بعتذر عن التأخير بس حصلت مشكلة في البرنامج معرفش من ايه بعد ما خلصت البارت وجيت انزله اتمسح كله ومعرفتش ارجعه تاني من سجل التعديلات فإضطريت اكتبه تاني من اول وجديد وده خد مني وقت كبير لاني قبل الامتحانات كنت كاتبة منه جزء كبير بعتذر مرة تانية عن التأخير وكل سنة وانتم طيبين❤ رأيكوا في الحلقة لانه يفرق جدا معايا ويارب تعجبكوا💖
__________________________________
حلا بصوت مختنق ومهزوز وعينيها بها الدموع ولكن تأبى السقوط: عايزة اتطلق
قصي هبطت عليه هذه الكلمة كالصاعقة وبصدمة: تطلقي!
اومأت حلا بالموافقة: اه
قصي جمع قوته وحاول التماسك وألا ينهار: بس يا حلا انا لسة بحبك وعايزك عارف اني غلطت وعارف اني جرحتك واوي كمان بس مش لدرجة انك تطلبي الطلاق يا حلا وبعدين انا عايزك وشاريكي وكلمة الطلاق ديه مسمعهاش منك تاني.........بس انا عاوز افهم ازاي قدرتي تقوليها بالسهولة ديه يا حلا معقولة بقى هاين عليكي تنهي كل اللي بينا وتبيعي بالسهولة ديه
حلا جمعت قوتها لتتحدث: انا عمري ما بيعتك يا قصي بالعكس طول عمري باقية عليك وشارياك بس الحب من غير ثقة ميبقاش حب والجواز مبيتبنيش على الحب اساسه الثقة وطول ما الثقة مش موجودة عمر ما الجواز هيستمر وانت اكتر من مرة تشكك في حبي ليك وإخلاصي ووفائي ليك ٣ مرات شككت فيهم وعديت وسامحت بس المرادي انا اسفة مش هقدر اسامحك واما بخصوص ازاي قدرت انطقها فده طبيعي لما تكون موجوع من شخص ومدبوح منه ساعتها بتحس ان مفيش حاجة تستاهل انك تتعب او تجاهد علشانها واذا كنا وصلنا للمرحلة ديه فده بسببك وانت مش بس جرحتني في مشاعري وقلبي لا وكمان جرحت كرامتي
قصي صمت قليلا وظل ينظر لها ثم بهدوء: حلا انتي لسة بتحبيني
حلا صمتت وادارت وجهها للجهة الاخرى بعيدا عن وجهه قصي ابتسم بحزن
قصي بهدوء: افهم ان سكوتك اجابته اه
حلا بإنزعاج: انا تعبانة وعاوزة انام اوعى
قصي ابعدها بخفة لتجلس بجانبه وقبل ان تقوم حاصرها واخذ يتقرب منها وهو ينظر بعينيها: مجاوبتنيش على سؤالي
اخذ يقترب منها وهي تبتعد حتى اصبح هو فوقها وهي تحته ولم تنظر بعينيه ولم تجيب عليه
قصي: لو جاوبتي هسيبيك تنامي على الكنبة ها
حلا بجمود وهي تنظر بعيد عن وجهه: لا مبحبكش
قصي بهدوء وحب: وبتقوليها ليه وانتي مش بصالي حلا...بصيلي وقوليها في وشي
امسك ذقنها ليدير وجهها له ويجعلها تنظر له
قصي: قوليها تاني
حلا لم تستطع ان تنطق بحرف واحد عندما نظرت بعينيه وشعرت ان لسانها عاجز وكأنه مربوط وظلت تنظر له فقط قصي عندما نظر بعينيها رأى الكثير من المشاعر حب، حنين، حزن، وجع، شوق، لهفة اقترب من شفتيها وامسكها في قبلة رقيقة وحاوط خصرها مقربها إليه وكاسر كل الحواجز بينهم حلا اغمضت عينيها وتوقف عقلها عن الاستيعاب وجسدها عن الاستقبال وقلبها هو الذي يعمل فقط وضرباته اخذت تزداد عندما شعر بها مستسلمة اخذ يتعمق في قبلته هنا حلا تذكرت كلامه الجارح لها وعقدت حاجبيها بإنزعاج وقلبها يؤلمها بشدة وجسدها ارتعش وقصي شعر برعشة جسدها حلا ضغطت بقوة على صدره ليبتعد فإبتعد والصق جبينه بجبينها وهو يرصد ملامحها التي تدل على الانزعاج والالم
قصي بلهفة: وحشتيني يا حلا موحشتكيش
هنا هبطت دموع حلا التي كانت تأبى السقوط ولم تستطع التحمل اكثر من ذلك ولم تتحدث قصي ابتعد قليلا ثم مد انامله ومسح دموعها
قصي بحب وحزن: انا اسف عارف انها كلمة ملهاش لازمة ومبتفيدش بس اوعدك هخليكي تنسي الوجع ده يا حلا ومش هجبرك على حاجة هفضل بعيد عنك ومش هقرب منك غير برضاكي بس نوم هتنامي جنبي وفي حضني
حلا صمتت ولم تتحدث قصي اخذ الغطاء ووضعه عليهم هم الاثنين واغلق الانوار ووضع يده اسفل رأس حلا ويده الاخرى تحاوط خصرها وجذبها لحضنه حلا لم تقاومه او تمنعه فهي تشعر بالتعب وترغب بحضنه ولكن ايضا قلبها يؤلمها سرعان ما استسلمت حلا للنوم بسبب شعورها بالتعب الشديد وقصي ايضا غطى في نوم عميق
__________________________________
في صباح يوم جديد مليئ بالاحداث استيقظت حلا ومن ثم قصي طبع قبلة على جبينها
قصي: صباح الخير
حلا: صباح النور
قصي: عندك شغل انهاردة في المركز او حاجة
حلا: لا انا واخدة اجازة ثلاثة اسابيع
اومأ قصي بتفهم وقام دلف للحمام قامت حلا وهي تشعر بألم يكسر عظامها وتشعر بالتعب الشديد شعرت في بداية الامر بدوار خفيف ولكن سرعان ما تلاشى قامت رتبت الفراش واخذت ادويتها وجلست على الفراش وهي ممسكة بهاتفها تتفحص الفيس رأت الكثير من الرسائل من فريدة وكانت هذه رسائل كثيرة بالشهور الماضية وحلا لا تفتح مواقع التواصل الاجتماعي كثيرا فتراكمت رسائل كثيرة دخلت على شات سام وبعثت له برسالة تسأله عن اخباره واخبار الشغل وهل وصل لمحسن ام لا ولكنه كان غير متصل فتركت الهاتف دقائق واعلن عن اتصال وكان رقم مجهول فلم تجيب ظنا انه عمرو ولكن هذا الرقم اتصل كثيرا خرج قصي من الحمام وهو يجفف شعره وسمع هاتف حلا يرن كثيرا التف لحلا رأها تستند رأسها على السرير وتغمض عينيها
قصي بإستغراب: حلا....تليفونك بيرن ما تردي لا تكون حاجة مهمة
حلا بضجر: رقم غريب ومليش مزاج ارد لاني مش ناقصة حرقة دم على الصبح
قصي فهم انها تقصد عمرو: طب ممكن تختاريلي لبسي
حلا نظرت له قليلا ثم قامت بهدوء ودلفت لغرفة الملابس قصي ابتسم ولكن هاتفها رن مرة اخرى فإتجه للفراش واخذ الهاتف واجاب
قصي: الو
اتاه صوت انثوي رقيق: السلام عليكم مش ده رقم حلا
قصي بإستغراب: وعليكم السلام اه هو انا زوجها مين حضرتك
الفتاة بإحراج: انا فريدة هي نايمة
قصي: لا هي صاحية دقيقة هديهالك
قصي دلف لغرفة الملابس رأى حلا تقف امام دولابه تختارله ثيابه اقترب منها: حياتي.....فريدة هي اللي كانت بتتصل وعايزاكي
حلا اخذت منه الهاتف ووضعته على اذنها وهي تسنده بكتفها وتخرج له ثيابه: السلام عليكم اخبارك ايه يا ديدا
فريدة: وعليكم السلام ياختي ايييه سنة علشان تردي
حلا بإنزعاج: يخرب صوتك العرسة ده اقسم بالله لو زعقتي تاني هقفل في وشك السكة ومش هرد لو اتصلتي من هنا للسنة الجاية
فريدة: اه ما انا مش في حساباتك
حلا: لا حول ولا قوة إلا بالله يا بنتي انتي ليه مصرة اقلب عليكي على الصبح.....فريدة والله انا تعبانة وشكلك فايقة وعايزة تتخانقي امبارح ملقيتيش حجة علشان تتخانقي معايا هتتخانقي انهاردة....ثم انتي عارفة اني مبردش على ارقام غريبة ورقمك مش متسجل اعملك ايه
فريدة بحزن: مش عايزاكي تعمليلي حاجة خلاص روحي شوفي بتعملي ايه سلام
حلا: بت انتي مالك على الصبح هتتقمسي من اولها
التفت حلا لقصي لتعطيه ثيابه ليرتديهم واتجهت لدولابها لتخرج لها ثياب
فريدة: علشان انتي وحشاني وانا امبارح ملحقتش اقعد معاكي بقولك ايه ما تيجي نخرج
حلا: طب انا هقولك فكرة احلى اياد عندك لو عندك خليه يجيبك وهو رايح الشغل تقعدي معانا ويبقى ياخدك بليل وهو راجع
فريدة بحيرة: مش عارفة هيوافق ولا لا لانه تقريبا اخد انهاردة اجازة علشان يقضيه معايا
حلا: خلاص قضيه معاه وبكرة تعالي قضي اليوم معانا
فريدة: اوكيه بس مليش فيه عاوزة قعدة زي قعدة زمان
حلا: حاضر تعالي وانا هعملك قعدة مع البنات احلى من قعدة زمان كمان
قصي: حلا
حلا التفت له: نعم
قصي اشار لها على القميص لكي تغلقه له
حلا رفعت احد حاجبيها ونظرت له بغيظ وانزلت هاتفها وبصوت منخفض: متقفله انت ايه اتشليت في ايدك
قصي ببرود: اه اتشليت في ايدي
حلا: اومال مين كان بيزررلك القميص لما كنت مسافرة
قصي: انا هيكون مين
حلا وضعت الهاتف على اذنها وتحدثت مع فريدة واقتربت منه تغلق ازرار قميصه وهو استغل الوضع وحاوط خصرها واقترب منها ليفصل بينهم بضع سنتيمترات
حلا: طب يا ديدا روحي شوفي اياد عاوز منك ايه وبليل نبقى نتكلم إشطا
فريدة: إشطات يا زميكس
حلا ابتسمت وبمرح: يلا روحي شوفي جوزك
فريدة ابتسمت: طب والله فيه اوقات بحسه جوزي فعلا
حلا: ياختي ده انتي في نعمة واللي يكرهها يعمى بلا جواز بلا نيلة
قصي بإستغراب ورفع احد حاجبيه: ليه ماله الجواز يا روحي
فريدة احرجت: ايه ده هو قصي جنبك
حلا ضحكت بخفة: اه ياختي من زمان
فريدة بخجل: ومقولتليش ليه روحي ابت شوفي جوزك عاوز ايه يلا سلام
حلا: ماشي سلام
اغلقت حلا معها وتركت هاتفها على التسريحة وابتعدت عن قصي
حلا: عاوز حاجة تاني قبل ما ادخل استحمى
قصي وهو يعدل ياقة قميصه: هاتيلي ساعتي
حلا اتجهت للدولاب واخذتها واعطتها له
قصي: چاكيت البدلة فين
حلا اخذته وساعدته في ارتدائه ولم تتذمر
قصي ابتسم: زجاجة البرفيوم
حلا اعطته زجاجة برفيوم غير اللي هي بتعملهوله فإبتسم قصي وبخبث: وليه مش البرفيوم التاني
حلا ببرائة: عادي اللي عيني جت عليه اديتهولك عاوز التاني خده اهو
اعطته زجاجة البرفيوم التاني ولكن قصي اخذ اول زجاجة اختارتها حلا عقدت حاجبيها بإستغراب وعدم فهم ولكن تخطت الموضوع وتجاهلته
حلا: حاجة تاني
قصي بخبث وترقب: عاوز برقوق
حلا بتلقائية: ما تنزل المطبخ ممكن تلاقيه في التلاجة او ممكن تكون ماما مجابتهوش لسة
قصي التف لها وعلى ثغره ابتسامة خبيثة: وانزل تحت ليه وهو معايا يعني اروح بعيد ليه
حلا نظرت له بإستغراب وعدم فهم ولكن قصي خطف من شفتيها قبلة سريعة واخذ مفاتيح سيارته ونظارته الشمسية وهاتفه وخرج من الغرفة حلا ظلت واقفة قليلا تستوعب وتفهم كلامه حتى فاقت من شرودها على دخول انجلي الغرفة
انجلي: حلول البنات بيقولولك انهم هيفطروا وبعدين هنروح نتدرب علشان الحفلة فبيسألوكي هنتدرب فين
حلا: اه طيب هاخد شاور واغير هدومي يعني عشر دقايق واكون تحت ونتناقش في الموضوع إشطا
انجلي ابتسمت: إشطات عاوزة مساعدة
حلا ابتسمت: لا يا حبيبتي تسلميلي
جائت لتخرج انجلي ولكن عادت مرة اخرى
انجلي: حلول بخصوص اللي حصل امبارح انا اسفة يعني القهوة مكنش قصدي والله
حلا ابتسمت بخفة: بس يا هبلة عارفة انه مكنش قصدك
انجلي: هي كانت المفروض تدلق على قصي معرفش ادلقت عليكي ازاي حتى انتي كنتي بعيدة ازاي جيتي فجأة كدة قدامي
شردت حلا وهي تتذكر ما حدث
فلاش باك
كانت تتحدث مع امان عندما رأت انجلي تتجه بالصينية وتقترب من قصي وكانت ستتعثر بالسجادة اغلقت مع امان سريعا واتجهت بخطوات واسعة اشبه بالركض قبل ان تنسكب القهوة الساخنة على قصي فإنسكبت عليها وعلى ذراعها
عودة من الفلاش باك
انجلي: حلااااااا روحتي فين
حلا: ها لا معاكي متقلقيش انا تمام
انجلي: طب بتدهني مرهم للحرق على دراعك ولا لا
حلا: لا مش مهم يا انجلي
انجلي: لا مهم هجيبلك المرهم على ما تخرجي علشان تدهنيه
حلا: خلاص هاتيه وانا هدهنه بليل قبل ما انام
انجلي: بس...............
حلا قاطعتها: مش هعرف احطه دلوقتي متقلقيش صدقيني انا تمام ماشي
انجلي: ماشي بس تدهنيه بليل
حلا: حاضر
خرجت انجلي لتجلب لها المرهم وحلا اخذت ثيابها ودلفت للحمام اخذت شاور وابدلت ملابسها وتوضأت وخرجت ادت فريضتها وقرأت قليلا بالمصحف وقامت لتجفف شعرها ولكن شعرت بألم في كتفيها وظهرها وذراعها فلم تستطع رفع ذراعها كانت انجلي تدلف بنفس اللحظة للغرفة فإنتبهت لحلا فإقتربت منها وامسكت المنشفة
انجلي: تسمحيلي
نظرت لها حلا واومأت بهدوء جففت انجلي لها شعرها بالمنشفة وبالمكنة وصففته لها حيث اخذت بعض الخصلات وربطتهم بأستك صغير واخذت خصلات اخرى ايضا وربطتهم بأستك ثم ربطتهم بالخصلات التي ربطتهم في البداية وكررتها اكثر من مرة ليصبح كأنها شبكة وباقي شعر حلا اسفل هذه الشبكة مفرود على ظهرها وكانت تليق بحلا كثيرا وزادتها جمالا حلا عندما رأتها اعجبتها كثيرا وابتسمت لانجلي وطبعت قبلة على يدها
حلا بحب: تسلملي هالإيدين الحلوين
انجلي عانقتها وطبعت قبلة على وجنتيها: هدول الإيدين تحت امرك يا جميل يا سلام وهو انا عندي كام حلول علشان اظبطها وهي قمر كدة وتتحب وتتاكل
حلا ابتسمت بخفة: ونبي ما فيه اجمل منك بقولك يا نونو قصي ميعرفش حاجة عن خطف تيتا وكدة فمتقوليهوش ولا تجيبيله سيرة عن القهوة السخنة اللي ادلقت عليا ها
انجلي: حاضر
اخذتها انجلي وهبطوا للأسفل وجلسوا واتفقوا وهم يفطرون انهم سيتدربون بالبيت الذي خلف بيت العائلة فهو مكون من ثلاث طوابق وبه معدات وآلات رياضية والطابق الثاني به غرفة خالية واسعة جدا لا يوجد بها شئ سوى كاست موضوع على طرابيزة صغيرة والطابق الثالث مرسم به لوح ومعدات الالوان والرسم ذهبوا له البنات واخذوا يتدربون على الرقصات وحلا تخبرهم ماذا يفعلون وكيف يتحركون واخذوا اليوم بأكمله في التدريب بعد ما البنات ذهبوا للبيت بعد ان تعبوا ليأخذوا شاور ويرتاحوا ويأكلون تدربت حلا وانجلي قليلا على الاغنية التي اتفقوا انهم سيقدموها بحنة رقية ليقدموها بالحفلة ثم عادوا للمنزل على الساعة الثامنة كان الجميع متجمع دلفوا صعدوا لغرفهم اخذوا شاور وابدلوا ملابسهم وهبطوا ليجلسون مع الجميع قليلا
روما بتعب: اه يا رجلي ياني هو الموضوع طلع صعب كدة ليه فكرة الاستعراضات كانت فكرة مين علشان اولع فيه
رقية: يا عيني على حلا اللي واقفة من الصبح على رجليها هي تعمل ايه
حلا جالسة تنظر لهم ولم تتحدث فكانت تشعر بالتعب الشديد
نسمة: انتي مش شايفة وشها مصفر ازاي
انجلي دلفت للصالون وهي حاملة سندوتشات معها لها ولحلا وجلست بجانب حلا واعطت لحلا واحد لتأكله فحلا اخذته واكلته ثم ارتشفت القليل من المياه ولم تستطع ان تأكل اكثر فلم تشعر بالجوع وتشعر بالتعب وبشدة جاء آسر من الخارج ودلف والقى السلام وجلس بجانب حلا على يد الاريكة وحاوط بذراعه كتفها واسند عليها قليلا
آسر: اخبارك ايه يا قلبي
حلا جاهدت لتتحدث وبتعب: آسر ابوس ايدك شيل ايدك انا مش قادرة ومش مستحملة اللمس علشان حضرتك تيجي ترمي حملك عليا ممكن اخدك ونقع انا وانت عادي جدا جسمي كله واجعني وبينشر عليا
اعتدل آسر وبقلق: مالك في ايه
ندى: اصل انهاردة كنا بنتدرب على الإستعراضات فحلا من ساعة ما مشيتوا ورحتوا على شغلكوا وهي واقفة على رجليها وبتدربنا
حلا بتعب: اه اعملوا حسابكوا هتدربوا يومين على اللي عرفتوه انهاردة بس انا مش هدربكوا انتوا هدربوا نفسكوا انا مش قادرة محتاجة اخد اسبوع ارقده في السرير مين المتخلفة اللي تنشك في لسانها اللي اخترعت ام الموضوع ده وانتوا جايين في وقت انا فيه خلصانة وتقولوا إستعراضات مش هقول غير حسبي الله
آسيا: البت نسمة او ندى هما اللي قالوا
حلا نظرت لوالدها ووالدتها واحمد وسلمى وفاطمة وسامية وعفاف ومحمد بتعب: طب هو المفروض اني اقعد معاكوا شوية علشان مقعدتش انهاردة معاكوا خالص غير على الفطار بس انا حقيقي مش قادرة فأعذروني انا هطلع انام
فاطمة: لا يا حبيبتي ولا يهمك اطلعي ارتاحي باين عليكي انك خلصانة نهائي
حلا بتحذير وصرامة للبنات ولآسر وفارس: اي واحدة هتدخل تصحيني او اي بغل هيدخل يصحيني علشان فيه مشكلة في الشغل او عاوز يستظرف بدمه الخفة هروح فيه في داهية وافتح دماغه اللي مستغني عن حياته يدخل يصحيني ده بالاضافة للكرامة اللي هتختفي اللهم ما بلغت اللهم فإشهد
قامت حلا وصعدت لغرفتها ودلفت لغرفة الملابس اخرجت ملابس لها استئذن قصي وصعد لغرفته ليرتاح ايضا فكان يعمل اليوم بأكمله وكان مليئ بالعمل دلف للغرفة بهدوء ودلف لغرفة الملابس كانت حلا تخلع ثيابها وترتدي ملابس المنزل انصدم عندما رأى الجروح التي بظهرها وذراعيها المليئين بالكدمات واليمين احمر بسبب القهوة التي انسكبت عليه
قصي بصدمة: ايه ده
انتفضت حلا بفزع والتفت له بسرعة وهي تضع بلوزة البيجامة امامها
حلا بتوتر: ا....انت بتعمل ايه هنا.....وطلعت ليه
قصي اقترب منها وبهدوء شديد على غير العادة: ايه اللي في ضهرك ده ومن ايه
حلا بتوتر: ها....لا...د....د.....ده ولا حاجة يعني عادي
قصي بترقب: انتي مخبية عني ايه يا حلا
حلا بتوتر: م....مش مخبية ه....هكون مخبية ا....ايه يعني
قصي نظر للبلوزة التي تمسكها ثم سحبها بهدوء ولكن حلا جذبتها وتشبثت بها ونظرت له بتوتر وقلق قصي تأكد انها تخفي عنه شئ فجذبها بقوة لينتزعها من يدها وهنا اتضحت له الرؤية اكثر الجرح العميق بكتفها اليسار والجرح الذي بجنبها من الاسفل وذراعها اليمين الذي لونه احمر ولفت انتباهه شئ عند كتفها اليسار برقبتها فأزاح خصلات شعرها للخلف ليرى الجرح الذي برقبتها
قصي بهدوء والقليل من النرفزة: ممكن افهم ايه ده ومن ايه وامتى وحسك عينك تكدبي
حلا بلعت ريقها بصعوبة وتوتر: يعني هو كل القصة حادثة بسيطة
قصي اسند يده على الدولاب وحاصرها واقترب منها و رفع احد حاجبيه وبغيظ: عاوزة تفهميني ان الجروح اللي في ضهرك والطعنات السكييين. وجز على اسنانه عند هذه الكلمة
قصي: ديه حادثة بسيطة ومتقوليليش ده ازاز لان ديه مش جروح ازاز يا حلا انطقي وبطلي كدب علشان انتي مكشوفالي اوي
حلا بتوتر: هو.....يعني.....اصل تيتا يعني....كانت مخطوفة ف.....يعني وانا بنقذها اتصابت كام إصابة بس ديه كل القصة
قصي بعدم تصديق: اممم وبعدين
حلا بتوتر: ولا قبلين بعدين ايه
قصي: اطلعي بقى وانطقي باللي خفتيه ما بين الستور يلا
حلا: قصي انا تعبانة وعاوزة انام مش لازم يعني ده مش مهم اللي حصل حصل
قصي رمقها بنظرة نارية وغاضبة حلا بلعت ريقها بصعوبة وتوتر
قصي: مفيش نوم غير لما اعرف ايه اللي حصل مع مراتي ولو مقولتليش هعرف من حد تاني بس ساعتها الكلام بينا هيختلف ها
حلا بتوتر: ط......طب هبقى اقولك كل حاجة بكرة
قصي: لا دلوقتي يلااااااا
انتفضت حلا بفزع وتوتر: طب يعني مش فاهمة انت عاوز تعرف ايه دلوقتي ما انا قولتلك اللي حصل ان تيتا كانت مخطوفة من قبل عصابة واثناء انقاذها اتصبت
قصي: عصابة ايه
حلا بلعت ريقها بتوجس وتوتر: يعني هو.....يعني عصابة زي اي عصابة
قصي نظر لها بغيظ: حلااااا انطقي بدل ما انطقك بطريقة تانية
حلا بتوتر: هو.....يعني.......المافيا الروسية
قالتها بسرعة واغمضت عينيها بقوة خوفا من رد فعله قصي صُعق مما سمعه وظل دقائق صامت دون رد فعل يستوعب ما سمعه وينظر لها بصدمة حلا عندما رأته لم يصدر رد فعل فتحت عين واحدة ثم الاخرى
حلا بقلق: قصي انتي كويس
قصي بعدم استيعاب: انتي قولتي ايه.....مافيا الروسية! المافيا اللي هي في روسيا ولا ديه مافيا غيرها
حلا: ا.....اه هي اللي في روسيا
قصي بهدوء: وايه اللي حدف تيتا سامية هناك؟ وانتي عرفتي منين؟ وازاي انقذتيها؟
حلا بتوتر: ايه اللي حدف تيتا لهناك ده موضوع كبير اما عرفت منين فكنت مكلمة چون وسام يدوروا عليها وحتى قبل حادثة بابا احمد كنت بدور عليها ازاي انقذتها عادي روحت ودخلت وانقذتها
قصي: الجروح اللي في ضهرك ديه من ايه
حلا بتوتر: ما هو يعني اللي حصل ان ساعة حادثة بابا احمد لما كنتوا بتتصلوا بيا كنت مخطوفة ساعتها يعني عصابة اللي خطفتني ولما رجعت هنا كان بقالي يومين تقريبا فايقة من الغيبوبة فلما دخلت المبنى اللي تيتا فيه طبيعي اتعرضت لرجال من رجال العصابة فيعني اخدت كام ضربة اتسببوا في فتح الجروح ديه بس....ممكن البلوزة علشان البس
قصي: طب الجروح اللي في ضهرك ودراعك وكتفك ورقبتك وجنبك وعرفينا منين دراعك اليمين ايه اللي حصله مع اني عارف ان مش ديه كل الحقيقة بس مش هضغط عليكي دراعك بقى ايه حكايته
حلا بتوتر: ها لا ماهو كنت واقفة في المطبخ بعمل قهوة لما كنت في امريكا فمعرفش ايه اللي حصل فوقعت على دراعي بس
قصي لم يستريح لإجابتها الاخيرة ولكن لم يحب ان يضغط عليها فعلامات التعب واضحة على وجهها
حلا: ممكن البلوزة
قصي: لا
حلا بإستغراب: هو ايه اللي لا عاوزة البس علشان انام
قصي جذبها من ذراعها واجلسها على الفراش وجلب علبة الإسعافات الاولية وبدأ في تعقيم جروحها وتضميدها وبعد ان انتهي من الجروح الامامية
قصي: نامي على بطنك علشان ادهنلك مرهم على الجروح اللي في ضهرك
حلا: بس انا................
قصي بجدية وصرامة: هششش مش عايز اسمع اعتراض او صوتك يلا
حلا خضعت لكلامه ونامت على معدتها قصي جلس بجانبها وازاح شعرها من على ظهرها واخذ يدهنلها المرهم حلا كانت تشعر بألم شديد ولكنها لم تبين ذلك ولم تتحدث بعدما انتهى قصي وقام فقامت حلا وجلست واخذت البلوزة لترتديها قصي جذبها من يدها
قصي: انتي مستعجلة على اللبس ليه هو موجود مش هيطير استني شوية يكون المرهم نشف بدل ما يتمسح في البلوزة ابعد عنها قصي البلوزة ودلف للحمام ليأخذ شاور حلا اخذت مخدر قلبها ومسكن ليسكن الم جسدها قليلا وخرج قصي وارتدى بنطلون ولم يرتدي تيشيرت وخرج وبيده بلوزة حلا واعطاها لها وارتدتها جائت لتنام قصي جذبها لحضنه بخفة
حلا: قصي انا تعبانة وعاوزة انام
قصي: ما تنامي وهو انا مانعك
حلا: اه مانعني
قصي: انا مش هعرف انام غير كدة واظن انتي كمان مش هتعرفي تنامي غير في حضني فنامي يلا وبلاش كلام كتير لاني مش هبعد
استسلمت حلا للنوم من شدة التعب وكذلك قصي
__________________________________
في صباح يوم جديد استيقظ قصي والقى نظرة على حلا ثم قام ودلف للحمام ليأخذ شاور سريع وتوضأ وخرج ارتدى بنطلون قطني اسود وتيشيرت ابيض بنص كوم وخرج من غرفة الملابس وادى فريضته وقرأ قليلا بالمصحف ثم نظر للساعة كانت تشير للثامنة قام وجلس بجانب حلا
قصي: حلول.......حلا.......حبيبي فوقي يلا
لم يتلقى رد فعل منها فمد يده ليزيح خصلات شعرها عن وجهها
قصي بإستغراب: حلا
قصي شعر بالقلق عندما لاحظ ان وجهها احمر وبشدة وضع يده على جبينها رأى ان حرارتها مرتفعة حاول ان يفيقها ولكن لا تفيق هبط وجلب مياه باردة ووضع بها مكعبات ثلج وصعد جلس بجانبها واخذ يضع قطعة من القماش على جبينها ظل هكذا قرابة ساعة ولكن حرارتها لم تنخفض كثيرا حملها قصي واخذها على الحمام ووضعها اسفل المياه الباردة قليلا ثم خرج اخذ ثياب له ولها وابدل لها ثيابها وابدل ملابسه التي تبلت وحملها وضعها على الفراش ودثرها جيدا وظل بجانبها دقائق قليلة ودلفت انجلي
انجلي بإبتسامة: صباح الخير
قصي بقلق: صباح النور
انجلي بإستغراب: مالك وبعدين ملبستش ليه مش هتروح الشركة......هي حلا لسة نايمة
قصي تنهد: حرارتها عالية ومنزلتش بالكمادات حطتها تحت الماية الساقعة نزلت شوية بس مصحيتش.....هو شاهر جيه من المستشفى ولا لسة
انجلي: اه هنزل اقوله يطلعلك
قصي: بس متقوليش لحد ولو سمير او فهد سألوا عليا قوليلهم قصي مش هيروح الشركة انهاردة
اومأت انجلي بتفهم وهبطت اخبرت شاهر دون ان يعلم احد فصعد لغرفة قصي وطرق الباب حتى جائه اذنه بالدخول فدلف وفحص حلا واعطاها مضاد حيوي خافض للحرارة ومسكن للجروح
شاهر: متقلقش يا قصي حلا كويسة هي بس شوية حرارة وهتنزل بإذن الله
قصي: بس انا حاولت اصحيها مصحيتش
شاهر: عادي اكيد كانت سمعاك بس مقدرتش تفتح عنيها من شدة الحرارة سيبها بس نايمة وهي هتبقى كويسة
قصي بإستغراب: بس غريبة حرارتها عليت فجأة
شاهر: هي لما بتبذل مجهود جامد اوي تاني يوم حرارتها بتعلى ويا سلام بقى لو كانت مصابة او فيه جروح في جسمها ده لوحده بيخلي حرارة جسمها مش مظبوطة بسبب لو غيرت عليهم او ألموها وجروح حلا دايما عميقة فبيبقى صعب اوي عموما متقلقش ان شاء الله تصحى على الظهر كدة بس خلوها تاكل اما تصحى علشان المضاد الحيوي شديد
اومأ قصي بتفهم وخرج شاهر وظل قصي بجانب حلا...............في الاسفل تجمع الكل على السفرة
سامية: اومال حلا وقصي فين
انجلي: نايمين حتى صحيت قصي قالي انه مش هيروح على الشركة ورفض اني اصحي حلا وقالي لما يصحوا هيفطروا هما
اومأت سامية بتفهم.........على الظهر بدأت حلا تستعيد وعيها واستيقظت قامت جلست بإعتدال كان قصي يتوضأ خرج رأها تحاول الجلوس فتقدم لها وساعدها ووضع خلفها مخدة لتجلس بأريحية وضع يده على جبينها يتحسس حرارتها ليطمئن عليها
قصي: حاسة بإيه دلوقتي احسن
اومأت حلا بالموافقة: اه الحمد لله هي الساعة كام
قصي: ١٢ الظهر
حلا بصدمة: ايه ده انا نمت كل النوم ده
قصي ابتسم بخفة: علشان كنتي تعبانة بس قومي يلا خدي شاور واتوضي علشان نصلي سوى يلا
اومأت حلا وقامت اخذت ملابس ودلفت للحمام اخذت شاور سريع وتوضأت صلت الصبح ثم صلت الظهر مع قصي وهبطوا للاسفل وجلسوا مع الجميع وقصي اخبر ساجدة بأن تجهز له ولحلا فطار
فاطمة: ايه يا ولاد كل ده نوم انتوا سهرتوا امبارح ولا ايه
حلا: لا بس علشان تعبت امبارح فنمت بقى
فاطمة: وانت يا قصي
قصي بمرح وخبث: لاقيت مراتي نايمة فقولت مينفعش اسيبها فنمت معاها واحيانا لما تنامي ومعاكي حاجة انتي بتحبيها مبتحسيش انك نمتي وكل ما تصحي تنامي تاني
فاطمة ابتسمت: اااه قولتلي علشان معاك الخوخ والبرقوق
الكل ضحك وحلا وجهها احمر من شدة الخجل ولكنها حاولت ان تخفي هذا
حلا: هعمل مكالمة واجيلكوا
قامت حلا خرجت للحديقة وحدثت سام لتعلم اخر المستجدات ولكن لم يكن هناك اي جديد فدلفت حلا وجلست مع الجميع
ساندي: حلول عاوزين ننزل نجيب هدوم علشان العروض اللي هنقدمها
حلا رفعت احد حاجبيها بغيظ: ليه ان شاء الله من كتر ما دوالبكوا فاضية عاوزين تجيبوا هدوم تاني.....ومتقنوعنيش ان اللبس اللي عندكوا مش هينفع تلبسوه
جميلة: ما احنا مش عارفين وبعدين تعتبر الحفلة هندية فلازم نلبس هندي
مايا: البت حلا عندها كتير نبقى ناخد منها
انجلي ابتسمت: ايه يا حلول انتي جيبتي الهند معاكي ولا ايه
حلا ابتسمت: هو اي نعم عندي لبس هندي كتير بس الله واعلم هو فين
روما: قصدك ايه
حلا: اقصد ان هو فيه لبس وكل حاجة بس هو مش معايا حاليا ومش هعرف اجيبه علشان اجيبه بإذن لازم اسافر وانا مش هسافر هو على الاغلب يعني الهدوم في امريكا فين بقى وفي انهي بيت الله واعلم
جميلة: طب انا عندي فكرة ممكن مثلا مايا تسافر ومعاها فهد مثلا وندى وروفيدة ونسمة واكيد مايا عارفة عنوان البيوت ولا ايه
حلا: هي عارفة بس مش كل البيوت
مايا بحزن: ايوة دايما بتخلي فيه اسرار ومتقوليليش
حلا: انتي عارفة اني فيه اوقات بحب انعزل عن الكل وابقى لوحدي بس على ما اعتقد هو في احد البيوت اللي انتي عارفة عنوانهم فشوفوا هتعملوا ايه وقولولي
ندى: طب لنفترض ان مفيش حاجة من اللي عند حلا عجبونا هنعمل ايه
جميلة التفت لها: يبقى انتي واحدة مبتفهميش في اللبس لان حلا استايلها في اللبس حلو جدا والاهم انه اكيد هيعجب ازواجنا
ندى بإستغراب: وهو انتي اللي هتلبسي ولا جوزك
الكل ضحك
حلا: قصدها يا ام جهل يعني مثلا ممكن هي يعجبها فستان ميعجبش جوزها فهيمنعها تلبسه وده بيحصل بس ممكن يعجب جوزها فستان هو في الاول والاخر هيعجبها بس هي بتحب تعند مع جوزها معرفش ليه فهي تقصد ان استايل لبسي بيعجب الازواج الغيورين على زوجاتهم وبعدين طبيعي هيعجب ازواجهم ما هما في الاخر اخواتي وعارفين استايل لبسي ولا مرة اعترضوا عليه بالعكس كان بيعجبهم جدا
آسيا: يا جماعة من الاخر كدة لبس حلا بيعجب اي حد
حلا بغرور: لازم يا بنتي يعجب اي حد وهو انا اي حد برضه
انجلي بمرح: ايوة يا جاااامد انت يا واثق لا انا هموت واشوف ذوقك في اللبس الهندي
مايا: لا متقلقيش هيعجبك اوي
روما: هنتدرب انهاردة كمان يا حلا
حلا: مع نفسكوا اعتبروني مش هنا اللي دربتكوا عليه امبارح اتدربوا عليه تاني انهاردة انا مش هاجي معاكوا انا تعبانة فهأجز انهاردة
البنات: واحنا كمان تعبانين نأجز احنا كمان
حلا: لا انتوا متأجزوش علشان لسة مظبطتوش الجزء اللي علمتهولكوا امبارح وبعدين لو اجزتوا انهاردة وبكرة ان شاء الله لو جيت علشان اعلمكوا جزء جديد ومكونتوش عارفين القديم كويس ده هيبقى تعب ليا وليكوا اكتر وهياخد مننا وقت كبير بعدين انا عاملة حادثة انتوا عاملين حادثة زيي ما تخلوا عندكوا دم بقى
فارس دلف من الخارج واقترب من حلا وهمس بأذنيها بشئ حلا نظرت له قليلا
حلا: تعالى معايا على المكتب عن اذنكوا
قامت حلا ودلفت للمكتب وخلفها فارس وجلسوا يتناقشون بالمشكلة
حلا بتفكير: يعني معنى كدة وعلى حسب الخطة اللي حطناها ان ممكن يكون عمار هو اللي ورا تسريب المعلومات
فارس بقلق: هنعمل ايه يا حلا كدة العصابة عرفت ان انتي اللي ماسكة المهمة لو حصلك حاجة مش هسامح نفسي
حلا ابتسمت له بإطمئنان: بس يا اهبل متقلقش هنكمل عادي في خطتنا لحد ما نتأكد وإن شاء الله خير ومش هيحصل حاجة تمام بس انت اتصرف عادي جدا وكله هيبقى تمام وشيل من راسك ان لو حصلي حاجة مش هتسامح نفسك كدة كدة بيك من غيرك حياتي معرضة للخطر فإهدى وبطل قلقك الزايد ده
فارس بقلق: بس يا حلا.......
حلا قاطعته: ياعم فكك بقى ديه مهمة زي اي مهمة ايه يا فارس مكانتش ديه اول ولا اخر مهمة صعبة وحياتي معرضة للخطر فيها اهدى بقى وبطل تفكير وتشاؤم
دلف قصي دون ان يطرق الباب فإنفزع كلا من حلا وفارس
فارس: جرى ايه يا قصي فزعتنا فيه اختراع اسمه استئذان
قصي رفع احد حاجبيه وبغيظ: ليه كنت داخل اوضة مراتك ده مكتب مراتي يعني اللي يستئذن اللي زيك مش انا
فارس نظر لحلا: انتي حبيتي فيه ايه نفسي افهم
حلا: معرفش ياخويا اهو الحظ بقى والنصيب هنعمل ايه وبعدين مش ده اخوك حبيبك اللي كنت بتدافع عنه
فارس: غلطة وانا توبت الى الله انا اسفلك يا حلا بعد كدة مش هاجي عليك علشان ناس رخمة وباردة ومتطقش انتي عايشة معاه ازاي
حلا: لا ما بُص ابقى اطمن عليا كل شوية لحسن ممكن اتجلط في اي وقت وانت عارف التعامل معاه عامل ازاي بقى
قصي عقد ذراعيه امام صدره وبغيظ: والله في ايه مالكوا انهاردة
فارس نظر له وبمرح: معجبين بيك
حلا ضحكت بشدة: ولو عاوز تعرف مين المعجب اكتر فارس مش انا
وضحكت بعد ان انهت جملتها
فارس: اه حتى كنت ناوي اخطفك واطلع على المأذون بس حلا خطفتك مني
حلا: لا وعلى ايه لو عاوزه اتفضله اهو عندك اهو حتى انت اولى بيه مني لو حابب ممكن اجيبلك المأذون لحد عندك بس متجيش تشتكي بعدين ها
قصي اقترب منها وحاوط كتفها بذراعه وبحب: بس انا مش عاوز غيرك
فارس: يا سيدي يا سيدي ايوة بقى بقولك اه يا اخينا تحب احجزلكوا طيارة على اي مكان تقضوا شهر عسل جديد يا عساسيل الحب. وغمز لقصي
قصي ابتسم: ياريت تبقى عملت فيا خير وهتكسب ثواب كبيييير من عند ربنا واهو اعرف الين الحديد اللي مش راضي يلين
حلا: ومأظنش انه هيلين فمتتعبش نفسك
فارس: ما تفكيها بقى يا حلول خلاص بقى اللي حصل حصل
حلا: صح اللي حصل حصل واللي اتكسر اتكسر ومش هيرجع زي ما كان
فارس: يا حلول انتي وقصي بتحبوا بعض فليه الكبر والعناد
حلا: لو انتوا شايفينه كبر وعناد فإذا هو كدة وده اللي عندي
فارس: يا حلا ا...........
حلا قاطعته: فارس يكون احسن متدخلش في الموضوع انت تقريبا عايش واتخلقت عشان تدافع عنه وتبررله روح شوف مراتك يلا
فارس نظر لقصي بغيظ: عجبك كدة جبتلي الكلام انت الله يسامحك خليت عنينا في الارض اتفضل بقى صلح اللي هببته
وخرج من المكتب قصي نظر لحلا التي تنظر بهاتفها وتقلب به ولا تعطيه اهتمام
تنهد قصي واعتدل بوقفته: يلا يا حلا
حلا بجمود وعدم اهتمام وهي تنظر بهاتفها: على فين
قصي: علشان نفطر يلا
حلا: مش عاوزة اكل روح كُل انت
قصي: لا مينفعش لازم تاكلي يلا
حلا بعناد: قولت لا مش هاكُل هو على مزاجك انا مش عاوزة اكُل
قصي: اه على مزاجي وهتاكلي يعني هتاكلي هتقومي بالذوق ولا اتصرف انا
حلا نظرت له بغيظ: ايه بتهددني مثلا
قصي ببرود: افهميها زي ما تفهميها
حلا بغيظ: اعلى ما في خيلك اركبه مبخافش ولا بتهدد
ونظرت بهاتفها مرة اخرى متجاهلاه
قصي حك مؤخرة رأسه بغيظ: اذا كدة فإنتي اللي عايزة كدة
جذب من يدها هاتفها ووضعه على المكتب وانخفض بجزعه الامامي حملها بين يديه وهذا في اقل من ثانية وبسرعة
حلا انصدمت من رد فعله: انت ايه اللي بتعمله ده نزلني
قصي نظر لها وابتسم بحب: ده في الاحلام
وخرج بها من المكتب حامل حلا بين يديه وحلا تصرخ به ان يتركها وتضربه بصدره ولكنه لا يرد عليها ولكنه يحكم امساكها فقط حتى لا تسقط والكل ينظرون لهم بعدم فهم واستغراب اما الشباب يبتسمون وخصوصي فارس حملها قصي حتى غرفة السفرة ووضعها على احد الكراسي وابتعد ليجلس قامت حلا وجائت لتخرج جذبها قصي من خصرها وحملها ووضعها على قدميه وحاوط خصرها بإحكام
حلا بإنزعاج وغضب: اوعى سيبني
هز قصي رأسه بالنفي حلا اخذت تضربه بصدره وتدفعه بعيدا عنها قصي امسك يديها ولواها خلف ظهرها مقربها إليه ممسك شفتيها في قبلة عميقة ليمتص غضبها حلا حاولت فك يدها من قبضته وابعاد وجهها عنه ولكنه اخذ يتعمق في قبلته اكثر ترك يدها وامسك وجهها بين يديه اخذت حلا تضغط على صدره ليبتعد وتضربه بيديها ولكنه لم يبتعد حتى استسلمت له ووقفت عن ضربه وإبعاده عنها ثواني وابتعد عنها وهو يأخذ انفاسه بصعوبة وهي كذلك فتحت عينيها ونظرت له بغيظ ونظرات نارية قصي ابتسم ونظر لها بحب
قصي: هو انا مش هنكر اني بتلكك علشان اكُل برقوق بس كل ما هتعترضي على حاجة هتلاقي رد فعلي هو ده وبما انك بتبقى جذابة واحلى وانتي متنرفزة والخوخ والبرقوق بيزهزه كدة فهاخد راحتي
جائت لتقوم احكم يده على خصرها
قصي: مفيش مرواح غير لما تاكلي
حلا بإنزعاج: مش عاوزة اكل هتأكلني على مزاجك انت جعان انا مال امي
قصي: مال امك واهلك انك مراتي وعلى رأي تيتا سامية مكان الزوجة مترح جوزها فهتاكلي معايا
مد يده واخذ لقمة من الطعام وقربها من فم حلا فأبعدت رأسها فقصي رفع حاجبه
قصي: حلا....وبعدين يلا
هزت رأسها بالنفي قصي ابتسم بخبث ووضع يده اسفل رأسها وقربها له وامسك شفتيها في قبلة ثواني وابتعد
قصي: شكل الموضوع عجبك هتاكلي بالذوق ولا
حلا نظرت له بإنزعاج وغضب وهزت رأسها بالنفي جاء ليقربها مرة اخرى وضعت يدها على فمها قصي ابتسم وطبع قبلة على يدها فتوترت وانزلت يدها وكان سيقترب منها ليقبل شفتيها حلا وضعت يديها على وجهها
قصي ضحك بخفة: طب هتفضلي كدة كتير انا جعان وانتي مش راضية تاكلي ذنبي في رقبتك
حلا انزلت يدها ببطئ واكلت من يده ابتسم وطبع قبلة على وجنتها
قصي بحب: يا سلام لو نسمع الكلام من اول مرة
حلا نظرت له بطرف عينيها ولم تتحدث جائت لتقوم فضغط قصي على خصرها مانعها من الحركة
قصي: على فين
حلا: هقعد على الكرسي
قصي: لا خليكي قاعدة في حضني
حلا بغيظ: هو استغلال وخلاص هاكل زي ما انت عايز سيبني بقى
قصي: تؤ تؤ خليكي قريبة مني
ومد يده بالطعام فأكلت من يده وحاولت ان تقنعه بأن يتركها ولكنه لم يقتنع فجلست على قدميه تأكل بعد ان انتهت حملت الصحون مع ساجدة للمطبخ وانجلي كانت تعمل قهوة للجميع دلف قصي جلس مع الجميع بعد ان غسل يديه حلا دلفت للحمام لتغسل يديها وحملت انجلي الصينية ودلفت بالقهوة للصالون رأتها روما فذهبت اخذت منها الصينية
روما: هاتيها بدل ما تدلقيها انهاردة على حد تاني او مش بعيد تدلقيها تاني على نفس الشخص زي اول امبارح هاتي ياختي هاتي
قصي انتبه لكلام روما وكذلك الجميع
قصي بإستغراب: قصدك ايه يا روما
انجلي لم تعرف كيف تشغلهم عن الموضوع حتى قصي لا يعلم كما حلا طلبت من انجلي ولكنها لم تجد طريقة
روما بتلقائية: مفيش كل الحكاية ان اول امبارح انجلي كانت شايلة صينية وعليها قهوة للكل وهي متجهة للصالون اتكعبلت في السجاد وكانت هتقع فالصينية اتحدفت منها وكانت هتقع عليك بس فجأة حلا ظهرت فجأة ووقعت على دراعها وعلى الاغلب الموضوع كان مؤلم بس هي متكلمتش
قصي تذكر كلام حلا وكذبتها فشعر بالغضب
احمد بعدم فهم: يعني حلا وقفت قصاد قصي علشان القهوة تدلق عليها بداله ولا جت صدفة
روما: معرفش بس تقريبا كانت صدفة لانها كان معاها مكالمة
دلفت حلا ورأت الجميع ينظر لها بقلق
حلا بإستغراب: مالكوا بتبصولي كدة ليه انا لو هموت مش هتبصولي البصة ديه
سامية بقلق: انتي دراعك عامل ايه دلوقتي
حلا ظنت انها تتحدث عن إصابتها: انا كويسة يا تيتا مالك في ايه
مها: يعني دراعك مش تعبك من الحرق
حلا: لا ا.........حرق! حرق ايه؟!
قالتها بإستغراب وقلق ونظرت لانجلي فإنجلي نظرت لها بتوتر وقلق ففهمت انهم علموا
يحي بغيظ: لسة عارفين من روما ان اول امبارح اتدلقت عليكي قهوة ايه الايام ديه بيحصل معاكي حوادث ونعرف بالصدف
حلا حكت مؤخرة رأسها بتوتر وهي تنظر لروما نظرة نارية: ها لا عادي يا بابا ايه يعني كام فنجان وقعوا عليا متكبروهاش بقى
قصي بغضب: صح ازاي نكبرها وبخصوص كذبتك يا حلا ان الحرق ده من وانتي في امريكا ايه وكمان مقولتليش الحقيقة كلها بخصوص الجروح اللي في جسمك ده برضه عادي
حلا بضجر: انتوا مكبرين الموضوع ليه كام جرح على حرق مالهم بقى المفروض انكوا متزعلوش وتفرحوا انها جت سليمة وعلى قد كدة واني لسة عايشة ده لو كنت افرق معاكوا يعني عمالين تزعقوا وتتخانقوا ومدايقين على ايه يعني افهم انتوا لما تتنرفزا وتتعصبوا وتقعدوا تزعقوا الزمن هيرجع مثلا وانتوا هتعرفوا في وقتها ولا هيرجع ومش هتصاب ما خلاص بقى اللي حصل حصل ايش حال لو كنت في غيبوبة وما بين الحياة والموت هتعملوا ايه هتموتوني ولا هتقاطعوني شهر
ادم بغضب وغيظ: والله انتي ادايقتي لما عمو احمد وطنط سلمى عاملوا حادثة ومعرفنكيش دلوقتي سيادتك ممكن نفهم ليه مقولتلناش
حلا نظرت له ببرود: ليه وهو انا كنت افرق معاكوا اوي علشان تدايقوا او تحزنوا عليا وبصراحة انا اللي شوفته لما رجعت من امريكا اول مرة اني لو كنت مُت كان هيبقى حلال واحسنلي من انكوا تشوفوا وشي صح مش ده كلامكوا ثانيا فيه ناس مكونتش عاوزة اشوف وشوشهم ثالثا بقى وده الاهم مكونتش عاوزة اقلق بابا وماما علشان لسة خارجين من حادثة وتعبانين مكونتش عاوزة اتعبهم اكتر ويحي بالذات ومها لما يعرفوا ان انشكيت بدبوس بيتعبوا وممكن صحتهم تدهور وديه لا اول مرة اتصاب فيها او اتجرح فيها وانتوا تعرفوا بالصدفة ولا هي اخر مرة
يحي: وانتي مااالك كنت جيت اشتكيتلك حلا انتي عارفة كويس انك لما بتتعبي واعرف بالصدفة بدايق اكتر ودمي بيتحرق انتي ليه بتعملي كدة ها مش عايزانا نكون جنبك ليه بتستعري مننا مثلا
حلا انزعجت من جملته الاخيرة وبهدوء: وهستعر منك ليه يا بابا عمري ما هستعر منك ومبتتحسبش كدة
يحي بإنزعاج وغضب: لا بتتحسب كدة يا حلا ملهاش تفسير غير كدة
حلا نظرت له بحزن وإستسلام: تمام لو ده رأيكوا يبقى رأيكوا صح عن اذنكوا
والتفت لتمشي يحي بغضب: حلا انا لسة مخلصتش كلامي علشان تمشي وتسيبيني
حلا التفت له وبهدوء: اتفضل يا بابا في ايه تاني حضرتك عاوز تقوله
سامية: يحي متقساش على حلا اكيد مكانتش تقصد
يحي بغضب: انتي مش شايفة تصرفاتها يا ماما يعني احنا اهلها ان معرفناش انها تعبان وكنا جنبها مين هيكون جنبها وهو ينفع اهلها يكونوا لسة عايشين والغرب هما اللي يوقفوا جنبها والاولى بيها احنا يعني كل ما بتحصلك حاجة بنعرف بالصدفة يا من سام او امان او من شاهر ده احنا ولا كإننا غرب عنها مش اهلها
روما منقذة الموقف: يا بابا ما انت عارف حلا بتخاف انها تقلقكوا فيحصلكوا حاجة بسببها اكيد يعني متقصدش انها تجرحك واكيد ده مش قصدها....حلا ما تتكلمي او تقولي حاجة
حلا لم تتحدث وقفت تنظر بالارض فهي تشعر بأنها تريد الانفجار بأي شخص
يحي: ساكتة ليه يا حلا لانك عارفة ان معايا حق صح
حلا رفعت نظرها وبصوت مهزوز: لا مش لانك صح لاني تعبانة ومعنديش طاقة للخناق وانتوا عاوزين تتخانقوا فيكون احسن اسكت بدل ما اقول حاجة تجرحكوا او تصرف يجرحكوا من غير قصد مش اكتر فيه حاجة حضرتك عاوز تقولها ولا خلصت
يحي بحزن: لا روحي يا حلا
صعدت حلا لغرفتها دون ان تتفوه بحرف واحد
مايا بعتاب: يعني هي مش ناقصة جروح وتعب وانت جرحتها بكلامك يا بابا انت اكتر حد عارف ان حلا لو بتموت مش هتقولك لانك لما بتعرف انها تعبانة او ما بين الحياة والموت صحتك بتدهور وبتتعب وقبل كدة حصلتلك ذبحة صدرية لما عربية خبطتها فاكر وهي من ساعتها بتحرص ان لو حية لدغتها متعرفكش علشان متتعبش ويحصلك حاجة وانت اكتر حد عارف انها عمرها ما هتستعر منك بل بالعكس طول عمرها بتفتخر بيك وعمرك ما كنت قليل في نظرها يعني مش يكفي اللي اريان وادم وجاسر وقصي عملوه فيها وانت جيت دلوقتي زودتها عليها......كان لازم يا روما تنشكي في لسانك وتحكي اللي حصل بالتفصيل
روما: انا معرفش انهم ميعرفوش افتكرتهم عارفين وبعدين انا ايش عرفني ان ده هيحصل......انا هطلع اشوفها
صعدت روما ومايا لغرفة حلا ودلفوا دون طرق الباب حلا كانت تقف في البلكون دلفت مايا ووقفت خلف حلا
مايا: حلا ا........
قاطعتها حلا بصرامة: اطلعي برا يا مايا وسيبيني لوحدي مش عاوزة اشوف حد
روما: حلا انا اسفة والله ما كنت اعرف ان ده هيحصل
حلا: انا قولت مش عايزة اشوف حد اطلعوا برا
مايا: يا حلا ا...........
حلا بغضب وصوت عالي: اظن كلامي واضح مش عايزة اشوف حد اطلعوا برررراااا
انتفضت مايا بفزع وكذلك روما روما كانت ستتحدث ولكن مايا سحبتها خلفها تاركين حلا وخرجوا من الغرفة
روما: يا مايا مينفعش نسيبها لوحدها انا هدخلها
مايا امسكت روما وجذبتها لها مرة اخرى: حلا اتعصبت علينا لانها كانت هتنهار بس مش عايزة تنهار قدامنا ونشوفها بالحالة ديه
روما: بس....................
قاطعتها مايا: سيبيها علشان تطلع كل اللي جواها لاننا لو فضلنا معاها مش هتعيط وهتكتم جواها وده هيأثر على قلبها سيبيها لوحدها شوية
اومأت روما بتفهم وهبطوا للاسفل.....بداخل الغرفة جلست حلا على الارض ضامة ركبتيها ودافنة وجهها بينهم واخذت تبكي بحرقة وألم..........مر اليوم عادي ولم يتحدث يحي معها وكذلك قصي في اليوم التالي ذهبت البنات للتدريب ماعدا مايا ونسمة وندى ومعهم فهد فسافروا ليجلبوا الملابس عادوا البنات بالمساء ولكن حلا لم تجلس مع العائلة دلفت للمكتب لتجلس قليلا لوحدها قليلا ودلفت مها عليها
مها: حبيبتي قاعدة لوحدك ليه
حلا كانت تستند على الكرسي بأريحية ومغلقة عينيها عندما دلفت مها اعتدلت وفتحت عينيها
حلا: مفيش يا ماما بس تعبانة شوية وعاوزة اقعد لوحدي.....ليه في حاجة
مها بحزن وألم لأجل ابنتها: لا يا حبيبتي بس قلقت عليكي لان مش من عادتك متقعديش معانا
حلا: معلش يا ماما انا اسفة بس انا محتاجة اقعد لوحدي شوية
مها اومأت بتفهم وطبعت قبلة على جبينها: اللي يريحك يا حبيبتي لو عوزتي اي حاجة اندهيلي او ابعتيلي مسدچ تمام
اومأت حلا بالموافقة وخرجت مها وتركتها قليلا
سامية: ها قالتلك مالها
مها تنهدت: لا مقالتش مالها هي قالت انها تعبانة شوية وعاوزة تقعد لوحدها بس اللي انا شايفاه ان نفسيتها تعبانة وجدا وعلى الاغلب طاقتها تحت الصفر
كانت تتحدث وهي تنظر ليحي الذي كان ينظر لمها بقلق وفضول ليعرف احوال ابنته وفهم كلامها ونظرتها جيدا
فاطمة: والله انا حلا صعبانة عليا وبحس انها خسارة في العيلتين كل واحد عنده مشاكل او ضغوطات يجي يفش غله فيها من غير ما يعمل حساب لمشاعرها او اذا كان عندها مشاكل ولا لا مع انها في اوقات بتبقى شايلة هم جبال بس مبتشتكيش ولا بتتكلم وبتفضل مستحملة وشايلة وساكتة
روما كانت تجلس تشعر بالقلق وفجأة شعرت بألم يغزو قلبها فجاء على بالها لوئي
روما بقلق: فارس هو انت متعرفش حاجة عن لوئي او هو فين
فارس بإستغراب: لا ليه
روما بقلق: قلقانة عليه بتصل بيه تليفونه مغلق
فارس: متقلقيش ممكن يكون فاصل شحن
واعلن هاتف فارس عن رنينه فأجاب
فارس: السلام عليكم
امان: وعليكم السلام حلا عندك يا فارس
فارس بإستغراب: اه ليه
امان: طب ادهاني بسرعة
فارس: حاضر لحظة
دلف لمكتب حلا كانت تضع رأسها على يدها على المكتب
فارس: حلا
حلا رفعت رأسها ونظرت له
فارس: امان عايزك على التليفون
اعطاها فارس الهاتف وتحدثت حلا
حلا: الو ايه يا امان خير
امان: لوئي كان عنده مهمة بس وقع تحت ايدين العصابة وهو مصاب والفريق اللي معاه المعظم اتصاب والباقي مش عارفين يتصرفوا يعملوا ايه لان لوئي مع العصابة
حلا وقفت بصدمة: ده من امتى
امان: من حوالي ساعة
حلا بغضب: بقاله ساعة في خطر وسيادتك لسة فاكر تقولي دلوقتي.....حددوا موقعه وجهزلي فريقي وانا خمس دقايق وهكون عندك سلام
فارس بقلق: في ايه
حلا وهي تخرج: مفيش بس عندي شغل
خرجت حلا وصعدت ركضا لغرفتها
مها لفارس: في ايه
فارس: معرفش امان كان عايزها وفجأة قامت متعصبة وقالتله خمس دقايق وهكون عندك ويجهزلها الفريق وعلى الاغلب ممكن يكون زميل عمل اتصاب في مهمته وهي هتنزل تكملها او ممكن يكون في مشكلة او حد مخطوف معرفش
بغرفة حلا ابدلت ملابسها سريعا واخذت سلاحها ورفعت شعرها ذيل حصان واخذت مفاتيح سيارتها وهبطت للاسفل
مها: حلااااا
دلفت حلا للصالون: ماما انا عندي شغل فلو فيه اي حاجة اجليها لما ارجع
مها: طب في ايه يا بنتي متقلقنيش
حلا طبعت قبلة على رأسها: متقلقيش مشكلة صغيرة وهتتحل ان شاء الله سلام
خرجت حلا مسرعة من البيت صعدت بسيارتها وانطلقت للمركز بسرعة دلفت وجلست مع امان والفريق لوضع خطة لإنقاذ لوئي
امان: هو حاليا داخل مبنى العصابة هنعمل ايه
حلا بتفكير: هنقسم نفسنا فريقين فريقك وفريقي انا هاخد اربع او خمس رجالة بس من الفريق وهندخل للمبنى والباقي هيشغل الرجالة اللي برا لحد ما ننقذ لوئي وبعدين يجي دور القبض على العصابة
امان: هما دخلوا شحنة اسلحة وشحنة المخدرات زمانها على وصول
حلا بجدية وصرامة: يبقى هنتحرك دلوقتي ومش عاوزة ولا غلطة مفهوم
حلا قسمت الفريق وحلا اتجهت بالرجالة التي اختارتها للمبنى الذي به لوئي وامان للمكان اللي فيه استلام الشاحنة حصل اشتباك بين الرجالة المحتجزين لوئي وحلا وفريقها حلا تركت الشباب مشتبكين مع رجالة العصابة ودلفت تبحث عن لوئي حتى وجدته كان مرمي على الارض مكتف الايدي والارجل ويضعون شريطة سوداء على عينيه ودماغه ينزف كثيرا هذا غير الاصابة اللي في كتفه حلا اقتربت منه بسرعة وفكت عنه الاربطة وكان فاقد الوعي والكدمات تملئ وجهه رأت زجاجة مياه اخذتها ورشت القليل على وجهه حتى استعاد وعيه
حلا: قوم معايا وحاول تقاوم لحد ما اخرجك من هنا يلا
اسندته حلا وخرجوا وبالطبع اشتبكت مع بعض الرجال واخذت ضرب مبرح على ظهرها وقدمها ولكنها قاومت وقضت عليهم واخذت لوئي وخرجت من المبنى ووضعته بسيارتها اوصلته للمستشفى بسرعة وشاهر اخذه منها ليداوي جروحه ثم ذهبت لمقر التنفيذ لتقف مع امان حتى استطاعوا القضاء على رجال العصابة والقبض على رئيسهم ثم عادت مرة اخرى للمستشفى صعدت لغرفة لوئي كان نائم
حلا: ايه الاخبار يا شاهر
شاهر: هو نزف كتير والضربة على دماغه كانت شديدة شوية انا عملتله اشاعة ومستنين النتيجة تطلع
اومأت حلا بتفهم لوئي استعاد وعيه
حلا: حمد لله على السلامة يا بطل ايه يا عم هتدلع علينا من اولها كدة
ابتسم لوئي بخفة وتعب: الله يسلمك....هي روما عرفت حاجة
حلا: محدش في البيت كله عرف حاجة
لوئي وهو يقوم ليجلس بإعتدال: انا عاوز ارجع على البيت
شاهر: بيت مين يا عم الحج انت هتخرج بكرة بليل ده انا كدة هعمل معاك واجب انما دلوقتي وانت بالحالة ديه لا
لوئي: شاهر انا كويس بس لازم ارجع على البيت لان روما وماما زمانهم قلقانين عليا صدقني هرتاح اكتر في البيت
حلا نظرت له قليلا ثم التفت لشاهر: خلاص خرجوا وانا كدة كدة معاه في البيت لو حصل اي حاجة هكلمك
شاهر: وبالنسبة لرجليكي اللي بتعرجي عليها ديه ايه ودماغك ووشك اللي فيه كدمات ده
حلا: بقولك ايه انت هتسيبه وتشتغل عليا لا اشتغل على لوئي احسن انا تمام بس انت شلني من دماغك
شاهر ضحك بخفة: ماشي بس انتي يعني مش حاسة بوجع ولا تعب
حلا: لا انا تمام بس هستسمحك تنزل الاخ ده للعربية
شاهر اومأ بتفهم واسند لوئي حتى وصلوا للسيارة وادخله ثم ودعهم وصعدت حلا بالسيارة وعادت للمنزل طلبت من فارس ان يخرج لها دون ان يقول لاحد شئ فخرج لها وعندما رأى منظرها ومنظر لوئي ركض عليه واسنده
فارس: انتوا متشلفطين كدة ليه كنتوا في معركة ومش عارفين تخرجوا منها
حلا: نعم كلامك كله صح بس لو نطقت بحرف جوا قدامهم هزعلك
لوئي بتعب: اه وانا هنزل فيك ضرب
فارس: يا شيخ اتوكس هو انت قادر تقف على حيلك علشان تنزل فيا ضرب يا شيخ قول كلام معقول وبعدين ده انت وشك متشلفط ولا كإنه شبه القرد المسلوخ
حلا ضحكت بشدة وكذلك لوئي ولكن كتفه وقلبه ألموه
حلا: بخرب فقرك يا فارس
فارس: هو مبدئيا بس مراتك مبهدلة الدنيا جوا تقولشي عارفة انك كنت هتموت وعمالة تسأل عليك وتعيط وقلقانة وكلللل ده علشان قلبها واجعها عليك وحاسة ان حصلك حاجة انت عملت للبونية ايه يالا
حلا: هذا هو الحب تواصل الارواح بس هو الاكيد اني اكتر واحدة هتتهزأ فأنا هطلع على اوضتي بدل ما اسمعلي كلمتين حلوين وانا تعبانة اصلا ومش ناقصة يلا تصبحوا على خير
لوئي وفارس: تلاقي الخير
صعدت حلا لغرفتها دون ان يراها احد دلف فارس للصالون هو يسند لوئي عندما رأته روما شهقت بفزع وكذلك سلمى ركضت عليه روما
روما بدموع وقلق: ايه ده ايه اللي حصلك
لوئي ابعد يده عن كتف فارس وجذب روما لحضنه ليطمئنها: مفيش كل القصة كام اصابة انا كويس متقلقيش وبطلي عياط خلاص
فارس: مراتك وجعت دماغنا بسرتك بعد كدة متنزلش الشغل خليك جنبها
لوئي ابتسم: تصدق فكرة هبقى اخد بنصيحتك بس بشرط انت اللي هتشيل شغلي مش حلا
فارس: لا وعلى ايه انزل الشغل احسن هو انا ناقص كفاية شغلي وبعدين انا المفروض عريس
لوئي: وايه يعني ما حلا كانت عروسة ومن قبل فرحها كانت بتنزل واول ما رجعت من شهر العسل اللي هما كانوا اسبوعين كانت ناوية تكمل شهر بس هما رزعوها مهمة اشمعنا انت اللي بتعترض والله حلا ديه ليها الجنة
سلمى: طب متعرفش حلا فين يا لوئي
لوئي: اه هي رجعت وطلعت على اوضتها علشان ترتاح
قصي: انتوا رجعتوا في نفس الوقت
فارس بتلقائية: لا حلا ولوئي رجعوا مع بعض اساسا هي كانت معاه
لوئي نظر له بغيظ ونظرة نارية
روما ابتعدت عن لوئي قليلا وبإستغراب: هي حلا كانت معاك
سلمى: معنى كدة ان هي نزلت علشان تنقذك صح لانها المفروض واخدة اجازة ومتنزلش لانها تعبانة
التف لها لوئي وتنهد بحرارة: اه اتصلوا بيها وبلغوها في المركز فنزلت علشان تساعدني وتنقذني ومرضيتش تقولكوا علشان متقلقوش
سلمى: طب هي اتصابت او حصلها حاجة
فارس: هي واخدة ضاربة بس في جبينها ويظهر مضروبة على رجليها لانها مبتمشيش عليها كويس وشوية كدمات في وشها
لوئي بغيظ: ديه حلا هتوريك النجوم في عز الظهر يا فارس
روما بإستغراب: ليه
لوئي: مكانتش عاوزة تقولكوا علشان عارفة انكوا هتدايقوا وهتسمعوها كلام زي السم زي ما حصل اول امبارح علشان كدة طلعت على اوضتها وشكلها تعبانة اساسا
قصي: انا هطلع اشوفها
مها بقلق: قصي انا عاوزة اشوفها ممكن
قصي: طبعا يا ماما اتفضلي
صعد قصي ومها للغرفة.......في الغرفة بالاعلى حلا اخذت شاور سريع وابدلت ملابسها واراحت جسدها على الفراش وهي تنظر لسقف الغرفة بشرود وحزن ووجع عندما سمعت صوت قصي وهو يقترب من الغرفة اغمضت عينيها لتتظاهر بالنوم دلف قصي للغرفة وخلفه مها اقتربت منها مها وجلست بجانبها وطبعت قبلة على جبينها فتحت حلا عينيها ونظرت لمها
مها: كدة ينفع يعني تعرضي حياتك للخطر ومتقوليلناش
حلا جلست بإعتدال وهنا رأت قصي يقف امام الفراش التفت لمها
حلا: مكونتش عاوزة اقولكوا علشان متقلقوش وبعدين انا كويسة اهو
قصي بهدوء: لا هو واضح من وشك انك كويسة وجدا كمان
حلا نظرت له قليلا ثم ابعدت نظرها عنه وصمتت ولم تجيب
مها: هسيبك ترتاحي بقى وممنوع تبذلي مجهود مفهوم
اومأت حلا بتفهم طبعت مها قبلة على وجنتها وخرجت من الغرفة اتجه قصي لاحد الادراج واخذ منها علبة الاسعافات وجلس بجانب حلا امام وجهها واخذ احدى المراهم وبدأ في وضعه على الكدمات التي بوجهها وساد الصمت بينهم عندما انتهى ازاح الفراش من عليها لتظهر قدمها التي بها القليل من اللون الازرق فكانت حلا ترتدي بنطلون كرينة يصل لبعد الركبة بقليل وضع عليها القليل من الكريم ثم اتجه للحمام ليغسل يده حلا اراحت جسدها لتنام واغمضت عينيها ونامت على جنبها قصي خرج ابدل ملابسه بملابس بيت وجلس بجانبها والقى عليها نظرة حزينة فكانت حلا تعطيه ظهرها والمسافة بينهم كبيرة قصي وضع عليها وعليه الغطاء واراح جسده ووضع يده اسفل رأسه وظل ينظر لسقف الغرفة بشرود ظل هكذا قرابة الثلاث ساعات لم يستطع النوم التف ونظر لحلا اقترب منها ورفع نصفه العلوي قليلا واسند رأسه على يده حلا لم تنم وكانت مستيقظة وعندما شعرت به اغمضت عينيها متظاهرة بالنوم
قصي: عارف انك منمتيش فبلاش تتظاهري قدامي
فتحت حلا عينيها وهي مازالت تعطيه ظهرها: خير في حاجة
قصي: ممكن نتكلم شوية
جلست حلا بإعتدال وهدوء ولم تتحدث وظلت تنظر للاشئ امامها قصي جلس ايضا بإعتدال
قصي: عارف انك مدايقة من نرفزتنا عليكي من يومين بس ده لاننا خايفين عليكي يا حلا وبعدين حطي نفسك مكانا لما تعرفي بالصدفة ان حد فينا كان مصاب او عامل حادثة هيبقى ايه موقفك
حلا ابتسمت بسخرية: لا متقلقش مش هحط نفسي مكانكوا لانكوا دوقتوني الكاس ده قبل كدة ساعة حادثة بابا احمد وماما سلمى وبصراحة هكون صريحة معاك لما رجعت من امريكا ساعة حادثة بابا احمد لاقيت تعاملكوا معايا واللي كان معناه انكوا مكنش يفرق معاكوا عايشة او ميتة فليه اعرفكوا اذا كنت بموت او حتى بتنفس ما انا كدة كدة مفرقش معاكوا اما بخصوص بابا احمد سام هو اللي قاله ولو عليا مكونتش عاوزاه يعرف حاجة حتى لما كنت في المطار سألني على تيتا توهت معاه وقفلت على اساس ان طيارتي هتطلع ولازم اقفل ومعرفتوش حاجة هو عرف كل حاجة من سام ومكونتش عاوزة اعرفه لانه تعبان ولسة خارج من حادثة مكونتش عاوزة اقلقه ولا اتعبه وخصوصي لو هو عرف كان ممكن جدا يجيلي وانا مكونتش عاوزاه يجي ده بالاضافة ان نزوله لامريكا كان ممكن يعرض حياته للخطر سواء يحي او احمد لان لو المافيا الروسية عرفت انهم لسة عايشين مش هيرحموهم وكمان الشخص اللي كان السبب في خطف تيتا بيكرههم ولو عرف انهم لسة عايشين مش هيسمي عليهم وانا مكونتش بحالتي الصحية اللي تسمح اني ادافع عنهم فعلشان كدة محبتش اقول لحد وبابا احمد لما كلمني قالي انه هيجي بس انا اقنعته بصعوبة بإنه مينزلش مش معنى ان انا مكلمتكوش وقولتلكوا اني مصاية او كنت بموت يبقى انا كدة بستقل منكوا لا مبتتحسبش كدة والكل عارف ان لو قطر هيعدي عليا انا مستحيل انطق او اقولكوا حاجة لاني مش متعودة اشتكي او اقلق شخص عليا وبابا سبق وانا صغيرة عربية خبطتني وكانت حالتي تمام ومفيش خطورة جاتله ذبحة صدرية من الخوف والقلق عليا ومن ساعتها وانا مبقولوش على حاجة بتحصلي يا إما يعرف بالصدفة او ميعرفش اصلا بس انا مستحيل اجي لحد فيكوا واقوله اللي حصل معايا وبالتفصيل لا بتفصيل ولا من غير تفصيل
قصي صمت قليلا: طب مش انا كلمتك ليه مقولتليش
حلا: وقتها كنت مدايقة وتعبانة ونفسيتي مدمرة بسبب كلامك واللي حصل بينا وكلام ادم واريان وجاسر ولو عليا مكونتش هكلمك لاني بصراحة مش طيقاك بس لما بابا قالي انك قلقان فكلمتك بس علشان تطمن ومتقلقش مش اكتر غير كدة مكونتش هكلمك
قصي بخبث: يعني مكونتيش عاوزاني اقلق ولا كنتي خايفة من شدة قلقي عليكي يحصلي حاجة ولا علشان بابا قالك تكلميني
حلا بتلقائية: علشان عارفة انك لما بتقلق بتتعب ومبتهتمش بنفسك ولا بصحتك ولا بأكلك وممكن متاكُلش عادي فكلمتك علشان متتعبش مش اكتر
قصي ابتسم بحب: مش انتي قولتي انك مش طيقاني طب ازاي وبتفكري فيا وقلقانة على صحتي
حلا بتلقائية وعفوية: طبيعي هفكر فيك ان مفكرتش فيك هفكر في مين
قصي: عادي فكري في اي حد اشمعنا انا وبعدين مش انتي زعلانة مني ومش طيقاني بتفكري فيا ليه
حلا: هفكر في حد غير جوزي وحبيبي طب ازاي اي نعم مش طيقاك وزعلانة بس بحبك وطبيعي هيفرق معايا وهخاف عليك وطبيعي هفكر فيك
قصي ابتسم: يعني بتعترفي انك بتحبيني
حلا بغباء وعفوية: اه
قصي: بس كلامك من يومين كان عكس كدة
حلا صمتت قليلا وفهمت لعبته وما يريد الوصول له
حلا بتوتر وتهرب: انا تعبانة وعاوزة انام تصبح على خير
قصي حاوط خصرها: على حسب كلامك انك لسة بتحبيني واللي بيحب بيسامح
حلا ابتسمت بسخرية: اه بيسامح بس ده اللي قلبهم ابيض انا قلبي اسود ومبسامحش اوعى بقى
ابعدت يده عن خصرها ونامت واعطته ظهرها قصي جذبها من ذراعها لحضنه
حلا: في ايه يا قصي عاوزة انام
قصي: ما انا هنام
حلا: ده ازاي بقى سيبني
قصي: زي قبل كدة لما كنتي بتنامي في حضني وقريبة مني واساسا انتي مش هتعرفي تنامي غير كدة
حلا رفعت احد حاجبيها بغيظ: لا وواثق اوي مين الاهبل اللي قال الكلام ده
قصي رفع حاجبه بغيظ وهو ينظر لها: انا ليه فيه غير كدة
حلا: اه بأمارة كنت في امريكا لوحدي وانت مش معايا كنت بنام ازاي ما لوحدي ومن غيرك ولا يكونشي كان معايا بديل وانا معرفش
قصي ضغط على خصرها وبغيظ: اممم ومين بقى اللي هيبقى البديل يا روحي
حلا: انا كنت بفرض مثل على كلامك اللي ملوش لا طعم ولا فيه ملح اوعى بقى
قصي جذبها اكثر لحضنه: انا عن نفسي هنام كدة انتي مش عايزة تنامي متناميش
حلا حاولت ان تفك يده من على كتفها وخصرها ولكنها لم تستطع واستسلمت ومن شدة التعب والالم غطت في نوم عميق في ثواني وقصي ايضا نام بسرعة
__________________________________
في مساء اليوم التالي استدعى يحي حلا للمكتب فذهبت له
حلا: نعم يا بابا حضرتك طلبتني
يحي: اه تعالي عاوز اتكلم معاكي شوية
حلا: بابا لو هتتخانق وتزعق وتقول كلام زي من يومين بلاش
يحي نظر لها وابتسم بحزن: لا تعالي عايزك اقعدي جنبي
جلست حلا بجانبه يحي وضع يده على كتف حلا وجذبها لحضنه
يحي: حلا الكلام اللي قولته من يومين مكنتش اقصده بس كنت مدايق كل ما يحصلك حاجة يا اعرف من الغريب او بالصدفة بذمتك تدايق ولا لا
حلا: يا بابا انت اكتر حد عارف اني مش هعرف اجي اقولك انا عملت حادثة او حصل معايا حاجة لان سبق وتعبت وانا مش مستعدة اخسرك تاني وبعدين مادام انا كويسة يبقى اقلقك ليه عارفة ان التصرف دايقك وجرحك كمان بس كان عندي اسبابي نزولك لامريكا كان هيعرض حياتك للخطر وكمان انت كنت تعبان ولو كنت عرفت اللي حصل معايا كنت هتتعب اكتر طب ليه
يحي: حلا انا ابوكي وطبيعي الاب يقلق على بنته يعني بذمتك لو مقلقتش عليكي هقلق على مين
حلا ابتسمت بمرح وغمزت له: على موهجة حبيبت القلب
يحي ابتسم: لا ديه حاجة تانية وقلق تاني لوحده
حلا بإنزعاج وحزن مصطنع: ايوة بتحبها اكتر مني هي عندك اغلى مني انا مين انا علشان ابقى غالية عندك
عانقها يحي بحب: حبيبت قلبي انتي غالية عندي وغلاوتك غير غلاوة مها مفيش اغلى من الضنى يا حلا لما تخلفي وتبقي ام هتعرفي معنى كلامي يعني الاولاد بيبقى ليهم مكانة كدة محدش يقدر ياخدها مين ما كان يكون عصبيتي ونرفزتي عليكي ده لاني خايف عليك يا حلا وبعدين انتي عارفة اني بحبك وبخاف على الهوا لحسن يجرحك صح
حلا: اممم عارفة
ابتعدت عنه قليلا
يحي: بعد كدة لما يحصلك حاجة هتقوليلي
حلا: بُص مأوعدكش بس هحاول بس بلاش تسأل عن تفاصيل لو هتسأل مش هقولك
يحي ابتسم: لا خلاص مش هسأل بس على الاقل اعرف بنتي روحي فيها ايه
حلا ابتسمت وبخبث: يعني انا روحك
يحي: طبعا
حلا بخبث: اومال مها ايه
يحي: روحي برضه
حلا بخبث: وازاي احنا الاتنين روحك لا مؤاخذة انت معندكش غير روح واحدة ولا انت زي الغسالات ام روحين عايش انت كمان بروحين
يخي ضحك: يخرب فقرك خديني على قد عقلي وبطلي حركاتك ديه دانتي بت فصيلة الله يكون في عون قصي تلاقيه يا عين امه مبيلحقش يقول كلمتين على بعض حلوين بسبب انه معاه معلمة الفصلان
حلا: وحياتك انت ما فيه حد طالع عين امه واللي خلفوه في البيت ده غيري انا
يحي: طب ايه
حلا: ايه في ايه
يحي: ايه انتي وقصي مش كفاية بقى مش ناوية تسامحيه
حلا: هو انت تعرف اللي حصل
يحي: لا
حلا: يبقى احسن بلاش نتكلم في الموضوع ده
يحي: طب هتعملي ايه مع اخواتك
حلا بإستعباط: مال روما ومايا ما هما زي الفُل
يحي: متستعبطيش انتي عارفة اني اقصد الشباب
حلا: بابا ابوس ايدك قفل على السيرة لاني تعبانة ومش عاوزة اتكلم في الموضوع علشان خاطر ربنا بلاش
يحي نظر لها بحزن والم لاجلها ثم طبع قبلة على جبينها وعانقها: اللي يريحك يا حبيبتي
حلا حاوطت خصره وظلت قليلا بحضنه ثم اردفت
حلا بمرح: لو فضلت كدة هلزق فيك ومش هخلي مها تتهنى بيك وممكن انام كمان
يحي ضحك: ده على اساس مها هتسيبك
حلا رفعت احدى حاجبيها: تحب تجرب
يحي: لالالالالا كفارة شكرا مش عاوزين نجرب
حلا قامت وقفت: قول انك متقدرش على فراق حبيبت القلب
يحي: حاجة زي كدة يلا خلينا نخرج
حلا وهم يخرجون: ايه مها لحقت توحشك
يحي ابتسم: لسانك ده عاوز القص اه يا ام لسانين وربع
حلا: تشكر يا عم يويو
ضحك يحي ودلفوا للصالون
مها: الله الله بتضحك من غيري
يحي: وانا اقدر برضه
مها: لا ماهو واضح انا عارفة انك بتحب حلا اكتر مني وكمان حاضنها عادي كدة
حلا حاوطت خصره واخرجت لسانها لمها لتغيظها: يعني ان محضنيش انا هيحضن مين
يحي بخبث وحب: عاوزاني احضنك يعني تعالي
مها: لا وعلى ايه خلي حلولتك تنفعك
يحي: لا مقدرش ده انت الكل في الكل يا عسل قلبي واحلى وردة في حياتي
حلا: الله الله وانا ايه كيس جوافة في النص
الكل ضحك
حلا: وبعدين تعالالي هنا هو فيه ورد غيرها في حياتك
سامية ضحكت: انتي معاها ولا ضدها يا حلا
حلا ابتسمت: الاتنين
يحي: اه فيه ورد تاني في حياتي بس هي الاحلى
مها بغيظ: والله ومين الورد التاني بقى ان شاء الله
يحي ببرود: فيه ماما وحلا ومايا وروما وجميلة وآسيا ورقية وإيلين وندى وروفيدة ونسمة وانجلي ما هما ولادي برضه
جاسر: واحنا فين لا مؤاخذة
حلا بغيظ: انتوا الشوك اللي في الورد
الكل ضحك
يحي: بالظبط كدة حلا معاها حق
ادم: كدة يا حج تكسفنا قدام البنات
روما: انتوا اللي جيبتوه لنفسكوا
انجلي جذبت حلا من يدها اليسار: تعالي يا حلول عاو...........
حلا بتألم: ااااه ايدي
انجلي انفزعت وتركت يدها بسرعة بقلق وكذلك الجميع انفزع وقلقوا على حلا ونظروا لها
قصي بقلق: في ايه
انجلي: معرفش والله انا مسكت ايديها بس وبراحة معرفش في ايه
سلمى: مالك يا حلا
حلا وهي ممسكة بإصبعها الذي به المحبس: مفيش بس المحبس مخلي صباعي ملتهب فوجعني لما انجلي مسكتني من ايدي
مها: طب ما تخلعيه مادام بيوجعك
سامية: هو جرحك
حلا: معرفش بس على الاغلب اه حاولت اخلعه بس مش راضي يتخلع
انجلي: ده انتي صباعك وارم ومزرق طب هاتي ايدك كدة احاول اخلعهولك
انجلي امسكت يدها وحاولت خلعه
حلا بتألم وصراخ واغمضت عينيه بقوة وهي ممسكة بيدها: اااااااه
انجلي اثناء محاولتها لخلع الخاتم والخاتم ضيق فجرح اصبع حلا واخذ ينزف
انجلي: انا اسفة والله ما كنت اقصد
حلا: خلاص حصل خير
يحي: لازم تروحي للصايغ يقطعوا
حلا: هبقى اروحله بكرة
قصي قام وامسك يدها ونظر لها ثم سحبها خلفه: تعالي معايا
حلا وقفت: على فين
قصي جذبها بقوة دون ان يتحدث وحلا لم تستطع فك يدها او مقاومته فإصبعها يؤلمها بشدة اصعدها قصي بسيارته وانطلق لاحد محلات المجوهرات الكبيرة اخذها ودلف
قصي: السلام عليكم
الموظف: وعليكم السلام اؤمُرني حضرتك
قصي: الامر لله وحده الخاتم مش عاوز يتخلع فكنت عاوز اقطعوا
الموظف: تمام يا فندم لحظة واحدة
خرج مدير المحل وبسرور: اهلا بأستاذ قصي المحل نور
قصي: ربنا يخليك
المدير: اخبارك ايه يا انسة حلا
حلا: الحمد لله
الموظف جيه ومعه الأداة اللي هيقطع بيها: ممكن ايد حضرتك
حلا: مفيش بنت في المحل
المدير: لا
قصي نظر لها وبهمس: ما تديله ايدك يا بنتي وهو هياكلك
حلا: لا بقولك ايه ما تقطعه انت وخلاص
قصي بغيظ: لا طبعا افرضي جرحتك
حلا بعناد: خلاص يلا نروح
جائت لتمشي قصي جذبها من ذراعها: يا حبيبتي ايدك بتنزف لازم نقطعه
حلا بإنزعاج: مش هخلي راجل غريب يمسك ايدي يا تقطعه انت يا إما نروح
قصي نظر لها بإستسلام ونفاذ صبر اخذ من الموظف الاداة وامسك يد حلا وقطع الخاتم جرحها بدون قصد فالمدير اعطاه منديل ليضعه على اصبعها فأخذه قصي وربطه على اصبع حلا
قصي بنرفزة: عجبك كدة
حلا اومأت بالموافقة قصي اتغاظ من رد فعلها
المدير: هو انا بعتذر على تدخلي هي الانسة حلا تكون اختك
حلا كبحت نفسها عن الضحك ونظرت لقصي
قصي التف له: لا مراتي
المدير بإحراج: بعتذر مكونتش اعرف انها مدامتك
قصي رفع احدى حاجبيه وبغيظ: ليه هتفرق عند حضرتك ولا لتكون جايبلها عريس
المدير بإحراج شديد من كلام قصي: لا بس يعني الانسة حلا اقصد المدام حلا زبونة هنا في المحل فأنا معرفش يعني انها ارتبطت بعتذر مرة تانية
قصي بهدوء: لا عادي ولا يهمك حصل خير....عاوز اشوف الخواتم ممكن
الموظف: اكيد لحظة
حلا بإستغراب: هتشوف الخواتم ليه
قصي: هجيبلك واحد بدل اللي قطعناه
حلا: بس انا مش عاوزة خواتم
قصي رفع احدى حاجبيه وبغيظ: مينفعش تمشي من غير محبس في ايدك واساسا انا مأخدتش رأيك
حلا زفرت بقوة وانزعاج وابتعدت عنه قليلا دلف رجل ومعه فتاة وعائلته ومعه رجل اخر الرجل الاخر عندما رأى حلا ظل ينظر لها بإعجاب قصي لم ينتبه له وحلا كانت تنظر بهاتفها اخذ الشاب يتظاهر بأنه ينظر بشئ في المحل واخذ يعود بظهره للخلف التف قصي لينظر لحلا لفت انتباهه ذاك الشاب الذي سيصطدم بحلا فوضع يده على كتف حلا وجذبها لتقف امامه بالجهة الاخرى فإصطدم الشاب بقصي حلا نظرت لقصي بإستغراب
الشاب التفت وانزعج لانه لم يصطدم بحلا ولكنه لم يظهر ذلك: بعتذر انا مأخدتش بالي من حضرتك
قصي فهمه جيدا: لا عادي ولا يهمك
وحاوط كتف حلا بذراعه مقربها إليه والتف للموظف الذي جلب له تشكيلة من المحابس
المدير للموظف: روح انت شوف الناس اللي هناك وانا هقف معاهم
قصي قرب احد التشكيلات منه ثم نظر لحلا: حبيبتي ايه رأيك في ده وده وده
حلا نظرت لهم بحيرة: هو لازم نشتري يعني
قصي نظر لها: ليه معجبوكيش
حلا: لا المشكلة انهم عجبوني وجدا بس انا مش عاوزة محبس لان كدة كدة صباعي مجروح ومش هعرف البسه
قصي اخذ المحابس وامسك يدها الاخرى وخلع الخاتم الذي ترتديه ولبسهولها وكان على مقاسها وكذلك المحبسين التانين حلا نظرت له بإستغراب وعدم فهم
قصي التف للمدير: هاخد التلاتة دول
اومأ المدير وجهزهم لقصي وقصي اعطاه بطاقته
حلا بصدمة: قصي انت بدل ما تشتري واحد اشتريت تلاتة يا حبيبي انت شارب حاجة هعمل ايه بالتلاتة
قصي بضجر: ممكن تنقطيني بسكاتك
حلا انزعجت وشعرت بالغضب منه وجائت لتمشي جذبها من خصرها فإصطدمت بصدره
قصي: ممنوع تتحركي من جنبي
حلا بغيظ: وده ليه ان شاء الله
قصي ببرود: كدة
حلا: اوعى انا كدة كدة هخرج برا واقعد في العربية
قصي: لا استني هنخرج سوى
اعطى المدير لقصي البطاقة والمحابس اخذهم قصي منه وشكره وحاوط خصر حلا وخرجوا واتجهوا للسيارة وصعدوا بها حلا جلست صامتة واستندت على الزجاج واغمضت عينيها قليلا وعقدت حاجبيها بضيق بسبب شعورها بالألم في قلبها لم يعد قصي للمنزل اتجه لأحد الشواطى واوقف السيارة حلا فتحت عينيها ونظرت امامها بإستغراب ثم التفت له
قصي: انزلي
حلا استغربته بشدة هبطت من السيارة وهو اخذ علبة الاسعافات وهبط امسكها من يدها بخفة وجذبها خلفه جلس على الرمل امام البحر ثم جذبها من ذراعها لتقع فوقه اعدلها قصي واجلسها على قدمه وكل هذا وحلا تحت الصدمة وعدم الاستيعاب امسك يدها اليسار وفك المنديل الذي كان ربطه عليه واخذ يعقم الجرح وضمده ثم امسك يدها اليمين وخلع الخاتم الذي ترتديه به ثم اخرج احد العلب واخذ المحبس وامسك يدها ولبسهولها ثم لبسها الخاتم الاخر في الاصبع الاخر ثم طبع قبلة على يدها ونظر لها بحب
قصي: ممنوع تخلعي المحبس من ايدك نهائي مفهوم
حلا رفعت احد حاجبيه وبغيظ: ولنفترض اني عايزة اخلعه وخلعته هتعمل ايه
قصي ابتسم وحاوط خصرها وبحب: اليوم اللي تخلعيه فيه يبقى ده اخر يوم في عمري بمعنى اصح لما ابقى اموت ابقي اخلعيه
حلا نظرت له بغضب وتجمعت الدموع بعينيها دون ان تشعر هبطت على وجنتيها قصي نظر لها بإستغراب وقلق ومد يده وامسك وجهها بين يديه ومسح دموعها
قصي: حبيبتي بتعيطي ليه دلوقتي
حلا بدموع وغضب: علشان اللي قولته وسبق وقولتلك متتكلمش بالطريقة ديه مبحبهاش
قصي ابتسم بحب وطبع قبلة على جبينها ودفن وجهها بصدره وعانقها: طب خلاص حقك عليا مش هتكلم كدة تاني بطلي عياط بقى
حلا شعرت بألم شديد في قلبها وعدم انتظام تنفسها فدفنت وجهها بصدر قصي شعر قصي بشئ غريب بها
قصي بقلق: حلا انتي كويسة
لم يتلقى رد فعل منها ابعدها عنه قليلا ليرى وجهها الشاحب وصدرها الذي يعلو ويهبط
قصي بخوف وقلق: حلا مالك.....حلا ردي عليا......حلا
حلا بصوت متقطع وتعب: قل.....بي....بي... وج.....عني
كانت تتنفس بصعوبة وكأنها تحتضر حملها قصي بفزع واتجه للسيارة مسرعا ولكن حلا فقدت الوعي وضعها بالسيارة وانطلق للمستشفى بسرعة وحدث شاهر وصل في خلال دقائق قليلة جدا للمستشفى حملها ودلف بها للمستشفى وضعها على النقالة واخذوها لغرفة الطوارئ فحصها شاهر وقاس نبضها وتنفسها ولكنهم منعدمين اخذ جهاز الصدمات الكهربائية وسيرين وضعت اسلاك على صدر حلا ليتضح بالجهاز نبضها المنعدم اخذ شاهر يضع الجهاز على صدرها لينتفض جسد حلا بأكمله وتضغط سيرين على قلبها ظلوا هكذا دقائق عديدة حتى استطاعوا استعادة نبضها من جديد اعطاها شاهر ابرة مخدر ومسكن لقلبها وامر الممرضات بنقلها لغرفة عادية ووضعها على جهاز الاكسجين خرج من الغرفة نظر له قصي بقلق
شاهر: اهدى هي بقيت كويسة بس ايه اللي حصلها
قصي: معرفش احنا كنا قاعدين بنتكلم وكنت حاضنها فجأة حسيت ان تنفسها مش منتظم بعدتها عني لاقيت وشها اصفر ومش قادرة تتنفس ولا بترد عليا وقت سألتها قالتلي قلبي بيوجعني وكانت بتتكلم بالعافية على ما شيلتها واتجهت للعربية كانت فقدت الوعي فجيبتها هنا على طول
شاهر بتفكير: انتوا اتخانقتوا
قصي: لا
شاهر: طب كنت هتعمل حادثة او عربية هتخبطك او حصلك حاجة اتعرضت لخطر مثلا وكنت هتموت
قصي: لا
شاهر: طب احكي كدة اللي حصل بينكوا ماهو حلا مبيحصلهاش كدة فجأة غير لو حد حصله حاجة انطق
قص عليه قصي كل شئ بالتفصيل
شاهر بغيظ وغضب: يعني لازم تذكر قدامها سيرة الموت وملقيتش حد في اسكندرية كلها تقول لما يموت غيرك انت
قصي بإستغراب: واحدة وبتقولي لو عاوزة اخلعه هعمل ايه المفروض اقولها ايه
شاهر: يا عم قولها لما نتطلق او لما تموتي ابقي اخلعيه
قصي بغضب: انت متخلف اروح اقولها لما تبقي تموتي هتفتكر اني لما هصدق واني عاوز ابعد عنها وبعدين انت بتفول في وشي
شاهر: يا قصي افهم بقى وبطل غباء يا اغبى خلق الله والله اغبى واحد قابلته في حياتي هو انت ناوي تموتها يعني يا إما تجيبلها جلطة يا سكتة قلبية يابني لو عاوز تموتها قولي وهي سهلة اوي لمدة يوم او يومين متاخدش علاجها هتموت لان اكيد هتتنرفز وده هيأثر على قلبها فتقوم ميتة فيها
قصي: يابني هو انا عملتلها حاجة
اومأ شاهر بالموافقة: اه لان السبب اللي وصل حلا للحالة ديه هي انها تخيلت لمجرد لحظة انك مُت وبعدت عنها فبالتالي قلبها وجعها والمنظر لوحده مرعب واكيد بسبب غباء حضرتك بالعملة السودة ديه خليتها تفتكر حادثة اهلها كمان فبالتالي قلبها وقف وقطعت النفس وكانت هتموت قصي حلا لما بيتذكر قدامها حاجة مؤلمة بتتخيلها وده غصب عنها ولو حاجة خصوصا ليها علاقة بالموت ديه مش بس بتتخيلها ده انت بتحسها في الموقف نفسه ده بالاضافة بتفتكر حادثة اهلها وبوجع عشر سنين ومبتستحملش وبتتعب وممكن تموت فيها
قصي بصدمة: للدرجادي
تنهد شاهر بحرارة: قصي حلا تعبانة وجواها وجع العالم وما فيه ومعندهاش استعداد تخسر حد لانها جربت طعم الفراق مرة وكانت هتموت فيها واتدمرت لو داقيته تاني هتموت فعلا وخصوصي انت سبب بعادها عنك عشر سنين وجرحها ليك بالرغم ان ده بيوجعها وبيموتها هو السبب ده الفراق انها تخسرك زي ما خسرت اهلها قصي افهم بقى وبطل غباء حلا بتحبك جدا هي بتحبك حب محدش يتخيله ولا يتوقعه بالرغم انها بتبقى مدايقة منك ومجروحة وانت دابحها بس قلبها بيتمرد عليها لانه بيحبك ومشتاقلك بالرغم من كمية الوجع اللي انت بتسببهولها بس هي لسة بتحبك ومستعدة تموت بس انت ميحصلكش حاجة مستعدة تتحمل وجع ملهوش نهاية بس انت متنشكش بإبرة وتتوجع فتخيل انت بقى لمجرد انها تتخيل اللي قولته انت حصل وانك مُت ايه هيكون شعورها حاول كدة تتخيل ان ده حصل معاها هي وهي اللي ماتت وشوف انت هتحس بإيه
قصي بحزن: قبل كدة تخيلته او حلمت بحلم زي كدة كان قلبي واجعني اوي وحاسس ان روحي بتتسحب مني
شاهر ابتسم: اهو الوجع ده بقى حلا بتحسه بس عشر اضعاف ايوة متستغربش كل ما الحب كان اكبر كل ما كان الوجع اشد واكبر لو قولتلك انها بتعشقك يبقى انا بظلمها لانها بتحبك اكتر من كدة بمراااااحل قصي علشان خاطر ربنا مش علشان حد كفاية توجعها حرام عليك هي متستاهلش كل ده لو بتعاقبها علشان بعدت عنك عشر سنين فهي اتعاقبت عقاب محدش يتعاقبه لو ارتكب ذنب كبير حلا اتوجعت في حياتها كتير واظن انت عرفت الحكاية كلها حرام يعني مش قبل وبعد وجع انت المفروض تداوي جروحها القديمة مش تزيد الوجع حلا محتاجاك يا قصي حتى لو قالتلك عكس ده وانها بتكرهك او مش عايزاك وعاوزة تبعد اعرف انها موجوعة وموجوعة جدا ومش محتاجة غير حضنك تطمنها وتخفف عنها الوجع بس اذا كنت انت اللي مسبب الوجع وقتها حضنك مش هيفيد بل بالعكس ممكن يزود الوجع متخلهاش تكره اليوم اللي حبيتك فيه واللي وافقت انها تبقى جنبك وقريبة منك متندمهاش انها مفضلتش بعيدة عنك يا قصي ومرة تانية ياريت متذكرش قدامها سيرة الموت او ان يحصلك حاجة لانها مش هتستحمل وهتتعب ونفسيتها هتدمر بلاش توجعها لانك هتندم بس الله واعلم لما تندم هتكون موجودة علشان تحاول تصلح اللي عملته ولا هتكون في مكان تاني صعب انك توصلها فيه انت مش هتعرف تشوفها فيه وهتبقى بعيدة عنك كل البعد ومش معاك هتتمنى انك تلمح بس خيالها بس حتى ده مش هتنوله وساعتها هتتوجع وجع ملوش نهاية
ربط على كتفه ثم ذهب سيرين دلت قصي على غرفة حلا فدلف جلس بجانبها ينظر لها ويفكر بكلام شاهر ظل جالس بجانب حلا حتى اذان الفجر ثم قام توضأ وادى فريضته وهو جالس يسبح شعر بها فإلتف لينظر لها رأها تعقد حاجبيها بضيق وجبينها به الكثير من حبيبات العرق وتتنفس بصعوبة وتمسك بالغطاء بقوة قصي اقترب منها وعانقها واخذ يهمس بأذنيها
قصي: حلا اهدي انا جنبك ده كابوس حبيبتي اهدي
واخذ يربط على ظهرها ويقرأ قرأن حتى هدأت واستعادت وعيها وفتحت عينيها ابعدها قصي قليلا واراحها على الفراش
قصي بحب: حاسة بإيه دلوقتي
حلا: حاسة بوجع خفيف في قلبي
هنا دلف شاهر: ياااه اخيرا صحيتي انا قولت هتدخلي في غيبوبة يا ست......حاسة بإيه دلوقتي
قصي: بتقول قلبها بيوجعها بس وجع خفيف
فحصها شاهر وبإطمئنان: بس انتي تمام اهو ممكن الوجع ده بسبب خوف او قلق بس اهدي واطمني ها
اومأت حلا بتفهم: عاوزة اروح
قصي: حبيبتي انتي لسة صاحية خليكي شوية
حلا: لا خدني على البيت
شاهر: متحاولش معاها هي فيه عداوة بينها وبين المستشفى خلاص هي بقيت كويسة بس ياريت بلاش ضغوطات عصبية وحرقة دم وارتفاع ضغط وكلام ملوش لازمة ها علشان قلبك ميوجعكيش وتتعبي.
كان يتحدث وهو ينظر لقصي قصي فهمه
حلا بضجر: انت واسطوانتك المشروخة بتاعت كل مرة يا عم فهمنا وحفظنا ومذاكرين كويس لو حابب اسمعهالك بالتهزيئ
قصي ضحك وكذلك شاهر
شاهر: ماشي يا ام لسان ونص حمد لله على السلامة وياريت مشوفش وشك تاني في المستشفى
حلا ضحكت: ده بعينك انا مسافة ما بخرج برجع تاني من حبي في المستشفى هي متقدرش تعيش من غيري لحظة
شاهر: لا بس قصي ميقدرش يعيش من غيرك اكتر من المستشفى ذات نفسها وهي عندها استعداد تستغنى عنك عادي متقلقيش
حلا جلست بإعتدال وهي تعقد حاجبيها بضيق لتألم قلبها: قصدك صاحب المستشفى ودكتوري هو اللي عنده استعداد يستغنى ها ماشي يا شاهر
شاهر: هتعملي ايه يعني
حلا: ولا حاجة
شاهر: اه بحسب
حلا: لا متحسبش ومتاخدش مقلب في نفسك اوي مش علشان انا تعبانة ومش قادرة اتكلم هتظيط فيها افوقلك وهبقى اقولك هعمل ايه
شاهر: كدة ومش قادرة تتكلمي اومال لو قادرة هتبقي راديو ولا بلاعة
قصي ضحك بشدة: خلاص اهدوا انتوا الاتنين انا اسفلكوا خلاص يلا يا حلا علشان نروح ونسيب الواد ده لوحده في المستشفى مش لاقي اللي يعبره
شاهر: اقف معاها وفي صفها حلو ياخويا خليها تنفعك
قصي بحب وهو يعانق حلا: ان موقفتش مع مراتي هقف مع مين معاك انت؟! وبعدين متقلقش حلا هتنفعني اكتر منك
شاهر: واطي واطي بتبيع عشرة عمر علشان حب حياتك
قصي: ما انت بتيجي عليا علشانها واسمك تعرفها من سبع سنين بس
شاهر: وهو انا باجي عليك كدة افترى ولا علشان انت بتستاهل
حلا بتعب: بس انتوا الاتنين لا تيجوا عليا ولا تيجوا على بعض خلاص بقى استهدوا بالله وصلوا على النبي
شاهر وقصي ابتسموا: عليه افضل الصلاة والسلام
قصي: يلا علشان نروح
حلا انزلت قدميها وجلست على الفراش قصي جلب حذائها وانخفض وساعدها بإرتدائه
شاهر: هو فيه حد في البيت عرف حاجة
قصي: لا مقولتلهمش حاجة لو عرفوا بالصدفة انا وحلا هنتهزأ احلى تهزيئة وخصوصي من حمايا محبتش اقولهم علشان ميقلقوش
حلا قامت وقفت ولكن شعرت بدوار شديد قصي اسندها قبل ان تقع وحملها بين يديه وهبط للاسفل وادخلها بسيارته وصعد وانطلق للبيت على ما وصل للبيت كانت حلا غفت فهبط وحملها ودلف بهدوء للمنزل وصعد لغرفتهم وضعها على الفراش وخلع عنها حذائها ودثرها جيدا وقام ابدل ملابسه ونام بجانبها
__________________________________
مر اسبوع ولم يحدث جديد بين حلا وقصي واخوانها في احد الايام كانت حلا في المركز تعمل ومايا خرجت قليلا لتجلب طلبات للمنزل وهي في المول قابلت مجموعة من البنات كانوا معهم بالكلية ولكن حلا لا تحبهم
ماري: مايااااا
مايا التفت لمصدر الصوت واغلقت مع فهد الهاتف: اهلا ماري اخبارك ايه
ماري: الحمد لله انتي اخبارك ايه
مايا: الحمد لله
ماري: عاش مين شافك وسمع صوتك ايه اختفيتي انتي وحلا
مايا بتوتر: اه انتي عارفة بقى ضغوط الحياة وكدة
ماري: طب البت جميلة وآسيا فين عاوزين نشوفهم متعرفيش عنوانهم
مايا بتهرب: اومال فين باقي الشلة
ماري: في المحل ده بيجيبوا حاجات وهيخرجوا
خرجت نانسي ونيڤين من المحل وماري استدعتهم ليسلموا على مايا
مايا بنفسها: يا ربي اهرب من دول دلوقتي ازاي حلا لو عرفت هتولع فيا هووووف
نانسي عانقت مايا: اخبارك ايه يا مايا عاش من شافك يا ست
نيڤين: والله وحشاني جدا يا بت انتي اختفيتوا انتي والشلة روحتوا فين
نانسي: بقولكوا ايه ما تيجوا نروح معاها على البيت ونشوف حلا بقالنا كتير مشوفنهاش
مايا بتوتر وقلق: لا ما حلا في الشغل مش في البيت
ماري: عادي نستناها لحد ما ترجع واهو تكلمي باقي الشلة جميلة وآسيا ورقية ونتجمع يلا بينا
مايا لم تعرف كيف تتهرب منهم صعدت بسيارتها وخلفها نيڤين بسيارتها ومعها نانسي وماري
مايا: انا كدة حلا هتخلص عليا انا انتهيت يارب استرها ويارب حلا وقصي ما يجوا قبل ما دول يمشي لان لو قصي جيه ديه حلا مش بس هتولع فيا لا ديه ممكن تشويني على نار هادية يارب استرها
انطلقت مايا للمنزل واتصلت بجميلة لتحدثها
جميلة: السلام عليكم ايه يا حجة اوعي تكوني مش عارفة تجيبي طلبات البيت علشان عارفاكي بتفهمي في الامور ديه اوي
مايا بقلق: وعليكم السلام جميلة انا هموت من الخوف وعلى الاغلب موتي هيبقى انهاردة
جميلة بقلق: مالك ابت عملتي ايه يا مصيبة
مايا: وحياتك المصايب هي اللي بتجيلي
جميلة: احكي انجزي في ايه قلقتيني
آسيا لجميلة: في ايه يا بنتي مالها مايا
جميلة: استني بس
مايا قصت لها ما حدث بسرعة: وحاليا هما جايين معايا على البيت
جميلة وقفت وبإنزعاج وصدمة: يختاااااي ده موتنا انهاردة كلنا هيتولع فينا من قبل حلا الله ياخدك يا مايا الكلب انتي السبب
مايا: يا جميلة والله هعيط انا حاولت اهرب منهم بس معرفتش قولتلهم حلا في الشغل قالولي هنستناها لحد ما ترجع مش ذنبي انهم عاملين زي الجرادة وفرضوا نفسهم عليا
جميلة: مايا انتي عارفة حجم المصيبة اللي احنا فيها البنات دول مكانوش بيبطلوا كلام عن قصي ومعجبين بيه لو شافوه هنا وحلا جت شافتهم قاعدين وقصي موجودة البيت كله هيتطربق فوق دماغنا كلنا واحدة ورا التانية وحلا اصلا مبطيقهمش فما بالك بقى نظراتهم وكلامهم مع قصي وعنه هتقتلهم وتقتلنا وكمان الله واعلم لو شافوا ازواجنا هيعملوا ايه
مايا بدموع: طب اعمل ايه دلوقتي حلا تعبانة ولو شافتهم ضغطها هيعلى وقلبها هيتعبها
جميلة بقلق وتوتر: العمل عمل ربنا بقى يلا اقفلي وخلي بالك من الطريق ولما يجوا ممكن نحاول نطفشهم بأي طريقة مع انهم بجحين يلا سلام
اغلقت مع مايا
آسيا: ايه في ايه قلقتيني ابت مالها مايا
جميلة قصت لها ما قالته مايا
رقية بصدمة وقلق: ابوس ايدك بلاش تقولي انهم جايين
جميلة اومأت بالموافقة: اممم جايين
آسيا: يلهوووويييي يا جدعان انا مبطيقهمش ودول بنات مايعة وملزقين كدة وكمان بيحرقوا دم حلا وحلا مبطيقهمش ولو شافتهم ممكن تدخل المستشفى بسببهم وكمان اللي بفهموا من تعامل حلا معاهم انهم قبل كدة عاملولها مشكلة بس معرفش ايه هي
جميلة ضحكت بسخرية: سيبك من كل ده دول معجبين بقصي حلا مكانتش بتسمع كلامهم عن الشباب ولا تعرف ازاي بيتكلموا ونظراتهم بتبقى ايه لما تيجي سيرة قصي هي عارفة انهم معجبين عادي فتخيلي بقى لو شافوه وحلا هنا قيامتنا بالصلاة على النبي كدة هتقوم كلنا عاطل مع باطل وحلا في عصبيتها وحشة ومبتشوفش قدامها انا بقول نتشاهد من الاول ونقرأ على روحنا الفاتحة
إيلين: لحظة بس علشان افهم متقولوليش ان الشلة المايعة الخرا اللي حلا بتكرهها هي ديه اللي جاية
رقية اومأت برأسها بالموافقة: نعم هي بذات نفسها وهيتولع فينا بإذن الله
إيلين: الله احلويت معلومة بس يا رقية انتي عارفة انهم معجبين بفارس او واحدة منهم معجبة بيه
رقية بغيظ: كماااان شكلي انا وحلا هنولع فيهم بس حلا هتولع فينا بعديها
إيلين ضحكت: لا ومش بعيد لو شافوا فهد وباقي الشباب الله احلويت. وضحكت
روما بإستغراب: مالكوا مرعوبين كدة ليه كإنهم هياخدوا منكم ازواجكم
جميلة: محدش يقدر يعملها وبعدين احنا موجودين ومش هنسيبهم بس المشكلة في حلا
انجلي: برضه مش فاهمة ايه المشكلة في كدة عادي معجبين بقصي زي اي معجبين
آسيا ضحكت: ونبي انتي على نياتك بصي افهمك ازاي تحسيهم بنات مش مظبوطة وكمان طريقة كلامهم عن قصي ووصفهم ليه كانت جريئة شوية وواحدة منهم كانت تتمتى تتجوزه
رقية: يا خوفي لو عرفوا انها مراته يبقى هما وعمرو عليها ويخربوا بيتها
جميلة: الله احلويت بُصوا من الاخر احنا ميتين ميتين
ساندي: يا جماعة ليه القلق ده اكيد حلا هتعرف تتصرف معاهم
إيلين: افهمي يا حبيبتي حلا مبطيقهمش هقولك شوفتي هي كانت بتتعامل معاكي ازاي في الاول
ساندي: اه تحسي ان فيه بيني وبينها تار او قاتلالها قتيل
إيلين: اهي هي اسوأ من كدة معاهم هو تقريبا والله اعلم عاملولها حاجة معرفش ايه هي بس تقريبا اذوها وهما مستفزين وحلا لما بتتعصب ضغطها بيعلى وده بيأثر على قلبها
ساندي: امممم فهمت قصدكوا ان البنات دول وسخين وشمال ومش مظبوطين
جميلة وآسيا ورقية وإيلين معا: بالظبط كدة وبتوع شباب
روما: طب ازاي حلا تعرف بنات كدة
جميلة: يا بنتي حلا متعرفهمش بس هما كانوا بيكرهوها زي ما بتقولوا كدة غيرانين منها لان حلا ايام الكلية اي حد من الشباب يشوفها بس يعجب بيها ومعظم الكلية كانوا معجبين بيها بس قبل حلا مكنش فيه غيرهم فاهمة لما اختك بقى جت غطت عليهم فغيرانين منها لانها محترمة واخلاقها عالية وبالرغم انها كانت بتهزأ الشباب بس ومع ذلك كانت بتكبر في نظرهم لانها محترمة وملهاش في الشمال وكمان حلوة كشكل وقمورة وعندها مواهب كتير رسم وعزف وغنى وكل حاجة وكانت دايما في المقام الاول في اي حاجة يعني لو الكلية هتعمل حفلة لازم يقولوا لحلا ولازم تحضر لو عندها ظروف يستنوا لحد ما تفضى بمعنى اصح كانت محبوبة من قبل الاساتذة والكل حتى المدير ولما حد كان يكلم حلا وهي تهزأه او تضربه مكنش بيقولها انتي بتعملي ايه لانه عارف انها على حق ومكانتش بتتكلم مع اي شاب في الكلية ولو حد جيه سألها عن حاجة ممكن تجاوبه لو محترم لو مش محترم بتفهمه وبتحرجه وتهزأه وتعرف ايه هدفه بس بمعنى اصح هي احلى منهم في كل حاجة والعين متكرهش غير الاحسن منها
روما: خلاص احنا نشتغل عليهم
آسيا: دول مش ساهلين يا روما وبصراحة حلا بس اللي بتقدر عليهم
ساندي: جرى ايه ابت منك ليها اجمدوا كدة واحنا كلنا مش هنقدر عليهم ليه ان شاء الله هما كام واحدة
رقية: تلاتة
ساندي: طيب في ايه مالكوا
إيلين: اصل حلا الوحيدة اللي بتوترهم علشان فهماهم كويس
هنا جائهم طرق الباب قامت رقية فتحت كانت فريدة دلفت على البنات: السلام عليكم مالكم قاعدين متوترين وقلقانين كدة ليه في ايه
جميلة: فيها مصيبة كبرى كبرى كبرى وربنا يستر علينا
آسيا: فاكرة نانسي ونيڤين وماري
فريدة: اه مالهم.....اوعي تقولي جايين
رقية: اه جايين
فريدة رفعت يدها كأنها تدعي وبمرح: ربنا يرحمكم جميعا مقدما
رقية ضربتها على كتفها: انتي بتهزري واحنا هنموت من القلق
هنا هبط فارس من غرفته ودلف على البنات: صباح الخير يا بناتيت
البنات: صباح النور
فارس اقترب من رقية وطبع قبلة على وجنتها: صباح العسل على احلى عيون ايه الاخبار
رقية بغيظ: انت مروحتش على الشغل ليه انهاردة
فارس بإستغراب: يا ساتر يارب الزوجات كلهم هيموتوا وازواجهم يقعدوا معاهم وميروحوش الشغل وانتي عايزاني اروح الشغل قولت أأجز انهاردة
إيلين: لا معلش انزل انهاردة واجز بكرة
هنا دلف عليهم قصي وادم واريان وفهد وسمير ومعا: السلام عليكم جميعا
البنات بقلق: وعليكم السلام انتوا ايه اللي رجعكوا
ادم بإستغراب: ايه ده انتوا مكنتوش عايزنا نرجع
قصي بإستغراب وعدم ارتياح: مالكوا في ايه
سمير: وبعدين فيه حد يقول لحد راجع من برا كدة ايه بتطرودونا
فارس: ونبي ياخويا ما اعرف مالهم حتى لسة صاحي رقية بتقولي مروحتش على الشغل ليه وإيلين بتقولي انزل الشغل انهاردة واجز بكرة مالكوا في ايه
جميلة بتوتر: لا عادي مفيش انا بقول تطلعوا ترتاحوا شكلكوا تعبانين
آسيا: اه انا اتفق مع جميلة اطلعوا ارتاحوا تلاقوا الشغل كان كتير وجايين تعبانين انا هطلع احضرلك هدوم يا اريان
اريان بإستغراب: هو اولا بس كدة مكنش فيه شغل كتير واحنا مش تعبانين وتمام ثانيا في ايه ايه الاهتمام المفاجئ ده
آسيا رفعت احدى حاجبيها وبغيظ: قصدك ان انا مبهتمش بيك
اريان ضحك بخفة: مش القصد بس فيه حاجة غريبة انهاردة ايه
آسيا: لا عادي مفيش
انجلي: قصي هتاخد شاور احضرلك لبسك
قصي بإستغراب: ليه حلا فين
روما: في المركز يا قصي هي مقالتلكش
قصي بتذكر: لا كلمتني بس انا نسيت طيب يا نونو حضريلي لبس على ما اخد شاور
صعدوا الشباب لغرفهم والبنات جهزوا لهم لبس ووصلت مايا والبنات للمنزل ودلفوا وسلموا على الجميع وجلسوا معهم
ساندي بهمس لإيلين: دول ملزقين اوي
إيلين ضحكت بخفة بصوت منخفض: اه بس اسكتي بقى لحسن يلاحظوا ومش هنخلص منهم
نانسي: ايه يا إيل بتضحكي على ايه ضحكينا معاكي
إيلين: لا عادي بس ساندي قالتلي حاجة فضحكت
نيڤين: بجد طب ما تقوليلنا يا ساندي وضحكينا معاكي
ساندي: لا عادي كنت بقولها ان كان عندي مجموعة بنات زيكوا كدة صحابي بس كانوا ناس تقيلة وإتمة ورخمة ودايما يفرضوا نفسهم على الناس ومكانوش محبوبين ابدا ومبينزلوش من زور كدة زيكوا بالظبط
إيلين وروما ورقية ومايا وفريدة حاولوا كبح نفسهم عن الضحك ولكن فلتت منهم
جميلة وآسيا وانجلي هبطوا وجلسوا معهم
ماري: ايه ده هي جميلة وآسيا انتقلوا هنا معاكوا
ساندي: وهو ده هيفرق معاكي ولا يهمك
ماري: لا عادي فضول بس مش اكتر
جميلة: اه اتنقلنا لهنا وعايشين هنا
نيڤين: بس حلو البيت ده بتاع مين حلا مش كدة
مايا: لا بتاع بابا وماما وحمايا وحماتي
نانسي بصدمة: ايه ده انتي اتجوزتي امتى ومين
مايا رفعت احدى حاجبيه وبغيظ: اتجوزت وخلاص حد ليه شوق في حاجة مين مش مين انا اللي عايشة معاه مش انتي
نانسي بإحراج: عادي يا مايا بندردش متقفشيش كدة
ماري: بنات ممكن حد يدلني على الحمام
إيلين: تعالي هدلك عليه
اخذتها إيلين ووصلتها للحمام وعادت للبنات وجلسوا يدردشون هبط اريان وادم وسمير وفهد من غرفهم ودلفوا تفاجئوا ببنات غريبة جميلة وآسيا اتغاظوا لانهم طلبوا من الشباب ان يظلوا بغرفهم
مايا بصدمة: انت رجعت امتى يا فهد
فهد: لسة راجع من شوية اخدت شاور ونزلت ايه مالك فيه حاجة
مايا: لا يا حبيبي عادي سؤال بس لان مش من عوايدك ترجع بدري
جميلة بغيظ: لا كلهم انهاردة اتفقوا يرجعوا بدري حبيبي انت ايه اللي نزلك مش كنت تعبان وهتنام
ادم ببرود مستفز: مجاليش نوم فقولت اجي اقعد معاكوا
نانسي: هو حضرتك شخص مشهور وكدة
ادم: اه ليه
نانسي: اصل حاسة اني شوفتك قبل كدة بس مش قادرة افتكر فين
نيڤين بتذكر: اعتقد انه رجل الاعمال المشهور ادم يحي الدالي صح واظن ان حضرتك اخوه الاكبر اريان يحي الدالي
ادم ابتسم: اه احنا هو احنا للدرجادي مشهورين
اريان جلس ولم يعطيهم اهتمام وظل يعبث بهاتفه جميلة كانت تستشيط غضبا من نيڤين ونانسي
إيلين بهمس لساندي: جميلة بتطلع دخان من ودانها ومناخيرها
ساندي ابتسمت: ده احنا لسة في البداية اومال لو شافوا قصي هيعملوا ايه
نيڤين: اه مشهورين جدا وكمان تصميماتكم واعمالكم هايلة الصراحة احنا من اشد المعجبين بحضراتكم
جميلة بغيظ: اه نانسي ونيڤين معجبين بكل رجال الاعمال المشهورين واعمالهم
نيڤين ببرود استفز جميلة: مش كله يعني فيه رجال اعمال زي ادم واريان جذابين ووسيمين فأكيد اعمالهم هتبقى حلوة زيهم
ادم ابتسم لانه يعلم ان جميلة ستنقلب عليهم ولكنه حب يستفزها
ادم: والله ده من ذوقك والناس اللي مذوقة والحلوة هي اللي بتعرف قيمة الشغل
جميلة نظرت له بغيظ وادم غمز لها وابتسم
ادم: شايفة يا جوجو شايفة الكلام مش انتي
جميلة بغيظ ورفعت احدى حاجبيها: ليه وكلامي ماله يا حبيبي
نانسي: هو انتوا بتحبوا بعض
جميلة بإبتسامة صفراء: اه وانا مراته مدام ادم يحي الدالي
نانسي بإنزعاج ولكن لم تبين: اه الف مبروك مكناش نعرف
جميلة بغيظ: الله يبارك فيكي عقبالكوا لما تلاقوا راجل يلمكوا بدل ما انتوا عمالين تتسرمحوا من هنا لهنا
نيڤين بغيظ: ليه حد قالك اننا مش لاقيين اللي يلمنا ولا ايه
جميلة: اه ده اللي انا شايفاه بصراحة
إيلين منقذة الموضوع: احم ايه يا بنات انتوا لسة ملقيتوش فارس الاحلام عاوزين نفرح بيكوا بقى
نانسي: لا لسة ملقينهوش لو لاقينا زي ادم ممكن يبقى نفكر في الموضوع
روما: هو انتوا عادي بتنادوا اي حد كدة متعرفهوش بإسمه من غير ألقاب
نانسي: لا احنا نعرفهم يا حلا
روما: اولا انا اخت حلا التوأم مش حلا واسمي روميساء ثانيا اظن انتوا متعرفهمش علشان تتكلموا معاهم بإسمهم من غير القاب انتي حيى الله معجبة يعني متعرفهوش يعني احسن تقوليله استاذ ادم او ممكن متتكلميش معاه اصلا
نانسي بغيظ: وانتي مين بقى ان شاء الله علشان تحددي تعاملي مع الناس
روما ببرود: انا اخته
هبط قصي من غرفته ودلف للصالون: نونو بقولك ايه متعرفيش حلا هترجع امتى لاني بتصل بيها مبتردش
انجلي بتوتر اقتربت منه وهمست: مش قولتلك متنزلش من اوضتك
قصي: اتحبس في اوضتي يعني
لفت انتباهه نانسي ونيڤين الذين ينظرون له بصدمة وعدم تصديق
قصي: ايه ده فيه ضيوف معرفتونيش يعني خلاص هطلع اوضتي واسيبكوا على راحتكوا بس متعرفيش حلا هترجع امتى
انجلي: لا ممكن يكون تليفونها مع امان او احد الزملى هي اكيد لما تشوف مكالمتك هتتصل بيك اطلع بقى على اوضتك
قصي بغيظ: ما الشباب قاعدين اشمعنا انا
انجلي بغيظ: اصل دول معجبين بيك
قصي ابتسم بخبث: ايه ده بجد طب ما تخلينا نتعرف
انجلي بغيظ: انت يابني ناوي تجلط حلا قصي اطلع على اوضتك وبلاش مشاكل اساسا انت لسة محالتش المشكلة الاولى علشان تعمل مشكلة تانية
قصي: على رأيك طب هطلع بس لما حلا تيجي خليها تطلعلي
انجلي بخبث: هي وحشتك ولا ايه
قصي: هو انا مش هنكر ده بس كنت عاوز اخد رأيها في حاجة
انجلي: ماشي اطلع بقى على اوضتك
قصي: ما تخلينا نسترزق
انجلي: هتطلع ولا اجيبلك احمد يطلعك امشي
قصي: حد قالك اني بخاف من حد وبعدين انا معملتش حاجة غلط وبيتي ومن حقي اقعد في المكان اللي يريحني بس هسيبكوا وهعديها ماشي
ماري خرجت من الحمام وكانت تعدل قميصها ومتجهة للصالون لم تنتبه لقصي فقصي وهو يلتف اصطدم بماري وماري اصطدمت به
ماري بإنتباه وهي ترفع نظرها له: انا اسفة مأخدت......... اتصدمت لما شافته
قصي: لا ولا يهمك انا كمان بعتذر مأخدتش بالي عن اذنك
ماري بصدمة: لحظة هو حضرتك رجل الاعمال المشهور قصي احمد الشناوي صح
قصي: اه ليه في حاجة
ماري بسعادة: لا حقيقي مش مصدقة عيني
وبدون اي مقدمات تعلقت في عنق قصي وعانقته قصي اتصدم من رد الفعل الجريئ هذا وتسمر مكانه وكذلك الشباب والبنات
مايا: لو حلا عرفت هتشعلقنا
جميلة: وهي هتعرف منين هي مش موجودة
حلا دلفت للمنزل في نفس اللحظة اللي اصطدمت فيها ماري بقصي ورأت الموقف كله وسمعت الحوار استشاطت غضبا وكورت يدها في قبضة واخذت تضغط على يدها وصدرها يعلو ويهبط من شدة الغضب ووجهها احمر......ماري وعيت للموقف فإبتعدت عنه بسرعة
ماري بإحراج: اسفة بس من وهل الموقف معرفتش انا بعمل ايه يعني هو الحقيقة انا من اشد المعجبين بحضرتك يعني وكان نفسي اقابل حضرتك واشوفك فمش مصدقة ان ده حصل لاني كنت حساه مستحيل
حلا دلفت للصالون وهنا مايا انتبهت لها ورأتها عندما كانت ماري تعانق قصي فنغزت جميلة التي بجانبها في ذراعها
جميلة التفت لها: يا نعم يا مصيبة
مايا بقلق وتوتر شديد: احنا على حافة الموت
واشارت لها بعينيها لمكان حلا فجميلة التفت وانتفضت بفزع: احييييييه بت يا آسيا الحقينا
آسيا نظرت لها ثم نظرت لمكان نظرها: الحق مبن ياما ده انا عايزة اللي يلحقني منك لله يا مايا الكلب انتي السبب
رقية نظرت للبنات بإستغراب: مالكوا يا عيال زي ما تكونوا شوفتوا حلا
آسيا هزت رأسها بالموافقة: نعم وقيامتنا قامت
رقية نظرت لمكان حلا: هو ربنا يستر علينا وكل حاجة بس يستر اكتر على قصي لانه في وش المدفع
قصي لم ينتبه لحلا وشعر بالغضب من تصرف ماري ولكنه حاول لا يظهر ذلك حتى لا يجرح مشاعرها امام الجميع
مايا بتوتر: حلوووول رجعتي امتى
الجميع انتبه لحلا التي تقف تعقد ذراعيها امام صدرها وتنظر لقصي وماري ووجهها ليس به اي تعابير عن الغضب او اي شئ
حلا ببرود: لسة داخلة
ماري اتجهت لحلا وعانقتها: حلول وحشتيني جدا يا كلبوبة عاملة ايه
حلا ابعدت وجهها عنها ورفعت حاجبها وتعابير وجهها دلت على شدة الانزعاج والشباب رأوها حلا امسكت ذراعها وابعدتها
حلا حاولت ان تبتسم بالرغم من ضيقها ولكنها فشلت فظهر شبح ابتسامة فقط: كنت كويسة لحد قبل ما اشوفكوا
ماري ضحكت بخفة وظنت حلا تمزح: عاش من شافك يا ست ومقولتلناش يعني انك عايشة مع رجال اعمال مهمين زي قصي
حلا وضعت يدها في جيبها: وهو انتي جاية علشاني ولا علشان قصي ثانيا هو انتي تعرفيه علشان تقولي قصي كدة حاف سادة من غير القاب ولا اهلك معلموكيش ازاي تتعاملي مع الرجالة الغريبة وجست على اسنانها واكدت على هذه الكلمة
حلا: ازاي يعني مثلا مينفعش تحضنيه ويكون فيه مسافة بس اللي شوفته بينلي انهم معلموكيش حاجة زي كدة
ماري بتوتر: مالك يا حلا في ايه احنا جايين علشان نشوفك بس يظهر انتي مش عايزة تشوفينا
حلا ضحكت بسخرية: ايه ده بجد انتي عرفتي اني مش عايزة اشوفكوا طب كويس انك عارفة والله انا قولت لازم اتكلم بوضوح علشان تفهموا
نانسي وقفت وبإنزعاج: مالك يا حلا في ايه هو فيه حد يستقبل اصدقائه اللي غايبين عنه بقالهم سنتين كدة
حلا ابتسمت بسخرية: اصدقاااء مرة واحدة معلش بس مين اللي قال ان فيه بينا صداقة اصلا ليه هو احنا اصدقاء
ماري: اومال ايه يا حلا
حلا: اظن انا مقولتلكوش اننا اصدقاء او حاجة زي كدة يعني على حسب ما ذاكرتي بتقولي ان انا مكونتش مع اشكال زيكوا صداقة
الجميع تفاجئ من كلام حلا ورد فعلها
ادم وقف: حلا انتي ا..........
قاطعته حلا: ممكن بعد اذنكوا محدش يتدخل علشان محدش يعرف حاجة نهائي
ادم انزعج من رد فعل حلا ولكنه فضل ان يصمت
نيڤين وقفت وبغيظ: يظهر يا حلا اهلك معلموكيش ازاي تتعاملي مع ضيوف البيت
حلا بإنزعاج وغيظ ولكن بهدوء مرعب: لا انا اهلي علموني حاجات كتير اهاليكوا معلموهالكوش زي مثلا محضنش راجل غريب عني او اوصف رجالة غريبة واتكلم واتعامل معاهم بحرية لا فيه حدود اهلي علموني تعاليم ديني وازاي اتعامل مع الرجالة الغريبة عني اهلي علموني اني مخدعش الناس وامثل قدامهم اني بحبهم ومن ورا ظهرهم اخطط مع اعدائهم ضدهم علشان ادمر حياتهم ومستقبلهم اهلي علموني اني مكونش بوشين ارسم قدامك اني بحبك واجي من ورا ظهرك اطعنك واخونك واخدعك اهلي علموني مأخليش حد يثق فيا وبعدين اخونه اهلي علموني حاجات كتير انتوا متعرفوهاش يعني زي الاخلاق والتربية والدين اللي هو اللي زيكوا لا يفقهوا شئ عنهم
ماري شعرت بالغضب ورفعت يدها على حلا ولكن حلا امسكتها
ماري بغضب: انتي ازاي تتكلمي عننا بالطريقة ديه
حلا امسكت يدها بغيظ وقوة ولوتها خلف ظهرها: لا انا اتكلم بالطريقة اللي تعجبني وواحدة زيك المفروض ميكونش ليها وش او عين علشان تقف قدامي وتتكلم عادي.
دفعتها حلا لتسقط على الطرابيزة امام البنات
نانسي بغضب: قصدك اننا مش محترمين ووسخين
حلا: الله عليكوا اهو كدة بدأتوا تفهموا
نيڤين بغضب: حلا مسحملكيش تتكلمي معانا بالطريقة ديه وتطعني في اخلاقنا وتربيتنا و...........
قاطعتها حلا بغضب شديد وصوت عالي اهتز له ارجاء البيت ويحي واحمد وسلمى ومها وفاطمة وسامية جائوا على صوتها العالي وكذلك محمد وفارس وعفاف وسحر وبنات سحر والجميع
حلا بغضب: لا مش واحدة زيك اللي هتسمحلي يا نيڤين اوعوا تكونوا فاكرين اني ناسية لعبتكوا الوسخة ضدي من سنتين لاااااا فوقوا واعرفوا انتوا بتكلموا مين انا حلا عمر ما حد يستغفلني مرتين استغفلتوني مرة وانا من البداية لا ارتحتلكوا ولا حبيتكوا بلاش وش البرائة والملايكة ده اظهروا على حقيقتكوا انا كنت ماشية معاكوا وعاملة نفسي مصدقة بس لحد هنا وكفاية انا عارفة انكوا بتحقدوا عليا وتكرهوني وده من الزمان ويا اللي بتتكلمي عن الاخلاق والتربية والاصول الضيافة هي الاصول بتقول واحدة كنت هتسبب في موتها قبل كدة وهي عارفة اجي ازورها كدة عيني عينك واقف قدامها واتكلم عادي......لحظة بس لا يكون عمرو باعتكوا ليا علشان لعبة وسخة تاني ضدي مش بعيد ده يكون صح
نانسي بغضب: لا مش صح احنا قابلنا مايا في المول وجينا معاها علشان نشوفك وكنا غلطانين اننا فكرنا فيكي
نيڤين: حلا بنعترف اننا غلطنا زمان بس ده مش معناه اننا وحشين
حلا ضحكت بسخرية: لا تصدقي دخلت عليا بجد لالالا حقيقي هندم اني بتكلم معاكوا بالطريقة ديه بصي فيه مثل بيقولوه ديل الكلب عمره ما يتعدل اللي يخون مرة يخون الف مرة واللي زي اشكالوا غارقين في الوساخة غرق وانا عمري ما هعرف اشكال زيكوا علشان اكون معاهم صداقة وعلاقتكم بمايا انتهت وملكوش اي علاقة بأي واحدة من الشلة او من البنات اللي اعرفهم وبلاش بقى تخلوني اظهر وشي التاني علشان هتندموا غلطوا في حقي كتييير وعديت وسكت بس ده مش معناه اني هبلة وهسكت كل مرة ارجع بيتي الاقي الهانم حاضنة قصي عاوزاني اعمل ايه اخدكوا بالاحضان واقولها براڤو
ماري بغضب: وانتي ايه اللي غايظك تكونيش مراته علشان تتكلمي بالطريقة ديه
حلا: بالظبط كدةةة انا مراته فعلا كويس انك عرفتيها من غير ما اقولها
نانسي ونيڤين وماري بصدمة معا: مراته ازاي
حلا: اظن شئ ميخصكوش علشان نخلص من حوار المحبة المزيف ده انا عارفة حقيقتكم الوسخة ومفيش بينا حاجة اسمها مسمى صداقة مكنش فيه ومش هيبقى فيه لاني من بيت محترم وبنت ناس ومحترمة معرفش الاشكال الوسخة اللي بتمشي مشي وسخ اعرفهم في حالة واحدة بس لو هدخلهم السجن واظن اللي انتوا عملتوه معايا من سنتين كفيل اوي انه يدخلكوا السجن لانها جريمة وانتوا شاركتوا فيها واللي مشارك في جريمة زي بالظبط اللي عاملها عارفين طريق الباب ولا ادلكوا مع انه ميشرفنيش امشي مع ناس وسخة زيكوا براااااا ولو لمحت خيال واحدة فيكوا قريب من مايا او حد من البنات فساعتها انتوا اللي جانيين على روحكوا برااااا
خرجت نيڤين وماري ونانسي من البيت وهم يشعرون بالغضب والانزعاج
يحي بإستغراب: حلا في ايه
مها: اهدي يا حبيبتي علشان العصبية ديه غلط عليكي وعلى قلبك
حلا: لحظة بس يا بابا
التفت للبنات حلا بغيظ وهدوء شديد: افهم بقى دول وصلوا لهنا ازاي
البنات نظروا بالارض وصمتوا حلا نظرت لفريدة
فريدة بخوف وقلق وتوتر: اقسم بالله انا معرفش متبصليش انا مليش ذنب ومش انا اللي جيبتهم انا لسة جاية من شوية
حلا: اومال مين اللي جابهم ماهو محدش يعرف عنوان البيت ده غيركوا والعيلة والعيلة متعرفهمش وحازم ومريم مش هنا واستحالة يقولولهم علشان عارفين اني مبطقهمش......ما تنطقوا خرستوا اقسم بالله لو مقولتوش مين اللي جابهم لهنا لاكون مهزئاكم واحدة ورا التانية عاطل مع باطل
جميلة: بُصي هحكيلك اللي حصل بس اهدي مايا كلمتني و........
قصت عليها ما حدث
حلا نظرت بغضب: يعني يوم ما تيجي من حد تيجي منك يا مايا ده انتي اكتر واحدة عارفة انهم مبيطقونيش اصلا
مايا: يا حلا والله حاولت امنعهم بس معرفتش قولتلهم انك مش في البيت قالولي هنستناها لما ترجع معرفتش اقولهم ايه
حلا بغضب: قوليلهم مش هرجع البيت انهاردة هي مش في البلد ماتت اي زفت وبعدين تعالي هنا انا مش قولتلك تبعدي عنهم
مايا: هو انا بقالي سنتين مبتواصلش معاهم بس يا حلا هما اذوكي انتي يعني اقطع انا ليه معاهم انا مالي هما مأذونيش
حلا: اه وانتي هتستني لما يئذوكي علشان تبعدي عنهم
مايا بغضب وانزعاج: يا حلا في ايه دايما انتي اللي بتحددي اصاحب مين ومصاحبش مين ودايما بتتحكمي فيا انا مش صغيرة علشان تتحكمي فيا بالطريقة ديه
حلا بغضب: انا مبتحكمش فيكي يا مايا انا بحميكي من ناس ممكن يئذوكي بس لو انتي شايفاه ده تحكم تمام يبقى هو كدة
مايا بغضب: كل ما اسألك عن السبب تقوليلي بحميكي حتى مش راضية تقوليلي هما عاملوا ايه معاكي ولا هو ايه العذر علشان تبعديني عنهم ولا لتكوني غيرانة منهم مثلا
حلا بصدمة وهدوء: اغير منهم مرة واحدة اغير من اشكال زي ديه ليه ان شاء الله ناقصة ايد ولا رجل وبعدين انا الحمد لله مبغيرش من حد وراضية باللي ربنا رزقني بيه وكاتبهولي
مايا: اومال في ايه يا حلا ليه الحقد والكره ده تجاههم انا عاوزة اعرف ليه عايزاني ابعد عنهم بالرغم اني مشوفتش حاجة وحشة منهم
حلا بغضب: عاوزة تعرفي تمام هقولك هما اتفقوا من سنتين مع عمرو ضدي وساعة لما اتفقنا على خروجة لما انا اختفيت فجأة ولما سألتي عني نانسي قالتلك اني في الشغل انا مكونتش في الشغل حاطولي مخدر في العصير وخطفوني وسلموني تسليم اهالي لعمرو وصحابه علشان يعتدوا عليا وده ليه لانهم غيرانين مني على ايه معرفش وكان ده بسبب مين عارفة ولا اقولك من يوميها اللي فرض عليا الخروجة ديه فاكرة ولا افكرك فاكرة اللي حصل
مايا بدموع: اه وقتها لما قولتلك نخرج معاهم قولتيلي لا انا مبحبهمش ومبرتحلهمش ساعتها حلفتك بغلاوة بابا وحياة قصي فساعتها خرجتي
حلا بحزن والم ودموع: حلو يعني فاكرة كويس انا مبتحكمش فيكي يا مايا انا بحاول احميكي من كل المُر اللي شوفته في حياتي وانا معرفش هما ناويين على ايه ممكن يئذوني فيكي وانا مش هستنى لما هما يئذوكي انتي بتقولي انك مش صغيرة بس بالنسبة للواقع وحقيقته انتي لسة صغيرة يا مايا ومتعرفيش اي حاجة ومتقدريش تعرفي مين عدوك مين بيكرهك ومين بيحبك انا كل اللي بعدتك عنهم في حياتك كان علشان مصلحتك مش علشاني كدة كدة انا ميفرقش معايا عيشت او مُت ولو عليا اموت انهاردة قبل بكرة لان طول ما انا معاكوا حياتكوا كلكوا معرضة للخطر بسببي ولو تفتكري انا جميلة وآسيا وفريدة عرفتهم عن طريقك ولو تفتكري كويس مكونتش بحب اكون صدقات للسبب ده كل زمايلي بلا إستثناء ماعدا مريم عرفتهم عن طريقك ومكونتش بنزل جامعات برضه علشان محتكش بناس زي ديه ولاني عارفة اني مش هخلص من نظرات الطمع والنظرات الوسخة من الشباب واللي يقف في طريقي ويرخم ويخفف دم اهله انتي عارفة كويس معظم الشباب اللي عرفتهم ان مكانش الكل اتهزأوا قبل واكتر واحد اتضرب مني واتهزأ حازم بس لانه كان محترم كان مُصر يكون صداقة معايا مع اني كنت رافضة بس لما لاقيتوا طالعلي زي الجرادة ولان فارس كان عارفه مسبقا عرفته ومع ذلك مكونتش بثق فيه في البداية لولا ان فارس عارفه مكونتش هعرفه انا قولتلك السبب اللي بيخليني مبطقهمش وبقولك تبعدي عنهم وانا من انهاردة مش هتدخل في حياتك وانتي حُرا تفضلي مصحباهم او لا بس يوم ما هيحصلك حاجة بسببهم ساعتها هحاسبك انتي مش هما لانك هتكوني السبب لاني حذرتك منهم مرة واتنين وعشرة بس انتي مُصرة تشوفيهم ملايكة مع انهم شياطين وانا اسفة لو كنتي شايفاني بتحكم في حياتك عن اذنكوا
صعدت لغرفتها دون ان تتحدث مع احد او تعطي لأحد فرصة للتحدث معها واغلقت على نفسها الباب وانهارت على الارض من البكاء عندما تذكرت خطتهم ضدها وكلام مايا الجارح.....في الاسفل انهارت مايا من البكاء
جميلة عانقتها: خلاص اهدي يا مايا
آسيا: انا مش فاهمة انتي بتعيطي دلوقتي ليه علشان جرحتيها ولا علشان كنتي السبب في اللي كان هيحصلها
مايا بدموع: الاتنين
روما بهدوء وإطمئنان: طب اهدي شوية كدة لما هي تهدى نبقى نطلع نتكلم معاها ماشي
اومأت مايا بتفهم
روما: بطلي عياط بقى خلاص
حل المساء وحلا لم تخرج من غرفتها طرق جرس الباب فتح مهدي ودلف امان
امان: السلام عليكم
الجميع: وعليكم السلام
امان: فين حلا
يحي: في اوضتها ليه
امان: عاوزها في شغل ضروري
يحي: روما اطلعي اندهي حلا
روما صعدت طرقت الباب حلا فتحت لها ودلفت لغرفتها فدلفت خلفها روما
روما: حلول عاملة ايه دلوقتي
حلا بهدوء: الحمد لله يا روما
روما: طب كويس امان عاوزك تحت
حلا بإستغراب: ليه في حاجة
روما: معرفش بيقول انه عايزك في شغل ضروري
حلا: طب اسبقيني هلبس وانزل
روما: هتلبسي ليه انتي رايحة المركز
حلا: لا يا غبية بس مش هنزل ببيجامة وستان يعني هتبقى ملفتة هلبس ترينج وانزل اسبقيني بس قوليله خمساية كدة وهتنزل
اومأت روما بتفهم وهبطت للاسفل اخبرتهم بما قالته حلا حلا دلفت ارتدت ترينج رياضي كحلي ثلاث قطع بنطلون وبلوزة بحمالة وچاكيت واغلقت الچاكيت ورفعت شعرها ذيل حصان واخذت هاتفها وهبطت للاسفل
حلا: مساء الخير
الجميع: مساء النور
حلا لامان: خييير
امان بتوتر: هو تقريبا مش خير
حلا: هو! وتقريبا! ومش خير! يبقى مش خير نهائي بخصوص ايه بقى المرادي
امان: مهمة فارس فيه شوية مشاكل
حلا: لا انتوا المشاكل عندكوا مبتخلصش صبح وليل منقوعة في مشاكل انجر قدامي على المكتب
فارس: انا جاي معاكوا مادام حاجة تخصني
حلا: خليك انت هنا لانه على الاغلب هي حاجة تخصني متخصكش خليك قاعد مع عيلتك لو عوزناك هنندهلك
فارس: بس..............
حلا رمقته بنظرة نارية فصمت حلا وامان دلفوا للمكتب
حلا: ها اشجيني
امان: بُصي اللي حصل انه..................
وحكى لها المشكلة
حلا بتفكير: مين اللي قالك الكلام ده
امان: مش انتي بعتي حد يراقب عمار
حلا: اه
امان: هو اللي قالي وصوره كمان
حلا اسندت ظهرها على الكرسي بإرتياح وخبث: حلو اوي
امان: الخطة ايه بقى لان كدة الخطة المزيفة اتعرفت
حلا: مفيش جديد هنفضل مشيين على نفس الخطة
امان: بس كدة فيه خطورة عليكي يا حلا
حلا: يا عم سيبها على ربنا فيه حاجة تانية ولا
امان: اه بخصوص قضية والدك وحماكي وجدك فيه مستجدات
حلا بفضول: قول
جلسوا يتناقشون ببعض المخططات لمدة ساعة
حلا: تمام كدة هنستنى سام وبعدين نبدأ في التنفيذ
امان: تمام عاوزة مني حاجة بقى قبل ما اروح
حلا: عاوزة سلامتك بس وانت خارج اندهلي الواد فارس عاوزاه
اومأ امان بتفهم وخرج واخبر فارس بأن حلا تريده فدلف فارس للمكتب
فارس: انتي عاوزاني يا حلا
نظرت له حلا: اه اقفل الباب وتعالى
اغلق فارس الباب ودلف جلس على احدى الكراسي امام مكتب حلا
فارس بقلق: خير
حلا: هو خير طلع عمار هو اللي ورا تسريب المعلومات فعلا وهو اللي متعاون مع العصابة حاليا العصابة عرفت بإن انا الضابط اللي ماسك المهمة وبالخطة اللي احنا عاملينها بس فيه حاجة بسيطة هنزودها
فارس: ايه هي
حلا: يوم التنفيذ اللي هو بعد اسبوع او ستة ايام تقريبا هنكفل عمار بشغل تاني بعيد عن المهمة وتليفونه هنبقى مراقبينه ويوميها هيتقبض عليه بس بعد ما نخلص المهمة انا وانت هنروح مع بعض وننفذ المهمة هنفذ الخطة اللي انا وانت حطيناها مع فريقك اللي اخترناه وهناخد كام واحد من فريقي هنقسم نفسنا فريقين فريق معاك وفريق معايا وهنبقى انا وانت على تواصل مع بعض انت وفريقك هتركزوا على رجالة العصابة وانا هركز على زعيمهم
فارس بإنزعاج: بس كدة انتي بتعرضي حياتك للخطر كل ده علشان تحميني
حلا ابتسمت: اولا اه علشان احميك فارس انت اخويا اللي مش من ابويا ولو جاسر مكانك هعمل كدة وزيادة طب تصدق بالله انا لو عليا اخد منك المهمة ديه بس عارفة ان التصرف ده هيجرحك فمعملتش كدة بس مش هسيبك لوحدك هاجي معاك ثانيا انا عاوزة زعيم العصابة في حاجة تخص مهمتي ثالثا انت مالك انت انا كدة واخدة عنك الخطر ولا لا كنت اشتكيتلك وبعدين يا عم متكبرش الموضوع اوي كدة سيبها على الله الاعمار بيدي الله
فارس بإنزعاج: بس يا حلا كدة فيه خطورة كبيرة على حياتك
حلا قامت: يا عم بلاش تشاؤم وسيبها على الله بس وان شاء الله كله هيبقى تمام قوم خلينا نخرج برا يلا
خرجوا معا من المكتب وهنا دلف لوئي من الخارج
لوئي بتعب: السلام عليكم
الجميع: وعليكم السلام
جلس لوئي حلا بإنزعاج: انت يا بني انت مش مصاب وتعبان والمفروض في اجازة ايه اللي نزلك الزفت المركز
لوئي بإستغراب: انتي عرفتي منين
حلا: كنت في المركز انهاردة وشوفتك بس محبتش اكلمك علشان اللي هناك وكدة كنت بتعمل ايه هناك بقى
لوئي: كان عندي شغل
حلا رفعت احد حاجبيها وبغيظ: والله
لوئي نظر لها وابتسم: انتي عايزة ايه دلوقتي يا حلا انا راجع تعبان
حلا بغيظ: ما انا عارفة انك راجع تعبان وطبيعي هترجع تعبان ليه لان شاهر قالك ترتاح وحضرتك الاسم واخد اجازة ونازلي المركز تشتغل
لوئي: فيه شوية شغل لازم اخلصه
حلا بغيظ: هي مراتك مش عارفة تاخد بالها منك ولا ايه
روما: لا والله حاولت اقنعه بس مرضاش محبتش اضغط عليه
حلا بغيظ: خلاص يتحبس في الاوضة زي الاطفال يابني حرام عليك نفسك وطبعا انت مأكلتش انهاردة ومأخدتش العلاج ومغيرتش على الجرح ومش بعيد تتعب اكتر وحرارتك ترتفع هو انت غاوي تعب
لوئي: سؤال بس انتي لما بتكوني مصابة وعندك شغل بتسيبيه ولا بتكملي شغل حتى لو بتموتي
حلا: انت هتجيب نفسك ليا اولا انا مبنزلش غير للضرورة القصوى وانت عارف ده كويس بس انت واخد اجازة ومحسوبة عليك انها اجازة وراحة وانت مبترتحش وبعدين الدكتور نصحك وقالك لازم ترتاح بس سيادتك بتعمل ايه وكدة كدة الشغل مبيخلصش لو فيه شغل بكرة هبقى اكلمك وانا هناك واخلصهولك نزول للمركز تاني لا وإلا اقسم بالله قدام الكل اهو هتزعل من تصرفي معاك قدام الكل هاااا عاوز تصغر نفسك
لوئي: بس يا حلا ا.............
حلا: معندكش حجة قولت الشغل حليتلك مشكلة الشغل هكلمك انا كدة كدة رايحة بكرة هكلمك تقولي الشغل اللي عاوز تنجزه وانا هنجزهولك غير كدة هتزعل مني اللهم ما بلغت اللهم فأشهد وانتي يا زفتة بعد كدة جوزك مينزلش من البيت مادام مصاب وتعبان
روما: حاضر....عجبك كدة جبتلي الكلام
دلف آسر: السلام عليكم جميعا
الجميع: وعليكم السلام
روما: حلول
حلا وهي تنظر بهاتفها: امممم
روما: البت مايا عاوزة تقولك حاجة
حلا نظرت لها: نعم فيه حاجة
مايا بتوتر: ها اااا.....لا.....اااا.....لا فيه يعني هو بصراحة
روما: ما تتكلمي وتخلصي ايه القط اكل لسانك ما انتي كنتي الصبح لسانك فرقلة دلوقتي قلبتي قطة
حلا نظرت لروما: ما تسيبيها براحتها يا بت مالك ومالها ده على اساس انتي مبتبقيش كدة وممكن تفضلي ساعتين متنطقيش تكرري بس مش اكتر قولي يا مايا اللي انتي عايزة تقوليه من غير توتر او خوف
روما: دلعي فيها ياختي حلو وانا قاعدة زي رجل الكرسي محدش معبر اهلي
حلا بخبث: ما جوزك بيدلعك ولا تنكري ده هو انا معرفش بخصوصكوا مع بعض ايه نظامكوا بس اكيد لوئي بيدلعك ولا ده مش مكفيكي ولا مالي عينك
روما: لا هو لوئي لوحده مالي عيني بس انتي اخرجي منها
الكل ضحك ولوئي ابتسم بحب
حلا: لا والله ياختي ما دخلت لسة علشان اخرج منها انا من برا برا على فكرة بس يظهر انتي محتاجة نضارة نظر علشان اتعميتي مبتشوفيش
روما: شكرا يا اختي قصدي يا اللي كنت فاكراكي اختي على فكرة انتي عاملة تدلعي في مايا ونسياني خاااالص ها وانا ساكتة
حلا رفعت احدى حاجبيها: ده على اساس الدلع اللي دلعتهولك ايام امتحاناتك وبعد الامتحانات ده كان ايه ان شاء الله
روما: لا ده فاااات عليه كتير عاوزة اتدلع تاني
حلا: ما تشوف مراتك عاوزة ايه يا لوئي دلعها مينفعش كدة البت عندها فراغ عاطفي رهيييب
روما: لا معنديش فراغ عاطفي تجاه لوئي بس عندي تجاهك
حلا بخبث: ايوة صح معاكي حق اصل لوئي مالي الفراغ العاطفي الخاص بيه
روما خجلت: ما تتلمي يا حلا
حلا: حد قالك اني متبعترة قدامك ومش لاقية اللي يلمني.....احنا نسينا مايا قولي يا حبيبتي عاوزة تقولي ايه وانتي اخرسي وملكيش دعوة بالبونية هي مش قدك
روما: اشبعوا ببعض ياختي
مايا اتجهت لحلا ووقفت امامها ثواني تنظر لها
حلا بمرح: لا انا كدة دماغي هتحدف بعيد وانا لو دماغي راحت شمال مبترجعش
الكل ضحك حتى مايا ولكن كان بمقلتيها دموع عانقت حلا وتعلقت بعنقها وتحدثت بجانب اذنيها
مايا بدموع: انا اسفة على اللي قولته الصبح مكنش قصدي بس كنت مدايقة لاني كنت عاوزة اعرف السبب اللي بيخليكي تتصرفي معاهم كدة عارفة اني جرحتك ويمكن كمان قلبت عليكي مواجع من الماضي انا اسفة انا عمري ما حسيت انك بتتحكمي فيا يا حلا وعارفة انك كل مرة تكلميني فيها بيبقى علشان مصلحتي ولانك بتحبيني وبتخافي عليا معرفش ازاي قولت الكلام ده الصبح بس والله ما كنت اقصد انا اسفة....اسفة اني كنت السبب في اللي كان هيحصلك يمكن لولا اني اصريت عليكي تخرجي واني حلفتك بغلاوة بابا وقصي مكنتيش هتخرجي ومكنش هيحصل اللي حصل...واسفة على كل مرة جرحتك وكل مرة كنت السبب في اني اعرضك للخطر وتكوني محل خطط بشعة تتنفذ في حقك انا اسفة
حلا عانقتها وربطت على ظهرها قليلا حتى هدأت ثم ابعدتها عن حضنها ومسحت دموعها
حلا بهدوء وقليل من المرح: هو مبدئيا كدة هكون صريحة معاكي انتي مش يمكن قلبتي مواجع الماضي لا هو ده اكيد يعني ثانيا انتي عارفة كويس ان كلمة اسفة ديه بتنرفزني ومبحبهاش لانها بصراحة مبتفيدش ثالثا بقى وده الاهم انتي ملكيش ذنب في اللي حصل لان كدة كدة سواء بيكي من غيرك كان هيحصل وديه مكانتش لا اول مرة ولا اخر مرة اتعرض لحاجة زي كدة بس كل الحكاية انهم جابوني ليهم عن طريقك مش اكتر وانتي كنتي ضحية لمخططاتهم لانك متعرفيش نواياهم رابعا مين يبقى عنده الجمال ده كله والقمر ده والبرائة ديه ويزعل او يتجرح منه ها انا عارفة انك مكونتيش تقصدي الكلام اللي قولتيه الصبح لانك كذا مرة تسأليني عن السبب وانا ارفض اقولك لاني عارفة اني لو قولتلك هتشيلي نفسك الذنب وانتي ملكيش اي ذنب خامسا لو شوفت دموعك ديه تاني او لو عيطتي لاي سبب هزعلك وجامد كمان
مايا ابتسمت من وسط دموعها: يعني انتي مش زعلانة
حلا: فكرك يعني لو انا زعلانة كنت عبرت وش اهلك
هزت مايا رأسها بالنفي
حلا ابتسمت: طيب خلاص بقى بطلي نكد وقرف على المسا هي مش حرقة دم صبح وليل
مايا: طب لو بجد مش زعلانة مني تديني بوسة
الكل ضحك وحلا ابتسمت وطبعت على وجنتيها الاثنين قبلة وعلى جبينها واخذتها بحضنها
حلا: حلو كدة ولا عاوزة ازيد
مايا بتفكير: امممم والله لو ينفع يبقوا اكتر ياريت
حلا بخبث: هو ينفع بس مش مني
مايا رفعت رأسها وبإستغراب: اومال من مين
حلا ابتسمت بخبث وحب: يعني لو من فهد هتبقى احلى ولا انتي ايه رأيك
دفعتها مايا بعيد عنها وحلا والجميع ضحكوا على خجل مايا
مايا بخجل: قليلة الادب على فكرة
حلا بخبث: على فكرة انتي اللي دماغك شمال انا اقصد بوسة عادية على خدك مش اللي في دماغك انا بريئة ومحترمة مليش في قلة الادب
جميلة: اه اصلك محترمة اوي يا بت
حلا: بنت عيييب ميصحش كدة اللي كنا بنعمله زمان يبقى بينا بس عيب هتفضحوني قدام اهلي عيييب ميصحش احنا بننحرف مع نفسنا ومع بعض كبنات
سامية: والله اومال هتخلفوا ازاي
حلا: عيب يا تيتا احنا من بيت محترم اهالينا مربوناش على الانحراف
جميلة ضحكت: حلا انتي ضحكتك لوحدها اللي بتبقى من قلبك لوحدها انحراف ممكن نتاخد اداب عادي
حلا حكت مؤخرة رأسها: لا بصي هو في ديه الانحراف كله الصراحة بس الحمد لله بقالي زمان مضحكتهاش وهي المشكلة انها يوم ما بتطلع بتطلع فجأة مبعرفش اسيطر عليها بس احمد ربنا اني مبضحكهاش في الشارع إلااااا في حالة واحدة لو كان معايا مهرج من الاتنين اللي عندنا في البيت آسر او فارس والحمد لله مبخرجش معاهم ومش هخرج
آسر: ليه بس يا حلا طب بذمتك فيه حد بيضحكك قدي
حلا: مش عاوزة اضحك يا عم عاجبني بوظ الخشب اللي انا ضارباه
حلا نظرت لمايا ثم فجأة امسكتها من شعرها وجذبتها منه
مايا بوجع: اااااه اي اي حلا شعري والله بتوجع
حلا بغيظ: اه ما انا عارفة يا روحي انها بتوجع.....لو لمحت خيال واحدة من التلاتة اللي كانوا هنا او اي بنت من اللي انا مبطيقهمش وكانوا هنا بسببك ساعتها هعاقبك وعقابك انتي اللي هتختريها ها بس لو مش على مزاجي العقاب مش هنفذه مفهوووم
مايا بخوف: اه اه مفهوووم
تركتها حلا ونظرت للبنات: طبعا حبايب قلبي انتوا اكيد كان عندكوا خبر بمجيئ البنات قبليها متقولوش لا لان اكيد مايا اتواصلت مع جميلة وحكتلها
جميلة بصدمة: انتي عرفتي منين انتي بتراقبينا
حلا ابتسمت: لا يا روحي اصل المصيبتين دايما بيبقوا مع بعض بمعنى لما مايا تعمل مصيبة عارفة انها هتحرق دمي وهتنرفزني بتجري عليكي علشان تداري عليها او معرفش بيها وكذلك انتي مع انكوا اعبط من بعض معرفش ازاي بتلجأ ليكي ثم انه تعالوا هنا انتوا ليه مكلمتونيش وقولتولي انهم جايين او انتي يا زفتة يا مايا متصلتيش بيا ليه وانتي واقفة معاهم كنت كلمتهم وظبطتهم ومكانوش هيجوا
مايا: يا حلا انتي عارفة اني لما بتزنق في مواقف زي كدة مبعرفش افكر ومبيبقاش فيا عقل
حلا بغيظ: ده على اساس انتي عندك عقل في العادي
البنات ضحكوا بشدة
جميلة: يا حلا ما كدة حلو علشان هما كدة عرفوا انك مرات قصي فهيبطلوا يفكروا فيه
حلا: يا فرحة امي بيا وانتي فاكرة ديه حاجة حلوة طب ايه رأيك انا عندي الناس كلها تعرف إلا دول
ساندي بإستغراب: ليه يا بنتي ديه كدة حاجة حلوة
حلا: مين اللي حلو ياما ونبي انتوا ما تعرفوا حاجة بتتكلموا ليه
إيلين: طب عرفينا انتي
حلا: دول سبق واتفقوا مع عمرو ضدي ربنا يستر بقى لما عرفوا اني متجوزة لا ومتجوزة مين يا حلويين الشاب اللي هما معجبين بيه وواحدة منهم كانت بتتمنى تتجوزه
جميلة بصدمة نظرت لآسيا التي نظرت لها بصدمة ايضا وهما الاثنين معا نظروا لحلا وبصدمة: انتي كنتي عارفة
حلا ابتسمت: اه ليه فاكراني نايمة على وداني ولا ايه
آسيا بصدمة: معنى كدة انتي كنتي بتسمعي حديثهم عن قصي مبتسمعيش اغاني
حلا: هو بصراحة كانت مرة واحدة اللي سمعت حديثهم عنه وياريتني ما سمعت يوميها اتنرفزت عليهم جامد بحجة انهم مينفعش يتكلموا بطريقة زي اللي هما كانوا بيتكلموا بيها عنه بس لما روحت دمي فضل يغلي وكلامهم في وداني وكله كووووم والزفتة اللي ما تتسمى اللي اسمها ماري زفت كلامها كوووم تاني
جميلة وآسيا ابتسموا: كان جريئ جداااا
حلا: جريئ مين والناس نايمين ده انا اللي مراته معنديش الجرائة اللي تخليني اوصفوا الوصف اللي هما وصفوه واسمكوا بتقولوا عليا جريئة
رقية ابتسمت: لا بس اعترفي انهم معاهم حق في وصفهم فيه يعني مثلا طلع وسيم وحلو وجذاب ويتحب ويتعشق زي ما قالوا وراجل واي واحدة تتمناه و.................
حلا بغيظ: ما تقومي احسن تتقدميله للجواز
الكل ضحك بشدة ورقية خجلت
رقية بإنزعاج: مش اقصد يا زفتة يعني كلامهم عنه ده مش كلامي ده كلامهم
حلا بغيظ: اه وانتي فاكراه كويس اوي
رقية: عادي لاني معظم الوقت كانوا بيجوا يلزقوا فينا
حلا: طب على كدة بقى عارفة كانوا بيقولوا ايه على جوزك
رقية: ايه ده هما شافوا فارس قبل كدة
حلا: ييييه كتيييير
إيلين: بلاش بدل ما يطلع على عين فارس
رقية: لا معلش عاوزة اعرف
حلا: يعني كان بيتقال عليه كلام اسوأ من اللي بيتقال على قصي واجرأ يعني افتكر ان مرة واحدة منهم وصلت معاها الجرائة انها قالت او اتمنيت انها تبوسه وواحدة تانية قالت يا سلام لو وقعت في حضنه زي ما بيحصل في الافلام والمسلسلات وكلام تاني جريئ مش هقدر اقوله صراحة والله ما بكذب حتى اسألي مايا كانت بتبقى قاعدة معانا
مايا ابتسمت: لا ده على كدة كويس انك مسمعتيش اللي اتقال عن قصي لانه اسوأ صراحة
حلا: ما انا عارفة انه اسوأ هو انا مسمعتش علشان متفتكريش اني عارفة ومش عاوزة اعرف علشان لو عرفت هرتكب جنايات مش جناية واحدة
انجلي: طب ايه يعني كانوا بيتكلموا عن قصي وفارس مجبوش سيرة ادم او اريان كمان او آسر طيب
حلا: لا مأظنش
مايا ضحكت: لا حصل جابوها نفس الموضوع الحمد لله انهم مجبوش سيرة جوزي
ساندي ضحكت: لا جابوها ياختي كنت جنب البت الملزقة فيهم ديه اللي تحسيها حاطة عشرين كيلو مكياچ في وشها اللي اسمها ايه يا ربي اااا......اه.....نيڤين قالت ان فهد مز اوي ده كفاية عيونه
حلا: يااااه اللي كان بيتعمل فيا اتعمل فيها ازغرط ولا ارقص تصدقي بقى انا فرحانة فيكي انتي اللي جيباهم وانتي اللي جبتيه لنفسك انا نقلت وغيرت رقمي وكل حاجة عني علشان معرفهمش حاجة عني لاني لو كنت في يوم من نصيب قصي مكونتش عاوزاهم يعرفوا لانهم سبق واتعاونوا ضدي مع عمرو ربنا يستر ميتعاونوش معاه المرادي علشان خراب بيتي بلعبة اوسخ من اللي كانوا هيعملوها يعني هو خربان مش ناقص خراب اكتر
روما: طب ما يمكن يا حلا بجد هما اتغيروا
ساندي: لا انتوا مشوفتوش نظرتهم لحلا لما عرفوا انها مرات قصي ده انا قولت هيقتلوها هما مبيحبوش حلا وقعدتهم هنا كانت بتبين انهم جايين عايزين يشمتوا في حلا ديه مش مجيت ناس بتحب او جاية تطمن على صديقتهم
حلا: ما انا عارفة انهم هيتنقطوا ويموتوا دلوقتي لانهم مكانوش يتوقعوا ان انا وقصي ممكن في يوم نبقى لبعض يعني هو رجل اعمال مشهور وكبير اما انا شرطية ايه اللي هيلم الشامي على المغربي
انجلي: نفس اللي لمهم زمان ولا ايه
حلا: يا انجلي محدش يعرف اني بحب شخص او فيه في حياتي شخص ولو كنت قايلة لحد اني مرتبطة فده علشان يشيلني من دماغه انما انا مقولتش لحد اسم الشخص اللي مرتبطة بيه ولا كنت بجيب سيرة عنه حتى حازم اللي معايا بقاله سنين معرفش غير من قريب ومن مايا مش مني حتى مريم وبرضه جميلة وآسيا معرفوش مني
آسيا: ايوة علشان انتي واطية مش معتبرانا اخواتك
حلا: ياختي اتوكسي اذا كان اخواتي وبن عمي كانوا فاكريني بكرهوا بجد ومكانوش يعرفوا الحقيقة يعني اللي معايا من صغري من يوم ما اتولدت ومكانوش فاهمني ولا عارفين الحقيقة بذمتك يعني هتكلم ليه وبعدين انتي عارفة اللي فيها واني كنت محاطة بصحاب عمرو في كل مكان وانا قاعدة معرفش اللي حواليا فيه عدو جديد ولا لا حتى اسم ابويا مكونتش بذكره
مايا: ده كان بيطلع على حلا إشاعات يلهوي اقسم بالله لو بابا كان موجود وقتها كان قتلها او اتبرى منها
حلا ضحكت: اه والله
انجلي: لا معلش يتحكيلنا
حلا: بصي يا ستي انا فيه اوقات كانت الجامعة بتقدم في مسابقات تمثيل او استعراض وغنى فكنت فالمعظم لو انا تمام ومش مصابة كنت انا اللي امثل الكلية فكنت دايما لما بطلع اعمل حاجة زي كدة يا إما بيبقى معايا آسر او فارس واحيانا ادم بس تقريبا مطلعش معايا غير مرة واحدة وياريته ما طلع
جميلة بغيظ: ليه هو انتي تطولي
حلا: دافعي عن حبيب القلب حلو هو انا اطول ونص يا حبيبتي بلاش اتكلم عن نفسي بدل ما لسانك ياكله القط ومتعرفيش تنطقي بعديها
مايا ضحكت بشدة: اقسم بالله كل ما افتكر الاشاعة ديه افطس من الضحك هو التخيل لوحده يضحك
حلا ابتسمت: اه والله بعد الاستعراض بأسبوعين كنت الاسبوعين دول واخداهم اجازة بريح جيت بقى في يوم روحت الجامعة قاعدة في الكافيه بشرب نسكافيه لاقيت حازم داخل عليا بيقولي الف مبروك يا واطية قولتله الله يبارك فيك بس على ايه قالي كدة تطلعي متجوزة ومتقوليليش قولتله ايه ده بجد تصدق انا زيي زيك متفاجأة بالموضوع ده يمكن اكون اتجوزت وانا شاربة حاجة او وانا نايمة ومش حاسة إلا مقولتليش مين تعيس الحظ اللي امه داعية عليه
الكل ضحك
فاطمة: ده مش تعيس ده هيبقى اسعد واحظى واحد في الدنيا يا حلول
حلا: لا ما انا تحت تأثير الصدمة يعني انا قاعدة وفجأة يجيلي خبر جوازي يعني والله موقف يجلط لا والاهم انا معرفش مين جوزي المهم سألته السؤال ده قالي اللي كان معاكي في العرض فأنا مش فاهمة بقوله مين ده قالي اللي اسمه ادم تقريبا قولتله ااااه ادم ماله قالي هو ده جوزك انا تنحت قولتله لحظة بس قصدك ادم ادم اللي كان بيقدم معايا العرض قالي اه قولتله انت متأكد قالي اه
الجميع دخل في غيبوبة ضحك
حلا: استنوا التقيلة جاية لا انا قاعدة مصدومة بقصة الحب اللي بيني وبين اخويا لا وايه متجوزين انا وهو مبنتفاهمش اصلا ونتجوز ده احنا هنموت بعض وقاعدة بتخيل الموقف بس اخت تتجوز اخوها لافيته رزعني خبر تاني اني مخلفة ولد وبنت منييين معرفش
الكل ضحك بشدة
حلا وهي تضحك: لا وانا قاعدة متنحة وبستوعب الموقف ولمجرد اني تخيلته دخلت في غيبوبة ضحك ومقدرتش امسك نفسي اول مرة اضحك في الكلية والمصيبة الكافيه كله مليان شباب وكله عمال يبص وانا عاوزة اوقف ضحك بس مش قادرة بعد ما قدرت اسيطر على نفسي قولت لحازم طب يا ترى عرفت اسامي ولادي واعمارهم ايه علشان تعرفني ولا لا فقالي اعرف اعمارهم الولد ست سنين والبنت ٣ سنين قوليلي انتي بقى اساميهم ايه فأنا قاعدة هموت من الضحك بس ماسكة نفسي قولتله هسألك سؤال يا حازم انت تعرف انا عندي كام سنة قالي ١٧ او ١٨ قولتله ١٧ تفتكر يعني وانا عندي ١٧ سنة ده سن واحدة متجوزة ومخلفة ليه متجوزة من وانا عندي ٧ سنين مثلا ويعني انت ملاقيتش من الدنيا كلها غير ادم اللي تقول عليه جوزي طب لو كنت قولت انت كنت هبلعها وهعديها انما ادم طب ازاي فقالي قصدك ان انتوا مش متجوزين فضحكت قولتله انت عارف ادم ده يبقى مين وايه بالنسبالي قالي مين قولتله اخويا من ابويا وامي ازاي بقى هتجوزه ده حتى ميجوزش شرعا لاقيته قاعد متنح ومذبهل ومش مستوعب قالي بتهزري اخوكي ازاي قولتله اخويا زي السكر في الشاي ايه ازاي ديه قالي يعني مفيش بينكوا قصة حب قولتله لا فيه مين قال مفيش اخويا اكيد بحبه وهو بيحبني بس حب ميوصلش للجواز يعني والخلفة كمان دخل في غيبوبة ضحك لما تخيل المنظر وقتها عرف اسمي الكامل من الموقف ده لانه كان عارف اسم ادم كامل فعرف بقى اسم عيلتي واسم والدي بس مقالش لحد
سامية ضحكت بشدة: يلهوي مش قادرة
حلا: لا استني ساعة آسر بقى طلعت اشاعة جديدة ان انا وهو كاتبين كتابنا ومع فارس ان انا وهو بنحب بعض ومخطوبين
مها: يلهوي هما للدرجادي عاوزين يجوزوكي
حلا: بصراحة قصة آسر انا اكدتها منفتهاش ماعدا المقربين مني كانوا عارفين انه اخويا لسبب وقتها كان فيه كام شاب حاطني في دماغهم اول ماعرفوا اني متجوزة بعدوا عني قولت بسسسس طب والله ما انا نافية الموضوع ده وبالفعل فضلوا فاكرني متجوزة لمدة ٦ شهور
مايا: لا والاهم يجوا يسألوا عن آسر يقولولها اخبار جوزك معاكي ايه تقولهم جوزي مين
حلا: انا واحدة فاشلة في الكدب ومجربتش الجواز علشان اعرف اجاوبهم من ساعتها حازم بيبقى معايا لو حد سأل هو يجاوب حتى مرة كنت عاملة حادثة وللاسف كانت الخبطات والاصابة في دماغي فكنت بعمل دمااااغ عسل ولا المدمنة مخدرات ويجوا يسألوني عن آسر اللي هو المفروض جوزي كإني نسياه ومعايا فقدان ذاكرة قاعدة مع حازم ففيه بنت من الاصدقاء العاديين سألتني عنه وانا وهو عاملين ايه اللي كان بيجاوب حازم مش انا لدرجة البنت قالتله هو انت عايش معاهم في البيت قالها اه قالتله طب عايش معاهم في الاوضة كمان
الكل ضحك
فاطمة: ايه ده كله
حلا: لا وانا قاعدة عاملة زي الكرسي اللي انا قاعدة عليه مش فاهمة اي حاجة في اي حاجة ومعرفش اصلا هما بيتكلموا عن مين وجوز مين بصي من الاخر كنت عاملة زي العيال الصغيرة اللي تايهين مش عارفين مامتهم فين تاهوا من عيلتهم المهم بعد ما البنت مشيت قولتله لا مؤاخذة يعني يا حازم هو انا اتجوزت امتى ياخويا ومين سعيد الحظ ده اللي ان شاء الله هروح فيه في داهية فضحك وحكالي القصة وافتكرت فمن ساعتها اتفقت اي حد يسأل عن الموضوع هو يجاوب والله يعني ايام الجامعة ديه كانت ايام تجلط بس فيها مواقف تخيلها بس يفطس من الضحك اكتر موقفين ضحكت عليهم ادم وآسر انما فارس بصراحة كنت متوقعة حازم جايلي وبيقولي الف مبروك قولتله الله يبارك فيك بس المرادي بقى طلاق ولا جواز ويا ترى المرادي هيبقى ابويا ولا جدي اللي هما مش موجودين اصلا في الحياة والله بصي كنت خلاص بقى اتعودت قالي لا المرادي فارس بن عمك بتحبوا بعض ومخطوبين
سلمى: طب انا عاوزة افهم بيطلعوا الاشاعات ديه من ايه
مايا: هي حلا لما كانت بتمثل قصة حب فطبيعي هتمثل ده سواء مع فارس او ادم او آسر فكانوا بيفتكروا ان ده بجد
حلا: لا بس ساعة فارس مكنش ده السبب السبب ان فيه كذا مرة كنا بنفهم بعض من غير كلام نظرة او حتى لو على التليفون يعني افتكر فيه مرة كلمته الصبح كنت نازلة رايحة الكلية هقدم مشروع التخرج كانت كلية الهندسة تقريبا فبكلمه وانا في الطريق فقالي حلا انا زهقان وواقف قدام الدولاب ومش عارف البس ايه فقوليلي او اقترحي عليا
روما بإستغراب: لحظة بس افهم انتوا مع بعض في نفس البيت
حلا ضحكت: يادي الغباء يعني لو انا وهو في نفس البيت هكلمه فون ليه طبعا لا انا في بيت وهو في بيت تاني
روما: اومال عرفتي هدومه ازاي
فارس: انا مكونتش بنزل اجيب هدوم ليا كنت بخلي حلا تجبلي لو هتتسوق كنت بقولها تجبلي او لو انا هنزل اخدها معايا فكانت عارفة كل هدومي بس
روما: اه تمام كملي
حلا: فالمهم قولتله خلاص البس البنطلون الاسود وفيه قميص عندك لونه يعني انا وقتها مكونتش مجمعة لاني مطبقة بقالي يومين وتعبانة فمش عارفة اجمع اللون فهو انا قولتله قميص لونه كدة هو باللفظ كدة قالي تمام خلاص اقفلي علشان الطريق وكدة قولتله تمام قفلت معاه وروحت سلمت المشروع وخرجت روحت لكافيه وكنا متفقين ان انا وهو وحازم ومريم ومايا هنتقابل ونقعد في كافيه فالكل جيه وهو اخر واحد وصل وكان لابس القميص تقريبا كان لونه لبني لون السما فلاقيته جاي ولابس القميص اللي كان في دماغي بس مش مجمعة لونه قولتله انت عرفت منين اني اقصد القميص ده اللي حسيت وعرفت قولتله تمام وحازم قاعد ومركز اوي فالمهم جيه الوقت اننا نطلب هناكل ايه فأنا لسة هقول انا عاوزة ايه لاقيته قالي خلاص متتكلميش فأنا بصتله بإستغراب ماهو مش هيعرف انا عاوزة اكول ايه غير لما اقوله رفض اني اتكلم وسكتني وقام هو وحازم جابوا الاكل وجيه ساعتها كنت عاوزة كريب وبفراخ كرسبي وحار لاقيته جايبه ومعاه بيبسي ومن غير ما اطلب وكانت فيروز تقريبا مش بيبسي كمان فأنا ببصله بإستغراب يوميها كان يوم غريب والله فبقوله انت عرفت منين اني عاوزة ده انت حتى مدتنيش فرصة اتكلم قالي عرفت وخلاص اطفحي وانتي ساكتة وحازم بقى قاعد مركز فقاله لا بجد عرفت منين قاله حسيت بيها يا عم انت مالك خليك في حالك وساعتها انا قاعدة ومش عارفة استوعب لاقيته بيميل عليا وبيهمس في ودني وبيقولي متقلقيش لو قصي مكاني كان فهمك برضه وعرف انتي عايزة تاكلي ايه فأنا بصتله بإستغراب وصدمة لاني وقتها قولت في نفسي ده لو حبيبي ما هيفهمني كدة
عفاف ضحكت: اومال الفهم ده راح فين دلوقتي
حلا: لااااااا دلوقتي فيه غباء وبس
فارس: اومال لازمة قصي ايه في حياتك هو بقى يفهمك خلاص
حلا: لا بس الشهادة لله فارس كان ممكن يفهمني في اي حاجة إلا حاجة واحدة بخصوص قصي بصي بيبقى اعمى وعديم الاحساس واصم احاول اكلمه وافهمه يا بني غصب عني واقوله اي حاجة لا انتي واحدة عديمة الاحساس انتي معندكيش قلب انتي خسارة فبكي الحب انتي مش عارفة ايه ويطلع فيا كل العبر والعيوب وكل حاجة وحشة طب يابني اسمعني وافهمني لا ابدا اقسم بالله كنت بحس اني عدوتك وانك اخوه ومن عيلته وانا اللي غريبة في النص ده لوئي اخوه معملش معايا ربع اللي انت عملته لما عرف
سلمى: للدرجادي بتحب قصي يا فارس
حلا: يييه كتييير والله انا فيه مرة ومش هنسى ده ضربني علشانه وكان هيموتني فاكر ولا لا لا بجد بيحب قصي حتى يومها حسيتك بتحبه اكتر مني يعني حبي ليه جنب حبك ليه ولا حاجة والله لدرجة اني كنت بفكر انه مبيحبنيش وبيحب قصي
سلمى: يااااه للدرجادي
حلا: امممم مكنش فيه مرة عمي يكلمني وانا ارفض إلا لما كان يعرف كان يجي يتخانق معايا حتى لو مسافر ينزل مخصوص علشان يتخانق معايا انا بسبب خنقاتي معاه ديه كنت هموت اكتر من مرة مفيش مرة دبينا خناقة مع بعض إلا لما حصلتلي جلطة او ازمة قلبية ودخلت في غيبوبة او العناية المركزة
سلمى: يا نهار امك مش معدي انت كنت هتموت بنتي علشان قصي يا شيخ تولع انت وقصي حرام عليك يا فارس ده مهما كانت برضه ديه بنت عمك
مايا: لا وفيه مرة فضل شهور مقاطع حلا مقاطعها مقاطعها وقالها انا معنديش بنت عم اسمها حلا انتي بالنسبالي ميتة وكانت هتموت فعلا حصلت معاها جلطة في القلب من شدة الحزن وحتى سافرتله علشان تصالحه رفض وطردها وكللل ده علشان قصي يوميها في نفس اليوم اللي سافرت فيه وهي راجعة في الطريق عملت حادثة وحصلتلها جلطة في القلب ادت لشلل ذراعها اليسار وفقدت النطق فضلت على حال ده شهر ونص وهو مكنش يعرف باللي حصلها صدفة يقابلها في الشارع كان معاه شاهر وهي معاها مهند الدكتور اللي بيتابع حالتها في امريكا وصديق شاهر ساعتها حلا وهي ماشية كان فيه عربية هتخبطها ففارس شافها فشدها من دراعها اليسار وعمال يزعق فيها علشان الطريق فشاهر شده وقاله لو جيبت سكينة غرزتها في دراعها مش هتحس بحاجة لان وحكاله اللي حصل ساعتها بقى
حلا اكملت: ساعتها صعبت عليه وصالحني وكلمني وفضل معايا وجنبي لحد ما خفيت ورجعت وقفت على رجلي تاني بس على فكرة يا فارس انا مكونتش زعلانة علشان انت زعلان مني بصراحة زعلي الاكبر كان على اللي انا بعمله في قصي هو انا مش هنكر ان كلامك وجعني وجرحني وكان يعني في الصميم بس زعلي الاكبر كان على قصي بالاضافة ان انا مكنش ليا غيرك واخواتي كانوا برا يعني بقيت لوحدي خلاص مع اني طول عمري لوحدي بس يعني كنت بتهون عليا شوية فلما انت كمان اتخليت عني فكله اتراكم مع وجع قديم فكله دخل في بعضه فتعبت بس لحسن تفتكر اني تعبت علشان مقاطعتك ليا لا عادي يعني مش هتفرق
فارس بغيظ: ايوة انا مين انا علشان افرق معاكي المهم حبيب القلب
حلا رفعت احد حاحبيها وبغيظ: يا سلااام طب ما انت كنت بتيجي عليا علشانه ولا هو حلو ليك ووحش ليا متنكرش انك بتحبه اكتر مني
فارس: لا والله ابدا بس كل الحكاية ان تصرفاتك كانت بتستفزني لاني عارف انك بتحبيه ومع ذلك بتبعدي عنه وبترفضي تروحي حتى تشوفيه او يشوفك ومتتكلموش او كلميه فون فده كان مستفزني منك
فاطمة: اكتر حد كان فاهم حلا هي انجلي مع انها ولا مرة اتواصلت معاها او شافتها كانت دايما تقول لقصي اكيد فيه سبب لتصرفها ده ممكن تكون تعبانة بس مبتقولش لحد ممكن تكون محتاجاك اكتر مما انت محتاجلها اكيد غصب عنها
حلا ابتسمت: لا نونو اصلا عسل وتتحب انا معرفش ازاي عرفت اخوكي قبلك يمكن لو كنت عرفتك قبله كنت حبيتك ومحبتهوش.
قالتها بمرح فالكل ضحك
انجلي: وبعد ما تحبيني نتجوز بقى
حلا: لا هو مش للدرجادي الناس هتفكر فيا شمال اهدي شوية مش كدة
إيلين: بقولكوا ايه ما تيجوا نعمل رحلة زي زمان
ساندي: شكلك ناسية فرح البت الغلبانة ديه
إيلين: احنا بعد الحفلة تاني يوم على طول هنكون مجهزين الشنط ونسافر بس مش بطيارة بباص نروح بقى العين السخنة شرم الشيخ او الغردقة اي حتة فيها بحر بس على مسافة طويلة وناخد باص كبير يلمنا كلنا
حلا: حضرتك هي فكرة حلوة وكل حاجة بس انتي بتفكري في نفسك حرام لان اكيد اللي هيسوق الشباب هيفضلوا سهرانين واللي ممكن يطبق انا لو هيرضوا ممكن اسوق عادي بس هيبقى اجهاد وتعب ليهم
لوئي: لالا فكرة حلوة احنا عددنا كبير ممكن نبدل كل شوية يعني مثلا سمير يسوق لما يتعب يقف وقصي يسوق بداله ولما قصي يتعب انا هقبى ابدل معاه وهكذا
سمير: فكرة حلوة وهنخربها بقى بس فيه مشكلة الشغل هنعمل فيه ايه وانت وحلا هتعملوا ايه
حلا: انا عن نفسي ممكن اخد اجازة عادي جدا معرفش بخصوص الباقي ايه
آسر: انا معنديش مانع واظن برضه محدش من الشباب هيبقى عنده مانع ها يا سامر
سامر: تمام انا هشوف يعني على حسب الشغل
ندى: لا ونبي يا ابيه تيجي معانا بقالنا كتير مسافرناش مع بعض
حلا: هو هيجي متشغليش بالك سيبيه عليا
سامر بمرح: ايه هتتفقوا عليا لو هتتفقوا قولولي علشان اعمل حسابي مرجعش البيت
حلا: وماله مترجعش هجيبك من قفاك
مايا: ها قولت ايه يا بابا
حلا: بصي هو احمد موافق فيحي موافق ولو يحي مش موافق احمد هيقنعوا متقلقيش هو بيحب احمد فهيسمع كلامه ولو مسمعش كلام احمد هيسمع كلام محمد هما الاتنين هيتفقوا عليه ويقنعوه
يحي ضحك: تعرفي عني كدة
حلا: خااالص اعرف عنك ابو كدة بس مش اكتر ولا اقل
الجميع ضحك وخططوا ماذا سيفعلون وانقضت الليلة وصعد الجميع لغرفهم ليرتاحوا وطبعا كان فيه شد وجذب بين حلا وقصي
__________________________________
في صباح يوم جديد مليئ بالاحداث ذهبت حلا للمركز انهت اعمالها واعمال لوئي وعادت على الساعة الثالثة عصرا وذهبت للمكان الذي فيه البنات يتدربون وظلت معهم حتى المساء ثم عادوا للمنزل على السابعة لم يكن الشباب عادوا بعد فأخذوا شاور سريع وابدلوا ملابسهم وجلسوا يتحدثون
مايا: هما ليه الشباب اتأخروا كدة انهاردة
حلا: بيتدربوا زينا راحوا بعد الشغل يتدربوا شوية
روما: علشان كدة لوئي مش في البيت
اومأت حلا بالموافقة: مع اني مش عارفة هيعمل ايه معاهم وهو تعبان
في المكان الذي يتدربون به الشباب تدربوا كثيرا ثلاث ساعات متواصلة فجلسوا على الارض يرتشفون القليل من المياه
اريان: احنا مقولناش للبنات اننا هنتأخر زمانهم قلقانين
آسر: انا بعت مسدچ لحلا اكيد عرفوا منها
قصي: فيه اوقات حلا بتتأخر في الشغل افرض لسة مرجعتش لحد دلوقتي
لوئي: لا رجعت بدري انهاردة قابلتها وانا خارج وقولتلها فهما اكيد عرفوا واساسا كدة كدة هما مش فاضيين علشان بيتدربوا
جاسر بتعب: جماعة انا بقول كفاية لحد كدة خلونا نروح
سمير: اه لحسن خلاص حاسس اني ثانيتين وهقع من طولي
فهد: سمير مش كان فيه صفقة كنت هتسافر علشان تخلص عقودها
سمير: اه هسافر الاسبوع الجاي لمدة ٣ تيام وممكن اكتر بس هرجع قبل الحفلة
اومأ الجميع بتفهم ثم عادوا للمنزل اخذوا شاور سريع ثم جلسوا مع البنات والجميع بالاسفل آسر جلس امام حلا على الطرابيزة
آسر: حلول
حلا كانت تنظر بالهاتف: اممم
آسر: يا حلولتي
حلا ومازالت تنظر بالهاتف: نعم
آسر: يا فلاوليتي
حلا ولم تنظر له: نعم يا آسر
آسر: يا سندريلا
حلا لم ترد عليه
آسر ابتسم وبمرح واستفزاز: يا حب.....يا حبيبتي....يا قلبي.....يا نوحي
حلا بغيظ: نعععععععمممم ايييه في ايه قولتلك اكتر من مرة نعم وسيادتك مستفز عاوز ايه على المسا يا آسر
آسر: يعني انا عمال ادلعك واقولك كلام حب ولڤلڤة وسيادتك بتقوليلي نعم بس المفروض تحبي فيا شوية الله
حلا نظرت له بغيظ وبهدوء: وانت كل ده علشان مقولتلكش نعم يا حبيبي او دلعتك
آسر اومأ بالموافقة: اهااا
حلا التفت بنظرها لتبحث عن شئ
آسر بفضول: بتدوري على ايه يا روحي علشان اساعدك
حلا وهي تجول بنظرها: بدور على ڤازة افتح بيها دماغك يمكن تعقل او سكينة اعلم عليك بيها
آسر قام من امامها وركض وقف خلف الاريكة التي يجلس عليها ادم: قلبك ابيض يا حلا خلاص وبعدين المفروض تدلعيني
حلا: شكلك عندك فراغ عاطفي وعاوز تفضيه معايا صح
آسر: بصراحة اه
حلا: هقولك على فكرة حلوة اخرج واقف في نص الشارع وقول انا عندي فراغ عاطفي وعاوز ارتبط واحب واتحب بصوت عالي هتلاقي البنات عليك زي الرز بس الله يكون في عونهم هيصعبوا عليا
آسر: قولي انك عاوزة تخلصي مني
حلا: بصراحة اه علشان اعصابي ترتاح خلتني اقطع تركيزي في حاجة مهمة بسبب تفاهتك وهيافتك
رقية: خلاص نشوفلك واحدة من صديقاتنا
آسيا: ايه رأيك في البت فريدة
حلا ضحكت: حرام عليكوا هتدبسوا البت
مايا: طب والله يليقوا على بعض اكمنهم مجانين وهبل زي بعض وطقة منهم
آسر: شكرا يا مايا الكلب
حلا: اسمى الله عليكي ده على اساس انتي اللي عاقلة يا بت يعني فهد عاقل شوية شوية مش اوي اوقات بتهب منه خااالص فقبل ما تتكلمي على حد بصي لنفسك الاول
مايا بغيظ: دافعي عنه حلو ياختي خليه ينفعك
حلا: ادافع عنه مدافعش ليه ده حبيبي وروحي وحتة مني انتي ايه اللي غايظك
روما: لما آسر حتة منك اومال قصي ايه
آسر وهو يقترب من حلا ويعانقها: حبيبتي ملكيش دعوة يا بت اخرجي منها وبلاش انتي يا شعنونة يا حرباية انتي
آسيا: طب بتكلم جد ايه رأيك في فريدة
آسر بتفكير: امممم عادية يعني حلوة
روما: ايوة عادية ولا حلوة ارسيلك على حل
آسر بحزن: كدة كدة مش هتفرق هي مرتبطة
حلا ضحكت: مين الاهبل بن الهبلة اللي قالك انها مرتبطة
آسر: انا قولت انها مرتبطة مش هي مرتبطة بإياد
حلا بإحراج: احم سوري يا خالتو مكونتش اقصد
سحر ضحكت: لا ولا يهمك يا حبيبتي بس انتي معاكي حق هو اهبل
حلا: اه هو اهبل بس مكنش قصدي اقول عليكي كدة سوري......تعالى يا اهبل اخواتك اقعد هنا
قام آسر وجلس امامها مرة اخرى
حلا: ايه اللي خلاك تقول انها مرتبطة بإياد
آسر: مش لما بتكلموا بتقولوا حبيبي وكدة يعني واول اما شافته هنا حضنته كإنها غايبة عنه بقالها سنين
حلا ضحكت بخفة: ده على اساس انت لما رجعت من السفر انا محضنتكش وكإنك غايب عني سنين وانت اهو مش فيه اوقات بقولك حبيبي وبدلعك هل ده معناه ان انا وانت مرتبطين ارتباط هو اي نعم احنا مرتبطين ببعض بس ارتباط اخوي انت اخويا وانا اختك انما مش ارتباط ارتباط لما ادم وجاسر واريان رجعوا من السفر نفس التصرف عاملته وفيه اوقات لما بيرجعوا من الشغل بحضنهم اخواتي ووحشني فيها ايه
آسر بغباء وعدم فهم: مش فاهم ايه اللي دخل علاقتك بيا وبأخواتك بفريدة وخطيبها
حلا: اه سوري نسيت انك مبتفهمش لازم تفسير مفسر إياد مش خطيب فريدة اخوها وطبيعي هي كانت برا بتدرس وهو مكنش بيشوفها خااالص وبقالهم على الحال ده ٣ سنين تقريبا طبيعي اول ما هتشوفه هتحب في امه وابوه واللي خلفوه وتحضنه ده حال طبيعي بين الاخوات يعني انتوا الشباب مبتحسوش بالشوق تجاه اي حد زينا علشان انتوا عندكوا بدل القلب حجر انا عارفة يعني تخيل كدة لو انت بنت وعايش سنة واحدة بس من غير اب ولا اخ ومبتتواصلش مع اخوك يعني تخيل مدى الحرمان اللي انت عايش فيه سواء امان او حنية او سند او راجل في حياتك متخيل انت واحدة محرومة من كل ده اول ما تشوف اخوها هتعمل ايه هتتخانق معاه هحكيلك موقف حصل معايا بيني وبين ادم انا عن نفسي هعترف بده فيه مرة ادم نزل اسكندرية كنت انا هنا لمدة اسبوعين بعمل حاجات تبع كلية الشرطة علشان انضم للمركز والمخابرات وانا اللي كنت عاوزة انجز كل حاجة بنفسي مش عمي المهم ادم نزل وقابل مايا وخرج معاها وفي نفس اليوم بليل سافر انا لا عرفت ان هو رجع ولا انه سافر ولا اي حاجة وهو مكلفش نفسه يكلمني عرفت بالموضوع بعديها بأسبوع او خمس تيام تخيل انت حرقة الدم اللي انا كنت فيها يعني هو في الاساس مبيكلمنيش فون او نت او اي تواصل وبقالي ٧ ولا ٨ سنين لا شوفته ولا سمعت صوته ويوم ما كنت بسمع صوته والله هما دقيقتين وان كمله اصلا دقيقة علشان ضغط الشغل عنده اعرف انه نزل وسافر ومقابلنيش ولا كلمني بس قابل مايا واعرف من مين مش منه لا من مايا وكانت صدفة كنت بتكلم عن انهم وحشني وكدة فقالتلي ان ادم رجع وحصل كذا كذا كذا هي مبتخبيش عني حاجة بس ممكن تنسى بس في جميع الاحوال اول ما بتفتكر بتقولي اقسم بالله اتحرق دمي لدرجة اني كنت حاسة هيحصلي حاجة من كتر الزعل يعني هي مايا اختك وانا مثلا لاقيني في الشارع ياعم مش عايزة اخرج معاك بس اشوفك واحضنك ان شاالله لمدة دقيقة بس او ثانية ومن ساعتها وانا مقررة ان اول ما اشوفه مش هكلمه ولا هعبره وهزعل منه وهخاصمه وفعلا فيه اوقات كان بيتصل بيا فون مكونتش برد عليه لدرجة انه قلق اتصل بمايا وكلمها وقالها مال حلا بتصل بيها مبتردش مايا كانت عارفة ان انا زعلانة منه علشان اللي حصل فحكيتله فدخلت وفتحت الاسبيكر وفضل يكلمني كتير بس مكونتش برد عليه قولتله حاجة واحدة بس انه لما يرجع انا مش هكلمه وهقاطعه وكل الكلام ده اول ما رجع نسيت اني كنت زعلانة منه وحضنته وقعدت معاه ولا كإني زعلانة اصلا فده طبيعي بين الاخوات
آسر بسعادة: يعني هي مش مرتبطة و.....وإياد ده يكون اخوها
حلا بإستغراب من سعادته: اه مالك فرحان اوي كدة ليه
آسر بتوتر: ها لا عادي يعني
مايا بخبث: يعني فريدة حلوة ولا لا يا آسر
آسر: اه بس مش احلى من حلا
جميلة: لا ما انت متطمعش مش هتلاقي ربع حلا هنهزر ونمثل على بعض
روما: لا بس شكلها كيوت وعسولة مقعدتش معاها كتير بس تتحب يعني
مايا: مين ده لا استني بس على ما تاخد عليكي هتشوفي جنان وهبل هتحسي انك بتتعاملي مع طفلة
جميع البنات نظروا لمايا ومعا: ما تقولي لنفسك
رقية: ده انتي الطفولة بذات نفسها يا مايا
حلا: لالالا خلونا نقول الحقيقة من ساعة ما اتجوزت عقلت بس معرفش بالنسبة لما تكون مع فهد بتبقى ازاي هو ادرى
فهد ابتسم: هو انا لحد دلوقتي مشوفتش غير العاقلة
حلا: احمد ربك وادعي انك متشوفش الهبلة علشان هتندم انك اتجوزت
الكل ضحك
روما: طب ما انتي فيه اوقات بتتهبلي يا حلا
جميلة: لا يا شيخة حلا بتتهبل كل سنة مرة او مرتين ومع ذلك مبتبقاش هبلة بتبقى فيها حتة عقلانية برضه
حلا: لا بصراحة ببقى طفلة بس يوم ما بتهبل ده لما بكون رايقة بقى وده مبيحصلش اصلا
دلفت فريدة عليهم: السلام عليكم
الجميع: وعليكم السلام
فريدة ركضت على حلا وجلست على قدميها: وحشتيني اوي يا حلول
حلا حاوطت خصرها: وانتي اكتر يا قلب حلول
مايا: واحنا ولاد جزم مثلا ولا ايه
حلا: لو بتقولي على نفسك فكويس انك عارفة نفسك كويس اما بخصوص بابا وماما فلا هما عساسيل
فريدة ابتسمت: ايوة بالظبط كدة عمو وطنط عساسيل اما انتي فممكن تبقي خمسين جزمة في بعض عادي
الجميع ضحك مايا امسكت المخدة وحدفتها على فريدة فريدة اختبأت بحضن حلا وحلا امسكت المخدة قبل ان تصطدم بفريدة
مايا: ماشي يا فريدة الكلب انا هوريكي كدة كدة حلا بتروح كل يوم المركز
حلا ابتسمت: ايه ده يقطعني هو انا مقولتلكيش اني خلاص اخدت اجازة وقاعدة في البيت ومش هنزل المركز اللي هيزعل ديدا هزعله محدش ليه دعوة بيها
مايا: دلعيها حلو ياختي دلعيها
حلا عانقتها: ادلعها مدلعهاش ليه هو انا عندي كام ديدا علشان مدلعهاش
فريدة ابتسمت وطبعت قبلة على خد حلا: حبيبتي يا ناااااس
الكل ضحك
حلا: لا كدة هنبدأ نتحول ونبقى هُبل هسيبها تتسلى عليكي
فريدة تعلقت بعنق حلا وبخوف وقلق: لا خلاص ونبي قلبك ابيض
مها: هي حلا بالنسبة ليكوا حبل النجاة من اي مكروه ولا ايه
البنات معا: ااه
مها وسلمى وسامية وفاطمة وسحر وعفاف انتقضوا بفزع من صوتهم العالي
محمد ضحك بخفة: انتي عملالهم ايه يا حلا
حلا: والله ولا حاجة
فريدة جلست على ايد الكرسي بجانب حلا وحاوطت كتف حلا وامسكت وجنتي حلا: بنت اخو حضرتك يا عمو مزة وتتاكل وتتحب وحاجة كدة نادرة واخر حلاوة ومزازة إلا مقولتليش جيبتوا كل الحلاوة والعسل والجمال ده منين
جميلة: اه ونبي يا بابا هموت واعرف جيبت الاتنين دول منين وازاي
حلا بخبث: عاوزة تعرفي منين وازاي
جميلة: اه
حلا ابتسمت بخبث: اطلبي من ادم يعرفك وعلى الاغلب هيبقى الموضوع عملي اكتر وهتفهميه اكتر
مايا وروما ورقية فهموها فضحكوا وكذلك مها وسلمى وفاطمة وسامية وعفاف وسحر والشباب آسيا وساندي وانجلي وإيلين واخوات آسر وسامر استوعبوا بعد قليلا وضحكوا جميلة نظرت لهم بإستغراب ولحلا قليلا حتى استوعبت فإنصدمت من جرائة حلا فأمسكت مخدة وحدفتها على حلا وحلا ضحكت بشدة
حلا: ده انا قولت مش هتستوعبي وادم هيبقى يقولك بس بليل وانتوا لوحدكوا
جميلة امسكت مخدة تانية وحدفتها على حلا: يخربيت دماغك الوسخة يا شيخة
حلا ضحكت: وانا مالي هو انا اللي سألت ولا انتي
جميلة: انا
حلا: يبقى مين اللي دماغه وسخة وبعدين انا كدة كدة عارفة لاني دكتورة فطبيعي يعني
جميلة بخجل واحراج: اه بس مكنتش اقصد اللي انتي فهمتيه خلاص مش عايزة اعرف حاجة
الجميع ضحك
حلا: هتباتي معانا انهاردة يا ديدا
فريدة: لا ايدو مش هيرضى
حلا: ايدو! الله يرحم ايام ما كنتي بتقوليله ابيه إياد
فريدة: لا حسيت اسم الدلع احلى وهو مش ممانع واساسا عجبه كدة وقالي دلعيني احسن انا كنت بحس اني عجزت وكبرت بسبب ابيه ديه
حلا: طيب ياختي كلميه وقوليله انك هتباتي معانا انهاردة
فريدة: مش هيوافق يا حلا وممكن يزعقلي بلاش ونبي لحسن ده في عصبيته وحش
حلا: متخافيش لو مرضيش اديهوني اكلمه وانا هقنعه لاني مش هسيبك ترجعي البيت وتفضلي لوحدك هناك افرضي حصلك حاجة لا قدر الله ولا حد اتهجم عليكي كلميه يلا وانا هكلمه لو اعترض
فريدة بإستغراب: وهفضل لوحدي ليه يعني
حلا: إياد عنده مهمة انهاردة وممكن ميرجعش البيت الليلادي
فريدة بقلق ودموع: ميرجعش ليه هيحصله حاجة
حلا جذبتها واجلستها على قدميها وملست على ظهرها: حبيبتي مقصدش اقصد انه عنده شغل في وقت متأخر فممكن يرجع بكرة بإذن الله فإنتي مش هتباتي في البيت لوحدك
فريدة: طب هي المهمة خطيرة اوي
حلا: معرفش والله انا كل اللي اعرفه انه عنده شغل كلميه يلا
فريدة اتصلت به مرة اثنين لم يجيب ولكن اجاب المرة الثالثة
إياد: السلام عليكم
فريدة: وعليكم السلام يا حبيبي عطلتك
إياد: لا يا حبيبتي وصلتي عند حلا
فريدة: اه وصلت من بدري وبعتلك مسدچ
إياد: اه معلش مشوفتوش ابقي سلميلي على الكل
فريدة: حاضر كنت عاوزة اقولك حاجة بس اوعدني متتنرفزش وتتعصب
إياد بعدم ارتياح: خيييير
فريدة: لا مادام بدأت بخييير ديه مش هقول خلاص انسى
إياد ضحك بخفة: طيب اوعدك قولي يلا عاوزة ايه
فريدة: كنت عاوزة ابات انهاردة مع البنات وحلا ممكن
إياد تنهد وبهدوء: لا يا فريدة اقعدي معاها شوية وارجعي البيت
فريدة بزعل: طب ليه لا
إياد بحزم وصرامة: وبعدين قولت ايه
فريدة انزعجت وتجمعت الدموع في عينيها حلا سحبت منها الهاتف وحدثته
حلا: السلام عليكم يا إياد اخبارك ايه معاك حلا
إياد: وعليكم السلام انا الحمد لله كويس اخبارك انتي ايه
حلا: انا الحمد لله تمام بقولك خلي فريدة معانا الليلادي
إياد: بلاش يا حلا خليها ترجع على البيت
حلا فهمت سبب رفضه: إياد متقلقش هتنام مع إيلين او ساندي او انجلي يعني مش هتنام لوحدها واحنا عندنا مفيش حد من الشباب بيدخل اي اوضة لا اوضة اخته ولا امه حتى غير لما يستئذن فمتقلقش وبعدين كدة اضمن انت ايش ضمنك وانت في شغلك ايه اللي يحصلها في البيت لوحدها إياد خلي فريدة معانا بلاش تروح تقعد لوحدها في البيت ده كدة مش امان لان ممكن حد من اعدائك او حد بيكرهك يحاول يئذيها وانت عندك مأمورية مش هتبقى مرتاح اصلا
اقتنع إياد بكلام حلا فهي معها حق: ماشي يا حلا بس انتي قولتيلي ان محدش من الشباب بيدخل اوض حد من البنات وانها مش هتبات لوحدها انتي مسئولة عنها
حلا: ياخويا من يوم يومي مسئولة عنهم كلهم وبعدين متقلقش فريدة اختي وفي عنيا وانت عارف ده كويس
إياد: اكيد طبعا اديهاني علشان اكيد ادايقت وهتعيط
حلا: اها هي على وشك البكاء خد الحقها
اعطتها حلا الهاتف فأخذته ولم تتحدث
إياد: خلاص يا بومة تقدري تباتي معاهم وبطلي نكد وعياط وبعدين انتي بتحلوي لما بتعيطي افرضي حد شافك واعجب بيكي هولع فيكي وفيه
فريدة ضحكت من وسط دموعها: حاضر هبطل عياط اهو انا اشك اني في يوم ممكن احب واتحب او اتجوز بسببك
حلا: سيب البونية تعيش حياتها يا اخي مالك ومالها
فريدة فتحت الاسبيكر
إياد: بغير على اختي يا حلا الله مش عاوز حد يجي ياخدها مني او يشاركني فيها
حلا: ما بلاش انا لحسن اعملها معاك واخدها منك وغصب عنك كمان اللي يسمعك يقول انها مراتك مش اختك
إياد: فريدة حياتي كلها يا حلا وانتي عارفة ده هي اختي وبنتي وحبيبتي وقرة عيني مقدرش اعيش من غيرها
حلا ضحكت: لما تحب وتتجوز ابقى قابلني ان هي شافت وشك اصلا
فريدة ضحكت: لا لحظة انتوا فاهمين غلط لما يتجوز انا هعيش معاه هو ومراته في نفس البيت وهطرد مراته وانام انا جنبه هنهزر ولا ايه محدش يجي ياخد ايدو حبيبي مني ولا ايه يا بابا انت ساكت ليه
حلا: الله يكون في عون اللي هيتجوزك واللي هتبقى مرات اخوكي ده انا بعشق اخواتي بس مش لدرجة انغص عليهم عيشتهم يعني كل واحد من حقه يحب ويتحب
إياد: خلاص هناخدك كتجربة قدامنا بالنسبة ليكي الحب والجواز عن حب حلو ولا لا
حلا: ها مين يعني انت ملاقيتش غير اكتر بني ادمة كئيبة وبومة تسألها السؤال ده ما انت عندك ناس كتير إشمعنا انا
فريدة: علشان احنا بنثق فيكي وبنحبك
إياد: واظن ان مفيش اخت هتقبل على اخوها وجع القلب فإنتي مش هتقبلي عليا ده
حلا تنهدت: بُص انت لاقي المنحوسة بنت المنحوسة اللي امها داعية عليها في ساعة استجابة وحبها وساعتها هتعرف حلو ولا لا
فريدة: لا ما انا هقولك بيبقى حلو في الاول بعدين بيبقى مُر
حلا: والله حلو او مُر ده بيبقى على حسب شريك حياتك ايه
فريدة: يعني قصي بالنسبة ليكي مالي حياتك ومنورها ومخليها حلوة
حلا ضحكت بخفة: انتي بتقولي ايه يا بنتي ده انا اصلا معيشتش غير لما قابلته وارتبطنا بصي هما زي ما بيقولوا كدة الحب حياة مش انتي بتحبي اخوكي
فريدة: اه
حلا: شايفة الحب ده حلو ولا وحش
فريدة: حلو جدا جدا جدا
إياد بغرور: والله انا عارف اني حلو واي حاجة معايا تبقى حلوة يا بنتي عيب عليكي انا مش اي حد برضه
حلا بغيظ: اخرس بدل ما تلاقي حاجات كدة خارجة مني وصورتك قدام اختك تتبهدل ها
إياد: لا وعلى ايه الطيب احسن
حلا: ايوة كدة اتعدل......انتي بالنسبالك يا فريدة حبك لاخوكي حلو جدا لانه بالنسبة ليكي عيلتك كلها ابوكي واخوكي وسندك وراجلك ومصدر الامان والسعادة والراحة وكلللل ده بالملخص هو عالمك كله ودنيتك كلها صح
اومأت فريدة بالموافقة: صح
حلا: لما تحبي بقى هتتفاجئي ان الحب احلى من كدة بكتير يعني تخيلي ان اللي هتحبيه هيبقى كلللل ده بالاضافة انه شخص مميز عندك ومن غيره هتبقى الحياة وحشة حياتك متكملش غير بيه ا....ااا....اول ما تقعي في مشكلة او تتوجعي او تحسي انك ضعيفة ومحتاجة حد يطمنك مش هيبقى اخوكي اللي على بالك هو اول شخص هيخطر على بالك لانك بتحسي معاه احساس مختلف تماما عن اللي بتحسيه مع اخوكي احساس ميتوصفش هو يتحس بس وده مش هتحسيه مع اخوكي هتحسيه مع الشخص اللي يقدر يجذبك ليه وتقعي في حبه وساعتها هتتفاجئي ان اللي بينك وبين اخوكي ده ده مش حب ده حاجة كدة يطلق عليها انها حب يعني ممكن نقول عنها غريزة اخوة معنى الحب الحقيقي مش هتحسيه غير مع شريك حياتك وبس
إياد بغيظ: ايييه يا ست حلا انتي بتحرضي البت انها تحب وتبعد عني
حلا ابتسمت: إياد مدمرش حياتك وحياة اختك تحت المصطلح المتخلف ده لاني كنت كدة كنت رافضة الحب والجواز وان يكون فيه في حياتي راجل غير ابويا كنت فاكرة انه هياخدني منه اكمني كنت متعلقة ببابا جدا وبحبه جدا فمكونتش عايزة حد يشاركه فيا ولا حد يشاركني فيه حتى لو ماما بس كنت غبية وقتها فمتتغباش انت كمان والحب حلو مش وحش متسمعيش كلام اخوكي المعقد ده بس لازم تختاري شريك حياتك الصح ويكون راجل بجد وعارف ربنا ودوري على سعادتك مع مين
إياد: ملكيش فيه سعادتها مع إيدو وبس
حلا بغيظ: يابني ليه مُصر تخليني اقل منك قدام اختك يا إياد افهمني يا بابا مصيرك تحب وتتجوز ساعتها هي هتعمل ايه انت مش هتبقى فاضيلها شغلك ومراتك وبيتك وهيبقى طالع عينك وبعدين انا مبقولهاش تتجوز من وراك لا لما يحصل حاجة زي كدة احكيله لانه اخوكي والرجالة بيفهموا بعض يقعد معاه يعرف هل هو لعبي ولا جادي ولا عاوزاني انا اقعد معاه ولو اني ارجح بلاش اخوكي احسن واكيد يا إياد هي مش هتتجوز وانت مش راضي عن الجوازة مفيش بنت تقدر تتجوز من غير موافقة ابوها واخوانها لان ساعتها مش هتكون مبسوطة في حياتها وهتحس ان حياتها ناقصة سيب البت تحب وتتحب يا اخي متخلهاش رابطة نفسها بيك لو كان والدك الله يرحمه عايش كان اول شخص هيفكر في جوازها وفي ان يكون في حياتها راجل تحس معاه بالامان والحب وتعرف معنى الحب متدمروش حياة بعض انتوا الاتنين متزعلش مني يا إياد ممكن كلامي دلوقتي يبقى تقيل ويوجع بس الحقيقة دايما بتبقى مُرة لنفترض لا قدر الله بعيد الشر حصلك حاجة دلوقتي هي هتعمل ايه هتعيش من غير راجل وكلاب السكك تنهش في لحمها وانت عارف شباب اليومين دول عاملين ازاي زي الكلاب السعرانة هيبقى عجبك حالها كدة ولا احسن تكون في حمى راجل من بعدك ربنا يخليك ليها ويديك طولت العمر يا سيدي وبعدين لما هتتجوز تقدر تشوفها كل يوم وتتقابلوا اكيد جوزها مش هيعترض لانك اخوها وليك حق فيها قبله وخصوصي انك انت اللي ربتها يعني ديه بنتك كمان مش اختك بس اعقل وفكر بحكمة
إياد: حاضر هبقى افكر بس مش دلوقتي علشان عندي شغل عاوزة حاجة يا ديدا
فريدة: ترجعلي بالسلامة بس مش اكتر
إياد ابتسم: ان شاء الله بس انتي ادعيلي بس يلا لا إله إلا الله
فريدة: محمد رسول الله سلام
اغلقت مع اخوها وكانت شاردة تفكر به وهي تشعر بالقلق
حلا: هيبقى كويس متقلقيش وبطلي قلق زايد علشان متتعبيش
فريدة بخوف: خايفة عليه اوي وقلبي مش مطمن
حلا: بطليييييي سلبيةةةةة يا شيخةةةة حراام عليكي ادعيله بدل التشاؤم اللي انتي فيه ده يا ساتر يارب
فريدة: يا حلا اخويا طبيعي هقلق عليه
حلا: تصدقي بالله ليه حق ميقولكيش اذا كان عنده مهمة ولا لا
مايا: ايوة زي ما بتعملي فينا
روما: ولوئي كمان وجاسر وبابا
حلا لروما: عارفة ليه مبنقولكوش علشان بتعملوا مناحة لو اتأخرنا او رجعنا تاني يوم الصبح وبتقلقوا اوي وبتتعبوا جدا وصحتكوا بتدهور علشان كدة مبنقولكوش وخصوصي انتي ومها ومايا ومها مادام قلقت هتقلق البيت كله وانتي واختك اسوأ من بعض
لوئي: ايوة بالظبط كدة
حلا: وانا لو جاتلي مهمة بليل مش هقول لحد فيكوا ولا لقصي ليه علشان هتقلقوا ومش هتناموا للصبح ومش هتخلوا حد ينام ده بالنسبة ليكوا انتوا اما قصي هو مش هيقول لحد بس هو مش هينام وهيفضل قلقان وهيتعب علشان شغله وانا مش متعودة كدة كدة اقول لحد عندي مهمة علشان دايما بتسئل سؤال مستفز هي المهمة صعبة او خطيرة انا مبيبقاش عندي اجابة وفي حالة جاوبت وقولت لا هي مش صعبة وان شاء الله هرجع مبتصدقونيش وبتفتكروني بكدب عليكوا
فريدة: ده طبيعي يا حلا علشان بنحبك وطبيعي نخاف عليكي ونخاف اننا نخسرك بس يظهر اننا منفرقش معاكي. قالتها بزعل
حلا بخبث: اه تصدقي يا بت انتي ممثلة شاطرة الصراحة بس مش عليا
فريدة: يا شيخة انتي محدش يعرف يضحك عليكي
حلا: لا للاسف كان غيرك اشطر ياختي
مايا ابتسمت: ده عن كمية الشباب اللي حاولوا يضحكوا عليها ويوقعوها في حبهم بس يا عين امهم كان بيتمسح بكرامتهم الارض ويتهزأوا
آسيا: طب والله كانوا بيصعبوا عليا
حلا: بيصعبوا عليكي طب لما هما بيصعبوا عليكي يا ام قلب رهيف كنتي روحتي خففتي عنهم شوية او كنتي داويتي جروحهم واتجوزتي واحد منهم بت منك ليها بلاش حرقة دم على المسا قال كانوا بيصعبوا عليا قال. قالتها وهي تقلد آسيا
مايا: لحظة بس كدة فيه شباب كتير محترمة بس انتي كنتي بتحرجيهم وفيه اللي اتقدملك وانتي رفضتي وكانوا بيحبوكي بجد
حلا نظرت لمايا: اه وبعدين يعني من واجبي اني اوافق على واحد انا معرفهوش ولا بحبه والاهم بس انا بحب شخص تاني
جميلة: بس كنتي بتكسري قلبهم وتجرحيهم يا حلا
حلا: جميلة انا مضربتش حد على ايده واجبرته انه يحبني وعلى يدك انا مكونتش بنزل الكلية غير كل شهر مرة او مرتين علشان الامتحانات مش اكتر او لو فيه منافسة للجامعة وكدة وانتوا عارفين اني مكونتش بتعامل لا مع بنات ولا شباب يعني مروحتش لواحد ووعدته اني هتجوزه او قولتله اني بحبه واظن الجواز والحب ده نصيب
آسيا: بس يا حلا كنتي بتجرحيهم
حلا: لا حول ولا قوة إلا بالله انتوا ليه مُصريين تتهزأوا يعني هو مكنش بإيدي بس مش هروح اخدع واحد واديله امل ان ممكن نكون في يوم لبعض واني احبه وده اصلا مبيحصلش وانا لا اخلاقي ولا تربيتي تسمحلي اني اخدع حد واخونه انا مأقبلش ده على اخواتي لا بنات ولا شباب واللي مقبلهوش عليا ولا على اللي مني مأقبلهوش على ولاد الناس
فريدة بإعجاب وحب: بت انتي هو انتي ازاي كدة
حلا ابتسمت: كدة ازاي
فريدة: حاجة كدة تتحب وتتاكل بت متبتسميش قدامي ولا تضحكي بدل.....بدل.....بدل ما اغتصبك انا بقولك اهو
الكل ضحك بشدة عليها وكذلك حلا
حلا: جربي كدة تعمليها هتلاقي حد تاني قدامك
مايا: لا ونبي بلاش الوش التاني لحسن بن ستين كدة يعني
حلا ضحكت: طب كويس انك عارفة
فريدة: حلول انا فيه سؤال محيرني هو ليه لما بنحب حد بنغير عليه
حلا ضحكت: حاجة خارجة عن الإرادة
ساندي: ايوة ليه برضه
إيلين: طب ما احنا ممكن نحب بس منغيرش
حلا: تؤ مستحيل يبقى ده مش حب
انجلي: ازاي بقى فيه ناس كتير بتغير على ازواجهم وده بيسبب مشاكل حتى ممكن توصل للطلاق يعني الغيرة حاجة مش حلوة
حلا تنهدت: لا فيه فرق من اني اغير بقلبي واني اغير بعقلي وعقلي هو اللي يتحكم فيا
مها بإستغراب وعدم فهم: هو فيه غيرة بالقلب وغيرة بالعقل
حلا: اه
سلمى: ده ازاي ده
حلا: مبدئيا مفيش راجل بيحب ان مراته تتحكم فيه لما انا اغير بعقلي هدي للشيطان فرصة يتدخل ما بينا فطبيعي هتوصل لخراب البيت وللطلاق انما لما اغير بقلبي بغير لاني بحبه واثقة فيه وعارفة انه مش هيخوني ولا هيبص لواحدة غيري بغير وانا واثقة فيه بس كل الحكاية اني مستحملش واحدة تبصله غيري يعني تقدري تقولي ملكية خاصة محدش ليه الحق فيه او انه يبصله غيري بس انما لما اغير بعقلي ممكن توصل ان انا اتحكم فيه فبالتالي هتحصل مشاكل وهو لما هيعند الشيطان هيبدأ يوسوسلي ويوهمني انه كدة مبقاش بيحبني وبيخوني مع واحدة تانية وممكن يحصل كذا موقف نظري ها نظري هو اللي يثبت التفكير ده وعقلي يترجمه على انه خيانة وهنا القلب بيتلغي فبالتالي بتوصل للطلاق
فريدة: طب ما هنا واجب الزوج يطمني ويقولي انه مش هيحب غيري وكدة يعني
حلا: وانتي هتستني يقولك كدة ليه
فريدة: عادي يعني كنوع من الاطمئنان
حلا: لا انتي كدة يا إما مش واثقة من حبه ليكي وحاسة انه ممكن يبص لواحدة غيرك او انتي عارفة انك مأثرة في حقه فبالتالي خايفة ان واحدة تانية تنجح في انها تاخده منك او تخليه يحبها
فريدة: وليه مثلا مأكونش عاوزاه يطمني او يحب فيا كنوع مثلا زي ما بتقولوا كدة دلع يعني
حلا بإستغراب: طب سؤال بس هو لو انا هتدلع على جوزي هشكك في حبه ليه انتي حافظة مش فاهمة يا بت
فريدة: يا حلول في الافلام يعني وكدة بيتدلعوا على اجوازتهم بيعملوا نفسهم زعلانين وكدة وانهم مبيهتموش بيهم وكدة
حلا: ااااه عارفة المحن والسهوكة دول محن تقيل بعيد عنك و.......
فريدة وضعت يدها على فمها: بس بس يخرب لسانك طب اتكسفي طب اهلك قاعدين وجوزك ده انا اتكسفتلك يا شيخة
حلا ازاحت يدها عن فمها: لا ما هما عارفني كويس وعارفين اني بقول على الخرا ده مح.........
فريدة وضعت يدها مرة اخرى على فمها: خلاص عرفت انه كدة خلاص مش لازم تكملي انا فهمتك وعرفت خلاص
ازاحت فريدة يدها عن فم حلا
فريدة: اومال بدلعي جوزك ازاي يا حلا او بتدلعي عليه ازاي
حلا: احم وانتي مال مناخيرك بتحشريها في الموضوع ليه
فريدة: قولت اتعلم منك
حلا: لما تبقي تتجوزي هبقى اقولك
قصي: بتكدب عليكي ديه ولا مرة ادلعت هي اساسا متعرفش يعني ايه دلع او رقة بحس اني قاعد مع واحد صاحبي
الجميع ضحك
حلا بلا مبالاة وبرود وهدوء: محدش جابرك تفضل معايا لو عاوز نتطلق من انهاردة عادي يعني مش هتفرق
قصي ببرود: وانا مليش مزاج اطلق
سلمى: بسس انتوا الاتنين ايه احنا مش ماليين عنيكوا
حلا بمرح: لا يا ست الكل ده انت قمر تملى عين اي حد فيه حد يشوف الجمال ده كله وميبقاش مالي عينه ده حتى يبقى اعمى ومبيفهمش
سلمى: ايوة يا بت كُلي بعقلي حلاوة حلو
فريدة: لا ابدا ده حلول معاها حق معرفش ايه البيت اللي مليان مُزز ده
إيلين: خلاص خليكي قاعدة معانا على طول
فريدة: نفسي والله بس إيدو مش هيوافق
حلا: طب فريدة يظهر انك واخدة راحتك في القعدة ما تقومي يا حبيبتي
فريدة بتمثيل الزعل والصدمة: ايه ده انتي بتطرديني
حلا ابتسمت: لا بس عندي شغل وعاوزة اقوم قومي اخلصي
فريدة: قولي بقى انك زهقتي مني اروح احسن
جميلة: تعالي يا ديدا اقعدي في حضني سيبك من البت ديه
فريدة قامت وجلست بحضن جميلة: شايفة الناس اللي بتحب بجد مش انتي الله يكون في عون جوزك
حلا وهي تقوم وتتجه للمكتب: شكرا يا ستي
حلا دلفت للمكتب وظلت تعمل للصباح قليلا والجميع صعدوا لغرفهم ليناموا
__________________________________
ظلت حلا لمدة ثلاثة ايام لا تنام من العمل للمنزل للتدريب وتجلس بالمساء تعمل بالمكتب في اليوم الرابع عادت من المركز كانت تشعر بالتعب الشديد فصعدت لغرفتها لتنام ابدلت ملابسها وفردت جسدها على الفراش لتنام بمجرد ان غفت دلفت روما ومايا لغرفتها ومعهم إيلين إيلين قفزت على الفراش
إيلين: حلول حلول حلول اصحي يلا حلاااااااا. صرخت بها
تململت حلا بإنزعاج: الله يخرب صوتك المسرسع ده سيبيني انام
روما ازاحت من على حلا الغطاء: لا قومي يلا علشان هنخرج كلنا سوى
دلف قصي عليهم وسمع حلا وهي تقول
حلا: ابوس ايدك يا شيخة سيبيني اتخمد يكشي تكون خمدة ما اقوم منها
مايا: ماهو علشان هتكون خمدة ومش هتقومي منها هنصحيكي يلا قومي
جذبتها روما ومايا من يدها واجلسوها وحلا مغلقة عينيها إيلين ربطت على وجنتيها بخفة
إيلين: يلا فوقي بقى يا حلول علشان نخرج سوى يلا بقى
حلا فتحت عينيها بصعوبة: طيب روحوا اجهزوا يلا
البنات فرحوا بشدة وذهبوا ليبدلوا ملابسهم حلا نظرت لقصي
قصي: قومي يلا
حلا برجاء: تكسب فيا ثواب وتقفل ام الباب ده
ونامت مرة اخرى واخذت الغطاء عليها قصي ازاح الغطاء عنها: لا قومي يلا علشان نخرج سوى وإلا.......
حلا وهي مغلقة عينيها: انا تعبانة ومش عايزة اخرج اخرجوا انتوا وسيبوني انام
اخذت الغطاء ووضعته على وجهها قصي اقترب منها وجلس بجانبها وازاح الغطاء بعيدا عنها فتبعثرت خصلاتها على وجهها فقصي مد انامله وابعدها عن وجهها
قصي بحب وخبث: هتقومي ولا اتصرف معاكي تصرف تاني وانتي شكلك مُغري اصلا
حلا ابتسمت وهي مغمضة عينيها: انا دايما في نظرك مُغرية فمش هتفرق يعني سيبني انام بقى
قصي نظر لها قليلا وبخبث: يعني مش هتفرق معاكي مهما عملت
حلا وهي نائمة: اممم
قصي: انتي اللي قولتي يبقى تستحملي
لم يتلقى رد فعل منها فوضع يده اسفل ظهرها واقترب منها التهم شفتيها في قبلة ومد يده الاخرى وضعها اسفل ركبتيها وحملها حلا حاوطت عنقه بذراعيها وهي تشعر بالتعب والنوم بشدة واستسلمت له حملها قصي بين يديه واخذها على الحمام انزلها ثم ضغط على احد الازرار فخرجت المياه من جميع الجهات فتبلوا هما الاثنين معا وحلا فتحت عينيها وظلت تصرخ به بغضب وغيظ وعندما سكتت
قصي ببرود: خلصتي
حلا بغضب: تصدق عمري ما شوفت ابرد منك
قصي ابتسم بحب: ولا هتشوفي يا عمري
وجذبها من خصرها لحضنه والتهم شفتيها في قبلة عميقة اخذ يقبلها بحب وشوق ولهفة حلا اخذت تضربه بصدره بغيظ وغضب وتدفعه ليبتعد عنها ولكنه لم يستجب لها ضغط على خصرها اكثر كاسر جميع الحواجز والمسافات بينهم تعلقت حلا بعنقه واخذت يده تسير على ظهرها بلهفة وشوق ورغبة ويضمها لحضنه اكثر دقائق ظلوا على هذا الحال ابتعد عنها قليلا ولكن لم يزح يده من على خصرها ثم اغلق المياه وعاد وقف امامها
حلا: الحمد لله عملت اللي انت عايزه خليني انام بقى
قصي: قدامك عشر دقايق وتكوني جاهزة ولو مجهزتيش ساعتهاا....
قالها بخبث وهو يقترب منها وهي تبتعد حتى التصق ظهرها بالزجاج فحاصرها واسند يده على الزجاج
قصي بخبث: ساعتها هاخدها حجة ومش هنخرج معاهم بس ساعتها هيبقى معايا حق لو اغتصبتك وقتها اديني نبهتك قبليها
حلا بغضب وغيظ: تصدق انت قليل الادب وسافل اوعى من وشي
قصي اقترب منها اكثر: على فكرة الزوج قليل الادب والسافل رزق
حلا بإنزعاج: وانا مش عايزة الرزق ده ابعد
قصي: اممم وان مبعدتش هتعملي ايه هتضربيني مثلا
حلا بغيظ: مثلا
قصي ضحك: مأهونش عليكي انا عارف
خطف قبلة سريعة من شفتيها وغمز لها ثم خرج حلا دبدبت بقدميها على الارض بضجر مثل الاطفال ثم اخذت شاور سريع وخرجت وهي ترتدي البشكير ولكنه لم يكن بالغرفة دلفت لغرفة الملابس وارتدت چيب زرقاء واسعة بنهايتها ورد صغير باللون الابيض والاسود وبالخصر حزام رفيع اسود وارتدت شميز لونه ابيض من الستان ورفعت اكمامه قليلا وارتدت حذاء بكعب عالي اسود وحلق على شكل وردة لونه ابيض من الماس وإنسيال رقيق من الماس وكان يليق مع محبس الزواج وتركت لشعرها العنان مفرود على ظهرها وجزء قليل منه على كتفها اليمين ووضعت من برفيومها الهادئ وخرجت دون ان تأخذ مخدرها وهبطت للاسفل كان الجميع متجمع ومنتظرها
آسر عندما رأها اطلق صفيرة تدل على إعجابه وصفق لها: ايه يا بنتي انتي كل يوم بتحلوي عن اللي قبله
الجميع انتبه لهم حلا بغرور: ما انا عارفة اني في كل حالاتي حلوة بس مش هقولكوا غير حسبي الله ونعم الوكيل فيكوا انا عاوزة انام وتعبانة وانتوا ليكوا مزاج تخرجوا مال اهلي انا ما تخرجوا انتوا
تعلقت روما بذراع حلا: لا لازم سندريلا تيجي معانا
تعلقت مايا بذراع حلا الاخر: ايوة لان من غير الاميرة الخروجة مش هيبقى ليها طعم
حلا: اشوف فيكوا يوم بإذن الله
ادم: طب يلا نخرج بقى
يحي: يلا
قصي اتجه لحلا وسحبها من يدها خلفه واصعدها بسيارته والجميع صعد بسيارتهم وكل واحد معاه شريكة حياته واتجهوا لأحد المطاعم اتعشوا ثم خرجوا يتمشون قليلا
قصي بخبث: انا كدة عرفت بعد كدة افوقك ازاي بس شكل الموضوع كان عجبك يا حلا
حلا وقفت ونظرت له بغيظ وهو كان يمشي فإنتبه انها وقفت نظر للخلف والتف لها
حلا بغيظ: مين اللي قالك ان كان عاجبني الموضوع
اقترب منها قصي وهو مبتسم: شعلقتك في رقبتي ديه كانت ايه
حلا بغيظ: ده بسبب انك ضغط على جنبي جامد
قصي بخبث: طب ده لما كنا في الحمام ولما شيلتك من على السرير ده كان ايه
حلا بتوتر: ها......مع...معرفش مكونتش حاسة اصلا كنت نايمة
اتسعت ابتسامة قصي اكتر واردف بخبث: اممم يعني قلبك اللي كان مسئول عن رد فعل كده
حلا بتوتر: يمكن معرفش
قصي اقترب منها اكثر وحلا اخذت تبتعد بتوتر
قصي بخبث وحب: اعرفك انا الحقيقة هي ان انا وحشك وقلبك مش عاوز غير القرب بس انتي بتعاندي وبترفضي ده
حلا بإنزعاج وتوتر فهي اصبحت محاصرة ولا تعلم كيف تتصرف: لا موحشتنيش
قصي بخبث: يعني بطلتي تحبيني
حلا: اه
قصي بخبث: طب لما انتي بطلتي تحبيني غيرتي عليا ليه من ماري واتنرفزتي عليها لما حضنتني
حلا ظلت تبتعد حتى التصق ظهرها بشجرة واسند قصي على الشجرة محاصرها حلا صمتت ولم تعرف ماذا تجيبه
قصي بخبث: ها مجاوبتنيش يعني
حلا بإنزعاج وتوتر: اظن اني مش مضطرة اجاوبك على كل اسئلتك
قصي: بس انا عاوز افهم ليه عملتي كدة ومتقوليش مكنش ده السبب لان كان واضح على وشك جدا انك ادايقتي وفي اخر الكلام قولتيلهم انك مراتي واني جوزك لو انتي بطلتي تحبيني زي ما بتقولي مكنش هيفرق معاكي مين يحضني او لا ومكنش هيفرق معاكي انهم يعرفوا علاقتك بيا
حلا بتوتر: لا بس اظن انك جوزي يعني.....يعني المفروض انك مش من حق حد تاني غيري....ومش من حق اي بنت تقرب منك كدة وتحضن عادي وانا اقف اتفرج ليه ان شاء الله حد قالك اني مركبة قرون لما ابقى اركبهم هبقى اقولك.....وبعدين والله اللي اعرفه ان مش كل المعجبين هيحضنوا الاشخاص المشهورين او المعجبين بيهم يعني انا مثلا معجبة بالمطرب تامر حسني هل ده يديني الحق اني اول ما اشوفه اترمي في حضنه ما هو انا معجبة بيه بقى
قصي شعر بالنيران تشتعل بداخله وغضب جذبها من خصرها بقوة: تحضني مين ياختي ومعجبة بمين يا روحي فكري تعمليها يا حلا وربي لاكون رايح فيكوا انتوا الاتنين في داهية
حلا دفعته بعيد عنها وبغضب: ليه ما انت كان عاجبك لما ماري حضنتك وكنت قابلها إشمعنا انت يعني ولا دلوقتي كرامتك ورجولتك وجعوك اوي لمجرد انك تخيلت بس اني حضنت راجل تاني غيرك ولا هو علشان انت رجل الاعمال المشهور قصي احمد الشناوي الكينج يحقلك تعمل كل حاجة واي حاجة وتتكلم براحتك والكلام اللي على مزاجك وتجرح الناس عادي ومحدش يقولك بم او يفتح بوقه او يحاسبك
قصي بغضب: اولا انتي مراتي وملكي انا وبس ثانيا مش من حق حد تاني يحضنك او يقرب منك غيري ايا كان الشخص ده ايه ثالثا بقى وده الاهم انا بحبك وغيرتي عليكي مش بإيدي انا مبستحملش اخوكي آسر او اخواتك اللي منك يمدحوكي دقيقة واحدة علشان استحمل انك تحضني راجل تاني
حلا ببرود وغيظ: ليه لا ما عادي هقول زي ما ماري قالت. ثم قلدت ماري
حلا بدلع مثل ماري: سوري مكونتش اقصد اللي عملته بس يعني من فرحتي اني شوفت حضرتك يعني مكونتش اتخيل اني ممكن اقابلك في يوم من الايام واقف قدامك يعني من شدة فرحتي معرفتش اتحكم في نفسي او افكر في تصرفاتي
ثم اكملت بغضب وغيظ
حلا: مش هو ده كان كلامها هقول زيها كمان اصل من فرحتي مقدرتش اتحكم في نفسي واعرف انا بعمل ايه ده كان بالناقص تبوسك
قصي لم يستطع المقاومة وانفجر ضاحكا على حلا وطريقة كلامها وهي مقلدة ماري ضحك بشدة حتى ادمعت عيناه ووجهه احمر وهذا جعل حلا تستشيط غيظا وغضبا
حلا بغيظ: انت اللي يقف ويتكلم معاك ينجلط ويندم ندم عمره وانا غلطانة اني واقفة بتكلم معاك
جائت لتمشي جذبها قصي من ذراعها لتقف امامه
قصي وهو يسيطر على نفسه: يعني بتعترفي انك غيرتي عليا
حلا عقدت ذراعيها امام صدرها وكانت تنظر تجاه أهلها وبغيظ: لا مغيرتش
قصي: لا غيرتي
حلا: لا مغيرتش
قصي امسك وجهها بين يديه: يبقى تقوليها في وشي وعينك في عيني
حلا بإنزعاج وغضب وهي تحاول ان تبعد يده: انا حُرا ابُص مطرح ما ابُص وانت مال...........
ابتلع باقي جملتها بقبلته العميقة لحظات وابتعد عنها
حلا عقدت حاحبيها بإنزعاج: انت ا..........
التهم شفتيها في قبلة مرة اخرى ثم ابتعد
حلا بغيظ: انت متخلف احنا في الشارع اوعى
قصي طبع قبلة على شفتيها: ميهمنيش حد وانتي عارفة كدة كويس مراتي وحُر اعمل فيها ما بدالي عاوزاني ابطل
حلا: اه
خطف قبلة سريعة من شفتيها
قصي: تعترفي بالحقيقة
حلا عقدت حاجبيها بإستغراب وعدم فهم: اللي هي؟!
قصي اقترب وامسك شفتيها في قبلة مرة اخرى ثم ابتعد: انك غيرتي عليا من ماري وادايقتي لما حضنتني
حلا رفعت احدى حاجبيها بغيظ: لا انا عمري ما اغير من واحدة زيها متستاهلش اصلا هي ايه وانا ايه
قصي ابتسم: بس ادايقتي يوميها
حلا بتوتر وهي تهرب من عينيه: قولت لا
قصي: ولما هو لا بتبعدي عينك عني ليه علشان مش ديه الحقيقة صح
حلا بإنزعاج وتهرب: انا تعبانة وعاوزة اروح
انزلت يده من على وجهها وجائت لتمشي قصي جذبها من خصرها لتصطدم بصدره: حلا بصيلي
حلا وهي تنظر بالارض: لا مش عاوزة ابصلك
قصي بحب: ليه
حلا وهي مازالت على وضعها: كدة انا حُرا مليش مزاج ابصلك
قصي بحب: بصيلي يا حلا
حلا لم تجيب عليه قصي مد يده ورفع وجهها بالقوة إليه وتلاقت الاعين حلا سرحت بعين قصي التي تعبر عن مدى حبه لها واشتياقه لها
قصي بحب: لسة بتحبيني
حلا بهيام وعدم وعي هزت رأسها بالموافقة: اه جدا
قصي ابتسم واقترب خطف قبلة عميقة من شفتيها وهي مستسلمة له لحظات وابتعد
قصي بحب وشوق: غيرتي عليا من ماري حلا اومأت بالموافقة وهي تنظر له بحب اقترب قصي مرة اخرى وكرر فعلته وطبع قبلة على شفتيها ثم ابتعد
قصي: ليه ادايقتي
حلا بإنزعاج: وهي ديه فيها ليه
قصي ابتسم: اه
حلا بغيظ امسكته من البليزر وجذبته بقوة: لانك من حقي انا وبس وملكي انا وبس وممنوع منعا بتا ان واحدة تانية تبصلك بطرف عنيها علشان توصل انها تحضنك ده كان بالناقص تبوسك قدام الك.............
اسكتها قصي بقبلته العميقة التي ابتلع بها باقي جملتها ثواني ثم ابتعد
قصي الصق جبينه بجبينها واردف بحب ونبرة مخدرة: انا عمري ما بنت هتيجي تملى عيني غيرك لا حبيت قبلك ولا هحب بعدك ودايما عايزك تبقي متأكدة ان كل البنات ماتوا في عيني انتي بس اللي في قلبي حلا لا كان فيه قبلك ولا هيكون فيه بعدك...بعشقك
امسك وجهها بين يديه والتهم شفتيها واخذ يقبلها بقوة وعمق كانت قبلته تعبر عن شدة حبه لها عن رغبته الشديدة بها عن شوقه ولهفته لها حلا استسلمت له واغمضت عينيها عندما رأها قصي مستسلمة انزل يده وحاوط خصرها مقربها إليه اكثر حلا رفعت يدها وحاوطت عنقه وغرست يدها في خصلات شعره الناعمة واخذت تعبث بها بحب وشوق وهذا اثار مشاعر قصي اكثر ظلوا على هذا الحال دقائق عديدة في دوامة الحب هذه..........انتبهت روما لهم ففرحت لأجلهم وارتسمت ابتسامة على ثغرها رأها لوئي
لوئي بإستغراب: بتبتسمي على ايه وفرحانة اوي كدة ليه
روما بسعادة: شكل حلا وقصي اتصالحوا اخيرا حتى شوف. وابتسمت بسعادة واشارت له بعينيها عليهم الجميع انتبه لروما ونظروا على حلا وقصي
سلمى بسعادة: والله ياريت يكونوا اتصالحوا بجد وميكونش ده للحظة ويرجعوا تاني يتخانقوا ويعاندوا مع بعض
مايا: يرجعوا يتخانقوا مين دول غرقانين في الحب انتوا مش شايفينهم ولا ايه
ضربتها مها بخفة على مؤخرة رأسها: قولي ربنا يخليهم لبعض بطلوا قر عليهم شوية دول شافوا الويل علشان يبقوا لبعض ولسة بيشوفوا وكفاية عليهم اللي عاوزبن يخربوا ما بينهم ويفرقوهم مش هيبقوا هما وانتوا تقعدوا تحسدوهم علشان كدة مبيلحقوش يبقوا مع بعض اسبوع وبيتخانقوا وتحصل مشكلة تبعدهم عن بعض
إيلين: انا هروح ارخم عليهم
امسكها فارس من ياقة بلوزتها من الخلف وجذبها له
فارس: مالك ومالهم ما تسيبيهم يحبوا في بعض شوية انتي ايه اللي غايظك
إيلين بغيظ: وانا هتغاظ ليه يا عم انا قولت ارخم بس مش اكتر
رقية ضربتها على كتفها بقوة: وليه الرخامة سيبيهم يتهنوا ببعض شوية دول بقالهم اكتر من شهر منشفين ريق بعض ومتخانقين وكل واحد معاند مع التاني ومطلعين عين بعض مستكترة عليهم شوية حب اتقوا الله بقى وسيبوهم في حالهم
احمد: ايوة يلا كل واحد يركز مع مراته احسن
إيلين: طب واللي مش متجوز يعمل ايه
سمير: ايوة صح اللي مش متجوز يعمل ايه
انجلي بخبث: ممكن تاخد انت إيلين وتتمشوا شوية وتتكلموا
ثم همست بأذنيه: واهو تتكلم مع حبيبت القلب شوية يمكن تكتشف انك واقع ولا حاجة ونفرح بيك انت كمان
سمير نظر لها بصدمة وانجلي غمزت بعينيها له
رقية ابتسمت بخبث: طب والله فكرة احنا عددنا كبير ولا انتي ايه رأيك يا إيل
ثم همست بأذنيه: اهو جاتلك فرصة انتي كمان تقعدي مع حبيب القلب
إيلين نظرت لها بصدمة وخجل
رقية بصوت منخفض: ده احنا شكلنا واقعين خاااالص
نكزتها إيلين بذراعها فضحكت رقية
فارس: بتضحكي على ايه يا روحي
رقية: ها لا ولا حاجة بس افتكرت حاجة كدة فضحكت
فارس: طب ما تقوليلي وتضحكيني معاكي
رقية: هبقى اقولك بعدين
فارس بخبث غمز لها: اه لما نكون لوحدنا يعني
رقية ضربته على كتفه: بطل قلة ادب شوية مش اللي في دماغك خالص
فارس: شكلي اتخميت فيكي يا رقية ملكيش في الرومانسية خالص
رقية: مين ده اللي قالك كدة انا رومانسية جدا على فكرة
فارس بخبث: خليها لوقتها هنحتاجها
رقية بعدم فهم: المعنى
فارس حاوط خصرها: هبقى اقولك في الوقت المناسب
رقية لم تفهمه ولكنها اومأت بالموافقة.......عند حلا وقصي ابتعد عنها بعد مدة ودفن وجهه بعنقها وحلا ايضا تعلقت بعنقه ودفنت وجهها تستنشق عطره التي اشتاقت له كثيرا وظلوا هكذا قليلا وساد الهدوء بينهم حتى قاطعه قصي
قصي بحب: انا اسف عارف ان الكلمة ملهاش لازمة ومش هتعمل حاجة بس انا اسف يوميها مكونتش اقصد اجرحك حلا عارف اني جرحتك وجامد اسف ارجعيلي حلا وكفاية بُعد مش قادر استحمل بُعدك عني بُعدك بيموتني يا حلا ارجعي لحضني والله انا بحبك
حلا بدموع وصوت مهزوز: وهو اللي بيحب حد يجرحه......اللي بيحب حد يطرده من اوضته ويقوله انه ندمان انه حبه وانهم هينفصلوا.....وهو اللي بيحب حد يدوس عليه بكل قوته ويكسر قلبه ويكسره...وهو اللي بيحب حد هيتهمه ان شغله عنده اول اولوياته....وهو اللي بيحب حد يخليه زيه زي الغريب يعرف اخبار اهله بالصدفة ومن الغريب مش منه.....قصي انت جرحتني جرح عمري ما هقدر انساه والجرح كبير...كبير اوي لما اعرف من ادم انك انت اللي قولتله ميقوليش على حادثة بابا وقتها اتصدمت لاني لو كنت اتوقع التصرف ده من اخواتي عمري ما هتوقعه منك في لحظة اعتبرتني غريية عنكم وخبيت عني حادثة اهلي في لحظة واحدة كسرت كل الارتباطات اللي بينا وعاملتني كإني واحدة غريبة ومش من العيلة انا مكونتش اتوقع منك التصرف ده اعرف من سام زميلي بالعمل بحادثة اهلي مش منك لا انت ولا ادم طب....طب وقتها مفكرتش ايه هيكون شعوري لما اعرف من شخص تاني مش من العيلة....ده على كدة لو مكونتش عرفت ويحي عمل حادثة هو كمان مكونتوش هتقولولي
قصي ابتعد عنها قليلا ومد يده امسك وجهها بين يديه ومسح دموعها وبحب وحزن: مبتتحسبش كدة يا حلا
حلا ابعدت يده عنها وبإنزعاج وهي تبكي بحرقة: لا يا قصي تتحسب كدة ليكون في علمك انا اعرف احمد وسلمى من قبل ما انت تظهر في حياتي علاقتي بيهم ملهاش علاقة نهائي بعلاقتي بيك وارتباطي بيهم اقوى من ارتباطي بيك دول اهلي احمد بيكون ابويا التاني وسلمى امي التانية مش معنى اني لو انا وانت انتهت علاقتنا يبقى ده معناه اني هنهي علاقتي معاهم لا انا مقطعش إرتباطي بأهلي علشان اي حد ولا حتى علشانك انا بحبهم واعرفهم من قبل ما اعرفك او اشوفك حتى فمتفتكرش للحظة اني معاملتي معاهم او محبتي ليهم فده علشانك لا يا قصي انا اكتر حاجة جرحتني هو اني اعرف بأن اهلي عاملوا حادثة من زميل في العمل هو حيى الله غريب عن العيلة يعني كإني زيه بالظبط انت عارف مدى الوجع اللي حسيت بيه وقتها او مدى الجرح اللي انتوا سببتهولي......لا متعرفش لانك لو كنت تعرف او بتحس بيا شوية مكوناش وصلنا لهنا مكونتش حطتني في الموقف ده ولا سببتلي الوجع ده انا كنت مدايقة من ادم وفاكراه ان هو اللي عمل كدة قصدا بس اتصدمت لما قالي انك انت اللي طلبت منه كدة ادي جرح تاني ووجع تاني واستنيت سيادتك لما ترجع من الشغل على امل ان اللي سمعته من ادم يكون غلط وانك تقولي انك معملتش كدة بس اتفاجئ برد فعل تاني اتهماتك ليا انت حتى مكلفتش نفسك تسألني ليه مردتش عليك او ليه مثلا مكونتش جنبك انت حتى مكلفتش نفسك تسألني عن الجروح الي في وشي من ايه
قصي بدموع وحزن وندم: يا حلا حتى لو كنت سألتك مكونتيش هتقوليلي الحقيقة وكونتي هتقوليلي عندك شغل يا حلا حطي نفسك مكاني اتصلت بيكي اكتر من عشرين مرة وانتي مبترديش ولا حتى بتبعتي مسدچ وانا كنت محتاجك جنبي ادايقت لاني في وقت ما كنت عايزك ومحتاجك مكونتيش معايا وقتها افتكرت انك مبترديش لانك مشغولة في الشغل واستنيتك كتير تتصلي بيا بس متصلتيش وقتها ادايقت وكنت في ضغط كبير ما بين حالة اهلي الخطيرة وما بين انك مبترديش ولا بتتصلي حتى وقتها ادايقت وحسيت اني اخر اهتماماتك وانك مبتفكريش فيا حلا انا اسف ا..........
قاطعته حلا بغضب ودموع: وهو انا فيه مرة انت اتصلت بيا وانا مردتش عليك انا عارفة كويس اني لو مردتش عليك انت بتقلق فحتى لو انا مشغولة بكنسلك وببعتلك مسدچ ولما بفضى بكلمك ويوم ما بكون مشغولة جدا ومفيش وقت ابعتلك مسدچ بكنسلك وقتها انت بتفهم اني مشغولة بس وقتها انا لا كنسلتك ولا بعتلك مسدچ يبقى انا معرفش بمكالماتك ديه والتليفون مش معايا كنت تقدر وقتها تلتمسلي العذر قصي فيه مليون عذر تلتمسه يمكن حصلي حاجة يمكن التليفون اتسرق يمكن مُت ولعت بجاز بس ازاي انت مجاش في تفكيرك غير اني مش مهتمة بيك وانك اخر اهتماماتي واني مبفكرش فيك مع اني في عز ما انا كنت مخطوفة وبموت ودمي بيتصفى مكونتش بفكر في حد غير فيك
صمتت قليلا لتأخذ انفاسها فشعرت بوجع شديد بقلبها
قصي بقلق ودموع: حلا انت.........
حلا قاطعته بألم ووجع: قصي سام مكانش عارف يوصلي وليه حق لان لا كان معايا تليفون علشان يتعقبه ويوصلي ولا حتى معايا عربيتي علشان يجيب رقمها ويعرف مكانها وكنت في وسط غابة السبب اللي خلاني اقاوم واستحمل مع اني كنت واخدة ضرب مكونتش قادرة اقف على رجلي وقلبي واجعني عارف ايه السبب.....انت السبب
قصي انصدم: انا
اومأت حلا بالموافقة: اه انت......انا ميفرقش معايا اذا مُت او عيشت ويمكن الاريح ليا الموت وقتها مكونتش قادرة اقاوم قاومت علشانك انت وبابا كنت بحاول انجى منهم علشان عارفة اني لو حصلي حاجة مش هتستحمل انت وبابا لو علشاني انا مش عايزة اعيش مفيش لحظة غيبت فيها عن تفكيري قصي علشان تقولي ان الشغل اولى اهتماماتي لو شغلي هو اولى اهتماماتي مكونتش سيبته وجيت لما عرفت ان بابا وماما عاملوا حادثة
قصي امسكها من ذراعها: حلا ان............
ابعدت حلا يده عنها وقاطعته بدموع: لما طلبت منك الطلاق قولتلي بيهون عليكي تنهي وتبيعي كل اللي بينا بالسهولة ديه لو كان فيه حد باع ونهى بالسهولة يا قصي فهو انت انت اللي جيبت سيرة الطلاق والانفصال وانت اللي كنت عايزني ابعد عنك ولما نفذتلك طلبك بقيت انا اللي ببيع وبنهي كل اللي بينا لما انفذلك اللي انت عايزه مبيعجبكش ولو عارضت وعاندت ورفضت اني انفذه برضه مبيعجبكش لو بتنتقم مني على جرحي ليك طول الخمس سنين ورفضي ليك انت متعرفش حالتي كانت ازاي ولا السبب اللي خلاني بعيدة عنك وبرفض اني اقابلك وافضل بعيدة عنك كل البعد مع اني مش عايزة غير القرب كنت بموت كل يوم بسبب رفضي ليك وجرحي ليك وانا عارفة ان اللي انا بعمله وتصرفاتي بتوجعك وتجرحك لو انت كنت بتموت فأنا مكونتش عايشة اصلا ليه مُصر تخليني اندم اني حبيتك واني وافقت على القرب ومفضلتش بعيدة عنك اه كنت بموت وبتعذب بس اريحلي من وجع القلب اللي انت بتسببهولي يا قصي موتني احسن واريحلي انا مبقيتش قادرة استحمل وجع اكتر من كدة مبقدرش استحمل كلامك الجارح انت بالطريقة ديه بتموتني بالبطيئ قصي
قصي جذبها من يدها لحضنه وبدموع وحزن وندم وألم: انا اسف......اسف على كل وجع سببتهولك او كنت السبب فيه.....اسف على كل مرة خذلتك فيها ومكونتش عند حسن ظنك بيا......اسف على كل مرة اتخليت عنك فيها في عز ما كنتي محتاجاني...اسف..اسف على كل مرة خليتك تندمي انك حبتيني او انك وافقتي على القرب وندمتي على ده اسف
حلا دفعته بقوة بعيد عنها وهي تبكي وتصرخ به وتضربه بصدره وتدفعه: اسفك هيفيد بإيه قصي.......ها هيفيد بإيه....هيخفف الوجع اللي سببتهولي....ولا هيرجع قلبي اللي اتكسر بسببك وبسبب حبي ليك وثقتي فيك.....ولا هيصلح ايه ولا ايه......اسفك مش هيفيد بحاجة انت دمرت كل حاجة بينا بأفعالك وتصرفاتك وتهورك وغبائك
كانت تضربه وتدفعه بعد كل جملة تقولها قصي امسك يدها وطبع قبلة عليهم ثم جذبها لحضنه وعانقها بقوة: اضربيني.... اصرخي....عيطي.....اتخانقي معايا.....هزئيني....اجرحيني.....فشي غلك فيا......طلعي كل الوجع والغضب اللي جواكي فيا...بس.....بس متبعديش عني ارجوكي حلا
حلا: بس انت كنت عاوز كدة قصي
قصي هز رأسه بالنفي: لا مش عاوز كدة
حلا وهي تدفعه: بس انا مبقاش عندي ثقة فيك قصي مبقيتش واثقة ان لو الموضوع اتكرر مش هتجرحني وتفهمني غلط تاني وانسب حل هو اننا نبعد عن بعض لان انت مش واثق فيا ولا واثق في حبي ليك وانا مبقيتش قادرة استحمل اتهاماتك ليا
قصي: حلا....حلا لا.....حلا بس اسمعيني....حلا
حلا دفعته بقوة: لاااا مش هسمع سمعت بما فيه الكفاية
وتركته حلا وذهبت قصي وقف لا يعلم ماذا يفعل لن يستطع الابتعاد عنها لم يشعر بنفسه سوى انه يجذبها من ذراعها وامسك وجهها بين يديه واخذ يقبلها بقوة وعمق وحب وخوف ولهفة يخشى فراقها لن يتحمل بُعدها عنه اخذ يقبلها لعل يمتص غضبها قليلا ليستطع التحدث معها ويهدئها ظلت حلا تضربه وتدفعه ليبتعد عنها ولكنه كان يتعمق اكثر بقبلته ولكنها ظلت تدفعه وتضربه بصدره قصي وضع يده اسفل رأسها ليثبتها ويد اخرى تحاوط خصرها كاسرا كل الحواجز وقاطع كل المسافات بينهم ولكي يوقفها عن الحركة والابتعاد عنه حلا لم تعرف اتستجيب لعقلها الذي يخبرها ان تبتعد ام لقلبها الذي يؤلمها والذي لا يريد سوى القرب ظلت قليلا بهذه الدوامة حتى استسلمت لقلبها حاوطت خصر قصي مقتربة منه تقبله بحب وشوق ووجع وغضب ظلوا هكذا قليلا جاء قصي ليبتعد ليتحدث معها ولكن حلا لم تبتعد اقتربت منه اكثر وامسكت وجهه بين يديها واصبحت هي من تقبله وتقترب منه حاوط قصي خصرها وحملها ليرفعها لتصبح بنفس مستوى طوله وظلوا هكذا قليلا ثم ابتعدت حلا ولكن ليس كثيرا الصقت جبينها بجبينه
قصي بقلق: حلا انتي كويسة
حلا كانت تشعر بألم بقلبها ولكنها لم تظهر ذلك: اه كويسة
انزلها قصي وامسك وجهها ونظر بعينيها بعدم تصديق: حلا بجد انتي كويسة
حلا شعرت بدوار شديد فأغمضت عينيها وارتمت بحضن قصي ودفنت وجهها بصدره قصي عانقها بقلق وخوف واخذ يربط على ظهرها قليلا
قصي بقلق: حلا تحبي اخدك على المستشفى
حلا ابتعدت عنه: لا انا بقيت كويسة بس حاسة بشوية تعب يمكن علشان بقالي ٣ تيام منيمتش
قصي: متأكدة
اومأت حلا بالموافقة حاوط كتفها قصي وحلا اسندت رأسها على صدره وحاوطت خصره واتجهوا للعائلة جلسوا قليلا معهم
انجلي: قصي انا عاوزة آيس كريم
قصي: حاضر....حلا تحبي اجيبلك انتي كمان
حلا ابتسمت بحب: لا مش عاوزة بس هتروح فين مفيش محلات هنا
قصي ابتسم: فيه محل قريب من هنا هروح اجيبلها مش هتأخر ها
اومأت حلا بتفهم طبع قصي قبلة على رأسها فإبتسمت حلا له
انجلي: وانا ايه يعني بنت البطة السودا
حلا وقصي نظروا لها وطبعوا قبلة على وجنتيها انجلي ضحكت: انا مكونتش طماعة هي بوسة واحدة مش اتنين
حلا: لو عاوزة ممكن يبقوا اربعة
قصي ابتسم وذهب ليجلب الآيس كريم ومشي بطريق مظلم وبه نور خفيف وشبه مقطوع ولكنه كان الطريق الوحيد وذهب سيرا على الاقدام كان يوجد رجلين هيئتهم لا تسُر خرج الرجل الاول وقف امام قصي قصي عقد حاجبيه بإستغراب ولم يرتاح لهذا الرجل
الرجل الاول: من غير مشاكل كدة علشان مش حابب ائذيك طلع كل اللي معاك
قصي ببرود: وان مطلعتش هتعمل ايه
الرجل الاول: هعمل كتير انجز وطلع كل اللي معاك
قصي: مش هطلع ووريني بقى هتعمل ايه
جاء الرجل الثاني من خلف قصي وضربه اسفل رأسه بالسلاح قصي ترنح وشعر بدوار شديد اقترب منه الرجل الاول وكان ينوي ان يفتشه ليأخذ منه ما يملك من مال ولكن قصي امسكه وهو يشعر بدوار وضربه الرجل الثاني اطلق رصاصة من مسدسه ولكن في الهواء قصي التف له وبمجرد ان التف ضربه الرجل الاول بعصى خشب على رأسه وقع جالسا على ركبتيه وهو يمسك برأسه الذي ينزف وهو يشعر بالدوار الشديد.......عند العيلة كانوا يجلسون يتحدثون حلا شعرت بوجع بقلبها ولكنها ظنت انه مما حدث من قليل ولكن فجأة والجميع منسجم مع بعضهم سمعوا صوت إطلاق نار وكأنه قريب جدا منهم حلا جسدها انتفض فزعا ووضعت يدها على قلبها الذي اصبح نبضاته سريعة جدا ويؤلمها
انجلي بقلق: حلا انتي كويسة
حلا اومأت بالموافقة وفجأة تذكرت حادثة والدها وتبدلت ملامحها لتدل على القلق والخوف ثم اردفت بصوت منخفض: بابا
قامت مسرعة تبحث عن والدها وعندما رأته ركضت عليه وامسكته بقلق وهي تتفحصه جيدا
حلا بقلق: بابا انت كويس محصلكش حاجة صح
يحي ابتسم بحب على خوف صغيرته عليه: اه يا حبيبتي انا كويس متقلقيش
التفت حلا لاحمد وهي قلقة ففهم احمد ما تريد قوله وقبل ان تنطق
احمد: انا زي الفل وتمام محصليش حاجة
حلا وهي تنظر لهم بقلق: بجد انتوا كويسين
يحي واحمد اومأوا برأسهم بالموافقة
حلا بإستغراب وعدم ارتياح: اومال إطلاق النار ده جيه منين وليه
يحي: منعرفش
حلا التفت قليلا ثم اردفت بهدوء عكس ما بداخلها: هو قصي فين
احمد: كان معاكي من شوية
يحي: اخر مرة شوفته كان بيتكلم معاكي انتي وانجلي
حلا: اه هو راح يجيب آيس كريم لانجلي هو لسة مرجعش
احمد: لا
لوئي: بابا خلي روما معاكوا هروح اشوف في ايه واجي
حلا بقلق: وانا هاجي معاك
لوئي كان سيعترض
حلا بصرامة: من غير اعتراض يلا
صمت لوئي وذهبت حلا معه وهي تعبث بهاتفها حتى وجدت رقم قصي فأتصلت به
لوئي انتبه لها: بتكلمي امان
حلا: لا بكلم قصي
لوئي بمرح: وقصي هيجي يساعدنا مثلا
حلا بقلق شديد: قلبي واجعني ومش مرتاحة وحاسة انه حصله حاجة......معرفش ليه مبيردش يا الله
لوئي بتفكير وقلق: قصدك ان ممكن طلق النار ده..........
حلا نظرت له: ايوة بالظبط ومعرفش ليه حاسة انه ليه علاقة بقصي.....رد بقى يا قصي
اخذوا يمشون بسرعة في الطريق الذي به إطلاق النار
لوئي: مردش برضه
حلا: اه كدة هو حصله حاجة عمري ما اتصلت بيه ومردش كدة
لوئي: ان شاء الله خير ومش هيكون حصله حاجة
ركضت حلا وهي تلتف وتبحث عنه في الطريق
لوئي بصوت عالي: قصصصيييييي
حلا: انت بتعمل ايه
لوئي: يمكن يكون مرمي هنا ولا هنا ولما يسمعني يرد
حلا: افهم انك بتطمني كدة
لوئي ابتسم: طب عندك حل
حلا صمتت واكملوا طريقهم ولوئي ينادي على قصي حلا رأته على بُعد جاسي على ركبتيه وممسك برأسه
حلا بصوت عالي: قصيييي
انتبه لوئي لها فنظر لقصي وقصي رفع رأسه بصعوبة فكان نصف وجهه يغطيه الدماء والرؤية غير واضحة ركضت عليه حلا ولكن فجأة وقفت عندما رأت شخص من الخلف يضع سكين على رقبته ويوقفه والاخر معه سلاح
لوئي بتحذير: سيبوه وإلا هندمكوا
الرجل الاول: عاوز تخسره يبقى فكر تقرب
حلا بهدوء وهي تقترب منهم بهدوء: اهدوا ونزلوا اسلحتكوا وخلونا نتفاهم بهدوء وبراحة
الرجل الثاني اطلق نار بالقرب من قدم حلا فلوئي اقترب من حلا وامسكها من ذراعها
الرجل الثاني: متحاوليش تتذاكي وتقربي بهدوء علشان تنقذيه بدل ما اخليكوا انتوا الاتنين جثة
لوئي بغضب: انت متعرفش انت بتتعامل مع مين سيب سلاحك وإلا.......
قاطعه الرجل الاول: اظن انت مش ماسك علينا حاجة بس احنا اللي ماسكين عليكوا واي تصرف كدة ولا كدة برقبته ده لو كان يقربلكوا حاجة
حلا بهدوء ممزوج ببعض القلق: لالا احنا مش هنتذاكى ولا هنعمل حاجة لو عاوزين تقتلوني اقتلوني بس سيبوه
الرجل الثاني: احنا مش هنا علشان نقتل
حلا: طب انا مستعدة انفذلكوا اللي انتوا عايزينه بس تسيبوه
الرجل الثاني بإستغراب: ياااه ده يقربلك ايه علشان تبقي مستعدة تخسري حياتك علشانه
لوئي بغضب: سيبوه وإلا هسجنكم انتوا الاتنين
حلا امسكت يد لوئي وهمست: لا ابوس ايدك اهدى مش وقت غضب
لوئي بنرفزة: انتي مش شايفاهم بيتصرفوا ازاي
حلا: اسكت انت وخليني انا اتصرف
الرجل الثاني: مجاوبتنيش يعني
حلا: بيكون جوزي بُص اللي انتوا عايزينه خدوه بس سيبوه
الرجل الاول ابتسم: حلو طلبنا من زوجك الحلو انه يطلع كل اللي معاه بس رفض
حلا: هديكوا اللي انتوا عايزينه
الرجل الثاني: بما انك مستعدة اوي كدة يبقى ادفعي علشان تنقذي حبيب القلب
حلا وقفت بحيرة تفكر فهي لا تملك فلوس ثم فجأة جائت ببالها فكرة خلعت حلقها والإنسيال الذي ترتديه ورمتهم على الارض تجاههم
حلا: المجوهرات لوحدها قيمتهم حوالي سبعين الف او اكتر وادي تليفوني كمان ممكن بقى تسيبوه
حلا رمت هاتفها مع المجوهرات الرجل الثاني تقدم قليلا واخذهم والقى نظرة عليهم والرجل الاول لاحظ المحبس الذي بيد حلا
الرجل الاول: والخاتم اللي في ايدك
حلا نظرت له وخلعت الخاتم الذي اعطاه يحي لها من صغرها ورمته على الارض
حلا: ممكن بقى تسيبوه
الرجل الاول: انا مكونتش اقصد ده بس وماله اللي في ايدك التانية بقى اخلعيه
حلا عقدت حاجبيها بإستغراب ثم نظرت ليدها اليسار ففهمت انه يقصد محبس الزواج نظرت لهم بحيرة ولقصي وللوئي
قصي بتعب: لا حلا......متديهمش حاجة
غرز الرجل الاول السكين برقبة قصي ولكن ليس كثيرا حيث سببت جرح صغير: هتخلعيه ولا
حلا بقلق وخوف على حبيبها: لالا هخلعه
امسكت حلا المحبس وتظاهرت بأنها تخلعه ولكنه لا ينخلع
حلا: ضيق ومش عايز يتخلع
الرجل الاول: هتخلعيه ولا
لوئي بنرفزة: اظن قالتلك انه مش راضي يتخلع وضيق
الرجل الاول: خلاص يبقى نقتله
حلا نظرت للوئي بحيرة ولوئي نظر لها وهو يريد ان يقتلهم الرجل الاول عندما رأهم هكذا
الرجل الاول: هتخلعيه ولا مستغنية عن جوزك
لوئي بغضب: مش هتخلعه ووريني هتعمل ايه
الرجل الاول غرز السكين برقبة قصي اكتر كانت حلا ستخلع الخاتم عندما رأت جرح قصي الذي اخذ ينزف ولكن لوئي امسك يدها ومنعها فغرز الرجل السكين برقبته اكثر حتى اصبح الجرح اكبر ونزف حلا سحبت يدها بخوف وتوتر وبسرعة من يد لوئي وخلعت المحبس ورمته امامهم
حلا: اديني خلعته سيبوه بقى
انخفض الرجل الثاني واخذ المحبس لوئي تقدم قليلا حتى اصبح قريبا من الرجل الثاني وامسكه وكان سيضربه ولكن الرجل الاول فتح جرح برقبة قصي ودفعه فسقط قصي فاقد الوعي حلا ركضت عليه واتجه الرجل الاول للوئي وكان سيغرز السكين بجنبه ولكن لوئي امسك يده وكان سيلويها ولكن الرجل التف وفتح يد لوئي فلوئي تركه لان يده نزفت وكانت تؤلمه فركضوا هما الاثنين ولكن لوئي ركض خلفهم
حلا اخذت تربط على وجنة قصي بخفة: قصي.....قصي فتح عينيك حبيبي قوم يلا
واخذت دموعها بالتساقط
حلا بقلق وخوف ودموع: قصي قوم يلا كلمني.......قصي علشان خاطري قوم يلا......قصي قلبي بيوجعني علشان خاطر ربنا متعملش فيا كدة قوم......انت وعدتني انك مش هتسبني قوم يلا.....قصي
وضعت يدها اسفل رأسه وضمته لصدرها واخذت تبكي بحرقة شعرت بشئ يسيل بيدها ابعدت يدها عن رأسه رأت دمائه فنظرت له بقلق
حلا: قصي.....قصي فتح عينيك......قصي قوم يلا
رفعت نظرها لترى لوئي
حلا: لوئييي
وقف لوئي وترك الرجلين ثم التف نظر لحلا ولأخوه وركض عليهم
حلا ببكاء: الحقني ونبي حاولت افوقه مصحيش لوئي اتصرف قصي هيروح مني
لوئي: خليكي هنا هروح اجيب عربية واجي بسرعة
قام لوئي وركض بسرعة واخذ سيارته وذهب لحلا هبط وحمل قصي ووضعه بالسيارة وحلا جلست بجانبه ووضعت رأسه على قدمها ولوئي انطلق للمستشفى وحدث شاهر واخبره ما حدث بإختصار شديد وفي خلال دقائق وصلوا للمستشفى والممرضين كانوا بإنتظارهم حملوا قصي ووضعوه على الفراش واخذوه على غرفة العمليات ظلت حلا واقفة ويدها ملطخة بالدماء وقلبها يؤلمها بشدة ولكنها لم تهتم فكان تفكيرها معلق بقصي كان قميصها الابيض ملطخ بدمائه وتنورتها ايضا نصف ساعة وخرج شاهر ركضت عليه حلا
شاهر: اهدي هو كويس الجروح سطحية هو كويس هننقله لغرفة عادية وان شاء الله يفوق على الصبح كدة متقلقوش هو كويس وحالته مستقرة ومفيش اي خطورة على حياته حلا اهدي علشان القلق الزيادة غلط على قلبك
اومأت حلا بالموافقة خرجت سيرين وبيدها چاكيت قصي وتليفونه ومفاتيح سيارته ومحفظته واعطتهم لحلا هاتف لوئي اعلن رنينه فأجاب
لوئي: السلام عليكم ايه يا بابا
احمد: فينك يا بني انت وحلا
لوئي: ها لا مفيش يعني انا جايلكوا اهو
احمد بعدم ارتياح: مالك متوتر ليه
لوئي: لا مفيش بس بكلم قصي يعني بيقولي انه هياخد حلا ويتمشوا هما عموما يا بابا اقفل انا جاي سلام
اغلق مع والده بسرعة ونظر لحلا
لوئي: حلا....خدي خلي معاكي مفاتيح عربيتي علشان لو عوزتي تجيبي حاجة او لو قصي فاق وطلب انه يرجع على البيت قبل الصبح
حلا: طب وانت هترجع ازاي
لوئي ابتسم: متقلقيش هاخد تاكسي انا مقولتش لحد حاجة وهجيلكوا الصبح تمام
اومأت حلا بالموافقة
لوئي: هروح انا بقى علشان بابا شاكك في الموضوع وحاسس ان فيه حاجة حصلت
حلا: انت هتروح هناك تاني
لوئي: اه
حلا اخذت مفاتيح سيارة قصي واعطتهم للوئي: خد مفاتيح عربية قصي وارجع على البيت بيها لانهم هيسألوك على عربيتك ابقى قولهم اخدت عربية قصي وهو اخد عربيتك علشان بس ميشكوش في الموضوع
اومأ لوئي بتفهم واخذ المفاتيح: لو احتاجتي حاجة اتصلي بيا
اومأت حلا بتفهم فلم تكن تقدر على التحدث فقلبها يؤلمها بشدة ذهب لوئي للعيلة وطمنهم وعندما رأوه يصعد بسيارة قصي سألوه عن السبب وعن مكان سيارته فأخبرهم ما قالته حلا له واقتنعوا وعادوا للمنزل تم نقل قصي لغرفة عادية وحلا دلفت للحمام غسلت يديها ووجهها وخرجت دلتها سيرين على غرفة قصي فدلفت وجلست على الكرسي بجانبه وظلت ممسكة بيديه وهي تنظر له بحب وخوف قليلا ودلف شاهر عليها
شاهر: اخبارك ايه يا حلول
حلا بتعب: انا كويسة بس المهم قصي
شاهر ابتسم: متقلقيش هو كويس بس ممكن اعرف ايه اللي حصل
حلا تنهدت بحرارة وقصت عليه ما حدث بالتفصيل
شاهر: طب يعني انتوا معرفتوش تمسكوهم
حلا: لا انا ولا لوئي كان معانا سلاحنا وكنا متكتفين لان معاهم قصي وواحد حاطت سكينة على رقبته.....بس والله ما هسيبهم وهدفعهم تمن اللي عملوه غالي اوي
شاهر: خلاص يا حلا بقى في داهية المحبس والتليفون والحلق والإنسيال الاهم انكوا كويسين ومحصلكوش حاجة
حلا: انا ميفرقش معايا لا التليفون ولا المجوهرات بس انا مش هسيبهم علشان اللي عملوه في قصي وهندمهم وهخليهم يعتزلوا المهنة بحبسهم
شاهر ابتسم: طبعا انا لو حاولت اقنعك بعكس اللي انتي عايزة تعمليه مش هتقتنعي وبما ان الموضوع بخصوص قصي مش هتتراجعي
حلا: مستحيييل
شاهر: ماشي بس خلي بالك من نفسك علشان شكلهم خطرين ومش ساهلين
حلا: متقلقش
شاهر: طب عاوزة حاجة
حلا: اه ممكن تجيبلي إسكتش وقلم رصاص او ورقتين بيض وقلم رصاص
شاهر: حاضر هخلي سيرين تجيبهملك حاجة تانية مش عايزة اكل او اي حاجة
حلا: لا شكرا تسلملي
خرج شاهر واخبر سيرين بما تريده حلا وجلبتهم واعطتهم لحلا وخرجت حلا امسكت الإسكتش واخذت برسم شكل الرجلين وعندما انتهت اخذت هاتف قصي وصورت الرسمتين وبعتتهم لأمان على الواتس واتصلت به
حلا: السلام عليكم
امان بنعاس: وعليكم السلام اخبارك ايه يا حلا
حلا: انا الحمد لله انت اخبارك ايه اسفة لو كنت قلقتك وانت نايم معرفش انك في البيت
امان: انا كويس الحمد لله لا عادي ولا يهمك اهي مرة من المرات ترديهالي ما انا ياما كلمتك وقلقتك........ايه في ايه مش من عوايدك تكلميني من تليفون قصي خير في حاجة
حلا: اه بكلمك من تليفون قصي علشان تليفوني اتسرق المهم انا بعتلك رسمتين لرجلين من رقم قصي على الواتس عاوزاك تعرفلي مكانهم فين واتواصل معايا من على تليفون فارس او قصي لحد ما اجيب تليفون تاني
امان: حاضر اول ما اروح على المركز الصبح هقول للواد فريد اخبار قصي ايه
حلا: الحمد لله كويس
امان: ابقي سلميلي عليه
حلا: حاضر يوصل اسيبك بقى تكمل نوم عاوز حاجة
امان: لا سلامتك
حلا: تصبح على خير
امان: وانتي من اهل الخير
اغلقت حلا مع امان ووضعت الهاتف بجانبها واسندت رأسها على الكرسي وشردت قليلا وعندما تعبت اغمضت عينيها قليلا
__________________________________
اشرقت الشمس لتتغلغل أشعتها وتزعج قصي تململ بإنزعاج وتعب حلا شعرت به ففتحت عينيها ونظرت له وعندما انتبهت للنافذة قامت واغلقتها واغلقت الستائر ثم عادت جلست على الكرسي وهي ممسكة برأسها فكان يؤلمها بشدة فهي لم تنم لمدة اربعة ايام دقائق عديدة واستيقظ قصي وفتح عينيه والتف رأى حلا بجانبه تمسك رأسها ومغمضة عينيها وتعقد حاجبيها بإنزعاج وألم
قصي: حلا
حلا فتحت عينيها واقتربت منه: حبيبي عامل ايه دلوقتي فيه حاجة وجعاك اندهلك شاهر
قصي قام ليعتدل بجلسته وحلا ساعدته ثم اردف: لا انا كويس......هو ايه اللي حصل
حلا: انت اخر حاجة فاكرها ايه
قصي بتذكر: انهم طلبوا منك تخلعي الخاتم وبعدين ايه اللي حصل
حلا بتوتر: محصلش حاجة
قصي بشك: اممم لا تصدقي صدقتك حلااا حصل ايه اوعي تكوني قلعتي الخاتم واديتهولهم
حلا بتوتر: يعني الخاتم ولا حياتك اكيد حياتك مش هتفرق يعني يا قصي وبعدين ما انت جايبلي اتنين تانيين مش هتفرق ان نقص واحد
قصي ببعض النرفزة: يعني قلعتيه
حلا بتوتر: ا....اه
قصي بغضب: انا مش قولتلك متقلعيهوش
حلا: وانت مالك متعصب كدة ليه طبيعي هقلعه حياتك اهم من الخاتم يا قصي ايه اللي يدايق في كدة
قصي: اللي يدايق ان ده رمز الجواز يا حلا وانتي اتخليتي عنه بكل سهولة
حلا بعصبية: والله يعني علشان متخلاش عن رمز الجواز اتخلى واضحى بحياتك انت اتجننت ده كان على شوية وهيموتك وانت تقولي رمز الجواز قصي الخاتم ممكن يتعوض ونقدر نجيب بدله مليون خاتم بس الإنسان مبيتعوضش انا مش رخيصة لدرجة اني اضحي بيك علشان حتة خاتم ايا كان هو بيدل على ايه
قصي بغضب: بس المفروض الخاتم ده ميتخلعش من ايدك يا حلا غير لما ابقى اموت ابقي اخلعيه
حلا بغيظ: انت ليه محسسني اني خلعته بمزاجي واني كنت عايزة كدة وبعدين لو الخاتم هيتسبب في موتك فأنا مش عايزاه والارتباط مش بالخواتم على فكرة ما فيه ناس كتير عايشين في قصور وعندهم مجوهرات اشكال والوان وبدل الخاتم مليون بس مش مبسوطة في حياتها ولا مع ازواجها وانت سيادتك زعلان علشان حتة خاتم
قصي: ايوة ادايق لانك المفروض وعدتيني انك مش هتقلعيه بس اخلفتي بوعدك
حلا بغيظ: لحظة بس مأفتكرش اني وعدتك بحاجة زي كدة ثم لحظة بقى يعني لو انا اللي كنت مكانك وطلبوا منك تخلع الدبلة كنت هتفضل محتفظ بيها علشان ديه رمز الجواز وهضحي بيا عادي
قصي: حلا متغيريش الموضوع
حلا: انا مغيرتش الموضوع يا قصي وعلى فكرة بقى انا مش ندمانة على اللي عملته ومش هندم اذا انت الخاتم بالنسبالك اهم حاجة فأنا معنديش حاجة اهم منك ولا حتى كنوز الدنيا ولو الموقف ده اتعاد تاني مستعدة اديهم املاكي وفلوسي كلها مش بس محبس الزواج ولو انت زعلان اوي على الخاتم هجيبهولك يا قصي بس مكونتش اعرف اني في نظرك رخيصة اوي للدرجادي
قصي بغيظ: متحوريش الكلام على مزاجك انا مقولتش انك رخيصة فمتقولنيش كلام انا مقولتوش
حلا: انا مبحورش الكلام على مزاجي بس ده معنى كلامك
دلف هنا شاهر وهو مبتسم: يا الف حمد لله على السلامة ايه يا عم خضتنا عليك
قصي بجمود: الله يسلمك
شاهر بإستغراب: في ايه
قصي: مفيش
حلا: شاهر هو لو انت طلع عليك شوية حرامية وكانوا ماسكينك وحاطين على رقبتك سكينة وبيهددوا مراتك يا إما تخلع خاتم الزواج او يقتلوك وهي خلعته هتدايق
شاهر: هو الموضوع يدايق لانه رمز الجواز بس في نفس الوقت لو هي كان حصلها حاجة كنت هندم في ستين الف داهية الخاتم المهم هي ميحصلهاش حاجة
حلا: يعني هتدايق ولا لا
شاهر: لا طبعا يعني لنفترض انها احتفظت بالخاتم والحرامية دول خلصوا عليا هتبقى نادلة اوي يعني وبُصي انا هعتبرها عن نفسي واحدة طماعة وبتحب الفلوس والمجوهرات بس مبتحبنيش والارتباط عمره ما كان بدبلة او بخاتم يعني ايه تضحي بيا علشان خاتم ايا كانت قيمته
حلا: يعني مش انا الوحيدة اللي بفكر كدة اهو
شاهر نظر لهم هم الاثنين وبإستغراب: هو في ايه
حلا: مفيش بس صاحبك مدايق لاني خلعت المحبس اللي هو رمز الزواج علشان يسيبوه وميقتلهوش وفاكر اني كدة مش مهتمة بإرتباطنا ولا يفرق معايا اصلا ده بالاضافة انه فاكر اني خلعته بمزاجي يعني كان ليا مزاج فعلشان كدة خلعته طلع الخاتم اهم عنده
قصى: اه ما هو بالنسبالك حاجة مش مهمه وسهل تخلعيه كدة عادي ولا كإنه مهم عندك اصلا او يعنيلك حاجة
شاهر: ينفع تهدوا بقى انتوا الاتنين وتبطلوا خناق وانت يا قصى كنت عاوزها تعمل ايه وهما بيهددوها بيك يعنى وعمتا خلاص اللي حصل حصل والحمد لله انكم كويسين
حلا بغيظ: قول لصاحبك الكلام ده مش ليا قال بيتخانق على محبس قال عموما هبقى اجيبلك المحبس لو زعلان عليه اوي ويفرق اوي معاك
شاهر بنفاذ صبر: لا حول ولا قوة إلا بالله ما تتهدوا وتسكوتوا شوية انتوا مبتشبعوش خناق
حلا: هو اللي ليه مزاج للخناق وعاوز يتخانق انا مفتحتش الموضوع
قصي: انا عاوز اخرج من هنا
شاهر نظر لهم بحيرة: طب خليك شوية طيب
قصي: لا عاوز اروح هرتاح في البيت اكتر
شاهر: طيب على راحتك هكتبلك على خروج وشوية ادوية بس لازم تاخدهم في معادهم ومتطنش
اومأ قصي بتفهم وهنا دلف لوئي ومعه ملابس لقصي
لوئي: عامل ايه دلوقتي يا قصي
قصي: الحمد لله كويس
لوئي اعطى لحلا الكيس: لو عوزتي اي حاجة انا برا
اومأت حلا بتفهم وخرج لوئي حلا اخرجت ملابس قصي واقتربت لتساعده ولكنه رفض وجذب منها الملابس وارتداها هو ولكن عندما جائت لتساعده بإرتداء الحذاء وهو رفض
حلا بغيظ: مش هتقدر توطي راسك هتتعب فإهدى شوية
كان قصي سيرفض ولكنها جذبت قدمه بغيظ وساعدته بإرتدائه بالقوة وربطت له رباط الكوتشي حلا جهزت اغراضه وحملتها ومدت يدها له لكي تسنده ولكنه عاند ووقف فشعر بدوار شديد وامسك رأسه وجلس مرة اخرى على الفراش
قصي: اندهيلي لوئي من برا
انزعجت من تصرفه هذا وجرحها ايضا ولكنها كانت تشعر بالتعب ولا تقدر على المناهدة فخرجت
لوئي بإستغراب: فين قصي
حلا بضيق: ادخل انت ساعده لانه رافض مساعدتي ومش طايقني ومتسألش ليه
لوئي نظر لها بإستغراب: هو انتوا لحقتوا تتصالحوا علشان تتخانقوا تاني
لوئي دلف وساعد قصي واسنده وخرج به من الغرفة وحلا خلفهم وعندما وصلوا للسيارة ولوئي فتح له باب السيارة
قصي بجمود: انا هركب معاك يا لوئي
لوئي نظر لحلا التي تنظر لقصي بحزن ثم نقلت نظرها للوئي واومأت له بالموافقة لوئي اخذه واصعده معه بالسيارة وانطلق للبيت حلا صعدت بسيارتها وجلست قليلا وهي تعقد حاجبيها وتغلق عينيها بألم فشعرت ألم يغزو قلبها وكتفها وذراعها اليسار بأكمله لدرجة من شدة الالم امسكت ذراعها اليسار ظلت قليلا على هذا الحال ثم الالم خف قليلا ثم اشعلت السيارة وانطلقت عائدة للبيت قصي ولوئي وصلوا قبل حلا فدلف لوئي وقصي للصالون عندما رأته
سلمى شهقت بفزع: قصي
لوئي: هو كويس اهدي بس كدة
اجلسه لوئي على الاريكة وجلست بجانبه سلمى تملس على شعره تارة وتربط على كتفه وظهره تارة اخرى بحنان وحب
قصي: ماما انا كويس مفيش داعي للقلق ده
احمد بنرفزة: انت ايه اللي عمل فيك كدة وامتى وازاي متقوللناش
عادت حلا للمنزل وسمعتهم وهم يتحدثون كانت تشعر بالتعب الشديد فصعدت لغرفتها لتأخذ شاور سريع وتبدل ملابسها......في الاسفل
قصي: مكناش عاوزين نقلقكوا وبعدين انا كويس اهو
انجلي بقلق: طب ايه اللي عمل فيك كدة وفين حلا
قصي بإنزعاج: معرفش
لوئي: هتلاقوها جاية ورانا اللي حصل ان طلع عليه حرامية او قطاع طرق و.....
قص عليهم لوئي ما حدث
سلمى بصدمة: يلهوي كل ده يحصل مع اخوك ومتقوليش يا لوئي
لوئي: يا ماما حالته كانت مستقرة وكويسة مفيش خطورة عليه محبتش اقلقكوا وانتوا كنتوا خارجين علشان تغيروا جو
قصي: الموضوع مش مستاهل ولو كان قالكوا كنت هدايق منه
فاطمة: اهم حاجة انكوا كويسين في ستين داهية اي حاجة تانية
حلا دلفت عليهم: لا ازاي الخاتم اهم بالنسبة للاستاذ قصي......السلام عليكم
الجميع: وعليكم السلام
سلمى: خاتم ايه بس يا حلا اللي بتتكلمي عنه المهم انكوا انتوا الاتنين سُلام محصلكوش حاجة
حلا: ما انا عارفة ان الخاتم يتعوض بس البني ادم مبيتعوضش فهمي ابنك بقى الكلمتين دول
قصي: كان المفروض مهما حصل متخلعهوش
احمد بصدمة وإستغراب: اومال انت عاوزها تعمل ايه وهما بيهددوك تقولهم بُصوا ادبحوه واشربوا من دمه هو في ستين الف داهية الخاتم اهم
قصي: يا بابا ده رمز للجواز مينفعش تخلعه إلا لما ابقى اموت بقى
انجلي بإستغراب: طب ما هي كدة كدة كانت هتخلعه بس تخلعه علشان تنقذك ولا تخلعه لانك مُت خلاص انت مالك يا بني ديه كان فيها موتك وهي مغلطتش على فكرة لنفترض انك مُت الخاتم كان هينفعها بإيه ها
حلا: لا ازاي انا غلطانة ازاي اخلع الخاتم اللي هو رمز للجواز فبما اني غلطانة ومعرفتش احافظ على الخاتم ده مش هلبس خواتم تاني
قصي نظر لها بغيظ: نععععم
حلا ببرود وغيظ: ده اللي عندي انا سيبتلهم الخاتم اللي ابويا جابهولي من صغري ومزعلتش عليه زي ما انت زعلان على خاتم بقاله كام يوم في ايدي وابويا مزعلش على الخاتم اللي جابهولي من عشر سنين اي نعم غيرته علشان المقاس بس هو هو نفس الشكل وكل حاجة واسمي مكونتش بخلعه من ايدي ولا مرة خلعته لانه كان غالي عليا وذكرى منه ومترددش لحظة واحدة اني اخلعه علشان انقذك وبالنسبة للمحبس اللي انت زعلان عليه حاولت مخلعهوش واتظاهرت انه ضيق ومش راضي يتخلع بس هو غرز السكينة في رقبتك وجرحك وحتى لوئي مانعني على اساس انه يصدق ويسيبك بس هو كان رافض وكان مُصر يا الخاتم يا رقبتك المفروض اني اشوفك بتموت واتصرف ببرود اعصاب ومخلعش الخاتم علشان هو رمز للجواز
قصي بنرفزة: اه ما انتي لا يفرق معاكي جوازنا ولا الخاتم ولا انا افرق معاكي اصلا انجلي نكزته بذراعها وبغيظ: قصيي
قصي نظر لها بغيظ: انتي مش شايفة كلامها مستفز ازاي
سلمى بغيظ: كلامها هي برضه اللي مستفز
فهد: لو انت متفرقش معاها مكانتش ضحت بكل اللي معاها بما فيهم خاتم الجواز والخاتم اللي بابا يحي جايبهولها علشان تنقذك
انجلي: ما تتكلمي يا حلا وتقولي حاجة
حلا بتعب وحزن: معنديش كلام اقوله كدة كدة مهما اتكلمت مش هيفيد واخوكي مش هيقتنع بس لو الموقف ده اتكرر تاني اوعدك اني هخلع المحبس برضه بس هخليهم يخلصوا عليا علشان متزعلش اوي على المحبس وابقى ساعتها خده ده لو عرفت تاخده عن اذنكوا
خرجت حلا واتجهت للمطبخ طلبت من ساجدة ان تحضر لها قهوة وصعدت لغرفتها اخذت مخدرها وسلاحها ومفاتيح سيارتها ونظارتها ثم هبطت
انجلي لقصي عندما حلا خرجت: عجبك كدة دايما كدة بتجرحها بالكلام انت يابني مبتحرمش يعني انت لسة مصالحها امبارح من جرح برضه مسببهولها بغبائك وتهورك ولسة الجرح الاولاني متقفلش تروح تجرحها تاني هو انت مُصر على خراب بيتك قصي لو فضلت كدة حلا هتبعد عنك ومش هترجع مهما عملت وساعتها هتندم وبصراحة هيكون معاها حق
سلمى: تصدق بالله لما كانت بعيدة عنك كان اريحلها
قصي: يا ماما ان.........
سلمى: بلا ماما بلا زفت يابني حرام عليك هي مش ناقصة تعب وباين عليها تعبانة اصلا ومنامتش حرام عليك يا شيخ اللي انت بتعمله فيها هي متستاهلش منك كل ده وعلى فكرة بقى حلا معاها حق ومغلطتش انت اللي غلطان يعني انت لو مكانها كنت هتسيبهم يقتلوها ومش هتديهم دبلتك علشان ديه رمز للجواز قصي قولتلك حلا بتحبك حب عمر ما هتلاقي اللي يحبك ربعه وقولتلك انها مستعدة تعمل علشانك اي حاجة والاهم عندها راحتك وسعادتك بلاش توصلها لمرحلة الندم وتخليها تندم على اليوم اللي حبيتك فيه وواقفت على الجواز والقرب ومفضلتش بعيدة عنك وعلى فكرة لو حلا بعدت عنك انت اللي خسران انت كدة بتدمر حياتك وحياتها وبتوجع وتعذب قلبك وقلبها حرام عليك
احمد بغيظ: هو مش هيعرف قيمتها غير لما تبعد بس ساعتها هيبقى بُعد من غير راجعة وانا اللي هبعدها عنه
قصي صمت ولم يتحدث دلفت عليهم ساجدة
ساجدة: هي فين مدام حلا
مها: معرفش
حلا من خلف ساجدة بتعب: انا اهو يا ساجدة
ساجدة التفت لها: القهوة بتاعت حضرتك
حلا اخذتها: تسلميلي تعبتك معايا
ساجدة: تعبك راحة عن اذنكوا
حلا ارتشفت قليلا من القهوة
جميلة صرخت: انتي يا زفتة يا حلاااا
حلا انتفضت بفزع ونظرت لها
جميلة: انتي بتشربي قهوة على معدة فاضية ومأكلتيش حاجة من امبارح سيبي القهوة وروحي كُلي
حلا تنهدت بحرارة وتعب واغمضت عينيها بألم وانزعاج: يا شيخة حرااام عليكي قلبي وجعني من الخضة اكتر ما هو واجعني لازم تصرخي
مها: حلا مينفعش تشربي قهوة كدة على معدة فاضية هتتعبي يا حبيبتي طب على الاقل كُلي سندوتش حتى
حلا بتعب: ماما انا لو استنيت السندوتش ممكن انام ولو دلقتوا عليا ماية مغلية مش هصحى
روما: طب ما تطلعي تنامي يا بنتي شكلك تعبان
حلا: انا لو مكتوبلي الراحة كنت هرتاح مش هستناكي تقوليلي
لوئي: بس يا حلا انتي من امبارح منمتيش وعلى ما اعتقد عندك شغل ومهمة تقريبا انهاردة
حلا ابتسمت بسخرية وتعب: متأكد اني من امبارح بس منيمتش
فارس بإستغراب: اومال بقالك قد ايه
حلا: حوالي خمس تيام
مها شهقت بفزع: يلهوي طب اطلعي نامي
حلا: انام مين هو اللي عنده اخوات زي روما ومايا وإيلين ينام ولا يرتاح امبارح لما رجعت من الشغل قولت انام وارتاح علشان عندي مهمة انهاردة وشغل اول ما عيني راحت في النوم وهموووت وهلكانة تعب يجوا يصحوني علشان يخرجوا وانا مال اهلي ما تخرجوا حد قالكوا ان الخروجة هتقف عليا بس لا ازاي لازم اخرج وكانت خروجة منيلة بستين نيلة مخدتش منها غير وجع القلب والتعب وياريتني غيرت جو او فكيت مش هقول غير حسبي الله
فارس: انتي كدة مش هتيجي معايا المهمة بكرة
حلا: لحظة بس كدة هو انت مهمتك بكرة
فارس: انتي ناسية يا حلاوتك اه بكرة ياختي صباح النور
حلا: نور ايه انا مش شايفة في حياتي غير ضلمة بتتكلم جد يا فارس
فارس: اه والله ده انتي كنتي ناسية بجد بقى
حلا: وحياتك مهمتي بتاعت انهاردة لوئي هو اللي مفكرني بيها دلوقتي بقولك بقالي خمس تيام منيمتش ومش مجمعة ومعرفش انا جيت سايقة ازاي ومعملتش حادثة بُص هو انا المرحلة الجاية هنسى اسمي بإذن الله
مايا: طب اطلعي نامي شوية لحد مهمتك بليل
حلا: عندي شغل لو كان ينفع كنت نمت
انجلي: طب مش كنتي في المستشفى يا حلا منمتيش ليه
حلا: فضلت صاحية علشان لو قصي صحي واحتاج حاجة وقلبي كان واجعني فمعرفتش انام في جميع الاحوال عادي مش هتفرق ياما فضلت بالاسبوعين والتلاتة منامش......بس فيه حاجة بقى عاوزة اقولها ولو متنفذتش هتزعلوا مني جامد والكلام للكل ماعدا بابا وماما وتيتا وعمي ومرات عمي وخالتو
آسيا: يعني الكلام للبنات والشباب
حلا: اها.....بعد كدة لو كنت نايمة وحد جيه يصحيني لاي سبب ان شاالله البيت بيولع سيبوه يولع بيا انا راضية ملاقيش كلبة او حيوان يدخل يصحيني لان انتوا متعرفوش انا تعبانة قد ايه انتوا بتناموا انا مبنامش فلو حد دخل صحاني يبقى يتصل بالاسعاف قبل ما يدخل علشان بإذن الله هفتحله دماغه وهدخله العناية المركزة ونرفزتي وحشة اديني نبهت من الاول علشان اقسم بالله ما حد هيرحمكوا من ايدي مش ذنبي ان انتوا بترتاحوا انا مبرتاحش مش هتفرق تخرجوا بيا او من غيري بس انا هيفرق معايا ارتاح ولا لا
فارس: طب يا حجة هتركزي ازاي في المهمة
حلا: معرفش زي ما تيجي تيجي يكشي مرجعش وارتاح للابد
يحي بنرفزة: حلاااا
حلا: عارفة لو قولت كدة تاني هتزعل وهتتعصب عليا خلاص يا بابا انا كنت اقصد يعني اتصاب واتحجز في المستشفى وابعد عن البيت شوية وشكلي كدة هحضر لاختفاء محترم
سامية: لا عاوزة تختفي ممكن تروحي تقعدي في بيت جوزك
حلا ابتسمت: اما انا عاوزة ابعد عن جوزي وعن الكل وافضل لوحدي انتي بتقوليلي اروح اقعد في بيت جوزي وماله علشان تيجوا تلاقوني قاطعة شرايني او شانقة نفسي
هنا هاتف قصي اعلن رنينه وكان مع حلا اخرجته من جيبها واجابت
حلا: السلام عليكم
امان: وعليكم السلام قولت افكرك ان عندك مهمة انهاردة وبكرة مهمة فارس
حلا: والله ما عارفة من غيرك يا امان كنت عملت ايه شكرا بس فارس ولوئي سبقوك وفكروني انت في المركز
امان: اه
حلا: طب تلتاية كدة وهكون عندك فجهز الاوراق اللي قولتلك عليها قبل كدة وابوس ايدك مش عاوزة انهاردة نرفزة وازمات قلبية يعني تجيلي مصحصح بدل ما أصحصحك بس بعد ما تتهزأ قدام المركز كله
امان ضحك: لا متقلقيش انا مصحصح
حلا: طب كويس علشان انا مش مصحصحة انهاردة.....بقولك عادل موجود في المركز
امان: لا سمعت انه كان في مهمة امبارح واتصاب وفي المستشفى
حلا: يكشي يفضل فيها وما يخرج بس عارف لو جيت ولاقيته هولع فيك وفيه بس انت الاول
امان ضحك: طب انا ذنبي ايه
حلا: مليش فيه انا تعبانة ومش ناقصة حرقة دم على الصبح وهفضل يومين مطبقة كمان يعني بالصلاة على النبي من غير حسد بقالي اسبوع لا نمت ولا ارتحت ولا شوفت او دوقت طعم الراحة فاللي هيقولي بم هنفجر فيه علشان انا على اخري
امان: معلش
حلا بغيظ: ايه ده لا تصدق ارتحت لالا بجد ريحتني قولها كدة تاني
امان ضحك: طب اقولك ايه طيب
حلا: انا مكرهش في حياتي قد كلمة اسف بعد ما المصيبة تحصل اللي هي مبتفيدش اصلا بحاجة وكلمة معلش لانها بتنرفزني وبتتعب اعصابي اكتر ما هي تعبانة وكلمة مالك لانه بيبقى واضح جدا اني تعبانة وتيجوا تسألوني بكل برود مالك هكون مالي عاملة فرح مثلا ومش لاقية اللي يفرح معايا
الكل ضحك حتى امان
امان: طب نعملك ايه
حلا: ما تتكلموش نهائي والله ما عايزاكوا تعملولي حاجة انتوا يوم ما بتعملوا بتودوني في داهية وبتتسببوا في موتي ومصايب ملهاش اول من اخر ده بالاضافة لكلمة خليها عليكي المرادي مع اني دايما مخلياها عليا بس اني اشوف قرد فيكوا شايل عني مرة ابدا محصلتش ومش هتحصل
امان ضحك بخفة: قرد بقى على اخر الزمن بتشبهينا بالقرود
حلا: معاك حق القرد جنبكوا قمور ومز وينفع انما انتوا مبتنفعوش غير انكوا تعملوا المصايب وتجيبوهالي واتصرفي انتي بقى مع نفسك
امان: والله مش عارف اقولك ايه احرجتيني من المديح ده
حلا بغيظ: غور يا امان بدل ما تتهزأ على التليفون وفي المركز يا بابا امشي
امان ضحك بخفة: حاضر سلام
حلا: بقولك متتصلش على تليفون قصي تاني وانا جاية هجيب تليفون ماشي
امان: تمام سلام
حلا: سلام
اغلقت معه واعطت لقصي التليفون ودلفت لمكتبها اخذت بعض الملفات وخرجت
حلا: بابا انا احتمال مرجعش انهاردة وابات في المركز علشان مهمة بكرة تمام
اومأ يحي بتفهم
حلا: فارس لو عوزت حاجة هتجيلي على المركز
فارس: قصدك انهاردة ولا بكرة
حلا: انهاردة او بكرة بس لو انهاردة يبقى قبل الساعة ١١ بليل علشان مهمتي
فارس اومأ بتفهم
حلا: خلي تليفونك بصوت علشان لو عوزت حاجة ها وهتصل بيك من رقم غريب علشان تبقى عارف ابقى سجله
فارس: حاضر
مها: طب هترجعي بكرة ان شاء الله امتى يا حلول
حلا: معرفش يا ماما بس ممكن ارجع في وقت متأخر فمتستنينيش وهبقى اكلمك اطمنك ماشي بس في حالة اتصلتي بيا وتليفوني مغلق يبقى يا إما في المهمة او فصل شحن تمام فبلاش تقلقي اوي لو حصلي حاجة فارس هيقولكوا اكيد مبيخبيش حاجة عنكوا اصلا تمام يلا سلام
خرجت حلا وانطلقت للمول واشترت هاتف وخط جديد ثم ذهبت للمركز وجلست تعمل حتى المساء وقصي صعد ليرتاح قليلا حلا ظلت منهمكة في العمل حتى التاسعة مساءا دلف عليها امان
امان: حلا
رفعت حلا نظرها له: اممم
امان: ده عنوان الشابين اللي بعتيلي رسمتهم على الفجر كدة
حلا اخذت الورقة: اممم تمام فارس موجود
امان: اه
حلا: هاتلي ثلاث رجال من الفريق وقول لفارس انه يجي معانا
امان بإستغراب: هتعوزي الرجالة ليه وهنروح فين
حلا وهي تقف وتأخذ سلاحها ومفاتيح سيارتها: هنقبض عليهم انجز واتحرك وبلاش رغي كتير مستنياكوا برا في العربية
خرج امان واخبر فارس واخذ ثلاث رجال وصعدوا مع امان بسيارة الشرطة وفارس صعد بسيارته وانطلقوا خلف حلا وعندما وصلوا للمكان
حلا بصرامة للشباب: انتوا هتستنوني هنا لحد ما اقولكوا تدخلوا سيادة النقيب امان هتيجي معايا والرائد فارس كمان يلا
دلفوا للمكان ورأت حلا الشابين الذين كانوا يهددوها بقصي جالسين حلا لفت وجهها تجاه امان
حلا: امان
اومأ امان بتفهم واغلق الباب الشابين نظروا لهم
الرجل الثاني: انتي.....انتي عرفتي مكانا ازاي
حلا: تؤ تؤ مش ده السؤال المناسب اللي لازم تسأله كان لازم تسأل انا مين وبعمل ايه هنا
الرجل الاول بسخرية: هتكوني مين يعني وبعدين لو جاية وفاكرة انك هتاخدي مجوهراتك والموبايل فمتحلميش
حلا: تؤ ده انا احلم واحقق حلمي كمان اما بخصوص انا مين فهعرفك دلوقتي بس الصبر واما بخصوص المجوهرات انا مش جاية علشانها ولا عايزاها حتى
الرجل الاول بإستغراب: اومال جاية ليه
حلا وهي تخلع ساعتها والبليزر: جاية اخد حقي وانتقم من اللي عملتوه امبارح في جوزي
الرجل الثاني بسخرية: وهو مجاش ياخد حقه ليه شكلك متجوزة رجل كرسي
وضحك هو والرجل الاول
حلا بهدوء ممزوج بالقليل من الغضب: لا هو من ناحية راجل فهو ارجل من مليون دكر زيكوا ده لو كنت دكر اصلا وارجل من اللي خلفوك واللي يتشددلك كمان لان انتوا لعبتوا مع الاشخاص الغلط اللي ضربتوه امبارح وكنتوا هتقتلوه ده رجل اعمال مشهور يعني اللي يئذيه او يقربله يبقى بيلعب في عداد عمره ثانيا هو جوزي واللي يحاول يلمس شعرة منه اصفي دمه واشرب منه وللاسف حظك وحش وقعت مع حد مبيرحمش
الرجل الثاني: وانتي فاكرة اننا لوحدنا تؤ تبقي غلطانة
اردف بجملة غير مفهومة بصوت عالي فخرج شباب كثير من جميع الجهات واللي معاه عصى خشب او عصى حديد واللي معاه سكين واللي معاه سلاسل من حديد واسلحة تانية كتير امان وفارس وقفوا بجانب حلا
حلا بسخرية: يعني انت عارف انك مش دكر علشان كدة جيبت شوية جرابيع يحموك بس فيه حاجة لو فاكر انهم هيحموك تبقى غلطان
الرجل الثاني بغضب: انا هوريكي اللي مش دكر هيعمل ايه.....انتوا واقفين مستنيين ايه خلصوا عليهم
حصل اشتباك بين رجالتهم وحلا وفارس وامان ولكنهم قضوا عليهم واصبحوا جثث مهلكة على الارض الرجل الاول والثاني ارتعبوا من قوتهم ومن جبروت حلا حلا كان بها القليل من الكدمات بوجهها وفمها وانفها نزفوا القليل من الدماء وجرح صغير بجبينها اقتربت حلا منهم بهدوء ولكن الرجل الثاني اخرج سلاحه وكان سيضربها ولكنها فهمت ما ينوي فعله وكانت اسرع منه في رد الفعل اخرجت سلاحها واطلقت النار على يده فسقط السلاح من يده واخذت يده تنزف الرجل الاول ركض وعندما جاء الثاني ليركض امسكته وضربته بالرُسية في انفه فنزف واختل توازنه والقته لفارس ليتعامل معه وركضت خلف الاول حتى وصلت له وامسكته ولكنه كان معه مطوة فإلتف وجرح يدها بالمطوة فرفعت يدها من عليه وهي تتألم وعندما جاء ليهرب امسكته بيدها الاخرى ولوت ذراعه الذي يمسك به المطوة وغرزتها بقدمه ونزلت فيه ضرب حتى وجهه امتلئ بالكدمات وانفه وفمه ينزفان وضربته بقدمها بقوة فإندفع للخلف بقوة واصطدم ظهره بالحائط فوقع ارضا ولكنه لم يفقد الوعي امسكت حلا السكين التي كانت معه وعصى حديد الرجل عندما رأى ما تمسكه انفزع حاول ان يقف حتى استطاع واخذ يعود للخلف
الرجل الاول بخوف: على فكرة انتي كدة بترتكبي جريمة قتل والحكومة مش هتسيبك
حلا ضحكت: حكومة ايه اللي مش هتسبني ده انا الحكومة بذات نفسها
الرجل انصدم: ايييه
حلا: اه نسيت اقولك اني الرائد حلا
انتفض جسد الرجل بفزع وانصدم واردف بتلعثم: ه...ه...هو...ا...انتي...ال...الرائ...د ح....حلا
حلا: ايه ده ده انت طلعت عارفني اهو بس متعرفش ان اللي يئذي حد مني او يخصني يبقى هو كدة بيحرب على موته
الرجل: انا اسف والله ما كنت اعرف ابوس ايدك سيبيني
حلا هزت رأسها بالنفي
الرجل: هديكي حاجتك كلها بس سيبيني
حلا: ما انا قولتلك من الاول مش جاية علشان الحاجة بس مش هنكر اني عاوزة الخاتم اللي كنت هتقتل جوزي علشانه بس السبب الرئيسي والاول لمجيئي هنا اني اعلم عليك واعمل فيك نفس اللي عملته في جوزي واكتر
وقبل ان يتحدث الرجل ضربته حلا بالمطوة في رقبته ولكنها جرحته جرح سطحي بحيث لا يشكل خطر عليه ثم ضربته ضربتين بالعصى على رأسه ففقد الوعي فجرته من يده خلفها والقته امام امان
حلا بجدية: دول يتحبسوا وتتفتح قضية بالسرقة ومحاولة قتل ولو هربوا هتشوفوا مني وشي التاني
امان: تمام سعادتك
امان نده على الشباب دلفوا ووضعوا الكلبشات في ايديهم واخذوهم على الحبس
فارس: هتعملي ايه دلوقتي
امان: حلا انتي ايدك مجروحة
حلا: ده جرح سطحي متقلقش....عاوزة ادور على الخاتم بتاع قصي وبتاع بابا علشان اخدهم
اخذت حلا وفارس يبحثون عنهم فوقع صندوق من فارس وهو يبحث دون ان يشعر فإنفتح وخرجت منه مجوهرات كثيرة
فارس بمرح: يخربيتهم ايه كل ده دول شكلهم سارقين إسكندرية كلها
حلا اقتربت من الصندوق وانخفضت اخذت تبحث عن الخواتم حتى عثرت عليهم اخذتهم ارتدت الخاتم الذي اهداها إياه يحي ومدت يدها بمحبس الزواج لفارس
فارس: اعمل بيه ايه
حلا: انت كدة كدة راجع على البيت ابقى اديه لقصي امسك
فارس بصدمة: مش هتلبسيه
حلا بإنزعاج: لا وكدة كدة هو مش بتاعي يخصه هو ميخصنيش امسك وبلا كلام كتير علشان تعبانة ولسة عندي مهمة تاني
اخذه فارس: بس يا حلا.......
قاطعته حلا بتعب وانزعاج: وحياة اهلك يا اخي ما تتكلم في الموضوع انا قلبي تاعبني وتعبانة خلقة ومش ناقصة تعب على تعب اعمل اللي قولتلك عليه.....امان خلي فارس يوصلك على المركز راجع مع الفريق الخطة وانا هروح المستشفى اضمد الجرح ده وهبقى اكلمك نتقابل
اومأ امان بتفهم خرجوا وحلا صعدت بسيارتها وذهبت للمستشفى وسيرين ضمدت لها الجرح وشاهر اعطاها مخدر لقلبها
شاهر: حلا شكلك تعبانة اوي ارجعي البيت ارتاحي واي حد يشيل عنك الشغل
حلا بتعب: لا ونبي لحسن يعملولي مشاكل انا مش ناقصة هنزل بنفسي احسن وان شاء الله هبقى كويسة متقولش لحد حاجة ها
شاهر: طيب بس خلي بالك من نفسك وخلي الحقنة ديه معاكي علشان لو قلبك تعبك ابقي خديها
حلا اخذتها منه: شكرا يا شاهر تعباك معايا معلش
ضربها شاهر على مؤخرة رأسها بخفة: بس يا هبلة احنا اخوات تعيشي وتتعبيني يا ستي فداكي وبعدين هو انا اطول اتعب علشان القمر ده
حلا ابتسمت: افهم انك بتعاكسني ولا بتمدحني
شاهر ابتسم: هو اللي زيك يتاكل على طول معاكسة ايه انا لسة هعاكس
حلا ضحكت: يخرب عقلك عقبال ما تيجي اللي تخليك تاكلها من غير تفكير
شاهر: ياختي اتوكسي قال تيجي قال مش باينلها ظهور
حلا: هتظهر هتظهر مستعجل على ايه
شاهر: انا لا مستعجل ولا حاجة ومش في دماغي اصلا....بقولك ابقي كُلي حاجة بعد المهمة علشان تقدري تكملي
حلا: حاضر يلا بقى انا همشي سلام
شاهر اوصلها لحد سيارتها: حلا انتي كلمتي قصي
حلا بإنزعاج: لا ومش عاوزة اكلمه
شاهر: طب طمنيه عليكي علشان زمانه قلقان انتي مكلمتهوش من الصبح
حلا: لا مكلمتوش بس كلمت ماما وطمنتها عليا وقولتلها تطمن الكل وكلمت انجلي علشان اتطمن اذا قصي اخد ادويته ولا لا واقولها يمكن تكون مش عارفة وقولتلها تقوله وتديله رقمي ده بس ولما اخلص المهمة ان شاء الله هبقى ابعتله مسدچ علشان ميقلقش
شاهر ابتسم: انا على كدة موصكيش على قصي
حلا نظرت له: كدة برضه توصيني عليه لا بُص اكسب في اهلي ثواب ووصيه هو عليا علشان انا خلاص تعبت فضلي تكة واطلع في الروح
اعلن هاتفها عن رنينه وكان امان ودعت شاهر وصعدت بسيارتها وحدثت امان واخبرته اين سيلتقوا وبعد دقائق التقوا وذهبوا لمكان تنفيذ المهمة ووزعوا الفريق
وحلا تتواصل مع امان بسماعة البلوتوث
__________________________________
عاد فارس للمنزل كان الجميع مستيقظ لم ينام احد دلف عليهم فارس
فارس: السلام عليكم
الجميع: وعليكم السلام
رقية بقلق: مال وشك وايه الكدمات ديه من ايه
فارس ابتسم بحب على قلق زوجته: انا كويس متقلقيش
عفاف: ايوة برضه من ايه
فارس: كله بسبب حلا وجوزها كان مال اهلي انا باللي طلعوا عليه وسبتوه
قصي بإستغراب: ومال اللي سبيتونا باللي في وشك
فارس: ما هما ورجالتهم اللي عملوا فيا كدة
عفاف بقلق: ازاي وحلا فين حصلها حاجة
فارس نظر لوالدته: هي حلا اهم مني عندك ولا ايه ده انا حتى ابنك ضناكي
قصي بنرفزة: انطق يا زفت حلا حصلها حاجة
فارس ابتسم: اللي يشوفك وانت خايف عليها دلوقتي ميشوفكش الصبح وانت بتتخانق معاها عموما هي كويسة جروح بسيطة وسطحية
انجلي: طب انا مش فاهمة حاجة ممكن تفهمنا ايه اللي حصل
جلس فارس وقص عليهم ما حدث بالتفصيل وما الذي فعلته حلا بالرجلين
فارس: حلا بتعشقك يا قصي ده لو عليها كانت خلصت عليهم والله لا والاهم نفس اللي حصلك واللي عمله فيك احد الرجال هي ردتهوله الضعف يا بختك يا شيخ
انجلي ابتسمت: طب مش كنت صورتلنا اللي حصل فيديو كان نفسي اشوف حلا وهي بتضربهم
فارس: فيديو مين ياما بقولك جابولنا بتاع خمسين راجل غيرهم قال فيديو قال
سلمى ومها معا بقلق: طب والجرح اللي حلا اتصابته
فارس: هي كويسة وزمانها دلوقتي في مهمتها
مها: طب عاوزة اطمن عليها
فارس: اكيد لما هي تخلص هتكلمك
ثم صمت قليلا
فارس بتذكر: اه صح
اخرج من جيبه محبس الزواج واعطاه لقصي
فارس: حلا قالتلي اديك ده
قصي استغرب
فارس: بُص هو انا معرفش بس باين انها زعلانة منك ومدايقة وجدا لاني لما سألتها مش هتلبسيه ردت عليا رد غريب ومفهمتهوش قالتلي لا مش هلبسه هو ميخصنيش يخص قصي اديهوله فإنت ادرى بمراتك بقى وبتفهمها حاولت اكلمها بس هي كانت تعبانة فمرضتش اضغط عليها
قصي اومأ بتفهم
انجلي بغيظ: تصدق بالله ياريت تزعل منك وتفضل مخصماك لمدة شهر علشان تبقى قرصة ودن محترمة
فارس: انا عاوز افهم حاجة انتوا تقربولنا ولا تقربوا لزوجاتنا علشان نبقى فاهمين إيلين المفروض انها اختي بس بتحب مراتي اكتر وكذلك ماما وانتي المفروض اخت قصي بس بتحبي حلا اكتر منه وطنط سلمى كمان بتحب حلا اكتر وحلا المفروض انها اخت ادم واريان بس بتحب جميلة وآسيا اكتر في ايه مالكوا احنا اخواتكوا برضه يعني مش كدة
مايا: فارس انت اخر واحد تتكلم عن القرابة لانك ياما جيت على حلا علشان قصي
فارس بإحراج: احم خلاص بقى يا مايا ليه نفتح في جوارح بقى
__________________________________
عند حلا ظلت بمهمتها ثلاث ساعات متواصلة وكانت مهمة صعبة وانتهت دون خسائر ولكن كان البعض مصاب إصابات طفيفة وحلا اخذت ضربة سكين سطحية برقبتها وجلست بسيارة الإسعاف والممرضة تعقم لها الجرح امسكت هاتفها رأت والدتها ووالدها متصلين بها كثيرا فأتصلت بوالدتها وانتظرت حتى اجابت
مها بقلق: الو حلا حبيبتي انتي كويسة حلا ردي عليا.....حلا.........
حلا ابتسمت وقاطعتها: طب لما تسكتي وتديني فرصة اتكلم هتكلم
يحي بقلق: حبيبتي خلصتي المهمة على خير انتي كويسة
حلا: اه يا بابا انا كويسة الحمد لله طمن بقى مها علشان مش هتسكت انا عارفة وبعدين انا مش قولتلكوا تناموا طبعا مها هي اللي منيمتكش صح
مها: يا حبيبتي يعني ازاي هنام وارتاح وانتي برا تعبانة وهلكانة في الشغل
حلا: يا حبيبتي انا تمام وكويسة اهو ارتاحي بقى وبطلي القلق الزيادة ده
مها: طب هترجعي امتى
حلا: ماما لحظة خليكي معايا.......النقيب اماااان
التف لها امان فأشارت له فذهب لها
حلا: في ايه
امان: مفيش بس الشباب هيروحوا فأنا بقولهم يفضلوا علشان مهمة فارس وكدة
حلا: لا خليهم يروحوا يرتاحوا وانت كمان روح وارتاح علشان تبقوا مركزين في المهمة متودوناش في داهية
امان: طب وانتي
حلا: انت مالك بأهلي انا هفضل في المركز علشان فيه شوية شغل عاوزة اخلصه علشان بعد مهمة فارس اخد اجازة ده افترى اللي انا فيه ده
امان: خلاص هبات معاكي مش هسيبك تباتي لوحدك في المركز
حلا ابتسمت بمرح: ليه هتبقى الحارس الشخصي ولا ايه يا عم روح ارتاح بلاش تفضحنا بكرة
امان ابتسم: اه الحارس الشخصي اذا كان عجبك يعني
حلا بغيظ: لا مش عاجبني هتعمل ايه يعني روح ارتاح واسمع الكلام
امان: اشمعنا انتي متروحيش ترتاحي انتي بقالك كدة اسبوع منمتيش ومتقنعنيش انك لما روحتي اول امبارح نمتي لاني عرفت من فارس انكوا خرجتوا وان قصي اتصاب
حلا بغيظ: فارس زفت اما اشوفه كل حاجة لازم يقولها يا بني وانت مالك بيا
امان: اه مالي انك اكتر شخص مظلوم في ام المركز ده لو ضابط اتصاب في مهمته بتنزلي تكمليها وكمان دلوقتي مهمتك وبكرة مهمة فارس وانتي بقالك اربع تيام بتواجهي مشاكل في الشغل وملفات صعبة علشان مهمتك السرية والضغط عليكي كبير وكمان اكيد اللي حصل لقصي امبارح تعبك لان ده لوحده ضغط اعصاب ومتقنعنيش لما كنتي في المستشفى عرفتي تنامي لان واضح انك منمتيش
حلا صرخت بألم: ااااااه
امان: ما براحة يا انسة
الممرضة: انا اسفة مكونتش اقصد
حلا: لا عادي ولا يهمك خلاص كدة
الممرضة: اه بس لازم تغيري عليه كل يوم
حلا: تمام شكرا
الممرضة: الشكر لله
حلا قامت: انت كنت بتقول ايه يا امان
امان: كنت بقول انك اكيد منمتيش في المستشفى وباين انك تعبانة يا حلا
حلا ابتسمت: وانت مالك نمت ولا لا
امان: ايوة ما انا عارف انك منمتيش علشان اللي حصل لقصي وخوفك عليه
حلا بغيظ: لحظة بس مين قصي وهو مين علشان اخاف عليه اصلا
مها ويحي والجميع استغرب رد فعل حلا هذا وقصي انزعج كان امان سيتحدث
حلا: سيادة الرائد عادل هنا وبنفسه ايه خير
التف امان فرأى عادل خلفه
عادل: ابدا بس عرفت انك اتصابتي فقولت اجي اطمن عليكي
حلا بغيظ: وتيجي تطمن عليا ليه ان شاء الله بصفتك مين يعني
عادل بنفاذ صبر: جرى ايه يا حلا.........
قاطعته حلا بغيظ: اسمها الرائد حلا ولا حضرتك معندكش فكرة عن الالقاب قبل الاسم وبعدين هو انت تعرفني علشان تاخد وتدي معايا وتقول اسمي كدة سادة
عادل: لا انتي اسمك لوحده حلو ومش محتاج اضافات زيك كدة
حلا ببرود: لا معلش انا بحب احط عليه إضافات اقولك على حاجة علشان متتعبش قولي سيادة الرائد بس من غير اسمي
عادل بغيظ: اممم تمام هحاول بس مأوعدكيش بس مين قصي ده اللي بتتكلموا عنه وحلا هتخاف عليه ليه
حلا بإستفزاز: وانت مال اهلك كنت تقربلي علشان تسأل سؤال زي ده ان شاالله يكون ابويا بذات نفسه هتفرق معاك في حاجة
عادل بغيظ: مكنش سؤال يعني وبعدين مجاوبتيش ايه للدرجادي شخص مهم بالنسبالك
حلا ببرود: لو قولنا اه مهم مين انت بقى علشان تدخل في حياتي كنت جوزي...خطيبي...حبيبي...اخويا مثلا مأظنش وميشرفنيش اصلا
عادل بغضب: ايه يا حلا في ايه ان........
حلا ببرود: اظن انك كنت جاي تطمن عموما يعني لو كنت جاي تطمن تقدر تروح بقى لعيالك ومراتك انا كويسة وشكرا على مجيتك ديه عن اذنك علشان عندي شغل اهم من وقفتي معاك.....يلا يا سيادة النقيب امان
مشيت وتركته دون ان تستمع منه حرف واحد وذهبت لسيارتها التي تركنها بعيد قليلا ووقفت التفت حولها قليلا
امان: بتدوري على ايه
حلا: بشوف لو فيه حد شايفنا ولا حاجة
امان بإستغراب: ليه
حلا لوت ذراعه بغيظ وغضب
امان: ااااااه اي يا حلا والله بتوجع هتكسري دراعي
حلا بغيظ: لا انا هاين عليا اقصلك لسانك اللي دايما بينقط سم وهيوديني في داهية قريب
امان بألم: ااااه طب سيبيني وفهميني انا عملت ايه طيب
حلا تركته وبغضب: انا كام مرة قولتلك يا زفت سيرة قصي متتذكرش طول ما احنا في الشغل هاااا
امان: طب وهو انا اعرف منين انه ورانا
حلا بغضب: مادام متعرفش يبقى تتخرس وتقفل بوقك يا ربي هتموتوني بالجلطة قريب انا مش عارفة الاقيها منين ولا منين حسبي الله ونعم الوكيل كان يوم اسود يوم ما عرفت يا شيخ اني اتنيلت على عين اللي خلفوني اتزفت اتجوزت انا عارفة ان لو اتعرفت اني متجوزة هيبقى بسببك او بسبب فارس تحبوا اشنقولكوا نفسي بدل ما تجيبولي حبل المشنقة لعندي
امان: يعني يا حلا فيها ايه لما يعرف ان قصي جوزك وانك متجوزة ده حتى فيها راحتك
حلا: يختاااااي اه يابا يابني ارحمني قلبي واجعني راحة مين يا ابو راحة فكرك يعني اني ليا مزاج اني اخبي موضوع جوازي ده بالعكس ده انا عاوزة اعلن عن ده اكتر منك بس عادل بيتعاون مع عصابات وتقريبا يعني العصابات ديه بتكره حمايا بابا احمد فلو عرفوا ان انا متجوزة قصي بن العميد احمد الشناوي وهما اساسا بيكرهوني وليا اعداء كتير اما هيصدقوا نقطة ضعف يقوموا مخلصين عليه انتقاما من حمايا ومني وتزوير خبر موته اللي انا وعمي تعبنا علشان نزوره من عشر سنين مبقاش ليه لازمة يا بني حرام عليك هتموتني انا عارفة ان موتي على ايدك
امان: مأظنش ان عادل هتوصل معاه للوساخة ديه انه يقتل قصي
حلا ضحكت: ونبي لتتخرس انا عارفة انا بتعامل مع مين والناس ديه تعمل ايه انا هعلن عن جوازي بس مش دلوقتي فأبوس ايد عيلتك كلها بلاش لا سيرة قصي ولا اسمه ولا علاقته بيا تتذكر في ام المركز روح اتكلم عنه مع لوئي مع فارس ان شاالله تروح تتكلم مع ابوه ذات نفسه انا لا ابعد عني
امان: ايه يا حلا للدرجادي بتحبيه وخايفة عليه بتحميه من اعدائك واعدائه واعداء ابوه عادي يعني هيحصله ايه هيموت مثلا ما فيه زوجات كتير يتمنوا ده لازواجهم
حلا نظرت له بغيظ وغضب: ده انت مُصر تتهزأ ويتمسح بكرامتك سابع ارض واقلب على وشي التاني غور من وشي بدل ما اروح فيك في داهية بتفول في وشي......غوووور
امان ابتسم: خلاص طب علشان حبيب القلب هسكت خلاص
حلا: امان عارف الطريق لبيتكوا ولا تحب اخدك على المقابر يارب خدني وريحني من البلاوي اللي بتتحدف عليا ديه
امان ذهب وهو يضحك حلا وضعت يدها على قلبها بتعب وتذكرت انها تركت والدتها على الهاتف
حلا: الو ماما معلش انا اسفة نسيتك وانا بتكلم مع اللي ما يتسمى امان
مها ضحكت بخفة: لا حبيبتي ولا يهمك بس براحة علشان قلبك
حلا وهي تصعد بسيارتها تنهدت بحرارة: ااااااه قلبي ايه دول هيجلطوني
مها: بعد الشر عنك حبيبتي بس اهدي وبطلي نرفزة
حلا: بُصي قوليلهم هما يبعدوا عني ويبطلوا يستفزوني وانا هبطل نرفزة ده انا لو لمحت بالموضوع مبيفهموش اتكلمت مباشر وبالتفسير وادق التفاصيل وبرضه مبيفهموش طب اعمل ايه قوليلي ونبي اعمل ايه اروح اشوفلي قطر ارمي نفسي تحتيه علشان ارتاح
مها: معلش يا حبيبتي هترجعي امتى
حلا: على بليل كدة يا ماما بس متقلقيش واحتمال تليفوني يفصل شحن ها انا هقفل دلوقتي علشان هسوق ماشي يلا سلام
مها: ماشي يا حبيبتي سلام
اغلقت مها مع حلا وحلا عادت للمركز وجلست تعمل قليلا حتى الصباح هاتفت رقية وطلبت منها ان تجلب لها ملابس فأخذت ملابس لها وذهبت للمركز ودلفت للمكتب رأتها نائمة على المكتب
رقية: حلول
رفعت حلا رأسها ونظرت لها وكانت عينيها حمراء ووجهها شاحب
رقية بقلق: حلا انتي كويسة
حلا بتعب شديد واضح من صوتها: اه انا كويسة بس تعبانة شوية.....جيبتي الهدوم
رقية: اه يا حبيبتي اهي وجيبتلك كمان دوا قلبك
اومأت حلا واخذت منها الثياب ودلفت للحمام الملحق بمكتبها وابدلت ملابسها كانت ترتدي قميص اسود وبنطلون اسود وبليزر ابيض خرجت جلست على الاريكة وهي تضع رأسها بين يديها من شدة الالم رقية جلست بجانبها وطبعت قبلة على رأسها
رقية: طيب ارجعي ارتاحي شوية يا حلا
حلا: لو رجعت وارتحت مش هقدر اقوم يا رقية وكمان فيه شغل لسة مخلصش عاوزة اخلصه
رقية: خلاص هساعدك علشان تخلصيه يلا
جلست رقية معها تساعدها بعملها لتنهيه وظلت معها حتى المساء دلف فارس عليها وجلسوا يتناقشون قليلا في مهمتهم ثم شرحوا الخطة للفريق وذهبوا لمقر التنفيذ ظلوا ساعات في المهمة وحدث اشتباك بين رجال العصابة وفريق فارس وحلا ولكن حلا تسللت للمبنى ودلفت وعندما كانت تلتقي برجال من رجال العصابة كانت تطلق عليهم النار ولكن جاء رجل من خلف حلا وضربها بعصى حديد على رأسها واخر ضربها على يدها ليسقط من يدها السلاح واخذوها وخرجوا من المبنى وفجأة صدع طلق نار شديد فارس انفزع واخذ يبحث عن حلا لم يعثر عليها وعندما التف انصدم و................
__________________________________
يا ترى ما الذي سيحدث لحلا؟!
وما الذي رأهه فارس؟!
وماذا سيفعل قصي مع حلا؟!
