في يوم محمد اضطر يسافر في شغل وفي اليوم ده كان طبيعي عادي ابطالنا استيقظوا وكل واحد منهم ذهب لعمله
في شركة QAS قصي كان يجلس في مكتبه وكان يجلس معه فهد وسمير وكمال يتناقشون في الشغل ولكن فهد لم يكن معهم وكان سرحان في مايا قصي لاحظ ده فخلصوا سمير وكمال ذهبوا لمكتبهم وقصي ظل ينظر لفهد ولم ينطق بحرف واحد وظلوا هكذا فترة ليست بالقصيرة
قصي بهدوء: ده على كدة انا ليا الجنة على اللي بمُر بيه مع حلا
فهد استيقظ من شروده على صوت قصي
فهد بإستغراب: كنت بتقول حاجة يا قصي
ونظر حوله
فهد بإستغراب: فين الشباب
قصي: لو مفيهاش ازعاج لحضرتك راحوا يكملوا شغلهم
فهد بإحراج: احم احم لا وهيكون فيها ازعاج ليه...... بس انت كنت بتقول ايه
قصي ابتسم: كنت بقول اني ليا الجنة على الي بمُر بيه مع حلا هو لو مايا اصبحت مراتك هتعمل ايه مش هتيجي الشغل ولا ايه
فهد: ياخويا بس هي تبقى مراتي وبعدين ربنا يحلها
قصي ضحك: يخرب انحرافك يا اخي..... بس مقولتليش كنت سرحان في ايه
فهد: كنت بفكر ازاي هخليها تعترف بحبها ليا
قصي: هنبقى نفكر في حل انا وانت واكيد حلا مش هتسيبها غير لما تعترفلك
فهد ضحك. قصي بإستغراب: بتضحك على ايه
فهد وهو يضحك: احنا..... كلنا...... بنحاول نخلي......حلا....تعترفلك بحبها......وهي بتساعدنا انا ولوئي......علشان روما ومايا....ده غير ادم واريان مش ملاحظ ان الموضوع بجد يضحك هي بتخطط وبتتأمر عليهم واحنا بنخطط ونتأمر عليها
قصي ضحك: تصدق معاك حق
فهد: احنا مستقبليا هنبقى عيلة كوميدية اوي هنبقى نعمل مسرحية
قصي ضحك وظلوا يضحكوا ويهزروا
__________________________________
فارس كان نايم عفاف طلعت تصحيه
عفاف: قوم يا فارس وكفاية نوم
فارس بتعب: سيبيني انام
عفاف: يا حبيبي قوم علشان الشغل
فارس: لا عادي مليش مزاج اروح انهاردة وبعدين انا راجع على وش الفجر مش قادر اقوم سيبيني انام
عفاف: طب روح اقعد مع قصي وخلي بالك منه
فارس: يعني هو قصي عيل صغير ولا هيتخطف مثلا وبعدين زمانه في الشركة وعنده شغل كتير وانا مبفهمش في شغلهم عايزاني اروح اعمل ايه وبعدين انا كدة هكشف ان فيه حد من المركز متابع قصي وبيحميه سيبيني انام ونبي يارب يجيلك خبر ان حلا هتتجوز
عفاف بحزن: يسمع من بوقك ربنا ويسعدها يارب
فارس: حاضر اول ما هصحى هصلي وادعي انه يتحقق هو ابويا لسة مرجعش من السفر
عفاف: لا لسة ومعرفش هيرجع امتى بس عموما انا حظرتك تروح لقصي وانت مرضيتش لو قصي حصله حاجة حلا هطلعه على جتتك
فارس: ربنا يسهل سيبيني انام بقى
عفاف حدفته بالمخدة بنرفزة: اتخمد
وخرجت من الغرفة وفارس نام
__________________________________
في شركة الدالي
كان ادم واريان وجميلة وآسيا يجلسون يتحدثون بخصوص بعض الصفقات والشروط والبنود اللي هتتكتب في العقود
اريان: فيه حاجة تاني هنعملها
آسيا: لا احنا كدة خلصنا كل حاجة والعقود على التوقيع بس
ادم: كان عندي فكرة وكنت عايز اخد رأيك فيها يا اريان
اريان: ايه هي
ادم: ايه رأيك ندمج شركتنا مع شركة قصي هو عرض عليا ده قبل كدة ونسيت اقولك وانشغلنا في موضوع حلا فايه رأيك
اريان بتفكير: مش عارف
آسيا: هو ممكن اقول رأيي
اريان: اه اتفضلي
آسيا: اظن ان الدمج هيكون حلو يعني انا اللي اعرفه ومش قصدي ادخل امور شخصية او عائلية في الشغل يعني انتوا عارفين فصي ويعتبر صديقكم ده بالاضافة ان والده كان زي الاخ لوالدكم فيعني اظن ان العلاقة حلوة واظن ان العمل معاه هيكون ممتع يعني الشركتين هيبهروا العالم بتصميماتهم وكل شركة هتنجح التانية بشغلها ومهارتها واظن انكوا هتحققوا نجاح عظيم
اريان بإعجاب: تفكير هايل وحلوة الفكرة
جميلة بتردد: هو انا ممكن اقول رأيي
آسيا: جميلة انا عارفاكي يا روحي هطلعي القطط الفاطسة في الموضوع وهتقولي العيوب كلها وهتنكدي علينا وتقرفينا
جميلة: بس لازم اي قرار هتاخديه في حياتك او في مسيرتك المهنية لازم تدرسيه كويس من جميع نواحيه وعيوبه قبل مميزاته
ادم: معاكي حق يا جميلة طب قولي انتي شايفة ايه
جميلة: بعني انا اللي اعرفه من مايا ان حلا وقصي بيحبوا بعض فأكيد هيجي يوم وهتبقوا قرايب وطبيعي يبقى فيه مشاكل مش بفول والله ولا قصدي انكد ولا قصدي حاجة وحشة انا بقول ان لو حصل خلاف او اختلاف بين العيلتين فده ممكن يأثر على شغلكم فيما بعد
اريان: وجهة نظر تحترم وكويس انك قولتي نقطة زي ديه احنا كنا ناسينها
ادم بتفكير: بس قصي مأظنش هيدخل اموره الشخصية والعائلية في الشغل هو عنده الشغل شغل ملهوش علاقة بالحياة الشخصية خالص
اريان: وانا كنت بفكر في كدة برضه يعني معروف عن قصي انه جَدي جدا في امور الشغل وعمره ما دخل حياته الشخصية في امور الشغل عموما نبقى نقعد معاه ونشوف هنعمل ايه بس المهم نركز على موضوع اعتراف حلا لقصي بحبها
ادم: تصدق كنت ناسي الموضوع احنا لحد دلوقتي مش عارفين هنعمل ايه
تليفون آسيا وجميلة رنوا في وقت واحد آسيا وجميلة استغربوا وبصوا لبعض بإستغراب وكذلك ادم واريان استغربوا الموقف آسيا وجميلة ردوا
آسيا: السلام عليكم ايه يا يزن فيه ايه انا في الشغل
يزن: وعليكم السلام وحشتيني يا روحي
آسيا بنرفزة: يعني انت متصل بيا في شغلي يا يزن علشان تقولي وحشتيني ايه الاستفزاز ده
اريان سمعها فدمه فار عندما علم انه يزن هو اللي بيكلمها وكمان بيحب فيها
يزن بنرفزة: لا بس بعتلك صورة فستان حلو على الواتس شوفيه وقوليلي رأيك فورا
آسيا بإستغراب وعدم فهم: فستان.....ليه
يزن: علشان الخطوبة يا اهطل اخواتك
آسيا بفرح: ايه ده بجد خلاص يعني الخطوبة اتأكدت وهتبقى نهاية الاسبوع ده
يزن ابتسم: اه يا هبلة يلا بقى شوفيه وقوليلي رأيك بسرعة
آسيا بفرح: هوا سلام
يزن: سلام
نيجي لجميلة
مالك: ايييه سنة علشان تردي
جميلة: وعليكم السلام يا حبيبي ومالك متنرفز كدة ليه
مالك: بعتلك صورة فستان حلو اوي شوفيه وقولي رأيك لو عجبك هجبهولك بس انجزي ها
جميلة: افندم بقى مالك بجلالة قدره في المول وبينقيلي فستان كمان لا تطورت يا بيبي
ادم كان هاين عليه يقوم يضربها كف
مالك: طب انجزي يا ام لسان طويل وبعدين انا مش في المول بس ننجز
جميلة: بس هو الفستان علشان ايه لا مؤاخذة
مالك بنرفزة وغيظ: علشان عزا امك ما تنجزي يا باردة
جميلة: لا بجد بتكلم جد والله ما بهزر
مالك: علشان الخطوبة يا روحي ولو ادم جنبك متوضحيش علشان انا عارفك وكفاية كدة واقفلي بدل ما تقعي بالكلام قصاده بس شوفيه دلوقتي وقوليلي رأيك يلا سلام
جميلة ضحكت: حاضر سلام
آسيا وجميلة بصوا لبعض
آسيا: اكيد ده مالك كان عايزك في ايه
جميلة: باعتلي صورة فستان عجبه وقالي اشوفه واقوله رأيي لو حلو هيجبهولي وانتي يزن كان عايزك ليه
آسيا ضحكت: لنفس السبب تخيلي
جميلة ضحكت وبعدين هي وآسيا بصوا لبعض بإستغراب
جميلة وآسيا في نفس الوقت: معقولة يكونوا الاتنين بيتسوقوا مع بعض علشانا
جميلة: اتوقع ده من مالك لان هو ويزن اصدقاء مقربين جدا
آسيا بفضول: خلاص هسأل يزن اذا كانوا مع بعض ولا لا
جميلة: بس قبل وريني الفستان
آسيا وهي تعبث بتليفونها: طب استني
جميلة بإنبهار: واو الفستان يجنن
آسيا بفضول: بجد وريني.........واو تحفة بجد بس ماليش فيه يا روحي انا وانتي هنلبس زي بعض
جميلة: اه اكيد ومالك عارف كدة بس معرفش يزن عارف ولا لا
آسيا: اكيد عارف ده حفظني اكتر من نفسي بيفهم انا هقول ايه قبل ما اقول ويقوم هو اللي متكلم بدالي وبعديها يقولي مش عايزك تتعبي من كتر الكلام فانا هتكلم عنك.
آسيا وجميلة ضحكوا
جميلة: هو مالك ويزن اخوات وانا معرفش لان نفس اللي يزن بيعمله معاكي مالك بيعمله معايا
آسيا: تصدقي والله ممكن هبقى اسأله
آسيا رأت الفستان ودخلت في غيبوبة ضحك جميلة استغربت وادم واريان
اريان بإستغراب: هو فيه ايه
جميلة بإستغراب: والله ما اعرف
آسيا من كتر الضحك قعدت على الكنبة وعنيها دمعت من الضحك
جميلة: لا معلش هاتي الموبايل ده ماهو مش معقولة تضحكي من غيري
جميلة اخذت الموبايل من آسيا واتصدمت واستغربت وبعدين فتحت موبايلها وبقيت تنظر للفستان اللي بعته مالك والفستان اللي بعته يزن لآسيا ومن ثم تحول نظرها لآسيا
جميلة بصدمة: انا مش بحلم صح.....ولا بيتهيألي
آسيا ضحكت: بصراحة معرفش اذا كانوا بيضحكوا علينا ولا ده بجد
جميلة: استني كدة
جميلة بعتت لمالك مسدج ( هو يزن معاك)
بعد ثواني مالك رد على المسدج ( اه)
جميلة اتصلت بيه من تليفونها كنسلها واتصل هو جميلة ردت
آسيا بسرعة: افتحي الاسبيكر
جميلة نفذت اللي آسيا طلبته منها
جميلة: ممكن افهم قصة الفستان ايه هو اه صح احنا مخططين اننا هنلبس زي بعض في الخطوبة ولون واحد بخصوص الفستان بس مش لدرجة انه يبقى نفس اللون ونفس التصميم ومأظنش انكوا هتلاقوا نفس القصة مرتين فهات من الاخر وقولي الحكاية ايه ولا انتوا بتضحكوا علينا
مالك ضحك: طب الفستان حلو ولا
آسيا: مالك متتهربش من السؤال
مالك ضحك: طب افهم يعني انتوا متضايقين علشان الفستان نفس القَصَة
جميلة وآسيا مع بعض: لا علشان مستحيل تلاقوا قصة واحدة متكررة مرتين وحتى لو فيه مش هيبقى نفس اللون
يزن ومالك ضحكوا
يزن: انا عارف ان التفاهم كبير ما بينكم بس مش لدرجة انكوا تقولوا نفس الجملة في وقت واحد. ومن ثم ضحك
آسيا بنرفزة: وبعدين
يزن: طب خلاص متتنرفزيش لانك لما بتتنرفزي بتبقي مزة بُصي يا ستي كل القصة وما فيها انا ومالك شوفنا تصميم فستان حلو اوي فقولنا انه هيبقى حلو عليكي وبعدين افتكرنا انك انتي وجميلة هتكونوا عايزين تلبسوا نفس اللون فأخترنا لون ميكونش عليه اعتراض وهو اللون البترولي واللون ده بيبقى حلو اوي في الفساتين مالك شاف تصميم تاني حلو للفستان كنا هنعمله لجميلة بس ساعتها جت في دماغي فكرة انكوا تلبسوا زي بعض في كل حاجة بس هو ده كل الموضوع المهم عجبك ولا
آسيا: تمام مأختلفناش والفكرة حلوة جدا والفستان تحفة ولونه عجبني جدا بس افهم انتوا مفصلينه
مالك: اه نزلنا انا ويزن وجبنا القماش وشوفنا التصميمات وبعتناه يتصمم
آسيا: افهم بقى يا يزن انت اخدت قياساتي منين لاني اظن علشان الفستان يبقى مظبوط لازم قياسات
يزن ضحك: يخرب بيت الذكاء اللي بينقط منك......مفيش اخدت فستان من فساتينك ووريت للبنت اللي صممته صورتك ها في اي سؤال تاني
آسيا ابتسمت: لا مفيش والفستان حلو اوي تسلملي يا حبيبي
جميلة: طب انا عايزة افهم.........
مالك قاطعها: نفس الموضوع يا جميلة يا حبيبتي اخدت فستان من عندك ووريت للبنت صورتك فيه حاجة تاني
جميلة ضحكت: طب نفسي مرة واحدة لما اتكلم معاك تسبني على راحتي اكمل السؤال او الجملة
مالك ضحك: طب اعمل ايه اذا كنت بفهمك وبعدين بريحك يا بيبي من الكلام وبتكلم بدالك وبدل ما تضيعي وقت بختصر عليكي
آسيا ضحكت: واخد بالك يا يزن يا حبيبي
يزن ضحك: اه واخد بالي
جميلة بفضول: يا شيخ انا نفسي افهم بس انتوا متأكدين انكوا مش اخوات اصل استحالة وجه الشبه في شخصيتك انت وهو
يزن ضحك: ممكن اسألك نفس السؤال انتي وآسيا
آسيا: يعني انتوا بتقلدونا
مالك: وليه متكونوش انتوا اللي بتقلدونا
جميلة: خلاص يا عم قلبك ابيض لا تقلدونا ولا نقلدكوا
مالك: انا نفسي افهم بس انتوا متفقين هتلبسوا زي بعض يوم فرحكوا طب لو اختلفتوا هتعملوا ايه
آسيا ضحكت: لا متقلقش مش هنختلف
يزن: اذا كان كدة طب هتلبسوا الفستان لون ايه يوم فرحكوا
جميلة: ابيض. آسيا: رمادي
الاتنين قالوا في نفس الوقت
مالك ضحك: لالا يظهر انكوا مش هتختلفوا فعلا
آسيا: لا الرمادي احلى
جميلة: لا الابيض
آسيا: لا الرمادي بقولك ايه انتي كل مرة بتختاري وبوافق وده هيبقى فرحي انا حرا فيه البس اللي البسه
جميلة: الابيض هيبقى احلى يا روحي
مالك: خلااااص بس مش مستهلة والله تتخانقوا على حاجة تافهة زي ديه
يزن: ولا تزعلوا نفسكوا ولا تزعلوا بعض احنا هنبقى نجيب لكل واحدة فستانين واحد ابيض والتاني رمادي تلبس واحد وتفضل بيه لنص الفرح والتاني تلبسه بقيت اليوم اظن كدة الموضوع اتحل
آسيا ضحكت: وانتوا هتجيبولنا الاتنين اذا كان كدة انا معنديش مانع
يزن: انتوا بس تؤمُروا المهم هتلبسوا الجزمة لون ايه في الخطوبة
آسيا: اسود
جميلة: احنا عندنا ج................
آسيا ضحكت: شكلك وحش اوي
جميلة: انا غلطانة كنت هقوله ميجبش احنا عندنا كتير
آسيا: بصراحة عجبني ذوق يزن ومالك في اختيار القماش واللون
جميلة: تصدقي مكنتش اعرف انهم بيفهموا في الامور ديه يعني معروف ان معظم الرجالة مبيفهموش في امور البنات ما علينا
اريان: هي الخطوبة الاسبوع ده
آسيا بفرح: اه
جميلة: هو يزن مقالكيش هتبقى يوم الخميس ولا الجمعة
آسيا: لا مقالش بس على الاغلب هتبقى يوم الجمعة هبقى اسأله واقولك اظن ان مالك ويزن هيعملوا الخطوبة في نفس اليوم مع بعض
جميلة: اه تقريبا
جميلة نظرت لادم واريان
جميلة: استاذ ادم استاذ اريان انتوا لازم تيجوا الخطوبة
آسيا: اه لو مجيتوش هنيجي احنا نجيبكوا
اريان: ربنا يسهل
جميلة بزعل: كان نفسي حلا تبقى معانا
آسيا: عندي احساس قوي بيقول انها هتيجي وهتبقى معانا بس معرفش ليه ومصدر الاحساس ده ايه تمام علشان انا عارفة انك هتسأليني اسئلة زي ديه
جميلة ضحكت: طب يلا نروح نشوف شغلنا وبعد الشغل نبقى نكلم حلا
آسيا: حاولت اكلمها الصبح تليفونها مغلق
جميلة بخوف: معرفش ليه بتشائم لما تليفونها يبقى مغلق
آسيا: يا بنتي انتي اساسا مبتعرفيش تعملي حاجة في الحياة غير التشائم وتوقع الاسوأ وبالاخص المصايب. ثم نظرت لاريان
آسيا: استاذ اريان عايز حاجة مني تاني قبل ما اروح على مكتبي
اريان: لا
جميلة: آسيا
آسيا: نعم يا جميلة عايزة اروح على المكتب عندي شغل
جميلة: ده على اساس اني هلعب
آسيا: طب انجزي عايزة ايه
جميلة: هقولك بس متتنرفزيش......بصراحة جعانة
آسيا: ممكن انا بقى اقول حاجة
جميلة بخوف: اه ممكن بس براحة
آسيا: انتي من امتى مبتجوعيش كل خمس دقايق بتجوعي
آسيا اكملت بلا مبالاة: البريك فاضل عليه نص ساعة امسكي نفسك لحد اما يجي المعاد
آسيا نظرت لاريان وادم: عن اذنك استاذ اريان عن اذنك استاذ ادم
ومشيت جميلة: طيب هتاكلي معايا ولا لا في البريك
آسيا التفت لها: لا احتمال مأكلش واساسا مش جعانة لاني لسة شاربة من شوية قهوة
جميلة بإستغراب: ليه شربتي قهوة
آسيا: منمتش من امبارح بسبب الاستاذ يزن
جميلة ضحكت: نفس اللي حصل معايا امبارح بس انا قولتله هموت وانام لاني تعبانة فسَبني
آسيا: بصراحة مهنش عليا اسيبه يسهر لوحده فسهرت معاه وجيه على دماغي في الاخر ودماغي الصداع هيتفرتك ولسة عندي شغل كتير
جميلة: بس احنا يعتبر خلصنا
آسيا: انتي مش انا لاني فيه شغل يوم الخميس عايزة اخلصه انهاردة
جميلة: ليه
آسيا: علشان فيه احتمال كبير لو الخطوبة يوم الجمعة هاخد الخميس اجازة بس لسة مقررتش يعني ممكن اخده وممكن لا
جميلة بإستغراب: ليه هتعملي ايه
آسيا: وحياتك ما اعرف بس ديه اوامر الاستاذ يزن انا قولتله هشوف وبعدين هبقى اقولك قالي ماشي
جميلة: غريبة ديه مقالش هو عايزك في ايه
آسيا: لا هو مالك مجبلكيش سيرة عن الموضوع
جميلة: لا غريبة مع انهم دايما بيعملوا كل حاجة مع بعض
آسيا: والله حاسة ان فيه مؤامرة هتتعمل ضدنا
جميلة ضحكت: اكتر من كدة يبقى حرااام
آسيا: والله مبقيتش فاهمة حاجة ولا عارفة حاجة يلا عن اذنكم
وخرجت
جميلة: طب تؤمُروني بأي حاجة تانية
ادم واريان: لا
ادم اكمل: تقدري تروحي على مكتبك يا جميلة
جميلة بإبتسامة: عن اذنكم
جميلة ذهبت
ادم بعصبية: وربنا كان هاين عليا امسك التليفون اكسره مليون حتة
اريان بإستغراب: انا عايز افهم احنا متضايقين ليه ديه حياتهم هما حُرين فيها
ادم: بصراحة معرفش ليه لما جميلة بتكلم مالك بحس بنار جوايا كدة وبكون عايز اضربها هي وهو
اريان وادم قعدوا يشتغلوا بس كان عقلهم مش معاهم
انتهت مواعيد العمل وكل الموظفين روحوا جميلة ذهبت لآسيا
جميلة: آسيا انتي لسة مجهزتيش يلا علشان نروح
آسيا: لا روحي انتي انا هطول شوية علشان عندي شغل هخلصه وابقى اروح
جميلة: لا مش هخليكي تروحي لوحدك وبليل يلا وابقي كملي الشغل بكرة الشغل يتأجل ويستنى عادي وبعدين انتي تعبانة ووشك مصفر يلا
آسيا: متقلقيش انا كويسة وبعدين مين قالك اني هروح لوحدي هبقى اكلم يزن يجي ياخدني وانا كدة كدة قولتله وقولت لبابا وبابا قالي هبقى ابعتلك يزن ياخدك ولو يزن مش فاضي هبعتلك شوفير فعادي روحي انتي متشغليش بالك
جميلة: مع اني مش مرتاحة بس ماشي بس اوعي تنسي لما تروحي تطمنيني عليكي
آسيا ابتسمت: حاضر يلا سلام وخلي بالك من نفسك
جميلة قبلتها من خدها: سلام يا حب
جميلة ذهبت وبعد دقائق اريان خرج من مكتبه
اريان بإستغراب: انتي لسة هنا مروحتيش ليه
آسيا بتعب: كان فيه شغل لازم اخلصه فعلشان كدة مروحتش
اريان: طب قومي يلا انا هوصلك على البيت
آسيا ابتسمت: لا شكرا وبعدين انا لسة مخلصتش الشغل وانا كدة كدة اتصلت بيزن وهو قالي لما اخلص هو هيجي ياخدني متشغلش بال حضرتك وروح انت وارتاح انا هخلص واروح
اريان بإنزعاج ولكن لم يظهره: اه طب ماشي على راحتك سلام
آسيا بإستغراب من نبرة صوته: سلام
اريان مشي وآسيا ظلت تشتغل لحد الساعة 7 ونص بليل وبعدين تعبت جامد ومقدرتش تكمل فقامت تلم اغراضها بس فجأة......
__________________________________
اريان ركب سيارته وذهب للبيت وغير هدومه ولبس بنطلون جينز اسود وقميص لونه اصفر وكوتشي ابيض ووضع البرفيوم واخذ مفاتيح سيارته وكان ذاهب لبيت قصي وهو في الطريق ادم اتصل بيه
اريان: ايه يا ادم انا جاي في الطريق اهو
ادم: اريان معلش ارجع الشركة تاني وفيه ملف في مكتبك انا نسيته هتلاقيه لونه اسود معلش تجيبهولي وتيجي على بيت قصي
اريان: ماشي ولا يهمك هرجع اجيبه واجي يلا سلام
ادم: سلام
اريان اضطر يرجع للشركة تاني
__________________________________
في الشركة آسيا اتصلت بيزن
آسيا: يزن انا خلصت تعالى خدني بقى
يزن: طيب يا روحي انا جاي اهو في الطريق
آسيا: ما................ فجأة النور قطع في الشركة
( معلومة آسيا بتخاف من الضلمة جدا وعندها فوبيا من الاماكن المعتمة)
يزن بخوف: آسيا مالك
آسيا بخوف وكانت بترتعش من شدة الخوف: هو.......معرفش.........ليه....النور قطع.......فجأة.....في.....الشركة....ومش من.......عوايده يقطع
يزن: طب اهدي متخافيش اتنفسي وانا جايلك في الطريق خليكي مكانك متتحركيش ومتخافيش ها
آسيا بدموع: يزن ونبي متتأخرش عليا انا خايفة اوي
يزن بقلق وخوف على اخته: متقلقيش يا روحي عشر دقايق وهكون عندك واقل كمان سلام
يزن قفل مع آسيا
آسيا بخوف ودموع: يارب يزن يجي بسرعة انا خايفة اوي
اريان وصل الشركة واستغرب لما لقى الكهربا مقطوعة
اريان: هضطر اطلع على السلم
اريان تنهد: الله المستعان
وطلع 19 دور على رجليه
آسيا في المكتب مكنتش قادرة تتنفس وكانت هتقع من طولها......
اريان كان مشغل كشاف تليفونه دخل المكتب رأى آسيا هتقع فركض عليها وسندها من ضهرها بس هي مكنتش قادرة تقف فوقعوا هما الاتنين على الارض
اريان بخوف: آسيا مالك انتي كويسة
آسيا بصوت متقطع: انا...... عن.... دي...... فو...... بيا..... من... الضل... مة...... مش..... قادرة.... اخد.... نفسي
اريان عدلها ولفها بحيث يكون وجهها له
اريان: طيب اهدي انا هنا وانا عندي العلاج للفوبيا ديه اهدي
اخذها في حضنه وعانقها واخذ يملس بيديه على شعرها
اريان: اهدي انا جنبك اهدي مفيش حاجة هتحصل ششش
آسيا عانقت اريان وتشبثت بقميصه بقوة وكان جسدها ينتفض من الخوف دفنت وجهها بصدر اريان تستنشق عطره لكي تطمئن وتهدأ وبعد دقائق بدأت تهدأ رويدا رويدا بعدين الكهربا رجعت تاني فآسيا بعدت عن اريان شوية
اريان بحب وحنية: بقيتي كويسة
آسيا بخجل: اه احسن من الاول....شكرا
اريان: العفو على ايه
آسيا: على انك طمنتني شوية وساعدتني انا مكنتش قادرة اخد نفسي وكنت هموت
اريان بسرعة: بعد الشر عنك متقوليش كدة عموما يلا لمي حاجتك علشان اخدك اوصلك على البيت مش هتقعدي هنا انا هدخل اجيب ملف من المكتب واجي تكوني خلصتي ها
هنا يزن جيه وشاف آسيا بس مأخدش باله من اريان يزن ركض على آسيا وعانقها بقوة
يزن بخوف وقلق: آسيا حبيبتي انتي كويسة
آسيا: اه متقلقش كويسة
يزن: طب يلا علشان نروح وهنا اخذ باله ان اريان موجود
يزن: اريان انت بتعمل ايه هنا آسيا قالتلي انك روحت من بدري
اريان بإستغراب: ده انت عارف عني كل حاجة بقى لا تكون بتراقبني وانا معرفش
يزن ابتسم: لا ابدا بس انا كنت بتطمن عليها فسألتها اذا كان فيه حد في الشركة فقالتلي لا الكل روح ولما سألتها عنك قالتلي انك عرضت عليها انك توصلها بس هي رفضت علشان الشغل
اريان: اه طب عن اذنكوا هدخل اجيب حاجة من المكتب
يزن: اه طبعا اتفضل براحتك
اريان تركهم ودخل المكتب وكان بيموت من الغيظ ويزن اخذ آسيا وذهبوا اريان اخذ يبحث عن الملف اللي ادم طلبه منه وعندما عثر عليه اخذه وخرج من الشركة وذهب لبيت قصي
__________________________________
في بيت قصي ادم وفهد وسمير كانوا يجلسون مع بعض دخل عليهم لوئي
لوئي: عاملين ايه يا شباب
الشباب: تمام الحمد لله
اريان دخل عليهم: السلام عليكم
الشباب: وعليكم السلام
لوئي لفهد: اومال قصي فين بقاله 3 ايام برا البيت مش بشوفه
فهد بإستغراب: هو من يومين فضل في الشركة علشان وراه شغل كتير بس انا من امبارح مشوفتوش في الشركة ومجاش انهاردة فمعرفش هو فين فاستنيتك اما تيجي اسألك عنه يمكن انت تعرف عنه حاجة
لوئي بإستغراب: لا انا بقالي اربع ايام مشوفتوش ولا كلمته لان اليوم اللي قبل اليوم اللي بات فيه في الشركة كنت انا في المركز عندي شغل فمن ساعتها مشوفتوش
فهد: اومال هيكون فين
سمير: ممكن يكون في بيته
لوئي: ممكن طيب انا هطلع اغير هدومي واروح اشوفه
لوئي طلع غير هدومه ونزل انجلي وروما ومايا ذهبوا للشباب
انجلي لفهد: هو قصي بقاله ٣ ايام مرجعش البيت فيه حاجة ولا في مشكلة في الشغل
فهد: لا مفيش بس هو مجاش الشركة امبارح وانهاردة معرفش هو فين بس بنظن انه في بيته
انجلي: قصدك البيت بتاعه اللي هيعيش فيه لما يتجوز
فهد: اه ممكن يكون هناك منعرفش لوئي طلع يغير هدومه وهيروح يشوفه
انجلي بقلق: بس كان هيقولي قبليها انه هيبات هناك
روما بقلق: معقولة يكون حصل معاه حاجة
فارس دخل عليهم: السلام عليكم
الكل: وعليكم السلام
لوئي نزل من فوق وكان هيخرج وكان مستعجل وقلقان
فارس بإستغراب: لوئي انت رايح فين ومالكوا عاملين كدة ليه
لوئي: هروح اشوف قصي في بيته لاني بتصل بيه تليفونه مغلق وبقاله يومين مختفي ومش عارفين هو فين
فارس: ريح نفسك مش في بيته انا لسة جاي من هناك وروحت الشركة ملقيتش حد
لوئي: اومال هيكون فين يعني
فارس: مش عارف يا خوفي العصابة تكون خطفته واحنا قاعدين مش عارفين نعمل ايه
مايا بخوف: انا من رأيي نكلم حلا هي الوحيدة اللي هتبقى عارفة مكانه
روما بقلق: اه حلا بتحس بقصي وعارفاه كويس وبتفهمه اكتر ما بتفهم نفسها اكيد هي اللي هتبقى عارفة مكانه
فارس: حلا لو عرفت ممكن من خوفها يحصل معاها حاجة وعلى الاكيد هطين عيشتي
روما: مفيش حل غيره
محمد دخل عليهم
محمد: عاملين ايه
انجلي بخوف: عمو محمد كويس انك جيت انت الوحيد اللي هتساعدنا
محمد بإستغراب: في ايه
روما: قصي مختفي بقاله 3 ايام ومش عارفين هو فين
محمد: فارس
فارس: والله دورت عليه ومش لاقيه ولا عارف هو فين وبتصل بيه موبايله مغلق
محمد بغضب: ازاي يعني محدش يعرف هو فين
مايا بخوف: معقولة يكون اتخطف
محمد قعد ووضع رأسه بين يديه
فارس بتوتر: بابا اتصرف اعمل اي حاجة
محمد بنرفزة: ممكن تسكت شوية علشان اعرف افكر
__________________________________
في المطار طائرة حلا هبطت وقامت بكل الاجراءات ولما خرجت من بوابة المطار حاولت تتصل بحد علشان يجي يستقبلها من المطار او يبعتولها سيارة بس تليفوناتهم مجمعتش مع حلا
حلا بعصبية: نفسي افهم ايه اللي بيحصل إشمعنا انهاردة ودلوقتي مفيش ولا تليفون منهم مجمع معايا يا ربي ده حظي ولا انا في حد داعي عليا انهاردة..... دلوقتي هعمل ايه..... اه هتصل بقصي يمكن يقدر يتواصل مع عمي او مع اي حد
حلا اتصلت بقصي بس تليفونه مغلق
حلا بإستغراب: غريبة مش من عوايده يقفل تليفونه...... معقولة يكون حصل معاه حاجة......... لالا تفي من بوقك يا حلا قصي كويس ومفيهوش حاجة....... طب انا ليه قلبي مقبوض وحاسة روحي بتنسحب مني انا مبحسش بالشعور ده غير لو حصل معاه حاجة مش كويسة او اذا كان موجوع........ حلا اهدي قصي كويس يمكن لانك مكونتيش بتنامي كويس الفترة الاخيرة هووووووفف يارب ساعدني لاني تعبت ودلوقتي هاخد تاكسي واروح على البيت
حلا اخدت تاكسي وذهبت على بيت اخواتها ولما وصلت ملقيتش حد استغربت الموضوع طلعت شنطتها لغرفتها واخذت شاور وغيرت هدومها وكانت سرحانة وهي في غرفة الهدوم فارتدت سولبت لونها اسود من القماش بنطلونها لا هو واسع ولا ضيق وبتلت كوم وارتدت بوط طوله لبعد الكعب بشوية لونه اسود ورفعت شعرها ذيل حصان حلا استيقظت من شرودها ونظرت لنفسها بالمراية
حلا بإستغراب: انا ليه لبست هدوم خروج وازاي لبستهم اساسا......مالك يا حلا اكيد انتي اللي لبستي مفيش حد غيرك في الغرفة ولا حتى في البيت كله.....طب دلوقتي هعمل ايه انا مخنوقة اوي
حلا تنهدت واخذت نفس عميق: هتروحي على بيت قصي وتطمني عليه واللي يحصل يحصل
حلا بتوتر: بس الوقت متأخر مش حلوة اروح كدة ومن غير استئذان....يا ربي هعمل ايه.....خلاص هروح وخلاص
هنا تليفون حلا رن
حلا: خيييير امان لما بتتصل بيا في وقت متأخر بتشائم وبقول القيامة قامت خير في ايه
امان: اولا حمد الله على السلامة ثانيا عارف انك تعبانة بس ممكن تيجي على المركز فيه موضوع مهم وضروري وميتأجلش
حلا: طيب عشر دقايق وهكون عندك سلام
امان: سلام
حلا اخذت اللاب توب الخاص بالشغل وكام ملف وانطلقت بسيارتها للمركز ودخلت على مكتبها وبعد دقائق دلف امان للمكتب
حلا: خير في ايه
امان جلس على احد المقاعد: بخصوص مهمة رجل الاعمال قصي فيه احتمال كبير ان المهمة متتنفذش خلال الاسبوع ده....يعني بمعنى اكبر ان المعلومات اللي جتلنا احتمال كبير تكون غلط
حلا بلا مبالاة: وبعدين
امان: حلا بقولك المعلومات غلط وانتي هادية كدة
حلا ببرود: اولا مين قالك ان المعلومات صح ثانيا انا كنت هتأكد بكرة ثالثا انت عارفني كويس اوي عمري ما صدقت حد او وثقت فيه بسهولة والبنت اللي اسمها سناء انا مبثقش فيها نهائي علشان كدة طلبت من لوئي يفضل يمثل عليها حتى بعد ما تعطيه المعلومات لانه ممكن تكون بتعمل لعبة علشان توقعه بس وانا كنت شبه متأكدة ان المعلومات غلط ما علينا فيه حاجة تانية غير ديه
امان بإعجاب من ذكاء حلا: ده انتي فعلا مش سهلة يخرب بيت ذكائك يا شيخة انتي فعلا محدش يقدر يضحك عليك ايه ده حرباية يا اخواتي وعقربة كمان
حلا ابتسمت: اعتبر ده مدح ولا ذم يا استاذ امان
امان: هو المفروض مدح بس على شكل ذم
حلا ضحكت: ما علينا في حاجة تاني
امان: لا
حلا: طيب انا لازم امشي يلا سلام
حلا خرجت من المركز وذهبت لبيت قصي وعندما وصلت اتصلت باريان لتشوف اذا كان التليفون هيجمع ولا وجمع واريان رد
حلا وهي داخلة البيت: ممكن افهم انتوا فين وتليفو.........
سكتت عندما رأت اريان والكل متجمع نزلت التليفون ونهت المكالمة
حلا بإستغراب: انتوا كلكوا بتعملوا ايه هنا
فارس بلع ريقه بصعوبة وبإستغراب وصدمة: انتي جيتي ليه
حلا نظرت له بإستغراب
فارس: ق...ق.....قصدي انتي جيتي امتى وليه متصلتيش بحد فينا نيجي ناخدك من المطار
حلا ابتسمت له ابتسامة صفراء: وحياتك اتصلت فيكوا بس معرفش ايه اللي بيحصل تليفوناتكم مجمعتش معايا ولما اخدت تاكسي وروحت ملقيتش حد في البيت ولما كنت في المطار اتصلت على قصي لما فقدت الامل فيكوا على امل واساس انه يساعدني او يوصل لعمي او لحد منكوا بس الشئ العجيب لاقيت تليفونه مقفول وهو مش من عوايده يقفل تليفونه.....
حلا نظرت للكل وحواليها لم تجد قصي
حلا بإستغراب: فين قصي اذا كنتوا كلكوا متجمعين هنا مستحيل يسيبكوا ويمشي او يطلع ينام......وليه باين على وشكوا القلق في ايه......في حاجة مش كويسة حصلت
فارس بتوتر وخوف: هو.....يعني.....قصدي.....قصي.....هو...
حلا بعصبية: مالك في ايه هسحب من فمك الكلام فارس انطق واتكلم لاني اعصابي بايظة ومش مستحملة حد يلعب بأعصابي فانطق وخلصني وقولي ايه اللي حصل في غيابي
فارس غمض عنيه وبسرعة: قصي بقاله 3 ايام مختفي ومنعرفش هو فين وتليفونه مقفول وبقاله يومين مراحش على الشركة وهو مش موجود في بيته
فارس فتح عين ومن ثم التانية حلا كانت في حالة من الصدمة وكانت غير مستوعبة
حلا بهدوء: قصدك ايه بأنه مختفي بقاله 3 ايام ومراحش على الشركة بقاله يومين ليه سيادتك كنت فين ممكن افهم واذا انت معرفتش مكانه مين هيعرف انا مثلا
فارس بخوف وتوتر: حلا انتي اكيد هتقدري توصليله بطريقة ما انتي الوحيدة اللي هتعرفي مكانه
حلا بعصبية وبصوت عالي: لا والله ليه سيادتك وظيفتك مش كانت انك تفضل مع قصي والمفروض مني انا اللي كنت مسافرة وبرا البلد اعرف مكانه هنا وانت اللي معاه في نفس البلد مش عارف توصله ولا لتكون فاكرني مراته هقدر اعرف كل تحركاته واخليه يديني تقرير مفصل عن يومه انا مش نبهتك قبل ما اسافر ان عينك تفضل عليه وانك متسيبهوش
حلا من العصبية غرست اصابعها بشعرها وظلت تمسح على وجهها بقوة ومن ثم نظرت لمحمد
حلا بهدوء: وانت كنت فين يا سيادة اللوا
محمد بإحراج: كان عندي شغل برا البلد ولسة راجع دلوقتي ولسة دلوقتي عارف
حلا غمضت عينيها
حلا بنرفزة: ودلوقتي هنعمل ايه
فارس: مش عارف
لوئي: حلا اهدي احنا بالعصبية مش هنقدر نحلها اكيد انتي عندك حل اهدي وفكري يمكن تقدري توصلي لحاجة وانا متأكد انتي الوحيدة اللي هتقدري تعرفي مكان قصي
حلا حاولت تهدأ ولفت وجهها لجهة اخرى وغرست اصابعها بشعرها واغمضت عينيها محاولة ان تسيطر على اعصابها تذكرت انها وضعت جهاز تعقب بساعته لقصي
حلا: مين اخر حد شاف قصي
فهد: انا
حلا: بتفتكر اذا كان لابس ساعته اللي دايما بيلبسها ولا لا
فهد بتذكر: بظن اه كان لابسها تقريبا بس ليه
حلا ركضت للخارج محمد لحقها وفارس ولوئي او بمعنى اصح الكل خرج ورائها
محمد: حلا انتي رايحة فين
لوئي:طب فهمينا على الاقل هتعملي ايه
حلا طلعت اللاب توب من السيارة ووضعته على مقدمة السيارة وفتحته واخذت تبحث عن شئ
فارس بنرفزة: حلا فهمينا على الاقل انتي بتعملي ايه ولازمة سؤالك ايه والساعة هتفدنا بإيه وايه علاقة ده بإختفاء قصي
حلا وهي تنظر في اللاب: انا حطيت جهاز تعقب بساعة قصي علشان لو حصل موقف زي ده اقدر اعرف مكانه يعني تقدر تقول اني مأعتمدتش عليك اعتماد كلي
حلا بعد حوالي ربع ساعة قدرت تعرف موقع قصي
حلا: فارس لوئي سلاحكم معاكم
لوئي: اه اهو
فارس: اه معايا
حلا اخذت من لوئي سلاحه: فارس اديني سلاحك انت كمان
فارس اعطاها السلاح
لوئي بإستغراب: بس انتي عاوزاه ليه
حلا: اكيد مش هنقذ اخوك من غير سلاح
فارس بإستغراب: انتي عرفتي مكانه
حلا بعصبية: اه واوعوا تفكروا تيجوا ورايا صدقوني ساعتها هرتكب جريمتين قتل واروح فيكوا في داهية لاني مش طيقاكوا ولو عليا اشرب من دمكوا
وسابتهم وركبت سيارتها وانطلقت لمكان خطف قصي
__________________________________
يا ترى ايه اللي هيحصل؟!
وهل حلا هتقدر تنقذ قصي؟!
__________________________________
معلش اتأخرت في التنزيل لاني تعبانة شوية
