكفيني
قصي حاوط كتفها وجذبها لحضنه وطبع قبلة على جبينها: وانا هفضل لازق فيكي وقاعد على قلبك حتى لو انتي مش عايزاني هفضل قاعد برضه
حلا ضحكت بخفة: يااااه ده انت تنور قلبي وحياتي ودنيتي كلها
احمد: على فكرة احنا قاعدين يعني وشكلنا بنقزقز لب وانتوا مش واخدين بالكوا تاخدوا حبة
الكل ضحك
قصي: ما انت طول ما بتكون قاعد مع سلمى بتقعد تحب فيها بنفتح بوقنا بحرف ولا هو حلو ليك ووحش لينا
حلا ضحكت بخفة: خلاص قلبكوا ابيض
دلفت عليهم ساجدة: الفطار جاهز يا جماعة
دلف الجميع لغرفة السفرة وجلسوا يفطرون معا ومن ثم ذهب كل واحد لجهة عمله وباقي البنات جلسوا مع بعضهم يمزحون ويلعبون خرجت كارمن قليلا مع اصدقائها وعادت قرب العصر ومعها بوكيه ورد من الياسمين والفُل دلفت للمنزل وهي تبتسم ابتسامة خبيثة في نفس الوقت عاد قصي وفهد ومايا وايضا ادم وجميلة وآسيا واريان وآسر
آسر: هو انا عاوز افهم احنا ليه دايما بنرجع مع بعض
فهد: من شدة حبنا لبعض بنروح ونرجع مع بعض
قصي بإستغراب: ادم معلش بس عندي فضول اعرف انت جايب البوكيه ده لمين يعني لو قولتلي لجميلة هقولك ماهو معاها اللي في ايدك ده بقى لمين
ادم ابتسم: بلاش اقولك بدل ما تتعصب او تتغاظ
قصي رفع احدى حاجبيه: ده لحلا بقى خد هنا يالا هات البوكيه ده
ادم ابتسم: ابدا انا عاوز اصالحها
قصي ركض خلفه ليأخذ منه البوكيه والبنات والشباب يضحكون عليهم دلفوا للمنزل وصوتهم عالي خرج يحي واحمد وسلمى ومها وعفاف ومحمد وفاطمة وسامية وسحر على اصواتهم
سلمى بإستغراب: مالكوا في ايه
ادم وقف خلف سلمى: انا جايب بوكيه ورد وشوكولاتة لاختي وابنك مش عايز يخليني اصالحها وعاوز ياخد البوكيه يرضيكي يا ماما
سلمى نظرت لقصي: ما تسيبه يا قصي يصالحها
قصي بغيظ: وهو لازم ورد وشوكولاتة خد هنا ياض بدل ما ازعلك
ادم: لا انا اللي جايبه وانا اللي هديهولها
قصي: ادم هاته بد.............
قاطعهم صريخ روما بإسم حلا فإنفزع الجميع........دلفت كارمن على البنات وهي تنظر لحلا تقدمت كأنها ستأخذ كوب الماء الذي على الطرابيزة وتظاهرت بأن قدمها التوت وكانت ستقع فسقطت منها الورود على وجه حلا ومن ثم على قدمها وقبل ان تتحدث كارمن حلا اخذت تعطس ووجهها احمر بشدة وشعرت بضيق في التنفس وكانت كأنها تحتضر
روما بخوف وصراخ: حلااااا
دلف الجميع على صراخ روما وعندما رأها قصي بهذه الحالة تقدم منها بسرعة ولمح الورد الذي تتحسس منه اخذها للحديقة لتحاول اخذ نفسها ولحقت به سلمى بحقنة تأخذها حلا عندما تتحسس واعطتها لحلا قصي اسندها عندما شعر ان قدمها لا تحملها واجلسها على الارجيحة واراح رأسها على كتفه وحاوط كتفها لتستنشق عطره وتشعر بالراحة..........بالداخل انجلي غضبت على كارمن
انجلي: كارمن انتي ايه اللي عملتيه ده
كارمن ببرائة: انا كنت هقع ومأخدتش بالي من حلا ومعرفش اصلا ايه اللي حصلها فجأة
روما بغضب: حلا عندها حساسية من الياسمين والفُل وكانت ممكن تموت بسببك
كارمن: اولا انا معرفش انها بتتحسس منهم ثانيا ده جالي هدية من واحدة زميلتي لانها عارفة اني بحب النوع من الوردة ده ثالثا انا مقصدتش اعمل كدة على فكرة وبعدين رجلي اتلوت وكنت هقع مش ذنبي يعني ده رد فعل طبيعي
روما بغضب: ولما انتي مبتعرفيش تمشي بكعب بتلبسيه ليه من اساسه
مايا: خلاص يا جماعة حصل خير قصي هيعرف يتصرف وحلا هتبقى كويسة اهدوا
رقية: ايه ده انتي جيبتيلنا يا جوجو ورد
جميلة: اها وعلشان اكون صريحة اكتر ادم هو اللي جابهم
روما: ناوي تصالح حلا
ادم: اه بس شكل مليش حظ
مايا ضحكت: متستعجلش اوي كدة شوية وابقى اخرج كلمها بس تكون ارتاحت
اريان: طب انت جيبتلها ورد وشوكولاتة طب انا اجيبلها ايه
ادم: يا اخي اتوكس ده على اساس اني هقدر ارشيها علشان تحن على امي وتسامحني ده انا جايبهم وحاسس انها هترفضهم
جميلة: حلا بتحبكوا اكيد هتصالحكوا وهتقولوا جميلة قالت
اريان: احنا لو صالحناها من غير جاسر هيجي يولع فينا ويتخانق معانا
ادم: لا ما انا كلمته قالي انه خلص شغل وراجع وهيجبلها انسيال تقريبا عليه اسم قصي او حرفه حاجة زي كدة
اريان: يا ولاد اللعيبة يعني انتوا عملتوا حسابكوا تصدقوا ان انتوا اندال على اساس ان انا كبيركوا بس يظهر انتوا اللي كبار هنا طب انا كنت مشغول في الشغل مجبتليش معاك اي حاجة ليه اديهالها
آسيا: خلاص محلولة ممكن تخرج تجيبلها آيس كريم بالشوكولاتة بنكهة البندق بتحبه اوي وكمان بنكهة القهوة وهاتلها شوكولاتة او بسكوت بالشوكولاتة بنكهة القهوة
ادم: اتصل بالواد جاسر خليه يجيبهملك وهو جاي
هاتف اريان جاسر واخبره بما يريده وجاسر اشترى كل ما طلبه اريان وعاد للمنزل......في الحديقة قصي كان يجلس محتضن حلا حلا شعرت بدوار من شدة التعب فأراحت رأسها على قدمه ورفعت قدمها على الارجيحة قصي اخذ يملس على شعرها بحب وحنان شعر بشئ غريب فوضع يده على جبينها شعر بحرارتها مرتفعة فحدث شاهر وحكى له ما حدث
شاهر: متقلقش هي لما بتتحسس من الورد حرارتها بتعلى لحد بليل لو منزلتش لوحدها هبقى اديها خافض للحرارة انا كدة كدة جاي انهاردة
قصي: طيب يعني كدة عادي
شاهر: اه مراتك طبيعتها غير الناس العادية متقلقش هتبقى كويسة
قصي: انت مشوفتش منظرها يا شاهر ديه كانت بتطلع في الروح ووشها احمر ومش قادرة تتنفس او تتكلم
شاهر ابتسم: متقلقش هتبقى كويسة
قصي بغيظ: انت بتضحك
شاهر ضحك بخفة: اه لاني اول مرة اشوفك خايف للدرجادي يا قصي لا فعلا حلا غيرتك ٣٦٠ درجة.....عموما متقلقش هتبقى كويسة انا مضطر اقفل دلوقتي علشان عندي عملية ولما ارجع نبقى نكمل كلامنا سلام
اغلق معه قصي ونظر لحلا بحب وخوف وحزن وهو يعلم جيدا ان السبب كارمن وانها كانت قاصدة لفعل ذلك اسند رأسه على الارجيحة وظل ينظر للسماء ويفكر ماذا يفعل وكيف يحمي حبيبته منهم ظل على هذا الحال حتى حل المساء على السادسة والنصف مساءا استيقظت حلا رأت انها تنام على قدم قصي وبالجنينة قامت جلست وارجعت خصلات شعرها المبعثرة على وجهها للخلف وكانت تشعر بالدوار والتعب قصي شعر بحركتها فإنتبه لها وحاوط كتفها بذراعه
قصي بحب: حبيبتي حاسة بإيه دلوقتي
حلا نظرت له وبتعب: مش عارفة بس دايخة شوية
عندما رأت الخوف والقلق الشديد عليها وهذا كان واضح من عينيه وقبل ان يتحدث
حلا بسرعة وإطمئنان: انا كويسة يعني شوية بس وهبقى تمام متقلقش ومفيش داعي للمستشفى
قصي بغيظ: والله! انتي شوفتي منظرك انتي مش كويسة وبعدين اذا كنتي تعبانة وبتقولي مفيش داعي للمستشفى وانك مش محتاجاها اومال هتكوني محتاجة ايه ها
حلا نظرت له قليلا وابتسمت على خوفه وقلقه
قصي بعصبية: ممكن افهم ايه المضحك في كلامي
حلا لم تجيبه استكفت فقط بأنها حاوطت خصره بذراعيها ودفنت وجهها بصدره تستنشق عطره قصي استغرب تصرفها وبادلها العناق بحب وخوف
قصي بقلق: حلا انتي قلبك تعبك
حلا وهي مغمضة عينيها: لا بس انت سألت انا محتاجة ايه اظن اني جاوبتك اذا كان معايا الدوا بتاعي هحتاج المستشفى في ايه اممم
قصي استغرق قليلا من الوقت حتى فهم مقصدها واكتفى بمعانقتها وصمت ظلوا هكذا كثيرا من الوقت لم يستطيعوا تحديده وقاطع هذه اللحظة الرومانسية جاسر
جاسر: احم هتفضلوا كدة كتير
قصي نظر له وحلا فتحت عينيها ونظرت له
قصي بغيظ: ليه عندك مانع
ادم: بقالكوا من العصر هنا....وبعدين يا قصي انت عارف اللي فيها....فممكن نستلف اختنا منك عشر دقايق
قصي: عشر دقايق بحالهم هما دقيقتين
اريان بغيظ: هو احنا بنشحت منك ديه اختنا اوعى كدة بدل ما اتخانق معاك اوعى
وجذب اريان حلا ولكن قصي جذبها من ذراعها لتسقط جالسة بجانبه وعانقها بقوة
قصي بغيظ: على فكرة مراتي ومن حقي
ادم: قبل ما تكون مراتك هي اختنا
وكانوا سيتخانقوا حلا اتنرفزت من صوتهم العالي وكلامهم
حلا بنرفزة وتعب: بسسسسسس.
صمتوا ونظروا لها
حلا اكملت بعصبية: ايه رأيكوا اقطع نفسي اربع حتت وكل واحد فيكوا ياخد حتة ايييه طب راعوا اني تعبانة ومش قادرة اتكلم
الشباب بإحراج: احم احنا اسفين يا حلا
حلا نظرت لهم جميعا وتنهدت وثم نظرت لاخوانها ووجهت كلامها لهم
حلا: خييييير يا اريان عاوزني في ايه انت وادم وجاسر
قصي شعر بأنه يجب ان يتركهم لوحدهم: انا هروح اشوف ماما كانت عايزة ايه واجي عن اذنكوا
انسحب قصي ودلف للداخل ولكن عينيه كانت على حلا احمد وقف بجانبه ووضع يده على كتف ابنه
احمد: متخافش مش هياكلوها دول اخواتها
قصي بقلق شديد: مش على كدة بس هي تعبانة وحرارتها عالية خايف لحسن تفتكر اللي حصل وتتعب اكتر
يحي ربط على كتفه: متقلقش هما اكيد مش هينرفزوها ولا يجرحوها علشان عارفين انها تعبانة هما سابوها فترة لحد بس ما تهدى وتفوق من المشاكل اللي كانت فيها فخليهم يمكن يتصافوا
اومأ قصي بتفهم: ياريت يتصافوا
بالخارج.........كانت حلا تنظر لهم بلا مبالاة
اريان بندم وحزن: كنا جايين نعتذر يا حلا يعني بخصوص اللي حصل بينا وقت ما كان عمو احمد وبابا في المستشفى وسوء الفهم اللي حصل
حلا: وجايين ليه على نفسكوا ده انا قولت هتيجوا تكملوا كلامكم اللي مقولتهوش يوميها تكملوه انهاردة
جاسر: حلا نعترف اننا غلطنا ومكانش ينفع نتعامل معاكي كدة وبنعتذر على ده بس برضه انتي مقولتلناش اللي حصل معاكي
حلا بحزن: لاني كنت معتبراكم اخوات بجد وفكرت انكوا في ضغط وتعبانين وحتى لو كانت الظروف طبيعية مكونتش هقولكم حاجة لاني مش زيكم براعي مشاعر الاخرين ومبحبش اسبب الوجع لحد....ساعتها حتى لو كنتوا سألتوني مكونتش هقول الحقيقة لاني للاسف كنت فاكراكوا هتتوجعوا لو عرفتوا بس اتضحلي اني لو كنت مُت كنتوا هتنبسطوا مش هتحزنوا ولا هتتوجعوا...وبعدين مش انا بالنسبالكوا ميتة جايين تعتذروا من شخص ميت بالاساس ليه وهيفيدكوا بإيه...بقولكوا ايه روحوا اقعدوا مع مراتتكم احسن وانت يا جاسر روح شوف شغلك او اعمل اي حاجة اعتذاركم مش هيفيد
ركع ادم على ركبتيه امامها وبصوت مهزوز: حلا.....لو عاوزة تدايقي من حد او متساميحهوش فهو انا.....انا اللي كنت السبب في سوء التفاهم اللي حصل بينك وبين جاسر واريان هما ملهمش ذنب سامحيهم....عارف اني جرحتك وانا اكتر واحد فيهم اذيتك وسببتلك الوجع بس مهما حصل لازم تكوني متأكدة اننا هنفضل اخوات ولو مسامحتيناش دلوقتي اكيد هيجي يوم وتسامحينا وعارف اننا غلطانين وخصوصي انا مستاهلش انك تسامحيني
حلا نظرت بعينيه قليلا وهنا تجمعت الدموع بعينيها وبصوت مختنق ومهزوز: انت عارف ايه المشكلة....المشكلة انكوا للاسف اخواتي.....اللي المفروض تكونوا اكتر ناس بتفهمني وتحس بيا وتقف جنبي....بس انتوا للاسف لا بتفهموني ولا بتحسوا بيا وفي اكتر الاوقات اللي كنت بحتاجكم فيها مكونتش بلاقيكوا.....المشكلة يا ادم ان الغريب بيحس بيا وبيفهمني وحتى لو مش فاهمني بيلتمسلي العذر بس انتوا لا العذر كان عندكوا وبالنسبالكوا كنت مبهتمش بيكوا واول اهتماماتي هو شغلي مع ان منظري كان يصعب على الكافر يا ادم كنت بموت برا ومع ذلك محبيتش اقولكوا علشان مقلقكوش واخوفكوا وانتوا كان فيكوا اللي مكفيكوا بس ده مش معناه اني نسياكوا واني مبحبكوش ومش معنى اني مخبية عنكوا اللي بيحصل فيا ومعايا يبقى انتوا مش في حياتي لا انا بخبي عليكوا لاني عارفة انكوا هتدايقوا ولاني مش عايزة اشيلكوا همي كنت فاكراكوا هتتوجعوا عليا لو عرفتوا بس اتضحلي اني لو كنت مُت مكنش هيفرق معاكوا اصلا
جاسر جلس بجانبها وبحنان: حبيبتي متقوليش كدة اه هعترف اننا قاسينا عليكي بس ده مش معناه اننا مبنحبكيش او ان لو حصلك حاجة ده مش هيفرق معانا لا يا حلا
ادم بدموع: الكلام اللي قولته يوميها وقتها كنت خايف ان الشغل ياخدك مننا يا حلا وانك تنسي عيلتك وكمان بصراحة كنت متنرفز ومدايق لانك مكونتيش بتردي على مكالمتنا
حلا بدموع: وهرد منين وهو انا كنت اعرف انا اول ما عرفت اتصلت بيك انت وقصي بس مردتوش عليا ويوم ما كلمتك انت محكتليش حاجة وعرفت بعد مكالمتك بالظبط من سام بخصوص الحادثة وهو انتوا عايزني اشم على راحة ايدي واعرف ايه اللي بيحصل معاكوا من غير ما تقولولي طب ازاي اعمل ده ازاي
عانقها جاسر وبكى على بكائها: حقك علينا سامحينا يا حلا عارف ان حتى الاعتذار مش هيفيد اعملي اللي يريحك اصرخي في وشنا قومي اضربينا اعمل اللي انتي عايزاه بس تسامحينا
جلس اريان بجانبها وبعينيه الدموع وبهدوء: مش انتي دايما كنتي بتقولي طبيعة البشر انهم يغلطوا بس الاختلاف في الوقت اللي هيعرفوا فيه غلطهم ويعترفوا بيه ويعتذروا ويحاولوا يصلحوه......عارف ان غلطتنا متتغفرش بس احنا مستعدين نعملك اللي انتي عايزاه بس تسامحينا يا حلا
حلا مسحت دموعها ونظرت له وبخبث: اي حاجة اي حاجة
ادم واريان وجاسر معا: اي حاجة
ادم: سندريلا بس تؤمر وتشاور واحنا ننفذ
حلا بتفكير: تمام اولا عاوزة شوكولاتة وآيس كريم بنكهة القهوة والشوكولاتة بالبندق وعاوزة.......ا.....ايه كمان يا حلا ايه كمان
جاسر بمرح: لو عاوزة ممكن نجيبلك تلاجة الشوكولاتة اللي في السوبرماركت اللي قابلينا بشارعين
حلا نظرت له وبتفكير: والله فكرة حلوة
اريان ابتسم: فيه حاجة تاني
حلا: اه حاجة اخيرة بقالنا كتير مخرجناش ولا قعدنا مع بعض كقعدة اخوات واصحاب وكدة فأنا عاوزة نخرج ونصيف بس مش دلوقتي يعني لما نخلص من كارمن وامها نبقى نتفق هنعمل ايه
جاسر: طلباتك كلها مجابة.....ها بقى سماح
حلا ابتسمت وبمرح: ابويا طلق سماح وخطفني
الشباب كلهم دخلوا في غيبوبة ضحك ومعهم حلا
اريان وادم وجاسر معا: صافي يا لبن
حلا ابتسمت: حليب يا قشطة بس بشرط
جاسر: انا كنت عارف ان طلباتك مش هتخلص
حلا رفعت احدى حاجبيها وبغيظ: ايه مش عاجبك
ادم بغيظ لجاسر: يعني انت شحات وعاوز رغيف عيش وبتتأمر كمان يا شيخ اتنيل واخرس ونقطنا بسكاتك....قولي يا قلبي عاوزة ايه
حلا: عاوزة حضن علشان انتوا وحشتوني
اريان وادم وجاسر ابتسموا بحب وعانقوها ومن ثم دلفوا واريان يحاوط كتف حلا ويعانقها وامامهم الشباب وهم يبتسمون
مها: ايه اتصالحتوا
اومأ ادم بالموافقة: اه
جاسر: بابا بنتك المحترمة واحنا بنصالحها قالتلنا ابويا طلق سماح وخطفني. وقام بتقليد حلا
حتى انفجر الجميع من الضحك
حلا: مش انت اللي بتقولي خلاص سماح ايه اللي جاب سماح في الموضوع معرفش وبعدين ده على اساس ان ابويا متجوز واحدة اسمها سماح......خد هنا يالا انت واقع في حب واحدة اسمها سماح ومخبي
جاسر: ابدا يخرب عقلك هتوديني في داهية اكمني شاب عزابي ولسة موقعتش ياختي مش عارف بنت الموكوسة هتيجي امتى
ضحك الجميع عليه
قصي بمرح: مالك ياختي بتعددي زي الستات المطلقة ليه
جاسر: يعني يرضيك يا قصي اخواتي البنات الاصغر مني يتجوزوا وانا لا والواد فارس بن الإيه اكبر مني بسنة واحدة وهيتجوز والواد لوئي اللي في سني اتجوز اشمعنا انا
حلا بصدمة: يخرب لسانك انت بتحسدنا كدة علني
جاسر بقهر: بصراحة بقى اااه نفسي احب واتحب اشمعنا قصي واخد سندريلا وانا لا والواد فهد واخد المزة بتاعتنا والواد لوئي واخد اللوزاية المقشرة بتاعتنا نفسي انا من اللوز والخوخ ده اشمعنا هما
الكل ضحك وحلا امسكته من اذنه
حلا: لما تعدل لسانك وتتكلم عدل زي الرجالة المحترمة ساعتها ربنا هيكرمك ويبعتلك واحدة محترمة بس طول ما انت بتتكلم بالطريقة المقرفة ديه مش هتنول اللي انت عايزه.  وتركته
جاسر امسك اذنه بتألم: طب يا حلولتي معندكيش واحدة صديقتك كدة ولا كدة طب نتعرف حتى
حلا ابتسمت: ده انت شكلك واقع من قبل ما تشوفها او تعرف هي مين حتى
جاسر: ياختي بس اشوفها بس الاول
سلمى: عاملة ايه دلوقتي يا حلا احسن
حلا: اه الحمد لله يا ماما متقلقيش
جميلة اقتربت من ادم وهمست له: ايه يا ادم انت جيبت البوكيه تخلله ولا ايه ما تديه لحلا
ادم بتذكر: اه صح نسيت
جميلة ضحكت بخفة: ديه لو حلا عرفت هتنفخك
ادم ذهب وجلب البوكيه والشوكولاتة ونكز جاسر وهمس بأذنه وهو خلفه
ادم: فين هدية الاعتذار يا اهبل روح هات اللي انت جيبته واللي جيبته لاريان علشان تديه لحلا
جاسر بتذكر: اه صح هروح اجيبهم
صعد لغرفته جاسر واخذ هديته وما طلبه منه اريان وهبط للاسفل.....ادم تقدم من خلف حلا ومد يده بالبوكيه ووضعه امامها حلا استغربت واخذت البوكيه وعندما رأت الورود ابتسمت بإستغراب وهي تلتف وهنا ادم اعطاها الشوكولاتة
حلا: ايه السرعة ديه جيبتهم امتى
ادم: وانا راجع جيبتهم
حلا: اااه بتحاول ترشيني يعني علشان اصالحك
ادم بصدمة: مش انتي اللي كنتي عايزاهم ولسة طلباهم مننا دلوقتي هو انتي ايه مفيش حاجة بتعجبك
حلا بغيظ: ليه فاكرني ادم علشان مفيش حاجة بتعجبني
جميلة ضحكت بشدة ادم نظر لها: عجبتك اوي ها
فضحك الجميع
حلا: سبحان الله الكل عارف ان انا معايا حق وان مفيش حاجة بتعجبك
ادم بغيظ: على كدة بقى قصي برضه مفيش حاجة بتعجبه
حلا وانت مالك ومال جوزي ملكش دعوة بيه
ادم: اه صح هو حبيب القلب احنا مين احنا
حلا: انتوا اخوات القلب
ادم نظر لها وابتسم: لا ذكية ياختي
حلا بغرور: من يوم يومي.....وبعدين ما جميلة حبيبت القلب برضه احنا مين بقى
ادم ابتسم وقلد حلا: اخوات القلب
الجميع ضحك
حلا: لحظة بس كدة بعد اذنك يا استاذ انت بتسرق مجهودي علني كدة
ادم حاوط كتفها بذراعه وجذبها لحضنه ونظر لها وهو يبتسم: وانا وانتي ايه يا روحي.....واحد مش هتفرق
قصي: احم انا لسة قاعد ها مقومتش
ادم ببرود: ايه ده انت لسة هنا تصدق مأخدتش بالي منك طب بقولك ايه ما تقوم تشوفلك شغلانة كدة او حاجة تعملها
قصي بغيظ: لا بقولك ايه مش علشان سيبتكوا خمس دقايق مع مراتي تاخد على كدة ايدك يا خفيف
جميلة: على فكرة يا حلا الورد كان فكرتي كنت عاوزة اجيبهولك انا بس ادم قالي لا انا اللي هجيبهولها
حلا ابتسمت: احلى فتنة فتنة الزوجة على زوجها
الكل ضحك
حلا: عموما مش هتفرق اكمنكوا واحد. وغمزت لها بعينيها
ثم اكملت حلا: ولا ايه ها
خجلت جميلة: ما خلاص هو انتي لازم تقلبي الطرابيزة على امي خلاص ياستي
جاسر: حلولتي
نظرت له حلا: نعم
اخرج جاسر العلبة وفتحها واخرج منها انسيال من الماس وعليه حرف Q حلا اخذته منه وعجبها كثيرا
جاسر بمرح: طبعا انا عارف انك بتموتي في قصي موت وعارف ان مش هينفع اكتب اسمه علشان تفضلي لابساه على طول فكتبتلك اول حرف من اسمه....عجبك
حلا بسعادة: جدا ربنا يخليك ليا يا احلى جسورة بالدنيا كلها. وطبعت قبلة على خده ابتسم جاسر على سعادة اخته
جاسر: حلول اريان جابلك جرادل ها جرادل ايس كريم بنكهة القهوة والشوكولاتة بالبندق انا حاطتهم في التلاجة علشان كانوا سايحين
ادم بغيظ: لحظة بس يعني يتقال لجاسر ربنا يخليك ليا وتديله بوسة واحنا ولاد البطة السودا.....ولا علشان الهدية ليها علاقة بحبيب القلب
الجميع ضحك
آسر بمرح: قصي انت عاملهم ايه هما بيكرهوك ليه
قصي: معرفش يابني علمي علمك
اريان: علشان واخد جوهرتنا وفراولتنا وفاكهتنا الطازة اخدها مننا
حلا ضحكت بخفة: طب ما كفاية علشان انا بتكسف وبعدين ما انت واخد مني حتة من روحي وقلبي انت وادم واخدين مني اغلى بنتين عندي وبحبهم جدا ولا هو حلو ليكوا ووحش لغيركوا واما بخصوص البوسة
طبعت بوسة على خد ادم وبوسة على خد اريان فقصي جذبها من يدها فسقطت على قدميه وبحضنه وحاوط خصرها
قصي: طب وانا مليش بوسة ده انا جوزك حبيبك برضه ولا لازم اجيبلك حاجة يعني
حلا ضحكت: وانت من امتى بتطلب مني طلب زي ده انت من غير ما بتستأذن بتاخد على طول وانت ادرى باللي بيحصل بعد كدة
الكل ضحك بشدة على كلام حلا وقصي ابتسم
قصي: بس مليش دعوة اشمعنا هما ياخدوا بوسة وانا لا
انجلي: لا حول ولا قوة إلا بالله انتوا منفسنين من بعض ليه نفسي افهم
فارس: معلش حلاوة روح او يمكن حلا حلوة بزيادة فعلشان كدة طب بالمناسبة بقى انا كمان عاوز بوسة اشمعنا انا والواد الغلبان آسر يعني
الجميع ضحك
قصي بغيظ: بس ياض منك ليه مراتي مش هتبوس حد غيري يلا هوونا من هنا عاوزين نرش ماية
آسر بغيظ: ما انت صبح وليل بتحضن وتبوس كان حد اشتكى او قال حاجة والله واعلم بتعمل ايه في البونية وانتوا مع بعض في الاوضة انا بخاف اصحى تاني يوم الاقيك واكلها ومستكتر على امنا بوسة واحدة
الكل ضحك بشدة على آسر
قصي: قل اعوذ برب الفلق....انت بتحسدني على الكام بوسة العُمي اللي باخدهم
حلا نظرت له بصدمة واستغراب: انت متأكدة انهم كام بوسة وعُمي اللي بتاخدهم يا حبيبي
قصي ضغط على خصرها: انتي تسكتي خالص هما مبيشوفوش حاجة فمتجيش انتي تفضحينا هنا
الكل ضحك بشدة
آسر: ده هي فضحتك وانت فضحت نفسك بنفسك
قصي: طب انا هشهدك انا راضي ذمتك يا شيخ ينفع تشوف حاجة حلوة كدة ومتاخدش منها قطمة واحدة حتى
آسر: بصراحة مينفعش ده انت يابني الله يكون في عونك انا لو مكانك اغتصبها كل يوم
انفجر الجميع من الضحك بسبب كلام آسر
حلا: ايه اللي انت بتقوله ده يا زفت الطين الله يخرب بيتك يا شيخ
قصي: اهو شوفتي اني معايا حق
حلا بغيظ: ده على اساس انت بتاخد قطمة واحدة بس مش اكتر
قصي نظر لها قليلا: يعني هو يمكن باكل كتير بس من حلاوتك يا جميل انتي بطلي تحلوي وانا مش هاكلك
حلا ضحكت بخفة: ده على اساس انا اللي بحلو من نفسي والعيب فيا مش في دماغك الشمال وصديقك شوشو ها
قصي: اه شوفتي انا بريئ ازاي
حلا: اااه يا حبيبي انت بريئ بس انا اللي بنت ستين في سبعين ومفترية مش كدة
قصي: ده انت الحب والشربات والعسل يا عسل حياتي
آسر: خلي بالك يا حلول ده بيثبتك ها
قصي بغيظ: يا شيخ اتنيل قال يعني هي بتتثبت
سلمى ضحكت: لا يكون مش عجبك
حلا بغيظ: شكله فعلا مش عاجبه امممم ماشي حسابنا بعدين
قصي بصوت عالي: لا ونبي بُصي اي حاجة انا قبلان بيها إلا الحساب بلاش لحسن بيبقى بن ستين كلب
الكل ضحك حتى حلا
قصي: فين بوستي بقى
حلا ابتسمت واقتربت وطبعت على خده قبلة: حلو كدة
قصي: مش اوي بس ماشي حاله
آسر بصدمة: لما ده ومش عجبك ومش اوي اومال انت عاوز ايه اكتر من كدة تبوسك من بوقك
انفجر الجميع من الضحك وحلا توردت وجنتيها من شدة الخجل
قصي: وانت ايه اللي غايظك اتكونشي مراتك وانا معرفش.......وبعدين ديه مراتي مين انت علشان تدخل وانت مالك اصلا تبوسني من بوقي ولا تعُضني من خدي ولا نولع في بعض حتى انت مال ام مناخيرك حاشرها ليه في اللي ملهاش فيه
وجلسوا يمزحون ويضحكون مع بعضهم قليلا وصعد الجميع لغرفهم
__________________________________
في اليوم التالي استيقظ قصي مبكرا وايقظ حلا
حلا بإنزعاج: ايه يا قصي فيه حد يصحي مراته الساعة ستة الصبح
قصي: اه انا قومي بسرعة يلا
حلا قامت مفزوعة وبقلق اخذت تتحسس جبينه: انت تعبان فيك حاجة انت كويس.....رد عليا
قصي ابتسم بحب: اه كويس قومي يلا
حلا بإستغراب: اقوم ليه وعلى فين
قصي وهو يحملها بين يديه ويتجه للحمام: عاوز الاقيكي جاهزة في خلال عشر دقايق ربع ساعة يبقى اخرك يلا
انزلها وفتح الباب ودفعها للداخل واغلق الباب حلا وقفت وهي على ملامحها الصدمة والاستغراب وعدم الاستيعاب وعدم الفهم اخذت شاور سريع وتوضأت وخرجت ادت فريضتها وارتدت الملابس التي جهزها لها قصي التي تتكون من سولبت قماش بنطلونها واسع وبحمالة عريضة لونها اسود وفوقها بليزر ابيض وحذاء بكعب عالي لونه ابيض وارتدت كوليه به فصوص باللون الابيض والاسود اللامع وحلق على شكل فراشة وبه فصوص مثل التي بالكوليه وتركت لشعرها العنان مفرود على ظهرها بس امسكت القليل من الخصلات ووضعت عليهم دبوس شعر على شكل ورقة شجر وبه فصوص باللون الابيض اللامع وكانت مرتدية الانسيال الذي اهداها إياه جاسر ووضعت برفيومها الهادئ واخذت مخدرها وهاتفها وعندما همت بالخروج دلف قصي عليها حلا اقتربت ووقفت امامه
حلا: ممكن بقى افهم هتخدني فين الساعة ستة ونص الصبح و.............
قاطعها قصي عندما وضع يده اسفل مؤخرة رأسها وقربها له وامسك شفتيها في قبلة عميقة قليلا وابتعد
قصي وهو يبتسم بحب: مش انا وعدتك اننا هنخرج.........وانا فاضيلك اليوم كله من اوله لاخره
حلا بصدمة: لحظة بس قصي حبيبي انت حد ضربك على دماغك ولا حاجة هو فيه شخص عاقل يخرج الساعة ستة ونص الصبح هنروح فين واكيد مش هنلاقي محلات فاتحة
قصي حاوط خصرها وبحب: مدام قصي احمد الشناوي ممكن بعد اذن حضرتك نبطل اسئلة وتسيبيلي نفسك انهاردة وتثقي فيا شوية صغننين قد كدة هو
حلا ابتسمت: ان موثقتش في جوزي حبيب قلبي هثق في مين وبعدين انت عارف اني بثق فيك اكتر من نفسي واما بخصوص اني اسيبلك نفسي انا دايما سايبة نفسي معاك ومش هسألك على حاجة تاني هقفل بوقي
ووضعت يدها على فمها قصي ابتسم وطبع قبلة على يدها التي تضعها على فمها
قصي: وانا عاوزك كدة يلا بينا
امسك يدها وخرجوا من المنزل صعدوا بسيارة قصي وانطلقوا ليبدأوا يومهم
__________________________________
في البيت استيقظ الجميع على الثامنة صباحا
احمد: نونو اطلعي اندهيلي حلا من فوق عاوزها في موضوع ضروري وخلي قصي كمان يجي معاها على المكتب ها
اومأت انجلي بتفهم وصعدت وطرقت الباب عدة مرات ولكن لم يأتيها رد فدلفت بهدوء للغرفة وبحثت عنهم ولم تجدهم فهبطت للاسفل
انجلي: بابا حلا وقصي مش في اوضتهم
احمد بقلق: اومال هيكونوا فين
انجلي: معرفش....طب انا هتصل بقصي اشوفه فين واكيد هو يعرف مكان حلا.
هاتفت انجلي قصي مرة اثنين لم يجيب والثالثة انتظرت قليلا حتى اجاب
انجلي بقلق: ايه يا قصي مبتردش ليه انت فين....وحلا متعرفش هي فين
قصي: اهدي يا حجة حلا معايا انا وعدتها اني هخرجها فأخدتها علشان نغير شوية جو واه قولي للكل محدش يستنانا لا على فطار ولا غداء ولا عشاء ماشي
انجلي: طيب سلام
قصي: سلام
انجلي: قصي وحلا خرجوا مع بعض وهيقضوا اليوم كله برا وقصي بيقولكوا محدش يستناهم لا على فطار ولا غداء ولا عشاء
فاطمة: طب والله كويس بقالهم كتير مخرجوش
احمد: اه وياريت ميرجعوش البيت كام يوم كدة او يسافروا يجددوا شهر عسل
السفرة جهزت وجلس الجميع يفطرون معا
فهد: عمي احمد انا هخرج انا ومايا وهنتغدى برا
لوئي: وانا كمان انا وروما خارجين
مايا بإستغراب: انت مقولتليش اننا هنخرج
فهد ابتسم بحب: قولت اعملهالك مفاجأة ها يا عمي
احمد ابتسم: براحتكوا يا فهد يا حبيبي ديه حياتكوا وهي مراتك هتستأذن مني علشان تخرج مع مراتك خدوا حريتكوا وعيشوا حياتكوا ومتستنوش اذن من حد ده قصي خطف حلا وخرج من غير ما يقول لحد
جميلة: ما تكسبوا فيا ثواب وتخرجوني معاكوا علشان زهقت من قعدة البيت ولو مش البيت الشركة نفسي اخرج
آسيا: اه بقالنا كتير مخرجناش
اريان: لا مش انهاردة علشان فيه شغل كتير في الشركة
ادم: اه مش هينفع نأجله نبقى نشوف يوم تاني نخرج فيه
حزنت جميلة وآسيا ايضا ولكنهم لم يعترضوا وادم واريان ابتسموا عندما انتهوا كل واحد اخذ مراته وخرج وصعدوا بسيارتهم وآسر وسامر اخذوا اخواتهم البنات ليخرجوهم وفارس ذهب للمركز هو وجاسر انهوا بعض الاعمال وعادوا اخذوا رقية وإيلين وساندي وانجلي وخرجوا وبقي الكبار بالسن ومعهم كارمن وسوزان......قصي وحلا فطروا بإحدى المطاعم ثم ذهبوا للكورنيش واخذوا يتمشون قليلا وهم يتحدثون بمواضيع كثيرة وكان قصي لا يفوت لحظة دون ان يتغزل بحلا او يجعلها تضحك واكلوا القليل من المثلجات والتقطوا بعض الصور وعلى الحادية عشر ظهرا اخذها وذهبوا للملاهي واستمتعوا كثيرا وبعد ان انتهوا ذهبوا للسينما وقصي قام بشراء البوشار ودلفوا يشاهدون فيلم رومانسي اما عند ادم واريان لم يذهبوا للشركة فكانوا مخططين من البداية انهم يخرجون ولكنهم تركوها مفاجأة للبنات واستمتعوا كثيرا اما حلا وقصي عندما خرجوا من الفيلم
حلا: قصي ما تيجي ندخل فيلم رعب او اكشن
قصي نظر لها بصدمة وإستغراب: اول مرة اشوف في حياتي بنت بتطلب تدخل فيلم رعب او اكشن بدل من الافلام الرومانسية او الكوميدية انتي طبيعية يا حبيبتي ولا فيكي حاجة
حلا بغيظ: انت ليه محسسني اني بقولك تعالى ندخل بيت مسكون
قصي ضحك بسخرية: ما ده الناقص
حلا: طب يلا نروح بيت مسكون هو انا عندي استعداد ادخله بس انت ايه نظامك
قصي بصدمة: نعم يا روح خالتك تدخلي ايه
حلا وهي تبتسم: بيت مسكون يا روحي فيها ايه عادي ريلاكس
قصي: ده انا اللي هريكسلك دلوقتي
حلا: مكونتش اعرف انك بتخاف اوي كدة
قصي: هو انا مش خايف اوي بس خوفي الاكبر عليكي طبعا
حلا ضحكت: لا متقلقش بعرف اتعامل سبق ودخلت بيوت كدة
قصي نظر لها بصدمة: نعم......ازاي وامتى
حلا ضحكت: قصي روح احجزلنا يا بيبي فيلم رعب يلا وبعدين هبقى احكيلك امتى وازاي وفين يلا.......انت لسة هتصورني يلااااا.
ودفعته تجاه شباك التذاكر وذهب اشترى تذكرتين ثم اخذها وذهبوا ليتغدوا حتى موعد الفيلم وهم يجلسون ويأكلون
قصي: احكيلي بقى
حلا: بُص يا سيدي وانا صغيرة بعد حادثة بابا اتعملي سحر وكان تقريبا بمعاشرة قبيلة من الجن او الإنس حاجة زي كدة مش فاكرة اوي بس من ساعتها لما اتكتبلي عمر جديد وعيشت بعد السحر ده قررت اني اعرف عن الموضوع اكتر بس طلع موضوع كبييير وعرفت ازاي الاسحار بتتعمل وازاي افكها وطبعا يعني فيها حاجات بنقولها من المصحف وكدة وقرأت كتب كتيير وطلع ان الاسحار انواع واشكال وحاجات كتير فساعتها قررت اروح لشخص بيفهم في الاسحار وكدة بس بيساعد الناس في انهاء الاسحار لو حد معمله سحر وفضلت معاه بقى هو كان شيخ كبير وكان دارس الموضوع ده كويس فبقيت انا تلميذيته وكان بيخليني اتعامل مع ناس معمولها سحر واحاول افكه وكدة وقبل كدة اضطريت ادخل المقابر بعد نص الليل علشان انهي سحر كان معمول لواحدة متجوزة وكان جوزها معانا بس بعيد عنك كانت اول مرة اشوف سحر كدة شوفت اشكال استغفر الله العظيم ميتقالش عليها حيوانات ولا بني ادمين ولا وحوش حاجة مرعبة في قمة الرعب وكنت باخد ضرب لو صرخ او عمل حاجة ممكن الصرخة تطيرني لبرا المقابر كنت بحس اني بطير في السما بس بعدين اقوم مرزوعة في شجرة او اقع على جزع يقوم مكسور وواقع بيا كانت بتحصل حوادث وكوارث ولما عرفت كل حاجة ونوعا ما بقيت متمكنة من الموضوع وعرفت ازاي اتعامل مع الحاجات ديه بدأت اشوف البيوت المسكونة واروح احاول اني انضف البيت من اللي فيه وكدة بس كنت بتحجز بعديها في المستشفى اسبوع اتنين على حسب الجروح والكسور اللي في جسمي بس ديه كل الحكاية بإختصار شديد
قصي كان يستمع وهو مندهش هو يعلم بخصوص الاسحار بس لا يعلم شجاعتها هذه وجرائتها وقوتها
حلا نظرت له وضحكت بخفة على منظره: قصي انت توهت ولا روحت فين
قصي بصدمة: مخوفتيش في يوم من الايام من الاشكال المرعبة اللي بتشوفيها
حلا ابتسمت: اخاف ليه من حاجات بتضعف من اي دين وكلام الله وبعدين انا كنت بعمل خير ورب الخير بيساندني ويدعمني اخاف من ايه انا كنت بسيبها على الله واللي يحصل يحصل بس هكون صريحة معاك احيانا لما كنت بروح بيوت مسكونة بروح على امل اني مخرجش او ارجع بصراحة كنت كارهة نفسي وكارهة حياتي ومكونتش عاوزة اعيش اصلا وكمان كان بيبقى جوايا وجع كبيييير مش قادرة استحمله ومش قادرة ولا طايقة حياتي فكنت بروح احاول افش غلي واطلع الوجع اللي جوايا كله هو اي نعم مكونتش بستسلم وبعمل اللي عليا علشان محدش تاني يتئذي بس بالرغم ان حصلي حوادث كتير محدش ينجى منها بس انا ربنا كتبلي عمر جديد وعيشت وكان دايما كل ما اضعف تحصل حاجة صدفة واحس بالقوة يعني مثلا احس بالامل في الحياة ويمكن بالرغم من اللي حصلي ربنا كان بيكتبلي عمر جديد ويحطني في اختبارات علشان بعدين يجبر بخاطري ويعوضني بيك وبعدين بأهلي اللي رجعوا عايشين في عز ما انا كنت فاقدة الامل في اني اقابلك في يوم بس فجأة كدة تطلع انت في وشي وابقى انا الضابط المسؤل عن حمايتك انا لما فتحت ملفك وعرفت مين اهلك اتصدمت وحسيت اني في حلم ومكونتش مستوعبة ان ده انت بس اللي ربنا عايزه هو اللي بيحصل بس لو كنت اعرف ان عوض ربنا هيبقى حلو اوي كدة كنت دخلت بيوت كتير مسكونة على كدة
قصي ابتسم بإعجاب شديد: لا ده انتي فعلا مختلفة عن كل البنات وانا كدة بقى يعني عليا العوض ومنه العوض انتي كل مدى بتخطفيني هتعملي ايه تاني فيا يا حلا
حلا ضحكت: هخطفك وبعدين اكلك ولا عندك اعتراض. ومن ثم ضحكت
قصي: لا ابدا خدي راحتك على الاخر بس انا اللي هاكلك مش انتي اللي هتاكليني....خدي بالك انا كل يوم بتعلق بيكي اكتر من اليوم اللي قبله وده مؤشر خطير ها
حلا ابتسمت: وهو ده مدايقك في حاجة
قصي بحب: خالص عاجبني جدا بس لو اتعلقت اكتر من كدة ساعتها يولع الشغل على اللي عاوزه وهقعد جنبك في البيت لا هخليكي تروحي شغلك ولا حتى تخرجي من الاوضة اديني بقولك اهو قبلها
حلا ضحكت: اه زي فرحنا كدة اما قولتلي قبلها بساعة او ساعتين ها
قصي: هو الظاهر انك هتفضلي مسكهالي لحد اخر نفس ليا
حلا: استحالة انسى انك خبيت عليا ان انا العروسة وبسببك كنت مخططة لحاجات كتير اعملها في اليوم ده بس بسببك باظت مخططاتي وكنت ناوية اغنيلك كام اغنية بس انت بقى قطاع ارزاق وقطعت رزقك بإيدك
قصي ابتسم وبحب: طب ما احنا فيها ممكن لما نروح تغنيلي
حلا: تؤ تؤ انسى واساسا ده عقابك مش هغنيلك
قصي: خلاص نبقى نعمل فرح تاني بس في مكان تاني وفستان جديد وكدة ونفرح ونهيص
حلا ضحكت: لا يا راااجل حتى لو مش هغنيلك برضه
قصي: نبقى نشوف كلام مين اللي هيمشي في الاخر
حلا ابتسمت: لا لو في الكلام فكلام الكينج اللي هيمشي عليا سواء برضايا او غصب عني لان قلبي هيبقى راضي
قصي ابتسم: ايوة اهم حاجة رضى القلب اي حاجة تانية مش مهمة
انهوا طعامهم ومن ثم ذهبوا ليشاهدون الفيلم وكان فيلم مرعب جدا وحلا استمتعت كثيرا وعندما انتهوا اخذوا يتسوقون قليلا ثم ذهبوا لبيت المزرعة على السابعة مساءا عندما دلفوا
حلا بإستغراب: قصي احنا ليه مروحناش البيت
قصي اقترب منها وحاوط خصرها وبحب: علشان عاوز نقضي شوية وقت لوحدنا يعني نبعد شوية عن البيت والمشاكل ونقعد مع بعض كأي اتنين متجوزين
حلا ابتسمت بحب: بس حضرتك انا معيش هدوم ليا انت يمكن ليك هدوم هنا لان ده بيتك بس انا معيش
قصي ابتسم بخبث: عادي ممكن تلبسي من هدومي اي تيشيرت او قميص
حلا: بس هيبقى قصير اوي يا قصي
قصي بحب وخبث: وهو فيه حد غيرنا انا وانت يا جميل
حلا نظرت له وفهمت غايته دفعته بعيدا عنها وضربته بقوة على صدره وذراعه: متحلمش ان ده يحصل انشاالله افضل بهدومي ديه لمدة شهر
قصي ضحك: طب ما انتي كدة كدة بتلبسي التيشيرت بتاعي او القميص احيانا هتفرق لو لبستيهم كدة ولا لازم يحصل بينا حاجة علشان تلبسيهم
حلا امسكت احدى المخدات وحدفتها عليه ولكن قصي امسكها وركض تجاه حلا قبل ان تمسك بمخدة اخرى وقبل ان تحدفها امسك يدها ولكن حلا تفاجئت بقربه فعادت للخلف وهي تعود قدمها التوت واختل توازنها فسقطت على الاريكة وسقط قصي فوقها
قصي بحب: مجاوبتنيش على سؤالي ليه مش عاوزة تلبسي من هدومي وبعدين فيه بنات كتير بيكونوا عاوزين يتجوزوا علشان يلبسوا من لبس ازواجهم
حلا: بس اكيد ازواجهم دول محترمين ودماغهم نضيفة مش دماغهم شمال وصاحبهم شوشو اوعى خليني اقوم
قصي: انا اصلا جايبلك لبس معايا هديهولك بشرط انا اللي اختار هتلبسي ايه
حلا: مستحيل خليني قاعدة باللبس ده احسن انت بالذات مينفعش تختارلي لبس البسه
قام قصي من فوقها ووقف: طب ما انا اللي مخترلك اللبس ده 
حلا: انت تختارلي لبس خروج مش بيت انت تبعد عن لبس البيت بالذات. وقامت اعتدلت وجلست على الاريكة
قصي: طب عندا فيكي مش هتلبسي غير من هدومي
حلا: مش هلبس
قصي: متلبسيش يا روحي براحتك خااالص
وانخفض وحملها بين يديه واخذها على غرفتهم وانزلها دلفت حلا لغرفة الملابس واخذت تخلع ما ترتديه من إكسسوارات وحذائها اقترب منها قصي وساعدها بخلع الكوليه والبليزر ثم التفت له وهو بدون مقدمات حاوط خصرها بذراعيه وجذبها لحضنه وعانقها بقوة ودفن وجهه بعنقها حلا استغربت تصرفه
حلا: قصي في ايه مالك
قصي وهو مازال بوضعه: مليش كل الحكاية انك بتوحشيني اوي حتى وانتي معايا
حلا ابتسمت وبادلته العناق قليلا وابتعد عنها والصق جبينه بجبينها
قصي بحب: انا مش عارف هتوصليني لفين في حبك ده يا حلا ارحميني شوية
حلا ابتسمت بحب وطبعت قبلة على وجنتيه قصي نظر لها قليلا ثم انقض على شفتيها يقبلها بحب وشغف ولهفة وشوق قطع وصلة الحب هذه رنين هاتف قصي ولكنه لم يبتعد عن حلا وترك الهاتف يرن حلا حاولت ان تبعده ولكنه اشتد على احتضانها وقربها اكثر إليه ولكن هاتفه رن مرة اخرى حلا دفعته بقوة فإبتعد قصي ولكن ما زال يحاوط خصر حلا
حلا وهي تأخذ انفاسها بصعوبة: رد ممكن يكون في حاجة مهمة
قصي وهو يخرج هاتفه من جيبه وبغيظ: مش عارف مين الغلس بن الغلسة اللي بيتصل دلوقتي
نظر بهاتفه وكان المتصل.........................
__________________________________
من المتصل بقصي يا ترى؟!
وما خطة سوزان ضد سلمى وحلا؟!
هل ستنجح سوزان في إبعاد حلا عن قصي؟! واذا نجحت كيف ستبعدهم عن بعض؟!
وكيف سيتعامل قصي مع الموضوع؟!
وماذا سيفعل احمد عندما يعلم؟!
وهل سوزان مممكن تسبب مشاكل بين اشخاص اخرى؟!
يا ترى ما هي مخططاتها وهدفها الذي تسعى إليه؟!
ولماذا تصر على زواج ابنتها من قصي؟!