حلا: لان مفيش غيره يسترجي يعمل حاجة زي كدة معايا وكمان انا عارفة البرفيوم بتاعه لان ريحته غريبة وبتخنقني وغير كدة يوميها مكنش فيه حد في الشركة غيري
قصي بغضب: ده اتعدى كل الحدود ويظهر ان اهله معرفوش يربوه بس انا هربيه من اول وجديد
قصي طلع تليفونه وكان هيتصل بحد بس حلا شديته منه
قصي بغضب: حلا اديني الموبايل
حلا: لا اهدى الاول....قصي متخلنيش اندم اني حكيتلك بعد كدة لو حصل معايا ايه مش هقولك احنا مش اتفقنا من الاول انك متتعصبش وتفضل هادي
قصي تنهد وببعض الهدوء مخلوط بنرفزة: طب هاتي التليفون عايز اعمل مكالمة مهمة
حلا: علشان تعرف عنوان بيت عمرو وتعرف هو فين دلوقتي صح.....طب وبعدين
قصي سكت واشاح وجهه لجهة اخرى بعيدا عن وجه حلا
حلا: وبعدين يا قصي
قصي بغضب شديد: وبعدين هنزل فيه ضرب لحد اما يموت ومع ذلك مش هسيبه وهفضل اضربه
حلا: وبعدين سيادتك تودي نفسك في داهية واللي هو معرفش يعمله في خلال عشر سنين انت هتساعده وتخليه يعمله في يوم وليلة طب ليه وعلشان مين علشان واحد وسخ زيه هتودي نفسك في داهية قصي... بصيلي. قصي لم ينظر لها وكان يمسح وجهه بيده بقوة ليحاول ان يهدأ حلا مسكته من دراعه ولفته ليها
حلا بهدوء وحب وخوف: قصي انت لو لاحظت انا مجيبتيش سيرة عننا قدام ساندي صح واتمنى ميكنش فيه حد قالها حاجة
قصي بهدوء: لا محدش قالها حاجة بس ليه بتسألي
حلا: لان انا مش عايزة عمرو يعرف انك عرفت الحقيقة واننا سوى او اننا بنفكر نتجوز لانه لو عرف مش هيخلينا نتهنا او حتى نرتاح ثانية واحدة مع بعض انا ميفرقش معايا نفسي يا قصي بس انت تفرق معايا واكيد هيحاول يئذيك او ممكن ووارد جدا يحاول يقتلك وينجح لحد ما نتجوز ونكون سوى مش عايزة البني ادم ده لا هو ولا ساندي يعرفوا حاجة بخصوصنا لان ساندي معاه وبتعاونه وبتساعده لانها بتكرهني واكيد زيها زي عمرو مش هتسمح اننا نتجوز ونكون سوى فعلشان خاطري قدام ساندي هتتصرف معايا عادي زي الاول ديه حاجة تاني حاجة لو مثلا قابلنا عمرو في اي مكان وحاول يستظرف حاول متدخلش
قصي كان هيرد بس حلا قاطعته
حلا: بقول كدة علشانك لان عمرو دايما بيبقى مسلح وفيه اوقات بيبقى معاه مطوة ومسدس ومسدسه مرخص وانا معنديش استعداد اخسرك بأي طريقة من الطرق قصي انا مستعدة اخسر حياتي واضحي بيها فداك بس المهم عندي انك متتئذيش ولا تتخديش خدش صغير فعلشان خاطري انا وحياتي عندك وغلاوتي عندك بلاش تتعصب لما تشوفه لان هو ميعرفش انك عارف حقيقتي
قصي: بس ساندي عارفة اني عارف حقيقتك
حلا: ساندي مش هيجي في بالها تقول لعمرو انك عارف وكدة كدة عمرو ميفرقش معاه اذا عرفت الحقيقة ولا لا بس يفرق معاه اننا نكون سوى لان هو اساسا مش متقبل فكرة ان انا ماسكة مهمتك علشان احميك هو كل اللي يفرق معاه ان انا وانت نفضل بُعاد عن بعض ومنقربش مهما كان سبب القرب ايه قصي علشان خاطري حاول بس لحد ما نتجوز تسيطر على اعصابك قدامه
قصي: بس مأوعدكيش انه لو حاول يقرب منك او يلمسك افضل مسيطر على اعصابي
حلا بحب وخوف: لا حاول...حاول علشان خاطري قصي انا مش هقدر اخسرك زي ما خسرت اهلي انا اللي كان مخليني بعيدة عنك العشر سنين اللي فاته دول لاني كنت خايفة اني اخسرك والله لو حصلك حاجة انا اموت فيها
قصي جذبها من ذراعها لحضنه وعانقه: متقوليش كدة يا حلا حاضر هعملك اللي انتي عايزاه بس متتكلميش كدة تاني
حلا هزت رأسه بالموافقة وكان مازال يعانقها بعد لحظات حلا بعدت عنه
حلا بمرح: اما بتصدق تنتهز الفرصة وتحضن مبضيعش فرصة انت ابدا غير لما تحضن
الكل ضحك وقصي كمان
قصي بخبث: والله لو فيه فرصة اني ابوس كمان ديه بالذات مش هخليها تضيع ابدا واوعدك اني انتهزها كويس
الكل ضحك وحلا خجلت وضربته على كتفه
حلا: ده انت في قلة الادب والانحراف معندكش يا اما ارحميني
قصي ضحك: طب يرضيكي يبقى معايا سندريلا ومنحرفش طب ازاي طب ده حتى عيب في حقي ولا ايه يا اميرتي
حلا خجلت وسكتت وقصي ضحك بخفة
حلا: انا غلطانة اني جيت هنا
فهد بمرح: طب انا عصافير بطني بتصوصو وتكوكو وبتقول هتولي اكل وبتقولكوا بطلوا رومانسية ويلا بينا على الاكل
هنا تليفون حلا رن
حلا: لحظة واحدة
حلا ردت
حلا بنرفزة: ايه يا فادي يعني انا مينفعش اقعد نص ساعة من غير ما تتصل بيا في ايه تاني
قصي ابتسم بحب على نرفزتها ولوئي ضحك بس كان كاتم الضحكة
فادي: لا مش انا اللي عايزك والله ده اللوا محمد اتفضلي هو معاكي اهو
محمد اخذ التليفون وفادي ذهب يشوف شغله
محمد: الو يا حلول عاملة ايه
حلا بنرفزة: انا الحمد لله يا سيادة اللوا شكلك نسيت انك في المركز مش في البيت ها
محمد ضحك: بس انا في مكتبي ومعيش حد وفادي راح لشغله
حلا: اذا كدة ماشي بس برضه مينفعش
محمد: سيبك بس من الموضوع ده الواد قصي عامل ايه
حلا ضحكت ونظرت لقصي: هو كويس بس غريب انك بتسألني عن قصي دايما كنت بتسأل فارس عليه
محمد: وانتي لزمتك ايه يا نن عيني مش هتبقي مراته
حلا ضحكت: اديك قولت هبقى ه..ه لسة محصلش بس ايه دخل ده بسؤالك على قصي
محمد بنفاذ صبر: متاخديش في بالك يا حلا المهم كنت عايز اقولك هاتي قصي وتعالوا اتغدوا معانا
حلا ابتسمت: كان على عيني بس فيه مين سبقك وعزمنا على الغدا
محمد بإستغراب: مين
حلا: تيتا فاطمة وانجلي
محمد: خلاص تعالوا اتعشوا معانا او اتغدوا وبعدين تعالوا عندنا
حلا: هو اننا نتغدا ونيجي عندك صعب شوية علشان فيه مشوار مهم هنعمله
محمد: خلاص يبقى على العشا
حلا: هي الساعة دلوقتي تجيلها تلاتة ونص العصر على ما نتغدا ونخرج يعني قول على اربعة ونص او خامسة فمش عارفة ممكن نتأخر ومنلحقش العشا
محمد بعصبية: حلا اديني قصي عايز اتكلم معاه
حلا ضحكت: حاضر خد اهو معاك
حلا اعطت التليفون لقصي وقصي ابتسم
قصي: اخبارك ايه يا عمي واخبار طنط عفاف ايه
محمد بإبتسامة: كلنا كويسين الحمد لله انت كل اللي عندك عاملين ايه والحجة فاطمة عاملة ايه
قصي: كلهم تمام وتيتا كويسة الحمد لله وبتسلم عليك كمان
محمد: الله يسلمها بقولك ايه يا قصي انت تخلص انت وحلا مشواركوا وتيجوا عندنا على العشا
قصي بتفكير: والله مش عارف اذا كنا هنلحق ولا لا
محمد: انتوا اخركوا على كام كدة يعني نقول مثلا 8 او 9 بليل
قصي بتفكير: يعني 8.....8 ونص كدة
محمد: حلو خلصوا وتعالوا عندنا
قصي ابتسم: حاضر...حاجة تاني
محمد: خلي بالك من نفسك ومن حلا وبلاش تتهور وخلي شوشو بعيد عنك
قصي ضحك: حاضر يا سيادة اللوا اي اوامر تانية
محمد ابتسم: لا يا حبيبي اديني البت حلا
قصي اعطى التليفون لحلا
حلا: افهم بقى انتوا كلكوا عايزين تتجمعوا معايا انا وقصي ليه
محمد: وانتي مال اهلك
حلا رفعت احد حاجبيها وبغيظ: مال اهلي.....هما كويسين الحمد لله ومبسوطين عند ربنا بس انت بقى مالك وليه طقت في دماغك تتجمعوا معانا انهاردة
قصي ومحمد لما سمعوا كلامها ظهر على وجههم ملامح الحزن وانجلي كمان
محمد: وانتي مالك ده انتي رخمة قصي واحشني وعايز اشوفه ليكي شوق في حاجة
حلا: هو انا ليا اشواق في حاجات لانه حبيبي وجوزي مستقبليا ولا انت ناسي
قصي ابتسم ومحمد ضحك
محمد: لا مش ناسي وعموما مش هعطلك اكتر من كدة روحي اتغدي يلا وقضي وقت حلو مع حبيب القلب وخلي بالك منه وحَسبي لحسن يسمع كلام شوشو
حلا ضحكت: حاضر خلي بالك من نفسك وابقى سلملي على ماما عفاف لحد ما اجي
محمد ابتسم: حاضر يا حبيبتي يوصل يلا سلام
حلا: سلام
حلا قفلت مع محمد
انجلي: يلا بينا على الغدا علشان تقريبا كلنا ميتين جوع
حلا: لا متجمعيش لاني مش جعانة اوي لاني اكلت على الساعة 11 ونص
قصي ابتسم
لوئي بإستغراب: وقصي نفس النظام
سمير: انتوا بتتفقوا هتعملوا ايه في يومكوا مع بعض ولا ايه
فهد: ده بالناقص تدخلوا حمامكوا في وقت واحد
حلا خجلت: فهد انت بالذات متتكلمش وبعدين ديه صدفة مش اكتر
انجلي: بس الصدف كترت يعني مرة كنتوا لابسين زي بعض....
قصي قاطعها: مرتين المرة التانية اليوم اللي خرجنا اتغدينا مع بعض فيه كانت لابسة زيي بنطلون اسود وجاكيت جلد اسود مع اختلاف البلوزة كانت موڤ غامق
انجلي: كمااان وغير ان اول امبارح المنديل اللي قصي كان حاطه والفستان بتاعك كانوا من نفس اللون وقصي كان لابس اسود وانتي فيه في الفستان اسود ولابسة الجاكيت اسود
حلا ابتسمت بخجل: والله بتظنوا فينا سوء وبتفكروا فينا وحش والله مجرد صدف مش اكتر وبعدين موضوع اللبس زي بعض بيحصل معانا كتير حتى من صغرنا فمتركزيش لانك هتتعبي
فاطمة: بس هما انهاردة مش متفقين اوي في اللبس قصي لابس بنطلون ابيض وقميص كحلي غامق وحلا لابسة اسود في فضي اهمدي بقى وسيبيهم في حالهم يلا خلونا نروح ناكل
الكل ذهب للسفرة وجلسوا يأكلوا وفاطمة اصريت ان حلا تجلس بجوار قصي ولما خلصوا غدا قعدوا شوية مع العيلة وبعدين اتحركوا على اربعة ونص وهما في الطريق وقصي كان يتولى امر قيادة السيارة
قصي: حلا ممكن اسألك سؤال صغير اوي
حلا ضحكت: اسأل عايز تستفسر عن ايه
قصي وهو ينظر لحلا تارة وللطريق تارة اخرى: هو انتي دايما بتحلوي وبتبقي حلوة اوي كدة ولا لما بتقابليني بتتعمدي تحلوي وبزيادة
حلا خجلت وبتوتر وانزعاج: دايما بتقعد تقولي مأحمرش علشان ساعتها شوشو بيقعد يوسوسلك بس انت السبب انا نفسي افهم اعمل فيك ايه علشان تسيب دماغك الشمال في اي حتة ومتجيبهاش معاك واحنا خارجين
قصي ضحك: اقولك تعملي ايه انا عندي الحل
حلا بإبتسامة: البس نقاب مثلا لما اجي اقابلك
قصي ضحك: لا نتجوز علشان لما اعوز اعمل اي حاجة ابقى براحتي
حلا ضحكت جامد: انت مش هتتلم غير لما نتجوز صح
قصي ضحك: بالظبط كدة بس مأوعدكيش اني ممكن اسيبيك في حالك او اخليكي تبعدي عن حضني ثانية واحدة اديني بقولك من دلوقتي علشان تعملي حسابك
حلا ضحكت: لا انا عاملة حسابي من بدري وعارفة ده من غير ما تقولي
قصي: طب كويس انك معندكيش مانع
حلا: وهيكون عندي مانع ليه
قصي بخبث: يعني معندكيش مانع تفضلي في حضني طوول العمر
حلا ابتسمت بحب: تؤ معنديش مانع بس انا بقول تركز في الطريق احسن ما نعمل حادثة وسيبك من شوشو دلوقتي
قصي ركز في الطريق وابتسم: هفضل اقول ربنا يسامحك على اللي بتخليني امر بيه واحس بيه هفضل اقولها لحد ما نتجوز...نتجوز بس وهقولك انا بحس بإيه وبأدق التفاصيل
حلا ضحكت بخجل: لا الجملة ديه هتريحك وتخليك تبطل تفكر شمال دايما يبقى افضل قولها كدة دايما
قصي نظر لها بحب وترك الطريق حلا كانت تنظر للطريق وشعرت بقصي ينظر لها فلفت وجهها وقابلت وجهه حلا بإستغراب وقلق
حلا: قصي بُص للطريق....قصي
قصي لم ينظر للطريق وظل ينظر لها: بس انا باصص على طريقي اهو لان كل الطرق بتوديني ليكي
حلا مسكت وجهه ولفته للطريق: يا إما تركز في الطريق او تركن على جنب ونبدل انا وانت وانا اللي اسوق بدل ما نعمل حادثة
قصي رجع نظره للطريق: خايفة على نفسك مني ومبتثقيش فيا بس اللي يشوفك في المهمات وعلى حسب كلام فارس بضحي بحياتك علشانهم ولا انا مأستهيلش التضحية ديه
حلا: هرد عليك بس لما ننزل
قصي بإستغراب: إشمعنا
حلا: علشان تفضل مركز في الطريق
قصي سكت وكان مستغرب وبعد حوالي ساعة وصلوا المكان وقصي ركن السيارة ونزلوا
قصي: جاوبيني بقى على سؤالي
حلا ابتسمت: اولا انا بثق فيك اكتر من نفسي ثانيا الحكاية مش حكاية ثقة وانا مش خايفة على نفسي ثالثا انت تستاهل كل حاجة حلوة ولو طلبت حياتي هدهالك من غير تفكير او اعتراض رابعا وده الاهم انا كنت خايفة عليك انت مش على نفسي زي ما انت فاكر انا ميفرقش معايا غيرك انت وبس ولا حتى نفسي تفرق معايا انت اللي تفرق معايا
قصي تنح ونظر لها بحب وشوق وإستغراب: طب ليه مجاوبتنيش واحنا في العربية لما هو الجواب بالبساطة ديه
حلا بإبتسامة عذباء سحرت قصي: علشان النظرة ديه لو كنت قولتلك واحنا في العربية وانت سايق وحياتك لا كنت تنسى الطريق وانك سايق والباقي انت عارفه اكتر مني. وغمزتله
حلا سبقت قصي ودخلت وبعد لحظات سيطر على مشاعره ودخل وراها وكان مكان عبارة عن حديقة كبيرة جدا وواسعة وبطل على بحر حلا حبيت المكان جدا وعجبها كثيرا
حلا بإعجاب: حلو اوي المكان ده يا قصي وبجد فعلا مناسب جدا لعيد الحب
قصي بحب: طب كويس انه عجبك وحبتيه
حلا نظرت له بحب: يا عمري انت اي حاجة تختارها انا اكيد هحبها مادام عجبتك ومادام انت اللي اخترتها اكيد هحبها وهتعجبني بس الحديقة عايزة شوية ديكور علشان تبقى رومانسية
قصي: اه بس انا فكرت في حاجة
حلا نظرت له: ايه هي
قصي: نقسم الحديقة بحيث اذا الكل هيعترفوا بحبهم في نفس الوقت او مثلا لو اتنين هيعترفوا في نفس الوقت محدش يلغبط التاني
حلا: فكرة هايلة طب بُص انا عندي طريقة للتزيين وللتقسيم وكمان طريقة لكل واحد هيعترف بحبه يعني فكرت في حاجة تناسب شخصيتهم
قصي: طب اشجيني
حلا ابتسمت: بُص يا سيدي بخصوص فهد ومايا انا فكرت في..........................
رأوا الحديقة كلها ولفوها وقرروا وفكروا سوى في كل واحد هيعترف بحبه وفي الديكور
حلا: تمام كدة خلصنا شغلنا وكدة فاضل التنفيذ
قصي بإبتسامة وخبث: بس مكنتيش اعرف انك رومانسية اوي كدة
حلا: عفوا منك استاذ قصي انت لسة مشوفتيش حاجة ده كدة ولا حاجة
قصي: اما نشوف وعموما انا هكلم شباب وهخليهم ينفذوا اللي احنا قولنا عليه
حلا: لا انا اللي هنفذه
قصي بدهشة: عفوا هتحضري اماكن وتزيين وكل حاجة لاكتر من خمس اشخاص ولوحدك لا طبعا
حلا بحب وترجي: حبيبي افهمني انا حابة اعملهم ده وبعدين عايزة اضيف لمساتي الخاصة والطتش بتاعي علشان خاطري قصي خليني انا اعمله وبعدين انا بحب مادام فكرة في حاجة وخصوصي اذا كان ليها علاقة بالحب بحب انفذها بإيدي علشان خاطري وافق
قصي نظر لها للحظات: بس بشرط هاجي معاكي واساعدك
حلا نظرت له: قولت هتساعدني قصي انا وانت عارفين كويس انت بيحصلك ايه لما بتكون معايا فخليني ساكتة احسن وبعدين بقولك عايزاها مفاجأة وتقولي اجي اساعدك
قصي رفع احد حاجبيه: بس ديه مفاجأة للشباب مش ليا فعادي انا اقدر اجي واساعد
حلا: لا لان ممكن فهد يصر انه يجي معاك وبعدين مبحبش اشتغل قدام رجالة بحب اكون لوحدي علشان اعرف اظبط الشغل بمزاج
قصي بإستغراب: بقى هو كدة عايزة تطلعيني برا الموضوع
حلا ضحكت: لا متفهمنيش غلط بُص انت وظيفتك هتخليك مع الشباب وتحاول تقنعهم يمكن يقتنعوا منك لانك راجل زيهم
قصي ضحك: ماشي بس مليش فيه عايز ابقى معاكي واساعدك
حلا: لا
قصي: بس ليه
حلا: لاني مش عايزاك تبقى معايا يوميها وخلاص
قصي: حلا انتي مخبية عني ايه
حلا بضجر وانزعاج: هوووف هعملك مفاجأة وعلشان كدة مش عايزاك تبقى معايا بلاش يعني وبعدين يا سيدي انا حرا مش عايزاك تبقى معايا وخلاص الله
قصي ضحك: طب خلاص بس المفاجأة ايه
حلا رفعت احد حاجبيها وبغيظ: وهل تفتكر يا بيبي لو قولتلك عليها هتبقى مفاجأة
قصي بإستغراب: لا
حلا بغيظ وانزعاج: ومين قالك اساسا اني هقولك امشي قدامي خلينا نروح عند عمي نشوفه عايز ايه
قصي ابتسم وذهبوا على بيت عمها ومحمد استقبلهم وعفاف
محمد بإبتسامة واسعة وسعادة: انتوا عارفين انا مستني اليوم ده بقالي قد ايه اليوم اللي اشوفكوا مع بعض فيه
حلا ابتسمت: ليه حاسة ان ديه مش نبرتك ديه نبرة حد تاني
محمد بإستغراب: مين يعني
حلا: نبرة يحي الدالي او احمد الشناوي لانهم هما اللي كانوا بيقولوا الجملة ديه احنا مستنيين يجي اليوم اللي نشوفكوا فيه مع بعض
عفاف ضحكت: طب ادخلي يا لمضة
فارس: عندك يا حلا غمضي عنيكي الاول قبل ما تدخلي
حلا بإستغراب: ليه فيه مفاجأة مثلا
محمد: حاجة زي كدة
حلا: طب قبل اما ادخل البت إيلين هتيجي امتى قالتلي انها هتيجي قبل عيد الحب
عفاف بتوتر: هنبقى نكلمها بس ادخلوا يلا
قصي ابتسم وشك: والله انا خايف على حلا
حلا: انا خايفة اكتر منك حاسة ان فيه مصيبة
فارس ضحك جامد: طب ادخلي وانتي هتعرفي
حلا دخلت بس مكنش فيه حاجة والكل كان وراها حلا التفت للكل
حلا وهي تضع يدها على خصرها: ممكن افهم في ايه
فارس وهو مبتسم: ٥...٤... ٣... ٢... ١
حلا كانت مستغربة فارس بس اول اما خلص عد حلا لاقيت حد بيتشعلق على ظهرها من الخلف
: حلوووووووول وحشتيني اوي اوي اوي
حلا ابتسمت بسعادة: إيلين يا كلبة كل ده علشان تيجي
إيلين نزلت من على ظهر حلا ووضعت يدها في وسطها وبغيظ: انا مش متعودة انك تناديني بإسمي فين دلعي
حلا التفت لها وضحكت: بس كدة إيل تؤمر بس وتشاور تعالي يا حيوانة هاتي حضن
إيلين قفزت على حلا وحلا ضحكت ورفعتها وعانقتها بقوة وبحب
إيلين: ها بقى هتحضريلي ايه في عيد الحب
حلا: بصراحة معرفش يعني اساسا مش هحضر لحد حاجة لاني مفكرتش في حاجة
إيلين لويت شفتها بزعل: كدة
حلا ضحكت: بس يوميها ممكن اخرجك لو عايزة بس هيبقى الصبح لاني بليل هبقى مشغولة
إيلين اضاقت عينيها وبخبث: مع مين مع حبيب قلبك قصي صح بن عمو احمد صح جاوبي يا بت
حلا ضحكت: هو مبدئيا بس قبل ما تتكلمي عنه هو معانا دلوقتي في البيت
إيلين بصدمة: بجد فين
حلا بعدت من قدام إيلين فظهر قصي
قصي ابتسم: حمد الله على السلامة يا إيلين
إيلين تنحت لما شافت قصي: الله يسلمك بس ممكن اقولك على حاجة بس متفهمنيش غلط
قصي ضحك: قولي
إيلين بعفاوية: هو بصراحة وانت صغير كنت مز وكنت بقعد احسد البت حلا عليك بس دلوقتي يعني بصراحة بقيت مزين واجمد من وانت صغير فانا بقول ربنا يستر على حلا
الكل ضحك جامد وحلا ضحكت بخجل ونغزت إيلين في دراعها
إيلين: اتمنى متكونش فهمتني غلط يا استاذ قصي بس انا اللي في قلبي على لساني فبحب لما اشوف حاجة اقول الصراحة
قصي ابتسم: لا فهمتك صح متقلقيش وبعدين بلاها رسميات وخليها قصي بس
إيلين ابتسمت ابتسامة واسعة وبسعادة: ماشي يا قصي
حلا بتحذير: بس متاخديش راحتك اوي ها يا روحي
الكل ضحك وقصي ابتسم
إيلين: وانتي مالك انا وقصي بقينا اصدقاء وبعدين هو عارف هو بالنسبالي ايه كويس ومن ثم تعالي هنا هو انتي خطيبته
حلا بإستغراب: لا
إيلين: مراته
حلا بإستغراب ايضا: لا
إيلين بإستفزاز: يبقى بأنهي حق بتقوليلي اتعامل معاه ازاي
حلا بغيظ: بس انا بنت عمك ومن حقي اقولك تتعاملي ازاي مع الناس وخصوصي اذا كان راجل وخصوصي اكتر لو كان حبيبي
إيلين: بنت عمي على عيني وعلى راسي بس ملكيش الحق تحددي تعاملي مع قصي هيبقى ازاي وهفهمك بلغتك على حسب ما انا اعتقد ان اللي اتذكر في الشرع هو الزوج هل اتذكر حاجة او تعريف اسمه الحبيب.....فأظن هيبقى ليكي الحق لما تبقي مراته
حلا بغيظ: طب شوفي مين هيعبرك يوم عيد الحب يا روحي
إيلين بإستفزاز: فروسة موجود
حلا ضحكت: يظهر انك لسة جاية ومتعرفيش حاجة....اخوكي مش هيبقى فاضيلك لانه هيخرج مع حبيبت القلب
إيلين فتحت فمها: بتهزري فارس اخويا انا حَب لالا انتي اكيد بتهزري معايا
حلا ضحكت: اهو عندك اسأليها
فارس: كلام حلا صح اسمها رقية انتي عارفاها رفيقة حلا وبتشتغل في المخابرات هي ديه وبصراحة انا وعدتها اني هخرجها من اول اليوم لاخره فمش هبقى فاضيلك
إيلين: وايه يعني هخرج مع بابا
حلا: بس عمي محمد هيبقى عنده شغل وغير كدة كمان طنط عفاف هتبقى مشغولة في تحضير الغدا والفطار فمش هتبقى فضيالك يا روحي فمعندكيش حل
إيلين بإستفزاز: هخرج مع قصي
حلا بغيظ: يلعن ابو استفزازك يا شيخة
الكل ضحك ماعدا حلا وإيلين ابتسمت
حلا بغيظ: قصي مش هيبقى فاضي علشان هيبقى عنده شغل الصبح وبليل هنخرج انا وهو
قصي ببرود: بس انا معنديش مانع وممكن اخد اجازة اليوم ده كدة كدة انا صاحب الشركة وانا المدير وممكن اخرجك يا إيل....تسمحيلي طبعا اقولك إيل
إيلين بسعادة: انت تقول اللي انت عايزه وانا موافقة. وطلعت لسانها وغاظت حلا
حلا بغيظ وتحذير: بقى هو كدة قصي بلاش معايا السكة ديه
قصي بلا مبالاة وبرود: هفهمك بلغتك لما تبقي مراتي يبقى ليكي الحق تتحكمي اروح مع مين واجي مع مين
حلا بغيظ: بقى هو كدة تمام اوي يبقى اسمعني انت من انهاردة حر واعمل اللي انت عايزه
قصي بإستغراب وقلق: قصدك ايه
حلا ابتسمت بخبث: قصدي انت حر اعمل اللي انت عايزه واخرج مع اللي انت عايز تخرج معاها
قصي ابتسم: شوفتي متقدرش تتحكم فيا
إيلين غمزتله وابتسمت: ايوة على السيطرة
حلا ضحكت: بس انا لسة مخلصتش كلامي
محمد بإستغراب: ليه هتعاقبيه
حلا ببرود وهدوء: خااالص انا مقدرش اعاقب قصي بس حاجة صغيرة قددد كدة هون هتتعمل غصب عن اي حد
فارس بقلق: ايه الحاجة ديه
حلا بإبتسامة خبيثة وهي تنظر لقصي: اولا ممنوع نتكلم انا وانت نهائي لحد ما ربنا يسهلها ونتجوز ثانيا مفيش خروج نهائي حتى لو خطبنا الا بقى لما ربنا يفرجها ونتجوز وابقى مراتك ثالثا خروجتنا يوم عيد الحب انا لاغيتها وقررت اخرج مع حازم لانه محتاجني اكتر منك علشان ينقي هدية لمريم ويعملها مفاجأة
قصي اتغاظ واتنرفز: افندم ياختي عيدي كدة قولتي ايه تاني
حلا ببرود واستفزاز: مش انت قولت لما ابقى مراتك ابقى اتحكم فيك وابقى اقولك تخرج مع مين ومتخرجش مع مين وبعدين بصراحة مليش مزاج اخرج معاك يعني هنعمل ايه احنا لا خاطبين ولا حتى متجوزين فهتبقى بايخة لو خرجنا لاننا مش هنعمل حاجة
قصي بغيظ: وهو انا كنت اخدت رأيك هنعمل ايه
حلا بإستغراب: وكمان عايزنا نخرج ومكنش عارفة هنروح فين ولا هنعمل ايه تؤ ابويا علمني مأخرجش مع شخص غريب ومأعرفهوش
قصي بنرفزة وغيظ: لا والله ياختي اومال لما كنتي معايا من شوية ده كان اسمه ايه افهم بس ومكنتيش عارفة احنا رايحين فين برضه وبعدين الكلام ده لو متعرفيش الشخص ده انما انا ده انتي حفظاني اكتر من نفسي حتى واكتر من اي حد فين ده بقى اللي متعرفهوش يا نن عيني
حلا: من شوية كنت عارفة اننا رايحين نشوف المكان اللي انت حجزته علشان عيد الحب وعلشان نخطط لاعتراف الشباب وبعدين اساسا محدش يقدر يعمل معايا حاجة وثم ان انا قررت ان من دلوقتي لا اعرفك ولا تعرفني لما ابقى مراتك يمكن ساعتها اعرفك
الكل ضحك
فارس بضحك: نصيحة من اخوك الصغير بلاش بلاش بلاش يا قصي تثير غيرتها والله هيجي على دماغك في الاخر
محمد بضحك: هو على اللي انا سمعته ده هو مش عقاب بصراحة لا ده عذاب الله يكون في عونك يابني لا خروجات ولا حتى مكالمات لا انا كدة اطمنت عليك وعلى مستقبلك
عفاف بضحك: يا عيني يابني ده انت هيطلع عينك على ما تتجوزوا
إيلين بضحك: بتغيري مني انا يا حلول ده انا بعتبره زي اخويا الكبير قصي عندي زي ادم واريان
حلا ببرود: لا غيرة ولا حب ولا زفت اللي عندي قولته
قصي: فيه حد فيكوا معاه رقم مأذون
فارس ضحك بإستغراب: ممكن يكون يزن او مالك معاهم بس ليه بتسأل
قصي: علشان بفكر ادخل على بنت عمك انهاردة بدل ما ارتكب جريمة
الكل ضحك جامد
حلا: بس الموافقة موافقة العروسة
قصي رفع احد حاجبيه ووضع يده في وسطه وبغيظ: قصدك ايه يا هانم
حلا بإبتسامة: مليش مزاج للجواز حاليا يعني ممكن تديني مهلة سنة او سنتين ادورها في دماغي وهقولك
قصي بغيظ: نعم يا روح الروح انتي فكراها سايبة ولا ايه خروج مع حازم لا
حلا بغيظ ممزوج بالهدوء: والله المفروض تقول الجملة ديه لنفسك مش ليا وبعدين انت مش لسة قايل اننا لا مخطوبين ولا متجوزين واني مليش الحق اتحكم فيك فأظن انك لا خطيبي ولا جوزي علشان تقولي اعمل ايه ومعملش ايه
قصي بغيظ: حلا بلاش استفزاز والا وربنا هكتب كتابي عليكي انهاردة ودلوقتي حتى لو اضطريت اجبرك بلاش الاسلوب ده معايا
حلا ببرود: والله اللي اعرفه فيه مثل بيقول البادي اظلم يا نن عيني وبعدين بصراحة يعني هو الموضوع انتقام وعقاب علشان تبقى تتغزل في واحدة تانية وتوزع ابتسامات حلو
قصي بإستغراب: قصدك ايه ومين
فارس ضحك: يالهوي انتي لسة فاكرة قصي احذر منها علشان ديه في الغيرة معندهاش يا اما ارحميني ونابها ازرق اديني بقولك اهو من اولها
حلا: قصدي سما يا روحي البنت اللي عقدت معاها الصفقة يوم اما اعتذرت مني وفي شركة ادم واريان فاكر ايه اللي دار في الاجتماع ولا لا
قصي بصدمة: ده انا قولت انك نسيتي
حلا بغيظ: يعني لو انت نسيت لما فهد وحازم كانوا واقفين بيضحكوا معايا ابقى انا انسى لما انت كنت بتمدح في سما
قصي مسح على وجهه بيده وابتسم: للدرجادي يعني
حلا بغيظ: مش هنكر انه من خيالك كمان بغير انت تحمد ربك انك شوفت وشي تاني بعد اما قعدت تمدح في سما وربنا يوميها كان هاين عليا اقتلكوا انتوا الاتنين واروح فيكوا في داهية
الكل ضحك
قصي: طب خلاص طب اهدي انا بقول الطيب احسن بس إيلين زي اختي الصغيرة يعني زيها زي روما
إيلين بإبتسامة: اه يا حلول وقصي كمان زي اخويا الكبير زيه زي فارس وادم واريان
فارس: اللي يسمعك بتقولي كدة يقول ان الاحترام والحب بينا مقطع بعضه
الكل ضحك
حلا: والله الغيرة ديه حاجة خارجة عن الارادة زيها زي الحب مش ذنبي ان قلبي بيغير عليه من خياله طب تصدقي وتؤمني بالله
الكل: لا إله إلا الله
حلا: بغير وبضايق لما مايا وروما يمدحوا فيه بس واسمهم اخواتي
الكل ضحك
عفاف: ده انتي على كدة بتموتي فيه مش بتحبيه بس
حلا بخجل وإحراج: احم احم هو انتوا اما بتصدقوا يعني ولا ايه وبعدين انا مقولتيش كدة
محمد ضحك: هو احنا مش محتاجينك تتكلمي يا حبيبتي عينيكي فضحاكي ولا ايه يا قصي
حلا: طب على كدة لما ابقى اقعد معاكوا هلبس نظارة شمس علشان كدة كتير مش هو وانتوا عليا اروح من نفسي فين طيب
الكل ضحك
قصي بخبث: ده بالناقص تكوني بتغيري عليا من نفسك
حلا: علشان اكون صريحة ومكدبش عليك بتحصل معايا اوقات
قصي اتصدم والكل ضحك
إيلين: اذا كانت بتغير عليك من نفسها اومال من غيرها هتعمل ايه مش بعيد تعمل منك جميع انواع اللحوم والفراخ
فارس: وعندك كمان الشاورما والشوربات
قصي ابتسم بحب: اذا كان هيبقى على ايديها انا معنديش مانع نهائي
حلا خجلت: بس انا ممكن اعملها في فارس بس فيك لا
إيلين بمرح: اوبااااا جبهتك طارت يا عروسة ق...قصدي يا فروسة وبقى شكلك وحش اوي
فارس: لا عادي اخدت على الوطينة والندالة من حلا فعادي
حلا رفعت احد حاجبيها وبغيظ: ما بلاش انت تتكلم عن الوطينة والندالة احسن ما هتبقى صورتك وحشة اوي وقدام الكل...عموما انا هعمل قهوة حد عايز
محمد: اه اعمليلي معاكي
حلا: شربت كام فنجان انهاردة وبكل صراحة
محمد: احم احم اتنين
حلا بغيظ: يبقى مفيش تاني وبعدين انا مش متفقة معاك هو واحد بس في اليوم ماشي هعديها المرادي بس مش هعملك قهوة ولو اتكررت تاني هتتعاقب وهتفضل اسبوع بحاله متقربش من القهوة ولو قربت مش هيحصل خير
قصي: طب انا عايز ممكن
حلا نظرت له: شربت كام واحد انت كمان
قصي: لا انا انهاردة مشربتش
حلا نظرت له بشك
قصي: وحياتك انتي ما شربت حتى لو مش متأكدة تقدري تسألي انجلي
حلا: خلاص صدقتك وهعملك
إيلين: طب انا نفسي في مشروب هوت شوكليت اللي انت بتعمليه
فارس: وانا كمان يا حلول
عفاف: طب واحنا ملناش حاجة
حلا: خلاص هعمل للكل عصير هوت شوكليت وليا انا وقصي قهوة حد نفسه في حاجة تانية
قصي: انا نفسي
حلا ابتسمت: نفسك في ايه
قصي: نفسي نتجوز دلوقتي
الكل ضحك وحلا ابتسمت بخجل
حلا: هو انت في حياتك مبضيعش فرصة غير لما تتكلم في الموضوع ده احنا مش اتفقنا ما خلاص بقى في ايه وياريت توسع من طريقي علشان عايزة اروح المطبخ
قصي: ولو موسعتش هتعملي ايه
حلا نظرت له: قصي......بطل بقى وعديني
قصي: تؤ مليش مزاج اعديكي اديني الموافقة الاول
حلا بإستغراب: على ايه
قصي: على الجواز
حلا ابتسمت: موافقة ممكن اعدي بقى
قصي: انهاردة
حلا اختفت من على وجهها الابتسامة وبغيظ: قصييي.......اوعى من وشي لحسن هفركش الموضوع لا هيبقى انهاردة ولا الاسبوع اللي جاي ولا حتى بعد شهر اوعى من وشي
قصي ابتعد وهو يضحك وحلا ذهبت للمطبخ وحضرت الحاجة للكل وقدمتها لعفاف ورقية وإيلين وهما كانوا يجلسون بالحديقة ومن ثم ذهبت لغرفة الجلوس وكان يجلس هناك قصي ومحمد وفارس يتحدثون وعندما رأوا حلا سكتوا
حلا وهي تقدم المشروبات وبإستغراب: مالكوا سكتوا كدة ليه اول ما شوفتوني
محمد: لا عادي
حلا بخبث: يعني بتخطط مع ابنك ومع قصي علشان تعمل مفاجأة لمراتك في عيد الحب ومتخططش مع بنت اخوك ماشي يا محمد
محمد والشباب ضحكوا
محمد: هو انتي مفيش حاجة بتستخبى عنك
حلا: تؤ واذا لاحظت انا امنتلك الطريق وقولت انك هتبقى في الشغل يوميها يلا اي خدعة علشان تبقى براحتك وتحضر المفاجأة زي ما انت عايز
محمد: ماشي بس مش عارف اجيب هدية ايه
حلا: خلاص تحب ننزل انا وانت ولا اجيب انا وابقى ابعتهالك
محمد: خلاص هاتيها انتي وابقي ابعتهالي بس المهم عفاف متعرفش حاجة
فارس: انا زعلان لاننا مش هناخد مفاجأة من حلا زي كل سنة
قصي بإستغراب: ليه هو انت كمان كان بيتعملك
محمد ابتسم: مفيش حد مكنش بيتعمله كانت بتعمل لاخوانها الشباب ولمايا وحتى انا وعفاف كانت بتعملنا
فارس: اه ولو فيه اصدقاء بنات كانت بتعملهم ولو حد من اصدقائها الشباب عايز يحضر مفاجأة لحبيبته كانت بتساعده ده حتى فيه مرة كانت هي مسافرة وكان قبل عيد الحب بيومين وقولنا اننا مش هنشوف منها حاجة لانها كانت في مهمة تتخيل عملت ايه
قصي بفضول: ايه
محمد: سابت الشغل وحضرتلنا المفاجأة من غير ما نعرف ورجعت تاني صحيت انا وعفاف لاقينا البيت كله متزين وغير كدة كانت مزينة غرفة فارس وحطاله هديته ولاقيتها كتبالي رسالة بإن اخد عفاف ونروح على بيت المزرعة ولما روحنا لاقيناه متزين وكمان غرفة النوم
حلا بخبث: بس مقولتليش انهي ديكور كان احلى بتاع غرفة النوم ولا الصالون.وغمزتله
قصي نظر لحلا بإعجاب: ده على كدة بقى مفاجئتي هتبقى ايه
حلا: معرفش انت وحظك
فارس: يا حصرتي يعني هيتعمل لقصي مفاجأة وانا لا ده انا اخوكي وصحبك يا حلول
قصي رفع احد حاجبيه وبغيظ: وانا حبيبها وجوزها المستقبلي
حلا ضحكت: اساسا انت مش هتبقى فاضيلي علشان رقية
فارس: اه صح حلول معلش انا الايام اللي جاية هبقى مشغول في الشغل علشان افضى لعيد الحب ممكن انتي تجيبيلي هدية رقية وتبقي تبعتهالي
حلا: بس كدة من عنيا بس هتجبلها ايه
فارس: دبدوب احمر كبير ويبقى في صندوق والصندوق فيه شوكولاتة كتير ونقيلي بقى حاجة حلوة ليها فستان او اكسسوار مثلا
حلا: طيب ماشي وبوكيه الورد
فارس: هبقى اجيبه يومها بس كنت عايز اخد رأيك في حاجة اجيب الورد احمر بس ولا احمر واسود ولا احمر وابيض ولا التلاتة مع بعض
حلا: اممم هو لو انا هبقى عايزاه احمر في اسود بس رقية بتحب الاحمر اوي فممكن تجيبلها احمر في اسود بس الاسود يبقى قليل والاحمر اكتر فاهم قصدي
فارس: تمام
قصي: الله ينور عليكي يا حلا انتي متولية امر الكل لوحدك
حلا: لا يا حبيبي ده كدة ولا حاجة ده لسة فيه تنقية هدية لوئي وفهد لروما ومايا وتنقية هدية حازم لمريم ده غير يزن ومالك ويارا وميرنا لان كل واحد فيهم عايز هدية للتاني ده ناقصني ادم واريان وروما ومايا وجميلة وآسيا وتبقى كملت كدة
قصي ضحك: يا روحي خلاص هبقى اجي معاكي
حلا: تؤ لان انا احتمال كبير انزل بكرة وكدة كدة البنات هيبقوا معايا فانت خليك في شغلك احسن وعلشان شوشو كمان حرام ريحوا شوية
الكل ضحك وهنا عفاف ورقية دخلوا
رقية: بتتكلموا في ايه
فارس بتوتر: ابدا كنا بنقول.....يعني.....بنشوف قصي وحلا ناويين يتجوزوا امتى......اه صح اتكلمتوا في الموضوع ده ولا لا
محمد: اه صح حلا كفاية كدة بقى واتجوزوا ايه مكفكوش عشر سنين والكلام لحلا بالذات
حلا ابتسمت: اتكلمنا واتفقنا اننا نتجوز بعد المهمة علشان نبقى براحتنا يعني ربنا يسهل والمهمة تخلص وبعدين نبقى نحدد يوم كتب الكتاب والفرح
إيلين بصدمة: انتوا لسة هتستنوا بعد المهمة يا بنتي ده لو انا قصتي زيك وربنا اشده من ايده واخده على المأذون حتى مش هعمل خطوبة ياختاااي حد يخلي البت ديه تمشي من وشي علشان مرارتي هتتفقع منها
عفاف: حلا ما كفاية كدة
رقية: الله يكون في عونك يا قصي ده انتوا على ما تيجوا تتجوزوا هتكون جيبت اخرك
محمد: قصدك هتكون روحه طلعت
فارس: يخرب برودك يا حلا
حلا بغيظ ونرفزة وعصبية: ادووووني فرصة اتكلم اييييه افهموا الاول ليه وبعدين مين اللي قال ليكوا اننا عايزين نطول عن كدة انا لو عليا نتجوز انهاردة قبل بكرة
قصي وقف: طب يلا بينا
الكل ضحك وحلا ضحكت
حلا: اقعد يا حبيبي واهدى شوية وابعد عن شوشو وهتبقى تمام
محمد: طب ليه يا حلا
حلا: انت ناسي عمرو وناسي ان انا في مهمة وانا بالنسبة لقصي سكيرتيرته مش اكتر يعني بُص دلوقتي الموضوع صعب لان لو عمرو عرف مش هنقدر نرفع راسنا من المصايب وانت عارف ده كويس وفي عندك من ناحية تانية العصابة يعني ان شاء الله هحميه من عمرو ولا العصابة وغير كدة كمان الامور في المركز مش مستقرة فافرض اتجوزنا ويوم جوازنا انتوا احتجتوني هنعمل ايه فانا قولت بعد المهمة هنبقى براحتنا ونعرف نسيطر على الوضع وكمان هبقى واخدة اجازة وبكدة محدش هيقدر يزعجنا صح ولا انا غلطانة وبعدين انا بقول قصتي انا وقصي مضمونة وكدة كدة هنتجوز مفيش مفر بس الاهم دلوقتي ادم وجميلة واريان وآسيا وروما ولوئي ومايا وفهد
إيلين: لحظة واحدة هي روما رجعت ومين آسيا وجميلة ولوئي وفهد دول
فارس: لا بعدين يا إيلين مش دلوقتي
محمد بتفكير: معاكي حق يا حلا وكلامك صح بس فيه مشكلة هتقابلنا او بمعنى اصح هتقابلك
حلا: عارفة قصدك ازاي هخلي عمرو ميعرفش بده
محمد: اه
فارس: وخصوصي انه دايما عارف تحركاتك يعني ازاي مش هيعرف انكوا اتجوزتوا
حلا بقلق وحيرة: مش عارفة بس انا قولت نبقى نكتب كتابنا وبعدين يبقى ربنا يحلها ويفرجها بس المهم خلينا في الشباب والبنات
محمد: طب هتعملوا ايه معاهم
إيلين بزعل: لا انا مش فاهمة حاجة وعايزة افهم قصة عمرو وحلا وقصي وجوازهم وفهمناها مين بقى لوئي وفهد وآسيا وجميلة وايه قصتهم بالظبط لو مفهمتش دلوقتي ممكن يجرالي حاجة
الكل ضحك
رقية: بعد الشر عليكي يا إيلين يا حبيبتي بُصي يا ستي انا هفهمك اريان بيحب آسيا سكيرتيرته بس انتي تعرفيها اللي هي عيونها ملونة صحبت حلا وادم نفس النظام بيحب سكيرتيرته جميلة صحبت حلا كمان وعندك لوئي ده بيكون اخو قصي الاصغر وبيحب روما وعندك فهد بيكون بن عم قصي وبيحب مايا بس عندك بقى مشكلة اريان وادم وروما ومايا مش مقتنعيين ان الاحاسيس والمشاعر اللي بيحسوها تجاه البنات والشباب انها مشاعر حب وحلا غِلبت معاهم
إيلين: طيب وجميلة وآسيا ولوئي وفهد عارفين انهم بيحبوا ولا زي الخيبة اللي عندنا
حلا ضحكت: لا دول عارفين وإلا كنت رفعت راية الاستسلام من زمان ده انا اربعة ومش قادرة عليهم وخلاص روحي بتطلع فكرك لو كانوا الاربعة التانيين ميعرفوش كنت هفكر اخطط واعمل
فارس: وفيه حاجة انتي متعرفيهاش يا إيلين..حلا عملت تمثيلية عليهم ان جميلة مخطوبة لمالك بن خالتها واخوها بالرضاعة وحلا مفهمة ادم انه بيكون بن خالتها بس وان آسيا مخطوبة ليزن اخوها ومفهمة اريان انه بن عمها واما بالنسبة لروما قالتلها ان لوئي معجب بساندي بنت خالته وهيخطبها في عيد الحب او يتجوزها حاجة زي كدة ومفهمة مايا ان فهد معجب بسكيرتيرة قصي السابقة اسماء ونفس النظام زي لوئي بس يا ستي هي ديه كل القصة
حلا: مع العلم ان يزن اخو آسيا مخطوب ليارا وبيحبوا بعض ومالك اخو جميلة وبن خالتها مخطوب لميرنا وهما كمان بيحبوا بعض
إيلين ضحكت: يالهوي ومع ذلك الاصنام متحركوش الله يكون في عونك يا بنتي على الله بعد التخطيط ده كله ميحسوش على دمهم
حلا: ده انا ممكن اتجلط فيها وتجيلي ساكتة قلبية وساعتها انا اللي هتكل على الله
عفاف: بعد الشر عليكي يا حبيبتي متقوليش كدة
إيلين: طب انا عايزة يبقى ليا دور في القصص ديه دوريلي على دور فيه المسرحية ديه لانها عجبتني
حلا: عايزة دور
إيلين: ياريت والله هساعدك وكتير
حلا بتفكير: بتعرفي تثيري غيرة اي شخص وتخليه هيطق ويموت
إيلين بتفكير: ممكن اعملها بس مفهمتش برضه هعمل ايه
حلا: مهمتك تقعدي مع مايا وروما وتقوليلهم في الاول انك شوفتي لوئي وساندي مع بعض وفهد وأسماء مع بعض وتقعدي تمدحي فيهم وانهم لايقين جدا على بعض ولما تحسيهم جابوا اخرهم تقللي الموضوع
إيلين بفضول: ايوة اقلله ازاي لان ممكن اتقتل فيها وربنا ديه مايا وروما يا اما
الكل ضحك
حلا بإبتسامة: بُصي بعد ما تمدحي في حبهم تمدحي في فهد ولوئي بس زي ما عملتي من شوية مع قصي بس ياريت يبقى بزيادة
إيلين: في الحالة ديه لازمن اقابل لوئي وفهد ضروري
فارس: خلاص هبقى اخدك بكرة الشركة واخليكي تقابلي فهد اما لوئي لو هيبقى في البيت بكرة ممكن نروح نقابله واخليكي تشوفيه
إيلين: تمام وبعدين
حلا: بعدين تحاولي تحسيسيهم ان لوئي وفهد مش لايقين على أسماء وساندي
إيلين: تمام طلبك عندي يا معلم
قصي: وانا ممكن اعمل نفس الموضوع مع اريان وادم
حلا: تمام كدة
إيلين: بس لحظة واحدة اسماء وعرفنا انها سكيرتيرة قصي السابقة وكدة كدة مش محتاجة اشوفها لان وصف ومدح اي بنت سهل بس عفوا بقى ساندي ديه اللي بنت خالة لوئي هي ذات نفسها اللي انا عارفاها يعني بنت خالة قصي
حلا ضحكت: اولا بس لوئي ايه وقصي ايه ما هما الاتنين اخوات ولو ده عنده بنت عمة هيبقى التانية عنده نفس البنت وهتبقى نفس القرابة بنت عمته ثانيا اه هي ساندي
إيلين ملامحها اتبدلت ووشها اصفر
حلا: مالك في ايه
إيلين: معدتي قلبت منك لله عايزاني اروح امدح في ساندي اععع. طلعت لسانها كأنها قرفانة وهتتقيأ
إيلين: مستحيل بتهزري معايا
قصي ضحك: ليه بس ده انتي حتى لسة مشوفتهاش
إيلين: ده على اساس لما هشوفها هتقبلها او احبها
قصي: لا هتقرفي منها اكتر وهتكرهيها اكتر واكتر وساعتها بس هيبقى فعلااا مستحيل تقدري تمدحيها
فارس: ونسيت اقولك احنا لو روحنا بيت قصي علشان تقابلي لوئي هي هناك فوارد جدا انك تقابليها
إيلين: ياختاااااي ونبي مرارتي مش مستحملة كل ده حرام عليكوا انا تراجعت مش عايزة دور في المسرحية ديه مادام ساندي فيها
رقية: ليه بس
إيلين: وربنا بحسها مش ساندي بحسها شبه.....شبه علبة السردين
الكل ضحك
حلا: نفس الجملة ديه روما قالتها
رقية: بصراحة انا مش عارفة يا قصي انتوا ازاي مستحملينها
قصي: لا انا ولا انجلي بنطيقها وعندك فهد ولوئي كمان وسمير فضله شوية ويطردها من البيت اما ستي فبتحاول تقنع نفسها انها ممكن تتغير ولو انها مستحيل تتغير
فارس: بالمناسبة حلا بتغير من خيال قصي عليه بس شكلها متعرفش ان ساندي فيه اوقات بتدخل غرفة قصي وهو نايم
حلا وشها جاب الوان وبغيظ: افندم
قصي: مالك استغربتي كدة ليه ما انتي عارفة انها بتدخل عليا الاوضة ايه اللي جد
حلا بعصبية: بس مش وانت نايم يا حبيبي
قصي بإستغراب: وانا مال امي هو انا اللي بقولها تدخل عليا وانا نايم....بس لحظة ايه الفرق سواء كنت نايم او صاحي ماهي في الحالتين بتبقى في اوضتي
حلا اتنرفزت كثيرا وخصوصي بعد الجملة الاخيرة: قصي متستفزنيش ورحمة امك علشان انا نرفزتي بجد وحشة وممكن اطربق البيت ده فوق دماغك بلاش تقول في وشي كدة ماهي في الحالتين في اوضتي انت ناوي تخليني اروح فيك في داهية ولا ايه نظامك معايا افهم بس
قصي ابتسم وقام من مكانه واتجه ليها: طب اهدي مكنش قصدي بس إشمعنا يعني ايه الفرق
حلا وضعت يدها على خصرها وبعصبية ونرفزة وغيظ: ده على اساس انك متعرفش الفرق يا استاذ
قصي: والله ابدا انتي قوليلي ايه الفرق عندك
حلا وشها احمر من شدة الغيظ والغضب واصبحت تجز على اسنانها: الفرق يا حبيبي انك وانت نايم بتبقى نايم من غير تيشيرت وانت عارف لما بتدخل تستحمى بتخرج ويبقى منظرك ازاي ده بالاضافة انك عارف لما بتكون نايم بتبقى عامل ازاي
قصي ابتسم بحب: بجد ببقى عامل ازاي
حلا غمضت عنيها لتحاول السيطرة على عصبيتها: بتبقى رايح في سابع نومة ومش حاسس بحاجة وغير كدة بتبقى جذاب وبريئ وشكلك يجذب اي حد وخصوصي لو مش لابس تيشيرت وانت عارف الباقي
قصي بإستغراب: ايه هو الباقي ده
حلا: عايز تفهمني انها ولا مرة حاولت تقرب منك او تلمسك
قصي بتوتر: احم.....لا طبعا محصلش
حلا بغيظ وغضب: اممم فيه كدبة تانية حابب تقولهالي
قصي بقلق وخوف: طب اهدي علشان قلبك وعلشان نعرف نتكلم ممكن...حلا اهدي لان وشك احمر وده مش كويس علشانك ممكن تهدي
حلا بغضب وغيظ: جاوبني بكل صراحة قصي بتقرب ولا مبتقربش منك
قصي: اوكي بتقرب ممكن بقى تهدي
حلا: بتلمسك ولا لا
قصي: بتحاول بس.....
قاطعته حلا: كام مرة حصلت وكام مرة قدرت تلمسك
قصي بتوتر: مرة تقريبا
حلا نظرت له بقوة وغيظ
قصي بسرعة وتوتر: اوكي مرتين او تلاتة.....بصراحة مش فاكر لان الموضوع حصل كتير يعني هي تقريبا كل يوم بتتعمد تدخل اوضتي الصبح بحجة انها تصحيني علشان اروح الشغل مع اني منبه على الكل محدش يدخل اوضتي غير ستي وانجلي وخصوصي لو الصبح ولو حد هيصحيني
حلا بغضب: قولتلي اكتر من مرة........لا انا احسن حاجة اروح اطلع روحها في ايدي
هنا الكل وقف وملامح القلق كست وجوههم حلا كانت هتمشي بس قصي مسكها من دراعها وجذبها
قصي: طيب ممكن تهدي وتسمعيني
حلا: انا مش ههدى غير لما اروح افش غِلي فيها ابعد عني بدل ما وربنا اقلب البيت ده فوق دماغ الكل
حلا جذبت دراعها من ايد قصي وكانت هتمشي بس مكنش قدامه حل تاني غير انه يجذبها من خصرها بقوة ويحاوطها بذراعيه ويكتف ايديها وكانوا تقريبا ملتصقين ببعض
حلا حاولت تقاوم قصي وتفك نفسها بس هو كان اقوى منها واسرع منها ومسك يدها من المعصم وكتفها وكان يعتبر حضنها وكانت ذقنه على كتف حلا او فوقيه بشوية
حلا بغضب وهي تحاول فك نفسها من قصي: قصي سيبني وابعد عني
قصي: مش هبعد غير لما تهدي وتسمعيني
حلا بعصبية: بجد ليه هتقولي ايه يعني بصراحة يا حبيبتي هي كانت بتدخل يعني مش انا اللي بقولها تدخل وكانت بتدخل ازاي يا استاذ عايز تفهمني باب اوضة طوييل وعريييض ملهوش ترباس او مفتاح يتقفل بيه من جوا
قصي بهدوء وحب: طب انتي قوليلي افرضي حد حصله حاجة مثلا ستي وانجلي كانت عايزة تقولي او مثلا حد من الشباب عايز حاجة لان ملفات الشغل بتبقى في اوضتي هيدخلوا ازاي وانتي قولتي فيه اوقات بنام مبكنش حاسس بحاجة حلا ممكن بقى تهدي علشان خاطري حبيبتي قلبك كدة هيتعب وهيتعب علشان واحدة متستاهلش
حلا: عايزني اهدى
قصي: اه
حلا بغيظ وغضب وهي تحاول ان تفك نفسها منه: يبقى تسيبني اروح اطلع روحها في ايدي وافش غليلي فيها
قصي بغضب: حلا انا لحد دلوقتي مش عايز اقرص على ايدك علشان موجعكيش بس وربنا لو ما عقلتي وهديتي ساعتها همسك ايديكي بقوة لدرجة انك هتحسي بعضمك بيتكسر حلا قولت اهدي
حلا بغضب شديد وكانت بتاخد نفسها بصعوبة: انا عايزة افهم بتحوشني عنها ليه.......قصي بقولك سيبني افش غلي فيها لان انا مستحيل اهدى غير بالطريقة ديه
حلا فضلت تقاوم لحد ما نجحت وفكت نفسها من قصي بس الحقيقة قصي هو اللي سابها وكانت هتمشي بس قصي جذبها من دراعها مرة اخرى وحاوط كتفها ووضع يده على رأسها مقربها لعنقه وليه وعانقها بقوة
حلا بدأت تضرب بصدر قصي بغضب وغيظ: ابعد عني قصي خليني اروح بقولك سيبني
وظلت تضرب فيه وكانت كل ما تتعصب اكتر هو يعانقها بقوة اكبر الى ان بدأت تضعف وضربها يقل من شدة التعب الى ان هدأت واستكانت بحضن قصي ودفنت وجهها بعنقه لانها شعرت بألم شديد في قلبها ولم تستطع اخذ نفسها بإنتظام وقصي مازال يعانقها لانه حس انها تعبت
قصي بهدوء: ممكن تسمعيني بقى
حلا هزت رأسها بالموافقة وبتعب: ماشي بس ابعد عني
قصي ابتسم: لا مش هبعد لاني معنديش ثقة في ضغطك امتى هيعلى وتتعصبي تاني وساعتها ممكن مقدرش اسيطر عليكي....حلا اه صح هي بتدخل اوضتي وبتحاول تتقرب مني ومش هكدب عليكي علشان متزعليش بس متتعصبيش علشان خاطري....فيه كذا مرة حاولت تلمسني فيها وبصراحة ده حصل ولمستني........
هنا حلا حاولت تقاوم قصي واتعصبت بس هو مبعدش عنها وعانقها بقوة اكثر من الاول
قصي: حلا اهديييي
حلا وهي في حضنه وبغيظ: يعني بتقولي انها لمستك وعايزني اهدى قصي ابعد عني علشان بجد انا لا طيقاك ولا طيقاها ولو مروحتش دلوقتي وطلعت روحها في ايدي مش ههدى من هنا لبكرة الصبح وحتى لو هديت كل اما هشوفها هفتكر الموضوع وساعتها والله محدش هيحوشها من ايدي.
حلا في الاخر تعبت جامد واتخنقت وده كان واضح من نبرة صوتها وكان واضح انها هتعيط
قصي بقلق وخوف على حلا وحب: طيب انا موافق اعملي فيا اللي انتي عايزاه حتى لو عايزة تضربيني اضربيني بس اهدي علشان خاطري قلبك كدة هيوجعك
حلا بدموع وصوت مخنوق: اساسا هو واجعني بس لو مسبتنيش اروح اطلع روحها في ايدي ساعتها هتعب اكتر......ابعد عني قصي سيبني
قصي: لا مش هسيبيك غير لما تهدي
حلا بغضب وصوتها عِلي وكانت بتضربه بيدها في صدره: مش كفاية انك سمحتلها انها تلمسك قصي ابعد عني علشان بجد عفاريت الدنيا بتتنطط في وشي ابعد عني
قصي: حلا متظلمنيش ساعتها انا كنت نايم ومحستش ان فيه حد دخل اوضتي غير.....غير...
حلا بغيظ: غير لما لمستك صح.......ممكن تبعد عني علشان منزلش فيك ضرب دلوقتي لاني مش طيقاك.......ابعد عني. قالت الجملة الاخيرة بصراخ
قصي: طيب يعني بالعقل كدة انا كنت نايم هعرف منين ان فيه حد في الاوضة حلا اهدي وحياتك لما صحيت ولاقيتها في الاوضة بعدت عنها فورا وطردتها كمان ديه هي ديه المرة الوحيدة اللي نجحت فيها وقدرت تلمسني او يمكن تاني مرة مش فاكر بالظبط
حلا تعبت جامد ومقدريتش تتحرك وكانت بتتنفس بصعوبة لدرجة انها مقدرِتش تقف وفورا انهارت على الارض وهي في حضن قصي وقصي كمان وقع على الارض ورفض يسيبها وكان قلبه هيطلع من مكانه من الفزع والقلق عليها ومحمد وفارس ركضوا عليهم والبنات كانوا قلقانين
قصي بقلق: حلا......حلا حاولي تهدي وتتنفسي..
حلا كانت بتتنفس بصعوبة وكان قلبها يؤلمها بشدة حاولت تتنفس بس مقدرِتش
قصي: ادويتها موجودة هنا ولا لا
عفاف: اه موجودة ثانية واحدة هجيبها واجي
محمد بقلق: بسرعة يا عفاف
قصي: فارس اتصل بشاهر بسرعة وخليه يجي
فارس طلع تليفونه وكلم شاهر وطلب منه يجي علشان حلا تعبانة وشاهر وافق عفاف جابت الادوية واعطتها لمحمد محمد عبى المخدر وقصي اخذ منه الحقنة ووضع رأس حلا على رجليه واعطاها الحقنة بذراعها اليسار وبعد اما اعطاها المخدر رفع رأسها ووضعها على صدره واخذ يمشي يده على شعرها ووجنتها بحب وحنان وقلق وخوف وحلا كانت تحاول تسترجع تنفسها مرة اخرى
قصي بحب: ممكن افهم لو كنتي هديتي من الاول كان هيجرى ايه يا حلا وبعدين يعني هي علشان حاولت تقرب مني ولمستني يبقى كدة خلاص يعني اتجوزتها
حلا نظرت له بغيظ وبتعب: والله......خلاص يا حبيبي المرة اللي جاية هبقى اقولك عمرو دخل اوضتي وانا نايمة......وحضني وبصراحة محسيتش بنفسي غير لما صحيت ولاقيت نفسي في حضنه.....حلو كدة
قصي ملامحه اتبدلت واتنرفز بس متكلمش
حلا: بالظبط هو ده نفس شعوري واكتر..... انت لما عرفت ان عمرو...... اتهجم عليا في مكتب حازم و..... وحاول يقرب مني...... اتنرفزت وكنت شوية..... وهتروح تقتله.. وجايلي وبكل هدوء وبرود اعصاب..... تقولي اهدى
قصي نظر لها: طب اهدي علشان متتعبيش
حلا بغيظ: بُص ولسة برضه بيقولي اهدي.... ابعد عني اوعى سيبني لاني بجد شوية وهروح فيك في داهية
قصي قربها من حضنه وابتسم: لا مش هبعد انا كدة مرتاح وعجبني الوضع كدة
حلا حاولت تزقه بس تعبت ومقدرِتش فدفنت وجهها بعنقه تستنشق عطره
قصي ضحك: شوفتي اللي بيجي عليا وبيحاول يبعد عن حضني ده اللي بيحصل فيه وبيتعب واللي بيظن فيا سوء كمان
حلا ابتسمت ومازالت في حضن قصي وهو شعر بها
قصي: بصراحة مكنتِش اعرف انك بتغيري للدرجادي طب هو لو عرفتي ان انجلي بتدخل اوضتي وبيبقى نفس الوضع بس على فكرة انجلي بتلمسني بكل حب وحنية وحتى فيه اوقات بتغرز اصابعها بشعري وتعبث بهم وفيه اوقات كانت تحضني الصبح وانا كنت انام في حضنها
حلا بعدت عنه شوية ورفعت احد حاجبيها: عرفت انك مستفز وانت اللي بتثير غيرتي بس في الاول والاخر انجلي اختك وده طبيعي يحصل بين الاخوات وخصوصي لو كانت هي الكبيرة بس مش بنت خالتك وانت وهي في اوضة واحدة وحضرتك مش متجوز ولا هي مرتبطة فإتلم علشان متحولش عليك
قصي ابتسم وبحب: اه صح انا لسة متجوزتِش واعزب بس مرتبط بواحدة وهي بس اللي في قلبي
حلا: بتحاول تاكل بعقلي حلاوة
قصي: مش انا اللي عمال اعرض عليكي الجواز وانتي اللي مصرة اننا منستعجلش ونخليها بعد المهمة اشربي بقى
حلا بتحذير: اول واخر مرة هتحصل لو ساندي دخلت اوضتك تاني مش هيحصل خير حتى لو مقربتش منك صاحي او نايم او ان شاالله حتى تكون ميت او حتى لو في الشغل ومش في البيت البني ادمة ديه متدخلش اوضتك ده انا مبدخلش اوضتك وانت فيها واسم البيت كله موجود وحتى لو انجلي معايا مبدخلهاش واساسا مبعتبهاش وانت مش في البيت واسمي حبيبتك وهبقى مراتك المستقبلية وهتبقى ديه اوضتي عايزني لما اعرف ان بنت خالتك بتدخل الصبح تصحيك اسقفلك وانبسطلك واقولك برافو يا حبيبي ده بعينك ده انت كنت بتمدح بس في سما وكانت بتبصلك بس نظرات اعجاب وشوية وكانوا هيتحولوا حب ده ان مكنوش اتحولوا اساسا وكان هاين عليا اخلعلها عنيها دول اللي بتبصلك بيهم عايزني لما اعرف ان بنت خالتك دخلت اوضتك وانت نايم لااا وقربت منك ولمستك وعايزني اهدى لا والله. حلا ضربته في صدره
حلا: ده على اساس لو قولتلك ان فارس دخل عليا اوضتي علشان يصحيني انت ساعتها هتهدى ها
قصي ضحك وجذبها لحضنه مرة اخرى: لا فارس ميعملهاش اساسا وبعدين انتي بتنامي وبتقفلي عليكي بالترباس فمحدش هيعرف يدخل عليكي
حلا بعدت عنه شوية علشان تقابل وجهه: بتستفزني يعني انت ما انت ينفع تقفل بابك بالترباس مادام الحرباية ديه لسة موجودة تقفله بدل ما انا اللي اجي واقفله
قصي: ياريت حتى ساعتها هنبقى انا وانتي في اوضة واحدة. وغمزلها حلا ضربته مرة اخرى
حلا: اما بتصدق وكمان مستغل وضعي اني تعبانة ومش قادرة ازوقك وعمال تحضن ومقضيها
قصي: لو جينا من ناحية الحق والصراحة كلامك صح ومستغل الوضع لانه مش هيتكرر تاني غير بعد المهمة وعليكي خير
الكل ضحك
حلا ابتسمت: طب ممكن تسيبني بقى انا بقيت كويسة
قصي هز رأسه بالنفي: لا مش هينفع لان انا مش كويس
حلا رفعت احد حاجبيها وبغيظ: ليه مالك يا حبيبي قلبك وجعك ولا شفايفك وجعاك ولا ودنك ولا يمكن دماغك الشمال هي اللي تعباك
الكل ضحك
قصي بإبتسامة وخبث: هو قلبي واجعني ورافض انك تبعدي عني واما بالنسبة لدماغي الشمال فبتقولي مسيبكيش نهائي واما بقى بخصوص وداني مش عايزة تسمع حاجة غير صوتك واما بخصوص شفايفي.....اظن انك فهمتي قصدي كويس
الكل ضحك لانهم فهموه وحلا خجلت ووجهها احمر بشدة
قصي: لا حلا كدة انا هتهور وهجيب ناس تتهور وبجد هنفذ اللي فهمتيه
حلا وضعت يدها على وجهها من شدة الخجل
محمد ضحك: ليه فاكرها سايبة ولا ايه هتبوسها قدامنا واحنا نسكتلك كدة
قصي ضحك: انا اساسا مقدرش اعملها لان التصرف ده هيجرح حلا ويضايقها وانا مقدرش على جرحها وزعلها
هنا جائهم طرق الباب
فارس: شاهر وصل انا هفتح
حلا شالت يدها من على وجهها بس مازال وجهها احمر من شدة الخجل
محمد بخبث ومرح: حلا اهدي شوية لان قصي بيحب البرقوق والخوخ والفراولة اوي فإنتي كدة هتخليه يتهور وانا مش هقدر اعمل حاجة
حلا: طب بطلوا تتكلموا بالطريقة ديه وساعتها مش هتشوفوا لا برقوق ولا بطيخ حتى
الكل ضحك وشاهر وفارس دخلوا وقصي رفع حلا من عليه وساعدها في انها تقعد وشاهر فحصها
شاهر بغيظ: طبعا سيادتك اتنرفزتي واتعصبتي جامد صح وده واضح لان ضربات قلبك سريعة جدا حلا انتي ناوية يا حبيبتي تموتي نفسك بالجلطة ولا بالسكتة القلبية ولا بالاتنين لان ضغطك عِلي جدا بسبب النرفزة
حلا: لا معليش ولا حاجة
شاهر رفع احد حاجبيه: ده على اساس اني حمار مثلا ومقيستش ضغطك وضغطك عالي يا روحي وجدا كمان حلا ممكن افهم بتعملي ليه في نفسك كدة
حلا: بسبب صحبك اتنرفزت
شاهر بإستغراب: قصي.......بس مستحيل قصي ينرفزك لدرجة انك كنتي هتموتي بسبب النرفزة هو عارف كويس ان العصبية مش حلوة عليكي.....قصي ايه اللي حصل
قصي حكاله اللي حصل
حلا بغيظ: إشمعنا انت من البيت كله ما فيه عندها سمير ولوئي وفهد وفيه كمال إشمعنا انت
شاهر: وربنا لو ما هديتي لاكون مديكي مهدئ يخمدك لمدة يومين حلاااا اهدي شوية لان بجد قلبك مش مستحمل الضغط ده كله وبعدين ما انتي عارفة من الاول انها بتدخل اوضته ايه اللي جد
حلا بغيظ: بس مكنتش اعرف انها بتدخل والبشمهندس نايم وفي سابع نومة
شاهر ابتسم: طب ممكن تهدي طيب
حلا بعصبية: محدش يقولي اهدي لان الكلمة لوحدها بتنرفزني وانا على اخري
قصي: طب خلاص هعملك اللي انت عايزاه بس تهدي اعصابك شوية ممكن
حلا نظرت له بغيظ: هتعملي اللي انا عايزاه....متأكد
قصي: اه يا روحي اللي انتي عايزاه هنفذه بس وحياتي وغلاوتي عندك تهدي شوية علشان قلبك انتي عارفة اني مبحبش اشوفك بالحالة ديه وقلبي بيوجعني يرضيكي اني اتوجع
حلا نظرت له بهدوء: ميرضينيش بس لو انت مش عايزني اوصل لحالة اسوء من كدة متنامش في البيت ده طول ما هي فيه
فارس بإستغراب: اومال هينام فين
حلا: معرفش يتصرف اكيد فيه بيت غير ده يروح ينام فيه او ينام عندكوا بس رجوع على البيت ونوم في اوضتك وهي في البيت لا بدل ما اجي اطربق بيتكوا فوق راس الكل وفوق راسها وراس اللي خلفوها وراس اللي يتشددلها كمان
قصي ابتسم: طب علشان خاطري اهدي شوية انا مش هينفع اروح ابات في بيت تاني غير ده
حلا: ليه بقى ان شاء الله
قصي: لان ستي هتتعب لان قبل كدة كنت مخنوق وجت عليا فترة كانت نفسيتي تعبانة فاختفيت وعيشت في بيت تاني وهما كانوا عارفين انا فين بس ستي مستحمليتش وتعبت جامد ودخلت المستشفى وكانت حالتها خطيرة فمش هقدر اروح انام في بيت تاني
حلا: يبقى تنام وتقفل على نفسك الباب
قصي: طب ومين هيصحيني
حلا: والله اللي اعرفه فيه اختراع اسمه منبه
قصي بإبتسامة: بس فيه اوقات مبصحاش عليه
حلا: خلاص انا هبقى اصحيك
قصي ابتسم ابتسامة واسعة: طب ما انتي لسة قايلة انك مبتدخليش اوضتي وانا مش فيها علشان تدخلي وانا فيها
حلا ابتسمت: دماغك راحت لبعيد هبقى اتصل بيك بالتليفون واصحيك
قصي: ولنفترض مصحيتش ورديت
حلا بغيظ: يبقى عنك ما صحيت وعنك ما روحت الشركة كدة كدة الشغل مش هيقف عليك بس اللي يفرق معايا ساندي متدخلش اوضتك والا زي ما انا حاطة حراسة على بيتك هحط حراسة على اوضتك
الكل ضحك
وقصي ابتسم: خلاص هبقى اروح انام في غرفة شاهر واخلي شاهر ينام في اوضتي حلو كدة
شاهر: لا يا عم ننام انا وانت مع بعض بس اني انام في اوضتك واصحى اتصبح بوشها لا انا اساسا مبطيقش اشوفها في العادي علشان اتصبح بوشها
حلا: مليش فيه اتصرفوا ان شاالله تنام كل يوم في اوضة شكل مرة مع لوئي مرة مع سمير بس المهم انها متدخلش عليك وانت نايم يا اما تطردوها من البيت او تحبسوها في اوضتها مثلا او تخلوا انجلي تنام معاها ومتخلهاش تخرج من الاوضة
قصي ضحك: طب خلاص اهدي هي من ساعة ما طردتها اخر مرة وهي مدخليتش
حلا: بس انا مبثقش فيها واكيد هتدخل تاني وتالت ورابع
قصي قبل جبين حلا: طيب خلاص اوعدك انها مش هتتكرر تاني خلاص بقى سماح المرادي
حلا نظرت له: ماشي سماح المرادي بس لو شوفتها لازم انتقم منها بأي طريقة
محمد: هتعملي ايه هتضربيها مثلا
إيلين: والله تبقي جدعة يا حلول
فارس: هو انتي بتحطي بنزين على النار مالك يا حبيبتي هي مش ناقصة تولعيها هي والعة لوحدها
حلا: والله معرفش بس لما ابقى اشوف وش اهلها يبقى ربنا يفرجها من عنده
قصي بإبتسامة: حلا حبيبتي...لما ده محصلش قدامك واتعصبتي كدة اومال لو دخلت اوضتي قدامك هتعملي ايه
حلا: هعمل من فخادها فراخ بانيه مع ان اليوم اللي انجلي كانت في المستشفى ولما جيت ادخل شوفتها وهي خارجة من عندك كان هاين عليا امسكها من شعرها وارقع راسها في الحيط واشقها وافتحها
قصي ضحك: تصدق كان معاك حق يا فارس لما اتجوز حلا هبقى حريص اننا منعيش في البيت اللي فيه ساندي
حلا قامت وقفت: لا ده انا هعيش فيه عند علشان اغيظها واستفزها واخد بتاري منها
قصي وقف: طيب لما نشوف نتجوز بس الاول وبعدين اي حاجة تانية تيجي بعديها بس نتجوز الاول
حلا: طب انا تعبت وعايزة اروح علشان بدأت ادوخ وشوية ومش هبقى معاكوا وهنام
شاهر: ده بسبب المخدر وبسبب انك تعبتي جامد والدوخة بسبب ان ضغطك علي يا هانم
قصي: طب تعالي هوصلك على البيت
رقية: طب انا كمان هروح معاكوا
فارس: لا خليكي شوية انا هبقى اوصلك
رقية: لا انت شكلك تعبان اقعد وارتاح وكدة كدة قصي هيوصل حلا يعني الطريق واحد هروح معاهم وانت ارتاح
قصي: خلاص يا فارس متقلقش هوصلهم انا وانت اقعد ارتاح
رقية: وانا لما هوصل هبقى ابعتلك مسدج واطمنك خلاص بقى طنط عفاف ما تقولي لفارس حاجة
عفاف: انا مقدرش اقوله حاجة هو يشوف اللي يريحه ويعمله ومرة تانية تقوليلي ماما مش طنط ايه طنط ديه
رقية ضحكت: طب خلاص متزعليش يا طن.....ق...قصدي يا ماما....هاخد وقت على ما اتعود
عفاف: ماشي يا حبيبتي
حلا بتعب: فارس خلاص خليك انت هنا واطلع نام وارتاح بدل ما توصلها وترجع وكدة كدة هي عايشة معانا في البيت يعني نفس الطريق فمفيش داعي للقلق يعني هي مش هتروح لوحدها
قصي: وكمان انا معاهم يعني مش هيروحوا لوحدهم من غير راجل
فارس بإستسلام: طيب خلاص ماشي بس طمنيني يا رقية لما توصلوا
رقية ابتسمت: حاضر
سلموا على الكل ومشيوا وشاهر سبق قصي على البيت وحلا نامت في الطريق في السيارة وقصي محبش يصحيها لانها كانت تعبانة جدا فحملها بين يديه وطلعها على غرفتها ورقية كانت معاه قصي وضع حلا على السرير ورقية قلعتها الجذمة وغطيتها وبعدين وصلت قصي على الباب
قصي: لو حصل اي حاجة او تعبت ابقي اتصلي بيا وقوليلي ماشي
رقية ابتسمت: حاضر متقلقش هتبقى كويسة
قصي ابتسم: ماشي يلا سلام
رقية: سلام
رقية بعثت رسالة لفارس لتخبره انهم وصلوا وقصي رجع بيته وحكى كل حاجة لانجلي
انجلي ضحكت: ديه بتحبك حب يا قصي
قصي ابتسم: بتحبني جدا انتي مشوفتيش وشها كان عامل ازاي كنت حاسسها هتاكلني كمان شوية
انجلي ضحكت: بس بصراحة معاها حق تضايق وتتعصب لان ساندي بجد اتخطيت كل الحدود وكويس انك حكيت لحلا الموقف ده من دلوقتي متعرفش يمكن كانت فيما بعد ساندي تحكيه لحلا وتألف من عندها قصص وساعتها ممكن تخرب عليكوا حياتكوا
قصي: معاكي حق بس انا عندي مشكلة حلا مش عايزاني انام في اوضتي
انجلي ابتسمت: خلاص اهدى انا هبقى اتصرف وكدة كدة بصحى قبل الكل فهبقى اراقب ساندي ولو حاولت تطلع اوضتك هبقى اتصرف معاها
قصي: ماشي يلا عايزة حاجة هروح انام
انجلي بإبتسامة واسعة: عايزاك تبقى مبسوط ومرتاح دايما...يلا تصبح على خير
قصي ابتسم وقبل جبينها: تلاقي الخير يا حبيبتي
قصي ذهب لغرفته اخذ شاور سريع وارتدى شروال وتيشيرت وكالعادة خلع التيشيرت ونام لانه كان تعبان جدا
__________________________________
في بيت الدالي حلا استيقظت مفزوعة على الفجر بسبب الكابوس المعتاد الخاص بحادثة اهلها قامت اخذت شاور وادت فريضتها وظلت تقرأ بالمصحف الى ان طلع النهار قامت وارتدت ترينج رياضي ونزلت ركضت حول البيت شوية وبعدين مارست بعض التمارين وفي اثناء ما هي بتتمرن رن هاتفها حلا ردت
حلا: صباح الجمال والحب على احلى عيون هو انا محظوظة اوي كدة وربنا بيحبني علشان اصحى على صوتك الحلو ده
انجلي ضحكت: بس بس اهدي خلاص هيغمى عليا من كتر الكلام الحلو
حلا: يا ستي عيد الحب قرب فقولت احب فيكي شوية مادام الرجالة اتعميت ومبقيتش تشوف
انجلي ضحكت: انتي بتعملي ايه دلوقتي
حلا: ابدا كنت بتمرن شوية وهطلع اغير هدومي واحضر الفطار للشباب وبعدين هاخد بعضي واروح على المول واتسوق علشان هدايا عيد الحب المطلوبة مني اه صح تحبي تيجي معايا ونتسوق سوى ولا مشغولة
انجلي: اجي ومجيش ليه وبعدين انا لا مشغولة ولا متنيلة فاضية ياختي
حلا: خلاص تحبي اعدي عليكي امتى
انجلي: بُصي مش هعرف اخرج من البيت غير لما قصي يروح على الشركة علشان اطمن انه فطر واخد علاجه واطمن كمان ان الشباب فطروا ايه رأيك تيجي تعمليهاله مفاجأة وتفطري معانا ولما نخلص فطار نخرج انا وانتي المول ونتسوق براحتنا
حلا: ماشي هشوف وهبقى ابعتلك مسدج واقولك بس متقوليلوش حاجة ماشي واه انجلي ياريت الحرباية متدخلش اوضة قصي تاني انا متأكدة ان قصي حكالك كل حاجة
انجلي ضحكت: حاضر ما هو قالي وانا قولتله هتصرف انا مع ساندي
حلا: طيب اما نشوف اخرتها معاها ايه
انجلي: بس خدي بالك من نفسك وخدي دواكي ماشي متنسيهوش يا حلا علشان متتعبيش زي امبارح
حلا: حاضر يلا عايزة حاجة
انجلي: عايزة سلامتك سلام مؤقتا
حلا ابتسمت: سلام
حلا طلعت غرفتها اخذت شاور وارتدت دريس ابيض سادة بحمالة عريضة ومن عند الرقبة فصوص باللون الاسود والابيض تشبه الكوليه وارتدت فوقيه جاكيت جلد باللون الاسود وحذاء بكعب عالي اسود وعملت شعرها سمبولة ووضعته على احد اكتافها وارتدت حلق مدور كبير باللون الفضي وارتدت ساعتها الفضية ووضعت من برفيومها الهادئ ونزلت حضرت الفطار ووضعته على السفرة وصحت الشباب والبنات وقالت لاريان انها هتخرج تروح تفطر مع قصي والعيلة وعلشان كمان انجلي هتروح معاها تتسوق وهو وافق وبعدين اخذت تليفونها ونظارتها الشمسية ومفاتيح سيارتها وسلاحها وانطلقت على بيت قصي وبعثت لانجلي رسالة قبل خروجها من البيت
__________________________________
في بيت قصي انجلي طلعت لغرفة قصي لتيقظه دخلت الغرفة وفتحت الستاير لتدخل اشعة الشمس
انجلي: قصي حبيبي يلا فوق بقى وبطل كسل
قصي بتعب ونوم: انجلي سيبيني انام ساعة كمان وبعدين ابقي تعالي صحيني
انجلي: لا يلا قوم علشان تستحمى وتفوق كدة وتغير هدومك وتفطر وتروح الشركة يلا يا قصي بقى ومتتعبنيش معاك
قصي فتح عينيه: هي الساعة كام
انجلي: تجيلها ٨ ونص او تسعة إلا يلا بقى يا قصي قوم
قصي غمض عينيه: طب خلاص على عشرة إلا صحيني
انجلي ابتسمت بخبث: يعني مش هتقوم
قصي: تعبان وعايز انام
انجلي بخبث: خلاص بقى هقول لحلا ترجع بيتها ومتفطرش معانا
قصي فتح عينيه بسرعة وقام نط على السرير وبصدمة واستغراب: هي حلا هنا
انجلي ضحكت: يعني لو حلا هنا هتقوم يلا اديك قومت اهو ادخل خد شاور
قصي بزعل: كدة تكسريلي قلبي وتحطميلي فؤادي اخص عليكي
انجلي: طب ادخل استحمى مين عارف يمكن تيجي
قصي بزعل: لا مش هتيجي لانها هتروح المول تتسوق وعندها حاجات كتييير هتعملها فمش هتيجي ولو كانت هتيجي كانت هتقولي
انجلي ابتسمت وبمرح: قصي ممكن اقولك حاجة انت بتبقى زي الاطفال لما تزعل على حلا بجد والله
قصي بغيظ: شكرا يا اختي يا حبيبتي قصدي يا اللي كنت فاكرك اختي وحبيبتي
انجلي: انا اختك اه بس حبيبتك مين بقى ما البركة في ست حلا جت خدت مكاني وبقيت حبيبتك
قصي: لا يا عمري القمر ده حد ياخد مكانه برضه انتي حبيبتي وهي حياتي
انجلي شهقت بصدمة ولكن بتمثيل: بتحب حلا اكتر مني اخص عليك بقى عِشرت ٢٥ سنة تهون عليك علشان عشر سنين يا معفن
قصي ضحك: طب انتي عايزة ايه دلوقتي
انجلي ابتسمت: تحب حلا اوي اوي وتتجوزوا في اسرع وقت واشوفكوا مع بعض في بيت واحد وتخليها مبسوطة ومتجرحهاش يا قصي بدل ما وربنا هتشوف وش مني مش هيعجبك وهبقى مفرقش حاجة عن حماتك
قصي ابتسم: حاضر اساسا احنا قررنا اننا نتجوز بعد المهمة يعني المهمة تخلص وبعدين نبقى نحدد يوم لكتب الكتاب والفرح
انجلي بسعادة: طب يارب الاسبوعين دول يمروا بسرعة بقى
قصي: يسمع من بوقك ربنا اي اوامر تانية يا سيادة الاميرة سندريلا
انجلي ابتسمت: اه تقوم تستحمى وتغير علشان الشغل يلا قدامي على الحمام وهحضرلك هدومك
انجلي جذبت قصي من دراعه وفضلت تدفعه امامها على الحمام
قصي: طيب متحضرليش بدلة حضريلي بليزر وطقم عادي
انجلي: من عنيا
قصي دخل واخذ شاور وانجلي جهزتله طقم يتكون من بنطلون جبردين اسود وقميص ابيض وبليزر اسود وكوتشي اسود ووضعتهم على سريره وخرجت وهنا وصلتها رسالة حلا تخبرها انها خرجت من البيت وفي الطريق اليهم انجلي ابتسمت وطلبت من مهدي يجهز الفطار وبعد دقائق حلا وصلت بس انجلي كانت تجلس مع فاطمة بغرفة فاطمة ومهدي استقبل حلا وحلا دخلت وكانت ساندي تنزل من غرفتها ورأت حلا بس حلا لم تراها وكانت تتحدث بالتليفون
حلا: طيب يا يارا لا عادي خدوا راحتكوا بس قبل اما تخرجوا من البيت ابقي قوليلي
يارا: حاضر يلا سلام
حلا: سلام
حلا قفلت مع يارا
ساندي بغيظ: ايه ده من على وش الصبح كدة ايه اللي جابك عندنا
حلا نظرت لها ورفعت احد حاجبيها وقلعت نظارتها الشمسية ورفعتها فوق راسها
حلا بغيظ: عندنا ليه هو انتي صحبت البيت ولا ايه
هنا فهد ولوئي وسمير خرجوا من غرفتهم وسمعوا حلا ومكنوش فاهمين في ايه فوقفوا يشوفوا في ايه ويفهموا
ساندي نزلت ووقفت قصاد حلا وبإستفزاز: حاجة زي كدة وقريب جدا هيبقى ليا كلمة في البيت ده واللي زي امثالك مش هيعتبوا عتبة باب البيت
وهنا قصي خرج من غرفته وسمع ساندي واتنرفز جدا من كلامها وكمان انجلي سمعتها عندما خرجت من غرفة ستها واتنرفزت وانزعجت كثيرا وكانت هتتجه لساندي وتعرفها حدودها بس استغربت رد فعل حلا
حلا ضحكت جامد: تصدقي ضحكتيني بجد كلامك عسل يا روحي بس يا ترى المرادي هتبقي حبيبته ولا مراته ولا طليقته ولا حبيبته السابقة مثلا
ساندي بإبتسامة انتصار: ليه اتغاظتي ولا ايه لتكوني قايدة نار ومحدش عارف يطفيها
حلا ضحكت جامد مرة اخرى: لحظة واحدة وهتغاظ ليه ان شاء الله ويعني على اخر الزمن واحدة زيك هي اللي هتغظني طب على الاقل انا عارفة نفسي ايه وهوصل لفين بس الدور والباقي عليكي يا بنتي والله انا فيه اوقات بحسك مش فاهمة نفسك او مش عارفة انتي عايزة ايه واه اما بخصوص النار القايدة لو ناري كانت قايدة متقلقيش قصي موجود هو يطفيها
ساندي رفعت احد حاجبيها وبغيظ: ليه ان شاء الله انتي مين
حلا بإستفزاز: هو مع انك عارفة بس بما انك سألتي مش هزعلك وهجاوبك بس حسبي لحسن عرقك يطق ولا حاجة
ساندي بغيظ: هما اخواتك سيبينك كدة مش يسألوا عنك ويعرفوا انتي فين وغير كدة جيتك عندنا كترت
حلا بإستفزاز: لا ما هما عارفين اني في بيت حبيبي ومش بعيد يكون زوجي مستقبليا
ساندي بغيظ وغضب: وده بأمارة ايه ان شاء الله
حلا بإبتسامة: بأمارة ان اخواتي عارفين الحقيقة وحالفين انهم يجمعوني انا وقصي يعني مين عالم قصي يعرف الحقيقة منين ولو اني حاسة انه عارفها
ساندي: لا مش عارفها ومش عايز يعرفها
حلا ضحكت: طب اهدي على نفسك يا بيبي لحسن تنجلطي مني وانا قلبي رهيف وبحب اساعد بس ممكن اساعدك واخليكي تتكلي على الله وبمناسبة ان قصي مش عايز يعرف تحبي نجرب واروح اقوله انا مين واقوله الحقيقة كلها
ساندي بإستفزاز: وهو انتي فاكرة عمرو هيسمحلك بده او حتى لو قصي عرف هيخليكوا تتجوزوا
حلا ضحكت جامد لدرجة عنيها دمعت من شدة الضحك
ساندي بغيظ: اظن اني مقولتش نكتة
حلا بضحك: بس بالنسبة ليا نكتة بس لا مؤاخذة يعني عمرو مين ده اللي يسمحلي ولا ميسمحليش والله اللي اعرفه ديه حياتي انا ومحدش ليه الحق يحقق معايا ويقولي اعمل ايه ومعملش ايه وبالمناسبة لو انا عايزة اتجوز قصي انهاردة واقوله الحقيقة هعمل كدة وعمرو بتاعك ده ميقدرش يعمل حاجة اصل الله يرحم العشر سنين اللي فاته يعني شكله محكلكيش عن مغامراته معايا والضرب اللي كان بياخده ولا دخوله العناية المركزة وحياته كانت بتبقى بين الحياة والموت بسببي اصل بعيد عنك لما بتعصب مبشوفش قدامي يعني فيه حاجة كدة في طبعي غريبة اوي لما بتعصب بفضل اكسر في ازاز ومرايات يمكن اهدى وبكسرهم بإيدي لدرجة اكتر من مرة شرايني اتقطعت وكنت هموت بس ربنا ستر فتفتكري بالعقل كدة لو انا اتعصبت وشوفتك انتي او عمرو قصادي تتخيلي كدة ممكن اعمل فيكوا ايه تصدقي بالله انا ذات نفسي مستحيل اتخيل ممكن اعمل فيكوا ايه لاني لما بتحول مبعرفش نفسي تقدري تقولي كدة مريضة نفسية وعندي انفصام في الشخصية وانا ممكن مسألش على حقي واعدي لو حصل اي حاجة في حقي بس لو حد انا اعرفه وعزيز عليا ساعتها بجبله حقه تالت ومتلت فتفتكري لو قصي هو اللي اتأذى انتوا الاتنين هيحصلكوا ايه صدقيني مش هتتخيلي ويكون احسن انك متتخيليش علشان نفسيتك ممكن تتعب جدا ومش بعيد نضطر ندخلك مصح عقلي
ساندي رجعت لورا خطوة بخوف: هو عمرو محكليش حاجة بس عرفت من لوئي انك لما بتتعصبي بتبقي عاملة زي الاعصار والفيضان
حلا: وممكن ابقى زي الاشباح يعني مثلا انزل فيكي ضرب لحد ما تفقدي الوعي ومع ذلك مش هسيبك وهفضل اضرب فيكي من يوم يومي اتميز عن الاخرين يعني انا ممكن اكون ظهرالك اني كيوت وحلوة وطيوبة واتحب بسرعة بس وقت اما بقلب ببقى اسوء بني ادمة انخلقت على وجه الارض وببقى وحشة جدا لدرجة اني ممكن ارتكب جريمة قتل وخصوصي لو حد مني اتأذى وخصوصي اكتر لو قصي انجرح جرح صغير جرح صغير بس فيا حلوة تروحي تلعبي مع اللي قدك عمرو اللي انتي بتهدديني بيه لما بتحول قدامه بيبقى وشه اصفر من الرعب وبيرتجف من شدة الخوف يعني بدل ما تهدديني بعيل صغير روحي هاتيلي ارجل واحد في البلد وهدديني بيه ومع ذلك هرجع واقولك انا مبتهديتش ومبخافش غير من اللي خلقني يعني انا مخوفتش من العصابات هخاف من واحد وملهوش اي تلاتين لازمة ساندي روحي العبي بعيد عني يا ماما علشان انا اللي بيحطني في دماغه صدقيني بيخسر وبيخسر اوي اوي وبيندم ندم عمره واكتر واحد جرب ده عمرو وتقدري تسأليه لو مش مصدقة وقولتهالك قبل كدة وهرجع اقولهالك تاني اسألي عن الرائد حلا وساعتها هتعرفي مين اللي المفروض يخاف هنا ها لان انا نص رجالة العالم متهزقين مني وممسوح بكرامتهم الارض ولو واحد بصلي بس بمسح بكرامته الارض وبخسفها لسابع ارض وبفرج عليه امة لا إله إلا الله ومحدش يستجري يحط عينه في عيني او يتكلم والبجح بديله فوق دماغه وبضربه انا ميفرقش معايا راجل من ست من راجل عصابات ان شاالله يكون جن ازرق انا مبخفش غير من اللي خلقني والغلطان والكداب واللي بيحور ويألف قصص هو اللي يخاف يا حبيبتي مش اللي على حق
ساندي بإستغراب: قصدك ايه
حلا ابتسمت: ابدا يعني كان من حوالي شهرين فيه واحدة قالتلي انها مخطوبة من شخص انا اعرفه بس مكنش فيه في ايديها دبلة ولا اي حاجة وانهاردة نفس البنت ديه واقفة قصادي وبكل بجاحة بتقول انها هيبقى ليها كلمة في البيت ده والاشكال اللي زيي مش هيعتبوا من عتبة باب البيت مش ده كان كلامك من شوية
ساندي سكتت ومنطقيتش
حلا: يعني بأنهي حق والمرادي نفس الشخص برضه ولا حولتي على حد تاني غيره
ساندي بغيظ: انا وقصي بنحب بعض وهنتجوز
حلا ضحكت: لحظة واحدة الجملة ديه اتقالتلي قبل كدة امتى يا حلا امتى......اااه من عشر سنين وعلى حسب ما انا فاكرة كان عيد جواز بابا احمد وماما سلمى وعيد جواز ابويا وامي بس لحد دلوقتي مشوفتيش حاجة
ساندي: ومالك واثقة اوي كدة ليه بإن انا وقصي مش هنتجوز وان هو مبيحبنيش
حلا ضحكت: هقولك ليه واثقة من عنيا اولا مش انا اللي يتحور عليها ويتألف قدامها ويتحكي عن قصص ملهاش وجود من اساسه ساندي حبيبتي انا مارئ عليا اشكال يعني ما يعلم بيها إلا ربنا اوسخ منك انتي وعمرو ومع ذلك معرفوش يعملوا معايا حاجة ولا حد قدر يضحك عليا ثانيا لو قولنا انك بتحبي قصي بس قصي مبيحبكيش وعمره ما هيحبك ولو كان كلامك صح ليه لحد دلوقتي مخطبتوش مش هقولك متجوزتوش خطبته بس ليه ثالثا انا وانتي عارفين كويس ايه اللي في قلب قصي ومين رابعا وده الاهم قصي عمره ما هيبصلك ولو حتى هيفكر يتجوز مش هيتجوزك يا ساندي لان ببساطة هو مبيطقكيش وحتى اخته مبتنزليهاش من زور يعني خلينا واضحين محدش بيطيقك في البيت خامسا لو انتوا فعلا هتتجوزوا ليه تيتا فاطمة فتحت معايا موضوع جواز قصي واني ادورله على عروسة ما انتي موجودة وقدامهم محدش بيفكر في جوازك من قصي ولا هو ذات نفسه بيفكر فيكي من اساسه علشان يفكر يتجوزك فبلاش حوار الحبيب والحبيبة اللي قدامي ده علشان مرارتي قربت تتفقع وشوية وهجيب كل اللي في بطني
ساندي: ولو اتجوزنا هتعملي ايه
حلا ضحكت بسخرية: ويا ترى عرفي ولا على سنة الله ورسوله هو انا مش هتكلم عنك بس على حسب معرفتي بقصي واخلاقه عمره ما هيتجوز عرفي يعني مش هيعمل حاجة تغضب ربنا ويوم اما هيتجوز هيتجوز على سنة الله ورسوله بس يا ترى هيعملها ازاي معاكي يا ساندي ده مبيطقش يتصبح بوشك ولما بيخرج من اوضته بيتمنى يومه يعدي من غير ما يشوفك في وشه.. حلا سكتت شوية ومن ثم كملت
حلا: عارفة هقولك على حاجة الحوارات ديه تروحي تعمليها على عمرو وحوار انك بتحبي قصي ده تعمليه على حد تاني لانك مكشوفالي من ساسك لراسك يعني من الاخر كدة بتحبي فلوس واملاك قصي مش قصي ذات نفسه فبلاش بقى حوار الجواز والحب ده عليا لان صدقيني الكذب والحوارات وتشويه السمعة مبيأكلش عيش وعمره ما نفع واظن انك جربتي بس ممكن قصي يتجوزك في حالة واحدة لو مثلا خدرتيه وخليتيه يوقع وهو مش في وعيه ومش بعيد تخليه يغلط معاكي علشان توصلي لهدفك وممكن ميغلطش بس توهميه وتفهميه انه غلط معاكي وانتي ادرى بنفسك
ساندي اتصدمت من كلام حلا الجارئ
حلا ابتسمت: ايه اتفاجئتي اني فهماكي متستغربيش لان صدقيني كللللل اللي بتفكري فيه ميجيش نقطة في بحر اللي انا شوفته في حياتي كتير بس احب اقولك معلومة لو ثقت قصي تتهز فيا انا ثقتي في قصي عمرها ما هتتهز واتخن تخين على وجه الارض واوسخ واحد ميقدرش يعمل كدة طب اقولك على حاجة لنفترض ان قصي غلط مع واحدة افتراض وانجلي مثلا دخلت اوضته ولاقيت واحدة في سريره لو انجلي حكتلي مش هصدقها مع انها اخته واكيد عمرها ما هتسمح بحاجة تمس اخلاقه او سمعته بس مع ذلك مش هصدقها مش علشان هي هتكون مثلا بتكدب او عايزة تهز ثقتي في قصي لا انجلي متعملش كدة لانها عايزة قصي يكون مبسوط ومرتاح وعارفة ان ده مش هيحصل غير مع واحدة بس وهي انا بس فيه حاجة اسمها مش دايما اللي تشوفه العين حقيقة العين ممكن تخدعنا يعني ممكن اي شاب يتخدع فيكي يا ساندي يفتكر انك محترمة وكويسة بس الحقيقة غير كدة....وانتي عارفة كويس اللي تشوه سمعة بنت بيتقال عنها ايه بس انا اللي اعرفه قصي عمره ما هيعمل حاجة زي كدة لان لا اخلاقه ولا تربيته ولا ضميره يسمحولوا بكدة وهو عمره ما هيعمل حاجة حرام او غلط او تغضب ربنا فمتحاوليش تتظاهري قدامي بإن قصي بيحبك وهيتجوزك لان والله العظيم ورحمة اهلي ووحياة قصي وغلاوته عندي ما هتوصلي لنتيجة معايا فريحي دماغك وريحيني من الصداع اليومي بتاعك لان من اول مرة شوفتك فيها وانا حفظاكي وفهماكي وعارفة انتي عايزة توصلي لايه من واحنا صغيرين وكنت كذا مرة انبه قصي بس بإسلوب غير مباشر وهو كان يفهمني كويس وكان يدافع عنك بالرغم انه فهمك وعارف انتي عايزة توصلي لايه بس مع ذلك كان دايما بيحاول يحافظ على صورتك قدامي ويحاول يغيرها للاحسن بالرغم انه عارف اني مش هقتنع بس كان دايما بيحاول يجمل صورتك قدامي يعني هو طول عمره مكنش بيسمح بحاجة تمس اخلاقك وسمعتك وكان بيحاول يصلح اللي انتي بتبوظيه ويظبط صورتك اللي بتصرفاتك بتشوهيها وانتي طول حياتك عايشة تألفي عليه قصص وحكاوي تصدقي بالله لو انتي بنت خالتي وانا فهماكي وعارفة انتي عايزة توصلي لإيه مع اخويا لكنت مسحت بكرامتك الارض وربيتك من اول وجديد مادام اهلك معرفوش يربوكي وكنت هطردك من البيت ومش هخليكي تعتبي عتبة باب البيت تاني لان سمعة الناس مش لعبة وانك تألفي على شخص محترم وراجل وتقولي في حقه كلام مش حلو ديه اسمها وساخة وقلت تربية انا مبسمحش حد يمس سمعة واحد زميلي زي حازم كدة وصدقيني بعد ما شوفت الفيديو روحت عند عمرو ونزلت فيه ضرب لانكوا علشان تنتقموا مني وتكسروني انا وتفرقوني انا وقصي شوهتوا سمعة واحد ملوش علاقة بينا وكنتوا هتخربوا بيته طب ليه وافترضي الكلام وصل لاهله وامه صدقت ساعتها كنتوا هتخربوا بيته وتحرموه من مراته وكمان من امه ده انا شوفت وساخة في حياتي كتير بس اوسخ منك انتي وعمرو مشوفتش ومش هشوف بتلعبوا بسمعة الناس كأنها زي الهدوم لو اتبقعت البقع ممكن تطلع بس السمعة لو اتشوهت صعب انها ترجع تاني زي الاول لانها زي الازاز حاجة حساسة وشفافة لو الازاز اتكسر مستحيل تقدري ترجعيه تاني فما بالك سمعة والسمعة ديه الواحد بيفضل عمر بحاله بيبني فيها علشان يجي واحد او واحدة ملهمش اي تلاتين لازمة يشوهوها في ثواني ساندي انا مش بقولك كدة علشان تبطلي تألفي قصص او اني مثلا غيرانة لا انا عارفة قصي كويس وعارفة هو يعمل ايه وميعملش ايه وامتى وفين وكل حاجة عنه بأدق التفاصيل يمكن هو ميعرفش اني افهمه للدرجادي انا عادي ميفرقش معايا انك تقعدي تألفي قصص عنه قدامي لاني كدة كدة عمري ما هقتنع بكلامك او اصدقك لان قصي جزء من روحي وهو قلبي ومفيش حد ميعرفش روحه او قلبه بس لو الكلام ده اتقال في حقه قدام حد غريب او قدام حد من اخواته ساعتها انا مش هسكتلك انا سكت على اللي عملتوه في حقي وعديتها وصدقيني والله انا ميفرقش معايا نفسي بس يفرق معايا اللي مني واللي يخصني واظن انك عارفة ان قصي مني ويخصني كمان وعمري ما هسمح لحاجة وحشة تمس سمعته او حتى يتخدش خدش صغير لاني ساعتها هقلبها وهخربها خراب مالطة يعني ممكن تقولي الكلام ده في حق حد انا معرفهوش او اعرفه من قيمة يومين يعني مثلا تقوليه في حق فهد مع اني محدش يقدر يضحك عليا ويكدب لان من سوء حظ اللي زيك اني بفهمهم من نظرة فساندي ريحي نفسك وبطلي الاعيب وسخة واكاذيب لان زي ما قالت ام كلثوم إنا للصبر حدود وانا صبري قرب يجيب اخره فنتلم بقى ونلم الدور ونلم نفسنا شوية علشان يومك يعدي لاني على اخري لوحدي انا عرفت ليه قصي بيتمنى ميشوفش وشك اكيد بيفضل مخنوق ومزاجه متعكر طول اليوم ده انا ذات نفسي حاسة اني عايزة اخنقك بس لازم ناخد الناس على قد عقلها
قصي ابتسم بحب وعجبه رد حلا على ساندي والكل فرحوا بشدة لما سمعوا رد حلا على ساندي
هنا تليفون حلا رن
ساندي بإستفزاز وغيظ: ايه عمرو بيتصل تلاقيكي وحشتيه وعايز يشوفك
حلا اتغاظت واتنرفزت وردت
حلا: الو
ادم: ايه يا حبيبتي وصلتي عند حبيب القلب ولا لسة وشوفتي حبيب القلب ولا لسة ورد فعله كان ايه واخبار شوشو ايه
حلا ابتسمت: ايييه كمية الاسئلة ديه طب فيه حاجة اسمها صباح الخير صباح الشر طيب مش تلفحني اسئلة براحة يا حبيبي ده لو انا كنت خارجة معاه مش هتسأل الاسئلة ديه المهم انت فطرت ولا لا عارف لو مكنتِش فطرت هعمل فيك عمايل
ادم ضحك: لا فطرت ولسة داخل المكتب اهو بس المهم جاوبيني
حلا نظرت لساندي: لا لسة تقريبا مصحيش بس غريبة انك بتسأل يعني
ادم: اصل اريان قالي انك متشيكة ومزة اوي فقولت اعرف رد فعل قصي ايه
حلا ضحكت: هو انتوا بتسلموني لبعض تسليم اهالي طب هو قال اني مزة وسيادتك بتقول ايه انت كمان علشان تكمل ماهو مينفعش واحد بس يمدح
ادم: هو للاسف ملحقيتش اشوفك بس ممكن تتصوري وتبعتيلي صورتك
حلا ضحكت: يا بني انا لو متجوزة وقولت لجوزي انا خارجة وربنا ما هيفكر يقولي اتصوري وابعتيلي صورتك وبعدين عايزني اتصور وابعتلك صورتي ليه
ادم: يعني قولت امدح في جمالك شوية بس تصدقي قصي معاه حق ارحميه شوية يا حلا ده الواد استوى يعني من الاخر انتي جامدة اوي يا حلا
حلا وجهها احمر: احم طب يا حبيبي انت لو مش عايز شوشو يجي اهو بالطريقة ديه هيجي انتوا ارحموني مش كل شوية واحد يقعد يمدح فيا الله وبعدين مبحبش الاسلوب ده في الكلام وانت عارف
ادم بمرح: ليه بس يا لوز اللوز يا عسل بالقشطة يا فراولة سايح عليها كريمة يا اللي لما بتتكسفي بتقلبي خوخ وبرقوق
حلا ضحكت بخجل ووجهها احمر بشدة: طب يا حبيبي اصطبح وقول يا صبح لاني حاسة اني بنصهر من كلامك هو انت القعدة معاه خليتك تتكلم بطريقته فراولة وبرقوق وخوخ بس انتوا ناسيين المانجا والمشمش والبطيخ لاني بحبهم جدا بس إشمعنا اختارتوا البرقوق والخوخ والفراولة افهم
ادم ضحك وبمرح وخبث: اصلهم اطعم يعني بتحسى بلذاذة كدة وانتي بتاكليهم وبتبقي مستمتعة ده قصي لو داقك مرة هيفضل يدوقك كل ثانية وانتي فهمتي مش لازم اوضح اكتر
حلا خجلت بشدة: ده انت طلعت انيل منه والعن وبتقولي اخبار شوشو ايه احب اطمنك واقولك ان شوشو سابه وجالك انت امشي يا حبيبي بدل ما اقفل في وشك انتوا ناويين تخلوني موركوش وشي تاني
ادم ضحك: ماشي همشي بس ابقي طمنيني على شوشو....خلي بالك من نفسك
حلا ضحكت: حاضر بس ممكن تكلمه وتطمن على شوشو بنفسك
ادم: تصدقي فكرة ممكن اتصل بيه اصحيه واقوله سوق الكريز عندك في البيت تحت
حلا: لاااا كدة كتير امشي روح شوف شغلك منكوا لله هو انا عمري ما هعرف اخلص من كلامكوا ده يعني كدة كتير ماهو مش برا البيت وجوا البيت اروح منكوا فين امشي روح شوف شغلك ومتشربش قهوة كتير
ادم: حاضر سلميلي على كل اللي عندك سلام
حلا: حاضر يوصل سلام
حلا قفلت
ساندي بإبتسامة وخبث: لا ده يظهر شخص احلى من عمرو واحسن منه كمان
حلا كان وجهها احمر بشدة من شدة الخجل بسبب كلام اخوها ادم حلا التفت لساندي
حلا ابتسمت: معاكي حق وجدا كمان هو فعلا شخص احسن واحلى من عمرو والاهم ارجل منه
ساندي بإستفزاز: بس مكنتش اعرف انك هتنسي قصي بالسهولة ديه ويبقى عندك حبيب بديل في نفس اللحظة
حلا ضحكت: قولتلك ودنك وعنيكي ممكن يخدعوكي بس مين اللي قال اني نسيت قصي واني عندي حبيب بديل ولا انتي بتحبي تألفي على مزاجك وخلاص
ساندي ضحكت بإستفزاز: انتي اللي كنتي بتقوليله حبيبي يعني هيكون ايه غير حبيبك وان مكنش ده حبيبك اومال كنتي بتكلمي مين
حلا كانت هتجاوبها وتقولها انه اخوها بس رجعت عن قرارها
حلا بإستفزاز: شئ يخصك يكون ليا حبيب او لا يعني يهمك في حاجة يعني اظن انك لا تقربيلي من بعيد ولا من قريب علشان اجاوبك فخليكي في حالك احسن
ساندي بغيظ واستفزاز: يعني لو قصي عرف ان ليكي حبيب تخيلي كدة هيعمل ايه
حلا ابتسمت: تصدقي فكرة ايه رأيك تروحي تقوليله بس خدي معاكي التليفون بتاعي علشان يبقى دليل وكدة كدة كل المكالمات بتتسجل فخليه يسمع المكالمة بالمرة ويشوف مين اخر واحد متصل وساعتها يعني وشك مش هيبقى بيتفسر اساسا ولو عايزة ممكن اجي معاكي واقوله انا كنت بكلم مين بصراحة انا ميهمنيش حد لاني مبعملش حاجة غلط وياريت التفكير الوسخ ده تخليه لنفسك مش ليا
هنا فاطمة خرجت لانجلي
فاطمة بإستغراب: انتي مالك واقفة كدة ليه
ونظرت مكان ما انجلي تنظر فرأت حلا فإبتسمت بسعادة واتجهت لحلا وانجلي لحقتها
فاطمة بإبتسامة: حلول جيتي امتى
حلا ابتسمت: جيت من شوية بس فيه حد مش عجبه وجودي فبفكر اروح اكمل مشواري
انجلي: بس يا ماما قال تمشي قال انا اللي قولتلك تعالي وانا اللي اقولك تمشي وانا لو عليا عايزاكي تبقي مقيمة هنا دايما ها اظن انك فهمتي
حلا ضحكت: فهمتك يعني لو مفهمتكيش مين هيفهمك غيري
انجلي: لا من الناحية ديه فيه اللي يفهم اكتر منك اظن انتي عرفتيه
حلا ضحكت: طالاما الامور في الناحية ديه هو هيفهمها وهي طايرة
انجلي بخبث: بس مقولتليش كنتي بتحبي في مين على التليفون
حلا بصدمة: ابدا يعني هحب في حد غيره عيب عليكي يا نونو
فاطمة بخبث: اومال وشك محمر ليه كدة ده معناه انك كنتي بتكلمي حد وقالك كلام حلو فوشك احمر وبصراحة انتي شبه الفراولة كدة وخصوصي انك لابسة ابيض فوشك مزنهر يا حبيبتي
حلا بخجل: ونبي كفاية مش هو وانتوا وادم كدة حرااام ومش عايزين وشي يحمر
انجلي بخبث: طب قولي كنتي بتكلمي مين
ساندي: طب انا هروح اشيك على الاكل
انجلي بغيظ: لا انا شيكت عليه وهو محطوط على السفرة وجاهز على اننا ناكل
ساندي: طيب انا هسبقكوا علشان ميتة جوع
ساندي ذهبت لغرفة السفرة وجلست
فاطمة: ها جاوبينا مين
حلا: كان ادم والله بس قعد يعاكسني ويتكلم عن قصي ويسألني عنه فعلشان كدة وشي احمر وهو بيسلم عليكوا كتير
انجلي: انتي دايما بتقولي لادم يا حبيبي اومال خليتي لقصي ايه
حلا ضحكت: لا متقلقيش قصي حاجة تانية خالص وبعدين كلمت حبيبي مش من مقامه يعني ده في الاول والاخر الكينج ولا انا غلطانة
فاطمة وانجلي ضحكوا
فاطمة: اومال هتقولي لقصي ايه
حلا: هو فيه القاب كتير بس لو قولتلكوا مش بعيد تقولوله
انجلي: طب قوليلي وانا مش هقوله
حلا هزت رأسها بالنفي: لا مينفعش علشان لازم هو يكون اول شخص يتقاله اللقب وبعدين ابقى اقولك
انجلي غمزتلها: لا تكون ديه هدية عيد الحب
حلا: لا خالص بس اللقب لما نتجوز هبقى اقوله بس فين فهد ولوئي
فاطمة: انا قولت هتقولي فين قصي
حلا ضحكت: ما اكيد لسة نايم بس انا كنت عايزة فهد ولوئي لانهم مكلفني امر هدية الحب وانا معرفش هيجيبوا للبنات ايه
انجلي بزعل: طيب وانا مش هلاقي حد يعبرني
حلا: لا يا روحي انا موجودة
فاطمة ضحكت: طب والرجالة بتعمل ايه طيب
حلا: لا ما هما شكلهم اتعموا انا هفرحك يا حبيبتي
انجلي: هتفرحيني ولا تفرحي قصي الاولى تفرحي قصي مش انا
حلا: افضاله بس ومش هتشوفي وشه تاني
انجلي ضحكت: يا ستي خديه واهو ارتاح بالمرة
حلا: هتبيعيه بالسهولة ديه
انجلي: مادام في ايدين امينة انا معنديش مانع
هنا الشباب نزلوا
قصي: سامع اني بتباع
حلا: اه فانا بقول تحضر شنطتك علشان هاخدك على البيت معايا
قصي: لا ومن غير شنطة انا جاهز
الكل ضحك
فاطمة: قصدك على البيت ولا على شهر العسل
قصي: طبعا على شهر العسل وبما ان حلا جاهزة ولابسة فستان ابيض فالموضوع محلول..... اه صح طالعة حلوة كدة ليه
حلا: انا بقول نتلم بقى ونلم الدور علشان يومنا يعدي ونصطبح ونقول يا صبح
قصي قرب منها وحلا رجعت لورا بتوتر
قصي: بجد طب لو متلمتش هتعملي ايه
حلا ركضت بسرعة خلف انجلي: ساعتها هختفي ومش هوريك وشي ماهو مش معقولة كل اما تشوفني انت او ادم تقعدوا تتكلموا كدة
قصي: اه صح ادم قالك ايه خلى وشك يحمر
حلا نظرت له بصدمة وإستغراب
قصي ابتسم: سمعت كل اللي دار بينك وبين ساندي بس المهم انا عايز اعرف ادم قالك ايه
حلا: بعدين هبقى اقولك او اتصل بيه واسأله انتوا بتعرفوا تتصرفوا مع بعض
فهد: طب خلونا نروح ناكل
هنا جرس الباب رن
سمير: انا هروح افتح
سمير ذهب وفتح وكان فارس وإيلين ودخلوا
حلا ضحكت: انتوا جايين من الصبح ليه
فارس: انتوا مش حكيتولها اشربوا بقى
إيلين: وانت متغاظ ليه انا جاية علشان اشوف قصي
حلا: قولتي حاجة يا حبيبتي
إيلين بتوتر: ابدا خالص نهائي مقولتش حاجة يعني كنت عايزة اجي علشان اشوف فهد ولوئي
حلا: بحسب
الكل ضحك
انجلي: جيتوا في وقتكوا علشان تفطروا معانا يلا
الكل ذهبوا لغرفة الصالون الكل قعد ما عدا حلا وقصي وانجلي قصي اتعصب لان ساندي كانت قاعدة مكان ما المفروض حلا تقعد
فاطمة: ساندي رحلي من مكانك
ساندي بإستغراب: ليه
فاطمة: علشان حلا تقعد.......
قاطعتها حلا: خلاص يا تيتا انا هقعد جنب انجلي
حلا قعدت جنب ساندي وانجلي جنب حلا قصي اتغاظ من ساندي فلف الجهة الاخرى من الطرابيزة وسمير والشباب فهموه فكل واحد رحل على كرسي اخر وقصي جلس بجوار سته بس على الجهة الاخرى ساندي اتغاظت من حركة قصي وحلا ابتسمت في نفس اللحظة إيلين وفارس دخلوا غرفة السفرة وإيلين رأت ساندي فجلست بجوارها وفارس جلس بجوار انجلي
حلا: فهد ناوي تعمل ايه
فهد: انا معرفش هجيب هدية ايه فالموضوع عليكي يعني انتي عارفاها اكتر مني وعارفة هي بتحب ايه
لوئي: وانا نفس الكلام
حلا: طب مفيش حاجة معينة في بالكوا
لوئي: انا بصراحة مش عارف ومتوتر جدا
قصي ضحك: ده لو قولنالك هتتجوزوا انهاردة وعلى فجأة مش هتبقى متوتر كدة
إيلين: حلا هما اخواتك اتهبلوا صح
حلا ضحكت: ليه بتقولي كدة
إيلين: مبدئيا كدة علشان ميحصلش لغبطة ده فهد وده لوئي صح ولا انا غلطانة وشاورت على فهد ولوئي
حلا: صح
إيلين: يبقى اخواتك متهبلوش لا دول اتجننوا ومحتاجين دكتور نفساني
حلا ضحكت: طب خلاص بلاش فضايح اسكتي انا فهمتك
فهد بفضول: بس انا عايز افهم
قصي: بعدين هبقى افهمك
حلا: طب مبدئيا كدة بما انكوا مش عارفين حاجة في اي حاجة خليكوا لاقطين نت وهبقى اصور وابعتلكوا على الواتس وانتوا تشوفوا هتجيبوا ايه
فهد ولوئي معا: اشطا
ساندي: هو انتوا بتتكلموا عن ايه وهدية ايه
إيلين: متدخليش فاللي ملكيش فيه
ساندي نظرت لها بغيظ: وهو انا كنت وجهتلك كلام وبعدين اظن انتي ضيفة والمفروض انك متدخليش فاللي ملكيش فيه
فهد: بالظبط يا ساندي الضيف ميدخلش فاللي ميخصهوش اما إيلين تدخل براحتها هي عارفة احنا بنتكلم على ايه اما بقى انا مقولتلكيش عن الاشخاص المتطفلين اللي بيحبوا يحشروا مناخيرهم في كل حاجة وخصوصي اللي ميخصوهمش
حلا ضحكت وانجلي كمان وقصي ابتسم عندما رأى ضحكت حلا
ساندي نظرت بغيظ لفهد ومن ثم لحلا: ايه عجبتك اوي يا حلا ما تقولي لبنت عمك تسكت وتقفل بوقها
قصي بإستفزاز: بس إيلين مش ضيفة وحلا مش ضيفة وفارس مش ضيف بس لو حابة ممكن اشرحلك واقولك مين الضيف هنا
ساندي اتغاظت وسكتت وقصي لم يعطيها وجه وكان ينظر لطعامه ويأكل
إيلين: عارفة يا حلا فيه ناس لما يتمسح بكرامتها الارض وجبهتها تطير بتتخرس على طول عارفة النوعية ديه بتحسيهم كدة شبه الزبالة او كلاب الشوارع
حلا حاولت تتحكم في ضحكتها بس فشلت وكذلك انجلي وقصي وفهد ولوئي وسمير وفارس وشاهر
فاطمة بإستغراب: هو انتوا من ساعة ما قعدتوا عمالين تتكلموا بالالغاز مالكوا فيه ايه
انجلي: لا ابدا يا تيتا بس حابين نهزر شوية احنا فاهمين بعض متاخديش في بالك بعدين هبقى اقولك وافهمك كل حاجة
بعد شوية تليفون حلا رن فحلا ردت
حلا: الو
مايا بإستغراب: حلا انتي فين يعني باين عندك هدوء انتي لسة مروحتيش المول
حلا ابتسمت: اه لسة بس ليه بتسألي
مايا: اومال انتي فين
حلا: وانتي مالك انا فين هو تحقيق ولا ايه يا مايا
مايا: انا غلطانة كنت بسألك علشان لو حد من اخواتك سألوا اعرف اجاوبهم
حلا ابتسمت: امم قولتيلي عموما اطمني يا مايا ادم واريان عارفين انا فين بس مادام سألتي هجاوبك.......عند حبيب القلب
مايا بسرعة وتوتر: عند فهد في بيته بتعملي ايه
حلا بإستغراب وابتسامة خبيثة: فهد.....بس إشمعنا فهد. فهد نظر لحلا بإستغراب
مايا: وانتي روحتي هناك ليه
حلا بإستغراب: ما انا جاوبتك من شوية لو تفتكري
مايا: بس انتي قولتيلي انك عند حبيب القلب انا بقولك ليه روحتي عند فهد
حلا: احم احم ماله فهد يا مايا وبعدين طبيعي لما هكون عند حبيب القلب تفتكري يعني هروحله ليه
مايا بإنزعاج وتوتر: بس انا قولتلك مليون مرة اني مبحبش فهد
حلا ضحكت: بس ممكن افهم مين اللي جاب السيرة ديه دلوقتي وبعدين انا مقولتلكيش انك بتحبيه او لا هو انتي بتحللي الكلام على مزاجك
مايا بنرفزة وغيظ: انتي مش قولتي حبيب القلب تفتكري هفتكر مين غيره وبعدين انتي دايما بتتعمدي تتكلمي بالاسلوب ده علشان تخليني اقول اني بحب فهد بس انا مبحبهوش
حلا بنفاذ صبر وغيظ: بس انا مجيبتش سيرة فهد في حاجة وانتي اللي فهمتي غلط وحليلتي كلامي غلط
مايا بغضب: حلا بلاش استفزاز
حلا بغيظ: مايا مين اول شخص طلع لقب حبيب القلب ده ممكن تقوليلي
مايا: انا اللي طلعته عليكي بس ليه بتسألي
حلا: تمام فاكرة يا روحي اللقب ده طلعتيه على مين
مايا: على قصي
حلا: وانا حاليا فين
مايا: في بيت فهد
حلا بتعب وغيظ: والشخص اللي ذكرتي اسمه وفهد عايشين فين يا مايا
مايا: عايشين في بيت واحد يعني في بيت عمو احمد
حلا بسرعة وعصبية: انا روحت بيت قصي لان انجلي طلبت مني افطر معاهم وبعدين هاخدها ونروح نتسوق اتمنى الفكرة تكون وصلت.........يقطعك انتي وفهد في ساعة واحدة. قالتها بصوت منخفض وفارس وانجلي بس اللي سمعوها لانها كانت تتحدث وهي تبعد وجهها عن الكل وكان وجهها تجاه انجلي وفارس
مايا بغيظ: حلا متدعيش عليه حرام عليكي
حلا: اللي يسمعك بتقوليلي مدعيش عليه يقول انك بتموتي فيه موت وبتحبيه جدا ويقول انك بتدعيله دايما ده بأمارة الكلام اللي اتقال من كام يوم ده كان ايه
مايا: كانت ساعة غضب مش مقصودة
حلا: طيب يا حبيبتي لما تتعصبي مني ابقي ادعي ربنا ياخدني ولما الدعوة تتحقق ابقي قولي لربنا ديه كانت ساعة غضب يعني اول مرة اشوف واحدة بتحب واحد قابلة انها تدعي عليه هي بس محدش تاني ليه الحق يدعي عليه
مايا بغيظ: قولتلك مليووون مرة مبحبهوش
حلا بغيظ: يادي الاستفزاز على الصبح لا انتي مقتنعة انك بتحبيه وفي نفس الوقت مش عايزاه يتجوز وفي نفس الوقت بتدعي عليه وفي نفس الوقت مش عايزاني اقول في حقه حرف ده انتي امرك عجيب طب لما انتي مبتحبيهوش ليه لما انا قولت اني عند حبيب القلب قولتيلي بكل ثقة وبسرعة ومن غير تفكير فهد ها جاوبي
مايا بتوتر: طبيعي اني هفكر انه فهد لانك قولتي حبيب القلب
حلا: وليه ميكنش قصدي حبيب قلبي انا مش انتي وبعدين انا كلامي كان واضح مادام مقولتلكيش حبيب قلبك يبقى انا مقصدش فهد
مايا بتعب ونفاذ صبر: انتي عايزة توصلي لايه
حلا: انا عايزة افهم لما انتي مش بتحبيه زي ما انتي بتقولي ليه فكرتي فيه هو اول واحد بالرغم اني لما كنت بقول الجملة ديه كنتي بتفهميها وهي طايرة وبتفهمي انا اقصد مين يعني ان مكنش حب يبقى ايه
مايا بسرعة وبدون وعي: اه بحبه. مايا وعيت للي قالته ووضعت يدها على فمها بإستغراب
حلا اتصدمت: افندم قولتي ايه
مايا بتوتر: معرفش ازاي قولتها كانت ذلت لسان لكن مقصدش.......مايا قفلت في وجه حلا بسرعة ومن شدة التوتر معرفتش تقول ايه حلا نظرت للتليفون بإستغراب وصدمة وحدثت نفسها بس بصوت وانجلي سمعتها
حلا: انا موتي هيبقى على ايديكوا صدقوني هنجلط من تحت راسكوا
انجلي بقلق وإستغراب: في ايه يا حلا
حلا بغيظ: ابدا ولا حاجة
فارس: لا فيه حاجة حصلت ايه اللي حصل
حلا: ابدا الست مايا اعترفت انها بتحب اخيرا بس لما سألتها انتي قولتي ايه لاني اتصدمت لما سمعتها بتقولي اه بحبه قالتلي كانت ذلت لسان وانها متقصدش وبعدين الخط فصل
انجلي ضحكت والشباب وإيلين كمان وفاطمة ماعدا ساندي
حلا بغيظ: ايه ده هو الموضوع بيضحك يعني يظهر فيه نكتة في الموضوع ما تقولولي وضحكوني معاكوا
فهد: هو بصراحة حال مايا هو اللي يضحك
حلا بغيظ: انت تضحك وانا دمي بيفور ويغلي من تحت راسها انا تعبت منكوا بعد كدة اللي هيجي يسألني عن اي حاجة بخصوص الحب هياخد كمية تهزيئ وضرب ما اخدهاش كلب في مقتل
شاهر ولوئي معا: طب اهدي طب
حلا: لوئي انت عارف كويس ان الجملة ديه بتستفزني فبلاش وانت اكتر واحد يا شاهر عارف انها بتنرفزني وجدا كمان فبلاش انت بالذات تقولي اهدي ها الاحسن محدش يتكلم معايا حاليا
إيلين: طب هنعمل ايه
حلا بإنزعاج مخلوط بالهدوء: دورك هيبدأ من انهاردة واظن ان الخطة بدأت تجيب نتيجة
إيلين: خلاص تمام هخلص فطار واقعد شوية مع تيتا فاطمة وبعدين هروحلهم
حلا هزت رأسها بالموافقة وسكتت وساندي حبيت تستغل الوضع
ساندي: اه صحيح هو عمرو اخباره ايه يا حلا
حلا تركت المعلقة بقوة في الطبق مما اصدر صوت قوي وغمضت عنيها وحاولت تسيطر على نفسها وشبكت اصابع يدها ببعض والتفت لساندي الكل قلق على حلا وفي نفس الوقت اتنرفزوا من جملة ساندي وخصوصي قصي
حلا بهدوء: ماله عمرو يا ساندي
ساندي: معرفش كنت بسألك يعني عن اخباره اصل بقاله فترة مظهرش فقولت يمكن يكون حصله حاجة
حلا بهدوء: امم اظن ان اللي المفروض تسألك السؤال ده هو انا مش انتي
ساندي بتوتر: تقصدي ايه بكلامك انا مبتواصلش مع عمرو
حلا: بس انا امتى قولت انك بتتواصلي معاه
ساندي بغيظ: ده كان معنى كلامك
حلا: بس على حسب ما انا فاكرة قولت اني المفروض اسألك انتي اخبار عمرو ايه يعني بما انك عرضتي الفيديو اللي اياه فاكيد تعرفي هو عامل ايه كويس
ساندي بتوتر: بس انا متواصلتش معاه
حلا: بججد اومال الفيديو الوسخ ده وصل لإيديكي ازاي
ساندي: ابدا يوميها لاقيت ظرف مكتوب انه لقصي وفي الظرف سيديه وكان قصي برا البيت فقولت اشوفه يمكن لو حاجة مهمة اشيلهاله في غرفته او اعطيها لانجلي بس
حلا بغيظ: واهلك معرفوكيش ان اللي ميخصكيش مينفعش تدخلي فيه واهلك معلموكيش انك مينفعش تدخلي اوضة حد وخصوصي لو راجل وهو مش في البيت ومن غير اذنه ولما الظرف كان لقصي مإديتهوش ليه لانجلي هي اخت قصي وهتحافظ على اي حاجة بتخصه كويس لحد اما يرجع وكانت هتديهاله يعني من غير اسفة على اللي انا هقوله دلوقتي انتي لا خطيبت قصي ولا مراته علشان لما يجيله طرد من برا تفتحيه وتعرفي ايه اللي فيه وعلى حسب ما اعرف انك بنت خالته يعني المفروض يكون فيه حدود في التعامل بينك وبينه ومينفعش تفتحي ظرف مكتوب عليه اسمه وانتي ملكيش الحق في ده لانك مجرد ضيفة هنا ومن واجب الضيف ومن حق صاحب البيت ان الضيف يلزم حدوده وميتعدهاش وميدخلش في اللي ميخصوهوش
ساندي: انتي ازاي تتكلمي معايا بالطريقة ديه انتي فاكرة نفسك مين
حلا ضحكت بسخرية: والله اللي اعرفه انا واللي اتربيت عليه ان التصرف اللي انتي عملتيه ده اسمه قلت اخلاق وعدم تربية وتطفل على خصوصيات الغير بالاضافة انه صاحب البيت كمان ده بالناقص تدخلي اوضته وتفتشي في ملفات شغله ومش بعيد تفتحي دولابه وتفتشي في هدومه ومتسألنيش هتفتشي على ايه لاني معرفش بس مادام قدرتي تفتحي ظرف مكتوب عليه اسم حد تاني غير اسمك يبقى يتوقع منك اي شئ خارج عن الحدود
ساندي نظرت للكل: ايه يعني كلكوا خرستوا ومحدش عارف يتكلم معاها
ومن ثم نظرت لفاطمة: تيتا وانتي كمان
فاطمة بغيظ: حلا معاها حق في كل حرف هي قالته وانتي غلطانة انك فتحتي الظرف وهو كان في الاساس لقصي كان المفروض تديهولي او تديه لقصي او لانجلي من غير ما تفتحيه
ساندي بغيظ وغضب: بس ساعتها لو كنتي شوفتي الفيديو مكونتيش هتوريه لقصي علشان ميتجرحش صح
انجلي بغيظ: يبقى انتي كان هدفك تشويه سمعة حلا قدام قصي بقى لانك على الاقل مسألتيش حلا او حازم عن الموضوع وفورا استغليتي الموقف وفورا ركضتي عند قصي وورتيه الفيديو وحتى يعني مأخدتيهوش على المكتب او على جنب وخلتيه يشوفه لوحده لا ده انتي عرضتي الفيديو قدامنا كلنا بالرغم ان السيديه كان لقصي يعني بيخص قصي لوحده وهو اللي من حقه يشوفه مش حد تاني
ساندي وقفت بغيظ: كل ده علشان سألت عن اخبار عمرو عملتلكوا قصة ورواية ودرس في الاخلاق وانتي يا استاذة حلا يا اللي دايما بتتكلمي عن الدين والاخلاق ودايما بتقوليلي ان مينفعش البنت تدخل اوضة شاب اعزب يعني عايزة تفهميني انك ولا مرة روحتي بيت عمرو ودخلتيه يعني على حسب علمي ان عمرو عايش لوحده في البيت مش ده برضه عيب يا استاذة حلا ومينفعش واخلاقك متسمحش بكدة مع اني اعرف انك اكتر من مرة دخلتي بيت عمرو ويمكن كان بعد انصاص الليالي ويمكن كان بيبقى في وقت متأخر يعني لما بنت تروح على بيت شاب في انصاص الليالي اظن انك عارفة بيتقال عنها ايه
انجلي وقفت وبغضب: ساندي حسبي على كلامك
إيلين بغضب: وممكن افهم مين انتي علشان تحققي معاها وبأي حق بتقوليلها كلام زي كدة في حقها
حلا كانت تجلس وتضع رأسها بين يديها وقصي كان هيتكلم بس فجأة اعلن تليفون حلا رنينه فالكل سكت
ساندي بإستفزاز: ايه حبيب قلبك عمرو اللي بيتصل
حلا ردت وفتحت الاسبيكر من غير ما تنطق حرف واحد او تنظر لاحد
جاسر: حلا حبيبتي انتي فين دلوقتي
حلا بهدوء شديد مما جعل الكل يرتعب من هذا الهدوء: انا في بيت قصي ليه يا جاسر يا حبيبي فيه حاجة انت من إمبارح مرجعتش البيت فيه مشاكل في الشغل
جاسر: حبيبتي انا كويس بس كنت عايز اسألك عن حاجة بخصوص الشغل حاجة مهمة
حلا: طب الموضوع يستنى ولا
جاسر: بس مفيش داعي تيجي على المركز
حلا: طيب بس ممكن بعد عشر دقايق او ربع ساعة تتصل بيا او انا هتصل بيك لاني حاليا مشغولة شوية بُص هفضى وهصفي ذهني وهكلمك تمام
جاسر: تمام يا حبيبتي ابقي سلميلي على قصي وكل اللي عندك وكلمي اللوا محمد لانه عايزك في حاجة مهمة بخصوص الشغل
حلا تنهدت: حاضر يلا سلام
جاسر: سلام
حلا قفلت مع جاسر والكل كان مرعوب من هدوئها ده وخصوصي فارس ولوئي وإيلين وسمير لانهم اكتر ناس عارفين حلا كويس وانجلي وقصي وفاطمة والباقي كانوا حاسين ان القيامة هتقوم حلا رزعت تليفونها بقوة على الطرابيزة وبعدت الطبق اللي كانت بتاكل فيه وقامت قعدت نص قعدة على الطرابيزة وشبكت اصابعها ببعض ونظرت لساندي وساندي كانت مرعوبة
إيلين بقلق وتوتر: ح......ح....حلا ممكن.......
حلا نظرت لها بقوة بمعنى انها تسكت ومتتكلمش ومن ثم اعادت نظرها لساندي
حلا بهدوء: معاكي حق يا ساندي
ساندي ابتسمت ابتسامة انتصار: ليه فاكرة انك دايما على حق
حلا: بس انا لسة مخلصتش كلامي علشان تقولي انك على حق
ساندي بإستغراب: قصدك ايه
حلا بهدوء: اولا فيه فرق من اني ادهل بيت واحد او اوضته علشان احاول اتقرب منه بطريقة مقززة ووسخة علشان فيه في دماغي هدف انا عايزة اوصله وفيه فرق من اني ادخل بيت واحد او اوضته علشان اعيد تربيته الوسخة من اول وجديد لان اهله مربهوش او لانه خاطف حد مثلا وبيهددني بيه فعايزة اعرف مكان الشخص ده فين يعني من الاخر وبوضوح ومن غير لف ودوران وحوارات انا لما كنت بدخل بيت عمرو في انصاص الليالي فده علشان يا إما خطف حد قريب مني وعزيز عليا وهددني بقتله فساعتها بروح انزل فيه ضرب لحد ما يقولي مكان الشخص ده فين واروح انقذ الشخص ده او يا إما كان بيسلط عليا ناس يتهجموا عليا في بيتي ويحاولوا يوصلوا للي هو مش عارف يوصله وفي الحالة ديه كنت بضرب اللي بعاتهم وبعدين اروح لعمرو وافش غليلي فيه ويمكن اكتر من مرة كان هيموت من تحت ايدي مش مصدقاني تقدري تسأليه حتى يمكن لو قربتي منه شوية ولمستيه زي ما بتحاول تقربي من قصي كدة ممكن تلاقي ضهره وجسمه مليان علامات ضرب من ساعة اخر مرة ضربته فيها لما خطف روما والموقف ده حصل في اوضة في اوتيل ساعتها كسرت الاوضة كلها عليه وسيبته غرقان في دمه ومشيت معرفش اذا كان جسمه لسة معلم ولا لا ميفرقش معايا اساسا اذا هو كان عايش او ميت بس الدور والباقي عليكي يا ساندي
حلا هنا وقفت وقربت من ساندي جامد وعقدت ذراعيها امام صدرها
حلا بهدوء: اولا انا مش زيك يا ساندي يعني عمري ما هقرب من واحد هو مبيطقنيش وعمري ما هدخل اوضة واحد هو بالنسبالي غريب والله بقى انصاص ليالي الفجر الصبح الظهر العصر مينفعش ادخل اوضة واحد غريب واحاول اتقرب منه والمسه ومينفعش اساسا ادخل اوضة راجل بطوله من صباحية ربنا ومحدش في البيت صحي لسة وهو نايم الله واعلم نايم ازاي وادخل من غير ما ادق الباب او حتى ادخل لوحدي والاصول اساسا بتقول انه ميصحش تدخلي اوضة حد من غير استئذان وفي اي وقت غير اوضة جوزك بس انا بشرح لمين الكلام ده واحدة زيك مبتفهمش يعني ايه اصول واخلاق وتربية ودين يعني الفرق بيني وبينك زي فرق الارض والسما وبعدين انا كدة كدة شرطية فشغلي بيحكمني اني ممكن اخرج من بيتي في انصاص الليالي بس علشان انقذ الناس يعني زيي زي الدكتور بالظبط واه صح بدخل بيت عمرو وبروحله في اوقات كتير مش مناسبة ومينفعش وبعترف بده بس انا مش مكسوفة ولا غلطانة ولا مدايقة اني عملت كدة عارفة ليه لاني مكنتش بدخل بيته انام في حضنه او احاول اتقرب منه لا انا كنت بدخل بيته علشان اعرفه حدوده واعرف اخد اللي ليا واجيب حقي بإيدي ويعني بلاش واحدة زيك تتكلم عن الاخلاق والاصول والتربية علشان مبيليقوش عليكي وقبل ما تيجي تحققي معايا وتحاسبيني على تصرفاتي وانتي اساسا ولا حاجة بالنسبة ليا راجعي نفسك الاول يا شاطرة وشوفي تصرفاتك وحاسبي نفسك قبل ما تحاسبي غيرك
ساندي بغيظ وغضب: قصدك اني واحدة وسخة ومش متربية واهلي معرفوش يربوني
حلا ابتسمت بهدوء: برافو عليكي فهمتيها وهي طايرة
ساندي بغضب: انتي ازاي تتكلمي معايا بالطريقة ديه انتي يظهر اهلك معلموكيش ازاي تتكلمي مع الناس بإحترام وخصوصي لو كنتي ضيفة في بيتهم
حلا بهدوء: بس ابويا علمني ان اللي يحاول يمس سمعتي اتصرف معاه بالمعاملة اللي يستاهلها يعني انا لحد دلوقتي محترمة معاكي ومعملتيش حاجة وبعدين يا اللي بتقولي ان اهلي معلمونيش ازاي اتكلم مع الناس طب انتي اهلك معلموكيش انك متألفيش قصص كاذبة في حق الناس زي ما قولتيلي من شهرين كدة انك بتكوني خطيبة قصي
فاطمة اتصدمت ووقفت: ايه ساندي انتي عملتي كدة فعلا
ساندي بتوتر: لا ديه اكيد بتتبلى عليا
حلا: يعني ده اخر كلام عندك واني بتبلى عليكي
ساندي بغيظ: اه
حلا بصوت عالي: مهدييي
مهدي جيه بسرعة: اؤمريني يا حلا هانم
حلا: فاكر اول مرة جيت فيها لهنا او تاني مرة لما ندهت عليك وكانت ساندي واقفة معايا افتكرت
مهدي: اه افتكرت
حلا: تقدر تحكيلي وتفكرني يوميها ايه اللي دار بينا بس بالتفصيل لو تقدر
مهدي: ساعتها حضرتك قولتيلي وسألتيني اذا كانت ساندي بتكون خطيبة قصي بيه او حبيبته او مراته او اذا كانت هتبقى مراته مستقبليا ووقتها قولت لحضرتك مين المتخلف والغبي اللي قال الكلام ده في حق قصي بيه ساعتها جاوبتيني وقولتيلي غريبة لان ساندي هي اللي قالتلك ده ساعتها جاوبت حضرتك وقولتلك ان ده مش صح وقصي بيه مش مرتبط وساعتها اتحاورتوا انتي وساندي في استدعاء قصي بيه وانك تسأليه بنفسك حتى ساعتها قولتيلي اروح انادي قصي بيه بس ساندي طلبت مني مروحش وانا مرضيتش امشي غير لما انتي قولتيلي خلاص ومندهش قصي بيه واروح اشوف شغلي ده اللي حصل بالتفصيل يا حلا هانم
حلا: شكرا يا مهدي تقدر تروح تشوف شغلك
مهدي: عن اذنكوا
فاطمة بإنزعاج وغضب: انتي ازاي تعملي كدة يا ساندي انتي عارفة انتي بالكذبة ديه عملتي ايه
ساندي مرديتش
حلا: ساندي
ساندي التفت لها ونظرت لها بغيظ وحلا ابتسمت ليها وفجأة الكل صُعق من رد فعل حلا..................
__________________________________
يا ترى ايه هو رد فعل حلا؟!
